Prajnaparamita in Eight Thousand Verses Tibetan Translation Chapter 12

From Rangjung Yeshe Wiki - Dharma Dictionnary
Jump to navigationJump to search

//shes rab kyi pha rol tu phyin pa brgyad stong pa/ bam po bcu gnyis pa/ de nas yang bcom ldan 'das kyis tshe dang ldan pa rab 'byor la bka' stsal pa/ rab 'byor 'di lta

ste/ dper na bud med 'ga' zhig la bu mang du yod de/ lda' 'am bcu'am/ nyi shu'am sum cu'am/ bzhi bcu 'am lnga bcu 'am/ brgya 'am stong ngam brgya stong yod la/ de dag thams cad kyi ma na bar gyur na/ de dag bdag cag gi ma ci nas srog gi bar chad du mi 'gyur ba

@139a */ /dang / bdag cag gim ci nas yun ring du 'tsho bar 'gyur ba dang / bdag cag gi ma ci nas lus ma rung bar mi 'gyur ba dang/ bdag cag gi ma ci nas yun ring du gnas par 'gyur ba dang/ bdag cag gi ma ci nas nyam nyes par mi 'gyur ba dang/

bdag cag gi ma la ci nas sdug bsngal gyi tshor ba mi 'byung ba dang / 'di la rig par mi gnas pa med pa dang / lus la yid du mi 'ong ba mi 'byung bar 'bad cing rtsol lo/ /de ci'i phyir zhe na/ 'dis ni bdag cag bskyid de 'di ni dka' ba byed ba bdag cag gi srog spyin

pa 'jig rten kun du ston pa yin no snyam pas 'di la sdug bsngal gyi tshor ba'am sdug bsngal gyi rig pa gang yang 'byung da re zhes bu de dag ma de la bde bar sbyar ba thams cad kyis legs par gzung pas 'dzin legs par sbed legs par bcos pas 'chos shing/ 'di'i

mig gam rnab 'am sna 'am lce 'am lus sam yid la rlung ngam mkhris pa 'am bad kan nam 'dus pa 'am sbrang bu 'am sha sbrang ngam sdig sbrul lam mi 'am mi ma yin pa 'am kun tu 'bab pa 'am nyam thag pa 'am ye 'drog gam mi 'dod pa 'byung ba lus la 'byung nga re zhes de ltar bu de dag

gis ma de la bsams te/ bde bar sbyar ba thams cad kyis 'di ni bdag cag gi ma skyed pa dga' ba byed pa 'di ni bdag cag gi srog sbyin par byed pa 'jig rten ston pa'o zhes 'chos shing bdag ger byed sbed par byed do/ /rab 'byor de bzhin du de bzhin gshegs pa dgra bcom

pa yang dag par rdzogs pa'i sangs rgyas rnams kyang shes rab kyi pha rol tu phyin pa 'di la dgongs te/ gang dag de dag yi ger 'dri ba dang 'dzin pa dang 'chang ba dang klog pa dang kun chub par byed pa dang rab tu 'don pa dang ston pa dang nye bar ston pa dang lung 'bogs pa dang kha ton

byed pa de dag thams cad kyang de bzhin gshegs ba dgra bcom pa yang dag par rdzogs pa'i sangs rgyas kyi mthu dar byin gyi rlabs dang dgongs pa las 'gyur ro/ /'jig rten gyi khams gzhan dang gzhan dag na de bzhin gshegs pa dgra bcom pa yang dag par rdzogs pa'i

@139b sangs rgyas gang ji snyed cig skye bo mang po la phan pa dang skye bo mang pho la bde ba dang 'jig rten la thugs brtse ba dang skye bo phal bo che'i don dang phan pa dang bde ba dang lha dang mi rnams dang sems can thams cad la thugs brtse bdag thugs brtse pa'i phyir da ltar bzhugs te 'tsho

zhing gzhes pa de dag thams cad kyang shes rab kyi pha rol tu phyin pa 'di nyid la dgongs te/ shes rab kyi pha rol tu phyin pa 'di ci nas kyang ring du gnas par 'gyur ba dang ci nas kyang shes rab kyi pha rol tu phyin pa 'di'i ming 'jig par mi 'gyur ba dang ci nas kyang shes rab kyi

pha rol tu phyin pa 'di 'chad pa dang / yi ger 'dri ba dang slob ba la ba dud sdig can nam bdud kyi ris kyi lha dag bar chad byed par mi 'gyur bar mdzad do/ /rab 'byor de ltar de bzhin gshegs pa dag bcom pa yang dag par rdzogs pa'i sangs rgyas rnams kyang shes

rab kyi pha rol tu phyin pa 'di 'chos shing bdag gir mdzad de sbed ngo/ /de ci'i phyir zhe na/ 'di ni de bzhin gshegs pa dgra bcom pa yang dag par rdzogs pa'i sangs rgyas rnams kyi yum ste skyed pa'o thams cad mkhyen pa nyid ston pa'o 'jig rten kun tu ston pa'o/ /rab

'byor de bzhin gshegs pa dgra bcom pa yang dag par rdzogs pa'i sangs rgyas rnams ni 'di las skyes te/ rab 'byor shes rab kyi pha rol tu phyin pa ni de bzhin gshegs pa dgra bcom pa yang dag par rdzogs pa'i sangs rgyas rnams la thams cad mkhyen pa'i ye shes skyed

par byed pa'o ston par byed pa'o/ /de ltar 'jig rten 'di kun tu ston pa'o/ /rab 'byor de bzhin gshegs pa dgra bcom pa yang dag par rdzogs pa'i sangs rgyas rnams kyi thams cad mkhyen pa nyid ni 'di las skyes so/ /rab 'byor 'das pa'i dus na de bzhin gshegs

pa dgra bcom pa yang dag par rdzogs pa'i sangs rgyas gang su dag bla na med pa yang dag par rdzogs pa'i byang chub mngon par rdzogs par sangs rgyas pa de dag thams cad de dag thams cad kyang shes rab kyi pha rol tu phyin pa 'di nyid la brten nas bla na med pa yang dag par rdzogs pa'i byang chub

@140a */ /mngon par rdzogs par sangs rgyas so/ /rab 'byor phyim ma 'ongs pa'i dus na 'byung bar 'gyur ba'i de bzhin gshegs pa dgra bcom pa yang dag par rdzogs pa'i sangs rgyas gang dag bla na med pa yang dag par rdzogs pa'i byang chub mngon par rdzogs

par 'tshang rgya ba de dag thams cad kyang shes rab kyi pha rol tu phyin pa 'di nyid la brten nas bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /rab 'byor da ltar gyi dus na 'jig rten gyi khams gzhal du med cing grangs

med pa'i phyogs bcu'i 'jig rten gyi khams na/ de bzhin gshegs pa dgra bcom pa yang dag par rdzogs pa'i sangs rgyas gang dag skye bo mang po la phan pa dang skye bo mang po la bde ba dang 'jig rten la thugs brtse ba dang skye po phal po che'i don dang phan pa dang bde ba dang

lha dang mi rnams dang sems can thams cad la thugs brtse ba dag thugs brtse ba'i phyir bzhugs te 'tsho zhing gzhes pa dag bla na med pa yang dag par rdzogs pa'i byang chub mngon par rdzogs par sangs rgyas pa de dag thams cad kyang shes rab kyi pha rol tu phyin pa 'di nyid la

brten nas bla na med pa yang dag par rdzogs pa'i byang chub mngon par rdzogs par sangs rgyas so/ /rab 'byor da ltar de bzhin gshegs pa dgra bcom pa yang dag par rdzogs pa'i sangs rgyas nga bla na med pa yang dag par rdzogs pa'i byang chub mngon par rdzogs pa'i

sangs rgyas pa yang shes rab kyi pha rol tu phyin pa 'di nyid la brten nas bla na med pa yang dag par rdzogs pa'i byang chub mngon par rdzogs par sangs rgyas so/ /rab 'byor de ltar na shes rab kyi pha rol tu phyin pa 'di ni de bzhin gshegs pa dgra bcom pa yang dag par rdzogs

pa'i sangs rgyas rnams skyed par byed pa ste de ltar na 'di ni 'jig rten kun tu ston par byed pa'o/ /de nas bcom ldan 'das la tshe dang ldan pa rab 'byor gyis 'di skad ces gsol te/ /bcom ldan 'das kyis gang 'di skad du shes rab kyi pha rol tu phyin pa ni de bzhin gshegs

@140b pa dgra bcom pa yang dag par rdzogs pa'i sangs rgyas rnams la 'jig rten 'di ston pa'o zhes bka' stsal na/ bcom ldan 'das ci ltar shes rab kyi pha rol tu phyin pa ni de bzhin gshegs pa dgra bcom pa yang dag par rdzogs pa'i sangs rgyas rnams la 'jig rten sngan pa lags

bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis 'jig rten du gsungs pa gang lags/ de skad ces gsol pa dang/ bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor phung po

lnga rnams ni de bzhin gshegs pas 'jig rten du gsungs te/ lnga gang zhe na/ 'di lta ste gzugs dang tshor ba dang 'du shes dang 'du byed rnams dang rnam par shes pa ste rab 'byor phung po 'di lnga ni de bzhin gshegs pas 'jig rten zhes gsungs so/ /rab 'byor gyis

gsol pa/ bcom ldan 'das de bzhin gshegs pa la shes rab kyi pha rol tu phyin pas phung po ldan ci ltar bstan bcom ldan 'das shes rab kyi pha rol tu phyin pas ci zhig bstan/ de skad ces gsol pa dang/ bcom ldan 'das kyis tshe dang ldan pa rab 'byor la 'di skad ces

bka' stsal to/ /rab 'byor mi 'jig par du mi 'jig pas na phung po lnga 'jig rten no zhes de bzhin gshegs pa rnams la shes rab kyi pha rol tu phyin pas bstan to/ /de ci'i phyir mi 'jig rab tu mi 'jig ces bstan ce na/ rab 'byor phung po ldan rnams ni ngo bo nyid med pas na

stong pa nyid kyi ngo po nyid do/ /rab 'byor stong pa nyid ni 'jig pa 'am rab tu 'jig pa ma yin te rab 'byor de ltar shes rab kyi pha rol tu phyin pa 'di de bzhin gshegs pa dgra bcom pa yang dag par rdzogs pa'i sangs rgyas rnams la 'jig rten 'di ston pa'o/ /rab 'byor

mtshan ma med pa'am smon pa med pa 'am mngon par 'du mi byed pa'am mi skye ba'am dngos po med pa'am chos kyi dbyings mi 'jig rab tu mi 'jig pa/ rab 'byor de ltar zhes rab kyi pha rol tu phyin pa 'di de bzhin gshegs pa dgra bcom pa yang dag par rdzogs pa'i sangs rgyas

@141a */ /rnams la 'jig rten 'di ston pa'o/ /rab 'byor gzhan yang de bzhin gshegs pas shes rab kyi pha rol tu phyin pa 'di la brten nas sems can gzhal du med sems can grangs med pa'o zhes yang dag pa ji lta ba bzhin du rab tu mkhyen to/ /rab 'byor

ji ltar na de bzhin gshegs pas shes rab kyi pha rol tu phyin pa 'di la brten te/ sems can gzhal du med sems can grangs med pa'o zhes yang dag pa ci lta ba bzhin du rab tu mkhyen ce na/ /rab 'byor sems can ngo bo nyid med pa'i phyir/ sems can gzhal du med

sems can grangs med pa'o zhes de bzhin gshegs pas yang dag pa ci lta ba bzhin du rab tu mkhyen to/ /rab 'byor de ltar de bzhin gshegs pas shes rab kyi pha rol tu phyin pa 'di la brten nas sems can gzhal du med sems can grangs med pa rnams yang dag pa ci

lta ba bzhin du rab tu mkhyen to/ /rab 'byor gzhan yang sems can dngos po med pa'i phyir de bzhin gshegs pas sems can gzhal du med sems can grangs med pa dag gi sems kyi spyod pa de dag kyang rab tu mkhyen te/ rab 'byor de ltar de bzhin gshegs pas

shes rab kyi pha rol tu phyin pa 'di la brten nas sems can gzhal du med grangs med pa dag gi sems kyi spyod pa gzhal du med grangs med pa rnams yang dag pa ji lta ba bzhin du rab tu mkhyen to/ /rab 'byor de ltar shes rab kyi pha rol tu phyin pa ni de bzhin gshegs pa

dgra bcom pa yang dag par rdzogs pa'i sangs rgyas rnams la 'jig rten 'di ston pa'o/ /rab 'byor gzhan yang de bzhin gshegs pas shes rab kyi pha rol tu phyin pa 'di la brten te sems can gzhal du med grangs med pa dag gi sems bsdus pa rnams sems bsdus pa'o

zhes yang dag pa ci lta ba bzhin du rab tu mkhyen to/ /rab 'byor ci ltar de bzhin gshegs pas shes rab kyi pha rol tu phyin pa 'di la brten nas sems can gzhal du med grangs med pa dag gi sems bsdus pa rnams sems bsdus pa'o zhes yang dag pa ci lta ba bzhin du rab tu

@141b mkhyen ce na/ de bsdus pa dang bcas pa zad pa nyid du dang zad pa yang ma zad pa nyid du yang dag pa ci lta ba bzhin du rab tu mkhyen te/ rab 'byor de ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems

bsdus pa rnams sems bsdus pa'o zhes yang dag pa ci lta ba bzhin du rab tu mkhyen to/ /rab 'byor gzhan yang de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems g.yengs pa rnams sems gyengs pa'o

zhes yang dag pa ji lta ba bzhin du rab tu mkhyen to/ /rab 'byor ci ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems g.yengs pa rnams sems g.yengs pa'o zhes yang dag pa ci lta ba bzhin du rab tu

mkhyen cen/ rab 'byor chos nyid las sems g.yengs pa'i sems de dag ni mtshan nyid med pa sems de dag ni mi zad pa rnam par mi zad pa ma g.yengs par sems de dag yang dag pa ji lta ba bzhin du rab tu mkhyen te/ rab 'byor de ltar de bzhin gshegs pas shes

rab kyi pha rol tu phyin pa 'di la brten nas sems can gzhal du med pa dag gi sems g.yengs pa rnams sems g.yengs pa'o zhes yang dag pa ci lta ba bzhin du rab tu mkhyen to/ /rab 'byor gzhan yang de bzhin gshegs pas shes rab kyi pha rol tu phyin pa 'di la brten te/

sems can gzhal du med grangs med pa dag gi sems gzhal du med pa mi zad pa la sems gzhal du med pa mi zad pa'o zhes yang dag pa ci lta ba bzhin du rab tu mkhyen to/ /rab 'byor ci ltar na de bzhin gshegs pas shes rab kyi pha rol tu phyin pa 'di la brten nas sems

can gzhal du med grangs med pa dag gi sems gzhal du med cing mi zad pa la sems gzhal du med cing mi zad pa'o zhes yang dag pa ci lta ba bzhin du rab tu mkhyen ce na/ rab 'byor gang gis de ltar nam mkha' bzhin du gzhal du med cing mi zad pas na sems gzhal du med cing

@142a */ /mi zad par yang dag pa ji lta ba bzhin du rab tu shes pa de'i sems de ni de bzhin gshegs pas byin gyis brlabs 'gag pa skye ba med pa gnas pa med pa rten med pa gzhal du med pa mi zad pa yin te/ rab 'byor de ltar de bzhin gshegs pas shes ra

kyi pha rol tu phyin pa 'di la brten nas sems can gzhal du med grangs med pa dag gi sems gzhal du med cing mi zad pa la sems gzhal du med cing mi zad pa'o zhes yang dag pa ci lta ba bzhin du rab tu mkhyen to/ /rab 'byor gzhan yang de bzhin gshegs pas shes rab kyi pha rol

tu phyin pa 'di la brten nas sems can gzhal du med pa dag gi kun nas nyon mongs par gyur pa'i sems rnams kun nas nyon mongs par gyur pa'i sems so shes yang dag pa ci lta ba bzhin du rab tu mkhyen to/ /rab 'byor ci ltar de bzhin gshegs pas shes rab kyi pha rol tu

phyin pa 'di la brten nas sems can gzhal du med pa dag gi kun nas nyon mongs par gyur pa'i sems rnams kun nas nyon mongs par gyur pa'i sems so zhes yang dag pa ci lta ba bzhin du rab tu mkhyen ce na/ rab 'byor sems de dag ni kun nas nyon mongs pas kun nas

nyon mongs par gyur pa ma yin zhing brdar btags ba med pa ste/ rab 'byor de ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems kun nas nyon mongs par gyur pa dag sems kun nas nyon mongs par gyur

pa'o zhes yang dag pa ji lta ba bzhin du rab tu mkhyen to/ /rab 'byor gzhan yang de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems kun nas nyon mongs par ma gyur pa rnams sems kun nas nyon mongs par ma gyur

pa'o zhes yang dag pa ci lta ba bzhin du rab tu mkhyen to/ /rab 'byor ci ltar de bzhin gshegs pas shes rab kyi pha rol tu phyin pa 'di la brten nas sems can gzhal du med ba dag gi sems kun nas nyon mongs par mgyur pa rnams sems kun nas nyon mongs par ma gyur pa'o

@142b zhes yang dag pa ci lta ba bzhin du rab tu mkhyen ce na/ rab 'byor sems de dag rang bzhin gyis 'od gsal ba ste/ rab 'byor de ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems kun

nas nyon mongs par ma gyur pa rnams sems kun nas nyon mongs par ma gyur pa'o zhes yang dag pa ci lta ba bzhin du rab tu mkhyen to/ /rab 'byor gzhan yang de bzhin gshegs pas shes rab kyi pha rol tu phyin pa 'di la brten nas sems can gzhal du med

pa dag gi sems gnas pa rnams sems gnas pa'o zhes yang dag pa ci lta ba bzhin du rab tu mkhyen to/ /rab 'byor ci ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems gnas pa rnams sems gnas pa'o

zhes yang dag pa ci lta ba bzhin du rab tu mkhyen ce na/ rab 'byor sems de dag ni gzhi med pa la gnas pa ste/ /rab 'byor de ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems gnas pa rnams sems gnas

pa'o zhes yang dag pa ci lta ba bzhin du rab tu mkhyen to/ /rab 'byor gzhan yang de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems rab tu bzung ba rnams sems rab tu bzung ba'o zhes yang dag pa ji lta ba bzhin du

rab tu mkhyen to/ /rab 'byor ci ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems rab tu bzung ba rnams sems rab tu bzung ba'o zhes yang dag pa ci lta ba bzhin du rab tu mkhyen ce na/ rab 'byor sems de

dag ni bzung ba ma yin zhing rab tu gzung bar bya ba ma yin te/ rab 'byor de ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems rab tu bzung ba rnams sems rab tu bzung ba'o zhes yang dag pa ci lta ba bzhin du

@143a */ /rab tu mkhyen to/ /rab 'byor gzhan yang de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems zag pa dang bcas pa rnams sems zag pa dang bcas pa'o zhes yang dag pa ci lta ba bzhin du rab tu

mkhyen to/ /rab 'byor ci ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems zag pa dang bcas pa rnams sems zag pa dang bcas pa'o zhes yang dag pa ci lta ba bzhin du rab tu mkhyen ce na/ rab 'byor sems

de dag ni ngo bo nyid med cing med pa dang 'dra ba yin te/ rab 'byor de ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems zag pa dang bcas pa rnams sems zag pa dang bcas pa'o zhes yang dag pa ji lta ba bzhin

du rab tu mkhyen to/ /rab 'byor gzhan yang de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems zag pa med pa rnams sems zag pa med pa'o zhes yang dag pa ji lta ba bzhin du rab tu mkhyen to/ /rab 'byor

ci ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems zag pa med pa rnams sems zag pa med pa'o zhes yang dag pa ji lta ba bzhin du rab tu mkhyen ce na/ rab 'byor sems de dag ni dngos po med par gzhol

ba lhun gyis grub pa ste/ rab 'byor de ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems zag pa med pa rnams sems zag pa med pa'o zhes yang dag pa ji lta ba bzhin du rab tu mkhyen to/ /rab 'byor gzhan

yang de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems 'dod chags dang bcas pa rnams sems 'dod chags dang bcas pa'o zhes yang dag pa ji lta ba bzhin du rab tu mkhyen to/ /rab 'byor ci ltar de bzhin gshegs pas

@143b shes rab kyi pha rol tu phyin pa 'di la brten nas sems can gzhal du med ba dag gi sems 'dod chags dang bcas pa rnams sems 'dod chags dang bcas pa'o zhes yang dag pa ji lta ba bzhin du rab tu mkhyen ce na/ rab 'byor sems kyi 'dod chags dang bcas pa gang yin pa de

ni sems kyi yang dag pa ci lta ba nyid ma yin sems kyi yang dag pa ci lta ba nyid gang yin ba de ni 'dod chags dang bcas ba'i sems ma yin te/ rab 'byor de ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems 'dod

chags dang bcas pa rnams sems 'dod chags dang bcas pa'o zhes yang dag pa ji lta ba bzhin du rab tu mkhyen to/ /rab 'byor gzhan yang de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems 'dod chags dang

bral ba rnams sems 'dod chags dang bral ba'o zhes yang dag pa ji lta ba bzhin du rab tu mkhyen to/ /rab 'byor ci ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems 'dod chags dang bral ba rnams sems 'dod

chags dang bral ba'o zhes yang dag pa ji lta ba bzhin du rab tu mkhyen ce na/ rab 'byor sems kyi bral ba gang yin pa de ni sems kyi 'dod chags dang bcas pa nyid ma yin 'dod chags dang bral ba'i sems kyi yang dag pa ci lta ba nyid gang yin pa de ni sems kyi 'dod chags dang bcas

pa ma yin te/ rab 'byor de ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems 'dod chags dang bral ba rnams sems 'dod chags dang bral ba'o zhes yang dag pa ji lta ba bzhin du rab tu mkhyen to/ /rab

'byor gzhan yang de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems zhe sdang dang bcas pa rnams sems zhe sdang dang bcas pa'o zhes yang dag pa ji lta ba bzhin du rab tu mkhyen to/ /rab 'byor ci ltar de bzhin gshegs

@144a */ /pas shes rab kyi pha rol tu phyin pa 'di la brten nas sems can gzhal du med pa dag gi sems zhe sdang dang bcas pa rnams sems zhe sdang dang bcas pa'o zhes yang dag pa ji lta ba bzhin du rab tu mkhyen ce na/ rab 'byor sems kyi zhe sdang dang bcas pa gang yin pa de ni sems kyi

yang dag pa ji lta ba nyid ma yin rab 'byor sems kyi yang dag ba ? ci lta ba nyid gang yin pa de ni sems kyi zhe sdang dang bcas pa ma yin te/ rab 'byor de ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems zhe sdang dang bcas

pa rnams sems zhe sdang dang bcas pa'o zhes yang dag pa ji lta ba bzhin du rab tu mkhyen to/ /rab 'byor gzhan yang de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems zhe sdang dang bral ba rnams sems zhe sdang dang bral

pa'o ? zhes yang dag pa ci lta ba bzhin du rab tu mkhyen to/ /rab 'byor ci ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems zhe sdang dang bral ba rnams la sems zhe sdang dang bral ba'o zhes yang dag pa ji lta ba bzhin du

rab tu mkhyen ce na/ rab 'byor sems kyi bral ba gang yin pa de ni zhe sdang dang bcas ba ma yin zhe sdang dang bral ba'i sems kyi yang dag pa ci lta ba nyid gang yin pa de ni sems zhe sdang dang bcas pa ma yin te/ rab 'byor de ltar de bzhin gshegs pas shes rab kyi pha rol tu phyin pa

'di la brten nas sems can gzhal du med pa dag gi sems zhe sdang dang bral ba rnams sems zhe sdang dang bral ba'o zhes yang dag ba ci lta ba bzhin du rab tu mkhyen to/ /rab 'byor gzhan yang de bzhin gshegs pas shes rab kyi pha rol tu phyin ba 'di la brten nas sems can

gzhal du med pa dag gi sems gti mug dang bcas pa rnams sems gti mug dang bcas pa'o zhes yang dag ba ci lta ba bzhin du rab tu mkhyen to/ /rab 'byor ci ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems

@144b gti mug dang bcas pa rnams sems gti mug dang bcas pa'o zhes yang dag pa ci lta ba bzhin du rab tu mkhyen ce na/ rab 'byor sems kyi gti mug dang bcas pa gang yin pa de ni sems kyi yang dag pa nyid ci lta ba bzhin ma yin sems kyi yang dag pa ci lta ba nyid

gang yin pa de ni sems kyi gti mug dang bcas pa ma yin te/ rab 'byor de ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems gti mug dang bcas pa rnams sems gti mug dang bcas pa'o zhes

yang dag pa ci lta ba bzhin du rab tu mkhyen to/ /rab 'byor gzhan yang de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems gti mug dang bral ba rnams sems gti mug dang bral ba'o zhes yang dag pa ci lta ba bzhin

du rab tu mkhyen to/ /rab 'byor ci ltar de bzhin gshegs pas shes rab kyi pha rol tu phyin pa 'di la brten nas sems can gzhal du med bdag gi sems gti mug dang bral ba rnams sems gti mug dang bral ba'o zhes yang dag pa ci lta ba bzhin du rab tu mkhyen ce na/ rab 'byor

sems kyi bral ba gang yin pa de ni sems kyi gti mug dang bcas pa ma yin gti mug dang bral ba'i sems kyi yang dag pa ci lta ba nyid gang yin pa de ni sems kyi gti mug dang bcas pa ma yin te/ rab 'byor de ltar de bzhin gshegs pas shes rab kyi pha rol tu phyin pa 'di la brten nas

sems can gzhal du med pa dag gi sems gti mug dang bral ba rnams sems gti mug dang bral ba'o zhes yang dag pa ji lta ba bzhin du rab tu mkhyen to/ /rab 'byor gzhan yang de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag

gi sems rgya chen po ma yin pa rnams sems rgya chen po ma yin pa'o zhes yang dag pa ji lta ba bzhin du rab tu mkhyen to/ /rab 'byor ci ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems rgya chen po ma yin pa rnams

@145a */ /sems rgya chen po ma yin pa'o zhes yang dag pa ji lta ba bzhin du rab tu mkhyen ce na/ rab 'byor sems de dag ni kun nas slong ba dang mi ldan pa kun nas slong ba med par gtogs pa'o/ /rab 'byor de ltar de bzhin gshegs pas shes rab kyi pha rol tu phyin pa 'di la

brten nas sems can gzhal du med pa dag gi sems rgya chen po ma yin pa rnams sems rgya chen po ma yin pa'o zhes yang dag pa ji lta ba bzhin du rab tu mkhyen to/ /rab 'byor gzhan yang de bzhin gshegs pas shes rab kyi pha rol tu phyin pa 'di la brten nas sems can gzhal

du med pa dag gi sems rgya chen po rnams sems rgya chen po'o zhes yang dag pa ji lta ba bzhin du rab tu mkhyen to/ /rab 'byor ci ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems rgya chen

po'o zhes yang dag pa ji lta ba bzhin du rab tu mkhyen ce na/ rab 'byor sems de dag ni mi 'bri sems de dag ni mi 'phel zhing / sems rnams bral ba med pa'i phyir sems de dag ni rnam par bral pa med pa ste/ rab 'byor de ltar de bzhin gshegs pas shes rab kyi pha rol tu

phyin pa 'di la brten nas sems can gzhal du med pa dag gi sems rgya chen po rnams sems rgya chen po'o zhes yang dag pa ji lta ba bzhin du rab tu mkhyen to/ /rab 'byor gzhan yang de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi

sems chen por gyur pa ma yin pa rnams sems chen por gyur pa ma yin pa'o zhes yang dag pa ji lta ba bzhin du rab tu mkhyen to/ /rab 'byor ci ltar de bzhin gshegs pas shes rab kyi pha rol tu phyin pa 'di la brten nas sems can gzhal du med bdag gi sems chen por gyur pa ma

yin pa rnams sems chen por gyur pa ma yin pa'o zhes yang dag pa ji lta ba bzhin du rab tu mkhyen ce na/ rab 'byor sems de dag ni 'ong ba med pa 'gro ba med pa ma gtogs pa ste/ rab 'byor de ltar de bzhin gshegs bas shes rab kyi pha rol tu phyin pa 'di la brten nas sems

@145b can gzhal du med pa dag gi sems chen por gyur pa ma yin pa rnams sems chen por gyur pa ma yin pa'o zhes yang dag pa ci lta ba bzhin du rab tu mkhyen to/ /rab 'byor gzhan yang de bzhin gshegs pas shes rab kyi pha rol tu phyin pa 'di la brten nas sems can gzhal du

med pa dag gi sems chen por gyur pa rnams sems chen por gyur pa'o zhes yang dag pa ji lta ba bzhin du rab tu mkhyen to/ /rab 'byor ci ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems chen por gyur pa

rnams sems chen por gyur pa'o zhes yang dag pa ji lta ba bzhin du rab tu mkhyen ce na/ rab 'byor sems de dag ni mnyam pa nyid kyis mnyam pa yin te ngo bo nyid kyis mnyam pa'o/ /rab 'byor de ltar de bzhin gshegs pas shes rab kyi pha rol tu phyin pa 'di la brten nas

sems can gzhal du med pa dag gi sems chen por gyur pa rnams sems chen por gyur pa'o zhes yang dag pa ji lta ba bzhin du rab tu mkhyen to/ /rab 'byor gzhan yang de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi

sems tshad ma med pa rnams sems tshad ma med pa'o zhes yang dag pa ji lta ba bzhin du rab tu mkhyen to/ /rab 'byor ci ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems tshad ma med pa rnams sems tshad ma med

pa'o zhes yang dag pa ji lta ba bzhin du rab tu mkhyen ce na/ /rab 'byor sems de dag ni rten med pas sems tshad ma med pa yin te/ rab 'byor de ltar de bzhin gshegs pas shes rab kyi pha rol tu phyin pa 'di la brten nas sems can gzhal du med a dag gi sems tsha ma

med pa rnams sems tshad ma med pa'o zhes yang dag pa ji lta ba bzhin du rab tu mkhyen to/ /rab 'byor gzhan yang de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems bstan du yod pa rnams sems bstan du yod pa'o

@146a */ /zhes yang dag pa ji lta ba bzhin du rab tu mkhyen to/ /rab 'byor ci ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems bstan du yod pa rnams sems bstan du yod pa'o zhes yang dag pa ji lta ba bzhin du rab

tu mkhyen ce na/ rab 'byor sems de dag dang sems kyi ngo bo nyid ni mnyam par bstan pa yin te/ rab 'byor de ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems bstan du yod pa rnams sems bstan du yod pa'o zhes

yang dag pa ji lta ba bzhin du rab tu mkhyen to/ /rab 'byor gzhan yang de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems bstan du med pa rnams sems bstan du med pa'o zhes yang dag pa ji lta ba bzhin du rab tu mkhyen to/ /

rab 'byor ci ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems bstan du med pa rnams sems bstan du med pa'o zhes yang dag pa ji lta ba bzhin du rab tu mkhyen ce na/ rab 'byor mtshan nyid med cing don gyis dben pa yin pa'i phyir

sems de ni mi snang bste spyan gsum 'am thams cad la snang bar ma gyur ba'o/ /rab 'byor de ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems bstan du med pa rnams sems bstan du med pa'o zhes yang dag pa ji lta ba

bzhin du rab tu mkhyen to/ /rab 'byor gzhan yang de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems thogs pa dang bcas pa rnams sems thogs pa dang bcas pa'o zhes yang dag pa ji lta ba bzhin du rab tu mkhyen to/ /

rab 'byor ci ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems thogs pa dang bcas pa rnams sems thogs pa dang bcas pa'o zhes yang dag pa ji lta ba bzhin du rab tu mkhyen ce na/ rab 'byor sems de dag ni med pa la

@146b kun brtags pa ste stong pa dmigs pa'i dbang du gyur pa'o/ /rab 'byor de ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems thogs pa dang bcas pa rnams sems thogs pa dang bcas pa'o zhes yang dag pa ji lta

ba bzhin du rab tu mkhyen to/ /rab 'byor gzhan yang de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems thogs pa med pa rnams sems thogs pa med pa'o zhes yang dag pa ji lta ba bzhin du rab tu mkhyen to/ /rab

'byor ci ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems thogs pa dang rnams sems thogs pa med pa'o zhes yang dag pa ji lta ba bzhin du rab tu mkhyen ce na/ rab 'byor sems de dag ni gnyis su med par

gyur pa ma byung bar kun tu byung ba ste/ rab 'byor de ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems thogs pa med pa rnams sems thogs pa med pa'o zhes yang dag pa ji lta ba bzhin du rab tu mkhyen to/ /rab

'byor gzhan yang de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems bla na yod pa rnams sems bla na yod pa'o zhes yang dag pa ji lta ba bzhin du rab tu mkhyen to/ /rab 'byor ci ltar de bzhin gshegs pas shes rab kyi

pha rol tu phyin pa 'di la brten nas sems can gzhal du med pa dag gi sems bla na yod pa rnams sems bla na yod pa'o zhes yang dag pa ji lta ba bzhin du rab tu mkhyen ce na/ rab 'byor sems bla na yod pa yang dag pa ci lta ba nyid gang yin pa de la rlom sems med de/ rab 'byor de ltar

de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems bla na yod pa dag sems bla na yod pa'o zhes yang dag pa ji lta ba bzhin du rab tu mkhyen to/ /rab 'byor gzhan yang de bzhin gshegs pas shes rab kyi pha rol tu phyin

@147a */ /pa 'di la brten nas sems can gzhal du med pa dag gi sems bla na med pa rnams sems bla na med pa'o zhes yang dag pa ci lta ba bzhin du rab tu mkhyen to/ /rab 'byor ci ltar de bzhin gshegs pas shes rab kyi pha rol tu phyin pa 'di la brten nas sems can

gzhal du med pa dag gi sems bla na med pa rnams sems bla na med pa'o zhes yang dag pa ci lta ba bzhin du rab tu mkhyen ce na/ rab 'byor sems de dag ni sems rdul phra mo tsam yang mi dmigs pa'i phyir spros pa med pa yin te/ rab 'byor de ltar de bzhin gshegs pas shes rab

kyi pha rol tu phyin pa 'di la brten nas sems can gzhal du med pa dag gi sems bla na med pa rnams sems bla na med pa'o zhes yang dag pa ci lta ba bzhin du rab tu mkhyen to/ /rab 'byor gzhan yang de bzhin gshegs pas shes rab kyi pha rol tu phyin pa 'di la brten nas sems

can gzhal du med pa dag gi sems mnyam par ma bzhag pa rnams sems mnyam par ma bzhag pa'o zhes yang dag pa ji lta ba bzhin du rab tu mkhyen to/ /rab 'byor ci ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi

sems mnyam par ma bzhag pa rnams sems mnyam par ma bzhag pa'o zhes yang dag pa ci lta ba bzhin du rab tu mkhyen ce na/ rab 'byor sems de dag ni mi mnyam pa dang mnyam pas mi mnyam par 'jug cing de ltar sems mnyam par ma bzhag pa ste/ rab 'byor de ltar de bzhin

gshegs pas shes rab kyi pha rol tu phyin pa 'di la brten nas sems can gzhal du med pa dag gi sems mnyam par ma bzhag pa rnams sems mnyam par ma bzhag pa'o zhes yang dag pa ci lta ba bzhin du rab tu mkhyen to/ /rab 'byor gzhan yang de bzhin gshegs pas shes rab kyi

pha rol tu phyin pa 'di la brten nas sems can gzhal du med pa dag gi sems mnyam par bzhag pa rnams sems mnyam par bzhag pa'o zhes yang dag pa ci lta ba bzhin du rab tu mkhyen to/ /rab 'byor ci ltar de bzhin gshegs pas shes rab kyi pha rol tu phyin pa 'di la

@147b brten nas sems can gzhal du med pa dag gi sems mnyam par bzhag pa rnams sems mnyam par bzhag pa'o zhes yang dag pa ci lta ba bzhin du rab tu mkhyen ce na/ rab 'byor sems de dag ni mnyam pa dang mnyam pas mnyam par 'jug cing de ltar sems mnyam par bzhag pa de dag ni nam

mkha' dang mtshungs te/ rab 'byor de ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems mnyam par bzhag pa rnams sems mnyam par bzhag pa'o zhes yang dag pa ci lta ba bzhin du rab tu mkhyen to/ /

rab 'byor gzhan yang de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems rnam par ma grol ba rnams sems rnam par ma grol ba'o zhes yang dag pa ci lta ba bzhin du rab tu mkhyen to/ /rab 'byor ci ltar de bzhin

gshegs pas shes rab kyi pha rol tu phyin pa 'di la brten nas sems can gzhal du med pa dag gi sems rnam par ma grol ba rnams sems rnam par ma grol ba'o zhes yang dag ci lta ba bzhin du rab tu mkhyen ce na/ rab 'byor sems de dag ni rang bzhin gyis rnam par grol ba ngo bo

nyid med pa'i rang bzhin te/ rab 'byor de ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems rnam par ma grol ba rnams sems rnam par ma grol ba'o zhes yang dag pa ci lta ba bzhin du rab tu mkhyen to/ /rab

'byor gzhan yang de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems rnam par grol ba rnams sems rnam par grol ba'o zhes yang dag pa ci lta ba bzhin du rab tu mkhyen to/ /rab 'byor ci ltar de bzhin gshegs pas

shes rab kyi pha rol tu phyin pa 'di la brten nas sems can gzhal du med pa dag gi sems rnam par grol ba rnams sems rnam par grol ba'o zhes yang dag pa ci lta ba bzhin du rab tu mkhyen ce na/ rab 'byor sems ni med pa yin pa'i phyir/ sems ni de bzhin gshegs

@148a */ /pas 'das par ma dmigs ma 'ongs pa dang da ltar byung bar ma dmigs te/ rab 'byor de ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems rnam par grol ba rnams sems rnam par grol ba'o zhes yang

dag pa ci lta ba bzhin du rab tu mkhyen to/ /rab 'byor gzhan yang de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems bltar med pa rnams sems bltar med pa'o zhes yang dag pa ji lta ba bzhin du rab tu mkhyen to/ /rab

'byor ci ltar de bzhin gshegs pas shes rab kyi pha rol tu phyin pa 'di la brten nas sems can gzhal du med pa dag gi sems bltar med pa rnams sems bltar med pa'o zhes yang dag pa ji lta ba bzhin du rab tu mkhyen ce na/ rab 'byor med pa'i phyir sems de bltar med pa dang ma byung

ba'i phyir rnam par rig par bya ba ma yin pa dang yongs su ma grub pa'i phyir shes rab kyi mig dang lha'i mig gis kyang bzung du med na thams cad la mi snang ba'i phyir sha'i mig gis lta ci smos te/ rab 'byor de ltar de bzhin gshegs pas shes rab kyi pha rol tu phyin pa 'di la brten nas sems can

gzhal du med pa dag gi sems bltar med pa rnams sems bltar med pa'o zhes yang dag pa ji lta ba bzhin du rab tu mkhyen to/ /rab 'byor de ltar shes rab kyi pha rol tu phyin pa ni de bzhin gshegs pa dgra bcom pa yang dag par rdzogs pa'i sangs rgyas rnams la 'jig rten 'di ston pa'o/ /rab

'byor gzhan yang de bzhin gshegs pas shes rab kyi pha rol tu phyin pa 'di la brten nas sems can gzhan dang gang zag gzhan gzhal du med grangs med pa dag gi phye ba dang btsums pa rnams phye ba dang btsums pa'o zhes yang dag pa ji lta ba bzhin du rab tu mkhyen to/ /rab 'byor

ci ltar de bzhin gshegs pas shes rab kyi pha rol tu phyin pa 'di la brten nas sems can gzhan dang gang zag gzhan gzhal du med grangs med pa dag gi phye ba dang btsums pa rnams phye ba dang btsums pa'o zhes yang dag pa ji lta ba bzhin du rab tu mkhyen ce na/ rab 'byor de

@148b dag skye ba thams cad ni gzugs la gnas shing skye'o zhes yang dag pa ji lta ba bzhin du rab tu mkhyen to/ /rab 'byor de bzhin du de dag skye ba thams cad ni tshor ba dang 'du shes dang 'du byed rnams dang rnam par shes pa la gnas shing skye'o zhes yang dag pa ji lta ba bzhin du rab tu mkhyen

to/ /rab 'byor de la ci ltar de bzhin gshegs pas phye ba dang btsums pa de rnams gzugs la gnas par rnam par mkhyen par 'gyur zhing / de bzhin du ji ltar phye ba dang btsums pa de rnams tshor ba dang 'du shes dang 'du byed rnams dang rnam par shes pa la gnas par

rnam par mkhyen par 'gyur zhe na/ de bzhin song ba shi phan chad 'byung ngo zhes bya ba 'di ni gzugs la rten pa'o/ /de bzhin song ba shi phan chad mi 'byung ngo zhes bya ba 'di ni gzugs la rten pa'o/ /de bzhin song ba shi phan chad 'byung ba yang yin la mi 'byung ba yang yin no

zhes bya ba 'di ni gzugs la rten pa'o/ /de bzhin song ba shi phan chad 'byung ba yang ma yin mi 'byung ba yang ma yin no zhes bya ba 'di ni gzugs la rten pa'o/ /de bzhin du tshor ba dang 'du shes dang 'du byed rnams la dang / de bzhin song ba shi phan chad 'byung ngo zhes bya ba

'di ni rnam par shes pa la rten pa'o/ /de bzhin song ba shi phan chad mi 'byung ngo zhes bya ba 'di ni rnam par shes pa la rten pa'o/ /de bzhin song ba shi phan chad 'byung ba yang yin la mi 'byung ba yin no zhes bya ba 'di ni rnam par shes pa la rten pa'o/ /de bzhin song ba shi phan

chad 'byung ba yang ma yin mi 'byung ba yang ma yin no zhes bya ba 'di ni rnam par shes pa la rten pa'o/ /bdag dang 'jig rten rtag pa zhes bya ba 'di nyid bden gyi gzhan ni gti mug go zhes bya ba 'di ni gzugs la rten pa'o/ /bdag dang 'jig rten mi rtag pa zhes bya ba 'di nyid bden gyi

gzhan ni gti mug go zhes bya ba 'di ni gzugs la rten pa'o/ /bdag dang 'jig rten rtag pa yang yin mi rtag pa yang yin no zhes bya ba 'di nyid bden gyi gzhan ni gti mug go zhes bya ba 'di ni gzugs la rten pa'o/ /bdag dang 'jig rten rtag pa nyid kyang ma yin mi rtag pa nyid kyang ma

@149a */ /yin no zhes bya ba 'di nyid bden gyi gzhan ni gtig mug go zhes bya ba 'di ni gzugs la rten pa'o/ /de bzhing du chor ba dang 'du byed rnams dang/ bdag dang 'jig rten ni rtag pa yang yin la mi rtag pa yang yin no zhes bya ba 'di nyid bden gyi gzhan ni gtig mug go zhes bya ba 'di ni rnam par shes pa

la rten pa'o/ /bdag dang 'jig rten ni mi rtag pa ste 'di nyid bden gyi gzhan ni gti mug go zhes bya ba 'di ni rnam par shes pa la rten pa'o/ /bdag dang 'jig rten ni rtag pa yang yin la mi rtag pa yang yin no zhes bya ba 'di nyid bden gyi gzhan ni gtig mug go zhes bya ba 'di ni rnam par shes pa la rten pa'o/ /bdag dang 'jig rten ni rtag pa nyid kyang ma yin mi rtag pa nyid kyang ma yin no zhes bya ba 'di nyid bden gyi gzhan ni gtig mug go zhes bya ba 'di ni rnam par shes pa la rten pa'o//