Sheja Dzo Chapter 2.1 Wylie

From Rangjung Yeshe Wiki - Dharma Dictionnary
Jump to navigation Jump to search

Sheja Dzo (shes bya mdzod), The Treasury of Knowledge, by Jamgon Kongtrul.

This file was typed by Phinjo Sherpa at Rangjung Yeshe Translations & Publications office in Boudhanath, Nepal. Thanks for the sponsorship to Peter ___ and Christoph ___, two student of Khenpo Tsultrim Gyamtso Rinpoche.

There is still need for more spellcheck and hyperlinks. Erik Pema Kunsang

Sheja Dzo Chapter 2.1 volume1 (page 275)


gnyis pa/ 'dul byed kyi ston pa byon tshul rim par phye ba/ 1. ston pa nyid sngon byang chub kyi lam du ji ltar gshegs pa'i skabs/ de ltar gdul zhing snod bcud kyi 'jig rten de'i rgyu dang bcas pa legs par bshad nas/ de nyid 'dul byed kyi ston pa ji ltar 'byon pa'i rim par phye ba ste gnas gnyis pa la skabs bzhi/ bdag cag gi ston pa byang chub


Sheja Dzo Chapter 2.1 volume1 (page 276)


lam du ji ltar gshegs pa'i tshul/ sangs rgyas pa'i tshul theg pa so so'i bzhed pa/ sprul pa'i skus zhing 'dir mdzad pa bcu gnyis bstan pa'i tshul/ 'od gsal rdo rje rtse mo'i lugs kyi sku dang zhing khams khyad par du dbye ba'o/
/dang po la lnga/ sangs rgyas spyi las bdag cag gi ston pa khyad par du phye ba/ de'i rnam thar sdoms su bstan pa/ dang po thugs bskyed pa'i tshul/ bar du byang chub spyod pa spyad tshul/ zhar byung dbang po'i rim pa bstan pa'o/
/dang po ni/ 'jig rten 'dren pa'i rgyal ba dpag med las/ /bskal bzang 'dir 'byung sangs rgyas stong gi dbus/ /pad kdar ltar bsngags mnyam (om 59 ba) med shaakya'i rgyas/ /ji srid nam mkha'i khams ma zad pa de srid du gdul bya'i khams mi zad la/ de srid sangs rgyas rnams kyi thugs rje dang smon lam phrin las zad pa mi mnga' bas phyogs bcu'i 'jig rten gyi mkham tshad med pa rnams su kha lo sgyur ba'i 'dren pa mi mchog rgyal ba zhes bya ba'i mtshan gyis brjid pa'i de bzhin gshegs pa mi'i zla ba dang rin chen snying po la sogs pa brjod kyis mi lang ba sngon du byon cing/ da ltar mngon par dga' ba'i 'jig rten na mi 'khrugs pa dang/ bde ba can gyi 'jig rten na 'od dpag med dang/ padmo'i dpal gyi 'jig rten na sangs rgyas dpal bzang po la sogs pa tshad med cing grangs med pa rnams 'tsho zhing gzhes la chos kyang ston par mdzad do/
/ma 'ongs pa na 'jig rten gyi khams rdul bral yang dag bsags zhes bya bar ngo mtshar ba'i de bzhin gshegs pa mgon po kun tu gzigs la sogs pa dpag gis mi lang zhing bsam las 'das pa'i 'dren pa mi yi seng ge rim par 'byon par 'gyur ba yin la/ de ltar sangs rgyas byon pa'i bskal pa rnams ni sgron bskal dang/ mi byon pa'i bskal pa rnams ni mun bskal zhes bya zhing mun bskal ni shin tu mang la sgron bskal dkon pa ste/ bskal pa bzang po 'di


Sheja Dzo Chapter 2.1 volume1 (page 277)


'das pa'i 'og tu mun bskal bskal chen drug cu rtsa lnga 'das pa dang snayn pa chen po zhes bya ba'i sgron bskal la sangs rgyas khri byon/ de nas mun bskal brgyad khri 'das nas skar ma lta bu zhes bya ba'i sgron bskal la sangs rgyas brgyad khri 'byon/ de nas mun bskal sum brgya 'das nas yon tan bkod pa zhes bya ba'i sgron bskal la sangs rgyas brgyad khri bzhi stong 'byon par mdo sde bskal pa bzang po las gsungs pas mchon/ gsung rab rnams las mtha' yas pa 'byung ba las/ bye brag bdmo stong mthong gi bskal pa bzang po 'di la bar gyi sangs rgyas zhes bya ba grangs nges med pa kha cig kyang (om 60 na) 'byon par bzhed la/ sangs rgyas stong 'byung ba'i grangs nges su mdzad pa ni theg pa che chung thun mong du grags pa dang/ sngon byang chub kyi spyad pa spyod pa'i tshe thugs bskyed smon lam lhan cig tu tshogs pa rnams yin la/ de'ang theg dman pa dag 'jig rten 'di'i mar 'grib kyi tshe lo brgyad khri nas brgya'i bar la sangs rgyas byon te/ de las snga bar sems can rnams skyo shas chung zhing chos don du mi gnyer bas mi 'byon la brgya las phyi na'ng snyigs ma ha cang shas che bas mi 'byon zhing/ yar 'phel la mi dge ba ngang gis spong ba dang dge ba'i stobs 'phel bas 'byon mi dgos zhes 'dod cing/ bskal pa 'di'i tshe lo bzhi khri'i dus su sangs rgyas stong gi thog ma 'khor ba 'jig /sum khri la gser thub/ nyi khri la 'od srung/ brgya pa la shaakya thub pa/ brgyad khri'i dus su byams pa 'bbyon pa sogs sangs rgyas re re'i yul dang rigs dang 'do dang yab dang yum dang sras dang rim gro pa dang shes rab can dang rdzu 'phrul can gyi mchog dang 'khor dang sku tshe dang bstan pa'i gnas tshad dang sku gdung ste don bcu gsum dang bcas mdo sde bskal bzang las zhib par bstan cing/ kun gyi tha mar sangs rgyas de dag gi sku tshe phrin las gcig tu bsdoms pa de bzhin gshett


Sheja Dzo Chapter 2.1 volume1 (page 278)


pa mos pa'm snang mdzad ches bya ba'i 'jig rten 'dren pa 'byon par gsungs pa las/ de dag gi dbus na sangs rgyas kun gyis spangs pa'i rtsod du sa kyi gdul bya bzung ba'i snying stobs la sus kyang 'gran zla med pas/ e ma byang chubsems dpa' 'di ni padma dkar po lta bu'o zhes rgyal ba sras dang bcas pas bsngags shing ched du brjod pa ni bdag cag gi ston pa mnyam med shaakya'i rgyal po 'di nyid yin no/
/gnyis pa ni/ thog mar thugs bskyed bar du spyod pa spyad/ /tha mar mngon sangs rgyas te 'gro don mdzad/ /ston pa thugs rje can 'di nyid don dam par thog ma med pa'i dus (om 60 ba) nas mngon par byang chub ste sangs rgyas dang byang chub sems dpa'i rnam par 'phrul pas 'gro ba'i don dus gsum du mdzad pa las/ rtsod pa'i dus kyi gdul bya rnams kyi don du thog mar byang chub mchog tu thugs bskyed/ bar du grangs med gsum la sogs par spyod pa spyad/ tha mar ma ga dhaa rdo rje'i dan la mngon par rdzogs par 'tshang rgya ba'i tshul bstan te 'dul ba bzhi'i cho 'phrul chen pos 'gro ba'i don rgyun chad med par mdzad do/
/zhes bya ba 'di ni rnam par thar pa'i mdor bstan nam sdom tshig tu bzung bar bya'o/
/gsum pa la gnyis/ theg dman pa'i lugs/ theg chen gyi lugs so/
/dang po ni/ de yang theg dman ltar na 'od ldan rgyal/ /gsum la brten nas dang por thugs mchog bskyed/ /de nas shaakya thub chen tshangs pa'i lha/ /mthong nas thugs bskyed grangs med dang po brtsam/ /de'ang ston pa nyid kyis thugs bskyed pa'i tshul la theg dman nyan thos pa rnams kyi 'dod pa ltar na/ sngon 'das pa'i dus na ston pa 'di rgyal po 'od ldan du gyur pa'i tshe/ rgyu mtshan gsum la brten nas sbyin pa byin smon lam btab cing bla na med pa'i


Sheja Dzo Chapter 2.1 volume1 (page 279)


byang chub tu thugs mchog bskyed par gsungs te/ 'dul ba lung las kun dga' bos/ /'jig rten gtso bo rnam 'dren pa/ /thub pa khyod kyis byang chub thugs/ /thog mar gang du bskyed pa dag /skal ldan chen pos bdag la gsung/ /zhes sogs zhus pa na/ sangs rgyas 'dod chags bral thos shing/ /glang po dregs pa'i shas chen dang/ /'jig rten sdug bsngal gyur mthong nas/ /ngas ni byang chub sems bskyed do/
/zhes sogs bka' bstsal par gsungs pas so/
/de nas ston pa 'di yangs pa'i grong khyer du rdza mkhan yangs pa'i 'od ces bya bar gyur pa'i tshe bcom ldan 'das shaaakya thub pa zhes bya ba 'jig rten du byung pa de'i sku la mar dang (om 61 na) til mar gyis byugs shing bur chu'i btung ba sogs gsol te/ bdag kyang rab tu sbyin pa 'di yis shaakya'i rigs skyes pa/ /yon tan rigs dang rus dag mnyam pa'i sangs rgyas nyid gyur cing/ /bdag gis tshangs pa'i 'jig rten bar gyis nyam thag 'ching ba yi/ /pha rol zhi ba rgya chen 'jigs pa med par sgrol bar shog /ces smon lam btab cing thugs bskyed/ yang gnas brtan pa rnams kyi 'dod pa/ stobs bcu dpal bshes gnyen gyis 'dus byas dang 'dus ma byas rnam par nges pa'i bstan bcos su bkod par/ bcom ldan 'das lhag pa'i lha zhes bya ba 'khor los sgyur ba mi'i bdag por gyur pas/ thog ma med pa'i 'khor ba ru sngon ma mthong ba sangs rgyas tshangs pa'i lha mthong bas rnam pa 'di lta bur bdag sangs rgyas nyid du gyur cig ces bsam pa tsam gyi mgnon par 'dod do/
/zhes bshad de gang ltar rgyal ba de dag mthong nas thugs bskyed de grangs med gsum gyi dang po'i 'go brtsam par 'dod do/
/gnyis pa ni/ theg chen lugs su bram ze rgya mtsho'i rdul/ /rang sras rgyal ba rin chen snying po la/ /srog chags bye ba khrag khrig 'bum phrag gsum/ /


Sheja Dzo Chapter 2.1 volume1 (page 280)


byang chub 'dzin du bcug mthar rang nyid kyis/ /rtsod pa'i dus bzung smon lam lnga brgya btab/ /lung bstan thob cing gzhan yang dmyal me'i gyad/ /don yod mthong la bskyed sogs du mar gsungs/ /theg pa chen po'i sde snod rnams las 'byung ba'i lugs su bshad na/ snying rje pad dkar las/ sngon byung ba bskal pa grangs med pa gdgaa'i bye ma snyed 'das pa na sangs rgyas kyi zhing 'dir bskal pa chen po 'dzin pa zhes bya ba zhig byung ste/ bskal pa chen po de la gling bzhi ba'i sangs rgyas kyi zhing 'dir gling bzhi pa'i 'khor los skyur ba'i rgyal po rtsibs kyi mu khyud ces bya ba zhig byung ngo/
/de'i mdun na 'don gyi (om 61 ba) gtso bo bram ze rgya mtsho'i rdul zhes bya ba'i sras rgya mtsho'i snying po mngon par sangs rgyas rgyas nas mtshan rin chen snying por gyur pa de rtsibs kyi mu khyud sras stong dang bcas pa'i 'byor pa bla na med pas mgnon par mchod cing/ mthar bram ze ser pos kyang de bzhin du mchod do/
/de nas dus gzhan zhig na bram ze des dzambu'i gling pa'i mi rnams bslab pa'i gzhi lnga dang byang chub kyi sems la bkod cing/ rgyal po rtsibs kyi mu khyud dang mig mi 'dzum sogs sras stong bcas pa byang chub tu sems yang dag par bskyed du bcug go /de nas de dag gis lo bdun du so so'i zhing gi yon tan dag bsams nas bcom ldan 'das kyi spyan snar sems bskyed cing zhing bzung nas smon lam btab pas de bzhin gshegs pa rin chen snying pos rtsibs kyi mu khyud ni bde ba can gyi zhing du tshe dpag med du 'tshang rgya bar lung bstan/ de bzhin du sras thu bo mig mi 'dzum ni spyan ras gzigs su ming btags nas tshe dpag med srod la mya ngan las 'das pa'i thorangs su 'od zer kun 'phags dpal brtsegs rgyal por 'tshang rgya ba dang/ gnyis pa ni mthu chen thob ste rab tu brtan pa nor bu brtsegs pa'i rgyal por/ gsum pa dbang po'i tshogs 'jam dpal te kun


Sheja Dzo Chapter 2.1 volume1 (page 281)


tu gzigs nas/ rgyal sras dgu pa sdig med ni mi 'khrugs pa ste mngon dga'i zhing du mi 'khrugs par 'gyur ba sogs stong tshang bar lung bstan to/
/de nas khams kyi rgyal phran dang rgya mtsho'i rdul gyi sras dang slob ma'i tshogs la sogs pa srog chags bye ba dung phyur mang po lung bstan cing/ 'jig rten gyi khams mi mjed du bskal pa bzang po 'di nyid la skar ma skyong 'khor ba 'jig nas/ stobs chen shugs 'chang mos pa'i bar du lung bstan kyang khyab 'jug rlung ma gtogs pa gzhan gyis rtsod pa'i dus spangs pas/ rang nyid kyis lhag par rtsod pa'i dus bzung nas smon lam bya bar (om 62 na) brtsams pa na 'jig rten gyi khams rab tu gyos shing ngo mtshar gyi snang ba du mas khyab par gyur cing/ rang re snyigs ma lnga bdo ba'i 'gro ba rnams sgrol bar mdzad pa'i slad du snying stobs zla med pa'i shugs bskyed nas smon lam chen po lnga brgya btab bo/
/de'i tshe rgyal ba rin chen snying pos brtson 'grus sogs yon tan dpag tu med pa'i sgo nas bsngags pa cher mdzad cing phyogs bcu'i sangs rgyas dang byang chub sems dpa' rnams kyis kyang bsngags shing ched du brjod nas 'jig rten gyi khams mi mjed du bskal pa bzang po la skye dgu'i tshe lo brgya nyi shu thub pa'i che de bzhin gshegs pa shaakya thub pa zhes bya bar lung bstan par mdzad do/
/zhes 'byung ngo/
/gzhan yang sangs rgyas kyi drin lan bsabs pa'i mdo las/ byang chub sems dpa' dga' ba'i rgyal pos bcom ldan 'das la thog mar sems gang du bskyed zhus pa la/ sngon gyi tshe me'i shing rta'i dmyal bar dmyal srung a thang sngod pa'i me'i shing rta 'drin mkhan gyi gyad du 'khrungs pa'i che nyid kyi grogs shig stobs chung bas shing rta 'dren mi nus pa na/ a thang gis lcags mdung rtse gsum pas bsnun cing/ lcags thos brdegs nas khrag char phab bo/
/der snying rje mi bzod pa skyes pa'i rkyen gyis byang chub tu thugs bskyed nas a


Sheja Dzo Chapter 2.1 volume1 (page 282)


thang la snying rje'i sems cung zad skyed cig par gsol bas/ de khros te lcags kyi rtse gsum gnya' bar btsugs pas tshe 'phos te/ bskal pa brgyad kyi sdig pa byang nas dmyal ba'i gnas de las thar bar gyur pa'i tshul rgyas par 'byung ba dang/ phung po gsum pa'i mdo las/ ji ltar bcom ldan 'das de bzhin gshegs pa shaakya thub pa tshong dpon gyi bu mgnon dgar gyur pa na/ bcom ldan 'das de bzhin gshegs pa mdzes chen la brten de dang por byang chub tu thugs bskyed pa de bzhin du zhes kyang gsungs pa dang/ rgya (om 62 ba) cher rol par/ thog mar khyod kyis don yod mthong la saa la'i me tog gis ni mchod/ /ces de bzhin gshegs pa mgnon sum du mdzad nas thugs bskyed pa'i thog ma de bzhin gshegs pa don yod mthong gi drung du yin par yang gsungs so/
/de ltar thog mar thugs bskyed tshul theg pa che chung gi khyad par dang/ theg chen nyid la'ng mdo rnams su mi 'dra ba du mar 'byung ba rnams ni gdul bya'i dus skabs bsam pa'i khyad par dang/ smon 'jug don dam gyi thugs bskyed pa'i khyad par sogs dgongs gzhi mang pos tha dad du gsungs par mngon pas/ thus bskyed kyi thog ma 'di kho na'o zhes phyogs gcig tu mgnon par zhen cing go rim dkrigs char bsgrigs pa la ni snying po med do/
/bzhi pa la'ng gnyis/ theg dman gyi lugs dang/ theg chen gyi lugs so/
/dang po ni/ bye smras grangs med gsum gyis mthar phyin 'dod/ /de la 'dul mdzod 'jog mtshams 'dra min gnyis/ /bar du byang chub kyi spyod pa spyad pa'i tshul ni/ 'dul ba lung las/ sangs rgyas shaakya thub pa nas/ /'dren pa yul 'khor skyong gi bar/ /de'i bar bdun khri lnga stong gi /sangs rgyas rnams ni ngas mchod do/
/grangs med gcig gi gnas pa yis/ /rgyal ba


Sheja Dzo Chapter 2.1 volume1 (page 283)


ngas ni mchod byas te/ /zhes dang/ sangs rgyas mar me mdzad nas ni/ /dbang po'i rgyal mtshan thub pa'i bar/ /bdun khri drug stong dag gi ni/ /sangs rgyas rnams ni nga yis mchod/ /grangs med gnyis po tshang bar ni/ /zhes dang/ sangs rgyas legs mdzad nas bzung ste/ /sangs rgyas 'od srung bar dag tu/ /bdun khri bdun stong nga yis mchod/ /grangs med gsum po de la ni/ /zhes gsungs pa dang/ mdzod las/ rnam gcigs mar me rin chen gtsug /grangs med gsum gyi tha mar byung/ /(om 63 na) dang po shaakya thub pa yin/ /zhes bshad pa las/ bye brag tu smra ba rnams ston pas bskal pa grangs med gsum gyis lam bgrod par 'dod cing/ 'di'i lugs kyi grangs med brtsam pa'i thog ma'ng/ nyid kyis de bzhin gshegs pa la mgnon sum du bsnyen cing thugs bskyed pa nas brtsam par gsal lo/
/des na grangs med gsum la shaakya thub pa nas brtsams te sangs rgyas 'od srungs kyi bar du de bzhin gshegs pa 'bum phrag gnyis dang khri phrag gsum la bsnyen bkun mdzad de tshogs bsags pa yin cing/ mdzod kyi lugs de ltar na shaakya thub pa nas rin chen btsug tor gyi bar gyis grangs med dang po/
de nas mar me mdzad kyi bar grangs med gnyis pa/ de nas rnam gzigs kyi bar gsum pa 'das shing/ kun la thams cad snying rje yis/ /sbyin par byas pas sbyin pa rdzogs/ /chags bcas yan lag bcad kyang ni/ /mi 'khrugs bzod dang tshul khrims kyi/ /skar rgyal bstod pas brtson 'grus kyi/ /zhes pas de'i tshe phar phyin dang po gsum rdzogs par mdzad de/ de nas phug cig tu de bzhin gshegs pa skar rgyal bzi brjid kyi dbyings su snyoms par zhugs pa mthong zhing/ shin tu dad pas rkang pa ya gcig gis 'greng ba'i brtson 'grus kyis nyin zhag bdun du/ skyes bu khyu mchog khyod 'dra'i dge sbyong chen po gzhan dag lha yul sa la med/ /


Sheja Dzo Chapter 2.1 volume1 (page 284)


'jig rten 'di na'ng yod pa ma yin rnam thos bu yi gnas na'ng yod ma yin/ /lha yi pho brang gnas mchog dag na'ng yod min phyogs sam phyogs mtshams dag na'ng med/ /ri dang nags su bcas pa'i sa steng rgyas par kun tu yul gcig ga la yod/ /ces pa'i tshigs bcad kyis bstod pas brtson 'grus rdzogs shing tshogs bzlums nas bskal pa dgu bcu rtsa gcig tu mtshan bzang gi las bsgrubs (om 63 ba) te dga' ldan gyi gnas su de nyid kyi tshe tshad dang mtshungs par bzhugs pa sogs sgra ji bzhin par 'dod la/ de ltar 'dul mdzod kyi 'jog mtshams cung zad 'dra min gnyis su byung ba las/ mdzod lugs ni gzhi thams cad yod par smra ba las kha che bye smra'i 'dod pa dngos yin la/ lungs las byung ba ni/ 'phags yul du sde pa rnams 'don tshul tha dad du yod pas sde pa bzhan gyi klog tshul zhig dang 'dres par mgnon no/
/gnas brtan pa rnams smon sems grangs med bdun/ /de nas grangs med dgu ru spyod pa spyad/ /bzhi yis sgo gsum spyod la 'grus par mdzad/ /'bum gyis las phran rdzogs nas 'tshang rgyar 'dod/ /rtsa ba'i sde pa bzhi las gnas brtan pa'i lugs ni sangs rgyas tshangs pa'i lha la thog mar thugs bskyed pa nas brtsam te bskal pa grangs med bdun du sangs rgyas chig 'bum lnga khri lnga stong mnyes par byas shing byang chub la smon pa tsam mdzad do/
/de nas bskal pa grangs med dgur sangs rgyas sum 'bum brgyad khri bdun stong mchod cing byang chub kyi spyod pa spyad/ sems dang ngag gis smon lam mdzad do/
/de nas grangs med bzhis sangs rgyas bcu gnyis mchod nas sgo gsum gyis byang chub kyi spyad pa la 'grus par mdzad cing/ de nas bskal pa 'bum phrag gcig gis sangs rgyas bco lnga mnyes par byas te sgo gsum gyis byang chub spyod pa'i las phran thams cad rdzogs par mdzad nas sangs rgtyas so zhes 'dod do/
/phal chen sde pas bcu nas


Sheja Dzo Chapter 2.1 volume1 (page 285)


sum cu'i bar/ /grangs med ci rigs tshogs gsog dgos par bzhed/ /phal chen sde pas sangs rgyas rnams grangs med bcu yan sum cu man las gang yang rung ba zheg gis tshogs bsag dgos par 'dod kyang/ ston pa 'di ci tsam gyis lam bgrod pa gsal ka (om 64 na) yod pa'i gzhung ma mthong ngo/
/gnyis pa la gsum/ grangs kyi rnam grangs dang de dag gi dgongs gzhi dang dgos pa bstan pa/ spyad pa spyod tshul dngos/ spyad bya'i chos bshad pa'o/
/dang po ni/ theg chen la yang gsum dang so gsum dang/ /du mar bzhed rnams grags gnas bgrang tshul dang/ /rtsom pa'i thog ma smon sems tshogs lam che/ /dang po'i sa nas 'dzin sogs dgongs pa'i gzhi/ /rnyed dka' bstan dang sgyid lug spyong ba dang/ /dus kyang bsam mi khyab bstan dgos pa'i dbang/ /theg pa chen po'i lugs lan'ng mdo rgyud phal che ba zhig las grangs med gsum du tshogs bsags shing lam bgrod par gsungs te/ de'ng rje btsun ma pham pas/ sa ni dang po yin par 'dod/ /'di ni bskal pa dpag med kyis/ /zhes dang/ grangs med gnyis ni rdzogs pa yis/ /sgom pa'i lam ni tshar phyin te/ /zhes sogs dang/ de dang mthun par 'jigs med zhabs kyis/ de ltar bskal pa grangs med pa dang pos tshogs kyi sa nas brtsams nas sa dang po'i bar rdzogs par byed do/
/gnyis pas ni dri ma med pa la sogs pa drug go /gsum pas ni mi gyo ba'i sa nas brtsams te sangs rgyas kyi sa yi bar ro zhes mdo las so/
/zhes bshad do/
/tshig le nyer gnyis par/ 'di ni bcom ldan 'das bskal pa grangs med pa gsum mam bdun du bar chad med pa'i tshul gyis brtson pa zhes 'byung zhing/ mdo rgya cher rol pa las kyang/ bskal pa grangs med pa bdun du dge ba'i rtsa ba yang


Sheja Dzo Chapter 2.1 volume1 (page 286)


dag par bsgrubs pa/ /zhes gsungs pa dang/ a bha ya dang stobs bcu dpal bshes kyis/ 'di ltar byang chub sems dpa'i tshogs kyi kun tu rdzogs pa ni bskal pa grangs med gcig 'da' bar 'gyur ro/
/de'i rjes su mos (om 64 ba) pas spyod pa'i sa yongs su rdzogs par 'gyur ba ni bskal pa grangs med gnyis 'da'o/
/de'i rjes su sa dang po rab tu dga' ba nas bzungs ste sa bcu pa chos kyi sprin gyis ji srid du so sor bskal pa grangs med gsum gyis rdzogs par byas te/ sangs rgyas kyi sa kun tu bzang po sgrub par byed por 'gyur ro/
/de ltar bskal pa grangs med sum cu rtsa gsum gyis sangs rgyas nyid thob bo zhes zer ro zhes na yam tsam du bkod pa dang/ dkon mchog sprin gyi mdor/ de bzhin gshegs pa ni bskal pa grangs med pa du mas yang dag par bsgrubs pa yin te/ rigs kyi bu/ de bzhin gshegs pa ni dpag pa dang/ bsam pa dang/ brtags par mi nus so/
/zhes gsungs pa sogs bzhed pa mang po byung ba de dag gi kha cig grangs kyi gnas bgrang tshul tha dad pa la'ng dgongs pa ste/ byang sa las/ bskal chen re la lo zla zhag dus skad cig sogs grangs med pas grangs med du btags pa'i phyogs gcig dang/ bskal chen nyid bgrang ba las 'das pa la grangs med du btags pa'i phyogs gcig ste rnam gzhag gnyis gsungs pa dang/ 'phags pa gnas brtan pa dag gis/ grangs kyi gnas lnga bcu rtsa lnga la grangs med chung du/ de grangs gnas gcig tu brtsis pa'i lnga bcu rtsa lnga'i bar du bsgres pa grangs med chen por 'dod pa dang/ mdzod gzhung 'grel dang mthun par a bha ya sogs mkhas pa mang pos grangs kyi gnas drug cu pa'i grangs med nyid bshad cing/ rgya rol dang phal chen sogs las 'phatt pa rnams kyi spyod yul du gyur pa'i grangs kyi rnam gzhag shin tu rgya chen po dag kyang bstan pas/ grangs kyi tshul 'di lta bu mang po dag la so sor dgongs te


Sheja Dzo Chapter 2.1 volume1 (page 287)


gsungs pa dang/ grangs med rtsom pa'i thog ma'ng thog ma'i smon sems nas bgrang bar gsungs pa dang/ theg bsdus las/ bzang dang smon pa'i stobs can (om 65 na) dang/ /sems brtan khyad par 'gro ba yi/ /byang chub sems dpa' grangs med gsum/ /kun tu rtsom par mdzad pa yin/ /zhes tshogs lam chen po nas rtsom par gsal zhing/ dkon mchog sprin las/ don dam byang chub kyi sems ji lta ba bzhin thog mar mgnon du gsal bar mdzad pas dang po thob pa nas bgrang bar gsungs pa sogs dgongs pa'i gzhi sna tshogs pa dang/ skabs 'gar bsod nams dang ye shes kyi tshogs shin tu rgya chen po bstan pas sangs rgyas 'byung ba rnyed dka' ba'i phyir dus ring por gsungs pa dang/ 'da' zhig des sgyid lug par 'gyur zhing byang chub mchog la mi 'jug pa dag kyang yod pas de rnams gzhug pa'i phyir dus thung ngur gsungs pa dang/ don dam par grangs dang bgrang ba sogs rang bzhin gyis dbyen zhing/ dus gcig la dus du ma mi 'gal ba dang/ du ma la'ng gcig tu sdud pa sogs bsam gyis mi khyab pa'i de kho na nyid ston pa'i phyir yang ma nges par gsungs pa sogs dgos pa'i dbang du mas 'thad par grub fpa'i phyir 'gal 'dur mi bzung ngo/
/gnyis pa ni/ yongs grags tshogs kyi lam nas dang po'i bar/ /grangs med gcig dang gnyis pas sa drug bgrod/ /gsum pas mi gyo ba nas bcu gcig bar/ /so skye slob lam gyis bsdus tshogs gnyis bsgrubs/ /de ltar grangs med dang byang chub spyod pa'i tshul rgya che chung ci rigs 'byung ba las/ yongs su grags pa'i dbang du byas na rgyal po'i bu gzhon nu brtson 'grus spyod du gyur cing sangs rgyas phung po chen po bsnyen bkur ba nas bzung ste bskal pa grangs med gcig tshogs bsags pas tshogs kyi lam nas sa dang po'i bar


Sheja Dzo Chapter 2.1 volume1 (page 288)


dang/ de nas tshong dpon shes rab bzang du gyur cing sangs rgyas dkon mchog yan lag bsnyen bkur ba nas bzung ste grangs med gnyis pas sa gnyis pa nas bdun pa'i bar gyi sa drug bgrod/ de nas bram ze'i khye'u (om 65 ba) chos kyi sprin du gyur cing sangs rgyas mar me mdzad bsnyen bkur ba nas bzung ste grangs med gsum pas sa brgyad pa mi gyo ba nas bcu gcig kun tu 'od kyi bar bgrod cing/ de dag las tshogs sbyor ni so so'i skye bo'i sa dang sa dang po yan chad 'phags pa slob lam pa'i rgyud kyis bsdus shing bsod nams dang ye shes kyi tshogs gnyis bsgrubs par mdzad do/
/'ga' zhig dbang brtul dad can bcu drug ste/ /brtson 'grus 'breing po 'bum lhag grangs med brgyad/ /dbang rnon shes rab can ni grangs med bzhis/ /bgrod cing ston pa nyid ni phyi ma dang/ /de yang brtson 'grus drag pos myur bar bshad/ /spyir byang sems rnams kyis lam bgrod pa'i yun la mkhas pa 'ga' zhig gang zag gi dbang gis dbang brtul dad pa can grangs med bcu drug /bring brtson 'grus can 'bum lhag pa'i grangs med brgyad/ dbang rnon shes rab can grangs med bzhi rnams kyis bgrod cing/ /bdag cag gi ston pa ni phyi ma dang/ de la'ng brtson 'grus drag po'i khyad par gyis grangs med gsum lhag tsam zhig gis lam rdzogs par 'chad pa'ng yod do/
/gsum pa ni/ 'gro smin zhing sbyong phar phyin drug gis bgsod/ /yang na theg pa mchog dman gnyis ka la/ /mos rnams 'dun dang 'dul phyir spyod pa bzhi/ mi zad brgyad cu la sogs mthar phyin mdzad/ /'o na bskal pa bgrang ba las 'das par byang chub sems dpas spyad par bya ba'i chos de gang zhe na/ sdud pa las/ bdag nyid chen po sems can yongs su smin bya dang/ /zhing sbyaong pha rol phyin rdzogs don byed kho nar zad/ /ces gsungs pa ltar/ sems


Sheja Dzo Chapter 2.1 volume1 (page 289)


can yongs su smin par mdzad pa dang/ sangs rgyas kyi zhing sbyong ba dang/ pha rol tu phyin pa drug rdzogs par mdzad pa ste rnam pa gsum mam/ yang na/ mdo sde rgyan las/ lus can theg pa chen (om 66 na) po dang/ /theg pa dman la chos pa dang/ /gnyis po 'dun par bya ba dang/ /gdul ba'i zhing na brtan rnams kyi/ /spyod pa bzhi po/
zhes bshad pa ltar/ theg chen la mos pa rnams kyi phyir pha rol tu phyin pa bcu'i spyod pa/ theg dman la mos pa rnams kyi phyir byang phyogs so bdun gyi spyod pa/ gnyi ga la mos pa rnams mthus 'dun par bya ba'i phyir mngon par shes pa'i spyod pa/ thams cad gdul ba'i phyir sems can smin pa'i spyod pa ste rnam pa bzhi'm/ blo gros mi zad pas zhus pa'i mdo las byang chub sems dpa' rnams kyi mi zad pa brgyad cu gsungs pa rnams te/ sems bskyed pa mi zad pa dang/ bsam pa dang/ sbyor ba dang/ lhag pa'i bsam pa dang/ pha rol tu phyin pa drug dang/ tshad med bzhi dang/ mngon shes lnga dang/ bsdu ba bzhi dang/ so so yang dag pa rig pa bzhi dang/ rton pa bzhi dang/ tshogs gnyis dang/ byang phyogs so bdun dang/ zhi lhag gnyis dang/ gzungs spobs bnyis/ chos kyi mdo bzhi dang/ bgrod pa gcig dang/ thabs la mkhas pa mi zad pa rnams dang/ gzhan yang bzang po sbyod pa tshad med pas sangs rgyas kyi yon tan bsam brjod kyi yul las 'das pa thob cing mthar phyin par mdzad do/
/lnga pa zhar byung ni/ sems mchog thog mar bskyed dang sa dang po/
/brgyad pa'i skabs nas phyir mi ldog pa gsum/ /dbang po'i khyad yin thub mchog dang po'o/
/byang chub sems dpa' dbang rnon sems mchog dang por bskyed pa tsam gyis phyir mi ldog pa dang/ dbang 'bring sa dang po'i skabs dang/ dbang brtul sa brgyad pa'i skabs nas phyir mi ldog pa gsum/ shin


Sheja Dzo Chapter 2.1 volume1 (page 290)


brtul pos dgu pa'i skabs su'ng bshad de de dag kyang gong smos ltar dpang po'i khyad par yin cing/ bdag cag gi ston pa thub mchog don kun grub pa 'di ni dang po yin te bram ze (om 66 ba) rgya mtsho'i rdul gyi tshe thugs dang po bskyed pa nyid nas phyir mi ldog pa'm/ byang chub sems dpa'i skyon med pa la zhugs par dbu ma pa chos bshes kyi sher ttiikra tu gsal lo/
/ston pa nyid sngon byang chub kyi lam du zi ltar gshegs pa skabs dang po'i 'grel pa'o/
/