Sheja Dzo Chapter 1.4 Wylie

Sheja Dzo, The Treasury of Knowledge, by Jamgon Kongtrul

This file was typed by Phinjo Sherpa at Rangjung Yeshe Translations & Publications office in Boudhanath, Nepal. Thanks for the sponsorship to Peter ___ and Christoph ___, two student of Khenpo Tsultrim Gyamtso Rinpoche.

There is still need for more spellcheck and hyperlinks. Erik Pema Kunsang

Sheja Dzo Chapter 1.4 volume1 (page 232)

'khor ba 'grub byed rgyu rkyen bstan pa'i skabs/ skabs bzhi pa snod bcud kyi rkyen bshad pa la gnyis/ mtshams sbyar ba dang/ bshad pa dngos so/
/dang po ni/ 'jig rten gang gi rgyu las byung zhe na/ /zhes gleng bslang bas mtshams sbyar nas dngos la gnyis/ phyi rol pa'i lugs dgag pa/ rang lugs gzhag pa'o/
/dang po ni/ dbang phyug drang srong bdag dang ngo bo nyid/ /byung zhes phyi rol pa rnams log par smra/ dbang phyug pa dag gi gzhung las/ dbang phyur rdza mkhan dang 'dra sna tshogs 'di sprul byed por ma grub na/ /sa gzhi 'di mi 'grub cing ri rab 'di min rgya mtsho 'nga ma yin te/ /nyi zla skar ldan gkod pa 'di dag mig yul du ni mi 'gyur la/ /yod pa'i phyir na dbang phyug 'gro ba'i byed po yin zhes kha cig smra/ /zhes snod dang bcud kyi 'jig rten 'di dag dbang phyug rdza mkhan lta bus byas par 'dod pa dang/ gzhan yang rig byed kyi mtha' msang bar smra ba dag gis 'jig rten thams cad kyi 'og na skyes bu drang srong chen po nyi ma'i mdog ces bya ba yod de/ des 'jig rten thams cad byas so zhes zer ba dang/ kha cig gis bdag gam gtso bo las thams cad byung bar 'dod pa dang/ cad par smra ba rnams snod bcud thams cad rgyu med ngo bo nyid kyis byung bar 'dod de/ /di skad du/ bzang mo mang thos gang smra ba/ /

Sheja Dzo Chapter 1.4 volume1 (page 233)

slu byed spyang ki'i rjes dang mtshungs/ pad mo'i ge sar su yis byas/ /rma bya'i ri mo su yis bris/ /tsher ma rnon po su yis brdar/ /thams cad rgyu med ngo bos byung/ /zhes pa la sogs pa phyi rol rtag chad du smra ba'i mu stegs byed rnams kyis mun pa'i blos rnam par brtags te (om 37 ba) log par smra ba'i tshul mang po rnams ni dmus long gis rgyal khams kyi dbyibs la dpyad pa bzhin don la mi reg ste rnam par 'khyams pa'o/
/gnyis pa la gsum/ rgyu spyir bstan pa/ snod kyi rgyu bye brag tu bshad pa/ thun mong gi 'grub byed bstan pa'o/
/de'i dang po la gnyis/ las las grub tshul/ de'i rten bshad pa'o/
/dang po ni/ mngo las phra rgyas dang bcas sna tshogs pa'i/ /las las snod bcud 'jig rten skyes par gsungs/ /de bzhin gshegs pa'i bstan pa dam pa'i tshul gyi mdo sde rnams las snod bcud kyi 'jig rten de dag sus byas she na/ dbang phyug sogs byed pa po sus kyang blo sngo du btagng nas byas pa med de/ las las 'jig rten sna tshogs skyes/ zhes pa ltar phra rgyas sam nyon mongs pa dang bcas pa'i las thun mong dang thun mong ma yin pa las snod bcud kyi 'jig rten thams cad skyes par gsungs so/
/gnyis pa ni/ las kyi rten ni thob pa chud mi za/ /yid shes rgyun dang kun gzhi'i rnam par shes/ /gang zag tsam dang 'od gsal sogs su bshad/ /las rnams ni byas ma thag tu 'gags kyang de nyis bskal pa brgyar yang chud mi zos par 'bras bu 'byin pa de'i tshe/ rgyu dang 'bras bur 'brel ba'i las 'bras chud mi 'dza' ba'i rten de gang yin ces dpyod pa na/ grub mtha' smra ba kha cig gis thob pa'm ldan pa dang/ kha cig gis chos gzhan chud mi za ba zhig go zhes dang/ de gnyis kyang bye smra'i nand tshan kha cig gis rdzas yod dang

Sheja Dzo Chapter 1.4 volume1 (page 234)

gzhan dag btags yod pa 'dod pa dang/ sems tsam pas kun gzhi'i rnam par shes pa'i steng du las kyi bag chags bsgos pa las rnam par smin pa myong bas kun gzhi'i rnam shes yin zhes dang/ kun gzhi khas mi len par rnam shes tshogs drug tu 'dod pa rnams kyis yid shes kyi rgyun btags pa ba la 'dod (om 38 na) pa dang/ dbu ma pa 'ga' zhig gis nga tsam dand gang zag tsam du btags pa'i btags yod la 'dod pa sogs ji snyed cig yod mod/ de thams cad kyang phyogs re mthong ba la sgro btags par zad pas don gyi ngo bo min kyang re zhig dgag sgrub bzhag go /sngags kyi tshul las/ las gsog pa po 'od gsal ba ma dag pa'i khams drug dang tshogs pa gcig pa'i mi shigs pa phra ba'i bdag gam skyes bu chen po'i gang zag de nyid rnam pa thams cad du las kyi rten yin no zhes bzhed do/
/las de la yang snang 'gyur thun mong ba dang myong 'gyur thun mong min pa gnyis kyi dang po las snod kyi 'jig rten dang/ phyi ma las bcud kyi sems can 'grub la/ rnal 'byor chen po'i rgyud du gzhi lam 'bras gsum du bzhag pa'i skabs su snod kyi 'jig rten phyi/ bcud kyi sems can nang/ snod bcud gnyis kyi 'char gzhi ye shes de gnyis dang chos mthun pa la gzhan zhes bya ste/ phyi nang gnyis la khyab bya dang gzhan dbang la khyab byed 'jig rten gyi khams zhes bya bar rnam par bzhag go /sogs khongs nas gzhan yang 'phags bod mkhas pa rnams kyi bshad srol skabs 'dir rags zhib mang du 'byung ngo/
/gnyis pa snod kyi rgyu bye brag tu bshad pa la gnyis/ bye smra'i lugs/ dus 'khor sogs kyi dgongs pa'o/
/dang po ni/ bye mdos 'jig rtse'i rlung ngam khams gzhan nas/ /sa bon rnam lnga khyer las snod grub ste/ /rgyun rnams mi 'gyes spyi mthun las kyis bsdus/ /gzugs dus ring gnas byis blo'i 'khrul

Sheja Dzo Chapter 1.4 volume1 (page 235)

snang ste/ /'phags pas rdul dang skad cig 'gag mkhyen gsungs/ /de'ang las rgyur smra ba gzhir byas/ nyan thos bye mdo'i grub mtha' pa dag gis/ bskal pa chags pa'i tshe 'dod spyod kyi rlung skad cig dang po'i rgyu ni sngar 'jig pa'i tshe rtse mo'i gzugs spyod kyi rlung ma zhig pa de yin (om 38 ba) cing de la las las skyes pa'i 'bras bu rags pa sna tshogs skyed pa'i nus pa yod par bshad pa dang/ yangs ston pa'i mdo las/ rlung gis 'jig rten gyi khams gzhan dag nas sa bon dag khyer te 'ong ngo/
/zhes 'byung bas/ rtsa ba'i sa bon/ 'byed pa'i sa bon/ sa bon gyi sa bon/ rtse mo'i sa bon/ sdong po'i sa bon te rnam pa lnga las snod grub cing/ de'ang rdul phran cha med sil bu du ma 'dus pa las rags pa brtsams shing da lta gnas pa ltar snang ba'i rgyun rnams rlung drag po la sogs pas mi 'gyes par gnas pa ni sems can spyi mthun gyi las kyis bsdus pa yin cing/ rdul phran du ma las ri la sogs pa'i gzugs dang/ skad cig ma mthud pas lo la sogs pa ring du snang ba byis pa'i skye bo rnams kyi blo rags pa'i 'khrul pa la snang ba yin no/
/'phags pa rnams la rdul phran dang skad cig 'gag par mkhyen te/ btsun pa dpal legs kyi rdul bdun cu pa las/ lag mthil spu nyag gcig 'dug pa/ /mi rnams kyis ni mi rtogs la/ /de nyid mig tu song na ni/ /mi bde ba dag skyed pa ltar/ /byis pa lag mthil 'dra ba yis/ /'du byed rdul du mi rtogs so/
/'phags pa mig dang 'dra ba rnams/ de yis yid kyang shin tu 'byung/ /zhes gsungs so/
/gnyis pa ni/ sems ni byed po rdul phran brtan gyo'i rlung/ /las dang byed pas 'grub pa phal cher mthun/ /'dir rtogs sla ba'i phyir bya byed las gsum gyi rnam par gzhag pa dang sbyar te zhib mor bshad na/ dper na rdza

Sheja Dzo Chapter 1.4 volume1 (page 236)

mkhan gyis bum pa byed pa na/ bum pa bya ba/ rdza mkhan byed pa po/
'jim pa las/ srad bu dang 'khor lo sogs skyed pa'i ngo bo nyid ni byed pa ste bya byed rdzas gzhan yin pa'i phyir dngos po'i rgyu 'bras kyi steng nas bzhag pa'i bya byed las gsum mtshan nyid pa dang/ sngo (om 39 na) snang dbang shes kyis sngon por rtog pa na/ sngon por rtog pa bya ba/ sngo snang dbang shes byed pa po/
sngon po las/ sngon po'i rnam pa byed pa ste bya byed rdzas gcig yin pa'i phyir shes pas yul rtogs pa la bzhag pa'i bya byed las gsum btags pa ba gnyis yod pa las/ snga ma nyid snod kyi 'jig rten chags tshul la sbyar bya yin pas de'i dbang du byas te/ thog mar rdza mkhan dang 'dra ba'i byed pa po gang yin zhe na/ dbu ma 'jug pa las/ sems nyid kyis ni sems can 'jig rten dang/ /snod kyi 'jig rten shin tu sna tshogs 'god/ /'gro ba ma lus las las skyes par gsungs/ /sems spangs nas ni las kyang yod ma yin/ /zhes gsungs pa ltar spyir sems can dang/ bye brag tu 'jig rten gyi khams de nyid du skye ba sogs kyi las mthun par bsags pa'i sems can rnams kyi sems dang/ de'ng gtso bor de dag gi 'od gsal ba'i sems nyid do/
/srad bu sogs dang mtshungs pa'i byed pa gang yin zhe na/ 'od gsal ba'i sems de khu rdul rlung gsum dang 'grogs pa las snang ba gsum 'char zhing/ de las rang bzhin brgyad cu'i rtog pa skye/ des dge mi dge'i las bsags pa'i bag chags sems la bsgos pa yul du smin par nye ba na/ sems can de rnams kyi las snang tsam pa rnam shes kyi chos can gyi rlung 'jig rten gyi khams gzhan zhig yongs su btang nas/ 'jig rten gyi khams gzhan dag chags pa'i ched du 'khyams shing sngon 'jig rten gyi khams stong pa'i nam mkhar 'gro ba de'o/
/dper na skyes bu'i srog gi rlung gis shi ba'i lus btang nas 'khyams par byed cing/ lus gzhan len

Sheja Dzo Chapter 1.4 volume1 (page 237)

pa'i ched du mngal gyi sgor 'jig pa de nyid skyes bu'i lus 'grub pa'i byed por 'jog pa bzhin no/
/'jim pa lta bu'i las gang yin zhe na/ 'jig rten gyi khams stongs pa'i go skabs (om 39 ba) de nyid ni rdul phran sil bur gnas pa nyi tshe ba'i mig gi spyod yul du ma snang zhing rnal 'byor pa'i mig la snang ba dang/ de'i rten rnam par shes pa'i chos can gyi rlung zhes bya ba yin te/ dper na skyes bu'i lus 'chags pa na pha ma'i khu grag rlung bcu dang bcas pa nang gi chos de'i las su gzhag pa bzhin no/
/sil bur gnas pa'i rdul phra rab de dag sems kyi bag chags kyi snang ba tsam las dbang po'i spyod yul du mi 'gyur bas stongs pa zhes ming du gdags so/
/'dir las kyi rlung 'jig rten gyi khams gcig zhig pa na gzhan 'chags par byed pa'i phyir 'khyams pa dang/ gang zhig sa de nyid du sdod kyi gzhan du mi 'gro ba'i rang bzhin can gyi brtan gyo'i rlung gnyis po de la rnam par shes pa'i chos can zhes brjod do/
/de ni rnam par shes pa'i rang bzhin yin pa'i phyir de skad du brjod pa min par rnam par shes pa'i chos dang ldan pa'i phyir der brjod pa yin te/ ji ltar khu ba dang khrag dag la zla ba dang nyi ma'i chos can du rnam par 'jog pa bzhin no/
/rnam shes kyi chos ji 'dra zhig dang ldan pa yin zhe na/ rnam par shes pa ni kha dog dang dbyibs dang bral ba yin kyang snang ba'i mtshan nyid kyis 'od sna tshogs pa dang ldan pa bzhin du las kyi rlung gnyis po 'di yang rang nyid nam mkha'i ngo bo nyid yin du zin kyang dbang shes kyi spyod yul min pa rnal 'byor gyi mig gis rtogs par bya ba'i 'od drug dang bcas pa yin pa'i phyir rnam par shes pa'i chos can no/
/de ltar de'i 'od ljang gu dang sngon po dang nag po ste gsum btso bor gyur cing/ gzhan phal par gyur pa las srog la sogs pa'i rlung bcu skye bar 'gyur la/ rlung bcu de dag kyang bya ba'i dbye bas 'dzin

Sheja Dzo Chapter 1.4 volume1 (page 238)

par byed pa dang/ srub par byed pa dang/ dbyibs su byed pa'i rlung rnam pa gsum du bzhag go /de la rlung bcu po de las (om 40 na) dang dang gang 'dzin pa la sogs pa'i bya ba byed ce na/ 'di la nang du/ nang le las/ sa bon pdmar gnas pa dag ni 'dzin mas 'dzin te de las chu yis sdud do pyi nas ni/ /me yis smin par byed cing ro dang ro ni za bar byed de 'di yi 'phel ba rlung gis so/
/nam mkha' dag kyang 'phel ba'i go skabs sbyin byed mi yi bdag po dus las de ltar grub pa ste/ /zhes gsungs pa'i rigs pa phyi rol tu sbyar bya yin pas/ khyab byed dang lhas byin chu khams pas rdul phran rnams sdud cing/ klu dang nor rgyal sa khams pas bsdus pa de rnams sra bar byed pas rlung bzhi po de dag ni 'dzin pa'i rlung ngo/
/gyen rgyu dang rtsangs pa me khams pas bsdus pa de dag gsrub pa'i tshul gyis smin par byed pas srub pa'i rlung ngo/
/mnyam gnas dang rus sbal rlung khams pas bsrubs te smin pa de dag gnas bzhan dang gzhan du bskyed de 'jog pa'i tshul gyis dbyibs kyi bya ba byed pas dbyibs su byed pa'i rlung ngo/
/srog dang thur sel ni de thams cad kyi grogs te go skabs sbyin par byed pa'i ngo bo nyis yin no/
/yang ji ltar nang du pha ma'i khu grag dag nur nur dang mer mer po las rim gyis nya'i gnas skabs sogs su 'gyur ba ltar 'jig rten chags pa'i tshe yang dbyibs tshad dang ldan pa'i rlung la sogs pa'i dkyil 'khor ma grub pa'i snga rol tu khams lnga'i dwangs ma gyo ba'i tshul ni/ stong pa nyid kyi mtshan nyid can rdul phran sil bur gnas pa nyid nam mkha'i gnas skabs/ de'i rjes su sngar bshad pa'i brtan gyo'i srog rlung gnyis phrad pa las rdul phran rnams gyo zhing 'byar ba rlung gi dwangs ma gyo ba'i gnas skabs/ /rdo brdzbs pa las me 'byung ba bzhin du rdul phran rnams gyos shing phrad pa (om 40 ba) las glog 'byung ba me'i dwangs

Sheja Dzo Chapter 1.4 volume1 (page 239)

ma gyo ba'i gnas skabs/ de las char zim bu lta bu'i chu 'byung ba chu'i dwangs ma gyo ba'i gnas skabs/ de las nam mkha' la 'ja' tshon du snang ba sa'i dwangs ma gyo ba'i gnas skabs so/
/de rnams gyos pas chu'i tshogs chen por gyur pa de bsrubs pa las snying po lta bur rags pa'i khams rnams 'byung ste nang du 'bur po lnga dod pa'i rus sbal gyi gnas skabs dang mtshungs shing/ de nas dbyibs su byed pa'i rlung gis ri gling la sogs pa'i bkod pa byed de phag pa'i gnas skabs lta bu'o/
/de ltar rim gyis rlung gi dkyil 'khor nas lhun po'i bar gyi bkod pa rnams ji lta ba bzhin du rdzogs par 'gyur ba yin no/
/des na 'jig rten gyi khams tshad dang dbyibs dang bkod pa ji snyed pa tha dad du snang ba de dag kyang de skyed par byed pa'i las kyi rlung tha dad pa'i dbang las yin la/ las rlung tha dad pa de yang las kyi bag chags kyis bsgos pa'i sems kyi snang ba tha dad pa las yin zhing/ de yang nges pa mthar thug khams drug dang tshogs pa gcig tu gyur pa'i 'od drug gi snang ba las yin no / /'od drug las rags pa'i 'jig rten gyi khams 'grub pa'i tshul yang/ dpal ldan rgyud las/ gyon gyi yan lag tu ni dkar po 'bar ba/ zhes sogs zung bdun gyi rigs pa las shes par bya ba ni/ 'di ltar steng gi 'od ljang gu dang 'og gi 'od sngon po thams cad stong pa 'od gsal ba'i mtshan nyid can gyi mthu las srog dang thur sel gyi rlung gnyis/ shar gyi nag po 'bar ba nyer thob kyi mtshan nyid can gyi mthu las phyi rol gyi mnyam gnas la sogs pa'i rlung bdun/ lho'i dmar po 'bar ba mched pa'i mtshan nyid can gyi mthu las dus me/ nyi ma/ mig dmar/ phur bu/ spen pa ste drag bza' lnga/ glog rta gdong gi me bdun/ byang gi (om 41 na) dkar po 'bar ba snang ba'i mtshan nyid can gyi mthu las sgra gcan/ zla ba/ lhag pa/ pa sangs/ mjug ring ste zhi 'za'

Sheja Dzo Chapter 1.4 volume1 (page 240)

lnga/ char/ rgya mtsho ste chu bdun/ nub kyi ser po 'bar ba rags pa'i mtshan nyid can gyi mthu las sa phra sbom/ rdo phra sbom/ skar ma phra sbom/ 'ja' tshon te bdun/ de ltar na shar nub gnyis sa rlung zung bdun/ lho byang gnyis me chu zung bdun/ steng 'og gnyis mkha' ye shes zung gcig ste phyi ma ni khyab byed dang snga ma bcu bzhi po khyab byar bzhag go /'dis mtshon te ri rab kyi phyogs bzhi dang gling so so'i dbyibs dang kha dog sogs kyang 'od drug gis byas par shes dgos so/
/de ltar sems byed po/
snod bcud bya ba/ las byed pas 'grub pa ni mdo rgyud phal cher dgongs pa mthun par gnas so/
/gsum pa thun mong gi 'grub byed bstan pa la gnyis/ thun mongs dang thun mong ma yin pa'i lugs so/
/de'i dang po la gnyis/ mngon pa 'og ma'i lugs/ mgnon pa gong ma sogs kyi lugs so/
/dang po la gnyis/ spyir bstan pa dang/ bye brag phyr nas bshad pa'o/
/dang po ni/ 'dus byas chos rnams skyed byed rgyu drug dang/ /rkyen bzhi de dag mig bskyed 'bras bu lnga/ /legs gsungs rjes 'brangs mngon pa 'og ma'i lugs/ /zhes pa ste/ de'nag mdzod las/ rgyu dang rkyen dag med pa ni/ /skye bas bskyed bya skyed byed min/ /zhes 'byung ba ltar/ 'dus byas kyi chos rnams skye ba la rgyu dang rkyen tshogs dgos shing/ de'ang de dag skyed byed kyi rgyu drug /rkyen bzhi/ de dag gis bskyed pa'i 'bras bu lnga rnams mdo sde dag las legs par gsungs pa'i rjes su 'brangs te zhib mor bshad pa mngon pa 'og ma'i lugs srol yin no/
/gnyis pa phye nas bshad pa la bzhi/ rgyu drug 'bras bu lnga/ thun mong gi chos/ rkyen bzhi bshad pa'o/
/dang po ni/ 'dus byas rang (om 41 ba) las gzhan pa byed rgyu ste/ /phan tshun rgyu 'bras lhan cig 'byung ba'i rgyu/ /'dra chos snga mas phyi bskyed skal

Sheja Dzo Chapter 1.4 volume1 (page 241)

mnyam rgyu/ /sems dang sems byung mtshungs pa lnga ldan rgu/ /nyon mongs can chos kun tu 'gro ba'i rgyu/ /mi dge dge ba zag bcas rnam smin rgyu/ /zhes pa ste/ 'dus byas rang las don gzhan du gyur pa'i chos thams cad 'dus byas kyi byed pa'i rgyu/ de la'ng gtso phal gnyis su dbye na gtso bo byed rgyu nus bcas ni/ dper na mig dbng dang gzugs ni mig shes skye ba'i byed rgyu yin te/ mig dbang ni rten gyi byed rgyu dang gzugs ni gnas kyi byed rgyu yin pa'i phyir/ kha zas ni lus kyi byed rgyu yin te/ lus skyed par nus pa'i phyir/ sa bon myu gu 'dab ma sdong bu sogs snga ma snga ma phyi ma phyi ma'i byed rgyu yin te de dag rim par skyed pa'i bya ba la nus pa yod pa'i phir/ phal pa ni skyed pa'i bya ba la nus pa med kyang gegs mi byed pa tsam gyi cha nas bzhag pa'o/
'dus byas kyi chos gang zhig lhan cig tu 'byung zhing phan tshun gcig la gcig rgyu 'bras su gyur pa ni lhan cig 'byung ba'i rgyu zhes bya ste/ 'byung ba chen po bzhi rnams nang phan tshun du lhan cig 'byung rgyu yin pa dang/ sems kyi rjes su 'jug pa'i chos rnams dang sems kyang phan tshun du de ltar yin pa dang/ 'dus byas kyi mtshan nyid skye sogs rnams dang mtshan gzhi'i chos de'ng phan tshun du rgyu 'bras yin pa lta bu'o/
/des na 'dus byas phal che ba zhig lhan cig 'byung rgyur grub pa yin no/
/dper na mgron po rnams phan tshun gyi stobs kyis lam du lhan cig 'gro ba lta bu'o/
/chos 'dra ba snga ma snga mas phyi ma phyi ma skyed pa ni skal mnyam gyi rgyu zhes bya ste/ nas ni nas kyi 'dra ba/ saa lu ni saa lu'i 'dra ba lha bu dang/ dge ba'i phung po lnga dge ba'i skal mnyam/ mi dge ba dang bsgribs lung ma bstan nyon mongs can gyi skal mnyam/ ma bsgribs lung (om 42 na) ma bstan de nyid kyi skal mnyam gyi rgyu'o/
/sems dang sems byung gang rung gis bsdus shing/ rten dang dmigs pa dang rnam pa dang dus dang rdzas te mtshungs

Sheja Dzo Chapter 1.4 volume1 (page 242)

pa lngas mtshungs par ldan pa rnams ni mtshungs ldan gyi rgyu zhes bya ste/ shes drug mtshungs ldan dang bcas pa'i rten so so'i dbang po'i skad cig ma der mtshungs shing gcig pa rnams phan tshun du mtshungs ldan gyi rgyu dang/ de nyid lhan 'byung gi rgyu'ng yin no/
/dper na mgron po rnams lam bar du zas skom khrus mal stan sogs thams cad mtshungs par spyod pa lta bu'o/
/rang 'bras nyon mongs pa can gyi chos thun mong gi mthong spang ni kun 'gor'i rgyu zhes bya zhing/ mdzod kyi phra rgyas bstan par/ phra rgyas bcu gcig la kun 'gro zhes pa'i ming gis bstan to/
/'bras bu rnam par smin pa skyed nus pa'i mi dge ba rnams dang dge ba zag bcas kyi chos rnams ni rnam par smin pa'i rgyu zhes bya ste dper na skyon med pa'i sa bon rlan dang phrad pa lta bu/ lung ma bstan gyi chos rnams ni rnam smin gyi rgyu ma yin te sa bon rul ba lta bu/ dge ba zag med kyang ma yin te stobs dang ldan kyang sred pa med pas rnam smin 'grub par mi byed de sa bon grung po rlan gyis ma phog pa lta bu'o/
/gnyis pa ni/ rgyu las phyis 'byung rgyud kyis bsdus pa yi/ /ma bsgribs lung ma bstan ni rnam smin 'bras/ /skal mnyam kun 'gro'i rigs 'dra rgyu mthun 'bras/ /shes rab kyis thob 'gog pa bras ba'i 'bras/ /rgyu yi stobs kyis thob pa byed pa'i 'bras/ /gegs min dngos las 'dus byas bdag po'i 'bras/ /'bras bu lnga'i ngo bo ji ltar zhe na/ rnam smin gyi rgyu las phyis 'byung zhing sems can gyi rgyud kyis bsdus pa ma bsgribs lung ma btan ni rnam smin gyi 'bras bu ste dge bas mtho ris dang sdig pas ngan 'gro lta bu/ skal mnyam dang ( om 42 ba) kun 'gro'i rgyu gang rung las byung zhing de dang rigs 'dra ba rgyu mthun gyi 'bras bu ste srog gcod pas tshe thung zhing de spangs pas tshe ring ba lta bu/ shes rab kyis spang bya spangs pas zad pa thob pa ste so sor brtsags pa'i

Sheja Dzo Chapter 1.4 volume1 (page 243)

stobs kyis thob pa'i 'gog pa ni bral ba'i 'bras bu te 'phags bzhi'i spangs rtogs lta bu/ rgyu mang gi stobs kyis 'bras bu gang zhig skyes shing thob pa de ni skyes bu'i byed pa las skyes pa'm skyes bu byed pa'i 'bras bu ste so nam gyis lo tog smin pa lta bu/ gegs ma yin pa ste gegs mi byed pa tsam gyi dngos po'm 'dus byas las byung zhing/ 'das pa ma yin zhing da lta dang phyis 'byung ba de ni 'dus byas kho na'i bdag po'i 'bras bu zhes bya ste dge mi dge'i bdag 'bras lta bu'o/
/gsum pa ni/ de yang 'dus byas kun dang bral thob ste/ 'dus ma byas gnyis rgyu 'bras med par 'dod/ /ji skad du/ 'bras bu'i chos rnams gang zhe na 'dus byas kyi chos thams cad dang so sor brtags pas 'gog pa'o/
/zhes 'byung bas sbyir 'bras bu'i tshos zhes bya ba de'ng 'dus byas kun dang/ lam gyi gnyen pos nyon mongs pa rnams bral bar byas pa'i stobs kyis thob pa mya ngan las 'das pa'm so sor brtags pa'i 'gog pa rnams la 'bras bu zhes bya ste/ nam mkha' dang so sor brtags min 'gog pa ste 'dus ma byas gnyis la rgyu 'bras ma grub pas med par 'dod de/ skye ba med pas skyed rgyu skyed rkyen med pa dang/ dus med pas 'bras bu 'byin mi nus pa'i phyir ro/
/rnam smin tha ma bdag 'bras dang po ste/ /rgyu mthun gsum lnga gnyis bzhi byed pa'i rgyu/ /'bras bu lnga po de dag rgyu gang gi yin zhe na/ rnam smin 'bras bu ni rgyu bshad pa'i skabs su tha mar smos pa rnam smin gyi rgyu las byung ste mi dge ba dang dge ba zag bcas kyi 'bras bu yin pa'i (om 43 na) phyir/ bdag po'i 'bras bu ni dang po byed rgyu'i 'brus bu ste bdag pos dbang byed pa'i 'bras bu yin pas so/
/de'ng mi bsgribs pa tsam de nyid la dbang byed pa'o/
/rgyu de la mi sgrib pa tsam du ma zad skyed pa'i dngos po'ng yod de/ rnam shes tshogs lnga mig

Sheja Dzo Chapter 1.4 volume1 (page 244)

sogs skye mched bcu'i byed rgyus bskyed pa dang snod kyi 'jig rten yang las kyi byed rgyus bskyed pa'i phyir ro/
/rgyu mthun pa'i 'bras bu ni gsum pa skal mnyam dang lnga pa kun tu 'gro ba'i rgyu las byung ste 'bras bu de ni rgyu dang 'dra ba yin pa'i phyir/ gnyis pa lhan 'byung dang bzhi pa mtshungs ldan dag ni skyes bu byed pa'i 'bras bu'i rgyu yin te/ skyes bu'i byed pa'm bya ba ni skyes bu'i ngo bo las gzhan du med cing de'i 'bras bu'ang skyes bu nyid yin pa ltar rgyu de dag gi byed pa'ng de dag nyid dang 'bras bu'ng de dag nyid yin no/
/zhib mor na skal mnyam kun 'gro byed rgyu rnams la'ng byed 'bras yod pa yin no/
/bzhi pa ni/ byed rgyu spangs pa'i rgyu yi rkyen/ /sems sogs skyes 'phral 'bras 'byin de ma thag /shes drug yul rung chos rnams dmigs pa'i rkyen/ /skye la gegs mi byed pa bdag po'i rkyen/ rkyen rnam pa bzhir mdo sde las gsungs pa'i dang po ni/ byed rgyu spangs pa ste de ma gtogs pa'i lhan mtshungs skal kun smin rgyu lnga po gang rung yin pa ni rgyu'i rkyen zhes bya ste/ de rnams kyi rang rang gi 'bras bu skye ba la phan 'dogs shing skyed pa'i rkyen byed pa'i phyir/ byed rgyu la 'dus ma byas kyang yod pas 'dus byas kyi chos thams cad rgyu'i rkyen yin par gsungs pa dang 'gal bas der ma bzhag pa'o/
/sems sogs te sems dang sems las byung ba 'das pa dang da lta bar skyes pa de'i skabs su rigs mthun gzhan med par rdzas mtshungs shing/ mtshungs ldan rigs mthun gzhan gyis bar ma chod par skyes (om 43 ba) 'phral de ma thag tu rang 'bras 'byin pa ni mthungs pa de ma thag pa'i rkyen zhes bya/ mig sogs rnam par shes pa drug gi yul du rung ba'i chos 'dus byas dang 'dus ma byas rnams la ni dmigs pa'i rkyen zhes bya ste/ mig gi rnam shes mtshungs ldan dang bcas pa'i dmigs rkyen ni gzugs kyi skye mched yin pa bzhin no/
/rang las

Sheja Dzo Chapter 1.4 volume1 (page 245)

bzhan pa'i 'dus bbyas skye bzhin pa la gegs mi byed pa thams cad ni bdag po'i rkyen zhes bya ste gong du byed pa'i rgyur bshad pa de dang don gcig yin/ rkyen gzhan las rkyen 'di'i mtshan gzhir gyur pa'i chos mang ba'o/
/skye tshul byed pa la sogs gzhung du shes/ /chos gang zhig la rkyen gang dang de'i grangs du las skye ba dang/ rkyen gang gis dus gang la bya ba byed pa'i tshul dang/ byung ba dang 'byung 'gyur gyi rkyen byed pa'i tshul sogs zhib mor spros na mtha' yas pas rtogs par 'dod na mngon pa mdzod kyi gzhung du shes par bya dgos shing/ 'dir rgyu rkyen gyi rnam grangs dang ngo bo tsam zhig mi shes su mi rung bas smos pa yin no/
/gnyis pa mngon pa gong ma'i lugs ltar bshad pa la gsum/ rgyu/ rkyen/ 'bras bu bshad pa'o/
/dang po ni/ skyed byed byed rgyu phan 'dogs lhan cig 'byung/ /rgyas pa skal mnyam mtshungs rgyu bzhi dang ldan/ /nyon mongs kun 'gro rnam smin lus kyi rgyu/ /bsdu na byed pa'i rgyur 'dus de'i dbye ba/ /nyi shu mngon pa kun las btus par bshad/ /theg chen gyi lugs su rgyu rkyen 'bras bu de dag ming 'dra yang bzhed tshul cung zad mi 'dra bas zur du bshad par bya ste/ 'bras bu gang skyed par byed pa'i rgyu de ni rgyu yin nges pas na byed pa'i rgyu'm ngo bo nyid kyi rgyu zhes bya/ spun gnyis dang por ma gcig gis bskyed/ bar du phan tshun mi 'bral bar phan 'dogs par gnas pa lta bu/ dang po gcig las byung zhing bar du'ng mi (om44 na) 'bral bar phan tshun phan 'dogs pa'i tshul gyis gnas pa ni lhan cig 'byung ba'i rgyu'm grogs kyi rgyu zhes bya/ 'di la phyi dang nang gnyis ka'i rgyu gsum las dang po ni/ 'byung ba bzhi dang 'byung 'gyur rnams te/ 'byung bzhi rnams kyi rdul re re bzhin rdul rdzas brgyad dang

Sheja Dzo Chapter 1.4 volume1 (page 246)

ldan pas/ sa rdul skad cig ma dang po 'gag bzhin pa las chu rdul skad cig ma gnyis pa skye bzhin pas dus mnyam pa'ng yin la snga phyi'i rgyu 'bras cung zad yod pa de dag skyed byed rgyu gcig las byung zhing tshogs pa gcig tu gnas pa dang/ 'byung 'gyur ni bu ram gyi ro dang gzugs lta bu'o/
/gnyis pa ni/ sems dang sems las byung ba phan tshun rgyu 'bras su gyur pa dang de dag rgyu gcig las skyes shing lhan cig tu gnas pa'i phyir/ /gsum pa ni/ mtshan nyid la ltos nas mtshan gzhi rnam par gzhan pa lta bu phan tshun rgyu 'bras su gyur pa ste 'di ni btags pa'i rgyu 'bras so/
/rgyas pa'i rgyu'm skal mnyam gyi rgyu ni rgyu dge ba las 'bras bu dge ba/ mi dge ba las mi dge ba/ lung ma mstan las lung ma bstan skye ba lta bu rgyas pa'm 'phel ba'i don yin pas mthun pa'i rgyu zhes kyang bya/ de'ng sa mthsungs pa dang ngo bo mtshungs pa dgos pa yin te/ dper na 'dod khams kyi nyon mongs pa 'dod chags las/ /khams gong ma gnyis kyi nyon mongs pa bskyed pa lta bu ma yin par/ de las 'dod pa'i khams kyi nyon mongs pa bskyed dgos pas na sa mtshungs pa dang/ nyon mongs pa yang rigs mi 'dra ba ma yin gyi/ rgyu 'dod chags las 'bras bu 'dod chags bskyed pa lta bu rigs 'dra dgos pa yin no/
/mthun par rtogs pa'i rgyu'm mtshungs pa'i rgyu bzhis mtshungs pas mtshungs ldan gyi rgyur grags pa ni/ gtso bo sems dang/ 'khor sems byung gnyis skyed byad kyi rgyu mtshungs pa dang/ dmigs pa'i yul mtshungs pa dang/ yul (om 44 ba) de rgyud mtshungs pa dang/ rnam pa 'dzin stangs gcig pa'm mtshungs par gyur pa ste/ dper na mig gi rnam par shes pa nyer len gyi rgyu kun gzhi'i bag chags sad pa'i mthun las byung ba'm/ rnam shes rigs 'dra skad cig ma dang po las byung ba bzhin du/ de'i 'khor du gyur pa'i sems byung

Sheja Dzo Chapter 1.4 volume1 (page 247)

tshor ba lta bu zhig kyang rgyu de las byung ba dang/ mig gi rnam shes dmigs rkyen gzugs la dmigs pa ltar sems byung tshor ba yang de la dmigs pa dang/ mig gi rnam shes spyod yul gang zag de'i rgyud kyis bsdus pa ltar sems byung tshor ba yang des bsdus pa dang/ mig gi rnam shes gzugs kyi rnam par yang 'dzin pa'i 'dzin stangs can yin pa bzhin du sems byung tshor ba yang gzugs 'dzin pa'i 'dzin stangs can yin pas na/ sems dang sems las byung ba gnyis mtshungs pa rnam pa bzhis sgo nas mtsungs pa yin no/
/nyon mongs pa las nyon mongs pa skyed par byed pa ni kun 'gro'i rgyu ste khams gsum po thams cad du 'gro ba'i don yin la/ gang zag de rnam par grol ba thob pala gegs byed pas bar bcod rgyu zhes kyang bya/ de'ang rgyu zhe sdang las 'bras bu 'dod chags dang/ zhe sdang las nga rgyal skye ba lta bu dang/ 'dod khams kyi nyon mongs kyi 'bras bus khams gong ma gnyis kyi nyon mongs kyi rten byed pa lta bu yod pas rigs dang sa la sogs pa ni ma nges pa'o/
/rnam smin ni lus yin la de skyed byed kyi rgyu la rnam smin gyi rgyu dang/ lus de yongs su 'dzin par byed pas yongs 'dzin gyi rgyu zhes kyang bshad de/ rgyu dge ba zag bcas dang mi dge ba las 'bras bu lung ma bstan skye ba'o/
/de yang dper na rnam smin gyi rgyu mi dge ba las de'i 'bras bu dmyal ba'i phung po grub pa lta bu ste/ dmyal ba'i sdug bsngal sna tshogs myong ba ni mi dge bas 'phangs kyang/ (om 45 na) de'i lus rten phung po tsam ni mtha' gcig tu lung ma bstan kho na yin la/ de bzhin du rgyu dge ba zag bcas kyis lhar 'phangs kyang lha'i rnam smin gyi phung po dge ba ma yin te lung ma bstan kho na'o/
/spyir rgyu thams cad bsdu na byed pa'i rgyu kho nar 'dus pa yin la/ /'bras bu la byed par bcas pa ni byed rgyu yin pa'i phyir byed rgyu nus med ni skabs 'dir mi bzhed do/
/de'ng 'bras bu

Sheja Dzo Chapter 1.4 volume1 (page 248)

sngar med 'byung bar byed pa'i rgyu dang/ zas zos pas lus 'tsho bar byed pa dang/ chu snod kyis rten pa lta bu rten pa'i byed rgyu dang/ sngar yod pa'i rigs kun gnas par byed pa dang/ na tshod gzhon nu las dar babs su 'gyur bar byed pa lta bu dang/ sngar ldan pa 'bral bar byed pa dang/ gser las lha dang mi'i gzugs brnyan bzo bar byed pa dang/ skye 'gag gnas gsum can yin pa'i gtan tshigs can gyis 'dus byas su sgrub par byed pa dang/ lam sgom pas 'bras bu thob par byed pa dang/ yul dus gzhan du 'phen par byed pa dang/ 'phral du ston par 'grub par byed pa dang/ bar du gcod par byed pa dang/ dngos po dang zhig rgas shing rnying par byed pa dang/ sngar yod pa 'jug par byed pa dang/ du ba yod pa'i rtags kyis me yod pa nges par byed pa dang/ du ba med pa'i rtags kyis me yod pa ma nges par byed ba la sogs pa ste/ de'i rnam par dbye ba nyis shu mngon pa kun las btus par bshad do/
/gnyis pa ni/ rgyu lnga kun gzhi'i rnam shes rgyu yi rkyen/ /mthong yul dmigs rkyen rten ni bdag po'i rkyen/ /de ma thag rkyen 'dod tshul gsum pa ste/ /rkyen bzhi tshang bas shes pas shes pa skyed/ /gnyis sam gsum kyis shes pas bem po skyed/ /gong du bshad pa'i lhan 'byung/ skal mnyam/ mtshungs ldan/ kun 'gro/
rnam smin te rgyu lnga po skabs 'dir rgyu'i rkyen gyi rnam grangs su (om 45 ba) bzhed de/ rgyu lnga po mtha' dag rgyu'i rkyen du 'gyur bar ma nges kyang de rnams kyi nang nas rgyu'i rkyen byed pa'ng yod pas der bzhad pa dang/ theg chen gyi skabs 'dir kun gzhi'i rnam par shes pa nyid phyi nang gi dngos po kun nye bar len pa'i rgyu'i rkyen gyi gtso bor 'chad de de'ng kun gzhi'i rnam smin gyi cha la ngos 'dzin no/
/rgyu'i rkyen gzhan lnga ni don la lhan cig byed pa'i

Sheja Dzo Chapter 1.4 volume1 (page 249)

rkyen yin no/
/mthong ba dang dmigs pa'i yul ni dmigs pa'i rkyen yin te dbang shes rtog med lnga pos rang rang gi dmigs rkyen gzugs kyi rnam pa sogs dngos su mthong bas na/ de shes pa de'i mthong yul du 'jog pa yin la/ shes pa rtog bcas rnams kyis ni dmigs pa'i rten de la gsal snang gi tshul lam/ 'dzin stangs kyi gzung char byas pa tsam gyis yin no/
/dper na snod kyi nang gi chu mi bo zhing gnas par byed pa'i snod ni rten yin pa bzhin du dngos po thams cad kyi rten byed pa ni bdag po'i rkyen yin te thun mong gi bdag rkyen kun gzhi'i rnam par shes pa dang/ thun mong ma yin pa'i bdag rkyen dbang shes lnga'i rten dbang po lnga dang/ phyi don du snang ba rnams lan'ng dngos po rang rang gi rten dang gnas dang gzhir gyur pa rnams so/
/mngon pa kun btus su 'di la rnam pa dgur gsungs pa yin te/ rten dang 'phen pa lhan 'byung yul/ /skye gnas 'bras bu nye bar spyod/ /'jig rten pa dang 'das pa yi/ /rnam par dag par dbang byed pa'o/
/zhes so/
/dmigs rkyen dang bdag po'i rkyen gnyis kyang byed rgyu'i nang du 'dus pa yin no/
/de ma thag pa'i rkyen la 'dod tshul gsum yod pa ste/ dang po chos mngon pa ba rnams ni dngos po rang dang mtshungs pa/ rgyu gcig pa/ 'das ma thag pa ste mtshan nyid gsum dang ldan par 'dod pa dang/ (om 46 na) dngos po gang skye ba'i gegs mi byed par go 'byed cing 'bras bu la phan 'dogs par byed pa'i las can du 'dod pa dang/ yang shes pa yul la phyogs par byed pa tsam zhig la 'dod pa gsum las lugs 'dir phyi ma nyid bzung bar bya'o/
de ltar rkyen bzhi tshangs bas mig shes snga mas mig shes phyi ma bskyed pa lta bu shes pas shes pa skyed par byed cing/ rkyen gnyis sam gsum tshang bas shes pas bem snang dang bem pos bem po skyed par bshed de/ de'ang shes pas bem snang skyed pa la/ rkyen gnyis tshang

Sheja Dzo Chapter 1.4 volume1 (page 250)

ba'i tshul gyis bskyed pa yin te/ rgyu'i rkyen ni kun gzhi'i bag chags dang lhan cig 'byung ba'i rkyen dper na/ 'du byed kyis ma 'ongs pa'i skye ba 'phangs pa lta bu'o/
/bem pos bem po bskyed pa la rkyen gnyis tshangs zhing/ de ma thag rkyen rigs 'dra snga mar 'dod pa rnams la ni de yang tshang bas rkyen gsum las skye ba yin no/
/gsum pa ni/ rgyu med 'gog pa bral ba'i 'bras bu ste/ /phyi rol yul khyis bsdus pa bdag po'i 'bras/ /sems can rgyud kyis bsdus pa rnam smin 'bras/ /byed rgyu'i byed 'bras skal mnyam rgyu mthun no/
/skyed byed kyi rgyu med pa'i 'gog pa ni bral ba'i 'bras bu zhes bya ste/ de'ng so sor brtag pa'i 'gog pa ni bral ba'i 'bras dngos yin la/ de'ng kun rdzob kyi chos yin pas so/
/gnas lugs don dam pa'i 'gog bden ni bral ba'i dngos po yin la/ 'bras bu btags pa ba yin te/ don dam dbyings de yid la 'bras bu btags pa bar 'jog pa'i shes byed kyang/ dbyings de ni ngo bo nyid kyi sku dang rnam dbyer med pa'i phyir/ ngo bo nyid sku la 'brs bu'i tha snyad 'jug pa'i dbng du mzad pa'o/
/bras bu dngos ma yin te/ 'dus ma byas la rgyu 'bras dngos kyi rnam gzhag mi 'thad pas so/
/phyi rol yul gyis bsdus pa ni bdag po'i 'bras bu yin te/ re zhig ma dpyad (om 46 ba) pa'i dbang du byas te/ phyi don khas len pa'i gnas skabs su ni snod kyi 'jig rten dang nyer spyod phyi rol gyi gzugs sgra dri ro reg bya la sogs pa rnams bdag 'bras yin cing cung zad dpyad pa'i dbangdu byas te/ phyi rol gyi don khas mi len na'ng gnas su snang ba'i rnam rig dang/ don du snang ba'i rnam rig la sogs pa rnams bdag po'i 'bras bur 'jog go /sems can gyi rgyud kyis bsdus pa ni rnam smin gyi 'bras bu yin te/ lus kyi chos su gtogs pa rang nyid kyi nyer len gyi phung po lnga

Sheja Dzo Chapter 1.4 volume1 (page 251)

dang/ der snang ba'i rnam rig la sogs pa rnams so/
/byed 'bras ni/ rgyu byed rgyu'i sgo nas byung ba gang yin pa thams cad do/
/skal mnyam gyi rgyu las byung ba rnams ni rgyu mthun gyi 'bras bu'o/
/de rnams kyang gtso che ba'i dbang du byas nas bshad pa yin gyi/ mtha' gcig tu nges pa ni ma yin no/
/spyir dngos po rnams skyed par byed pa'i rgyu thams cad ni nges par gnyis su 'du ba yin te/ kun nas nyon mongs kyi rgyu kun gzhi'i rnam par shes pa 'khor ba'i bag chags kun ldan dang/ rnam par byang ba'i rgyu zag pa med pa'i sa bon gnyis su 'du ba'i phyir/ de'ng dang po kun nas nyon mongs pa'i rgyu kun gzhi'i rnam par shes pa 'khor ba'i sa bon bag chags rnam pa thams cad pa des khams gsum 'khor ba'i kun nas nyon mongs pa thams cad kyi rgyu byed pa yin la/ gnyis pa zag pa med pa'i sa bon ni kun gzhi'i rnam shes kyi steng du bzhag pa yin cing/ 'di la yang mngon pa kun btus su/ thos pa las byung ba'i sa bon no zhes bshad la de'i ngo bo ni sbyin pa dang/ tshul khrims sogs dge ba'i las lam dkyus ma'i bag chags bzhag pa tsam ma yin gyi/ sangs rgyas kyi sku gsung thugs kyi yon tan mthong ba'i bag chags kun gzhi la bzhag pa nyid yin pas/ 'dir yang gtso bor ni sangs rgyas kyi thugs (om 47 na) chos kyi sku'i rgyu mthun pa legs par gsungs pa'i gsung rab nyid yin pa'i phyir de thos shing/ de la brten nas sangs rgyas kyi sku gsung thugs kyi gsang ba zab mo'i rnam pa go zhing shes par gyur pa'i sa bon kun gzhi la bzhag pa de phyis gang zag de rnam grol thob par 'gyur ba'i rgyur gyur pas na zag pa med pa'i sa bon ces bya ste zag med kyi sa bon 'di sems can thams cad la yod pa ni ma nges so/
/yang na skyes thob kyi rgyu dang/ sbyor byung gi rgyu zhes gnyis su 'du ba yin te/ dang po ni/ kun gzhi'i rnam smin gyi cha rnams dang/ gnyis pa ni/ sa

Sheja Dzo Chapter 1.4 volume1 (page 252)

bon gyi cha ste/ de yang dper na/ skye ba snga mar thos pa byas pa'i sa bon rnam par smin pa'i mthu las/ tshe 'dir rang stobs kyi shes rab phun sum tshogs pa la ni skyes thob kyi shes rab dang/ tshe 'dir thos pa mang du byas te de'i sa bon yongs su bzhag cing/ goms pa las shes rab phun sum tshogs pa skyes pa la/ sbyor byung gi shes rab ces 'jog pa bzhin te de dag ni zhar las 'phros pa'o/
/gnyis pa thun mong ma yin pa'i lugs bshad pa la'ng gnyis/ nges don spyi dang/ bye brag 'od gsal rdzogs pa chen po'i lugs so/
/dang po la gsum/ rten 'brel bcu gnyis kyis 'khrul tshul/ de nyid rnam shes tshogs brgyud dang sbyar ba/ bag chags gsum gyis 'khor tshul zhar byung dang bcas pa'o/
/dang po la gnyis/ spyir bstan pa dang/ bye brag phye nas bshad pa'o/
/dang po ni/ don dam 'khor ba las bcas ma grub kyang/ /kun rdzob rgyu rkyen rten cing 'brel bar 'byung/ /yan lag bcu gnyis 'khor lo bar med bskor/ /de la theg pa thun mong ba rnams kyis bzhed pa'i 'dus byas kyi chos 'grub byed rgyu rkyen rags pa tsam bstan zin nas/ da ni thun mong ma yin pa nges don gyi tshul las brtsams te 'chad par bya ba ni/ 'phags zhabs kyis byang chub sems 'grel las/ (om 47 ba) ji ltar bu ram mngar ba dang/ /mi yi rang bzhin tsha ba ste/ /de bzhin chos rnams thams cad kyi/ /rang bzhin stong pa nyid du 'dod/ /ces gsungs pa ltar/ gnas lugs don dam par 'khor ba dang las dang las kyi 'bras bu dang bcas pa bden par ma grub pa stong pa nyid kho na yin kyang/ snang tshul kun rdzob tsam du rgyu rkyen tshogs pa las rten cing 'brel bar 'byung ba yan lag bcu gnyis kyi 'khor lo bar med du bskor nas srid pa'i lam du yang nas yang du 'khor ba ste/ 'phags zhabs

Sheja Dzo Chapter 1.4 volume1 (page 253)

kyis/ ma rig nas bzung rga shi'i bar/ /rten 'brel yan lag bcu gnyis kyi/ /brten nas 'byung ba'i bya ba ni/ kho bos rmi lam sgyu 'drar 'dod/ /yan lag bcu gnyis 'khor lo 'di/ /srid pa'i lam du 'khor ba ste/ /zhes gsungs so/
/gnyis pa ni/ 'khor ba'i rta ba bdag tu zhen pa ste/ /nyon mongs pa las las dang sdug bsngal 'byung/ /de las de 'byung gnyid la sogs bzhin snang/ /de'ang rnam 'grel las/ bdag yod na ni gzhan du shes/ /bdag gzhan cha las 'dzin dang sdang/ /'di dag dang yongs 'brel ba las/ /nyes pa thams cad 'byung bar 'gyur/ /zhes 'byung ba ltar 'khor ba dang der 'khor bar 'gyur ba'i rtsa ba ni nga dang nga yir 'dzin pa'i bdag 'dzin lhan skyes kyi zhen yul nga'o snyam pa 'di nyid yin te/ de la brten nas lta ba nyon mongs can dang chags sogs nyon mongs pa thams cad 'byung zhing/ de las rnam par smin pa'i las 'du byed/ de las srid pa'i sdug bsngal thams cad 'byug zhing/ de las kyang las dang nyon mongs pa 'du byed pas sdug bsngal gyi 'khor lo de nyid yang dang yang du 'byung ste/ dper na gnyid kyis bslad pa'i rmi lam mam rab rib can ngor skra shad la sogs pa bzhin med bzhin du snang ba bden bden 'dra ba 'di (om 48 na) ni brtags na stong pa nyid kyi cho 'phrul kho na yin te/ 'phags zhabs kyis/ mdor na stong pa'i chos las ni/ /stong pa'i chos rnams 'byung ba yin/ byed po las dang 'bras myong ba/ /kun rdzob tu ni rgyal bas bstan/ /ces dang/ kun rdzob nyon mongs las kyis bskyed/ /las ni sems las byung ba yin/ /sems ni bag chags dag gis bsags/ /bag chags bral ba bde ba ste/ /bde ba'i sems ni zhi ba nyid/ /sems zhi bas ni rmongs mi 'gyur/ /ma rmongs pas ni de nyid rig /de nyid rig pa'ng

Sheja Dzo Chapter 1.4 volume1 (page 254)

thar pa thob/ /ces gsungs so/
/spyir 'khor lo dang po las 'khor ba'i rtsa ba bdag tu 'dzin pa dang sdug kun gyi rgyu sred par yang gsungs shing/ bar par gzungs 'dzin la ma mgnon par zhen pa'i mtshan 'dzin gyi spros pa dang/ tha mar kun gzhi nyid 'khor ba'i rtsa bar gsungs la/ sngags bla med pha rgyud las/ stong bzhi 'byung bzhi tshogs pa 'gro ba skyed pa'i rtsa ba dang/ ma rgyud du 'jig rten pa'i lhan skyes sam mi shigs pa'i thig le las 'khor ba 'byung bar bzhed cing de dag gi don zhib par rim gyis 'chad par 'gyur ro/
/gnyis pa rnam shes tshogs brgyad dang sbyar ba ni/ stong gsal ma 'gag sems nyid thog med ni/ /rang gis rang ngo ma rig 'du byed yid/ /gyos pas gzung 'dzin gnyis snang rnam par shes/ /blang dor tshor ba mtshan 'dzin 'du shes te/ sems byung 'du byed zhen pas gzugs phung grub/ /sred len mtshams sbyar srid pa'i 'khor lor 'khor/ /'di la spros na shin tu rgya che bas rtogs par 'dod na zab mo nang don gyi 'brel pa zab don snang byed dang/ snying po bstan pa'i 'grel pa rang byung dgongs gsal sogs su gsal bar bshad yod pa las shes par bya zhing 'dir tshig don tsam ni/ chos mgnon pa'i mdo las/ thog ma med dus (om 48 ba) can gyi dbyings/ /chos rnams kun gyi gnas yin te/ /'di yod pas ni 'khor ba dang/ /mya ngan 'das pa'ng thob pa yin/ /ces 'byung ba ltar/ ngo bo spros pa dang bral bas stong pa/ rang bzhin ma bsgribs par gsal ba/ rnam pa gang du'ng 'gag pa med par 'char ba/ rang bzhin gyis dag pa'i sems nyid thog ma med pa'i dus can chos kyi dbyings de bzhin nyid rang gi ngo bo cir yang ma grub pa'i gzhis skye med la bdag dang/ gangs 'gag pa med pa la gzhn du rtog pas/ yul yul can ltar snang ba'i 'gag pa med pa'i rtsal gyis ngo bo ma rig ste/ sems yul la

Sheja Dzo Chapter 1.4 volume1 (page 255)

'du byed pa'i yid kyis kun gzhi chu dang rlabs ltar gyos shing bskyod pas gzung bya'i don dang 'dzin byed kyi shes pa gnyis tha dad pa med bzhin du gnyis su snang bas bdag gzhan du bzung/ de las yul la don du bzung ba'i rnam shes tshogs drug po byung ste bag chags kyi snang ba brtas pa las 'khrul snang rags pa grub/ rnam shes de la yul yid du 'ong mi 'ong bar mar snang ba'i dbang gis de gsum la blang dor dang btang snyoms su rtog par byed pas tshor ba'i phung po skye/ yul de la mtshan mar 'dzin pa rgya che chung gi byed pas 'du shes dang/ yul la spu ris so sor phyes nas snang ba sna tshogs pa mngon par 'du byed pas sems byung gi tshogs rnams grub pa'i 'du byed/ des bag chags brtan par byas nas gzugs kyi ngo bo dang mtshan ma la sogs pa la mgnon par zhen pas gzugs kyi phung po grub bo/
/'di ni skye ba'i rim pa ste rgyu 'bras don gyi go rim du bstan pa yin la/ mdzod las/ rim ni rags dang kun nyon mongs/ /zhes rags phra dang kun nas nyon mongs par byed pa'i rim pas gzugs dang por gsungs pa dang 'gal ba ma yin no/
/de nas yul la chags shing (om 49 na) sred pa dang/ chags yul don du gnyer ba'i len pa dag gis mtshams sbyar bas srid pa 'grub byed kyi las mthu can du gyur nas yang srid phyi ma'i skye ba la nying mtshams sbyor ba sogs 'khor bar 'khrul ba'i 'khor lo bar med du 'khor ba ni rang ngo ma shes pas byss pa ste/ ji ltar sgyu ma dang/ rmi lam la rmi lam du ma shes pas 'khrul pa bzhin no/
/rten 'brel bcu gnyis kyi don rgyas par ni phyi nas 'chad par 'gyur ro/
/gsum pa bag chags gsum gyis 'khor tshul zhar byung bcas bstan pa ni/ mdor na kun gzhir bag chags gsum bzhag pas/ /'khrul snang rnam gsum byung ste yul don lus/ /gong du smos pa de dag gi don mdor bsdu na/

Sheja Dzo Chapter 1.4 volume1 (page 256)

kun gzhi'i steng du sems kyi bag chags mi 'dra ba rnam pa gsum bzhag pas 'khrul snang mi 'dra ba rnam pa gsum byung ste/ gzugs la sogs pa'i yul dang/ de dag 'dzin pa'i rnam shes kyi tshogs te don dang/ rang gi lus su med bzhin snang ba'i bag chags pas me long la rdul chags pa ltar sems kyi 'od gsal bsgribs te 'khor bar 'khyams pa ste/ mdo sde rgyan las/ rnam gsum rnam gsum snang ba can/ /ces gsungs pa'i don kun tu bzang po dri med 'od zer gyis gsal bar mdzad pa ltar ro/
/snod kyi 'jigrten gzugs sogs yul lnga dang/ /rnam shes tshogs brgyad dge dang sdig pa'i las/ /'gro drug gzugs dang de yi bya byed las/ /de las gzung 'dzin de las nyon mongs skye/ /de las thog mtha' med pa'i 'khor ba grub/ /de'ang spros te bshad na/ yul gyi bag chags kyi mthu las phyi rol snod kyi 'jig rten dang/ de la brten pa'i gzugs sgra dri ro reg bya ste yul lnga po phyi nang gang na'ng med kyang phyi rol na yod pa ltar snang ba sems la shar (om 49 ba) nas de dag la don du mngon par zhen nas dgag sgrub tu 'dzin pa'i yul byed do/
/zhen yul la 'di ni gzugs so zhes phyi rol tu rtog pa ni gzung rtog gog /kun gzhi'i rnam shes nyon yid tshogs drug dang bcas pa ni rnam par shes pa'i tshogs brgyad de/ des kun nas bslangs te bsod nams cha mthun gyi dge ba dang mi dge ba sdig pa'i las bsas pas sems la bag chags gser dang gya' bzhin du gnas pa ni don gyi bag chags kyi mthu brtas pa ste tshogs brgyad pos rang rang gi yul rtog bcas dang rtog med kyis 'dzin pas na 'dzin rtog go /lus kyi bag chags kyi mthu las/ gzung 'dzin de dag skye ba'i rten 'gro ba rigs drug so so'i gzugs dang de'i bya byed las dang bcas pa tha na rmi lam du'ng bdag gi lus zhes mngon par zhen te bde sdug la spyod pa ste bag chags rnam pa gsum

Sheja Dzo Chapter 1.4 volume1 (page 257)

gyi mthu brtas pa las gzung 'dzin gyi 'khrul snang shar/ de la spang blang byas pas nyon mongs pa'i stobs skye/ de yis las bsags pas thog ma dang tha ma med pa'i 'khor ba lu gu rgyud 'di grub ste/ thog ma med pa'i bag chags kyi tshor bas snga ma bskyed/ de'i rgyun goms pas da lta/ da lta'i nyin par gyis rmi lam la sogs pa'i rgyun goms pas tshor bas phyi ma'i yul dang don dang lus kyi bag chags 'char bar 'gyur ro/
/zhar byung 'khor ba ldog tshul bshad pa ni/ rten 'brel lugs ldog rgyu rkyen phug rdib na/ /'khrul zad thar pa mchog la rab tu sbyor/ /'di ltar 'khor ba'i sdug bsngal thams cad kyi gtso bo rga shi gang las byung brtags na skye ba las byung/ de len pa dang de srid pa las byung ba sogs rim gyis brtags pas thams cad kyi rtsa ba ma rig pa yin par shes nas de spong ba'i gnyen po la bslabs pas rten 'brel lugs ltog tu 'gag pa'm/ 'khor bar 'khyams byed kyi rgyu bdag (om 50 na) tu 'dzin pa/ rkyen lhan cig skyes pa'i ma rig pa dag so sor rtog pa'i shes rab kyis gshis la mi gnas par rtogs nas 'khrul gzhi'i phug rdib na 'khrul snang gi chos ji snyed pa chos nyid kyi ngang du zad nas thar pa bde ba dam pa'i mchog la rab tu spyor bar 'gyur ro/
/gnyis pa bye brag 'od gsal rdzogs pa chen po'i lugs ltar bshad pa la gnyis/ mtshams sbyar ba dang/ don dngos so/
/dang po ni/ khyad par theg rtse shin tu rnal 'byor lugs/ 'khrul grol rgyu rkyen thun mong theg pa'i bshad tshul kun nas khyad par du gyur pa/ theg dgu'i rte mo a ti yo ga ste shin tu rnal 'byor gyi lugs nyid mdo tsam brjod par bya ste/ 'chad 'gyur lugs 'di'i lam dang 'bras bu'i gnad don 'di las longs dgos pa'i phyir ro/
/gnyis pa la gzhi/ gzhi dngos po gshis kyi gnas lugs/ de las sems can gyi 'khrul tshul/ 'khrul dus gzhi yis khyab tshul/ zhar byung ye shes kyi gnas

Sheja Dzo Chapter 1.4 volume1 (page 258)

yul 'khrul pa ldog tshul dang bcas pa'o/
/dang po la gsum/ shes bya phyogs 'dzin gyi gzhi drug skyon can du bstan/ gnas lugs ka dag gi gzhi skyon med du bshad/ de las bzhi snang gi shar lugs brgyad bstan pa'o/
/dang po ni/ ye thog gzhi yi gnas lutt skyon can drug /rtogs te sangs rgyas ma byung/ ma rtogs te sems can ma byung ba'i sngon rol na ye thog dang po'i gzhi'i gnas lugs ji ltar na/ rdzogs chen po'i lugs kyis 'dod lugs skyon can drug grub pa'i mtha' rjes su 'dzin pa'i dbang du byas pa ste/ de'ng gzhi lhun grub tu 'dod pa dang/ ma nges par 'dod pa dang/ nges pa don du 'dod pa dang/ chir yang bsgyur du btub par 'dod pa dang/ gang du'ng khas blang du rung bar 'dod pa dang/ rnam pa sna tshogs khra bor 'dod pa ste/ de ltar rnam pa drug po la ni phyogs lhung skyon can gyi (om 50 ba) gzhir gsungs te/ de'i rgyu mtshan lhun grub tu 'dod pa de la ni/ skyon yon gnyis ka ye nas lhun gyis grub pa'i chos can yin na ka dag dang 'gal zhing lam nyams su blang du mi rung la/ blangs kyang grol mi rung ba'i skyon yod par 'gyur ba dang/ nges med du 'dod pa de la ni/ gzhi nges pa med par blos gang btags pa der 'gyur na gro tshar nas kyang 'khrul pa 'byung bar thal ba'i skyon dang/ nges pa can du 'dod pa de ltar na/ bsgyur du mi btub pas ma rig pa'i dri ma dag par yang mi 'gyur ba'i skyon dang/ cir yang bsgyur du btub par 'dod pa na rtag mi thub pa'i phyir grol ba'i 'bras bu yang slar rgyu ru ldog pa'i skyon dang/ gang du yang khas len btub par 'dod pa na dngos po la thug pa med phyir gzhi yang thug med du 'gyur la/ rtag chad du'ang khas len dgos par 'gyur ba'i skyon dang/ sna tshogs su 'dod pa de yang dag pa rnam grol gyi gzhir mi rung ste/ rtog tshogs du ma can de nyid ka dag gi gzhi ru mi rung ba'i skyon

Sheja Dzo Chapter 1.4 volume1 (page 259)

gnas pa'i phyir/ de ltar gzhi drug po de dag ni phyogs 'dzin ya bral syon can du 'gyur phyir 'di skabs kyi gzhi ru mi bzhed cing/ de thams cad kyis gnas lugs phyogs re las ma rtogs pa'i phyir ro/
/gnyis pa la gnyis/ ka dag gi ngo bo ngos bzung/ de'i rang bzhin zhib tu bshad pa'o/
/dang po ni/ skyon med ka dag grol 'khrul spyi yi gzhi/ /rtog pas tha dad du brtags pa'i blo skyon las grol ba/ skyon med ka dag gi gzhi lam rjes su 'dzin pa'i gang zag gi dbang du byas pa ni ye thog gzhi'i ka dag ces bya ba ste/ de'ng smra bsam brjod 'das chen po yod med kyi mtha' las 'das pa ste/ ngo bo ka nas dag pas yod pa rtag pa'i mtha' dang bral te dngos po dang mtshan ma'i chos su ma grub/ (om 51 na) rang bzhin lhun gyis grub pas med pa chad pa'i mtha' las 'das te/ 'od gsal stong pa'i chos nyid rnam dag rang bzhin gdod ma'i sangs rgyas/ chos sku 'gyur med kyi dgongs pa/ 'khor 'das gang du'ang ma grub la ye stong rang byung gi ye shes chen po ye thog nyid nas nam mkha' ltar gnas so/
/ka nas dag na sems can 'khor bar 'khrul pa mi rigs so zhe na/ ye nas grol zein pas dri ma bskyar nas mtshan nyid pa sbyang du med cing 'khrul pa dang grol ba rang mtshan pa med de rmi lam gyi grol 'khrul ltar rig pa'i rol ba tsam du snang dus nyid nas grub ma myong bas ka dag yin pa la skyon med cing/ lhun gyis grub na 'bras bu grub zin pas sems can rnams 'bad med du grol bar 'gyur ro zhe na/ lhun grub yin pas ye nas dbyings kyi sku dang ye shes rang bzhin rnam dag tu rjogs kyang gnyid sad pa ltar glo bur dri bral gyi cha las ye thog der mngon du gyur pa'i char yod pas skyon med do/
/de'i ngang las gzhi snang du shar dus grol 'khrul gnyis ka'i gzhi

Sheja Dzo Chapter 1.4 volume1 (page 260)

byed pa'i cha nas spyi gzhi zer la/ grol gzhi byed pas grol ba'i gzhi dang/ sems can gyi 'khrul gzhi byed pas 'khrul gzhi zhes gzhi snang gi ngo bo gcig la grol 'khrul gyi cha dbye na gsum du gnas pa'o/
/'dir ka zhes pa ni gzhi'm rtsa ba'i sgra ste/ gdod ma dang thog ma dang ye nas sogs dang don gcig go/
gnyis pa ni/ ye shes gnyis sam gsum ldan nyid du bzhugs/ /ka dag de'i rang bzhin ni ye shes gnyis sam gsum ldan nyid du bzhugs te/ de'i dang po ltar na/ rig pa dngos po med pas rig stong dbyer med la ltos nas ngo bo ka dag gi ye shes bsam ngo dang bral ba dang/ rang bzhin lhun grub kyi ye shes gting gsal ye gdangs su gnas te/ klong drug pa las/ ngo bo nyid ni ka dag la/ /rang bzhin du ni lhun grub bo/
/(om 51 ba) zhes so/
/ngo bo'i ldog pa na yod med kyi mtha' las 'das la/ rang bzhin gyi ldog pa na 'char gzhi'i cha tsam du gnas te/ de gnyis rang ngor dbyer med mtha' grol rdzogs pa chen por gzhugs pa ni rig pa rang frol las/ mtha' bzhi'i dri ma dang sangs nyid/ /ces so/
/ye shes gsum ldan du bzhugs pa ni/ rdo rje sems dpa' snying gi me long las/ gzhi'i chos thams cad ngo bo rang bzhin thugs rje gsum du shes par gyis shig /ces gsungs pa ltar chos sku gdod nas dag pa'i ngo bo skur bzhugs pas sku gsum 'du 'bral med pa'i 'char gzhir gnas kyang mtshan ma ris can gyi zhal phyag tu grub pa ni cung zad kyang med do/
/rang bzhin gsal ba 'od lngar bzhugs pas gdangs gsum ye nas rang gsal kyang kha dog ris bcas su so sor grub pa ni med do/
/thugs rje rig pa'i ye shes su bzhugs pas mkhyen pa'i cha ma 'gag par so sor gsal kyang bya ba dang byed pa'i rnam pa yul yul can du snang ba ni med do/
ye shes de dag ka dag ye gzhi la 'char gzhi'i cha tsam du yod la rags pa ni med pas

Sheja Dzo Chapter 1.4 volume1 (page 261)

sangs rgyas kyi dus na ye shes de gnyis 'byung bar 'thad pa ste/ sdud pa las/ ye shes med na yon tan 'phel med byang chub med/ /rgya mtsho 'dra ba'i sangs rgyas chos kyang med par 'gyur/ /zhes so/
/de la rig pa gzhi gnas nang dbyings su yod dus thog mtha' gnyis kyi tshe gting gsal las sku 'od dngos su med la/ de nas 'phags dus rang 'od kyi gdangs dang bcas pa'o/
/snying nand du gnas dus gnas skabs kyi gzhi gnas su brjod kyang dbyings nas 'khor bar 'phags te grol sar ma phyin pas da dung gzhi snang du 'dod de/ 'di la ltos nas rma bya'i sgo nga ltar rang gdangs 'od lnga'i klong na rig pa ma smin pa rma bya'i phru gu ltar gnas shing lam snang snang ba bzhi yi (om 52 na) dus su bar snang la 'ja' tshon ltar gsal la/ gdos bcas dag dus mthar skyol bas rig pa nyid skur smin pa'i tshe sgo nga nas don te gnas pa lta bu'o/
/des na dbyings kyi gzhi dang gnas skabs kyi gzhi gnyis 'od kyi khang pa dngos la mi 'dug pa dang 'dug pa'i khyad par yod cing/ de ltar na ngo bo stong gsal dbyer med/ rang bzhin gsal stong dbyer med/ thugs rje rig stong dbyer med du bzhugs te/ de'ng ngo bo ka nas dag pa'i ye shes nam mkha' rnam par dag pa lta bur bzhugs/ rang bzhin lhun gyis grub pa'i ye shes rgya mtsho dwangs pa lta bur bzhugs/ thugs rje kun la khyab pa'i ye shes nor bu dri ma med pa lta bur bzhugs so/
/gsum pa ni/ de las gzhi snang lhun grub sgo brgyad shar/ /de ltar na dbyings ka dag gi ye gzhi gzhon nu bum pa sku'i rgya ral te ye shes kyi rlung gyos pa las/ rig pa gzhi nas 'phags pa'i rang snang lhun grub kyi sgo brgyad shar dus steng du ka dag chos sku'i snang ba nam mkha' sprin med lta bu/ thad kar longs sku 'od gsal gyi zhing snang nam mkha'i dbyings khyab pa/ de'i rtsal

Sheja Dzo Chapter 1.4 volume1 (page 262)

las 'og na gzhi snang chen po dang/ de'i rtsal las 'og na longs sku'i snang ba dang phyogs mtshams na rang bzhin sprul sku'i zhing snang dang/ mar 'og na 'khor ba'i sgo las 'gro drug rang snang gi zhing khams tshad med pa ste/ de thams cad lhun grub sgo brgyad kyi snang ba las rang shar bas 'khor 'das kyi snang ba chen po dus gcig la shar ba zhes bya ste/ nang gsal las phyi bsal du shar dus ngo bo'i snang ba go ma 'gags par rang gsal/ rang bzhin gyi snang ba 'od lngar ye gdangs/ thugs rje'i snang ba sprin med pa'i nam mkha' lta bus go phye ba'i cha las rang snang ba'o/
/shar lugs kyi sgo brgyad/ bkra shis mdzes ldan chen po'i rgyud las/ thugs rje ltar 'char ba'i go ma 'gags pa/ (om 52 ba) 'od ltar 'char ba'i snang ba ma 'gags pa/ ye shes ltar 'char ba'i longs spyod ma 'gags pa/ sku ltar 'char ba'i ngo bo ma 'gags pa/ gnyis med ltar 'char ba'i lta ba ma 'gags pa/ mtha' grol ltar 'char ba'i thabs ma 'gags pa/ dag pa ye shes kyi 'jug sgo mthar phyin pa/ ma dag pa'i thugs rje ma 'gags pa/ 'dod yon gyi nor bu rin chen lta bu'o/
/zhes pa ltar ro/
/de'ang ngo bo'i rtsal las longs sku'i snang ba dang/ yon tan gyi rtsal las rang bzhin sprul sku'i zhing snang dang/ thugs rje'i rtsal las'khor ba'i sgo rang snang du rmi lam ltar shar ba ste/ gzhi snang de'i rang ngo la snang tshu de ltar snang yang 'grul ma 'khrul gang du'ng ma grub cing/ gzhi snang la lhun grub kyi sgo yod pas dag pa'i zhing dang ma dag pa'i 'khrul snang mthong ba'i gnad kyang 'di la thug pa'o/
/'di nyid grol gzhi yin la ka dag ni grol sa yin pas /byad par phyed pa gal che zhing/ de'ng gzhi snang nyid rang ngo shes na grol rkyen byed pa'i cha nas grol gzhi dang/ ma shes na 'khrul rkyen byed pa'i cha nas 'khrul gzhir btags pa ni/ dung dkar po la ser por 'khrul rkyen byas pa lta

Sheja Dzo Chapter 1.4 volume1 (page 263)

bu ste/ 'khrul pa dngos ma yin yang rkyen byas dus btags pa'o/
/kun tu bzang po'i grol lugs ni/ gzhi snang shar ba'i skad cig la gzhan du ma bzung bar rang snang du ngo shes pas 'gyu ba rang thog tu chod de skad cig dang po la rang snang du shar ba rang ngo shes pas rtogs pa skyes te bye bras phyed/ gnyis pa la 'khrul pa sangs shing ye shes rgyas pas gzhi 'bras bur smin te ngo bo ye sangs rgyas pa la rtogs pas yang sangs rgyas pa zhes bya/ rang snang ka dag tu thim nas gzhi thog tu kun gyi sngon rol tu sangs rgyas pa'i ston pa kun tu bzang po zhes bya'o/
/gnyis pa de las sems can gyi 'khrul tshul bshad pa la gnyis/ (om 53 na) 'khrul pa'i tshul spyir bstan/ lus 'grub tshul bye brag tu dbye ba'o/
/dang po ni/ rgyu gsum rkyen bzhis yid drug gyos pa las/ /'char gzhi'i rang gno ma shes lnga tshan gyi/ /chos rnams gzung 'dzin rten 'brel tshul gyis 'khor/ /'khrul pa ji ltar byung na/ rgyu ma rig pa gsum dang rkyen bzhi dmigs pa ma dag pa'i cha las snang ba la shes pa gzung 'dzin du 'khrul dus yid drug 'dzin pa ma 'gags par gyos pa las nyon mongs pa drug bag la nyal gyi char shar bas rig pa bcings te yul drug gi snang ba la 'khrul pa ni/ 'char gzhi snang ba rang ngo ma shes pa'i dbang gis te/ rim gyis bag chags mthu brtas pas phung po dang dbang yul sogs lnga tshan gyi chos rnams gzung 'dzin gyi cha las bung zhing rten 'brel bcu gnyis lugs 'byung tshul gyis 'khor ba'i 'khor lo rmi lam ltar 'khor ba'o/
/de'ang zhib mor bshad na/ gzhi las gzhi snang shar dus thugs rje'i rtsal shes pa gsal rig yul dpyod nus su rang shar ba de rang ngo ma shes pa la stos nas ma rig pa gsum dang mtshungs ldan du shar te/ rgyu bdag nyid gcig pa'i ma rig pa shes par skyes pa de nyid du ma shes

Sheja Dzo Chapter 1.4 volume1 (page 264)

pa dang/ lhan cig skyes pa'i ma rig pa rang ngo ma shes pa de dang shes pa de gnyis lhan cig skyes pa dang/ kun brtags pa'i ma rig pa rang snang la gzhan du dpyod pa'i cha dang gsum mo/
/gzhi snang de rang las byung bar ma shes pas rgyu'i rkyen/ de nyid yul du shar bas dmigs pa'i rkyen/ bdag dang bdag gir bzung bas bdag po'i rkyen/ de gsum dus mtshungs pas de ma thag pa'i rkyen bzhir 'khrul ba ste/ mdor na 'khrul ba'i rgyu ma rig pa/ rkyen shes pa la yul snang ba'o/
/ma rig pa la ngo bo'i cha las rmongs pa drug tu byung ste/ rang shar las/ rtsa ba sems kyi ma rig pa dang/ 'khrul pa yul gyi ma rig pa dang/ (om 53 ba) 'khrul gzhi gzhi'i ma rig pa dang/ 'dzin pa rtog pa'i ma rig pa dang/ bcos pa lam gyi ma rig pa dang/ ma shes pa rmongs pa'i ma rig pa dang/ de ltar ma rig pa rnam pa drug byung ste rang gi snang ba mi mthong ngo/
/zhes so/
/de las 'dzin pa'i yid drug gyos pa ni/ yid 'gyu ba dang bcas pa dang/ shes pas rang rig pa dang/ yul 'dzin pa dang/ yul nges par 'dzin pa dang/ yul la yengs pa dang/ nyon mongs pa rags pa ste/ nang du rtse gcig tu 'dzin pa ni drug gi cha'i rmongs pa'o/
/des na rten 'brel bcu gnyis kyi tshul gyis 'khrul zhing 'khor te/ phyi ru lo dang zla ba'i cha bcu gnyis/ rang du nyon mongs pa bcu gnyis rnams tshogs pas skye mched bcu gnyis su srid par byas pa ni rten 'brel lugs su 'jug pa bcu gnyis ma dag pa las 'byung bas te/ gzhi las gzhi snang du shar dus rig pa'i rtsal las yid kyi shes pa byung ste rang ngo ma shes pa dang lhan cig pa ma rig pa'o/
/de las 'khrul pas 'du byed do/
/de las yul gyi rnam pa la dpyod pas rnam par shes pa'o/
/de las 'di ni yul lo/
snang ba'o/
/zhes pa la sogs pa'i ming du 'byed pa'o/
/de las ming can don gyi rang bzhin gzugs su 'dzin pas srid pa'i 'khrul pa dang

Sheja Dzo Chapter 1.4 volume1 (page 265)

po ming dang gzugs zhes bya'o/
/de las yul gyi rnam pa drug la shes pa skye zhing mched pa'i skye mched drug tu byung ngo/
/de las yul 'dzin pa'i reg pa'o/
/de las chags sdang bar ma'i cha'i tshor ba'o/
/de las yul la zhen pa'i sred pa'o/
/de las phyis kyi len pa po dang de ltar yul dang du len pa'i len pa'o/
/de las 'khrul pa du mar snang ba dang byed pa myong ba'i cha ci 'byung ma nges pa bskyed pas srid pa'o/
/de las gzugs med gzugs dang 'dod par skye bas skye ba'o/
/de (om 54 na) las rgas pa dang na ba dang shi ba'i bar du 'byung ste yang dang yang du de ltar 'khor bas 'khor ba'i rgyu rten 'brel lugs su 'jug pa bcu gnyis gzhi snang las dang por mched pa'o/
/de las srid pa so sor 'khrul dus kyi rten 'brel bcu gnyis kyang zhar las shes par bya ste chos nyid nub nas rang ma rig pas phyi ma'i 'du byed dang/ rnam shes kyi chas lus 'tshol ba dang/ mngal du tshud de mer mer po la sogs pa nas ming dang gzugs su grub pa dang/ de'i skye mched drug dang/ rkyen 'dus pas reg pa dang/ bde sdug gi tshor ba dang/ myong ba la sried pa dang/ yul dang las kyi len pa dang/ yang srid pa'i nye bar len pa dang/ mngal nas skye ba dang/ dar la bab pa'i tshogs pa gzhan du 'gyur ba'i brgyud pa ni rgas pa dang mthar 'chi ba ste 'brel chags su 'byung ba'o/
/de ltar 'khor ba'i tshe gzugs la sogs pa'i yul lnga ni 'od lnga rang snang du ma shes par gzung ba'i cha las byung zhing/ nyon mongs pa lnga ni ye shes lnga rang ngo ma shes pa'i cha las byung/ sna tshogs sdud pa'i lus sems la sogs pa lnga ni chos nyid kyi rang gdangs ma dag pa las byung/ kun nas 'tshol ba'i yid la sogs pa lnga ni rlung lnga rnam par ma dag pa las byung/ bsam pa dran pas 'dzin pa'i bdag tu rtog pa dang/ yul du ma la bdag tu rtog pa dang/ 'gyu ba tha dad pa la bdag tu rtog pa dang/ shes

Sheja Dzo Chapter 1.4 volume1 (page 266)

pa'i rnam pa tsam la bdag tu rtog pa dang/ chos rnam par sems pa dang bcas pa la bdag tu rtog pa dang lnga ni 'gyu ba rang thog tu ma chod pa las byung ba'o/
/de ltar ma dag pa 'khor ba'i chos rnams rig pa'i ngang las byung/ ngang la gnas/ ngang la rol pa tsam las gzhan du gyos pa cung zad kyang med pa ni rmi lam gnyid kyi ngang las ma gyos pa lta bu ste/ don la stong gzugs med pa gsal snang gi cho 'phrul tsam du (om 54 ba) bstan pa ni 'khor ba'i rnam gzhag dag tu gsungs so/
/gnyis pa la bzhi/ khams gsum gyi lus 'grub tshul spyir bstan/ mngal skyes kyi rten bye brag tu dbye/ kun rdzob don dam gyi 'brel ba dgod/ khyab byed 'byung ba'i tshang tshul smos pa'o/
/dang po ni/ 'khrul gzhi gsum las yul dang lus sems byung/ /khams gsum yid snang gdos bcas lus su grub/ /gzhi las rang snang du shar ba rang ngo ma shes pa lhan cig skyes pa'i ma rig pas rgyu byas/ rang la snang yang gzhan du bzung ba kun tu brtags pa'i ma rig pas rkyen byas/ rang snang 'od gsal gyi snang bas 'khrul gzhi byas te/ de'ang cha gsum las/ ngo bo stong pas go phye ba ni chos nyiid yul gyi 'khrul gzhi/ rang bzhin 'od lnga snang ba'i yul phyi rol snod dang gdos bcas lus kyi 'khrul gzhi/ thugs rte'i gdangs rtsal rig pa sems kyi 'khurl gzhir gyir te khams gsum du 'khrul pa'i thog mar gzugs med ting nge 'dzin yid kyi lus can ming gzhi'i phung po la sems kyi rgyud brten pa/ de nas gzugs khams pa 'od lnga snang ba'i lus can la sems kyi rgyud brten pa/ 'dod khams pa gdos bcas sha khrag lus la sems kyi rgyud brten pa rnams su grub bo/
/gnyis pa ni/ mngal skyes 'byung ba zug byer snyoms pa las/ /rtsa yig

Sheja Dzo Chapter 1.4 volume1 (page 267)

rlung thig kun rdzob don dam smin/ /de las rdo rje'i lus mngal skyes rnams ni rgyu nyon mongs pas bskyed pa'i 'byung ba sa chu me rlung bzhi po zug pa dang/ byer ba dang/ snyoms pa gsum gyis sdud pa dang/ bshigs pa dang/ bsre zhing smin pa'i las byas te thog mar mer mer po'i dus su phyogs bzhir 'byung bzhi'i rtsa phra mo sa bon gyi yi ge bzhi dang bcas pa/ de nas nur nur po'i dus la sogs par lte ba'i (om 55 na) rtsa mdud la sgron ma'i spyan dang 'byung ba'i spyan gyi mig chung gnyis/ snying ga'i rtsa bzhir sha khrag drod dbugs kyi dwangs ma chags shing tshogs brgyad kyi rten gsal bar byas/ rim pas 'khor lo bzhi spyan gnyis gnyis dang bcas pa/ dbang po lnga'i rten gyi rtsa gtso bo gsum la ma dag pa'i dus su sgo gsum dang dug gsum/ dag pa'i dus sku gsum gyi rten byed pa'i yi ge 'bru gsum/ 'khor lo lnga la dpa' bo 'bru lnga/ de las gyes pa'i rtsa phran bzhi brgya bdun cu rtsa gnyis/ rtsa ba yan lag las byed pa'i rlung lnga phrag gsum la sogs pa las dang ye shes kyis bsdus pa'i rlung/ kun rdzob kyi thig le gyas/ don dam gyi thig le gyon/ rang bzhin gyi thig le dbus kyi char gnas te lus yongs su rdzogs pa kun rdzob dang don dam gyi 'byung ba bzhi'i smin sos chags shing grub pa'o/
/gsum pa ni/ snga ma la brten phung sogs mched pa dang/ /phyi mas sgron bzhi'i rgyu byas snang bzhi mthong/ /snga ma zhes pa rten kun rdzob 'byung ba bzhi la brten nas phung po lnga dang/ sogs khongs nas ye shes kyi rten du gyur pas de dag mched pa dang bskyed pa'i tshul yang sha la brten nas gzugs kyi phung por mched/ khrag la brten nas 'du shes/ drod la brten nas rnam shes/ dbugs nang du rngub pa la brten nas 'du byed/ rlung phyir 'gro ba la brten nas tshor ba'i phung bor mched do/
/yang sha la brten nas rtsa bskyed/ rtsas

Sheja Dzo Chapter 1.4 volume1 (page 268)

rlung bskyed/ rlung gis las dang ye shes kyi rlung gnyis ka bskyed/ las rlung gis 'khor ba sdud/ ye shes kyis 'das pa sdud do/
/yang khrag la brten nas chu ser bskyed/ des thig le bskyed/ thig le la brten nas kun rdzob kyi smin so dbang po lnga 'byung/ dbang po'i rgyu nyon mongs pa lnga/ 'das pa dang ma 'ongs pa dang da lta'i rtog tshogs 'dus pa las 'khor 'das kyi rgyur 'byung ba'o/
/de dag ni (om 55 ba) kun rdzob kyi 'byung bzhi'i 'phel brtsis pa'o/
/phyi ma zhes pa de la brten pa don dam pa'i 'byung bzhis sgron ma bzhi'i rgyu byas shing/ de las snang bzhi'i ye shes 'char zhing mthong ba ste/ de'ng kha dog dkar po rab tu mched pa las rgyang zhag chu'i sgron ma'i rgyu byas/ chu'i rlung gi rtsa las byung/ dmar po rab tu dmar ba las thig le stong pa'i sgron ma'i rgyu byas/ me'i rtsa las byung/ ser ba rab tu ser ba las dbyings rnam par dag pa'i sgron ma'i rgyu byas/ sa'i rtsa las byung/ kha dog rab tu ljang ba las shes rab rang byung gi sgron ma'i rgyu byas/ lam rlung gi rtsa las 'byung ngo/
/de yang shes rab rang byung gis rig pa bskyed/ rgyang zhags kyis 'od bskyed/ thig les sku bskyed/ dbyings kyis ye shes bskyed do/
/rgyang zhag chu'i sgron mas ni chos nyid mngon sum gyi snang ba mthong la/ thig le stong pa'i sgron mas nyams gong 'phel gyi snang ba mthong/ dbyings rnam par dag pa'i sgron mas rig pa tshad phebs kyi snang ba mthong/ shes rab rang byung gi sgron mas chos nyid zad pa'i snang ba mthong ba'i rten byed do/
/de'ang kun rdzob kyi rtsa dang thig le/ las kyi rlung rnams kyis las dang nyon mongs pa 'byung bzhi'i dar gud skyed par byed la/ don dam gyi rtsa thig /ye shes kyi rlung rnams kyis rgyu ye shes/ rkyen 'od dang kha dog /byed las ska dang ye shes su smin pa'i las byed pa yin no/
/

Sheja Dzo Chapter 1.4 volume1 (page 269)

bzhi pa ni/ 'byung ba nyer lngas ye shes gdangs rtsal byed/ /de dag la khyab byed 'byung ba lnga phrag lnga ste nyi shu rta lnga rang gi lus la rang bzhin gyis tshang pas ye shes kyi gdangs dang rtsal la sogs pa byed pa ste/ rang shar las/ 'byung ba chen po lnga ni rang gi lus la tshang ngo/
/de yang rlung rnam pa lngas ye shes kyi gdangs byed do/
/me rnam pa lnas ye shes kyi rtsal byed do/
/sa rnam pa lngas ye shes kyi ngo bo byed do/
/(om 56 na) chu rnam pa lngas ye shes kyi yul byed do/
/nam mkha' rnam pa lngas ye shes kyi gnas byed do/
/zhes sogs rgyas par gsungs so/
/de la sa lnga'i gnas tshul ni/ kun tu snang ba'i sa rig pa dang lhan cig tu gnas/ mi 'gyur ba rdo rje'i sa sgron ma dang lhan cig tu gnas/ thams cad 'byung ba rin po che'i sa thig le dang lhan cig tu gnas/ snang ba ston pa kun tu mtha' yas pa'i sa dbyings ye shes gnyis dang lhan cig tu gnas/ sgrub pa mthar phyin pa'i sa shes rab dang lhan cig tu gnas so/
/chu lnga las/ 'gyur ba med pa'i chu rtsa thams cad la gnas/ zhib gsal dag gi chu rus pa thams cad la gnas/ yon tan rgyas pa'i chu khrag thams cad la gnas/ chags pa med pa'i chu chu ser thams cad la gnas/ 'dzin med rdzott pa'i chu mig gi nang na gnas so/
/me lnga las/ phyi nang kun tu khyab byed kyi me glo ba na gnas/ phyi nang kun gsal gyi me mig gnyis dang yan lag la gnas/ phyi nang kun tu mnyam pa'i me sha pags bar na gnas/ phyi nang gi bya ba rtog pa'i me rkang mthil gnyis na gnas/ phyi nang gi bya ba sgrub pa'i me lag mthil gnyis na gnas so/
/rlung lnga las/ srog 'dzin pa'i rlung srog rtsa na gnas/ bkrag dang gzi mdangs skyed pa'i rlung smin phrag na gnas/ me dang mnyam du gnas pa'i rlung pho ba na gnas/ kun tu khayb byed kyi rlung lus kun la khyab par gnas/ snying rje med pa bskal pa las kyi rlung snying dang snying shun gyi bar

Sheja Dzo Chapter 1.4 volume1 (page 270)

na gnas so/
/nam mkha' lnga las/ kun la khyab pa'i nam kha' rig pa dngos dang dbyer med du gnas/ yul med gsal dwangs kyi nam mkha' 'od lnga dang dbyer med du gnas/ ma 'dres dag pa'i nam mkha' dbyings rnam par dag pa dang dbyer med du gnas/ don mtshon byed kyi nam mkha' rtags kyi ye shes thig le stong pa dang dbyer med du gnas/ dag pa'i zhing (om 56 ba) du sgrol byed kyi nam mkha' sku dang ye shes kyi snang ba thams cad dang dbyer med du gnas so/
/de las rlung lnga la lnga tshan du dbye ba'i byed las dang gnas tshul rgyas par gsungs kyang 'dir ma spros so/
/gsum pa 'khrul dus gzhi yis khyab tshul ni/ sems can khams kun sangs rgys snying pos khyab/ /snang lugs 'char lugs lnga phrag drug gis mtshon/ /'di ltar 'khrul par snang ba'i sems can gyi khams la gzhi sangs rgyas kyi snying pos ji ltar khayb cing gnas she na/ rdo rje sems dpa' snying gi me long gi rgyud las/ 'jig rten gyi khams kyi sems can thams cad la de bzhin gshegs pa'i snying po til 'bru la mar gyis khyab pa bzhin du gnas so/
/zhes pa dang/ nor bu phra bkod las/ til 'bru'm ni yungs 'bru la/ /mar nyid ye nas lhun grub bzhin/ /sems can lus ltar snang ba la/ /de bzhin gshegs pa'i sa bon ni/ /mthun pa'i 'od dang bcas par snang/ /zhes pa dang/ thal 'gyur las/ rang rig ye shes lus la gnas/ /til 'bru la ni mar bzhin no/
/lus kyi bkrag dang gzi mdangs ni/ /ye shes rlan gyis khyab par byed/ /ces pa dang/ rang shar las/ yang dag sangs rgyas dgongs pa ni/ /sems can kungyi rang rgyud la/ /sku dang ye shes tshul du gnas/ /zhes sogs thun mong mdo rgyud nges don du gyur pa rnams dang mthun par gsungs so/
/'di la kun tu bzang po klong chen rab 'byams kyis/

Sheja Dzo Chapter 1.4 volume1 (page 271)

sangs rgyas kyi snying po stobs dang mtshan dpe sogs kyi chos can du yod pa dang/ snying po bstan pa'i mdo rnams drang don du smra ba las lung dang rigs pas rtsod pa spong ba/ yang dag pa'i dge ba'i bshes gnyen gyis ma bstan na mthong du mi rung ba'i don bla ma dam pa las rnyed pas kyang spro bar rigs pa/ sa la gnas pa'i byang chub sems (om 57 na) dpas kyang rtogs dka' ba'i gnas su 'gyur na tshu rol mthong bas lta smos ci dgos zhes sangs rgyas go na'i gsangs ba rdo rje'i gnas yin pas kyang spro dga' skyed pa/ yang dag pa'i bla mas bstan na dngos su mthong la rang bzhin du bar dor rang snang mgnon du 'char bas kyang spro dga' skyed par rigs pa sogs kyis gsang ba zab mo'i gnas rgya cher gdams par mdzad pa ni de nyid kyi gsung rab las rtogs par bya ste/ de dag ni khyab tshul spyir bstan pa'o/
/de'i khyad chos bye brag tu bshad na/ snang lugs dang 'char lugs lnga phrag drug gis mtshon par gsungs te/ de'ang snying po'i ye shs de nyid la sku lnga dang/ ye shes lnga dang/ 'od lnga dang/ rigs kyi chos lnga dang/ ye shes kyi rlung lnga dang/ ngo bo rang bzhin thugs rje'i chos lnga ye nas gnas pa'i rtags su ma dag pa'i snang ba la nyon mongs pa lnga dang/ phung po lna dang/ 'byung ba lnga dang/ dbang po lnga dang/ 'dod yon lnga dang/ sgo gsum rang bzhin gyi chos lngar gnas te/ mu tig phreng ba las/ de ltar snying po de nyid la/ /sku lnga ye shes lnga dang ni/ /'od lnga kha dog rnam pa lnga/ /chos lnga ye shes rlung lnga nyid/ /ngo bo lnga dang rang bzhin lnga/ /thugs rje lnga yis kun la khyab/ /ces so/
/de'ang rig pa'i ye shes sku lngar ye nas gnas pas da lta phung po lngar shar ba ste/ rig pa'i ngo bo dang dbyings lhun gyis grub pa'i rnam par snang bas rnam par snang mdzad/ de nyid 'pho 'gyur med pas mi bskyod pa dang/ yon tan rin po che'i tshogs

Sheja Dzo Chapter 1.4 volume1 (page 272)

kyi gter du gyur pas rin chan 'byung ldan dang/ 'od zer tshad med pas 'od dpag med dang/ ye nas sangs rgyas su grub pas don yod grub pa'i sku rnams su gnas so/
/de bzhin du ye shs lnga gdod nas gnas pas da lta nyon mongs pa lnga ru shar ba ste/ rig pa'i ngan du sku dang zhing khams la sogs pa rang gsal bas me long ye (om 57 ba) shes so/
de thams cad rig par mnyam pas mnyam pa nyid kyi ye shes so/
/ma 'dres par snang bas sor rtog ye shes so/
/ye nas lhun gyis grub pas bya grub ye she so/
/de thams cad chos nyid du ro gcig pas chos dbyings ye shes so/
/'od lnga las 'byung ba lngar byung ste/ rig pa la dri ma med pas 'od dkar po'o/
/yon tan rdzogs pas ser po'o/
/rig par 'dus pas dmar po'o/
/ma btsal rdzogs pas ljang gu'o/
/'gyur ba med pas mthing kha ste/ de dag kyang yum lnga'i dag pa'o/
/rigs lnga yod pas mtshon byed dbang po lnar shar ba ste/ dbyings de bzhin nyid kyi ngo bor ye shes bsam gyis mi khyab par gshegs pa ste ngo bo dbyer med pas de bzhin gshegs pa'i rigs dang/ mi 'gyur bas rdorje dang/ yon tan rdzogs pas rin po che dang/ las dang nyon mongs pas ma gos pas padma dang/ rig pa'i las sam tsho 'phrul du rdzogs pas las kyi rigs so/
/rlung lnga yod pas yul nye bar spyod pa 'dod yon lngar sbyor ba ste/ ye shes kyi drod phebs pas me mnaym gyi rlung ngo/
'khor 'das kyi 'char gzhir byed pas srog 'dzin gyi rlung ngo/
/snang ba du mar 'byed pas dwangs snyegs 'byed pa'i rlung ngo/
/'khor 'das gang la'ng khyab pas khyab byed kyi rlung ngo/
/rig dus 'khor ba myang 'das su grol ba'i gzhi byed pas snying rje med pa las kyi rlung ngo/
/'di dag 'gyu ba'i rlung ma yin gyi/ sa cha la btags pas rig pa ye shes kyi rlung ngo/
/chos lnga'm shes rab lnga yod pas sgo gsum rang bzhin gyi chos lnga tshan rnams su

Sheja Dzo Chapter 1.4 volume1 (page 273)

'char te/ 'khor 'das kyi 'char gzhi so sor byed pas 'byed pa'i shes rab bo/
/rig pa'i ngang du gcig pas sdud pa'i shes rab bo/
/rig pa las ma 'das pas khyab byed kyi shes rab bo/
/rig dus 'di nyid du yod pas yod pa'i shes rab bam/ yang na (om 58 na) 'khor 'das gnyis ka'i srog gcod pas sgrol byed kyi shes rab bo/
/rig pa las gzhan med pas rang byung gi ye shes zhes bya ste/ 'di dag rtog dpyod kyi shes rab ma yin gyi rig pa ye shes kyi cha la btags pa'o/
/de dag kyang gzhi rig pa nyid la ma chang na nyer len lus sems la mi tshang/ de la ma tshang na sems la snang ba'i phyi yul la mi tshang ste/ mo gsham la bu med pas bzhin med la/ bzhin med pas me long du mi snang ba bzhin no/
/snang ba la snang ba lus ems la tshang ba las byung la de rig pa la tshang bas byung ste/ lhas byin la mgo yod pas bzhin yod la de yod pas me long nang du gzugs brnyan 'char ba bzhin no/
/de dag kyang kun byed las/ ji ltar snang ba nga yi ngo bo nyid/ /ji ltar shar ba nga yi ngo bo yin/ /nga la ma gtogs pa yi chos rnams ni/ /snang zhing srid pas bsdus pa 'di na med/ /ces pa dang/ nor bu phra bkod las/ dper na bzhin dang me long bzhin/ /dang snang de la de ltar snang/ /zhes so/
/bzhi pa zhar byung ye shes kyi gnas yul 'khrul pa ldog tshul dang bcas bshad pa ni/ rig pa snying dbus gzhal yas gsum la brten/ /'od gsal sgo bzhir thig le bzang po las/ /phyir gsal 'char ba'i sgo ni mig gnyis te/ /yul dang gnad bltems 'khrul pa ru ldog nas/ /gdod ma'igrol sar 'bad med snyogs pa'o/
/sangs rgyas kyi snying po'm rig pa ye shes de nyid 'khrul snang gdos bcas kyi lus dang 'brel par gnas pa'i byin rlabs kyi ye shes kyi snang ba 'char ba'i tshul yang/ bzhugs gnas dngos ni snying rin po che dpal

Sheja Dzo Chapter 1.4 volume1 (page 274)

gyi be'u'i dbus gnas la/ de'i gdangs ni dung khang bhanyadza 'bar ba'i gzhal yas dang/ lta byed mig gi gzhal yas dang/ 'gyu byed rtsa'i gzhal yas na gnas te/ thal 'gyur las/ tsitta (om 58 ba) rin chen gzhal yas su/ /rin chen 'dus pa zur bryad sgo/
/ye shes lnga dang sku lnga ste/ /rlung dang shes pa'i rtsa la yang lnga/ /thams cad lnga lnga'i rang bzhin no/
/zhes pa dang/ spyi dang tshitt rtsa nang na/ /ma bcos dag pa'i chos nyid gnas/ /zhes sogs rgya cher gsungs so/
/de'ng ngo bo skur gnas pa bum pa'i sku lta bu/ rang bzhin 'od du gnas pa bum nang gi mar me lta bu/ thugs rje 'od zer du gnas pa nyi ma'i 'od zer lta bu'o/
/snying ga'i 'od gsal las sgo bzhir gyes pas rtsa bzhi ste/ ka ti gser gyi rtsa chen nas 'od gsal gyi snang ba 'byung ba'i ren byed/ dar dkar snal ma nas phyi yul la 'jug pa'i rten byed/ phra la 'khril nas rang 'char ba'i rten byed/ shel sbug can nas rang snang ba'i rten byed do/
/stong pa rang grol ni tshangs bug la zug pa ste lu gu rgyud sku'i rten byed pa dang bsdoms na nang rtsa lnga ste ye shes lnga'i 'od yin la/ rang bzhin du gzhir byed pas sgron ma bzhi'i 'phel ston/ 'od kyi rtsa bzhi nas 'od gsal dag pa'i thig le rgyu bas de la brten nas 'od gsal bsgom pa ste/ de'ng ka ti gser gyi rtsa chen na gzhi'i thig le bzang po ngo bo rang bzhin thugs rje gsum gyi bdag nyid snying ga la brten nas gnas so/
/dar dkar snal ma na lam gyi thig le bzang po sgron ma bzhi dang bcas pa chu'i sgron ma ste gyas na'o/
phra la 'khril na bzang po'i rtse mo'i thig le nyams gong 'phel gyi snang ba sna tshogs pa gyon na'o/
'shel sbug can na tshad phebs kyi snang ba'i rten nang gsal ye shes kyi 'char gzhir gnas so/
/stong pa rang grol na rdorje lu gu rgyud kyi sku gnas pa'o/
/ye shes kyi snang ba phyir gsal du khyab pa'i sgo ni mig gnyis yin la/

Sheja Dzo Chapter 1.4 volume1 (page 275)

de'ng mig gyas nas rgyang zhag sgron ma dang shes rab rang byung gi sgron ma gnyis te ji snyed mkhyen pa'i ye shes thabs snang ba'i rang bzhin du 'char la/ mig gyon (om 59 na) nas thig le stong pa'i sgron ma dang dbyings rnam dag gi sgron ma gnyis ji ltar mkhyen pa'i ye shes shs rab stong pa'i rang bzhin du 'char zhing/ de'i dbus tshangs pa'i bu ga nas rig pa rtog med kyi sku lu gu rgyud thig le brtsegs mar snang ba'o/
/rgyu mtshan de lta bus phyi nand gi yul gyi 'ben la brten/ 'dug stangs gzigs stangs rlung gi gnad rnams bltems te 'od gsal gyi rnal'byor lam du byas pas 'khrul pa'i snang ba ru ldog ste/ ka dag gdong ma'i grol sa rin po che gsang ba'i sbugs su 'bad med du snyogs shing grol bar 'gur ba ni chos nyid kyi rang babs las byung ba'o/
/'khor ba 'grub byed rgyu rkyen bstan pa skabs bzhi pa'i 'grel pa'o/
/theg pa'i sgo kun las btus pa gsung rab rin po che'i mdzod bslab pa gsum legs par ston pa'i bstan bcos shes bya kun khyab ces bya ba las gdul zhing snod bcud kyi 'jig rten rim par phye ba ste bnas dang po'i 'grel pa grub bo/