Choying Dzo - Chapter 5

_ch 5__
//sems nyid byang chub sems kyi ngo bo la/_
/lta ba bsgom med spyod pa spyad du med/_
/'bras bu bsgrub med sa lam bgrod du med/_
/dkyil 'khor bskyed med bzlas brjod rdzogs rim med/_
/dbang la bskur med dam tshig bsrung du med/_
/ye nas lhun grub dag pa'i chos nyid la/_
/glo bur rim rtsol rgyu 'bras chos las 'das/_
/'di dag byang chub sems kyi ngo bo ste/_
/nyi ma sprin dang mun pas ma bsgribs la/_
/glo bur ma byas dbyings na ngang gis gsal/_
/rtsol zhing sgrub pa'i chos bcu gang bstan pa/_
/rtsal las glo bur 'khrul ngor gsungs pa nyid/_
/rim rtsol dbang po'i rim pas 'jug pa'i thabs/_
/a ti yo ga rdo rje snying po'i don/_
/ji bzhin rnal du 'byor la bstan pa min/_
/rim 'jug rtsol ba can gyi gang zag rnams/_
/chos nyid gdod ma'i dbyings su drang ba'i phyir/_
/nyan thos rang rgyal byang chub sems dpa'i theg_
/chung ngu gsum la bstan pa'i rim pa ste/_
/krI ya u pa yo ga rnam pa gsum/_
/'bring po gsum la rang bzhin babs kyis grub/_
/ma hA a nu a ti rnam pa gsum/_
/chen po gsum la gdod nas snang ba ste/_
/rgyu 'bras theg pa'i chos kyi sgo dbye bas/_
/skal ldan 'gro ba byang chub gsum la 'dren/_
/kun kyang mthar thug rdo rje snying po'i don/_
/gsang chen rmad du byung 'dir 'jug dgos pas/_
/kun gyi rtse mo 'od gsal mchog mi 'gyur/_
/mngon par byang chub snying po'i theg par grags/_
/chos kyang gnyis las blang dor bya rtsol can/_
/rtsal las rol par shar ba'i rang bzhin gyi/_
/sems dang sems byung bag chags sbyang phyir bstan/_
/de dag sems las ye shes dag par 'dod/_
/blang dor bya rtsol med pa'i chos chen ni/_
/rang byung ye shes byang chub sems nyid kyi/_
/ngo bo thad drang ngang las ma g.yos par/_
/mngon du byed pas gzhan du rtsol mi dgos/_
/rang la bzhag nas gzhan du 'tshol mi byed/_
/'di ni nyi ma'i ngo bo de nyid don/_
/rang gzhag 'od gsal mi g.yo gnas par 'dod/_
/gzhan ni sprin dang mun sel rtsol sgrub kyi/_
/nyi ma gdod sgrub byed dang mtshungs par bstan/_
/des na 'di gnyis khyad par gnam sa bzhin/_
/ding sang a tir rlom pa'i glang chen dag_
/'gyu 'phro'i rtog tshogs byang chub sems yin lo/_
/rmongs pa 'di kun mun pa'i klong nyid du/_
/rang bzhin rdzogs pa chen po'i don la ring /_
/rtsal dang rtsal las shar ba'ang mi shes na/_
/byang chub sems kyi ngo bo smos ci dgos/_
/'dir ni gdod nas dag pa'i byang chub sems/_
/don dam dbyings kyi chos nyid bden pa ni/_
/smra bsam 'das pas shes rab pha rol phyin/_
/ngang gis mi g.yo rang bzhin 'od gsal zhing /_
/'gyu 'phro'i spros dang ye nas bral ba la/_
/ngo bo zhes brjod nyi ma'i snying po 'dra/_
/de yi rtsal ni 'char tshul ma 'gags pa'i/_
/rig pa zang thal rtog dpyod gnyis dang bral/_
/sal gyi gsal yang gzung 'dzin med pa yin/_
/rtsal las shar ba'i rig pa spros pa'i blo/_
/des bskyed gzung 'dzin bag chags sna tshogs can/_
/yul med yul du gzung ba'i yul lnga dang /_
/bdag med bdag du 'dzin pa'i nyon mongs lnga/_
/phyi nang snod bcud 'khrul snang ji snyed de/_
/'khor bar snang ba rtsal las yang shar ba/_
/ma rtogs log par gzung ba'i snang ba nyid/_
/gang nas ma 'ongs gang du ma song la/_
/gar yang mi gnas chos nyid klong chen du/_
/rtogs pas khams gsum yongs grol dgongs pa zhes/_
/a ti lhun grub rdo rje snying po'i lung /_
/kun bzang yangs pa chen pa'i klong nas shar/_
/rnam dag byang chub sems kyi ngo bo la/_
/lta ba'i yul med lta ba'i chos su med/_
/blta bar bya dang byed pa rdul tsam med/_
/sgom pa'i blo med bsgom bya'i chos kyang lhad/_
/spyad dang spyod pa gnyis med lhun grub pas/_
/bsgrub par bya ba'i 'bras bu rdul tsam med/_
/med pa'i chos la bgrod pa'i sa med pas/_
/phyin par bya ba'i lam yang ye nas med/_
/'od gsal thig le chen por grub zin pas/_
/rnam rtog 'phro 'dus bskyed pa'i dkyil 'khor dang /_
/sngags dang kha ton dbang dang dam tshig med/_
/rim sdud la sogs mi dmigs rdzogs rim med/_
/ye nas grub zin sku dang ye shes la/_
/'dus byas glo bur rkyen byung rgyu 'bras med/_
/'di dag yod na rang byung ye shes min/_
/'dus byas nyid phyir 'jig pa nyid dang ni/_
/lhun grub 'dus ma byas zhes gang slad mtshon/_
/'di phyir don dam dbyings kyi ngo bo la/_
/rgyu 'bras las 'das rang bzhin rnam bcu med/_
/rtsol dang bsgrub med sems nyid rnal ma'i don/_
/yod med spros kun zhi bar mkhyen 'tshal lo/_
/chos dbyings rin po che'i mdzod las/_
rtsol sgrub rgyu 'bras las 'das pa'i le'u ste lnga pa'o//

back to Choying Dzo