Prajnaparamita in Eight Thousand Verses Tibetan Translation Chapter 9

From Rangjung Yeshe Wiki - Dharma Dictionnary
Jump to navigationJump to search

//shes rab kyi pha rol tu phyin pa brgyad stong pa/ bam bo dgu pa/ de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das shes rab kyi pha rol tu phyin pa ni mngon par mi brtson pa dang dge ba'i rtsa ba dang bral

ba dang sdig pa'i grogs po'i lag tu song bas mos par dka'o/ /bcom ldan 'das kyis bka' stsal pa/ de de bzhin no rab 'byor de de bzhin te/ rab 'byor shes rab kyi pha rol tu phyin pa ni mngon par mi brtson pa dang dge ba'i rtsa ba chung ba dang blo zhan pa dang don du mi gnyer ba dang thos pa nyung ba dang

shes rab bzhan pa dang sdig pa'i grogs pos nye bar brtan pa dang legs par mi nyan pa dang mi 'dri ba'i rang bzhin can dang dge ba'i chos la mi brtson bas mos par dka'o/ /rab 'byor gyis gsol pa/ bcom ldan 'das e ma shes rab kyi pha rol tu phyin pa ni mos par dka' ba'i slad du 'di ci tsam

du zab pa lags/ bcom ldan 'das kyis bka' stsal ba/ rab 'byor gzugs ni ma bcings ma grol ba'o/ /de ci'i phyir zhe na/ rab 'byor gzugs ngo bo nyid med pa'i phyir gzugs ma bcings ma grol ba'o/ /rab 'byor de bzhin du tshor ba dang 'du shes dang 'du byed rnams dang nam

@104b par shes pa ni ma bcings ma grol ba'o/ /de ci'i phyir zhe na/ rab 'byor rnam par shes pa ngo bo nyid med pa'i phyir rnam par shes pa ma bcings ma grol ba'o/ /rab 'byor gzugs kyi sngon gyi mtha' ma bcings ma grol ba'o/ /de ci'i phyir zhe na/ rab 'byor gzugs la sngon gyi mtha'i

ngo bo nyid med pa'i phyir ro/ /rab 'byor gzugs kyi phyi ma'i mtha' ma bcings ma grol ba'o/ /de ci'i phyir zhe na/ rab 'byor gzugs la phyi ma'i mtha'i ngo bo nyid med pa'i phyir ro/ /rab 'byor gzugs kyi da ltar byung ba ma bcings ma grol ba'o/ /de ci'i phyir zhe na/ rab

'byor gzugs la da ltar byung ba'i ngo bo nyid med pa'i phyir ro/ /rab 'byor de bzhin du tshor ba dang 'du shes dang 'du byed rnams dang rnam par shes pa'i sngon gyi mtha' ma bcing ma grol ba'o/ /de ci'i phyir zhe na/ rab 'byor rnam par shes pa la sngon gyi mtha'o ngo bo nyid med pa'i phyir ro//

rab 'byor rnam par shes pa'i phyi ma'i mtha' ma bcings ma grol ba'o/ /de ci'i phyir zhe na/ rab 'byor rnam par shes pa la phyi ma'i mtha'i ngo bo nyid med pa'i phyir ro/ /rab 'byor rnam par shes pa'i da ltar byung ba ma bcings ma grol ba'o/ /de ci'i phyir zhe na/ rab 'byor rnam par

shes pa la da ltar byung ba'i ngo bo nyid med pa'i phyir ro/ /rab 'byor gyis gsol pa/ bcom ldan 'das shes rab kyi pha rol tu phyin pa ni mi brtson pa dang dge ba'i rtsa ba ma bsags pa dang sdig pa'i grogs po'i lag tu song ba dang bdud kyi dbang du gyur pa dang le lo can dang brtson 'grus zhan

pa dang dran pa nyams pa dang shes rab 'tshal pas mos par dka' zhing mchog tu mos par dka' ba lags so/ /bcom ldan 'das kyis bka' stsal ba/ de de bzhin no rab 'byor de de bzhin te/ rab 'byor shes rab kyi pha rol tu phyin pa ni mi brtson pa dang dge ba'i rtsa ba ma bsags pa dang

sdig pa'i grogs po'i lag tu song pa dang bdud kyi dbang du gyur ba dang le lo can dang brtson 'gyur zhan pa dang dran pa nyams pa dang shes rab 'chal pas mos par dka' ba yin te/ rab 'byor shes rab kyi pha rol tu phyin pa ni mchog tu mos par dka' ba yin no/ /de ci'i phyir zhen/ rang 'byor

@105a */ /gzugs rnam par dag pa gang yin pa de ni 'bras bu rnam par dag pa 'bras bu rnam par dag pa gang yin pa de ni gzugs rnam par dag pa ste/ rab 'byor de ltar na gzugs rnam par dag pa dang 'bras bu rnam par dag pa 'di ni gnyis su med cing gnyis su byar med de tha mi

dad cing mchad pa'o/ /rab 'byor de ltar na 'bras bu rnam par dag pas na gzugs rnam par dag pa gzugs rnam par dag pas na 'bras bu rnam par dag pa'o/ /rab 'byor de bzhin du tshor ba dang 'du shes dang 'du byed rnam dang rnam par shes pa rnam par dag pa dang yin pa de ni

'bras bu rnam par dag pa'o 'bras bu rnam par dag pa gang yin pa de ni rnam par shes pa rnam par dag pa ste/ rab 'byor de ltar na rnam par dag pa dang 'bras bu rnam par dag pa 'di ni gnyis su med cing gnyis su byar med de tha mi dad cing mchad pa'o/ /rab 'byor de

ltar na 'bras bu rnam par dag pas na rnam par shes pa rnam par dag ba rnam par shes pa rnam par dag pas 'bras bu rnam par dag pa'o/ /rab 'byor gzhan yang gzugs rnam par dag pa gang yin pa de ni thams cad mkhyen pa nyid rnam par dag pa thams cad mkhyen pa nyid rnam par dag

pa gang yin bde ni gzugs rnam par dag pa ste/ rab 'byor de ltar na gzugs rnam par dag pa dang thams cad mkhyen pa nyid rnam par dag pa 'di ni gnyis su med de gnyis su byar med cing tha mi dad ? cing bchad pa'o/ /rab 'byor de ltar na thams cad mkhyen pa nyid rnam par dag pas na gzugs rnam

par dag pa gzugs rnam par dag pas na thams cad mkhyen pa nyid rnam par dag ba'o/ /rab 'byor de bzhin du tshor ba dang 'du shes dang 'du byed rnams dang rnam par shes pa rnam par dag pa gang yin pa de ni thams cad mkhyen pa nyid rnam par dag pa'o thams cad mkhyen pa nyid rnam par dag pa gang yin pa de

ni rnam par shes pa rnam bar dag pa ste/ rab 'byor de ltar na rnam par shes pa rnam par dag pa dang thams cad mkhyen pa nyid rnam par dag pa 'di ni gnyis su med cing gnyis su byar med de tha mi dad cing mchad pa'o/ /rab 'byor de ltar na thams cad mkhyen pa nyid rnam par dag pas na rnam par

@105b shes pa rnam par dag pa'o rnam par shes pa rnam par dag pas na thams cad mkhyen pa nyid rnam par dag pa'o/ /de nas bcom ldan 'das la tshe dang ldan pa sh'a ri'i bus 'di skad ces gsol to/ /bcom ldan 'das shes rab kyi pha rol tu phyin pa ni zab po/ /bcom ldan 'das kyis

bka' stsal pa/ sh'a ri'i bu rnam par dag pa'i phyir ro/ /sh'a ri'i bus gsol pa/ bcom ldan 'das shes rab kyi pha rol tu phyin pa ni gsal bar bgyid pa'o/ /bcom ldan 'das kyis bka' stsal pa/ sh'a ri'i bu rnam par dag pa'i phyir ro/ /sh'a ri'i bus gsol pa/ bcom ldan

'das shes rab kyi pha rol tu phyin pa ni snang bar bgyid pa'o/ /bcom ldan 'das kyis bka' stsal pa/ sh'a ri'i bu rnam par dag pa'i phyir ro/ /sh'a ri'i bus gsol pa/ bcom ldan 'das shes rab kyi pha rol tu phyin pa ni mtshams sbyor ba ma mches pa'o/ /bcom ldan 'das kyis bka'

stsal pa/ sha' ri'i bu rnam par dag pa'i phyir ro/ /sha' ri'i bus gsol pa/ bcom ldan 'das shes rab kyi pha rol tu phyin pa ni kun nas nyon mongs pa ma mchis pa'o/ /bcom ldan 'das kyis bka' stsal pa/ sh'a ri'i bu rnam par dag pa'i phyir ro/ /sh'a ri'i bus gsol pa/ bcom

ldan 'das shes rab kyi pha rol tu phyin pa ni thob pa ma mchis pa mngon par rtogs pa ma mchis pa'o/ /bcom ldan 'das kyis bka' stsal pa/ sh'a ri'i bu rnam par dag pa'i phyir ro/ /sh'a ri'i bus gsol pa/ bcom ldan 'das shes rab kyi pha rol tu phyin pa ni mngon par 'grub pa ma

mchis pa'o/ /bcom ldan 'das kyis bka' stsal pa/ sh'a ri'i bu rnam par dag pa'i phyir ro/ /sh'a ri'i bus gsol pa/ bcom ldan 'das shes rab kyi pha rol tu phyin pa ni 'dod pa'i khams dang gzugs kyi khams dang gzugs med pa'i khams dang gzugs med pa'i khams su shin tu skye ba ma mchis pa'o/ /

bcom ldan 'das kyis bka' stsal ba/ sh'a ri'i bu rnam par dag pa'i phyir ro/ /sh'a ri'i bus gsol pa/ bcom ldan 'das shes rab kyi pha rol tu phyin pa ni ma 'tshal yang dag par ma 'tshal ba'o/ /bcom ldan 'das kyis bka' stsal pa/ sh'a ri'i bu rnam par dag pa'i phyir ro/ /sh'a ri'i

@106a */ /bus gsol pa/ bcom ldan 'das yang shes rab kyi pha rol tu phyin pa ni ci zhig ma 'tshal zhing yang dag par ma 'tshal/ bcom ldan 'das kyis bka' stsal pa/ /sh'a ri'i bu shes rab kyi pha rol tu phyin pa ni gzugs mi shes yang dag par mi shes so/ /de ci'i phyir

zhen/ sh'a ri'i bu rnam par dag pa'i phyir ro/ /sh'a ri'i bu de bzhin du shes rab kyi pha rol tu phyin pa ni tshor ba dang 'du shes dang 'du byed rnams dang rnam par shes pa mi shes yang dag par mi shes so/ /de ci'i phyir zhen/ rnam par dag pa'i phyir ro/ /sh'a ri'i bus gsol pa/

bcom ldan 'das shes rab kyi pha rol tu phyin pa ni thams cad mkhyen pa nyid la gnod par yang mi bgyid phan par yang mi bgyid do/ /bcom ldan 'das kyis bka' stsal pa/ /rnam par dag pa'i phyir ro/ /sh'a ri'i bus gsol pa/ bcom ldan 'das shes rab kyi pha rol tu phyin pa

ni chos gang yang yongs su mi 'dzin yongs su mi gtong ngo/ /bcom ldan 'das kyis bka' stsal pa/ rnam par dag pa'i phyir ro/ /de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das bdag rnam par dag pas/ gzugs

rnam par dag pa'o/ /bcom ldan 'das kyis bka' stsal pa/ /rab 'byor shin tu rnam par dag pa'i phyir ro/ /rab 'byor gyis gsol pa/ bcom ldan 'das 'dag rnam par dag pas tshor ba dang 'du shes dang 'du byed rnams rnam par dag pa'o/ /bcom ldan 'das bdag rnam par

dag pas rnam par shes pa rnam par dag pa'o/ /bcom ldan 'das kyis bka' stsal pa/ rab 'byor shin tu rnam par dag pa'i phyir ro/ /rab 'byor gyis gsol pa/ bcom ldan 'das bdag rnam par dag pas 'bras bu rnam par dag pa'o/ /bcom ldan 'das kyis bka'

stsal pa/ rab 'byor shin tu rnam par dag pa'i phyir ro/ /rab 'byor gyis gsol pa/ /bcom ldan 'das bdag rnam par dag pas thams cad mkhyen pa nyid rnam par dag ba'o/ /bcom ldan 'das kyis bka' stsal pa/ rab 'byor shin tu rnam par dag pa'i phyir ro/ /

@106b rab 'byor gyis gsol pa/ bcom ldan 'das bdag rnam par dag pas thob pa ma mchis mngon par rtogs pa yang ma mchis so/ /bcom ldan 'das kyis bka' stsal pa/ rab 'byor shin tu rnam par dag pa'i phyir ro/ /rab 'byor gyis gsol pa/ /bcom ldan 'das bdag

mu ma mchis bas na gzugs mu ma mchis pa'o/ /bcom ldan 'das kyis bka' stsal pa/ rab 'byor shin tu rnam par dag pa'i phyir ro/ /rab 'byor gyis gsol pa/ bcom ldan 'das bdag mu ma mchis pas na tshor pa dang 'du shes dang 'du byed rnams dang rnam par shes pa mu

ma mchis pa'o/ /bcom ldan 'das kyis bka' stsal pa/ rab 'byor shin tu rnam par dag pa'i phyir ro/ /rab 'byor gyis gsol pa/ /bcom ldan 'das byang chub sems dpa' sems dpa' chen po de'i de ltar rtogs pa gang lags pa de 'di'i shes rab kyi pha rol tu phyin pa lags

so; /bcom ldan 'das kyis bka' stsal pa/ /rab 'byor shin tu rnam par dag pa'i phyir ro/ /tshe dang ldan pa rab 'byor gyis gsol pa/ bcom ldan 'das yang shes rab kyi pha rol tu phyin pa 'di ni tshu rol gyi 'gram na yang mi gnas pha rol gyi 'gram na yang mi gnas gnyi ga'i

bar rgyang ring po na yang mi gnas so/ /bcom ldan 'das kyis bka' stsal pa/ /rab 'byor shin tu rnam par dag pa'i phyir ro/ /tshe dang ldan pa rab 'byor gyis gsol pa/ /bcom ldan 'das de ltar yang 'du shes na byang chub sems dpa' sems dpa' chen po de ni shes rab kyi pha

rol tu phyin pa 'di 'dor bar 'gyur ro/ /shes rab kyi pha rol tu phyin pa 'di ring du bgyid par 'gyur ro/ /bcom ldan 'das kyis bka' stsal pa/ rab 'byor legs so legs so/ /de de bzhin nor rab 'byor de de bzhin te/ /de ci'i phyir zhe na/ /rab 'byor ming las kyang

chags par 'gyur ro mtshan ma las kyang chags par 'gyur ro/ /de skad ces bka' stsal pa dang/ bcom ldan la tshe dang ldan pa rab 'byor gyis 'di skad ces gsol to/ /bcom ldan 'das 'di ltar bcom ldan 'das kyis gang du chags pa 'di dag kyang bshad pas ci tsam du

@107a */ /shes rab gyi pha rol tu phyin pa 'di legs par bshad cing legs par bstan te/ /shin tu mthar gtugs pa ni ngo mtshar to/ /de nas tshe dang ldan pa sh'a ri'i bus tshe dang ldan ;pa rab 'byor la 'di skad ces smras so/ /tshe ldan pa rab 'byor chags pa de dag gang

yin/ rab 'byor gyis smras pa/ /tshe dang ldan pa sh'a ri'i bu gzugs stong pa'o snyam pa ni chags pa'o/ /de bzhin du tshor ba dang 'du shes dang 'du byed rnams dang tshe dang ldan pa sh'a ri'i bu rnam par shes pa stong pa'o snyam pa ni chags pa pa'o/ /'das pa'i chos rnams la 'das pa'i

chos rnam so zhes yang dag par shes pa ni chags pa'o/ /ma 'ongs pa'i chos rnams la ma 'ongs pa'i chos rnams so zhes yang dag par shes pa ni chags pa'o/ /da ltar byung ba'i chos rnams la da ltar byung ba'i chos rnams so zhes yang dag par shes pa ni chags pa'o/ /gang

zag byang chub sems dpa'i theg pa can sems dang po bskyed pas bsod nams kyi phung po 'di tsam skyed do zhes yang dag par shes pa ni chags pa'o/ /de nas lha rnams kyi dbang po brgya byin gyis cho dang ldan rab 'byor la 'di skad ces smras so/ /'phags pa rab 'byor rnam grangs

gang gis chags par 'gyur/ /rab 'byor gyis smras pa/ /kO shi ka gal te 'di ni byang chub kyi sems dang po'o zhes byang chub kyi sems de yang dag par shes shing bla na med pa yang dag par rdzogs pa'i byang chub tu yongs su bsdo'o zhes yongs su sdo bar pas te/ rigs kyi bu 'am

rigs kyi bu mo theg pa chen po la yang dag par zhugs pa des sems kyi rang bzhin yongs su bsngo bar ni mi nus so/ /kO shi ka de bas na gzhan la yang dag par ston pa dang yang dag par 'god pa dang yang dag par gzengs stod pa dang yang dag par rab tu dga' bar byed pas ni bla na med pa yang

dag par rdzogs pa'i byang chub yang dag pa nyid rjes su rtogs pas yang dag par bstan par bya yang dag bar dgod par bya yang dag par gzengs bstod par bya byang dag par rab tu dga' bar bya ste/ /de ltar na rigs kyi bu 'am rigs kyi bu mo de bdag nyid la yang gnod par mi byed cing

@107b sangs rgyas kyis gnang ba'i yang dag par 'god pas gzhan 'god par byed par 'gyur la chags pa'i mtha' 'di dag thams cad kyang rnam par spangs par 'gyur ro/ /de nas bcom ldan 'das kyis tshe dang ldan pa rab 'byor la legs so zhes bya ba byid te/ /rab 'byor khyod de ltar

byang chub sems dpa' sems dpa' chen po dag la chags pa'i mtha' 'di dag khong du chud par byed pa legs so legs so/ /rab 'byor de'i pyir chags pa rab tu phra ba gzhan dag kyang brjod par bya ste legs par rab tu nyon la yid la zung shig dang ngas khyol bshad do/ /

bcom ldan 'das legs so zhes gsol nas/ /tshe dang ldan pa rab 'byor bcom ldan 'das kyi ltar nyan pa dang bcom lda 'das kyis 'di skad ces bka' stsal to/ /rab 'byor 'di la rigs kyi bu 'am rigs kyi bu mo dad pa dag de bzhin gshegs pa dgra bcom pa yang dag

par rdzogs pa'i sangs rgyas mtshan mar yid la byed na yang rab 'byor mtshan ma ji srid pa de srid du chags pa yin no/ /de ci'i phyir zhe na/ /rab 'byor mtshan ma las ni chags par 'gyur ro/ /de ltar na de 'das pa dang ma'ongs pa dang dad ltar byung ba'i sangs rgyas bcom ldan 'das

rnams kyi zag pa med pa'i chos gang yin pa de dag la rjes su yi rang ngo/ /de ltar rjes su yi rang nas rjed su yi rang ba dang ldan pa'i dge ba'i rtsa ba dag bla na med pa yang dag par rdzogs pa'i byang chub tu yongs su bsdo'o zhes yongs su sdo bar byed na/ /rab 'byor yang chos rnams kyi chos nyid

gang yin pa de ni 'das pa 'am ma 'ongs pa 'am dad ltar byung ba ma yin te/ /gang 'das pa dang ma 'ongs pa dang dad ltar byung ba ma yin pa de ni dus gsum las nges par grol ba/ gang dus gsum las nges par grol ba de ni yongs su bsdo ba dang mtshan mar bya ba dang dmigs par byan bar mi nus

shing/ /de ni mthong ba dang thos pa dang rtogs pa dang rnam par shes par shes pa yang ma yin no/ /rab 'byor gyis gsol pa/ /bcom ldan 'das chos rnams kyi rang bzhin ni zab po/ /bcom ldan 'das kyis bka' stsal pa/ /rab 'byor dben pa'i phyir ro/ /rab 'byor gyis gsol ba

@108a */ /bcom ldan 'das shes rab kyi pha rol tu phyin pa ni rang bzhin zab pa'o/ /bcom ldan 'das kyis bka' stsal pa/ /rab 'byor rang bzhin rnam par dag pa'i phyir dab rab 'byor rang bzhin dben ba'i phyir shes rab kyi pha rol tu phyin pa ni rang bzhin zab bo/ /rab 'byor

gyis gsol ba/ /bcom ldan 'das shes rab kyi pha rol tu phyin pa ni rang bzhin dben pa'i phyir bcom ldan 'das shes rab kyi pha rol tu phyin pa la phyag 'tshal lo/ /bcom ldan 'das kyis bka' stsal pa/ /rab 'byor chos thams cad kyang rang bzhin dben pa nyid de rab 'byor chos

thams cad kyi bzhin dben pa nyid gang yin pa de ni shes rab kyi pha rol tu phyin pa'o/ /de ci'i phyir zhe na/ /rab 'byor 'di ltar chos thams cad ni de bzhen gshegs pa dgra bcom pa yang dag par rdzogs pa'i sangs rgyas kyi ma byas par mngon par rdzogs par sangs rgyas so//

rab 'byor gyis gsol pa/ /bcom ldan 'das de lta bas na de bzhin gshegs pa dgra bcom pa yang dag par rdzogs pa'i sangs rgyas kyis chos thams cad mngon par rdzogs par sangs ma rgyas so/ /bcom ldan 'das kyis bka' stsal pa/ /rab 'byor 'di ltar rang

bzhin gyis chos de dag gang yang med do/ /rang bzhin gang yin pa de ni rang bzhin med pa rang bzhin gang yin pa de ni rang bzhin yin te 'de lta ste chos thams cad kyi mtshan nyid med pa'i phyir na mtshan nyid gcig pa'i phyir ro/ /rab 'byor de lta bas na de bzhin gshegs pa dgra bcom

pa yang dag par rdzogs pa'i sangs rgyas kyis chos thams cad mngon par rdzogs par sangs rgyas so/ /de ci'i phyir zhen/ /rab 'byor chos kyi rang bzhin ni gnyis su med de rab 'byor chos thams cad kyi rang bzhin ni gcig tu zad ngo/ /rab 'byor chos thams cad kyi rang bzhin gang

yin pa de ni rang bzhin med pa rang bzhin med pa gang yin pa de ni rang bzhin yin te/ /rab 'byor de ltar na chags pa'i mtha' de dag thams cad rnam par spangs pa yin no/ /rab 'byor gyis gsol ba/ /bcom ldan 'das shes rab kyi pha rol tu phyin pa zab lags sam/ /bcom ldan

@108b 'das kyis bka' stsal pa/ /rab 'byor nam mkha' zab pa'i phyir shes rab kyi pha rol tu phyin pa zab bo/ /rab 'byor gyis gsol ba/ /bcom ldan 'das shes rab kyi pha rol tu phyin pa rjes su rtogs par dka' ba lags sam/ /bcom ldan 'das kyis bka' stsal pa/

rab 'byor 'di ltar su yang mngon par rdzogs par 'tshang rgya ba med do/ /rab 'byor gyis gsol pa/ /bcom ldan 'das shes rab kyi pha rol tu phyin pa ni bsam gyis mi khyab lags sam/ /bcom ldan 'das kyis bka' stsal pa/ /rab 'byor 'di ltar shes rab kyi pha rol tu

phyin pa ni sems kyis shes par bya ba ma yin sems kyis rtogs par bya ba ma yin no/ /rab 'byor gyis gsol pa/ /bcom ldan 'das shes rab kyi pha rol tu phyin pa ni ma bgyis pa lags sam/ /bcom ldan 'das kyis bka' stsal pa/ /rab 'byor byed pa po mi dmigs

pa'i phyir shes rab kyi pha rol tu phyin pa ma byas pa'o/ /rab 'byor gyis gsol pa/ /bcom ldan 'das dad ltar na byang chub sems dpa' sems dpa' chen pos shes rab kyi pha rol tu phyin pa la ci ltar spyed par bgyi/ /bcom ldan 'das kyis bka' stsal pa/ /rab 'byor

gal te byang chub sems dpa' sems dpa' chen po shes rab kyi pha rol tu phyin pa la spyod pa gzugs la mi spyod na shes rab kyi pha rol tu phyin pa la spyod do/ /de bzhin du gal te tshor ba la ma yin 'du shes la ma yin 'du byed rnams la ma yi gal te rnam par shes pa la mi sbyod na/

shes rab kyi pha rol tu phyin pa la spyod do/ /gal te gzugs mi rtag pa'o zhes mi spyod na shes rab kyi pha rol tu phyin pa la spyod do/ /de bzhin du tshor ba dang 'du shes dang 'du byed rnams dang gal te rnam par shes pa mi rtag pa'o zhes mi spyod na shes rab kyi pha rol tu phyin pa la spyod do/ /gal

te gzugs stong pa'o zhes mi spyod na shes rab kyi pha rol tu phyin pa la spyod do/ /de bzhin du tshor ba la ma yin 'du shes la ma yin 'du byed rnams la ma yin gal te rnam par shes pa stong pa'o snyam du mi spyod na shes rab kyi pha rol tu phyin pa la spyod do/ /gal te gzugs ma rdzogs pa dang rdzogs

@109a */ /pa'o snyam du mi spyod na shes rab kyi pha rol tu phyin pa la spyod do/ /gzugs kyi rdzogs pa ma yin pa'am rdzogs pa gang yin pa de ni gzugs ma yin te gal te de ltar yang mi spyod na shes rab kyi pha rol tu phyin pa la spyod do/ /de bzhin du tshor ba la ma yin 'du shes la ma yin

'du byed rnams la ma yin gal te rnam par shes pa rdzogs pa ma yin pa dang rdzogs pa'o snyam du mi spyod na shes rab kyi pha rol tu phyin pa la spyod do/ /rnam par shes pa rdzogs pa ma yin pa 'am rdzogs pa gang yin pa de ni rnam par shes pa ma yin te gal te de ltar yang mi spyod na shes rab kyi pha

rol tu phyin pa la spyod do/ /de skad ces bka' stsal pa dang/ bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gang gi phyir de ltar ci srid du byang chub sems dpa' sems dpa' chen po rnams kyi chags pa dang bcas pa nyid dagn chags

pa ma mchis pa nyid bshad pa ni ngo mtshar to/ /bcom ldan 'das kyis bka' stsal pa/ /rab 'byor gal te byang chub sems dpa' sems dpa' chen po gzugs la chags pa dang bcas pa dang chags pa med pa'o snyam du mi spyod na shes rab kyi pha rol tu phyin pa la spyod do/ /

de bzhin du tshor ba dang 'du shes dang 'du byed rnams dang gal te rnam par shes pa la chags pa dang bcas pa dang chags pa med pa'o snyam du mi spyod na shes rab kyi pha rol tu phyin pa la spyod do/ /rab 'byor gal te byang chub sems dpa' sems dpa' chen po mig la chags pa dang bcas ba

dang cags pa med pa'o snyam du mi spyod na shes rab kyi pha rol tu phyin pa la spyod do/ /de bzhin du yid kyi 'dus te regs pa las byung ba'i tshor ba'i bar la chags pa dang bcas pa dang chags pa med pa'o snyam du mi spyod na shes rab kyi pha rol tu phyin pa la spyod do/ /sa'i khams la chags pa dang

bcas pa dang chags pa med pa'o snyam du mi spyod na shes rab kyi pha rol tu phyin pa la sbyod do/ /rnam par shes pa'i khams kyi bar la chags pa dang bcas pa dang chags pa med pa'o snyom du mi spyod na shes rab kyi pha rol tu phyin pa la spyod do sbyin pa'i pha rol tu phyin pa la chags pa dang

@109b bcas pa dang chags pa med pa'o snyam du mi spyod na shes rab kyi pha rol tu phyin pa la spyod do/ /de bzhin du tshul khrims kyi pha rol tu phyin pa dang bzod pa'i pha rol tu phyin pa dang brtson 'brus kyi pha rol tu phyin pa dang bsam gtan gyi pha tol tu phyin pa dang shes rab kyi pha rol tu phyin pa la

chags pa dang bcas pa dang chags pa med pa'o snyam du mi spyod na shes rab kyi pha rol tu phyin pa la spyod do/ /de bzhin du byang chub kyi phyogs kyi chos sum cu rtsa bdun dang stobs dang mi 'jigs pa dangs pa dang so so yang dag par rig pa dang sangs rgyas kyi chos ma 'dres pa bco brgyad la

chags pa dang bcas pa dang chags pa med pa'o snyam du mi spyod na shes rab kyi pha rol tu phyin pa la spyod do/ /rgyun du zhugs pa'i 'bras bu la chags pa dang bcas pa dang chags pa med pa'o snyam du mi sbyod na shes rab kyi pha rol tu phyin pa la spyod do/ /de bzhin du lan cig phyir 'ong

ba'i 'bras bu dang phyir mi 'ong ba'i 'bras bu dang dgra bcom pa nyid la chags pa dang bcas pa dang chags pa med pa'o snyam du mi sbyod na shes rab kyi pha rol tu phyin pa la sbyod do/ /rang sangs rgyas nyid la chags pa dang bcas pa dang chags pa med pa'o snyam du mi spyod na shes rab kyi pha rol tu

phyin pa la spyod do/ /sangs rgyas nyid la chags pa dang bcas pa dang chags pa med pa'o snyam du mi spyod spyod na shes rab kyi pha rol tu phyin pa la spyod do/ /rab 'byor gal te thams cad mkhyen pa nyid la yang chags pa dang bcas pa dang chags pa med pa'o snyam du mi spyod na shes rab kyi pha rol tu

phyin pa la spyod do/ /rab 'byor byang chub smes dpa' sems dpa'chen po de ltar spyod pa ni gzugs la chags pa mi skyed do/ /de bzhin du tshor ba la ma yin 'du shes la ma yin 'du byed rnams la ma yin rnam par shes par shes pa la chags pa mi skyed do/ /rab 'byor byung chub sems dpa'

sems dpa' chen po de ltar spyod na meg la chags pa mi skyed pa nas yid kyi 'dus te regs pa las byung ba'i tshor pa'i bar la chags pa mi skyed/ /sa'i khams la chags pa mi skyed pa nas rnam par shes pa'i khams kyi bar la chags pa mi skyed/ /sbyin pa'i pha rol tu phyin pa la chags pa

@110a */ /mi skyed; tshul khrims kyi pha rol tu phyin pa la ma yin bzod pa'i pha rol tu phyin pa la ma yin brtson 'gros kyi pha rol tu phyin pa la ma yin bsam gtan gyi pha rol tu phyin pa la ma yin shes rab kyi pha rol tu phyin pa la chags pa mi skyed/ /byang chub kyi phyogs rnams la ma yin

stobs rnams la ma yin mi 'jigs pa ma yin so so yang dag par rig pa rnams la ma yin sangs rgyas kyi chos ma 'dres pa brtswa brgyad rnams la chags ba mi skyed do/ /rgyun tu zhugs pa'i 'bras bu la chags pa mi skyed lan cig phyir 'ong 'bras bu la ma yin phyir mi 'ong ba'i/

'bras bu la ma yin dgra bcom pa nyid la chags pa mi skyed/ /rang sangs rgyas nyid la chags pa mi skyed/ /sangs rgyas nyid la chags pa mi skyed/ /thams cad mkhyen pa nyid la yang chags pa mi skyed do/ /de ci'i phyir zher na/ /rab 'byor thams cad mkhyen pa nyid ni ma chags pa ma bcings

pa ma grol ba yang dag par ma 'das pa'o/ /rab 'byor de ltar chags pa thams cad las rab tu bzla ba'i phyir byang chub sems dpa' sems dpa' chen pos shes rab kyi pha rol tu phyin pa la spyod par bya'o/ /rab 'byor gyis gsol pa/ /bcom ldan 'das 'di ltar shes rab kyi pha

rol tu phyin pa zhes bgyi ba'i chos 'di ni zab ste/ /de ni bstan kyang mi 'grib ma bstan mi 'grib bstan kyang mi 'phel ma bstan kyang mi 'phel ba ni ngo mtshor to/ /de skad ces gsol pa dang/ /bcom ldan 'das kyis tshe dang ldan pa rab 'byor la 'di skad ces bka' stsal to/ /

rab 'byor legs so legs so/ /rab 'byor de de bzhin no de bzhin te/ /rab 'byor 'di lta ste dper na de bzhin gshegs pa dgra bcom pa yang dag par rdzogs pa' sangs rgyas ci srid 'tsho ba'i bar du zhugs shing nam mkha'i bsngas pa brjod kyang nam mkha yongs su 'phel bar mi

'gyur bsngags ba ma brjod kyang nam mkha' yongs su 'grib par mi 'gyur ro/ /rab 'byor 'di lta ste dper na sgyu ma'i skyes bu la bsngas pa brjod kyang rjes su chags par yang mi 'gyur kun nas nyon par mi 'gyur/ /bsngas pa ma brjod kyang khong gro bar mi 'gyur kun nas nyon

@110b mongs par mi 'gyur ro/ /rab 'byor de bzhin du chos rnams kyi chos nyid gang yin pa de yang bstan kyang de snyed du zad do ma bstan kyang de snyed du zad do/ /gnas brtan rab 'byor gyis gsol pa/ /bcom ldan 'das byang chub sems dpa' sems dpa' chen po gang shes

rab kyi pha rol tu phyin pa zab mo 'di la spyod cing shes rab kyi pha rol tu phyin pa sgom pa gang zhig zhum pa mi bgyid ya ya por mi 'gyur te 'di la rnal 'byor du yang bgyid la phyir mi ldog pa ni dka' pa bgyid pa lags so/ /bcom ldan 'das 'di lta ste shes rab kyi pha rol tu phyin pa sgom

pa 'di nam mkha' sgom pa lags so/ /bcom ldan 'das byang chub sems dpa' sems dpa' chen po gang dag gis go cha 'di bgos pa de dag gis go cha 'di bgos pa de dag ni phyag brgyi bar 'os pa lags so/ /de ci'i phyir zhen/ /bcom ldan 'das gang sems can rnams kyi slad du go cha bgo bar

'tshal ba de ni nam mkha' dang lhan cig go cha bgo bar 'tshal pa lags so/ /gang zhig nam mkha' dang mtshungs pa'i sems can chos kyi dbyings dang mtshungs pa'i sems can rnams kyi slad du go cha bgo bar 'tshal ba ni bcom ldan 'das byang chub sems dpa' sems dpa' chen po go

cha chen po bgos pa lags te bcom ldan 'das byang chub sems dpa' sems dpa' chen bo dpa' po lags so/ /bla na med pa yang dag par rdzogs pa'i byang chub mngon par rdzogs par 'tshang rgya bar 'tshal ba de ni bcom ldan 'das nam mkha' yongs su thar par 'tshal ba lags so//

de ni bcom ldan 'das nam mkha' 'dig par 'tsha' ba lags so/ /bcom ldan 'das byang chub sems dpa' sems dpa' chen po gang nam mkha' dang mtshungs pa chos kyi dbyings dang mtshungs pa'i sems can rnams kyi slad du go 'tshal pa de ni brtson 'grus kyi pha rol tu

phyin pa'i go cha chen po thob pa lags so/ /de nas dge slong gzhan zhig gis bcom ldan 'das gal ba de logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das shes rab kyi pha rol tu phyin pa la phyag 'tshal lo/ /

@111a */ /bcom ldan 'das 'di ltar shes rab kyi pha rol tu phyin pa ni chos gang yang mi skyed chos gang yang 'gog par mi bgyid do/ /de nas tshe dang ldan pa rab 'byor la lha rnams kyi dbang po brgya byin gyis 'di skad ces smras so/ /'phags pa rab 'byor gang shes rab kyi pha rol tu phyin

pa 'di la de ltar rnal 'byor du byed pa de ci la rnal 'byor du byed par 'gyur/ rab 'byor gyis smras pa/ kO shi ka gang shes rab kyi pha rol tu phyin pa 'di la rnal 'byor du byed pa de ni nam mkha' la rnal 'byor du byed par 'gyur ro/ /kO shi ka gang shes rab kyi pha rol tu phyin pa 'di la slob cing

rnal 'byor du byed par sems pa de ni bla gab med pa la rnal 'byor du byed par 'gyur ro/ /de nas bcom ldan 'das la lha rnams kyi dbang po brgya byin gyis 'di skad ces gsol to/ /bcom ldan 'das rigs kyi bu 'am rigs kyi bu mo gang shes rab kyi pha rol tu phyin pa 'di 'jin par 'gyur ba

de la bsrung ba dang bskyab pa dang sba ba ci zhig bgyi ba bka' stsal par gsol/ de nas tshe dang ldan pa rab 'byor gyis lha rnams kyi dbang po brgya byin la 'di skad ces smras so/ /kO shi ka chos gang la bsrung ba dang bskyab pa dang sba bar bya ba'i chos de khyod kyis yang dag par rjes su mthong dam/

brgya byin gyis smras pa/ 'phags pa rab 'byor de ni ma yin no/ /rab 'byor gyis smras pa/ kO shi ka gal te de ltar byang chub sems dpa' sems dpa' chen po shes rab kyi pha rol tu phyin pa ci ltar bshad pa 'di la gnas na de nyid de la bsrung ba dang skyob pa dang sbed par 'gyur ro/ /

de ste shes rab kyi pha rol tu phyin pa dang bral bar gyur na ni mi dang mi ma yin pa de la glags lta ba dang glags tshol pa dag gis glags rnyed par 'gyur ro/ /kO shi ka gzhan yang byang chub sems dpa' sems dpa' chen po gang shes rab kyi pha rol tu phyin pa spyod pa la bsrung ba dang bskyab pa

dang sba bar bya bar sems pa de ni nam mkha' la bsrung ba dang bskyab pa dang sba bar bya bar sems so/ /kO shi ka 'di ci snyam du sems khyod kyis brag ca la bsrung ba dang bskyabs dang sba bar byed par nus sam/ brgya byin gyis smras pa/ 'phags pa rab 'byor de ni ma yin no/ /rab

@111b 'byor gyis smras pa/ kO shi ka de bzhin du byang chub sems dpa' sems dpa' chen po shes rab kyi pha rol tu phyin pa 'di la spyod cing gnas pas ni chos thams cad brag ca lta bur yongs su shes so/ /de bas na de la rlom sems su mi byed yang dag par rjes su mi mthong mi shes yang

dag par mi shes chos de dag kyang med cing yang dag par mi snang la yang dag par med cing mi dmigs so zhes gnas te/ gal te de ltar gnas na shes rab kyi pha rol tu phyin pa la spyod do/ /de nas sangs rgyas kyi mthus stong gsum gyi stong chen po'i 'jig rten gyi khams na rgyal po

chen po bzhi po dang lha rnams kyi dbang po brgya byin thams cad dang tshangs pa chen po thams cad dag mi mjed kyi bdag po tshangs pa chen po gang dag yod pa de dag thams cad bcom ldan 'das ga la ba der 'ongs te lhags nas bcom ldan 'das kyi zhabs la mgo bos phyag 'tshal te/

bcom ldan 'das la lan gsum bskor ba byas nas phyogs gcig tu 'khod do/ /phyogs gcig tu 'khod pa dang rgyal po chen po de dag dang lha rnams kyi dbang po brgya byin thams cad dang tshangs pa chen po thams cad dang tshangs pa chen po mi mjed kyi bdag pos kyang sangs rgyas kyi

mthu dang sangs rgyas kyi byin gyi rlabs kyis sangs rgyas stong dang de dag gis ming 'di dag nyid dang tshig 'di dag nyid dang yi ge 'di dag nyid dang rab 'byor ces bya ba'i dge slong 'di dag nyid kyis/ shes rab kyi pha rol tu phyin pa 'di nyid dang shes rab kyi pha rol tu phyin pa'i le'u 'di nyid nye

bar bstan cing/ der yang lha rnams kyi dbang po brgya byin rnams nyid kyis yongs su dris shing yongs su zhus te sa phyogs 'di nyid du shes rab kyi pha rol tu phyin pa 'di nyid bshad pa dang/ byang chub sems dpa' sems dpa' chen po byams pas kyang bla na med pa yang dag par rdzogs pa'i

byang chub mngon par rdzogs par sangs rgyas nas sa phyogs 'di nyid du shes rab kyi pha rol tu phyin pa 'di nyid 'chad par 'gyur ba shes par gyur to/ /phags pa shes rab kyi pha rol tu phyin pa brgyad stong pa las rnam par dag pa zhes bya ba'i le'u ste brgyad pa'o// //

@112a */ /de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das shes rab kyi pha rol tu phyin pa zhes bgyi pa 'di ni ming tsham mo/ /ming de yang 'di'o zhes mi dmigs te ngag gi dngos bo nyid ming zhes bgyi'o/ /shes rab kyi pha rol

tu phyin pa de yang ma mchis mi dmigs te/ ming ci lta ba bzhin du shes rab kyi pha rol tu phyin pa yang de bzhin no shes rab kyi pha rol tu phyin pa ci lta bar ming yang de bzhin te/ chos 'di gnyis ni ma mchis shing mi dmigs na/ bcom ldan 'das ci'i slad du byang chub sems dpa' sems dpa'

chen po byams pa bla na med pa yang dag par rdzogs pa'i byang chub mngon par rdzogs par sangs rgyas nas/ ming 'di dag nyid dang tshig 'di dag nyid dang yi ge 'di dag nyid kyis sa phyogs 'di nyid du shes rab kyi pha rol tu phyin pa 'di nyid 'chad par 'gyur/ de skad ces gsol pa dang /

bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor 'di ltar byang chub sems dpa' sems dpa' chen po byams pa ni gzugs rtag pa ma yin mi rtag pa yang ma yin/ gzugs bcings pa ma yin grol ba ma yin pas mtha' las 'das shing rnam par

dag pa'o zhes mngon par rdzogs par 'tshang rgya bar 'gyur te/ de bzhin du tshor ba la ma yin 'du shes la ma yin 'du byed rnams la ma yin rnam par shes pa rtag pa ma yin mi rtag pa ma yin/ rnam par shes pa bcings pa ma yin grol ba ma yin pas mtha' las 'das shing rnam par dag

ba'o zhes mngon par rdzogs par 'tshang rgya bar 'gyur ro/ /rab 'byor rgyu 'dis na byang chub sems dpa' sems dpa' chen po byams pa bla na med pa yang dag par rdzogs pa'i byang chub mngon par rdzogs par sangs rgyas nas ming 'di dag nyid dang tshig 'di dag nyid dang yi ge 'di dag nyid

kyis sa phyogs 'di nyid du shes rab kyi pha rol tu phyin pa 'di nyid 'chad par 'gyur ro/ /de skad ces bka' stsal pa dang/ bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das e ma'o shes rab kyi pha rol tu phyin pa 'di ni yongs su dag

@112b pa'o/ /bcom ldan 'das kyis bka' stsal pa/ rab 'byor gzugs rnam par dag pas shes rab kyi pha rol tu phyin pa yongs su dag pa'o/ /rab 'byor de bzhin du tshor ba dang 'du shes dang 'du byed rnams dang rnam par shes pa rnam par dag pas shes rab kyi pha rol tu phyin pa yongs su

dag pa'o/ /rab 'byor gzugs skye ba med pa dang 'gag pa med pa dang kun nas nyon mongs pa med pa dang rnam par byang ba med pa rnam par dag pas shes rab kyi pha rol tu phyin pa yongs su dag pa'o/ /rab 'byor de bzhin du tshor ba dang 'du shes dang 'du byed rnams dang rnam par

shes pa skye ba med pa dang 'gag pa med pa dang kun nas nyon mongs pa med pa dang rnam par byang ba med pa rnam par dag pas shes rab kyi pha rol tu phyin pa yongs su dag pa'o/ /rab 'byor nam mkha' rnam par dag pas shes rab kyi pha rol tu phyin pa yongs su dag pa'o/ /rab 'byor

gzugs gos pa med cing yongs su 'dzin pa med pas shes rab kyi pha rol tu phyin pa yongs su dag pa'o/ /rab 'byor de bzhin du tshor ba dang 'du shes dang 'du byed rnams dang rnam par shes pa gos pa med cing yongs su 'dzin pa med pas shes rab kyi pha rol tu phyin pa yongs su dag pa'o//

rab 'byor nam mkha' dang brag ca smrar med cing brjod du med la/ dmigs su med pas shes rab kyi pha rol tu phyin pa yongs su dag pa'o/ /rab 'byor nye bar gos pa dang gos pa med pa'i chos thams cad kyis gos pa med pa'i phyin shes rab kyi pha rol tu phyin pa yongs su dag

pa'o/ /de skad ces bka' stsal pa dang/ bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das rigs kyi bu'am rigs kyi bu mo gang dag gi rna lam du shes rab kyi pha rol tu phyin pa 'di grag par gyur pa de dag kyang rnyed pa legs par rnyed pa

lags na/ gang dag 'dzin pa dang 'chang ba dang klog pa dang kun chub par byed pa dang rab tu 'don pa dang ston pa dang nye bar ston pa dang lung 'bogs pa dang kha ton bgyid par 'gyur ba lta ci smos te/ de dag la ni mig gi nad 'byung bar mi 'gyur rna ba'i nang ma yin sna'i nad ma yin lce'i nad ma

@113a */ /yin lus kyi nad 'byung bar mi 'gyur ro/ /rmongs pa nyid du mi 'gyur ro/ /de dag ni nyam nga pa mi spong bas 'chi ba'i dus mi bgyid do/ /de dag la lha'i bu brgya stong phrag mang po dag de'i phyi bzhin du 'brang bar 'gyur ro/ /tshes brgyad dang bcu bzhi dang bca ? lnga la chos smra

ba'i rigs kyi bu'am rigs kyi bu mo de gang dang gang du shes rab kyi pha rol tu phyin pa 'chad par 'gyur ba de dang der bsod nams ches mang du skyed par 'gyur ro/ /de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /de de bzhin

no rab 'byor de de bzhin te/ rab 'byor rigs kyi bu 'am rigs kyi bu mo de'i phyi bzhin phyi bzhin du lha brgya stong phrag mang po dag rjes su 'brang bar 'gyur ro/ /lha brgya stong phrag mang po dag der 'ong bar 'gyur ro/ /chos ston pa de shes rab kyi pha rol tu phyin pa 'di 'chad par byed

pa'i chos nyan par 'dod pa de dag thams cad kyang bsrung ba dang bskyab pa dang sba pa byed par 'gyur ro/ /de ci'i phyir zhe na/ rab 'byor shes rab kyi pha rol tu phyin pa na lha dang mi dang lha ma yin du bcas pa'i 'jig rten gyi rin po che bla na med pa'o/ /rab 'byor de'i phyir yang

rigs kyi bu'am rigs kyi bu mo de de'i gzhi las bsod nams mang du skyed par 'gyur ro/ /rab 'byor 'on kyang shes rab kyi pha rol tu phyin pa zab mo 'di yi ger 'dri ba dang 'dzin pa dang 'chang ba dang klog pa dang kun chub par byed pa dang rab tu 'don pa dang ston pa dang nye bar ston pa dang

lung 'bogs pa dang kha ton byed pa la bar chad mang du 'byung bar 'gyur ro/ /de ci'i phyir zhe na/ rab 'byor 'di ltar rin po che chen po ni dgra mang ba yin te/ ci tsam du gces par gyur pa bzhin du dgra ches lci bar 'gyur ro/ /rab 'byor 'di lta ste/ shes rab kyi pha rol

tu phyin pa rin po che chen po 'di ni 'jig rten na blan med pa'i rin po che ste/ 'jig rten la phan pa dang bde ba'i phyir zhugs pa/ chos thams cad mi skyeb dang mi 'gag par bya ba'i phyir dang kun nas nyon mongs pa med par bya ba'i phyir mi 'jig pa'i tshul gyis nye bar gnas pa'o/ /

@113b rab 'byor shes rab kyi pha rol tu phyin pa ni chos gang la yang mi gnas chos gang la yang mi sgyor chos gang la yang yongs su mi 'dzin to/ /de ci'i phyir zhe na/ rab 'byor 'di ltar chos de dag thams cad ni med cing mi dmigs so/ /rab 'byor ma skyes pa'i phyir shes rab kyi pha

rol tu phyin pa ni ma gos pa'o/ /rab 'byor ma gos pa zhes bya ba 'di ni shes rab kyi pha rol tu phyin pa ste/ rab 'byor 'di ltar gzugs ma gos pas na shes rab kyi pha rol tu phyin pa ma gos pa'o/ /de bzhin du tshor ba dang 'du shes dang 'du byed rnams dang rnam par shes pa ma

gos pas na rab 'byor shes rab kyi pha rol tu phyin pa 'di ma gos pa'o/ /rab 'byor gal te de ltar yang byang chub sems dpa' sems dpa' chen po yang dag par mi shes na shes rab kyi pha rol tu phyin ba la spyod do/ /rab 'byor yang shes rab kyi pha rol tu phyin pa 'di ni chos gang la

yang 'jug par byed pa'am nges par 'jug par byed pa'am yang dag par ston par byed pa'am nges par ston par byed pa'am yongs su thob par byed pa'am nges par thob par byed pa med do/ /de nas lha'i bu stong phrag mang po dag par snang la ca co dang ga zha dag byed de gos dag 'thor zhing 'di skad

du e ma 'dzam bu'i gling du chos kyi 'khor lo bskor ba lan gnyis su byung bar snang ngo zhes kyang zer ro/ /de nas bcom ldan 'das kyis tshe dang ldan pa gnas brtan rab 'byor la 'di skad ces bka' stsal to/ /rab 'byor 'di ni chos kyi 'khor lo lan gnyis su bskor ba ma yin te/ chos gang la

yang rab tu bskor ba'am ldog pa med do/ /rab 'byor de ltar 'di ni byang chub sems dpa' sems dpa' chen po'i shes rab kyi pha rol tu phyin pa yin no/ /de skad ces bka' stsal pa dang/ bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das

'di ni gang zhig chos thams cad la chags pa ma mchis pa dang/ gang bla na med pa yang dag par rdzogs pa'i byang chub mngon par rdzogs par 'tshang rgya bar 'tshal yang chos gang yang mngon par rdzogs par 'tshang mi rgya ba dang/ chos kyi 'khor lo rab tu bskor yang chos gang yang yang dag

@114a */ /par mi ston pa'i byang chub sems dpa' sems dpa' chen po de'i pha rol tu phyin pa chen po lag so/ /de ci'i slad du zhe na/ chos gang zhig dmigs par bya ba'am chos gang zhig bstan pa bya ba de ni med la 'ga' zhig gis 'ga' zhig bskor bar bya ba yang med do//

de ci'i slad du zhe na/ bcom ldan 'das chos thams cad ni shin tu mngon par ma grub pa ste/ chos gang yang ldog par mi 'gyur rab tu skor bar mi 'gyur ro/ /de ci'i slad du zhe na/ bcom ldan 'das chos thams cad ni thog ma nas mngon par ma grub pa ste/ chos thams cad ni

rang bzhin gyis dben pa'i phyir ro/ /de skad ces gsol ba dang/ bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor de de bzhin no de de bzhin te/ rab 'byor stong pa nyid ni rab tu 'jug pa 'am ldog pa med do/ /rab 'byor mtshan

ma med pa yang 'jug pa'am ldog pa med do/ /rab 'byor smon pa med pa yang 'jug pa'am ldog pa med do/ /rab 'byor gang 'di ltar bstan pa 'di ni chos thams cad bstan pa yin te/ sus kyang bstan pa med la sus kyang thos pa yang med sus kyang mnos pa yang med sus

kyang mngon sum du byed pa yang med/ sus kyang mngon sum du byed pa yang ma yin/ sus kyang mngon sum du byed par yang mi 'gyur ro/ /chos bstan pa 'dis ni su yang yongs su mya ngan las ma 'das yongs su mya ngan las 'da' bar mi 'gyur yongs su mya ngan las mi 'da' ste/

chos bstan pa 'dis ni su yang sbyin pa'i gnas su byas pa yang med do/ /de skad ces bka' stsal pa dang/ bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das nam mkha' ma mchis pa'i slad du 'di ni ma mchis pa'i pha rol tu phyin

pa'o/ /bcom ldan 'das chos thams cad dmigs su ma mchis par mnyam pa'i slad du 'di ni mi mnyam pa dang nyid kyi pha rol tu byin pa'o/ /bcom ldan 'das shin tu stong pa'i slad du 'di ni dben pa'i pha rol tu phyin pa'i/ bcom ldan 'das chos thams cad mi

@114b dmigs pa'i slad du 'di ni mi brdzi ba'i pha rol tu phyin pa'o/ /bcom ldan 'das ming ma mchis shing/ lus ma mchis pa'i slad du 'di ni gnas ma mchis ba'i pha rol tu phyin pa'o/ /bcom ldan 'das 'gro ba dang 'ong bam mchis pa'i slad du 'di ni ngo bo nyid ma mchis pa'i pha rol tu

phyin pa'o/ bcom ldan 'das chos thams cad rtog pa ma mchid pa'i slad du 'di ni brjod du ma mchis pa'i pha rol tu phyin pa'o/ /bcom ldan 'das phung po lnga dmigs su ma mchis pa'i slad du 'di ni ming ma mchis pa'i pha rol tu phyin pa'o/ /bcom ldan 'das chos thams cad

'gro ba ma mchid pa'i slad du 'di ni 'gro ba ma mchis pa'i pha rol tu phyin pa'o/ /bcom ldan 'das chos rnams cad gzung ba ma mchis pa'i slad du 'di ni mi 'phrogs pa'i pha rol tu phyin pa'o/ /bcom ldan 'das mi bas pa'i chos dang ldan pa'i slad du 'di ni mi bas pa'i pha rol tu phyin

pa'o/ /bcom ldan 'das chos thams cad mngon par ma grub pa'i slad du 'di ni chos thams cad mi skye ba'i pha rol tu phyin pa'o/ /bcom ldan 'das byed pa po mi dmigs pa'i slad du 'di ni byed pa po ma mchis pa'i pha rol tu phyin pa'o/ /bcom ldan 'das chos thams cad

bdag ma mchis pa'i slad du 'di ni shes pa po ma mchis pa'i pha rol tu phyin pa'o/ /bcom ldan 'das 'chi 'pho ba dang skye ba dag mi skye ba'i slad du 'di ni mi 'pho ba'i pha rol tu phyin pa'o/ /bcom ldan 'das sngon gyi mtha' dang phyi ma'i mtha' dang da ltar byung ba'i dus mi dmigs pa'i slad

du 'di ni 'dul ba med pa'i pha rol tu phyin pa'o/ /bcom ldan 'das skye ba ma mchis pa rnam par shes rab bgyid pa'i slad du 'di ni rmi lam dang/ sgra brnyan dang mig yor dang smig rgyu dang sgyu ma'i pha rol tu phyin pa'o/ /bcom ldan 'das 'dod chags dang zhe sdang dang gti mug ngo bo nyid ma

mchis pa'i slad du 'di ni kun nas nyon mongs pa ma mchis pa'i pha rol tu phyin pa'o/ /bcom ldan 'das rten mi dmigs pa'i slad du 'di ni rnam par byang bam mchis pa'i pha rol tu phyin pa'o/ /bcom ldan 'das nam mkha' gos pa ma mchis pa'i slad du 'di ni gos pa ma mchis pa'i pha

@115a */ /rol tu phyin pa'o/ /bcom ldan 'das rlom sems thams cad las 'das pa'i slad du 'di ni spyos pa ma mchis pa'i pha rol tu phyin pa'o/ /bcom ldan 'das g.yo ba ma mchis pa'i slad du 'di ni rlom sems ma mchis pa'i pha rol tu byin pa'o/ /bcom ldan 'das chos

kyi dbyings gnas pa nyid kyi slad du 'di ni mi g.yo pa'i pha rol tu phyin pa'o/ /bcom ldan 'das chos thams cad phyin ci ma log pa de bzhin nyid kyi slad du 'di ni 'dod chags dang bral ba'i pha rol tu phyin pa'o/ /bcom ldan 'das chos thams cad rnam par mi rtog pa nyid kyi slad du 'di ni

ldang ba ma mchis pa'i pha rol tu phyin pa'o/ /bcom ldan 'das chos thams cad kyi mtshan ma mi dmigs pa'i slad du 'di ni zhi ba'i pha rol tu phyin pa'o/ /bcom ldan 'das yon tan gyi pha rol tu phyin pa'i slad du 'di ni skyon ma mchis pa'i pha rol tu phyin pa'o/ /bcom ldan 'das yongs

su rtog pa ma mchis pa'i slad du 'di ni nyon mongs pa ma mchis pa'i pha rol tu phyin pa'o/ /bcom ldan 'das yang dag pa'i mtha'i slad du 'di ni sems can ma mchis pa'i pha rol tu phyin pa'o/ /bcom ldan 'das chos thams cad ldang ba ma mchis pa'i slad du 'di ni tshad ma mchis pa'i

pha rol tu phyin pa'o/ /bcom ldan 'das chos thams cad mngon par ma zhen ba'i slad du 'di ni mtha' gnyis mi rtogs pa'i pha rol tu phyin pa'o/ /bcom ldan 'das chos thams cad dbyer ma mchis pa'i slad du 'di ni tha mi dad pa'i pha rol tu phyin pa'o/ /bcom ldan 'das nyan thos

dang rang sangs rgyas kyis thams cad la 'dod pa ma mchis pa'i slad du 'di ni mchog tu mi 'dzin pa'i pha rol tu phyin pa'o/ /bcom ldan 'das rnam par rtog pa zhi ba nyid kyi slad du 'di ni rnam par mi rtog pa'i pha rol tu phyin pa'o/ /bcom ldan 'das chos nyid tshad ma mchis pa nyid kyi

slad du 'di ni gzhal du ma mchis pa'i pha rol tu phyin pa'o/ /bcom ldan 'das chos thams cad chags pa ma mchis pa'i slad du 'di ni chags pa ma mchis pa'i pha rol tu phyin pa'o/ /bcom ldan 'das chos thams cad 'dus ma bgyis pa'i slad du 'di ni mi rtag pa'i pha rol tu phyin pa'o/ /

@115b bcom ldan 'das chos thams cad nam mkha' dang mnyam pa'i slad du 'di ni sdug bsngal pa'i pha rol tu phyin pa'o/ /bcom ldan 'das chos thams cad mi dmigs pa'i slad du 'di ni stong pa nyid kyi pha rol tu phyin pa'o/ /bcom ldan 'das chos thams cad mngon par ma chags pa'i slad

du 'di ni bdag ma mchis pa'i pha rol tu phyin pa'o/ /bcom ldan 'das chos thams cad mngon par ma grub pa'i slad du 'di ni mtshan nyid ma mchis pa'i pha rol tu phyin pa'o/ /bcom ldan 'das mtha' yas mu ma mchis pa'i slad du 'di ni stong pa nyid thams cad kyi pha rol tu phyin pa'o/ /

bcom ldan bdas byang chub kyi phyogs de rnams dmigs su ma mchis pa'i slad du 'di ni dran ba nye bar gzhag pa la sogs pa byang chub kyi phyogs kyi chos rnams kyi pha rol tu phyin pa'o/ /bcom ldan 'das rnam par thar pa'i sgo gsum mi dmigs pa'i slad du 'di ni stong pa nyid dang mtshan

ma med pa dang smon pa med pa'i pha rol tu phyin pa'o/ /bcom ldan 'das 'di rnams dmigs su ma mchis pa'i slad du 'di ni rnam par thar pa brgyad kyi pha rol tu phyin pa'o/ /bcom ldan 'das bsam gtan dang po la sogs pa mi dmigs pa'i slad du 'di ni mthar gyis gnas pa'i

snyoms par 'jug pa dgu'i pha rol tu phyin pa'o/ /bcom ldan 'das sdug bsngal la sogs pa mi dmigs pa'i slad du 'di ni bden pa bzhi'i pha rol tu phyin pa'o/ /bcom ldan 'das sbyin ? pa la sogs pa mi dmigs pa'i slad du 'di ni sa bcu'i pha rol tu phyin pa'o/ /bcom

ldan 'das mi brdzin ba'i slad du 'din ni stobs kyi pha rol tu phyin pa'o/ /bcom ldan 'das shing tu mzhum pa'i slad 'di ni mi 'jigs pa'i pha rol tu phyin pa'o/ /bcom ldan 'das ye shes thams cad chags pa ma mchis pa dang/ thogs pa ma mchis pa'i slad du 'di ni so so yang

dag par rig pa'i pha rol tu phyin pa'o/ /bcom ldan 'das bgrang ba las yang dag par 'das pa'i slad du 'di ni sangs rgyas kyi chos ma 'dres pa thams cad kyi pha rol tu phyin pa'o/ /bcom ldan 'das chos thams cad ma log pa de bzhin nyid kyi slad du 'di ni de bzhin gshegs

@116a */ /pa'i de bzhin nyid kyi pha rol tu phyin pa'o/ /bcom ldan 'das chos thams cad ngo bo nyid ma mchis pa'i slad du 'di ni rang byung gi pha rol tu phyin pa'o/ /bcom ldan 'das chos thams cad kyi ngo bo nyid kyi rnam pa thams cad yongs su mkhyen pa'i slad du 'di lta ste shes rab

kyi pha rol tu phyin pa 'di ni thams cad mkhyen pa'i ye shes kyi pha rol tu phyin pa'o/ /'phags pa shes rab kyi pha rol tu phyin pa brgyad stong pa las bstod pa'i le'u zhes bya ste dgu pa'o//