Prajnaparamita in Eight Thousand Verses Tibetan Translation Chapter 23

From Rangjung Yeshe Wiki - Dharma Dictionnary
Jump to navigationJump to search

//shes rab kyi pha rol tu phyin pa brgyad stong pa/ bam po nyi shu gsum pa/ rab 'byor gzhan yang shes rab kyi pha rol tu phyin pa 'di ci ltar byang chub sems dpa' sems dpa' chen po

rtag tu ngu gang da ltar de bzhin gshegs pa dgra bcom pa yang dag par rdzogs pa'i sangs rgyas sgra dbyang ma mi zad par sgrogs pa'i drung dun tshangs par spyad pa spyod pa des yongs su btsal ba de bzhin du yongs su btsal bar bya'o/ /de skad ces bka' stsal pa dang / bcom

ldan 'das la tshe dang ldan pa rab 'byor gyis 'di skad ces gsol to/ /bcom ldan 'das byang chub sems dpa' sems dpa' chen po rtag tu dus shes rab kyi pha rol tu phyin pa de chol ban ci ltar yongs su btsal lags/ de skad ces gsol pa dang / bcom ldan 'das

kyis tshe dang ldan pa rab 'byor la 'di skad ces bka' stsal to/ /byang chub sems dpa' sems dpa' chen po rtag tu du sngon shes rab kyi pha rol tu phyin pa yongs su tshol ba na lus la ched cher mi byed srog la mi lta rnyed pa dang bkur sti dang tshigs su bcad pa dag la mi gnas par yongs

su bcal bas yongs su btsal to/ /des shes rab kyi pha rol tu phyin pa yongs su tshol zhing 'brog dgon pa zhig tu phyin pa na bar snang las/ rigs kyi bu shar phyogs su song zhig dang shes rab kyi pha rol tu phyin pa thos par 'gyur gyis/ ci ltar lus ngal ba yid la byed pa mi skyod

@261b pa dang gnyid dang rmugs pa yid la byed pa mi skyed pa dang bza' ba yid la byed pa mi skyed pa dang btung ba yid la byed pa mi skyed pa dang mtshan mo yid la byed pa mi skyed pa dang nyin mo yid la byed pa mi skyed pa dang grang ba yid la byed pa mi skyed pa dang tsha ba yid la byed pa mi skyed pa de ltar

song zhig /nang ngam phyi rol gang la yang sems smon par ma byed cig rigs kyi bu g.yon du ma lta bar song zhig /g.yas su ma yin shar du ma yin lho ru ma yin nub tu ma yin byang du ma yin steng du ma yin 'og tu ma yin phyogs mtshams su yang ma lta bar song zhig/ rigs

kyi bu ci ltar bdag las ma g.yos shing 'jig tshogs las kyang ma yin pa dang ci ltar gzugs las kyang ma g.yos pa dang ci ltar tshor ba dang 'du shes dang 'du byed rnams dang ci ltar rnam par shes pa las kyang ma g.yos pa de ltar song zhig /gang 'di las g.yos pa de ni rnam

par nyams par 'gyur ro/ /ci las nyams par 'gyur zhe na/ sangs rgyas kyi chos rnams las nyams par 'gyur ro/ /gang sangs rgyas kyi chos rnams las nyams par 'gyur pa de ni 'khor ba la spyod do/ /gang 'khor ba la spyod pa de ni shes rab kyi pha rol tu phyin pa la

mi spyod de des shes rab kyi pha rol tu phyin pa rjes su mi 'thob bo zhes bya ba'i sgra thos par gyur to/ /de skad ces smras pa dang / byang chub sems dpa' sems dpa' chen po rtag tu dus sgra de la 'di skad ces de bzhin du bya'o/ /de ci'i phyir zhe na/ nga ni sems can thams cad la

snang bar byed 'dod pa dang sangs rgyas kyi chos thams cad sgrub par 'dod pa'i phyir ro zhes smras so/ /de skad ces smras pa dang / sgra des byang chub sems dpa' sems dpa' chen po rtag tu du la 'di skad ces rigs kyi bu rtag tu du legs so legs so zhes smras so/ /de nas

byang chub sems dpa' sems dpa' chen po rtag tu dus yang sgra thos te/ rigs kyi bu khyod kyis stong pa nyid dang mtshan ma med pa dang smon pa med par chos thams cad la mos pa bskyed la shes rab kyi pha rol tu phyin pa yongs su btsal par bya'o/ /khyod kyis mtshan ma yongs

@262a */ /su spang ba dang dngos po yongs su spang ba dang sems can du lta ba yongs su spang bar bya'o/ /rigs kyi bu khyod kyis sdig pa'i grogs po dag yongs su spang bar bya'o/ /dge ba'i bshes gnyen gang chos thams cad stong pa nyid dang mtshan ma med pa

dang smon pa med pa dang ma byung ba dang ma skyes pa dang ma 'gags pa dang dngos po med par chos rnams ston pa dag la khyod kyis bsnyen par bya gus par bya bsnyen bkur bya'o/ /rigs kyi bu khyod kyis de ltar bsgrubs na ring po mi thogs par shes rab kyi pha rol tu phyin pa glegs bam du

chud pa 'am dge slong chos smra ba'i lus la yod pa thos par 'gyur te/ rigs kyi bu gang las shes rab kyi pha rol tu phyin pa 'di thos pa de la khyod kyis ston par 'du shes bskyed bar bya zhing khyod kyis byas pa gzo ba dang byas pa tshor bar bya ste/ gang las shes rab kyi pha

rol tu phyin pa 'di thos pa 'di ni bdag gi dge ba'i bshes gnyen yin te 'di bdag gis thos pas myur du bla na med pa yang dag par rdzogs pa'i byang chub las phyir mi ldog par 'gyur/ de bzhin gshegs pa dgra bcom pa yang dag par rdzogs pa'i sangs rgyas rnams la bsnyen par

'gyur zhing / sangs rgyas kyi zhing de bzhin gshegs pa dang ma bral ba rnams su skye bar 'gyur ro/ /mi khom pa rnams spong bar 'gyur ro/ /dal ba phun sum tshogs bspyad pa thob par 'gyur ro/ /rigs kyi bu phan yon 'di rnams khyod kyis yongs su rtogs la dge slong chos

smra ba la ston pa yin par 'du shes bskyed par bya'o/ /rigs kyi bu khyod kyis 'jig rten gyi zang zing dang ldan pa'i sems kyi rgyud kyis dge slong chos smra ba'i phye bzhin 'brang bar mi bya'i khyod kyis dge slong chos smra ba la chos don du gnyer ba dang chos la gus par bya bas phyi bzhin 'brang bar

bya'o/ /khyod kyis bdud kyi las rnams kyang rtogs par bya ste/ rigs kyi bu bdud sdig can ni byang chub sems dpa' sems dpa' chen po rnams la gzugs dang sgra dang dri dang ro dang reg pa dag bsnyen pa dang bsten pa dang spyad par bya ba'i phyir nye bar sgrub ste/ de dag chos sma ba des thil

@262b gyis mnan nas thabs mkhas pas 'grogs shing sten pa dang bsnyen par byed pa yang yod de rigs kyi bu khyod kyis dge slong chos smra ba de la ma dad pa kyed par mi bya'o/ /gzhan du na sems 'di ltar bskyed par bya ste bdag ni thabs mkhas pa de mi shes kyi 'di ni thabs mkhas

pa rab tu shes so/ /'di ni sems can gdul ba'i tshul gyis sems can rnams kyi dge ba'i rtsa ba yongs su gzung ba'i phyir chos 'di dag la brten cing 'grogs te bsnyen par byed kyi byang chub sems dpa' sems dpa' chen po rnams ni gang la yang chags pa 'am sgrib pa med

kyis/ skad cig de nyid la rigs kyi bu khyod nyid kyis chos rnams kyi yang dag pa'i tshul so sor brtag par bya'o/ /rigs kyi bu chos rnams kyi yang dag pa'i tshul gang zhe na/ 'di lta ste chos thams cad kun nas nyon mongs pa ma yin rnam par byang ba ma yin no/ /de ci'i

phyir zhe na/ chos thams cad ni ngo bo nyid kyis stong pa'o/ /chos thams cad ni sems can med pa srog med pa gso ba med pa skyes bu med pa gang zag med pa sgyu ma lta bu rmi lam lta bu sgra brnyan lta bu mig yor lta bu ste/ rigs kyi bu khyod kyis chos thams cad kyi yang dag

ba'i tshul de ltar rtog cing chos smra ba'i rjes su 'brang na ring por mi thogs par shes rab kyi pha rol tu phyin pa la nges par 'byung bar 'gyur ro/ /rigs kyi bu gzhan yang khyod kyis bdud kyi las la sems shig /rigs kyi bu gal te chos smra ba dag shes rab kyi pha rol tu phyin pa

don du gnyer ba'i rigs kyi bu la brnyas par byed cing mi sems na de la rigs kyi bu khyod kyis phyir bsngo bar mi bya ste/ gzhan du na chos don du gnyer tha nyid dang chos la gus par byed ba nyid dang yid mi skyo bas dge slong chos smra ba'i phyi bzhin 'brang bar bya'o zhes de skang kyang thos so/ /

de nas byang chub sems dpa' sems dpa' chen po rtag tu dus sgra de las rjes su bstan pa 'di blangs nas shar phyogs ga la ba der song ba dang / ring por ma phyin par de 'di snyam du sems te bdag gis sgra de la ci srid du 'gro bar bya ba ma dris so snyam du bsams nas des phyogs de

@263a */ /nyid du ngu zhing cho nges 'dibs te de mya ngan byed la smre shing 'dug ste/ de 'di snyam du sa phyogs 'di nyid du nyi rna ? zhag gcig gi bar du nyin mtshan 'da' bar bya'o/ /nyin mtshan gnyis sam gsum mam ? bzhi'am lnga 'am drug gam nyin mtshan bdun yang 'da'

bar bya ste/ shes rab kyi pha rol tu phyin pa thos par ma gyur gyi bar du/ lus ngal ba yid la byed pa mi skyed rmugs pa dang gnyid yid la byed pa mi skyed bza' ba yid la byed pa mi skyed btung ba yid la byed pa mi skyed mtshan mor yid la byed pa mi skyed nyin mor yid la byed pa

mi skyed grang ba yid la byed pa mi skyed tsha ba yid la byed pa mi skyed do snyam du bsams so/ /rab 'byor 'di lta ste dper na skyes bu la la zhig bu gcig pu 'chi ba'i dus byas na sdug bsngal ba dang yid mi bde pa chen po dang ldan par 'gyur te/ de bu'i ? mya ngan gyi bu gcig pu yid la

byed pa nyid ma gtogs par yid la byed pa gzhan gang yang mi 'byung ste/ rab 'byor de bzhin du byang chub sems dpa' sems dpa' chen po rtag tu dus yang de'i tshe bdag gis nam shes rab kyi pha rol tu phyin pa thos par 'gyur snyam pa ma gtogs par yid la byed pa gzhan

gang yang ma byung ngo / /rab 'byor de nas byang chub sems dpa' sems dpa' chen po rtag tu du de ltar gdung zhing 'dug pa'i mdun du de bzhin gshegs pa'i gzugs shig bzhugs nas legs so zhes bya ba byin te 'di skad du/ rigs kyi bu khyod kyis tshig de skad smra ba

legs so legs so/ /ci ltar khyod kyis da ltar yongs su btsal ba de bzhin du rigs kyi bu sngon gyi de bzhin gshegs ba dgra bcom pa yang dag par rdzogs pa'i sangs rgyas rnams kyis kyang sngon byang chub sems dpa'i spyad pa spyod pa na shes rab kyi pha rol tu phyin pa yongs su

btsal to/ /rigs kyi bu de'i phyir khyod kyis brtson 'grus 'di nyid dang spro ba 'di nyid dang don du gnyer ba 'di nyid dang 'dod pa 'di lta bu nyid kyis rjes su 'brang zhing shar phyogs nyid du song shig dang / rigs kyi bu 'di nas dpag tshad lnga brgya na spos dang ldan pa zhes bya ba'i grong khyer rin po che

@263b sna bdun gyi rang bzhin gyi ra ba rim pa bdun gyis bskor ba/ 'obs rim pa bdun dang shing ta li 'phreng ba rim pa bdun gyis yongs su bskor ba/ chur dpag tshad bcu gnyis zheng du dpag tshad bcu gnyis yod pa 'byor ba rgyas pa bde ba lo legs pa skye bo mang po dang mis gang

ba; bar gyi tshong gang gi phreng ba ri mo sna tshogs su bris pa lta bur ba ltan sdug pa phigs par gyur pa mnyam zhing mtshungs pa/ skye bo dang khyogs kyi bzhon pa dang rkang gis 'gro ba'i gnas 'dzer dog med par gnas pa lnga pa rgya dag gis legs par bsgyubs pa/ grong khyer gyi

khor yug tu zhol gyi phyir rin po che sna bdun gyi rang bzhin gyis bskor la/ rin po che sna bdun gyi rang bzhin gyi rab de dag gi mda' yab rnams ni 'dzam bu'i chu bo'i gser las byas pa/ mtho zhing tshad dang ldan pa mda' yab thams cad kyi rtse mo las kyang rin po che sna bdun gyi

rang bzhin gyi shing skyes te/ rin po che sna tshogs bkra ba'i shing thog gi 'bras bu chags pa/ mda' yab las shing skyes pa thams cad las kyang rin po che'i rang bzhin gyi thag gu byung bas mda' yab gnyis pa'i shing gzhan dang 'brel pa thams cad dang ldan pa'i grong khyer de gser

gyi dril bu g.yer ka'i dra bas khebs te/ dril bu g.yer ka'i dra ba de dag la rlung gis btab na sgra 'jam zhing snyan pa yid du 'ong bdag 'byung ba 'di lta ste/ dper na yan lag lnga dang ldan pa'i rol mo sna tshogs pa/ rol mo mkhan mkhas pas brdungs shing blangs na sgra

'jam zhings snyan pa yid du 'ong ba dag 'byung ba de bzhin du/ dril bu g.yer ka'i dra ba de dag la rlung gis btab na sgra 'jam zhing snyan ba yid du 'ong ba dag 'byung ste/ sgra des sems can de dag rtse dga' zhing dga' mgur spyod do/ /grong khyer de khor yug tu 'obs chu rjes su

mthun par 'bab pa'i tshul yongs su gang zhing / chu ha cang yang mi grang ba ha cang mi dro bas gang ba ? dag yod do/ /chu de dag nyid la sems can rnams kyi sngon gyi las kyi rnam par smin pas grub pa/ rin po che sna bdun rnam par bkra zhing blta na sdug pa'i gru dag yod de/ der

@264a */ /sems can dag zhugs nas rtse 'ga' zhing dga' mgur spyod do/ /chu de dag thams cad kyang ud pa la dang ku mu da dang pad ma dkar po dag gis khebs pa/ me tog gi rigs che zhing bzang la dri bzang po'i ngad dang ldan pa gzhan dag gis kyang khebs te/ stong

gsum gyi stong chen po'i 'jig rten gyi khams na yod pa'i me tog ti rigs las de na med pa gang yang med do/ /grong khyer de'i nang na skyed mos tshal snga brgya yod de/ thams cad kyang rin po che sna bdun gyi rang bzhin rnam par bkra zhing blta na sdug pa sha stag ste/ skyed mos cha la de

dag re re na yang rdzing bu kho ra yug tu rgyang grags kyi tshad tsam lta brgya lnga brgya yod de/ rdzing bu de dag thams cad nas rin po che sna bdun gyi rang bzhin gyi me tog ud pa la dang ku mu da deng pad ? ma dkar po rnam par bkra zhing blta na sdug pa dag skyes te de dag gis chu de khebs shing / ud

pa la dang ku mu da dang pad ? ma dkar po bzang po de dag thams cad kyang chu zheng du shing rta'i 'khor lo cam ste/ dri bzang ba sdon po kha dog sngon po sngon bor ston pa sdon por snang ba/ ser po kha dog ser po ser por ston pa ser por snad pa/ dmar po kha dog dmar po dmar por

ston pa dmar por snang ba/ dkar po kha dog dkar po dkar por ston pa dkar por snang ba dag yod do/ /rdzing bu de dag thams cad na ngang ngur dang khrung khrung dang k'a raNDa dang sa ras ? skra 'byin pa dag yod do/ /skyed mos tshal de dag thams cad kyang nga yi ra bya ba med cing yongs su 'dzin

pa med de/ 'di ltar yun ring bor sems can de dag shes rab kyi pha rol tu phyin pa la spyod cing/ sangs rgyas kyi tshul la gus par byed pa rjes su 'gro ba'i thos pa dang sems pa legs par rtogs pa/ yun ring por chos zab mo la mos pa'i sems can de dag nyid kyi sdon gyi

las kyi rnam par smin pas grub pa yin no/ /da la rigs kyi bu grong khyer spos dang ldan pa de'i dbus kyi bzhi mdon byang chub sems dpa' sems dpa' chen po chos 'phags kyi gang ba rin po che sna bdun las byas pa khor yug tu dpag tshad kyi tshad tsam/ rnam bar bkra zhing blta na

@264b sdug par ba rim pa bdun dang ta la'i phreng ba rim pa bdun gyis yongs su bskor ba zhig yod de/ gang pa de na khang pa'i longs spyad pa dang nye bar longs spyad pa dang / yongs su longs spyod pa dag rtag tu dga' ba zhes bya ba'i skyed mos tshal dang mya ngan med ces bya ba dang mya ngan

bral zhes bya ba dang me tog sna tshogs pa zhes bya ba'i skyed mos tshal dang skyed mos tshal bzhi yod de/ skyed mos tshal de dag re re na yang 'di lta ste/ rdzing bu bzang po zhes bya ba dang bzang mchog ces bya ba dang dga' ba zhes bya ba dang dga' mchog ces bya ba dang bde ba zhes bya ba dang

bde mchog ces bya ba dang des pa zhes bya ba dang mi 'bab pa ces bya ba brgyad brgyad yod de/ yang rdzing bu de dag gi ngos gcig ni gser gyi rang bzhin/ ngos gnyis pa ni dngul gyi rang bzhin/ ngos gsum pa ni bEd'urya'i rang bzhin/ ngos bzhi pa ni shel gyi rang bzhin/ 'og

gis gzhi ni kar ke ta na'i rad bzhin la gser gyi bye ma bdal ba ste/ rdzing bu de dag re re la yang them skas them pa rin po che'i rang bzhin sna tshogs rnam pa tha dad pas brgyan pa brgyad brgyad yod de/ them skas de dag thams cad kyi bar nas kyang 'dzam bu'i chu bo'i gser gyi shing

ljon pa dag skyes so/ /rdzing bu de dag thams cad kyi chu ni me tog ud pa la dang ku mu da dang bdam dkar po sna tshogs kyis khebs shing ngang ngur dang khrung khrung dang k'a rNDa dang sa ra sa rnams skad ? 'byin to/ /rdzing bu de dag gi kho ra yug tu me tog gi shing rnam pa sna tshogs skyes te me tog gi

shing de dag la rlung gis bskyod pa dang / me tog rnams rdzing bu'i nang du ltung bas rdzing bu de dag thams cad kyi chu yang tsan dan gyi drir phyogs shing kha dog dang ldan dri dang ldan ro dang ldan reg dang ldan no/ /de nas byang chub sems dpa' sems dpa' chen po chos 'phags 'khor dang

bcas pa bud med drug khri brgyad stong dang ltan cig tu 'dod pa'i yon tan lnga dang ldan zhing dbang du gyur te/ rtse dga' zhing dga' mgur sbyod do/ /grong khyer de na sems can skyes ba dang bud med gang gzhan dag 'khod pa de dag thams cad kyang skyed mos tshal lam rdzing bu dag na

@265a */ /rtag tu dga' zhing 'dod pa'i yon tan lnga dang ldan nas dbang du gyur te rtse dga' zhing dga' mgur spyod do/ /yang byang chub sems dpa' sems dpa' chen po chos 'phags de dus de srid du 'khor rnams dang lhan cig tu rtse dga' zhing dga' mgur spyod par byed cing

de na dus gsum du shes rab kyi pha rol tu phyin pa ston to/ /sems can gang dag grong khyer spos ldan na 'khod pa de dag kyang grong khyer gyi dbus kyi bzhi mdor byang chub sems dpa' sems dpa' chen po chos 'phags kyi khri gser gyi rkad pa dang dngul gyi rkang pa dang bEk'u rya'i rkang

ba dang shel gyi rkang pa btsugs pa/ shing bal bting bstan bar tshang can bting ba steng snying po can du byas pa ka shi ka'i gos bting ba 'phang du rgyang grags phyed yod pa bshams te/ steng gi bar snang la yang gos kyi bla re mu tig gis brgyan pa bres pa la ci 'di legs par

gnas sam snyam pa/ legs par gnas pa sna chogs pa rnam par smin pas lhan cig tu mnyam par rab tu 'dzin par byed cing sa phyogs de khor yug tu yang me tog kha dog sna lnga pa dag mngon par gtor rab tu gtor yang dag par gtor bar byed la/ ci ltar yang 'di

chos kyi bsam pa rnam par dag pa dang / byang chub sems dpa' sems dpa' chen po chos 'phags chos la gus pas/ sa phyogs de yang dri dang bdug pa sna tshogs kyis shin tu bdug par byed do/ /de la byang chub sems dpa' sems dpa' chen po chos 'phags 'du ga

nas shes rab kyi pha rol tu phyin pa ston te/ rigs kyi bu sems can de dag ni de ltar chos la gus par byed cing chos rnams la rten pa dang / dad pa dang ldan pas dad pa dang dang ba skyed pas byang chub sems dpa' sems dpa' chan po chos 'phags kyi drung du shes rab kyi pha rol

tu phyin pa nyan to/ /de na gang dag nyan pa'i lha dang mi srog chags brgya phrag mang pom srog chags stong phrag man gpom srog chags brgya stong phrag mang po tshogs pa de dag las la la ni lung 'bogs/ la la ni kha ton byed/ la la ni yi ger 'dri/ la la ni tshul bzhin

@265b yid la byed pas rtogs par byed do/ /sems can de dag thams cad kyang log par mi ltung ba'i chos can te/ bla na med pa yang dag par rdzogs pa'i byang chub las phyir mi ldog pa yin no/ /rigs kyi bu khyod byang chub sems dpa' sems dpa' chen po chos 'phags de'i

drung du song shig dang de las shes rab kyi pha rol tu phyin pa thos par 'gyur ro/ /rigs kyi bu de ni yun ring po nas khyod kyi dge ba'i bshes gnyen yin te/ bla na med pa yang dag par rdzogs pa'i byang chub yang dag par ston pa/ yang dag par 'dzin du 'jug pa/ yang dag par gzengs

stod pa/ yang dag par rab tu dga' bar byed pa yin no/ /rigs kyi bu des kyang sngon ? da ltar khyod ci ltar tshol ba de bzhin du shes rab kyi pha rol tu phyin pa yongs su btsal gyis/ rigs kyi bu khyod nyin mtshan du yid la byed pa rgyun ma bcad par bskyed pas song shig dang /

ring po mi thogs par shes rab kyi pha rol tu phyin pa thos bar 'gyur ro zhes gsungs so/ /de nas byang chub sems dpa' sems dpa' chen po rtag tu dus de thos nas dga' mgu yi rangs/ rab tu mgu zhing dga' ba dang yid bde ba skyes par gyur pa 'di lta ste/ dper na skyes bu

mde'u dug can zhig gis phog na yid la byed pa gzhan mi skyed kyi/ gang bdag zug rngu 'di sgrol cing bdag sdug bsngal 'di las thar par byed pa zu ga rdu 'byin pa'i snan pa bdag gis nam rnyed snyam sems pa de bzhin du/ byang chub sems dpa' sems dpa' chen po

rtag tu dus yang de'i tshe gang bdag la shes rab kyi pha rol tu phyin pa de thos bar byed cing chos gang thos nas bdag gi dmigs pa yid la byed pa spong bar 'gyur pa'i rigs kyi bu de bdag gis rnam mtheng snyam sems pa ma gtogs bar chos gang yang yid la mi byed do/ /de nas

byang chub sems dpa' sems dpa' chen po rtag tu dus phyogs de nyid du 'dug pa na/ byang chub sems dpa' sems dpa' chen po chos 'phags de shes rab kyi pha rol tu phyin pa ston pa thos so/ /thos nas kyang chos thams cad la mi gnas ba'i 'du shes bskyed nas de ting nge 'dzin

@266a */ /gyi sgo du ma mngon du gyur pa 'di lta ste/ chos thams cad kyi ngo bo nyid la lta ba zhes bya ba'i ting nge 'dzin dang / chos thams cad kyi ngo bo nyid mi dmigs pa zhes bya ba'i ting nge 'dzin dang / chos thams cad kyi ngo bo nyid shes pa las nges par 'byung ba

zhes bya ba'i ting nge 'dzin dang / chos thams cad tha dad pa med pa zhes bya ba'i ting nge 'dzin dang / chos thams cad 'gyur ba med par mgrong ba zhes bya ba'i ting nge 'dzin dang / chos thams cad snang par byed pa zhes bya ba'i ting nge 'dzin dang / chos thams cad mun pa dang

bral ba zhes bya ba'i ting nge 'dzin dang / chos thams cad mi shes pa sel ba zhes bya ba'i ting nge 'dzin dang / chos thams cad rnam par bsal ba zhes bya ba'i ting nge 'dzin dang / chos thams cad mi dmigs pa zhes bya ba'i ting nge 'dzin dang / me tog bkram bzhes bya ba'i

ting nge 'dzin dang/ chos thams cad bdag gi dngos po mi sgrub pa zhes bya ba'i ting nge 'dzin dang / sgyu ma rnam par spangs ba zhes bya ba'i ting nge 'dzin dang / me long gi dkyil 'khor snang ba sgrub ba zhes bya ba'i ting nge 'dzin dang / sems can thams cad kyi sgra sgrub pa zhes bya ba'i ting

nge 'dzin dang / rdul med pa zhes bya ba'i ting nge 'dzin dang / sems can thams cad mngon par dga' ba zhes bya ba'i ting nge 'dzin dang / sems can thams cad kyi sgra la mkhas pa'i rjes su song ba zhes bya ba'i ting nge 'dzin dang / sgra dang tshig dang yig 'bru sna tshogs mngon par sgrub

pa zhes bya ba'i ting nge 'dzin dang / khengs pa med pa zhes bya ba'i ting nge 'dzin dang / rang bzhin gyis tha snyad med pa zhes bya ba'i ting nge 'dzin dang / sgrib pa med pa'i rnam par thar pa thob pa zhes bya ba'i ting nge 'dzin dang / rdul dang bral ba zhes bya ba'i ting nge 'dzin dang / ming

dang nges pa'i tshig dang yig 'bru zhes bya ba'i ting nge 'dzin dang / chos thams cad la rnam par blta ba zhes bya ba'i ting nge 'dzin dang / chos thams cad yul dang bral ba zhes bya ba'i ting nge 'dzin dang / chos thams cad la sgrib pa med pa'i mtha' zhes bya ba'i ting nge 'dzin dang / nam

@266b mkha' dang mtshungs ? pa zhes bya ba'i ting nge 'dzin dang / rdo rje lta bu zhes bya ba'i ting nge 'dzin dang / gzugs kyi rdul sel ba zhes bya ba'i ting nge 'dzin dang / phun sum tshogs pa zhes bya ba'i ting nge 'dzin dang / rgyal ba thob pa zhes bya ba'i ting nge 'dzin dang / phyir mi

ldog pa'i mig ces bya ba'i ting nge 'dzin dang / chos kyi dbyings su nges pa zhes bya ba'i ting nge 'dzin dang / chos kyi dbyings las nges par 'byung ba zhes bya ba'i ting nge 'dzin dang / dbugs 'byin pa sbyin pa zhes bya ba'i ting nge 'dzin dang / seng ge mngon par sgrogs pa zhes

bya ba'i ting nge 'dzin dang / sems can thams cad zil gyis gnon pa zhes bya ba'i ting nge 'dzin dang / rdul dang rnam par bral ba zhes bya ba'i ting nge 'dzin dang / kun nas nyon mongs pa med pa zhes bya ba'i ting nge 'dzin dang / pad ma bkod pa zhes bya ba'i ting nge 'dzin

dang/ nem nur gcod pa zhes bya ba'i ting nge 'dzin dang / snying po thams cad kyi rjes su song ba zhes bya ba'i ting nge 'dzin dang / chos thams cad las mngon par 'phags pa zhes bya ba'i ting nge 'dzin dang / mngon par shes pa dang stobs dang mi 'jigs pa thob pa zhes bya ba'i

ting nge 'dzin dang / chos thams cad la nges par 'bigs pa zhes bya ba'i ting nge 'dzin dang / chos thams cad kyi 'byor ba'i phyag rgya zhes bya ba'i ting nge 'dzin dang / chos thams cad kyi 'byor pa rgya mtsho zhes bya ba'i ting nge 'dzin dang / chos thams cad bye brag med par lta

ba zhes bya ba'i ting nge 'dzin dang / lta bar gyur pa'i thibs po thams cad rnam par spong ba zhes bya ba'i ting nge 'dzin dang / mun pa dang bral ba zhes bya ba'i ting nge 'dzin dang / chos thams cad mtshan ma dang bral ba zhes bya ba'i ting nge 'dzin dang / chags pa thams cad las

rnam par grol ba zhes bya ba'i ting nge 'dzin dang / le lo thams cad dang bral ba zhes bya ba'i ting nge 'dzin dang / chos zab mo'i 'ong byed pa zhes bya ba'i ting nge 'dzin dang / ri rab 'dra ba zhes bya ba'i ting nge 'dzin dang / mi 'phrogs pa zhes bya ba'i ting nge 'dzin dang / bdud kyi dkyil

@267a */ /'khor rnam par sel bar byed pa zhes bya ba'i ting nge 'dzin dang / 'jig rten gsum la mngon par ma chags pa zhes bya ba'i ting nge 'dzin dang / 'od zer sgrub pa zhes bya ba'i ting nge 'dzin dang / de bzhin gshegs pa mthong ba zhes bya ba'i ting nge 'dzin dang

de bzhin gshegs pa thams cad mthong ba zhes bya ba'i ting nge 'dzin te/ ting nge 'dzin de dag la gnas pas phyogs bcu'i 'jig rten gyi khams na sangs rgyas bcom ldan 'das gzhal du med grangs med pa dag byang chub sems dpa' sems dpa' chen po dag la shes rab gyi pha

rol tu phyin pa 'di nyid rab tu ston pa dag mthong ste/ de bzhin gshegs pa de dag gis legs so zhes bya ba byin nas dbugs dbyung ba mdzad de/ tshig 'di skad ces rigs kyi bu nged kyis kyang sngon byang chub sems dpa'i sbyad pa spyod pa na shes rab kyi pha rol tu phyin pa

'di bzhin du yongs su btsal te/ yongs su tshol pa na yang gang 'dir khyod kyis thob pa'i ting nge 'dzin 'di lta bu nyid dag thob ste/ ting nge 'dzin 'di dag thob nas shes rab kyi pha rol tu phyin pa la rtogs par khong du chud par gyur te/ phyir mi ldog pa'i sangs rgyas kyi chos la

gnas par gyur to/ /nged kyis ting nge 'dzin 'di dag gi ngo bo nyid dang rang bzhin la bltas na/ gang mnyam par bzhag par bya ba 'am ldang bar bya ba 'am/ gang byang chub tu spyad par bya ba 'am/ gang bla na med pa yang dag par rdzogs pa'i byang chub mngon par rdzogs par 'tshang

rgya bar bya ba'i chos de gang yang yang dag par rjes su ma mthong ngo / /rigs kyi bu 'di ni shes rab kyi pha rol tu phyin pa de yin te chos gang gis kyang rlom sems sam/ rlom sems med par mi byed pa la gnas nas/ nged kyis 'di 'dra ba'i lus gser gyi kha dog lta bu thob ste/

skyes bu chen po'i mtshan sum cu rtsa gnyis dang / dpe byad bzang po brgyad cu dang 'od 'dom gang ba dang sangs rgyas kyi ye shes dang / sangs rgyas kyi shes rab bsam gyis mi khyab pa bla na med pa dang / sangs rgyas kyi ting nge 'dzin bla na med pa dang / sangs rgyas kyi chos kyi yon tan

@267b thams cad kyi pha rol tu phyin pa rjes su thob ste/ yon tan gyi pha rol tu phyin pa de la re zhig de bzhin gshegs pa dag gis kyang tshad gzung ba 'am/ mtha' bstan par mi nus na/ nyan thos dang rang sangs rgyas dag gis lta ci smos/ rigs kyi bu de lta bsan khyod kyis

chos 'di dag nyid la rab tu don du gnyer ba dang 'dod pas gus pa mchog tu bskyed par bya ste/ rigs kyi bu don du gnyer ba dang 'dod pa la ni bla na med pa yang dag par rdzogs pa'i byang chub rnyed par dka' ba ma yin no/ /rigs kyi bu khyod kyis dge ba'i bshes gnyen

la shin tu gus pa bskyed par bya'o/ /phangs par bya'o/ /rab tu dang bar bya'o/ /dge ba'i bshes gnyen gyis yongs su zin pa'i byang chub sems dpa' sems dpa' chen po ni myur du bla na med pa yang dag par rdzogs pa'i byang chub mngon par rdzogs par 'tshang rgya'o zhes

kyang gsungs so/ /de nas de bzhin gshegs ba de dag la byang chub sems dpa' sems dpa' chen po rtag tu dus 'di skad ces bdag gi dge ba'i bshes gnyen gang lags zhes gsol to/ /de dag gis de la 'di skad ces rigs kyi bu khyod yun ring po nas byang chub sems

dpa' sems dpa' chen po chos 'phags kyis bla na med pa yang dag par rdzogs pa'i byang chub tu yongs su smin par byas shing yongs su bzung ste/ shes rab kyi pha rol tu phyin pa dang thabs mkhas pa dang sangs rgyas kyi chos rnams la bslabs so/ /rigs kyi bu de ni khyod kyi dge ba'i

bshes gnyen yongs su 'dzin pa yin te/ byas pa shes pa dang byas pa tshor bas des bsgo ba dang des byas pa bzhin du zung shig/ rigs kyi bu gal te khyod kyis byang chub sems dpa' sems dpa' chen po chos 'phags la bskal pa gcig gam bskal pa gnyis sam bskal pa

gsum mam bskal pa brgya 'am bskal pa stong ngam/ bskal pa brgya stong ngam de las lhag par yang mgo la thod bzhin du thogs shing / bde ba'i yo byad thams cad kyis rim gror byas te/ stong gsum gyi stong chen bo'i 'jig rten gyi khams na gzugs dang sgra dang dri dang ro dang

@268a */ /reg pa ci snyed yod pa de dag thams cad phul yang rigs kyi bu khyod rigs kyi bu de'i byas pa de nyid la lan lon ba ma yin no/ /de ci'i phyir zhe na/ rigs kyi bu rigs kyi bu de'i mthus khyod kyis 'di lta bu'i ting nge 'dzin rnams rnyed par gyur te/ shes rab gyi

pha rol tu phyin ba dang thabs mkhas pa thos shing shes rab kyi pha rol tu phyin par thob par gyur to zhes bka' stsal to/ /de nas de bzhin gshegs pa de dag gis byang chub sems dpa' sems dpa' chen po rtag tu du dbugs byung nas mi snang bar gyur to/ /rigs kyi bu de yang

ting nge 'dzin de dag las langs te/ yangs nas yang 'di snyam du sems so/ /de bzhin gshes pa de dag gang nas byon de bzhin gshegs pa de dag gang du bzhud snyam ste/ de de bzhin shegs pa de dag ma mthong bas rab tu gdung zhing mi dga' bar gyur to/ /yang

de 'di snyam du sems te/ 'phags pa byang chub sems dpa' sems dpa' chen po chos 'phags ni gzungs thob pa/ mngon par shes pa lnga dang ldan pa/ sngon gyi rgyal ba rnams la lhag par bya ba byas pa ste/ bdag gi dge ba'i bshes gnyen yang dag par yongs su 'dzin

pa/ yun ring po nas des bdag gi don byas ba yin gyis/ bdag byang chub sems dpa' sems dpa' chen po chos 'phags kyi drung du mngon par song ste nye bar phyin nas/ de bzhin gshegs pa de dag gang nas byon/ de bzhin gshegs pa de dag gang du bzhud ces

don 'di nyid dri'o snyam mo/ /de nas byang chub sems dpa' sems dpa' chen po rtag tu du byang chub sems dpa' sems dpa' chen po chos 'phags la dga' ba dang dad pa dang ri mo dang gus par bya ba nye bar bzhag ste/ nye bar bzhag nas 'di snyam du/ bdag gis ci lta bu'i

bkur stir bya bas byang chub sems dpa' sems dpa' chen po chos 'phags de'i drung du 'gro bar bya/ bdag ni dbul te/ gang gis byang chub sems dpa' sems dpa' chen po chos 'phags la bdag gis bkur stir bya ba'i gos sam/ rin po che 'am gser ram nor bu

@268b 'am mu tig gam bE d'urya 'am dung ngam man shel lam byi ru'am dngul lam me tog gam bdug ba 'am dri 'am phreng ba 'am byug pa'am phye ma 'am chos gos sam gdugs sam rgyal mtshan nam dril bu 'am ba dan de lta bu yang bdag la ci yang med na/ bdag 'di bzhin du

byang chub sems dpa' sems dpa' chen po chos 'phags kyi drung du song na ni bdag gis mi rigs ba byas par 'gyur te/ bdag dga' ba 'am rangs pa yang mi skye'o snyam du bsams so/ /de nas byang chub sems dpa' sems dpa' chen po rtag tu du de lta bu'i yon tan dag dang /

bla ma la gus pa yid la byed pa dang ldan bas song nas/ mthar gyis grong khyer gzhan zhig tu phyin par gyur to/ /de nas byang chub sems dpa' sems dpa' chen po dag tu du grong bar gyi srang ga la ba der song ste/ de'i grong bar gyi dbus su phyin nas de 'di snyam du/ 'di

ltar bdag gi lus btsongs la/ de'i rin gyis byang chub sems dpa' sems dpa' chen po chos 'phags pa la bkur stir bya'o/ /yun ring po nas bdag gi lus stong zhig cing zad de 'gags par btsongs so/ /'khor ba dpag tu med pa na 'dod pa'i rgyu dang 'dod

ba'i gzhis yang dang yang sems can dmyal ba'i sdug bsngal dpag tu med pa dag myong yang / 'di lta bu'i chos kyi phyir ram 'di lta bu'i sems can chen po la bkur sti bya ba'i phyir ma yin no snyam du bsams so/ /de nas byang chub sems dpa' sems dpa' chen bo rtag

tu dus grong bar gyi tshong 'dus kyi dbus su 'dug ste/ mi su 'dod mi su 'dod/ mi su nyo bar 'dod ces sgra bsgrags shing skad kyis bos so/ /de nas bdud sdig can gyis 'di snyam du/ byang chub sems dpa' sems dpa' chen po rtag tu du 'di ni chos 'dod pa'i phyir bdag nyid

btsongs nas byang chub sems dpa' sems dpa' chen po chos 'phags la bkur sti byed cing / ci ltar byang chub sems dpa' sems dba' chen pos shes rab kyi pha rol tu phyin ba la spyad na myur du bla na med pa yang dag par rdzogs pa'i byang chub yongs su rdzogs par 'gyur zhes

@269a */ /shes rab kyi pha rol tu phyin pa dang thabs la mkhas pa yongs su 'dri bar 'gyur te/ des thos pa rgya mtsho rjes su thob par 'gyur/ bdud dang bdud kyi ris kyi lha dag gis mi thub par 'gyur/ yon tan thams cad kyi pha rol tu phyin pa rjes su thob par 'gyur/ der

sems can mang po dag gi don byed par 'gyur/ bla na med pa yang dag par rdzogs pa'i byang chub mngon par rdzogs par sangs rgyas nas/ de dang gzhan dag kyang nga'i yul las 'da' bar byed par 'gyur gyis/ bdag gis 'di'i bar chad bya'o snyam du bsams so/ /de

nas bdud sdig can gyis ci nas bram zer dang khyim bdag de dag gis byang chub sems dpa' sems dpa' chen po rtag tu dus mi su 'dod mi su 'dod mi su nyo bar 'dod ces zer pa'i sgra ci ltar mi thos par 'gyur ba de ltar yongs su bsgribs so/ /de nas byang chub sems dpa' sems

dpa' chen po rtag tu du gang gi tshe bdag nyo ba ma rnyed pa de'i tshe/ phyogs gcig tu songs nas dus te mchi ma phyung nas 'di skad du bdag gi lungs btsongs la byang chub sems dpa' sems dpa' chen po chos 'phags la bkur sti ba snyam na/ lus nyo ba yang bdag gis mrnyed de kye ma

bdag ni thob pa dan pa thob bo zhes smras so/ /de nas lha rnams kyi dbang po brgya byin gyis 'di snyam du/ 'di ltar byang chub sems dpa' sems dpa' chen po rtag tu ngu ? 'di lta ste chos 'dod pa'i phyir bdag gi lus yongs su gtang par lhag pa'i bsam pa phun sum tshogs pa yin nam ma yin pa

byang chub sems dpa' sems dpa' chen po rtag tu du bdag gis sad par bya'o snyam du bsams so/ /de nas lha rnams kyi dbang po brgya byin bram ze'i khye'u'i cha byad du mngon par sgrul nas/ byang chub sems dpa' sems dpa' chen po rtag tu ngu gal ba der song ste 'ongs nas/ byang chub

sems dpa' sems dpa' chen po rtag tu ngu la 'di skad ces smras so/ /rigs kyi bu 'di ltar khyod yid mi dga' zhing gdung la mchi ma byung zhing gnas pa ci nyes/ de la rtag tu dus 'di skad ces smras so/ /bram ze'i khye'u nga'i lus brtsong bar 'dod na lus 'di nyo ba yang ma rnyed do/ /

@269b brgya byin bram ze'i khye'u'i gzugs can gyis smras pa/ rigs kyi bu khyod ci'i phyir bdag nyid 'tshong bar 'dod/ rtag tu ngus de la smras pa/ bram ze'i khye'u nga ni chos 'dod pa'i phyir bdag nyid btsongs te/ chos la mchod par bya bar 'dod cing / 'phags pa byang chub

sems dpa' sems dpa' chen po chos 'phags la yang bkur sti bya bar 'dod na/ lus nyo ba de nges ma rnyed nas de lang 'di snyam du sems so/ /kye ma nga ni bsod nams chung bas 'di ltar lus btsongs te/ shes rab kyi pha rol tu phyin pa la mchod pa bya ba dang / 'phags

pa byang chub sems dpa' sems dpa' chen po chos 'phags la yang bkur sti bya snyam na/ bdag gi lus nyo ba yang ma rnyed do snyam mo/ /de nas bram ze'i khye'u des byang chub sems dpa' sems dpa' chen po rtag tu du la 'di skad ces smras so/ /rigs kyi bu nga la mis ni bya ba med kyi 'on

kyang ba mchod sbyin zhig byed de/ der mi'i snying dang khrag dang rus pa dang rkang dag nga la dgos na rin gyis nyor byin cig ces byas pa dang / de nas byang chub sems dpa' sems dpa' chen po rtag tu ngu 'di snyam du sems te/ gang bdag gis bram ze'i khye'u 'di bdag gis snying dang khrag

dang rus pa dang rkang nyo ba rnyed pa 'di ni bdag gis rnyed pa'i mchog legs par rnyed do/ /bdag gi lus ni shes rab kyi pha rol tu phyin pa dang thabs mkhas pa dang sangs rgyas kyi chos rnams yongs su rdzogs par 'gyur ro snyam nas/ de sems dga' ba dang sems bde pa dang sems

rab tu dga' bar gyur nas/ bram ze'i khye'u de la 'di skad ces smras so/ /bram ze'i khye'u nga'i lus 'di las khyod gang dag gang 'dod pa sbyin no/ /des de la 'di skad smras so/ /rigs kyi bu khyod rin du ci 'dod pa sbyin no zhes byas ba dang / des de la 'di skad ces smras so/ /bram

ze'i khye'u khyod kyis gang yongs su btang ba deng la byin cig /de nas byang chub sems dpa' sems dpa' chen po rtag tu du mtshon rnon po thogs nas lag pa g.yas pa phug ste/ khrag gzags so/ /brla g.yas pa sha med par btogs nas rus pa gcog tu rtsig pa'i drung du song ngo /

@270a */ /de nas tshong dpon gyi bu mo zhig khang pa'i yang thog na 'dug pa des byang chub sems dpa' sems dpa' chen po rtag tu du khrag mang po 'dzag pa dang / brla sha med par btogs nas rus pa gcog tu rtsig pa'i drung du song ba mthong nas/ de 'di snyam du sems te/

rigs kyi bu 'di ci'i phyir bdag nyid la bdag nyid 'di lta bu'i na tsha byed pa/ bdag rigs kyi bu de'i drung du song lte dri'o snyam mo/ /de nas tshong dpon gyi bu mo de byang chub sems dpa' sems dpa' chen po rtag tu dag la bder song ste phyin nas/ byang chub sems dpa' sems dpa'

chen po rtag tu du la 'di skad ces smras so/ /rigs kyi bu khyod ci'i phyir bdag nyid la 'di lta bu'i na tsha dag byed/ khrag dang rus pa dang rkang 'dis ci zhig bya/ rtag tu dus de la smras pa/ bu mo bram ze'i khye'u 'di la lus btsongs te/ shes rab kyi pha rol tu phyin pa la mchod

par bya'o/ /'phags pa byang chub sems dpa' sems dpa' chen po chos 'phags la yang bkur sti bya'o/ /de nas tshong dpon gyi bu mo des byang chub sems dpa' sems dpa' chen po rtag tu du la 'di skad ces smras so/ /rigs kyi bu khyod 'di ltar bdag gi snying dang khrag dang

rus pa dang rkang yang btsongs te/ rigs kyi bu de la bkur stir bya bar 'dod pa khyod la yon tan gyi rigs sam/ yon tan gyi khyad par ci zhig 'grub par 'gyur/ des bu mo de la 'di skad ces bu mo rigs kyi bu de ni gang langs bslab par bya ba'i shes rab kyi pha rol tu phyin pa dang /

thabs mkhas pa dag ston par 'gyur te/ de langs bslabs na bla na med pa yang dag par rdzogs pa'i byang chub mngon par rdzogs par sangs rgyas nas sems can thams cad kyi rten du 'gyur/ lus gser gyi kha dog lta bu yang thob par 'gyur/ skyes bu chen po'i mtshan sum cu rtsa

gnyis dang / dpe byad bzang po brgyad cu dang 'dod 'dom gang ba dang 'od zer mtha' yas pa dang byams pa chen po dang snying rjes chen po dang dga' pa chen po dang btang snyoms chen po dang mi 'jigs pa bzhi rab tu thob par 'gyur/ so so yang dag par rig pa bzhi rab tu thob par 'gyur/

@270b sangs rgyas kyi chos ma 'dres pa bco brgyad kyang rab tu thob par 'gyur/ mngon par shes pa lnga bsams gyis mi khyab pa dang / tshul khrims rnam par dag pa bsam gyis mi khyab pa dang / ting nge 'dzin rnam par dag pa bsam gyis mi khyab pa dang / shes rab rnam par dag pa

bsam gyi mi khyab pa dang / de bzhin gshegs pa'i stobs bcu rab tu thob par 'gyur/ bla na med pa'i sangs rgyas kyi ye shes kyang mngon par rdzogs par 'tshang rgya bar 'gyur/ gang gis sems can thams cad la kun tu bgo bsha' bya ba'i bla na med pa'i chos rin po che

yang rab tu 'thob par 'gyur ro zhes smras so/ /de nas tshong dpon gyi bu mo des byang chub sems dpa'sems dpa' chen po rtag tu ngu la 'di skad ces rigs kyi bu khyod kyis 'di ltar chos rgya chen po phul du byung bna 'di dag yongs su brjod pa ni ngo mtshar te/ rigs kyi bu chos kyi don

'di lta bu re re'i phyir yang bskal ba gang g'a'i klung gi bye ma snyed du lus yongs su gtang bar bya ba yin na mang po'i phyir lta ci smos te/ de tsam du khyod kyis chos 'di dag rgya che zhing phul du byung ba yongs su brjod pa ci lta bar bdag kyang 'dod cing bzod do/ /de lta na yang rigs kyi bu khyod

gang dang gang gis byang chub sems dpa' sems dpa' chen po chos 'phags la bkur sti bya ba'i gser ram/ nor bu 'am mu tig gam bE d'urya'am dngul lam mu s'ar gal pa 'am lo ha te' ra ka 'am shil lam mi tog gam bdug pa 'am dri 'am phring ba 'am byug pa 'am pa 'am phye ma 'am

gos sam gdugs sam rgyal mtshan nam dril bu'am ba da na nam mar me khyod la ci dgos pa de dagn de khyod la sbyin gyis bdag nyid la 'di lta bu'i sdug bsngal ma byed cig /bdag kyang khyed dang 'grogs te 'phags pa byang chub sems dpa' sems dpa' chen po chos 'phags ga ?

la ba der dong la/ bdag kyang khyod dang lda cig tu 'di lta ste/ de lta bu'i chos de dag thob par bya ba'i phyir dge ba'i tsa ba bskyed par bya'o zhes smras so/ /de nas lha rnams kyi dbang po brgya byin gyis bram ze'i khye'u'i cha byad me snang bar byas nas/ bdag nyid kyi lus su byang

@271a */ /chub sems dpa' sems dpa' chen po rtag tu du'i mdun du 'dug nas 'di skad ces rigs kyi bu khyod de lta bu'i yid ma la brtan pa dang / de lta bu'i chos don du gnyer pa 'di ni legs so legs so/ /sngon gyi de bzhin gshegs pa dgra bcom pa yang dag par

rdzogs pa'i sangs rgyas dag gis kyang sngon byang chub sems dpa'i sbyad ba sbyod pa na/ shes rab kyi pha rol tu phyin pa dang thabs mkhas pa yongs su zhus pas chos rin po che shin tu thob nas bla na med pa yang dag par rdzogs pa'i byang chub mngon par rdzogs par sangs rgyas so/ /rigs kyi bu nga

la snying dang khrag dang rus pa dang rkang gis bya ba med kyi/ nga khyod sad pa'i phyir 'dir 'ongs kyis/ rigs kyi bu khyod kyis mchog slongs shig /rigs kyi bu khyod la mchog ci lta bu zhig sbyin par bya zhes smras so/ /des de la smras pa/ brgya byin sangs rgyas kyi chos bla na med pa dag bdag

la stsol cig /brgya byin gyis smras pa/ rigs kyi bu yul 'di la ni nga'i nus pa yod pa ma yin te/ yang yul 'di sangs rgyas bcom ldan 'das rnams kyi yul du gyur pa yin gyis/ mchog gzhan slongs shig /rtag tu dus smras pa/ bdag gi lus yongs su rdzogs

par bya ba'i gnas 'di la ni lha'i dbang po brgya byin khyod brtson ba chung bar gyis shig /lha'i dbang po nga'i lus 'di la bdag nyid kyis bden pa'i byin gyi rlabs bya'o/ /lha'i dbang po bden pa gang gis bdag bla na med pa yang dag par rdzogs pa'i byang chub las phyir mi ldog par de bzhin

gshegs pa dgra bcom pa yang dag par rdzogs pa'i sangs rgyas rnams kyis lung bstan cing / bdag gi lhag pa'i bsam pa g.yo med par mkhyen na/ bden pa de dang bden pa'i tshig des bdag gi lus sngon gyi ci lta ba bzhin du gyur cig ces byas pa dang / de nas skad cig

thang cig yung tsam de la sangs rgyas kyi mthu dang / lhag pa'i bsam ba yongs su dag bas byang chub sems dpa' sems dpa' chen po rtag tu du'i lus sngon gyi ci lta ba bzhin du gnas pa dang / nad med pa dang gnod pa med par gyur to/ /de nas lha rnams kyi dbang po brgya byin

@271b dang; bdud sdig can yang spobs pa med par gyur te/ byang chub sems dpa' sems dpa' chen po rtag tu ngu la lan glan par spobs pa ma skyes nas de nyid du mi snang bar gyur to/ /de nas tshong dpon gyi bu mo des byang chub sems dpa' sems dpa' chen po rtag tu ngu la 'di skad ces

smras so/ /rigs kyi bu khyod tshur shog /bdag gi khyim gang na yod pa der 'dong ngo / /bdag gis pha ma'i drung nas nor blangs te/ 'di lta ste chos 'dod pa'i phyir gang gis shes rab kyi pha rol tu phyin pa de yang mchod par bya ba dang/ 'phags pa byang chub sems dpa'

sems dpa' chen po chos 'phags de la yang bkur stir bya ba khyod la spyin no/ /de nas byang chub sems dpa' sems dpa' chen po rtag tu ngu tshong dpon gyi bu mo de dang 'grogs nas/ de'i rang gi khyim gngan yod pa der dong ste phyin nas sgo drung du bsdad do/ /de nas tshong dpon kyi bu

mo de rang gi khyim du phyin nas pha ma la 'di skad ces smras so/ /yab yum gzer dang dngul dang rin po che dang nor bu dang gos dang me tog dang bdug pa dang dri dang phreng ba dang byug pa dang phye ma dang chos gos dang gdugs dang rgyal mtshan dang dril bu dang bdan dang rol mo'i yo byad sna tshogs

dag bdag la stsol cig /bdag kyang khyed kyis stsal ba'i g.yog mo bu mo lda brgya 'di dag dang lhan cig dgyer gsol/ byang chub sems dpa' sems dpa' chen po rtag tu du dang bdag cag 'grogs te/ byang chub sems dpa' sems dpa' chen po chos 'phags kyi

drung du mchod pa bgyi ba'i slad du mchi'o/ /de yang bdag cag la chos ston par 'gyur zhing des bdag gis kyang sangs rgyas kyi chos rnams rnyed par 'gyur ro/ /de nas bu mo de'i pha mas bu mo de la 'di skad ces smras so/ /bu mo byang chub sems dpa' sems dpa' chen po rtag tu

du zhes bya ba de su zhig de da lta gang na 'dug /bu mos smras pa/ rigs kyi bu de da lta 'o skol gyi sgo drung na mchis te/ rigs kyi bu de ni lhag pa'i bsam pas bla na med pa yang dag par rdzogs pa'i byang chub tu mngon par rdzogs par 'tshang rgya bar yang dag par zhugs pa 'di lta ste/

@272a */ /sems can thams cad 'khor ba'i sdug bsngal dpag tu ma mchis pa las thar bar bgyi bar 'tshal bas de chos 'tshal ba'i slad du bdag nyid btsongs la shes rab kyi pha rol tu phyin pa la mchod pa bgyi bar 'tshal/ 'phags pa byang chub sems dpa'

sems dpa' tshan po chos 'phags la yang bkur sti bgyi bar 'tshal na/ de'i lus nyo ba 'ga' yang ma rnyed cing ma rnyed pas sdug bsngal zhing yid mi bde nas mi dga' bar sems shing mchi ma phyung nas mchis pa dang / lha rnams kyi dbang po brgya byin bram ze'i khye'u'i gzugs su

bsgyur bas smras pa/ rigs kyi bu khyod sdug bsngal ba dang yid mi bde bas mi dga' bar sems shing mchi ma phyung nas gnas pa ci nyes/ des de la smras pa/ bdag nyid 'tshong bar 'dod na bdag gi de nyo ba yang ma rnyed do/ /bram ze'i khye'u'i gzugs kyi brgya byin gyis smras pa/

rigs kyi bu khyod gang gi phyir lus 'tshong bar 'dod ces bgyis pa dang / rtag tu dus smras pa/ shes rab kyi pha rol tu phyin pa la mchod par bya ba dang / 'phags pa byang chub sems dpa' sems dpa' chen po chos 'phags de la yang bkur sti bya'o/ /nga'i sangs rgyas kyi chos

rnams ni de la rag las pas 'di lta ste/ chos 'dod pa'i phyir ro zhes bgyis pa dang/ bram ze'i khye'u'i gzugs kyi brgya byin gyi smras pa/ rigs kyi bu khyod ni nga mi 'dod de/ 'on kyang nga mchod sbyin zhig byed ba der mi'i snying dang khrag dang rus pa dang rkang dag dgos so zhes

bgyis pa dang / rigs kyi bu des yi ma bsad par de la 'di skad du sbyin no zhes smras nas/ de mtshon rnon po thogs te bdag gi lag pa phug nas khrag gzags/ brla sha med par btogs te rus pa gcog tu rtsig pa'i drung du song nas phyogs gcig tu 'dug ste/ rus pa dang rkang

sbyin no snyam nas rigs kyi bu de khrag gzags pa bdag khang pa'i yang thog na mchis pas mthong ste/ de la bdag 'di snyam du bgyid do/ /mi 'di ci'i slad du 'di lta bur bdag nyid la na tsha dag bgyid snyam ste/ de'i thang du bdag mchis nas 'di skad du bgyis so/ /rigs kyi bu

@272b 'di ltar bdag nyid kyis lus kyi khrag gzags pa 'dis ci zhig bya zhes bgyis pa dang / de bdag la 'di skad ces mchi ste/ bu mo bram ze'i khye'u 'di la khrag dang snying dang rus pa dang rkang sbyin no/ /de ci'i phyir zhe na/ nga ni dbul teng la nor gzhan ci yang med do zhes

mchi'o/ /bdag gis khyod la nor gyis ci zhig bya zhes bgyis pa dang / de bdag la 'di skad du/ 'di lta ste/ chos 'dod pa'i phyir shes rab kyi pha rol tu phyin pa la mchod par bya'o/ /'phags pa byang chub sems dpa' sems dpa' chen po chos 'phags la yang bkur

stir bya'o zhes mchi nas/ bdag gis de la 'di skad ces bgyis te rigs kyi bu des khyod la yon tan gyi rigs sam yon tan gyi khyad par ci zhig 'byung bar 'gyur/ de bdag la 'di skad du sangs rgyas kyi yon tan bsam gyis mi khyab pa brjod pa dang / sangs rgyas kyi chos

gzhal byar med pa rnams rab tu ston par 'gyur ro/ /'di lta bu'i sangs rgyas kyi chos rnams de las 'byung bar 'gyur ro zhes bdag la mchi ste/ sangs rgyas kyi yon tan bsam gyis mi khyab pa de dag thos nas/ bdag kyang dga' ba dang rab tu mgu ba chen po skyes nas 'di

snyam du bgyid de/ rigs kyi bu 'di shin tu chos 'dod pa'i phyir 'di lta bur gang rang gi lus kyi bar du yang mi gnas par spro ba ni dka' ba bgyid pa ste ngo mtshar to/ /rigs kyi bu 'di ni chos 'dod pa'i phyir bdag nyid kyang yongs su gtong na/ bdag cag la longs spyod gang dag mang zhing rgya

che bdag yod na/ ci'i phyir bdag cag chos la mchod pa mi bgyid/ 'di lta bu'i gnas dag la smon lam ci'i phyir mi gdab snyam nas/ rigs kyi bu de la bdag gis 'di skad ces bgyis so/ /rigs kyi bu khyod bdag nyid la 'di lta bu'i srog 'phrog ba'i tshul gyi na tsha dag ma byed

cig /khyod don gang gis 'phags pa byang chub sems dpa' sems dpa' chen bo chos 'phags la bkur stir bya ba dang / bla mar bya ba'i nor mad po dag bdag gis pha ma las blangs te bdag kyang khyod dang 'grogs te byang chub sems dpa' sems dpa' chen po chos 'phags ga la ba der

@273a */ /mchi'o/ /bdag gis kyang rigs kyi bu de la mchod par bgyi'o/ /gang khyod kyis yongs su brjod pa 'di lta ste/ sangs rgyas kyi chos bla na med pa de lta bu'i chos dag bdag gis kyang rdzogs par bgyi'o zhes bgyis na/ yab yum gyis dkor gyi phung po chen po

de bdag la stsal ba gnang bar mdzad du gsol/ bdag gis kyang rigs kyi bu de dang lhan cig tu 'phags ba byang chub sems dpa' sems dpa' chen po chos 'phags la mchod bar bgyi'o//