Sheja Dzo Chapter 6.3 Wylie
From RangjungYesheWiki
Sheja Dzo (shes bya mdzod), The Treasury of Knowledge, by Jamgon Kongtrul.
This file was typed by Phinjo Sherpa at Rangjung Yeshe Translations & Publications office in Boudhanath, Nepal. Thanks for the sponsorship to Peter ___ and Christoph ___, two student of Khenpo Tsultrim Gyamtso Rinpoche.
There is still need for more spellcheck and hyperlinks. Erik Pema Kunsang
Sheja Dzo Chapter 6.3 volume2 3.
rgyu mtshan nyid theg pa rnam par gzhag pa'i skabs/ skabs gsum pa rgyu mtshan nyid kyi theg pa rnam par gzhag pa la gnyis/ spyir bstan pa dang/ bye brag tu dbye'o/
/dang po ni/ nang ba'i theg gsum rgyal bs rnam par gzhag/ grub mtha' bzhi po gang zag so so yi/ /rang blos lta ba mthar thug grub don te/ /rang (aa: 222 ba) sde nang pa sangs rgyas pa la theg pa gsum dang/ grub mtha' smra ba bzhi zhes yongs su grags pa las theg pa gsum ni rgyal ba nyid kyis gsung rab rnams su rnam par gzhag cing bskal bzang 'di'i rgyal ba byon dang 'byon 'gyur thams cad kyi bstan pa yin no/
/de'ng spyir theg pa zhes pa khur dang ldan pa'i glang po che sogs la grags pa yang khur khyer nas bgrod par bya ba'i don gyis
Sheja Dzo Chapter 6.3 volume2 (page 443)
yin la/ de bzhin du rang dang gzhan don gyi khur khyer nas go 'phang mchog tu bgrod par byed pas theg pa zhes par bzhag cing/ de'ng 'dis bgrod pa rgyu lam dang 'dir bgrod pa 'bras bu'i theg pa zhes dang/ rang gzhan gnyis ka'i don sogs khur chen po dang ldan pas theg chen dang/ rang don 'ba zhig pa'i khur chung ngu dang ldan pas theg dman du bzhag pa'o/
/grub mtha' bzhi'ng sngags kyi tshul las ni dpal brtag pa gnyis pa'i lta ba rim 'jug gi skabs su/ de la bye brag smra ba bsta/ /mdo sde pa yang de bzhin te/ /rnal 'byor spyod pa de las phyis/ /de rjes dbu ma bstan par bya/ zhes gsungs pa dang/ dus 'khor ye shes le'ur bcom ldan 'das kyi zhal bzhi las grub mtha' smra ba bzhi byung bar gsungs pas mtshon dgos pa'i dbang gis ming tsam gsungs pa yod kyang theg gsum bzhin du gzhi lam 'bras gsum gyi rnam par gzhag pa ma bstan pa dang/ rig byed bzhi po'ng dus kyi 'khor lo'i zhal bzhi las byung bar gsungs kyang de dag sangs rgyas kyis rnam par gzhag par mi 'grub pa dang/ shing rta'i srol 'byed ston pa las phyis su byung ba'i gang zag rnas kyis byas pa'i phyir grub mtha' bzhi po ni gang zag so so'i rang blos rnam par dpyad pa'i lta ba mthar thug gi grub don te/ des na kun mkhyen rong ston chen pos/ grub mtha'i don ni/ blang dor gyi don (aa: 223 na) la rnam par dpyod pa zhugs pa'i gang zag rang rang gi 'dod pas yongs su dpyad pa'i don yin la/ sgra don ni/ rang rang ge lugs kyi lung rigs kyis grub pa de las phar nam yang 'gro sa med pa'i don la bshad do/
/zhes gsungs pa ltar ro/
/gnyis pa la gnyis/ the gpa chung ngu'i rnam gzhag dang/ theg pa chen po'i rnam gzhag go/
dang po la gnyis/ mdor bstan/ rgyas bshad do/
/
Sheja Dzo Chapter 6.3 volume2 (page 444)
dang po ni/ theg pa dman la nyan thos rang rgyal gnyis/ /zhes so/
/gnyis pa la gnyis/ nyan thos kyi theg pa dang/ rang sangs rgyas theg pa'o/
/dang po la drug sgra don nges tshig gang la 'jug sgo/
bsrung bya'i sdom pa/ rtog bya'i lta ba/ 'thob bya'i 'bras bu/ rab tu dbye ba'o/
/dang po ni/ gzhan brten thos sgrog nyan thos/ /zhes pa ste/ de'ng lett sbyar skad du/ shra ba ka zhes pa nyan pa dang thos pa gnyis ka la 'jug pas nyan thos zhes bya ba yin te/ bu ddha sangs pa dang rgyas pa gnyis ka la 'jug pas sangs rgyas zhes brjod pa ltar ro/
/rnam pa gcig tu na/ gzhan brten thos sgros ces pas/ slob dpon gzhan la brten zhing de las thos pa dag yul gzhan la sgrog pas thos sgrog gam nyan thos zhes bya'o/
/gnyis pa gang la 'jug pa'i sgo bshad pa la gnyis/ rnam grangs kyi sgo nas mdor bstan/ mtshan nyid kyi sgo nas rgyas par bshad pa'o/
/dang po ni/ 'jug pa'i sgo/
/sdug bsngal kun 'byung 'gog lam bden pa bzhi/ /chos rjes bzod shes bcu drug rnam pa can/ /de la nyan thos rnams 'jug pa'i sgo ni/ sdug bsngal bden pa/ kun 'byung bden pa/ 'gog pa'i bden pa/ lam gyi bden pa ste 'phags pa'i bden pa bzhi la re re la'ng chos bzod/ chos shes/ rjes bzod/ rjes shes sbyar ba'i shes rnam skad cig ma bcu drug gi sgo nas 'jug go/
9aa: 223 ba) gnyis pa la gsum/ thun mong du bshad pa/ bden bzhi so sor bshad pa/ spyi mtshan bsdus te bstan pa'o/
dang po la bzhi/ ngo bo/
mtshan nyid/ grangs dang go rim/ nges tshig go/
dang po ngo bo ni/ snga ma'i nyon gyis bskyed phung po'i rgyun/ /'byung
Sheja Dzo Chapter 6.3 volume2 (page 445)
'byur nyer len rgyur gyur las nyon mongs/ /gnyen pos spang bya bcom pa'i spangs pa dang/ /spong thobnus pa'i ye shes ngo bo'o/
/de'ng skye ba snga ma'i las nyon gyis bskyed pa'i nyer len gyi phung po'i rgyun rnams sdug bsngal bden pa'i ngo bo/
'byung 'gyur nyer len gyi phung po'i rgyur gyur pa'i las nyon rnams kun 'byung gi bden pa'i ngo bo/
gnyen po lam gyis spang bya kun 'byung bcom pa'i spangs pa ni 'gog bden gyi ngo bo/
kun 'byung spong bar nus shing 'gog pa thob par nus pa'i 'phags pa rnams kyi ye shes ni lam bden gyi ngo bo'o/
/de'i dang po gnyis kyis kun nas nyon mongs pa'i 'khor ba'i rgyu 'bras ma lus pa bsdus shing/ phyi ma gnyis kyis rnam par byang ba mya ngan las 'das pa'i rgyu 'bras ma lus pa bsdus so/
/gnyis pa mtshan nyid ni/ bstan dang mi mthun med pa mtshan nyid don/ /bsdu ba las/ bstan dang mi mthun pa med pa'i mtshan nyid kyi don can/ zhes gsungs pa ltar/ kun 'byung gis bskyed pa'i 'bras bu zag pa dang bcas pa'i phung po bstan pa dang mthun pa sdug bsngal bden pa'i mtshan nyid/ sdug bsngal nyer len gyi phung po skyed byed bstan pa dang mthun pa kun 'byung bden pa'i mtshan nyid/ de bzhin nyid glo bur gyi dri mas dag pa bstan pa dang mthun pa 'gog bden gyi mtshan nyid/ thar par bgrod pa'i 'jug ngogs bstan pa dang mthun pa lam bden gyi mtshan nyid do/
/gsum pa grangs dang go rim nges pa ni/ rgyu 'bras gnyis phrug grangs dang go rim nges/ /shes bya spang bya thob bya thob bya bsten par bya/ /bden pa bzhir byas pala (aa: 224 na) 'khor ba dang myang 'das gnyis su nges shing/ de re rer rgyu 'bras phrugs rer yod pas gnyis phrugs su nges te/ 'khor ba la'ng 'bras bu sdug bsngal dang rgyu kun 'byung gnyis/ myang 'das la'ng 'bras bu
Sheja Dzo Chapter 6.3 volume2 (page 446)
'gog pa dang rgyu lam bden gnyis su nges pas na bden pa bzhir grangs nges la/ shes bya thams cad bden bzhir bsdu ba ni ma yin te/ nam mkha' dang so sor brtags min gyi 'gog pa dang ma dag pa'i de bzhin nyid dang/ yongs su dag pa'i 'jig rten gyi khams la sogs pa rnam pa bzhi po gang du'ng ma 'dus pa'i phyir ro/
/go rim ni/ yul can mngon par rtogs pa'i rim pa dang mthun par yul bden pa bzhi bstan pa yin te/ mdzod las/ bden pa ji ltar mngon rtogs rim/ /zhes so/
/de yang 'khor ba sdug bsngal gyi phung po ni nad dang 'dra bar shes par bya ba dang/ de'i rgyu las dang nyon mongs pa'i kun 'byung ni nad kyi rgyu dang 'dra bar spang bar bya ba dang/ sdug bsngal mtha' dag las grol ba'i 'gog pa ni nad med pa'i bde ba dang 'dra bar thob par bya ba dang/ de'i thabs su lam zag med sgom pa ni sman bzang po dang 'dra bar bstan par bya ba rtogs pa'i phyir te/ rgyud bla ma las/ nad ni shes bya nad kyi rgyu ni spang bya la/ /bder gnas thob bya sman ni bstan par bya ba ltar/ /sdug bsngal rgyu dang de 'gog pa dang de bzhin lam/ /zhes bya spang bya rig par bya zhing bstan par bya/ /zhes gsungs pa ltar ro/
/bzhi pa nges tshig ni/ rang rang ngo bor mi bslu bden par brjod/ /thun mong du rang rang gi ngo bo rnam pa bzhi bzhir bden zhing mi bslu bar gnas pas de rnams kyi rang bzhin ji lta bar mthong na phyin ci ma log pa'i blo skye bas na 'phags pa'i bden pa zhes bya la/ khyad par du so so'i nges tshig ni/ mdzod 'grel las/ gnod pa'i bdag nyid yin pa'i phyir sdug bsngal ba'o/
/kun 'byung ba'i tshul (aa: 224 ba) gyis kun 'byung ba'o/
/phung po zhig pa'i phyir 'gog pa'o/
/bgrod pa'i don gyis lam mo/
/zhes pa ltar ro/
/gnyis pa bden pa so sor bshad pa la bzhi las/ shes bya sdug bsngal
Sheja Dzo Chapter 6.3 volume2 (page 447)
bden pa/ spang bya kun 'byung bden pa/ thob bya 'gog pa'i bden pa/ bsten bya lam gyi bden pa'o/
/dang po la gnyis/ rang bzhin gtan la dbab pa/ ngo bo'i sgo nas dbye bsdu'o/
/dang po ni/ khams gsum sa dgu sems can skye ba'i gnas/ /der skyes 'gro ba sdug bden rang bzhin te/ /mngon pa kun btus las/ sdug bsngal gyi bden pa gang zhe na/ de ni sems can skye ba dang skye ba'i gnas kyis kyang rig par bya'o/
/zhes gsungs te/ gzugs khams bsam gtan bzhis phye bas sa bzhi/ gzugs med khams skye mched bzhis phye bas sa bzhi/ gdod khams sa mtshungs gcig ste khams gsum por sems khyis phye ba'i sa dgu la brten pa snod kyi 'jig rten sems can gang du skye ba'i gnas dang/ gyo ba bcud kyi 'jig rten der skyes pa'i 'gro ba thams cad sdug bsngal gyi bden pa'i rang bzhin du shes par bya'o/
/gnyis pa ngo bo'i sgo nas dbye bsdu ni/ ngo bo brgyad drug gsum mam gnyis su 'du/ /sdug bsngal la ngo bo'i sgo nas dbye na/ skye ba dang rga ba dang na ba dang 'chi ba ste nang la brten pa'i sdug bsngal bzhi dang/ mi sdug pa dang phrad pa dnag/ sdug pa dang bral ba dang/ gang 'dod pa btsal gyis ma rnyed pa ste phyi la brten pa'i sdug bsngal gsum dang/ tshas mngon pa las/ mdor na nye bar len pa'i phung po lnga ni sdugbsngal lo/
/zhes pa ltar thams cad kyi rgyur gyur pa'i gnas ngan len gyi sdug bsngal gcig ste brgyad do/
/de dag kyang bsdu na/ rga nad 'chi gsum na tshod dang khams dang srog 'gyur ba yin pas 'gyur ba'i sdug bsngal 9aa: 225 na) gcig tu bgrang ba dang/ lhag lnga ste drug go /de'ng bsdu na/ sdug bsngal brgyad kyi skye rga na 'chi bzhi dang mi sdug pa dang phrad pa lnga sdug bsngal myong bar 'gyur ba'i chos kyi rang gi mtshan nyid yin pas sdug bsngal
Sheja Dzo Chapter 6.3 volume2 (page 448)
gyi sdug bsngal/ sdug pa dang bral ba dang 'dod pa btsal gnyis mi rnyed pa gnyis bde ba myong bar 'gyur ba'i chos 'gyur ba'i rang gi mtshan nyid yin pas 'gyur ba'i sdug bsngal/ gnas ngan len nyer len gyi phung po lnga ni bde sdug las ma grol zhing mi rtag pa nyid rjes su 'brel tre grub pa dang bde ba ma yin pas 'du byed kyi sdug bsngal te de gsum du 'du'o/
/de las kyang bsduna/ brgyad kyi dang po bdun ni rtogs par sla bas 'jig rten pa'i shes pas kyang sdug bsngal du rig cing de'i yul yin pa'i phyir kun rdzob kyi bden par sdug bsngal ba dang/ mdzod 'grel las/ byis pa lag mthil 'dra ba yis/ /'du byed sdug bsngal spu mi rtogs/ /'phags pa mig dang 'dra ba yis/ /de yis shin tu yid kyang 'byung/ /zhes pa ltar/ brgyad pa de ni 'jig rten pas rtogs par dka' la/ 'jig rten las 'das pa'i shes pas sdug bsngal du rig cing de'i yul yin pas don dam pa'i bden par sdug bsngal ba ste de gnyis su 'du'o/
/gnyis pa spang bya kun 'byung bden pa la gnyis/ mdor bstan/ rgyas bshad do/
/dang po ni/ nyon mongs zag bcas las rnams kun 'byung bden/ /chos mngon pa las/ kun 'byung bden pa gang zhe na nyon mongs pa dang nyon mongs pa'i dbang gis byung ba'i las so/
/zhes te/ chags sogs nyon mongs thams cad dang des kun nas bslangs pa'i dbang gis byung ba'i las zag pa dang bcas pa rnams te/ de dag las sdug bsngal ba kun 'byung ba'i gzhir gyur pa'i phyir kun 'byung bden pa zhes bya'o/
/gnyispa la gnyis/ nyon mongs kun 'byung dang (aa: 225 ba) las kyi kun 'byung ngo/
dang po la gsum/ 'byung rgyu/ ngo bo/
rab dbye'o/
/dang po ni/ phra rgyas yul dmigs tshul min yid byed rgyu/ /de'ng mdzod las/ phra rgyas spangs par ma gyur dang/ /yul ni nye bar gyur pa dang/ /
Sheja Dzo Chapter 6.3 volume2 (page 449)
tshul bzhin ma yin yid byed las/ /nyon mongs rgyu ni tshang ba yin/ /zhes te/ nyon mongs pa gang yin kyang rgyu'i rkyen rigs phra mo las rnam smin rgyas 'byur gyi phra rgyas te sa bon ma spangs pa dang/ dmigs pa'i rkyen yul sdug mi sdug sogs nye bar gyur pa dang/ bdag po'i rkyen yul de dag la'ng mi sdug pa la sdug par 'dzin pa sogs tshul bzhin ma yin pa yid la byed pa gsum las skye bar 'gyur ba yin ni/ /gnyis pa ngo bo ni sems byung rab tu ma zhi'i mtshan nyid can/ /sems las byung ba'i chos gang zhig 'byung ba na rnam gyeng dang phyin ci log dang rgod pa dang rmugs pa dang bag med pa dang 'dzem pa med pa rnams las gang yang rung bas rab tu ma zhi ba'i mtshan nyid can du 'byung ba ste/ byed las ni de byung bas sems kyi rgyud rab tu ma zh bar byed pa'o/
/gsum pa rab dbye ni/ rtsa nyon nye nyon lta ba'i kun slong gis/ /zhes rtsa ba'i nyon mongs pa drug /de'i lta ba la lngar dbye bas bcu/ rtsa nyon ltar nyon mongs par mi byed kyang de dang nye bar nyon mongs par byed pa'i don can gyi nye nyon nyi shui ste/ de dag gi mtshan nyid gong du smos pa ltar ro/
/spyir nyon mongs pa thams cad sdug bsngal kun 'byung ba'i rgyu kun 'byung yin kyang 'khor ba'i rgyu'i gtso bo'i rtsa bar gyur pa ni ma rig pa'o/
/'o na chos mngon pa sogs las kun 'byung sred pa la bshad pa ci zhe na/ sred pa ni yang srid de ma thag tu 'phen par byed pa dang/ 'khor bar nying mtshams sbyor ba'i rgyu'i gtso bor gyur pa'i phyir de skad du bshad de/ (aa: 226 na) rnam 'grel las/ mi shes sred pa'i rgyu yin kyang/ /ma brjod sred pa nyid bshad pa/ /rgyu ni 'phen par byed phyir dang/ /de ma thag phyir las kyang yin/ /zhes pa ltar ro/
/des na ma rig pas rgyu byas/ sred pas mtshams sbyar gyis kun nas bslangs te las kyi
Sheja Dzo Chapter 6.3 volume2 (page 450)
kun 'byung du grub bo/
/gnyis pa las kyi kun 'byung la gnyis/ ngo bo dang/ de'i dbye ba'o/
/dang po ni/ sems pa'i las dang des bskyed lus ngag las/ /zhes las la sems pa'i las dang bsam pa'i las gnyis kyi dang po ni/ dge mi dge gang yang rung ba'i las mngon par 'du byed pa'i rgyu'i kun slong gi sems pa yid kyi las 'ba' zhig pa dang/ gnyis pa ni/ sems pa des bskyed pa'i las mngon par 'du byed bzhin pa'i dus kyi kun slong gi bsam pa lus ngag yid gsum ga dang 'brel ba'o/
/gnyis pa dbye ba la gnyis te/ ngo bo'i sgo nas dbye ba dang/ dbye tshul gyi sgo nas gzhan bstan pa'o/
/dang po la gnyis/ rtsa bas mdor bstan/ 'grel pas kha bskangs te/ rgyas par bshad pa'o/
dang po ni/ bsod nams min dang bsod nams mi gyo ba/ /zhes las kyi lam thams cad bsdu na/ /bsod nams ma yin pa'i las sdig pa/ bsod nams kyi las dge ba/ mi gyo ba'i las zag bcas kyi ting nge 'dzin gsum du 'du'o/
/gnyis pa la gsum/ bsod nams min pa/ bsod nams/ mi gyo ba'i las bshad pa'o/
dang po ni/ mi dge ba'i las lam ji snyed pa rigs sam gtso bor bsdus na lus kyi gsum/ ngag gi bzhi/ yid kyi gsum ste bcur 'du zhing/ de las dang po srog gcod pa ni/ yan lag lnga dang ldan pa ste/ gzhi rang las rgyud tha dad pa'i sems can/ bsam pa der 'du shes shing ma 'khrul pa/ sbyor ba dug mtshon rig (aa: 226 ba) sngags sogs kyis rang gis gsod pa'm gzhan la gsod 'jug pa/ nyon mongs ni dug gsum dang sbyir 'brel ba las khyad par rdzogs byed zhe sdang/ mthar thug ni bsad bya de rang ma shi ba'i sngon du shi ba'o/
/de lngas ni srog gcod kyi las lam rdzogs la/
Sheja Dzo Chapter 6.3 volume2 (page 451)
yan lag ci rigs ma tshang bas ni nyes pa byung yang las lam ma rdzogs pa ste 'di nyid 'og ma rnams la'ng shes par bya'o/
/'di la dbye na sha la sred pa lta bu 'dod chags kyi sgo nas dang/ khon zhugs pa lta bu zhe sdang gi sgo nas dang/ mchod sbyin lta bu gti mug gi sgo nas srog gcod pa ste gsum mo/
/srog gcod pa'i nang nas pha mang yin la dgra bcom pa yang yin pa de'i srog bcod pa sdig che'o/
/ma byin len ni/ gzhi gzhan gyis bzung ba'i rdzas/ dkon mchog la bsngos pa'i yo byad/ mi ma yin gyi nor lta bu/ bsam pa gyo sgyu'i sems dang mthu dang 'jab bus len par 'dod pa'i kun slong/ sbyor ba rang ngam bgyid du bstsal ba/ nyon mongs dug gsum spyi dang khyad par rdzogs byed 'dod chags dang ser sna/ mthar thug ni rdzas de dag gnas nas spos sam ma spos kyang rung thob blo nam skys pa'o/
/'di la dbye na bsnyad med btsan phrogs lta bu mthu'i sgo nas/ khang pa 'bugs pa lta bu 'jab bu'i sgo nas/ bre srang log pa lta bu gyo sgyu'i sgo nas ma byin par len pa ste gsum mo/
ma byin len gyi nang nas dkon mchog gi rdzas brku ba sdig che'o/
/log gyem ni/ gzhi rang gi chung ma dang/ gzhan gyis ched du byin pa sogs min pa'i bdun brgyud tshun gyi nye du/ bdag po can gyi chung ma/ khrims kyis srung b'ai dge slong ma sogs bgrod bya ma yin pa/ dkon mchog gi rten drung sogs yul ma yin pa/ gso sbyong sbrum ma zla mtshan ldan cing nyin mo sogs dus ma yin pa rnams dang/ bsam pa bsgrod bya min pa (aa: 227 na) la bsgrod 'dod kyi kun slong/ sbyor ba las de rtsom pa/ nyon mongs dug gsum dang khyad par rdzogs byed 'dod chags/ mthar thug ni dbang po gnyis reg pa las byung ba tshor bde nyams su myong ba la sred pas bdag gir byas pa'o/
/'di la dbye na ma sring lta bu rigs kyis bsrung ba dang/ gzhan gyi chung ma lta bu bdag pos bsrung ba dang/ dge slong ma lta bu chos
Sheja Dzo Chapter 6.3 volume2 (page 452)
kyis bsrung ba ste gsum mo/
'dod log gi nang nas ma yang yin la dgra bcom pa yang yin pa la log par spyod pa sdig che'o/
/de dag ni lus kyi las rnam pa gsum mo/
/rdzun smra ba ni/ gzhi rang las tha dad pa'i yul/ bsam pa gzhan bslu sems kyis ma mthong ba la mthong zhes pa lta bu smra 'dod kyi kun slong/ sbyor ba ni las de lus ngag gi rnam pa rig byed du thon pa/ nyon mongs ni dug gsum gang rung gis rdzogs pa/ mthar thug ni pha rol pos don go ba'o/
/'di'i sbyor ba ngag gi rnam pa rig byed kho nar ma nges te/ lus kyi brda las rdzun du 'gyur ba gso sbyong gi tshe gnas brtan gyis yang dag dris pa na ltung ba dang bcas bzhin du cing yang ma smras pa las rdzun smrar 'gyur ba sogs so/
/'di la dbye na mi'i chos bla ma lta bu pham pa'i rdzun/ bdag gzhan la phan gnod yod pa lta bu rdzun chen po/
phan gnod med pa lta bu rdzun phra mo ste gsum mo/
rdzun gyi nang nas de bzhin gshegs pa la skur pa btab pa dang/ bla ma'i dbu gyogs pa sdig che'o/
/phra ma ni/ gzhi pha rol po mthun pa/ bsam pa dbye bar 'dod pa/ sbyor ba las rtsom pa/ nyon mongs gsum las khyad par rdzogs byed zhe sdang/ mthar thug pha rol pos don go ba'o/
/mi mthun pa bsdum par rtsom pa slar mi bsdum pa'i bsam sbyor byed pa'ng 'dir gtogs so/
/'di la dbye na mdza' ba ngos su 'byed pa lta bu'i btsan phra/ gzhogs (aa: 227 ba) spong byas nas dbye ba lta bu'i gzhogs phra/ skog tu dbyen byed pa lta bu'i lkog phra ste gsum mo/
/phra ma'i nang nas dge 'dun gyi dbyen byed pa sdig che'i/ /tshig rtsub ni/ gzhi sems can gyi rgyud du gtogs pa/ bsam pa mi snyan pa brjod 'dod kyo kun slong/ sbyor ba ngag gi rnam par rig byed du thon pa/ nyon mongs gsum dang rdzogs byed zhe sdang/ mthar thug pha rol pos thos shing don go ba'o/
/'di la dbye na gzhan la ngos su ngan mtshang
Sheja Dzo Chapter 6.3 volume2 (page 453)
smra ba lta bu ngor rtsub pa/ kyal ka dang bsres nas gzhan la tshig ngan smra ba lta bu gzhogs te rtsub pa/ gzhan gyi mdza' bo sogs la ngan mtshangs smra ba lta bu brgyud nas rtsub pa ste gsum mo/
/tshig rtsub kyi nang nas pha ma'm 'phags pa la tshig rtsub smra ba sdig che'o/
/ngag 'khyal ni/ gzhi sngar dang 'dra/ bsam pa bag med pas cal col mang po smra 'dod kyi kun slong/ sbyor ba ni kha gsags dang glu sogs ngag gi rig byed du thon pa/ nyon mongs ni dug gsum dang khyad par rdzogs byed gti mug mthar thug ni pha rol pos thos pa'o/
/'di la dbye na mu stegs pa'i bzlas brjod lta bu log pa'i ngag kyal/ bre mo'i gtam lta bu 'jig rten pa'i ngag kyal/ snod min la chos 'chad pa lta bu bden pa'i ngag kyal te gsum mo/
/ngag kyal gyi nang nas chos 'dod pa gyeng ba sdig che'o/
de dag ni ngag gi las rnam pa bzhi'o/
/brnab sems ni/ gzhi pha rol po'i phyi nang gi rdzas/ bsam pa gzhan gyi phun tshogs dang yo byad la re ba dang smon pa'i kun slong/ sbyor ba der yang yang sems pa/ nyon mongs gsum dang rdzogs byed 'dod chags/ mthar thug ni las de yang dang yang du byed cing khrel dang ngo tsha dor nas gnyen po bsten pa med pa'o/
/'di la dbye na rang gi cho rigs la zhen pa lta bu bdag gi la brnab sems pa/ pha rol (aa: 228 na) po'i phun tshogs la chags pa lta bu gzhan gyi la brnab sems pa/ sa 'og gi gter la smon pa lta bu gnyis ka ma yin pa la brnab sems pa ste gsum mo/
/brnab sems kyi nang nas spong ba'i rnyed pa la brnab sems pa sdig che'o/
/gnod sems ni/ gzhi sngar ltar/ bsam pa gsod brdeg sogs gnod par byed 'dod pa'i kun slong/ sbyor ba der sems bzhin pa'i gnas skabs/ nyon mongs gsum dang rdzogs byed zhe sdang/ mthar thug de la yon tan du lta zhing gnyen po sten 'dod med pa'o/
/'di la dbye na gyul ngo sogs su gzhan
Sheja Dzo Chapter 6.3 volume2 (page 454)
bsad sems lta bu zhe sdang gi cha las byung ba'i gnod sems/ 'gran zla sogs la bnod sems lta bu phrag dog gi cha las byung ba'i gnod sems/ gnod byed slar 'dud kyang mnar sems pa lta bu khon 'dzin gyi cha las byung ba'i gnod sems te gsum mo/
/gnod sems kyi nang nas mtshams med pa bsham pa sdig che'o/
/log lta ni/ gzhi dge mi dge'i chos rnams/ bsam pa ni dge sdig med par dang rgyu 'bras phyin ci log tu lta ba sogs kyi kun slong/ sbyor ba dir yang yang sems pa'i gnas skabs/ nyon mongs gsum las rdzogs byed gti mug mthar thug las de grub cing gnyen po med pa'o/
/'di la dbye na/ dge sdig bde sdug gi rgyur mi 'dod pa lta bu las 'bras la log lta/ lam bden nyams su blangs kyang 'gog bden thob par mi 'dod pa lta bu bden pa la log lta/ dkon mchog la skur 'debs lta bu dkon mchog la log lta ste gsum mo/
log lta'i nang nas lta ba mchog 'dzin sdig che'o/
/de dag gi 'bras bu lan'ng gsum las/ rnam smin gyi 'bras bu ni rgyu chung ngu spyad pa las 'bras bu chen po smin pa ste/ rgyu des 'bras bu'i cha tsam yang mtchon mi nus par smin pa las de skad ces bya'o/
/de'ng (aa: 228 ba) kun slong drag pos 'phangs pa'i las mi dge ba de dang de chen por spyad pa las 'bras bu dmyal ba/ 'bying du spyad pas yi dwags/ chung ngur spyad pas dud 'gror 'phen par byed la/ rgyu mthun dang bdag po'i 'bras bu ni mtho ris kyi rten la'ng smin par 'gyur ba las/ rgyu mthun la byed pa rgyu mthun dang myong ba rgyu mthun gnyis las/ dang po ni/ sngon las kyis 'phangs pa'i las de dang de skyes thob kyis byed par spro zhing byed pa'o/
/gnyis pa ni/ rin chen phreng ba las/ gsod pa yis ni tshe thung 'gyur/ /rnam par 'tshe bas gnod pa mang/ /brku ba yis ni longs spyod phongs/ /byi bo byed pas dgra zlar bcas/ /rdzun tu smra bas skur ba
Sheja Dzo Chapter 6.3 volume2 (page 455)
ste/ /phra ma yis ni bshes dang bye/ /rtsub mo nyid kyis mi snyan thos/ /ma 'brel ba yis tshig mi btsun/ /brnab sems yid la re ba 'joms/ /gnod sems 'jigs pa sbyin par bshad/ /log par lta bas lta ngan nyid/ /ces 'byung ba ltar ro/
/bdag po'i 'bras bu ni/ phyi'i yul la smin par 'gyur ba ste/ de nyid las/ phyi rol gzhi chung gnod pa mang/ /rdul 'khrims dri nga mtho dman can/ /tshwa sgo can dang log pa dang/ /'bras bu phra kha chung ngam med/ /ces gsungs pa ltar ro/
/'bras bu de rnams smin pa'i snga phyi yang/ mdzod 'grel las/ las ni 'khor bar lci gang dang/ /nye ba gang dang goms pa gang/ sngon byas gang yin de las ni/ snga ma snga ma rnam smin 'gyur/ /zhes pa ltar ro/
/mi dge ba bcu po de bdag nyid kyis spyad pa las las lam rdzogs par 'gyur ba ma zad/ bsam sbyor mtshungs na dmag gi 'du ba'i nang du mi gcig gis srog gcod kyi las byas na der 'dus pa thams cad la las lam rdzogs par 'gyur te/ mdzod las/ dmag la sogs pa don gcig (aa: 229 na) phyir/ /thams cad byed pa po bzhin ldan/ /zhes 'byung ba'i nges pa las te/ /ma byin pa len pa'i ched du jag chom sogs la 'dus pa rnams la'ng mtshungs pa dang/ yid kyi gsum ma gtogs de rnams gzhan bgyid du bstsal ba las kyang las lam rdzogs par 'gyur zhing/ gzhan gyis bgyis pa la rjes su yi rang ba las kyang cha mthun gyi las kyis gos par 'gyur te/ ji ltar dge ba gzhan gyis spyad pa la rjes su yi rang bsgoms pas dge rtsa mnyam du thob par gsungs pa lta bu'o/
/yang las de dag nyon mongs pa'i sgo nas zhe sdang/ 'dod chags/ gti mug gis sbpyad pa dang/ grangs kyi sgo nas dpag med/ mang po/
nyung ngur spyad pa dang/ yul gyi sgo nas mchog 'bring/ tha ma la brten pas rim bzhin dmyal ba/ yi dwags/ dud 'gror skye bar 'gyur te/
Sheja Dzo Chapter 6.3 volume2 (page 456)
mdor na rin chen phreng bar/ 'dod chags zhe sdang gti mug gsum/ /des bskyed las ni mi dge ba/ /mi dge ba las sdug bsngal kun/ /de bzhin ngan 'gro thams cad do/
/zhes pa ltar ro/
/de dag gang du yod na dmyal ba dang sgra mi snyan ma gtogs 'dod khams pa rnams la bcu ga ci rigs su tshang bar yod cing/ khams gong ma rnams na mi dge ba thams cad med la/ mi'i gling gzhan rnams la'ng 'khor los sgyur ba rnams byon dus su de'i bsod nams kyi shugs kyis mi dge bcu ga mngon gyur du med do/
/gnyis pa bsod nams kyi las kyang gtso bor bsdu na/ de nyid las/ mi gsod pa dang rku spong dang/ /gzhan gyi chung ma spong ba dang/ /log dang phra ma rtsub nyid dang/ /ma 'brel smra ba yang dag sdom/ /chags dang gnod sems med pa ba/ /nyid kyi lta ba yongs spong ba/ /'di dag las lam dkar bcu ste/ /zhes pa ltar srog gcod spong ba'i (aa: 229 ba) sems pa nas log lta spong ba'i sems pa'i bar ro/
/nyon mongs ma zad gzhi bsam sbyor ba mthar thug bzhi ni 'di rnams la'ng sbyar du yod do/
/las de khyad par can du 'gyur ba ni/ srog gcod spangs pa tsam las sdom pas bsdams pa dang/ srog skyob pa dang/ tshe spel ba'i thabs sbyin pa sogs kyis dge ba'i las khyad par can du 'gyur te 'og ma rnams la'ng sbyar ro/
/de dag gi 'bras bu'ng rnam smin dang rgyu mthun dang bdag 'bras rnams mi dge ba bcu'i 'bras bu yid du mi 'ong ba las bzlog ste yid du 'ong ba kho na 'byung ba rnams rim pa bzhin shes par bya'o/
/'di la'ng yul mchog dman dang grangs mang nyung gi khyad par ni gong bzhin no/
/mdor na/ ma chags zhe sdang gti mug med/ /des bskyed las ni dge ba yin/ /dge las bde 'gro thams cad dang/ /skye ba kun tu bde ba dag /ces pa ltar ro/
/
Sheja Dzo Chapter 6.3 volume2 (page 457)
gsum pa mi gyo ba'i las ni/ rang sa las rnam smin gzhan du mi gyo zhing mnyam par gzhag pa'i sa pa yin pa dang sa 'og ma'i skyon gyis mi gyo ba'i phyir mi gyo ba'i las zhes bya la/ de'ng/ de nyid las/ bsam gtan tshad med gzugs med kyis/ /tshangs sogs bde ba myong bar byed/ /ces pa ltar bsam gtan bzhin dang gzugs med bzhi'i snyoms 'jug dngos gzhi khyad par can gyi sems pa la brjod de/ gong du mngon mtho'i lam gyi skabs su brjod pa ltar ro/
/gnyis pa dbye tshul gyi sgo gzhan pa ni/ 'phen rdzogs myur bul byas bsags stobs che chung/ /snang tshul mthun min sgo nas khams gsum sbyor/ /bka' dang bstan bcos rnams las las 'bras kyi rnam par gzhag pa rgya cher gsungs pas dbye sgo'i rnam grangs gzhan yang mang ba las gtso bor (aa: 230 na) 'phen rdzogs mu bzhi las dbye ba/ rnam smin myur bul gyis dbye ba/ byas bsags yin min gyis dbye ba/ las stobs che chung gis dbye ba/ ji ltar snang tshul gyis dbye ba/ rigs mthun mi mthun gyis dbye ba rnams su yod cing/ rgyu las kyi kun 'byung de la brten nas 'bras bu sdug bsngal khams gsum du nying mtshams sbyor ro/
/de'ng go bde bar brjod na/ dang po ni/ 'phen byed dge bas 'phangs kyang rdzogs byed sdig pas rdzogs pa mi dbul po lta bu/ 'phen byed sdig pas 'phangs kyang rdzogs byed dge bas rdzogs pa klu 'byor ldan lta bu/ 'phen rdzogs gnyis ka mi dge bas byas pa dmyal ba lta bu/ 'phen rdzogs gnyis ka dge bas byas pa 'khor los sgyur ba lta bu ste bzhi'o/
/gnyis pa ni/ mthong chos myong 'gyur zhes pa zhing mchog dang bsam sbyor drag pos 'phangs pa'i las mthong ba'i chos 'di nyid la smin pa lhas byin gyis bcom ldan 'das la sen mos dug rtsom par gzas pa las de nyid du dmyal ba'i me grub pa
Sheja Dzo Chapter 6.3 volume2 (page 458)
lta bu/ skyes nas myong 'gyur zhes pa skye ba 'di'i phyi mar skyes pa'i de ma thag tu rnam smin myong bar 'gyur ba mtshams med pa dang nye ba'i mtshams med pa lnga'i las lta bu/ lan grangs gzhan la myong 'gyur zhes pa skye ba gsum pa phan chad nas brgya stong gi bar du rnam smin myong bar 'gyur ba'i las lta bu ste gsum mo/
/gsum pa ni/ de'ng las dkar po la mchon na byas la bsags pa zhes pa dad pas dkon mchog mchod pa lta bu/ ma byas la bsags pa zhes gzhan gyi dge ba la rjes su yi rang ba lta bu/ byas la ma bsags pa zhes pa sems gyeng ba'i bzlas brjod lta bu/ gnyis ka min pa ni go sla ste las nag po la'ng shes par bya'o/
/bzhi' pa ni/ spyir spang byas 'bras bu 'phangs kyang gnyen pos bsgyur bar nus pa'i phyir (aa: 230 ba) gnyen po'i las stobs che ba'o/
/lnga pa ni/ las mthun snang ba bsags pa las snod kyi 'jig rten gyi snang ba zhing de'i 'gro ba rnams la phyogs gcig tu 'char ba lta bu snang 'gyur thun mong ba'i las dang/ sems can rang rang gi las snang gis bsgrubs pa'i gnas lugs longs spyod so sor tha dad par bde sdug nyams su myong ba lta bu myong 'gyur thun mong min pa'i las gnyis so/
/drug pa ni/ gcig tu dkar ba zhes pa dad pas bla ma mchod pa lta bu bsam pa dang sbyor ba gnyis ka rigs mthun gcig tu dkar bas dge ba'i las lam rdzogs pa/ gcig tu gnag pa zhes pa gsod sems kyis srog gcod pa lta bu bsam sbyor gnyis ka rigs mthun gcig tu gnag pas mi dge ba'i las lam rdzogs pa/ 'dres ma zhes pa mang po skyob phyir gsod pa lta bu bsam pa dkar la sbyor ba gnag pa dang/ gsod phyir sbyin pa gtong ba lta bu bsam pa gnag la sbyor ba dkar ba rnams so/
/gsum pa thob bya 'gog pa'i bden pa bshad pa la gnyis/ spyi don mdor bstan/ rang bzhin gtan la dbab pa'o/
/dang po ni/ lam gyis bral
Sheja Dzo Chapter 6.3 volume2 (page 459)
thob 'gog pa de bzhin nyid/ /med dgag rdzas grub ma grub bye mdos 'dod/ /lam bsgoms pa las dri ma dang bral ba thob pa ni 'gog pa'm de bzhin nyid ces bya ste/ de'ng dgag bya dang grangs mnyam pa'i bkag pa tsam gyi med dgag rdzas su grub pa dang/ gnyen po bsgoms pas spang bya nam mkha' la 'ja' yal ba ltar gyur pa'i med dgag rdzas su ma grub pa gnyis su rim bzhin bye smra dang mdo sde pas 'dod do/
/gnyis pa ni/ rang bzhin mtshan nyid zab sogs bcu gnyis so/
/rang bzhin ni/ chos mngon pa las/ 'gog pa'i bden pa gang zhe na/ mtshan nyid dang/ zab pa dang/ brda dang/ don (a: 231 na) dam pa dang/ yongs su ma rdzogs pa dang/ yongs su rdzogs pa dang/ rgyan med pa dang/ rgyan dang bcas pa dang/ lhag ma dang bcas pa dang/ lhag ma med pa dang/ khyad par 'phags pa dang/ rnam grangs kyis kyang 'gog pa'i bden pa bstan par rig par bya'o/
/zhes pa ltar bcu gnyis kyi sgo nas rgyas par bshad pa ltar las 'dir ngo ti tsam bshad na/ de la mtshan nyid kyis bstan pa ji lta bu zhe na/ chos nyid de bzhin nyid la 'gog pa dang/ lam zag med kyis 'gog pa dang/ spang bya nyon mongs mi 'byung zhing 'gog pa ste/ de'ng gzhi gang du 'gog pa dang/ thabs gang gis 'gog pa dang/ dgag bya gang 'gog pa rnams yin la/ mdor na chos dbyings rang bzhin gyis dag pa la lam bsgoms pas glo bur gyi dri ma 'gag pa ni 'gog pa'i mtshan nyid do/
/zab pas ji lta bu zhe na/ 'du byed zag bcas de dag gi 'jig pa ma yin dgag dngos por gyur pa las 'gog pa de gzhan zhe kyang mi bya ste/ gzhan yin na chos can dang chos nyid ma 'brel bar 'gyur bas so/
/gzhan yin zhes kyang mi bya ste/ de dag mtshan nyid mi mtshungs shing mtshungs na 'gog pa'ng kun nas nyon mongs pa can du 'gyur
Sheja Dzo Chapter 6.3 volume2 (page 460)
bas so/
/de gnyis ka yin zhes kyang mi bya ste/ skyon de gnyis kar 'gyur bas so/
/de gnyis ka ma yin zhes kyang mi bya ste/ so so rang gis rig par bya ba yin pas gtan nas med pa ma yin pa'o/
/de ltar mi bya ba'i rgyu mtshan ci'i phyir zhe na 'gog pa'i bden pa ni mu bzhi'i spros pa mtha' dag med pa'i dbyings yin pa'i phyir ro/
/brdas ji lta bu zhe na/ 'jig rten pa'i lam gyis spang bya'i sa bon smad cing mgo mnan pas 'gog pa gang yin pa ste/ de tsam la'ng 'gog par 'dogs pa 'gog (aa: 231 ba) pa de'i rnam grangs su gtott pa la dgongs nas/ ma lus par 'gags pa de'i yan lag gam cha shas kyis mya ngan las 'das par gsungs pa'o/
/don dam pas ji lta bu zhe na/ 'jig rten las 'das pa 'phags pa'i shes rab kyis spang bya'i sa bon kun tu bcom ste slar mi skye ba'i tshul gyis 'gog pa gang yin pa'o/
/yongs su ma rdzogs pas ji lta bu zhe na/ rghyun du zhugs pa'i 'bras bys bsdus pa'i mthong spang thams cad 'gags pa'm/ lan gicg phyir 'ong ba'i 'bras bus bsdus pa'i 'dod khams kyi sgom spang drug 'gags pa'm/ phyir mi 'ong b'ai 'bras bus bsdus pa'i 'dod khams kyi sgom spang thams cad 'gags pa yang rung ste 'phags pa slob pa rnams kyi 'gog pa gang yin pa'o/
/yongs su rdzogs pas ji lta bu zhe na/ dgra bcom pa'i 'bras bus bsdus pa 'phags pa mi slob pa rnams kyi spang bya ma lus pa zad pa'i 'gog pa gang yin pa'o/
/rygan med pas ji lta bu zhe na/ shes rab kyi nyon sgrib tsam las rnam par grol ba'i dgra bcom pa rnams kyi 'gog pa gang yin pa ste mngon shes sogs kyi rgyan med pa'o/
/rgyan dang bcas pas ji lta buzhe na/ nyon mongs pa dang snyoms 'jug gi sgrib pa gnyis ka'i cha las rnam par grol ba 'chi 'pho dang skye ba rig pa dang sngon dang phyi mtha' dang zag zad shes pa'i rig pa gsum dang mngon shes drug sogs yon
Sheja Dzo Chapter 6.3 volume2 (page 461)
tan brgyad dang ldan pa'i dgra bcom pa rnams kyi 'gog pa gang yin pa'o/
/lhag ma dang bcas pa ji lta bu zhe na/ nyon mongs thams cad spangs kyang tshe ma 'phos pas sngar gyi rnam smin phung po 'dod gzugs na lnga dang gzugs med na bzhi'i lhag ma dang bcas pa'i 'gog pa gang yin pa'o/
/lhag ma med pas ji (aa: 232 na) lta bu zhe na/ nyon mongs thams cad spangs shing tshe 'phos pas rnam smin phung po'i lhag ma med pa'i 'gog pa gang yin pa'o/
/khyad par du 'phags pas ji lta bu zhe na/ sangs rgyas byang sems rnams kyi shes rab dang snying rje la brten nas srid zhi'i mtha' gnyis la mi gnas pa'i myang 'das kyis bsdus pa'i 'gog pa gang yin pa ste/ sems can thams cad la mthar thug gi phan pa dang gnas skabs kyi bde ba'i rgyur nye bar gnas pa'i phyir ro/
/rnam grangs kyis ji lta bu zhe na/ ma lus par spangs pa dang/ nges par spangs pa dang/ byang bar gyur pa dnag/ zad pa dang/ 'dod chags dang bral ba dnag/ 'gog pa dnag/ rnam par zhi ba dang/ nub pa zhes bya ba'i ming gi rnam grangs du ma dang pa'o/
/zhes pa ltar ro/
/bzhi pa bsten bya lam gyi bden pa ni/ gang la zhugs nas go 'phang bgrod byed lam/ /tshogs sbyor mthong sgom mi slob lnga yis bsdus/ /gang la brten pa'm zhugs nas mya ngan las 'das pa'i go 'phang sgrub par byed pa'i thabs de ni lam gyi ngo bo yin la/ de la theg pa che chung rnams nas dbye bsdu mang du bshad kyang/ tshogs lam/ sbyor lam/ mthong lam/ sgom lam/ mi slob pa'i lam lnga yis thams cad bsdus pa shes par bya'o/
/'di dag gi rnam gzhag rgyas pa 'og tu lam bshad pa'i skabs su 'byung bar 'gyur ro/
/gsum pa spyi mtshan bsdus te bstan pa la bzhi/ sdug kun 'gog lam mo/
/dang po ni/ mi rtag sdug bsngal stong pa bdag med pa/ /sdug bden
Sheja Dzo Chapter 6.3 volume2 (page 462)
spyi'i mtshan nyid bsdu na/ mi rtag sdug bsngal/ stong pa/ bdag med pa bzhi ste/ de'ng gang 'dus byas yin pa de mi rtag pa'i mtshan nyid can dang/ gang mi rtag pa de sdug bsngal ba'i mtshan nyid can dang/ gang sdug bsngal ba de stong pa'i mtshan nyid 9aa: 232 ba) can dang/ gang stong pa de bdag med pa'i mtshan nyid can no/
/zhes rnal 'byor pa rnams rnam pa 'di bzhis dpyad par bya'o/
/de bzhi'i nges tshig gam sgra'i don ni/ mdzod 'grel las/ de la rkyen la rag lus pa'i phyir mi rtag pa'o/
/gnod pa'i bdag nyid yin pa'i phyir sdug bsngal ba'o/
/bdag gir lta ba'i mi mthun pa'i phyogs kyis stong pa'o/
/bdag tu lta ba'i mi mthun pa'i phyogs kyis bdag med pa'o/
/zhes so/
rnam pa de bzhi khong du chud pa na/ /rtag pa dang bde ba dang bdag gir dang bdag tu lta ba rnams kyi gnyen por 'gyur ba yin no/
/gnyis pa ni/ rgyu dang kun 'byung rab skye rkyen dang ni/ /kun 'byung gi spyi mtshan rgyu dang/ kun 'byung/ rab skye/ rkyen bzhi ste/ de'ng las dang nyon mongs pa de dag kyang srid pa skye ba phyi ma 'brub pa'i bag chags sa bon 'jog pa'i byed rgyu yin pa'i phyir rgyu'i mtshan nyid can du dang/ /sems can las kyi bag chags bsags pa de dang de dag lha la sogs pa'i sems can gyi rigs drug po de dang der nang phan tshun cha byad dang rigs 'dra bar 'byung ba'i byed rgyu yin pa'i phyir kun 'byung ba'i mtshan nyid can du dang/ so so rang rang gi rgyu tha dad du nges par 'byung ba dang 'gro ba dang skye gnas la sogs pa rnam pa tha dad du 'byung ba dang 'gro ba'i mchog tu srid pa'i rtse mor 'byung ba'i byed rgyu yin pa'i phyir rab tu skye ba'i mtshan nyid can du dang/ sngar ma thob pa'i lus gzhan dang gzhan thob pa dang thob zin pa'i lus gzhan dang gzhan du 'da' ba'i byed rgyu yin pa'i phyir rkyen gyi mthsan nyid can du rigs par bya ba
Sheja Dzo Chapter 6.3 volume2 (page 463)
rnams so/
/de bzhi'i nges tshig ni/ mdzod 'grel las/ sa bon gyi chos kyi tshul gyis rgyu'o/
/'byung ba'i tshul gyis kun 'byung ba'o/
/'brel ba'i tshul gyis rab tu skye ba'o/
/mngon par sgrub pa'i tshul gyis na rkyen te/ (aa: 233 na) dper na 'ji ba'i gong bu dang thal zhar dang 'khor lo dang the gu dang chu rnams 'dus pa las bum pa mngon par sgrub pa de bzhin no/
/zhes so/
/de dag kyang rgyu med dang/ rgyu gcig pu dang/ rgyu 'gyur ba dang/ blo sngar btang bar bya ba spyad pa'i log lta'i gnyen por 'gyur ba yin no/
/gsum pa ni/ 'gog pa zhi ba gya nom nges par 'byung/ 'gog pa'i spyi mtshan 'gog pa/ zhi ba/ gya nom/ nges 'byung bzhi ste/ de la 'gog pa ni sdug bsngal 'byung ba'i rgyu nyon mongs pa rnams dang bral ba'i mtshan nyid can dang/ zhi ba ni ma zhi bar byed pa 'du byed sdug bsngal nyer len gyi phung po rnams dang bral ba'i mtshan nyid can dang/ gya nom ni nyon mongs pa dang bral bas gtsang ba dang sdug bsngal dang bral bas bde ba'i dngos po yin pa'i mtshan nyid can dang/ nges 'byung ni slar mi ldog par song bas rtag pa dang don dam par dge bas gzhan la phan pa'i gzhi yin pa'i mtshan nyid can rnams su rigs par bya ba'o/
/de bzhi'i nges tshig ni/ mdzod 'grel las/ 'brel ba med pas 'brel ba zhig pa'i phyir 'gog pa'o/
/'dus byas kyi mtshan nyid gsum dang bral b'ai phyir zhi ba'o/
/dge ba'i phyir gya nom pa'o/
/yin brtan pa'i mchog yin pa'i phyir nges par 'byung ba'o/
/zhes so/
de bzhi bsgoms pas/ thar pa med do/
sdug bsngal la thar pa yin no/
bsam gtan gyi bde ba ni gya nom pa'o/
/thar pa ni gtan du ba ma yin no snyam pa'i log par lta ba las nges par 'byung ba yin no/
/gzhi pa ni/ lam rigs sgrub dang nges 'byin spyi mtshan no/
/lam gyi
Sheja Dzo Chapter 6.3 volume2 (page 464)
spyi mtshan/ lam/ rigs pa/ sgrub pa/ nges par 'byin pa bzhi/ de la lam ni/ maarga 'tshol ba la'o/
/zhes pa'i byings las bsgrubs pas chos kyi dbyings de kho na'i don 'tshol zhing rtogs par byed pa'i mtshan nyid can (aa: 233 ba) dang/ rigs pa ni rigs pa ma yin pa nyon mongs pa'i gnyen po byed pa'i mtshan nyid can dang/ sgrub pa ni 'dus byas rtag par 'dzin pa la sogs pa'i phyin ci log las bzlog nas de kho na nyid rtogs pa la 'jog cing sems phyin ci ma log par sgrub pa'i mtshan nyid can dang/ nges par 'byin pa ni 'dus ma byas shing rtag pa gtan du ba'i mya ngan las 'das pa'i gnas su 'gro ba'i mtshan nyid can rnams su shes par bya'o/
/de bzhi'i nges tshig ni/ mdzod 'grel las/ bgrod pa'i don gyis lam mo/
/rigs pa dang ldan pa'i phyir rigs pa'o/
/yang dag par sgrub pa'i don gyis sgrub pa'o/
/shin tu yang dag par 'da' bar byed pa'i phyir nges par 'byin par byed pa'o/
/zhes so/
/de bzhi bsgoms pas/ lam med do/
lam 'di ngan no/
/gzhan yang lam yin no/
/lam 'di'ng ldog go snyam du log par dpyad pa'i lta ab'ai gnyen por 'gyur ba yin no/
/bden bzhi'i rnam par gzhag pa 'di dag theg pa thun mong gi shes byar yang 'gyur bas na kun btus las kyang rnam grangs 'ga' zhig btus pa yin cing/ spyir kun btus nyid kyang rje btsun grags pas ni mdo sde pa'i gzhung yin par ljon shing las zhib par gsungs so/
/gsum pa bsrung bya'i sdom pa ni/ bsrung bya'i sdom pa nges 'byung so thar khrims/ /nyan thos de gnyis rang rgyal dang bcas pas bsrung bar bya ba'i sdom pa ni nges 'byung gi bsam pas kun nas bslangs pa'i gzhan gnod gzhir bcas spong ba'i sems pa mtshungs ldan dang bcas pa'i so so thar ba'i tshul khrims te/ de'i tshul zhib par gong du bshad zin to/
/'di dag tu mtshungs
Sheja Dzo Chapter 6.3 volume2 (page 465)
par ldan tshul la mngon pa gong 'og gnyis bzhed pa mi 'dra 'o/
/bzhi pa rtogs bya'i lta ba ni/ lta ba gang zag bdag (aa: 234 na) med gtso bor rtogs/ /nyan thos pas lta ba ni gang zag gi bdag med gtso bor rtogs pa yin te/ de'ng mu stegs byed kyis btags pa'i gang zag gi bdag rtag pa gcig pu gtsang ba byed pa po rang dbang can zhes pa de med pa'o/
/de lta bu'i gang zag gi bdag yod par 'dzin pa'i blo 'grul pa yin te/ yul med pa'i blo yin pa'i phyir/ thag khra la sbrul du 'dzin pa bzhin no/
/de'ng phung po ni gang zag gi bdag ma yin te/ mi rtag pa dang du ma dang mi gtsang ba yin zhing byed pa po min la gzhan dbang du gyur pa'i phyir/ phung po las gzhan du'ng gang zag gi bdag med de/ gang zag ni phung po'i rgyun rgyu las dang nyon mongs pas gang zhing zag pa la btags nas bzhag pa'i phyir/ gzhan yang/ mdzod las/ bdag med phung po tsam nyid do/
/zhes pa ltar/ gang zag gi bdag tu 'dzin pa'i blo ni phung po'i rgyun tsam la dmigs nas skye ba'i phyir/ 'dir gtso bo'i sgras/ rgyan stug dang lang gshegs sogs las nyan rang gis chos kyi bdag med pa ma rtogs par gsungs pa ni bsgoms pas mngon sum du ma byas pa la dgongs shing/ kha cig tu bdag med gnyis ka rtogs par bshad pa ni/ thos pa dang bsam pa dang 'dris pa'i shes bzhin des khams gsum na spyod pa'i nyon mongs pa spong ba'i grogs byed pa la dgongs pas so/
/des na nyan rang gis chos kyi bdag med rtogs par bzhed pa klu sgrub yab sras dang/ ma rtogs par bzhed pa thogs med sku mched kyi dgongs pa yin par bod kyi mkhas pa kha cig gis bzhed cing/ de dag gis nyan rang rnams bdag med gnyis ka rtogs par 'dod od/ /lnga pa 'thob bya'i 'bras bu ni/ myang 'das mi skye'i chos can 'dus ma
Sheja Dzo Chapter 6.3 volume2 (page 466)
byas/ /ma yin dgag dang med dgag bye mdos 'dod/ /lhag bcas 'dus byas ma byas 9aa: 234 ba) brgyad cu dgu/ /'bras bu bzhi dang lhag med rgyun chad do/
/theg pa gsum ga'i thob bya'i 'bras bu myang 'das su mtshungs kyang/ 'dir 'gog pa'i myang 'das te/ de'i ngo bo ni/ rig pa drug cu pa'i 'grel pa las/ 'on kyang rgyu dang rkyen las dang nyon mongs pa ma tshang ba las gzugs la sogs pa'i mtshan nyid dngos po'i rang gi ngo bo slar mi skye ba gang yin pa de mya ngan las 'das pa'o/
/zhes nyan thos pa'i 'dod pa phyogs sngar mdzad pa ltar 'dod la/ de'ng 'dus byas 'dus ma byas gnyis las 'dus ma byas so/
/de la kha che bye smras 'dus ma byas gsum/ yul dbus kyi bye smra rnams de bzhin nyid bsnan nas bzhir 'dod par bshad cing/ de bzhi las/ bye brag smra bas lhag bcas brtags 'gog dang lhag med brtags min 'gog tu 'dod pa dang/ mdo sde pas nyon mongs pa med pa brtags 'gog dang phung po med pa brtags min 'gog tu 'dod par thub pa dgongs gsal las bshad cing/ gnyis ka 'dus ma byas su mthun pa la khyad par ni bye brag smra bas ma yin dgag dang/ mdo sde pas med dgag tu 'dod par mdzod 'grel las bshad/ de dag gi don kyang bye smra ni rdzas su yod par smra ba ste dngos po yod par 'dod pa'o/
/mdo sde pa ni rdzas su med par smra ba ste dngos po med par 'dod pa'o/
/'di la lhag bcas dang lhag med gnyis su bzhag pa'i lhag bcas ni/ nyon mongs pa ma lus par spangs kyang phung po'i rgyun ma chad pa ste/ de'ng 'dus byas brgyad cu rtsa dgu dang 'dus ma byas brgyad cu rtsa dgu'm/ dge sbyong gi 'bras bu bzhi yin pa dang/ lhag med ni/ dgra bcom pa nyon mongs pa ma lus par spangs pa tshe'i 'du byed btang zhing phung po'i rgyun chad pas sdug bsngal lam phung po'i lhag ma cung zad kyang ma (aa: 235 na) lus par mar me shi ba lta bu'o/
/
Sheja Dzo Chapter 6.3 volume2 (page 467)
dgra bcom pa grongs phan chad rig pa phyi ma mtshams mi sbyor bar nyan thos sde gnyis ka 'dod do/
/drug pa rab tu dbye ba la gsum/ grub mtha'i sgo nas/ sde pa'i sgo nas/ 'bras bu'i sgo nas dbye ba'o/
/dang po la gnyis/ dbye ba dngos/ de'i 'dod pa brjod pa'o/
/dang po ni/ grub mtha' bye brag smra dang mdo sde pa/ /nyan thos kyi theg pa la rang rang gi zhe 'dod kyis btags pa'i grub mtha' mi 'dra b'ai khyad par phra mo mang du yod kyang/ rags pa gtso che ba'i sgo nas phye bas bye brag tu smra ba dang mdo sde pa gnyis su byung la/ de'ng gnas brtan byang bzang gis/ dus gsum dag rdzas kyi bye brag tu yod par smra bas sam/ bye brag tu bshad pa chen po'i gzhung dang mthun par smra bas de dag la de skad ces bya'o/
/zhes 'byung zhing/ sde pa rnams las gzhi thams cad yod par smra ba'i bye brag yin par bshad do/
/mdo sde pa ni/ snga ma de nyid kyis/ 'di ni sgo drug pa dang 'phags pa bzang po spyod pa la sogs pa'i mdo sde rnams sgra ji bzhin par khas len cing mdo sde de dag gi rjes su 'brang bas mdo sde pa ste/ ming gzhan dpes ston pa la mkhas pas dpes ston pa'o/
/zhes so/
/gnyis pa 'dod pa brjod pa la gnyis/ 'dod pa mthun pa dang/ mi mthun pa'o/
/dang po ni/ thun mong theg chen gsung rab khas mi len/ /rtag gcig bdag spangs byed po las su smra/ /nyan thos sde gnyis ka thun mong du theg chen gyi gsung rab 'khor lo bar pa dang/ tha ma gnyis rgyal ba'i bka' ma yin no zhes zer zhing khas mi len te/ 'di lta longs sku rtag tu bzhugs pa'i phyir dang/ byang sems bde bar 'gro ba'i phyir dang/ ji skad du/ bdag med mchog gi bdag thobnas/ /zhes bdag mchog 'dod pa'i phyir dang/
Sheja Dzo Chapter 6.3 volume2 (page 468)
nyan rang lhag med du zhugs tshar ba bslangs 9aa: 235 ba) nas slar yang 'tshang rgya dgos pa'i phyir chos kyi sdom bzhi dang 'gal ba dang/ sangs rgyas kyi bstan pa la sde pa bco brgyad las med pa la der ma 'dus pa'i phyir dang/ thun mong gi 'dul ba la mi snang/ mdo sde la mi 'jug chos nyid dang 'gal ba'i sgo nas sde snod gsum du ma 'dus pa'i phyir/ zhes zer la/ chos kyi bdag dang shes sgrib mi 'dod pas bdag med gnyis dang sgrib gnyis/ kun gzhi dang nyon yid mi 'dod pas rnam shes chogs brgyad/ theg chen gyi mdo shin tu rgyas pa'i sde snod mi 'dod pas de nas 'byung ba'i sa bcu/ sangs rgyas sa las dang sdug bsngal lhag yod pa'i sgo nas skyon kun zad du mi 'dod pas gnas gyur/ 'og min gyi longs sku mi 'dod pas sku gsum dang ye shes bzhi sogs mi 'dod cing khas mi len no/
/sde gnyis ka'i gzhi'i skabs su/ phyi rol pas brtags pa'i bdag rtag pa gcig pu rang dbang can la sogs pa ni thag pa'i sbrul bzhin du kun rdzob tu'ng mi 'dod pa dang/ phyaa dang dbang phyug sogs snod bcud byed pa po gzhan med pa dang/ 'jig rten tshogs las las skyes/ /zhes gang byed pa po ni las su 'dod pa dang/ phung po lnga/ khams bcom brgyad/ skye mched bcu gnyis/ skye gnas bzhi/ 'gro ba lnga/ khams dang reg pa dang sems pa dang rnam par shes pa'i zas te zas bzhi sogs kyis rab tu dbye ba sogs mthun par 'dod do/
/gang la dmigs na zag pa rgyas min phyir/ /'dus byas zag bcas lam bden 'dus ma byas/ /zag med chos yin gzhig dang sel byed kyis/ /der 'dzin 'dor rung dngos dang rgyun dag ni/ /kun rdzob yod pa don dam don byed min/ /mi 'dor rdul phran cha med skad cig sems/ /don dam yod pa de la don byed yin/ /gzhi'i shes bya'i gtso bo zag bcas (aa: 236 na) dang zag med kyi bden gnyis 'jog tshul
Sheja Dzo Chapter 6.3 volume2 (page 469)
yang mthun te/ chags bcas kyi blo gang gis chos de'i rang bzhin shes nas de la dmigs pas zag pa nyon mongs rnams dmigs pa dang mthungs ldan lnga po gang rung gi sgo nas rgyas shing gnas par 'gyur ba dang/ gang la dmigs na de dag rgyas par mi 'gyur ba'i phyir/ rim bzhin lam bden las gzhan pa'i 'dus byas mtha' dag zag bcas kyi mtshan gzhi dang/ lam bden dang 'dus ma byas rnams ni zag med chos kyi mtshan gzhi yin no/
/bden gnyis kyi 'jog tshul yang/ mdzod las/ gang la bcom dang blo yis gzhan/ /bsal na de glo mi 'jug pa/ /bum chu bzhin du kun rdzob tu/ /yod de don dam yod gzhan no/
/zhes te/ chos gang la gzhig byed kyis gzhig pa dang/ sel byed kyi blos cha gzhan bsal bas der 'dzin gyi blo 'dor du rung ba ni kun rdzob bden pa ste/ de'ng snod bcud sogs dngos po rags pa rnams ni phyogs cha dang bcas shing blos cha gzhan bsal du rung bas rdzun pa dang/ lo zla zhag sogs dus gsum du rnam par brtags pa'i rgyun ni cha dbye bar rung bas mi bden pa ste/ kun rdzob yod pa de dag don dam par don byed nus pa ma yin no/
/cha bsal bas der 'dzin gyi blo mi 'dor ba rdul phra rab ni phyogs kyi cha med pas dngos po rtsom byed bden par grub pa dang/ nang 'dzin pa'i sems kyang skad cig ma dus kyi rgyun rtsom byed du yod pa ni don dam bden pa ste/ don dam du yod pa de dag ni de la ste don dam par don byed nus pa'o/
/bum pa sogs kun rdzob yin pa'i rgyu mtshan ni/ bum pa sogs kyis don dam par don byed mi nus te/ don dam par yul rang ngos nas don byed nus pa de ni rang 'dzin 'khrul med skyed par byed pa'i don chos rang gi 9aa: 236 ba) mtshan nyid la 'dod na/ bum pa sogs de dag brda sogs nang gi yan lag la ltos pa'i blo gros kun rdzob yin pa'i phyir/ zhes so/
/'dus byas skye tshul lam
Sheja Dzo Chapter 6.3 volume2 (page 470)
'bras phal cher mthun/ /spyir sems sems byung gi mtshan nyid yul gyi ngo bo dang khyad par tsam 'dzin pa dang/ gzugs can gyi 'byung 'gyur 'byung ba las dang/ shes rig gi rdzas mtshungs ldan lngas mtshungs pa dang/ ldan min gyi dngos po gnas skabs can gyi gzugs sems las skye ba ste 'dus byas kyi skye tshul rnams dang/ lam dang 'bras bu'i skabs su/ yul blang dor bden pa bzhi'i mtshan gzhi dang/ mtshan nyid kyi gtso bo dang/ yul can la tshogs sbyor mthong sgom mi slob lam ste lam lnga dang/ skye bu zung bzhi dang gang zag ya brgyad kyi grangs dang spangs rtogs phal che ba dang/ byang chub sems dpa' dang por thugs bskyed tshul/ br du tshogs bsags tshul/ mthar 'tshang rgya tshul/ de'ng srid pa tha ma pa rgyal bu don grub kyi dus grangs med gsum gyi tshogs rdzogs kyang so skye tshogs lam pa 'ching ba kun ldan yin pa dang/ 'og min du sangs rgyas pa sogs mi 'dod pas/ byang chub kyi shing drung du srod la bdud dpung bye ba phrag so bdun btul nas/ tho rengs sbyor lam stan gcig pa nas zad mi skye shes pa'i bar gyi spangs rtogs thams cad bden bzhi mi rtag sogs bcu drug rtogs pa'i lam kho nas thob cing/ de'i sngon du ring 'phur skyes dang lhag spyod las 'jig rten pa'i bsam gtan gyi man ngag blangs te ci yang med min las 'dod chags dang bral zin pa'i chags bral sngon song gi sangs rgyas yin pa dang/ de bzhin du dge 'dun nyi shu'i spangs rtogs kyi 'jog tshul dang spangs rtogs las nyams tshul phran tshegs tsam ma gtogs phal che ba dang/ bsam gtan bzhi dang 9aa: 237 na) gzugs med bzhi dang tshad med bzhi sogs kyi yon tan phal che ba dang/ sangs rgyas kyi sa na sngon las kyis 'phangs pa'i rnam smin gyi phung po dang zag bcas las kyi lhag ma sogs sdug bsngal gyi bden pa yod pa dang/ nyan rang sangs rgyas te lhag med kyi myang
Sheja Dzo Chapter 6.3 volume2 (page 471)
'das gsum ga shing zad kyi me bzhin rig pa rgyun chad pa rnams kyang mthun par 'dod pa yin no/
/gnyis pa 'dod pa mi mthun pa la gnyis/ bye smra dang mdo sde pa'o/
/dang po ni/ mi mthun bye smras sde bdun bka' ru 'dod/ /rdul phran cha med sil bu bar dang bcas/ /rigs mthun bya ba gcig byed re'u gsing bzhin/ /dbang pos don mthong shes pas de la 'dzin/ /gzung 'dzin rgyu 'bras phal cher dus mnyam skye/ /bye mdo gnyis kyi grub mtha' mi mthun pa'i khyad par mdzod las mang du byung ba che long du bsdus te bshad na/ bye brag smra bas mngon pa sde bdun mdo las dngos su gsungs pa ched du brjod pa'i tshom ltar dgra bcom pa so sos bsdus pas bka' yin ces dang/ lung sogs chos kyi phung po ni ming gi phreng ba ldan min 'du byed kyis bsdus par 'dod/ gzugs kyis bsdus pa rnams ni 'byung ba dang 'byung 'gyur ram yang na rdul phra rab dang bcas pa yin la/ phra rab kyis rags pa rtsom pa na dbus rdul la phyogs drug gi rdul gyis bskor ba yang rdul phran cha med sil bu bar stong dang bcas pa rdzas su grub pa/ rigs mthun cing bya ba gcig byed pa ni gyag rnga dang ne'u gsing bzhin te/ rdul phra rab sil bu so sor gnas kyang mi 'jig pa ni las sam rlung gis gzung bar 'dod pa ltar/ rags pa yang de rnams 'dzin par byed pa'i rlung gis phyogs gcig tu bsdus pa dang/ shes pas yul'dzin tshul yang/ dbang shes kyis rang yul skam pas 9aa: 237 ba) lcags sbram ltar rnam med thug phrad rjen cher du 'dzin la/ de'ng dbang pos don gyi rang mtshan mthong nas shes pas 'dzin pa dang/ de'ng 'das pa dnag ma 'ongs pa rnam shes bskyed pa'i bya ba mi byed pa'i phyir gzung 'dzin rgyu 'bras phal cher dus mnyam du skye bar 'dod do/
/gzhi lnga dus gsum byang 'das rdzas yod dand/ /'dus ma byas
Sheja Dzo Chapter 6.3 volume2 (page 472)
rtag 'gog bden dngos por smra/ /shes pa gzhan rig la sogs rtsa ba ni/ /gsung rab la brten che bzhi sogs kyis phyes/ /shes bya'i gzhi lnga/ dus gsum myang 'das rnams dang/ khyad par ldan min 'du byed rnams gang gi gnas skabs la bzhag pa'i gnas skabs can las don gzhan rang rkya thub pa'i rdzas yod dang/ 'dus ma byas gsum rtag par 'dod cing/ de'ng ngo bos ma grub pa'i shes bya 'jog ma shes nas yongs gcod du grub pa'i rdzas sam dngos por khas len gyi/ 'dusma byas dngos por 'dod pa dang don byed nus pa'i 'dus byas kyi dngos por nam yang mi 'dod de/ 'dus ma byas la de dag med/ /ces de la rgyu 'bras gnyis med par 'dod pa'i phyir ro/
/yang dgra bcom nyams nas phyir 'ong sogs su 'gyur ba dang/ 'gog bden dbang po lnga'i thob byar dang/ chos thams cad kyi mchog tu dnag/ bral ba'i rdzas sogs su gsungs pas dngos po yin par smra ba dang/ ral gri rang gis rang mi gcod pa bzhin du shes pa la rang myong rang rig mi 'dod pas shes pa thams cad gzhan rig tu 'dod pa dang/ sogs khongs nas/ gang zag gi bdag bkag tsam gyi med dgag la de bzhin nyid du 'jog mi shes pa sogs 'dod pa thun mong ma yin pa mang po 'byungba zhib par mdzod las shes par bya ba las 'dir smos su mi lang ngo/
/grub mtha' 'di'i rtsa ba ni gsung rab nyid las ci rigs par gsungs (aa: 238 na) pa la brten te btsun pa chen po bzhi dang/ kha che 'dus bzang/ btsun pa go cha mtha' yas sogs kyis gsal bar phyes par grags so/
/gnyis pa ni/ dpe ston sde pas phal cher de las ldog rdul phran reg la ma 'byur pu sti ltar/ dbang po bem po phyi don lkog na mo/
/shes pas mthong min rnam pa don du myong/ /dpe ston pa ste mdo sde pas bye smra las phal
Sheja Dzo Chapter 6.3 volume2 (page 473)
cher ldog pa'i tshul gyis smra bas bshad ma thag pa de dag ni mdo sde pas mi 'dod de/ ji skad du/ ye shes la 'jug ka tya'i bus/ /rab tu byed pa dbyig bshes kyis/ /chos kyi phung po shaa ri'i bus/ /gdags pa'i bstan bcos modgal bus/ /rnam shes tshogs ni lha skyid kyis/ /bgro ba'i rnam grangs gsus po ches/ /khams kyi tshogs ni gang pos byas/ /zhes mngon pa sde bdun dgra bcom pa de dag so sos rang dbang du brtsams pas bstan bcos yin par 'dod pa dnag/ lung chos kyi phung po sgra rang gi mtshan nyid gzhung lugs kyi tshad dang mnyam pa gzugs kyi phung pos bsdus pa dnag/ gzugs ni snga ma ltar la rtsom byed rdul phra rab dang des brtsams pa'i rags pa gnyis yin la/ rdul phra rab rnams ni bskor ba ma 'byar la bar med pas reg par 'du shes pa po ti bsdams pa ltar 'dod pa dnag/ dbang po ni bem po yin pa'i phyir don mthong byed ma yin la/ phyi don ni lkog na mo zhes pa 'das pa yin pa'i phyir rnam shes kyis mthong ba ma yin/ des na rnam pa zhes pa don gyis gtad pa'i shes pa nyid snang ba yin la/ don 'gag kyang des bzhag pa'i shes pa'i rnam pa don dang 'dra bar myong bas de myong bar gdags shing/ shes pas yul 'dzin pa rnam pas bar du chod par 'dzin pa dang/ gzung 'dzin rgyu 'bras dus mnyam du min par snga phyir 'dd do/
/'di la phyi don lkog na mo zhes zer la 'di (aa: 238 ba) dang sems tsam rnam bden pa gnyis snang ba shes pa yin par mtshungs kyang gtod byed phyi don yod med kyis 'byed pa'o/
/gzugs sems tshor 'du sems pa rdzas su yod/ /gzhan rnams btags yod mkha' sogs med par dgag /rang rig gzhan rig dus gsum btags dngos sogs/ /dge 'dun srung dang dpal len sogs kyis bzhed/ /shes bya'i gzhi lnga las gzugs sems gnyis dang sems byung tshor 'du gnyis sam sems pa dang gsum rnams
Sheja Dzo Chapter 6.3 volume2 (page 474)
rdzas yod yin gyi/ gzhan mtha' dag cha la btags pa'i btags yod kyi dngos po dang dngos med du 'dod pa dang/ nam mkha' sogs 'dus ma byas gsum rtag par 'dod mod kyang mi rtag pa bkag tsam gyi med dgag yongs gcod du ri rwa dang 'dra bar ngo bo ma grub pa'i shes bya tsam du 'dod pa dang/ rang mi gsal na gzhan yang gsal mi nus pa bzhin du shes pa kha nang du bltas pa'i myong ba rang rig dang phyir bltas pa'i myong ba gzhan rig gnyis su 'dod la/ de'ng shel dag pa la snang ba'i tshon gyi kha dog shel gyi ngo bo yin pa ltar rang dang ngo bo gcig pa'i don gye rnam par rig pas rang rig mtshan nyid pa dang don rig btags pa bar 'dod pa dang/ dus gsum yang rdzas grub tu med par blos btags kyi dngos por 'dod pa dnag/ sogs khongs nas/ lhag bcas dang lhag med kyi myang 'das kun gnyen pos spang bya bkag pa'i med dgag cang med par 'dod pa dang/ dgra bcom pa mthong chos bder gnas kyi bsam gtan tsam las nyams par 'dod pas nyams pa'i chos can zhes bya yi 'bras bu las nyams par mi 'dod pa dang/ 'gog bden gzugs dang tshor ba bzhin du ngo bo dang mig sogs bzhin du nus pa tshad mas ma dmigs pa'i phyir dang/ mdo las (aa: 239 na) bral ba dang zad pa dang nub pa dang dgag pa'i sgras gsungs pas dngos med du 'dod pa dang/ gang zag gi bdag bkag tsam gyi med dgag la de bzhin du 'jog shes pa ste/ grub mtha' 'di'ng rtsa ba rgyal ba'i gsung rab mdo sde rnams la brten cing/ btsun pa chen po dge 'dun srung dang dpal len sogs kyis bzhed pa ste/ zhib par mdzod kyi rang 'grel las rtogs par bya'o/
/gnyis pa sde pa'i sgo nas dbye ba la gsum/ rtsa b'ai sde pa bzhi/ gyes pa bco brgyad/ gnyis su bsdu ba'o/
/
Sheja Dzo Chapter 6.3 volume2 (page 475)
dang po ni/ rtsa ba'i sde pa thams cad yod par smra/ /phal chen gnas brtan mang pos bkur ba bzhi/ /nyan thos sde pa la slob dpon so so'i bzhed pas gcig dang gnyis dang gsum du bshad pa sogs dbye bsdu mang yang yongs grags su rtsa ba'i sde pa bzhi ste/ thams cad yod par smra ba/ dge 'dun phal chen pa/ gnas brtan pa/ mang pod bkur ba bzhi'o/
/de la gzhi thams cad yod par smra ba zhes bya ba ni sde pa thams cad kyi gzhi yin pa dang shes bya'i gzhi lnga rdzas yod du smra bas de ltar grags la/ sde pa de ni gsung rab sang skrii ta legs sbyar gyi skad du 'don/ mkhan po rgyal rigs bslab pa la gus pa sgra gcan 'dzin las brgyud/ snam sbyar snam phran dgu yan nyer lnga man la rtags 'khor lo dang padma/ ming dpal dang bzang po dang snying po gsum gyi mtha' can/ grub mtha' dus gsum rdzas su yod pa dng/ 'dus byas thams cad skad cig ma dang/ gang zag gi bdag med pa dang/ grangs med gsum gyis 'tshang rgya ba sogs bzhed do/
/phal chen pa zhes pa ni gyes pa'i tshe dge 'dun phal che ba phyogs gcig tu gnas pas yin la/ sde pa de ni phra krii ta rang bzhin gyi skad/ mkhan po bram ze'i rigs sbyangs yon la gnas pa'i mchog 'od srung/ snam (aa: 239 ba) phran bdun nas nyer gsum man la rtags dpal be'u/ ming ye shes dang sbas pa'i mtha' can/ grub mtha' bdag phung tha dad pa dang/ bden pa cig car mthong ba dang/ chos mchog las kyang nyams srid pa dang/ dbang pos yul mi 'dzin pa sogs su 'dod do/
/gnas brtan pa zhes pa ni gnas brtan 'phags pa'i rigs yin par smra bas der grags la/ sde pa de ni pi shaa tshi sha za'i skad/ mkhan po smyig ma mkhan gyi rigs mtha' 'khob 'dul ba'i mchog ka taa ya na/ snam phran lnga nas nyer gcig man la rtags dung/ ming 'byung gnas dang go cha'i mtha' can/ grub mtha' sangs rgyas legs sbyar
Sheja Dzo Chapter 6.3 volume2 (page 476)
ma gsungs pa dang/ 'gog snyoms la sems yod pa dang/ log shes med pa dang/ grangs med bcu yan dang sum cu man gang rung gis 'tshang rgya ba sogs 'dod do/
/mang gkur ba zhes pa ni slob dpon skye bo mang pos bkur sti byas pa'i rigs 'dzin pas yin la/ sde pa de ni a ba bhang sha zur chag gi skad/ mkhan po 'dreg mkhan gyi rigs 'dul ba 'dzin pa'i mchog nye bar 'khor/ snam sbyar gnas brtan pa dang mthun/ ming 'bangs dang sde'i mtha' can/ grub mtha' brjod du med pa'i bdag yod pa dang/ shes bya thams cad brjod du yod med gnyis su sdud pa dng/ 'dus byas rgyun brtan pa rnams 'jig byed don gzhan gyis 'jig pa dang/ mthong lam skad cig bcu gnyis man yin pa sogs la 'dod do/
/de dag rnams so thar gyi mdo bklag tshul dang/ bcas ltung gi rnam gzhag kyang mi 'dra ba yod cing/ rtsa ba'i gzhi phal chen sde pa yin par bshad pa'ng yod cing/ ming brje ba'ng da lta la yin gyi sngon chog la med do/
/gos dang mtshan gyi dbye ba sogs jo bo rje'i gsung (aa: 240 na) sgros las byung bar bshad do/
/dgyes rdor brtag pa phyi ma'i le'u bzhi par 'khor lo bzhi dang sde pa bzhi sbyar ba dang/ dus kyi 'khor lo'i zhal bzhi nas sde pa bzhi gsungs par bshad pas kyang rtsa ba'i sde pa bzhir 'dod pa'i phyogs 'di khungs che ba yin no/
/gnyis pa ni/ lnga bdun gsum gsum gyes pa bcom brgyad de/ /rtsa ba'i sde pa bzhi las gyes pa bco brgyad byung ba'i tshul/ slob dpon dul ba'i lhas mdzad pa'i sde pa tha dad bklags pa'i 'khor lo las/ shar dang nub dang gangs rir gnas/ /'jig rten 'das par smra ba'i sde/ /btags par smra ba'i
Sheja Dzo Chapter 6.3 volume2 (page 477)
sde pa dang/ /lnga tshan dge 'dun phal chen pa/ /gzhi kun pa dang 'od srung sde/ sa ston sde dang chos srung sde/ /mang thos gos dmar slob ma dang/ /rnam par phye ste smra ba'i sde/ /thams cad yod apr smra ba yin/ /rgyal byed tshal gnas 'jigs med gnas/ /gtsug lag khang chen gnas brtan pa/ sa sgrogs ri dang srung ba pa/ /gnas ma bu yi sde rnams ni/ /kun gyis bkur ba rnam pa gsum/ /yul don slob dpon bye brag gis/ /tha dad rnam pa bco brgyad gsungs/ /zhes dge 'dun phal chen pa lnga/ thams cad yod smra bdun/ gnas brtan pa gsum/ mang bkur ba gsum ste bcom brgyad du bshad pa rnams so/
/de'ng bzhugs gnas yul dang/ grub mtha'i don 'dod tshul dang/ srol 'byed slob dpon tha dad pa'i rjes 'brangs su gyur pas mi 'dra ba 'ba' zhig byung yang/ thams cad rnam par grol ba'i lam la khyad par med pa ni/ rgyal po krii krii'i rmi lam lung bstan gyi mdo las/ rgyal po chen po khyod kyi rmi lam du mi bco brgyad kyis ras yug gcig bgos kyang ras snga ma ma nyams par mi re res thob par mthong ba ga g yin pa de ni shaakya thub pa'i (aa: 240 ba) bstan pa rnam pa bco brygad du gyes par 'gyur yang/ rnam par grol ba'i ras yug ni nyams par mi 'gyur ba de'i snga ltas yin no/
/zhes gsungs pas de dag la bzang ngan khyad par med pa shes dgos so/
/gsum pa ni/ gnyis su bsdu ba dngos dang/ zhar byung rnam par brtatt pa'o/
/dang po ni/ bdag tu smra dng bdag med smra ru 'dus/ /sde pa bco
Sheja Dzo Chapter 6.3 volume2 (page 478)
brgyad kyang bsdu na bdag smra dang bdag med smra ba gnyis su 'du ste/ mang bkur nang tshan gnas ma bu pa sogs sde pa lnga yis brjod du med pa'i bdag 'dod cing/ de yang gang zag ste phung po dang gcig tha dad rtag mi rtag sogs su brjod du med kyang rang rkya thub pa'i rdzas yod du 'dod la/ bye smra'i nang tshan sde pa gzhan kun dang mdo sde pa'ng bdag med 'dod pas so/
/de'ng rtog ge 'bar ba las/ de rnams las sngar bstan pa'i dge 'dun phal chen pa la sogs pa brgyad dang/ phyis bstan pa'i gnas brtan pa dang/ thams cad yod par smra ba dang/ mang ston pa dnag/ chos mchog pa dnag/ 'od srungs pa rnams ni bdag med par smra ba yin te/ mu stegs pa'i 'dod pas btags pa'i bdag dang bdag gis ni stong pa yin pa dang/ chos thams cad ni bdag med par smra ba yin no/
/lhag ma gnas ma bu pa la sogs pa sde pa lnga ni gang zag tu smra ba yin te/ gang zag ni phung po dag las de nyid dang gzhan du brjod du med par rnam par shes par bya ba/ 'khor bar 'gyur ba yongs su gsal bar bya ba yin no zhes zer ro/
/zhes gsungs so/
/gnyis pa ni/ theg chen 'gog dang bden grub 'dod sogs skyon/ /gzhan rnams ma nor rang sa'i lugs yin no/
/nyan thos sde pa 'di dag gis theg pa chen po 'gog pa ni zab 9aa: 241 na) rgyas blor ma shong bar rtog ge nyid kyi shes rab dang mos pa dang bsod nams zhan pa'i dbang gis yin par gsungs pa ltar/ don dam bden pa rdzas grub tu 'dod pa la sogs pa'ng gsung rab kyi dgongs pa ma rtogs pa'i skyon dang bcas pa yin pas/ mdo sde rgyan sogs las theg chen bka' sgrub rgyas par gsungs shing/ bye smra'i rdzas yod mdo sde pas bkag la/ de'i brtags yod sems tsam pas lung rigs mang pos bkag pa dang/ khyad par brjod med kyi bdag ni lta ba ches dman
Sheja Dzo Chapter 6.3 volume2 (page 479)
pas dus 'khor rtsa 'grel/ dbu ma 'jug pa sogs las kyang legs par bkag pa yin la/ gzhi lam 'bras bu'i rnam gzhag spyi rnams ni gong ma dang mi mthun pa ltar snang yang ma nor ba nyan thos rang sa'i lugs yin pas yon tan dang ldan pa'o/
/gsum pa 'bras bu'i sgo nas dbye ba la gnyis/ mdor bstan/ rgyas bshad do/
/dang po ni/ rnam pa bcu drug bsgoms pas lam lnga po/
/byang phyogs kyis bgrod 'bras bu rnam bzhi 'thob/ /sangs rgyas 'jig rten du byon cing chos gsungs pa'i bstan pa la gnas shing bsgrub pa'i phyir/ thog mar so thar ris bdun nam brgyad kyi tshul khrims la gnas pas mtshan nyid dang ldan pa'i bshes gnyen las nyan thos dang rjes su mthun pa'i gsung rab yan lag dgu sde snod gsum gyis bsdus pa dbang po'i rim pa dang 'tshams par thos shing/ thos nas bsam/ bsam don bden bzhi mi rtag pa sogs rnam pa bcu drug bsgoms pas/ nyan thos kyi tshogs sbyor sogs lam lnga byang phyogs so bdun gyis rim par bgrod de 'bras bu rgyun zhugs/ lan cig phyir 'ong/ phyir mi 'ong dgra bcom pa sd=te rnam pa bzhi thob pa'i/ /gnyis pa la gnyis/ rim lgyis pa zhib par bshad/ thod rgal (aa: 241 ba) dang cig car ba 'phros don du bshad pa'o/
/dang po la bzhi/ rgyun zhugs/ phyir 'ong/ phyir mi 'ong/ dgra bcom pa'o/
/de'i dang po la gnyis/ rgyun zhugs zhugs pa dang/ 'bras gnas so/
/dang po ni/ rgyun zhugs zhugs pa 'dod nyon ye ma spangs/ bzhi lnga spang srid drug pa spang mi srid/ /skad cig bco lnga gang yang rung la gnas/ /dad dang chos rjes 'brang gnyis/ /zhes pa ste/ nyan thos rgyun zhugs kyi 'bras bu la zhugs pa de'i spangs pa'i par ni/ 'dod nyon gtan ma spangs pa
Sheja Dzo Chapter 6.3 volume2 (page 480)
nas bzhi pa lnga pa'i bar spangs pa'ng srid/ drug pa gtan ma spangs pa ste 'di'i bras zhugs kyis drug pa spangs mi srid pa'o/
/rtogs pa'i khyad par ni/ mthong lam la sdug bsngal chos bzod/ chos shes/ rjes bzod/ rjes shes nas/ kun 'byung dang/ 'gog pa dang/ lam la'ng chos bzod/ chos shes/ rjes bzod/ rjes shes kyi bar re re bzhin sbyar ba'i skad cig ma bcu drug las/ skad cig dang po bco lnga gang rung la gnas pa dbang brtul dad pa'i rjes 'brang dang/ dbang rnon chos kyi rjes 'brang gnyis so/
/gnyis pa ni/ 'bras gnas pa/ /skad cig bcu drug pa la rtogs pa thob/ /dbang po brtul rno skye ba bdun dang gnyis/ /rgyun zhugs 'bras gnas kyi spangs pa'i khyad par snga ma dang 'dra/ rtogs pa'i khyad par skad cig ma bcu drug pa lam gyi rjes shes la rtogs pa thob pa'o/
/'di la dbyen dbang po brtul rno/
skye ba len tshul gyis bzhir 'gyur te/ dang po ni/ zhugs pa'i skabs kyi dbang brtul gnas gyur pa dad pas mos pa dang/ dbang rnon gnas gyur pa mthong bas thob pa gnyis so/
/gnyis pa skye ba len tshul srid pa lan bdun pa dang/ rigs nas rigs su (aa: 242 na) skye ba zhes skye ba gnyis len pa gnyis yod pa las/ dang po ni/ rgyun zhugs 'bras gnas yin pa gzhir bzhag nas/ 'dod nyon gtan ma spangs pa de lha'i rten la thob na lha'i skye ba bdun/ mi'i bdun/ de gnyis kyi bar srid bdun bdun te nyi shu rtsa brgyad dang/ mi'i rten la thob na'ng mi'i lan bdun/ lha'i bdun/ bar srid bdun bdun te nyer brgyad las lan cig phyir 'ong gi zhugs par 'gro/
'di la srid pa lan bdun pa zhes zer ba ni bdun tshan du chos mtshungs pa'i phyir te/ dper na gnas bdun la mkhas pa dang shing lo ma bdun pa bzhin no/
/'di la bzhed tshul gzhan yang yod do/
/gnyis pa rigs nas rigs su skye ba ni/ rgyun zhugs 'bras gnas yin pa gzhir
Sheja Dzo Chapter 6.3 volume2 (page 481)
byas nas/ 'dod nyon gsum pa dang bzhi pa spangs pa'ng srid/ lnga pa gtan ma spangs pa de lha mi'i rten gang la thob pa de'i skye ba rigs mthun gnyis len no/
/gnyis pa lan cig phyir 'ong ba la gnyis te/ phyir 'ong zhugs pa dang/ 'bras gnas so/
/dang po ni/ de yis bsgoms pas phyir 'ong zhugs par 'gyur/ /drug pa spangs shing/ /zhes pa ste/ rgyun zhugs 'bras gnas des lan cig phyir'ong gi 'bras bu thob pa'i phyir du de'i lam sgom pa la brtson par byas pa na phyir 'ong zhugs par 'gyur la/ des nyuon mongs drug pa nam spangs pa'i tshe 'bras gnas su 'gro'o/
/gnyis pa ni/ dgu pa gtan ma spangs/ /bras gnas bar chad gcig pa phyir 'ong nges/ /'bras gnas de'i nang tshan tshe gcig bar chad pa zhes bya ba yod de/ de la spangs rtogs gnyis las/ spangs pa la 'dod nyon bdun pa dang brgyad pa spangs srid/ dgu pa gtan ma spangs pa'o/
/rtog pa ni sngar bzhin no/
/lan (aa: 242 ba) cig phyir 'ong zhes pa 'dod par lan cig phyir 'ong ba'i rigs can yin yang phyir mi 'ong gi lam la brtson na der 'gro la/ nang tshan tshe gcig bar chd gcig pa yin na nges par phyir 'ong ngo/
/gsum pa phyir mi 'ong la gnyis te/ phyir mi 'ong zhugs pa dang/ 'bras gnas so/
/dang po ni/ 'brel chags brtson pas phyir mi 'ong la zhugs/ lan cig phyir 'ong 'brs gnas des phyir mi 'ong gi 'bras bu thob par bya ba'i phyir de'i lam la 'brel chags su brtson par byas pas phyir mi 'ong zhugs par 'gyur ba yin no/
/gnyis pa ni/ dgu pa spangs pas 'bras gnas gzugs su 'gro /br do skyes nas 'da' dng gong du 'pho/
/gzugs med nyer 'gro mthong zhi lus mngon byed/ /phyir mi 'ong zhugs pa des 'dod nyon dgu pa nam
Sheja Dzo Chapter 6.3 volume2 (page 482)
spangs pa'i tshe de'i 'bras gnas su 'gyur zhing/ de la bzhi/ gzugs su nyer 'gro/
gzugs med nyer 'gro/
mthong chos la zhi/ lus mngon byed do/
/dang po la gsum ste/ bar dor 'da' ba/ skyes nas 'da' ba/ gong du 'pho ba'o/
'dang po ni/ phyir mi 'ong 'bras gnas yin pa gzhir byas nas/ tshangs chen ma gtogs pa'i gzugs khams bcu drug gang yang rung ba'i rten gyi bar do la mya ngan 'da' ba'i rigs can no/
/gnyis pa la'ng gsum/ skyes nas 'da' ba/ 'du byed bcas pa/ 'du byed med pa'o/
/dang po ni/ tshangs chen ma gtogs pa gzugs khams bcu drug gang rung gi rten la skyes pa tsam gyis mya ngan las 'da' ba'i rigs can no/
/gnyis pa ni/ rten de rnams su skyes nas lam la 'bad rtsol dang bcas te 'da' ba'i rigs can no/
/gsum pa ni/ der skyes nas lam la zhugs pa tsam las 'bad rtsol med par 'da' ba'i rigs can no/
/(aa: 243 na) gsum pa gong du 'pho ba la gnyis te/ 'og min du 'pho ba dang/ srid rtser 'pho ba'o/
/dang po la gsum ste/ 'phar ba/ phyed 'phar/ kun 'pho'o/
/dang po ni/ phyir mi 'ong 'bras gnas de skye ba phyi ma tshangs ris su skyes/ de las 'og min gyi rten du 'phar te mya ngan las 'da' ba'i rigs can no/
/gnyis pa ni/ de lta bu de skye ba phyi ma la tshangs ris/ de las gtsang gnas bzhi gang rung/ de las 'og min du skyes nas mya ngan las 'da' ba'i rigs can no/
/gsum pa ni/ de lta bu de skye ba phyi ma tshangs chen ma gtogs pa'i gzugs khams bcu drug gi gnas thams cad du rim gyis skyes shing shi 'phos nas mthar 'og min gyi rten la mya ngan las 'da' ba'i rigs can no/
/gnyis pa srid rtser 'pho ba ni/ de lta bu de skye ba phyi ma tshangs ris su skyes/ de las srid pa'i rtse mo'i rten du 'phos te mya ngan las 'da' ba'i rigs can no/
/gnyis pa gzugs med nyer 'gro ni/ de lta
Sheja Dzo Chapter 6.3 volume2 (page 483)
bu de skye ba phyi mar gzugs med dang po gsum gang rung du skyes nas mthar srid rtse'i rten la mya ngan las 'da' ba'i rigs can no/
/'di la'ng/ gzugs med gang du shi ba de na'o/
/zhes pas bar dor 'da' ba'i rigs can mi 'byung yang skyes nas 'da' ba gsum dang 'phar gsum sogs sngar bzhin 'byung ngo/
/gsum pa mthong chos la zhi ni/ phyir mi 'ong 'bras gnas thob pa'i rten de nyid la mya ngan las 'da' ba'i rigs can no/
/bzhi pa lus mngon byed ni/ 'gog snyoms mngon du byas nas mya ngan las 'da' ba'i rigs can no/
/bzhi pa dgra bcom pa la gnyis te/ dgra bcom zhugs pa dang/ dgra bcom 'bras gnas so/
/dang po ni/ srid nyon dgu pa spang phyir dgra bcom zhugs/ /phyir mi 'ong 'bras gnas de srid nyon dgu pa spong pa'i phyir (aa: 243 ba) du zhugs pa ni dgra bcom zhugs pa zhes bya'o/
/gnyis pa ni/ de spangs khams sgsum 'cings grol 'bras gnas la/ /gnyis ka shes rab cha las rnam par grol/ /rdzu 'phrul mngon shes rgyan can rgyan med dang/ /nyer len phung po'i lhag bcas lhag med dbye/ /srid nyon dgu pa de nam spangs na khams gsum gyi kun spyod 'ching ba las grol te dgra bcom 'bras gnas su 'gro ba yin te/ de la dbye na gsum/ spangs pa'i sgo nas dbye na/ gnyis ka'i cha las rnam grol dang shes rab kyis rnam grol gnyis kyi snga ma ni nyon sgrib dang snyom p'jug gi sgrib pa gnyis ka las rnam par grol ba dang/ phyi mi ni nyon sgrib 'ba' zhig las rnam par grol ba'o/
/yon tan gyi sgo nas rnam par dbye na/ rang sa'i zag bcas kyi rdzu 'phrul gyi mngon shes sogs dang ldan pa rgyan can dang/ mi ldan pa rgyan med gnyis dang/ rnam grol gyi sgo nas dbye na/ sdug bsngal nyer len gyi phung po'i lhag ma dang bcas pa dang/ de nyid phrad cing mthar phyin pas lhag med dgra bcom zhes dbye'o/
/
Sheja Dzo Chapter 6.3 volume2 (page 484)
gnyis pa thod rgal dang cig car ba 'phros don du smos pa ni/ skyes bu zung bzhi gang zag ya brgyad de/ /thog mthar cig car bar gnyis thod rgal yod/ /de ltar spyir 'bras bu bzhi po la skyes bu zung bzhi dang/ bye brag nang gses su zhugs 'bras gnyis rer dbye bas gang zag ya brgyad du grags pa ste/ de dag gi thog mtha' gnyis la cig car ba dang/ bar pa gnyis la thod rgal ba'i gzhag mtshams yod cing/ spang bya cig car ba ni nyan thos dang thun mong ba la med kyi/ theg chen thun mong min pa'i chos mngon pa las gsungs so/
/gnyis pa rang sangs rgyas kyi theg pa la gnyis te/ nyan rang gi khyad par (aa: 244 na) dang/ rang rgyal gyi rnam gzhag go/
/dang po ni/ rang rgyal myur ba srid pa gsum gyis thar/ /bse ru bskal brgyas che chung zab par skye/ /nyan rang gnyis theg dman tsam du mtshungs kyang/ rgyu dang 'bras bu'i sgo nas khyad par che ste/ rgyu ni mdzod las/ myur ba srid pa gsum gyis thar/ /bse ru bskal pa brgya yi rgyus/ /zhes pa ltar ro/
/'bras bu la rigs kyi khyad par ni/ rang rgyal gyi rigs can nga rgyal che bas sangs rgyas dang nyan thos kyis stong pa'i 'jig rten du slob dpon dang 'gran zla med par rang gcig pu byang chub mngon du byed 'dod pa dang/ nyon mongs pa rang bzhin gyis shas chung bas 'du 'dzi la mi dga' bar dben pa don du gnyer ba/ snying rje shar chung bas gzhan don la mi spro bar sems las chung ngur gnas pa/ nyan thos las shes rab zab pas gzhan gyis bstan ma dgos par rang gis shes nas byang chub mngon du byed pa'o/
/lam gyi khyad par bden bzhi mi rtag pa sogs bcu drug gi steng du rten 'brel bcu gnyis kyi 'jug ldog dang/ gang zag gi bdag med kyi steng du gzung ba rang bzhin med par rtogs pa ste bdag med phyed dang gnyis kyi sgo nas rtogs ris la khyad par ===Sheja Dzo Chapter 6.3 volume 2 (page 485)===
yod par gsungs pa rnams so/
/gnyis pa rang rgyal gyi rnam gzhag la drug ste/ sgra don nges tshig gang la 'jug sgo/
bsrung bya'i sdom pa/ rtogs bya'i lta ba/ thob bya'i 'bras bu/ rab tu dbye ba'o/
/dang po ni/ sgra don gzhan la ltos min rang byang chub/ /rang sangs rgyas zhes pa'i sgra don ni/ slob dpon gzhan la ma ltos par rang gi byang chub rgyas zhes pa'i sgra don ni/ slob dpon gzhan la ma ltos par rang gi byang chub rang gi shes rab kyi rtsal gyis mngon du byed pas na rang byang chub ces ye (aa: 244 ba) shes rtogs pas rgyan rtogs pa zhes bya ba'ng blo gros mi zad pas bstan pa'i mdo 'grel las 'byung ngo/
/gnyis pa gang la 'jug sgo spyir bstan/ sgom tshul bye brag tu bshad pa'o/
/dang po ni/ 'jug sgo phyi yi rgyu 'bras dper byas nas/ /nang gi rten 'brel lugs 'byung lugs ldog ste/ /rang rgyal 'jug pa'i sgo ni rten 'brel yan lag bcu gnyis kyi sgo nas 'jug ste/ de'ng phyi nang gnyis kyi phyi'i rten 'brel la rgyu'i rten 'brel sa dang chu dang me dang nam mkha' dang dus so/
/'bras bu'i rten 'brel la rtsa ba dang sdong po dang yal ga dang lo ma dang me tog dang 'bras bu'o/
/de'ng rgyu yod na 'bras bu rnams 'byung ba'i lugs 'byung dnag/ rgyu ldog na 'bras bu rnams ldog pa'i lugs ldog dper byas nas/ nang gi rten 'brel ni keng rus la brtags te keng rus 'di rga shi las byung/ de ltar rim gyis 'khor ba'i rtsa ba ma rig pa'i bar du rtogs te lugs 'byung dang/ ma rig pa ldog pas 'du byed ldog pa nas rga shi'i bar du ldog pas te lugs ldog gi rten 'brel rtogs par byed ba'o/
/gnyis pa ni/ de yang 'khor 'das 'byung ldog phrugs gnyis ldan/ /
Sheja Dzo Chapter 6.3 volume 2 (page 486)
rten 'brel de'ng 'khor 'das kyi 'byung ldog phrugs gnyis dang ldan par bsgom pa ste/ dang po ni/ kun nas nyon mongs pa'i dbang gis 'khor bar 'jug tshul gyi lugs dang mthun pa ni rim pa ji lta ba ste/ mdo las/ ma rig pa'i rkyen gyis 'du byed/ 'du byed kyi rkyen gyis rnam par shes pa/ zhes pa nas/ skye ba'i rkyen gyis rga shi dang mya ngan dang smre sngags 'don pa dang sdug bsngal ba dang yid mi bde ba dang 'khrugs pa rnams 'byung ste/ de ltar sdug bsngal gyi phung po chen po 'ba' zhig pa 'di 'byung bar 'gyur ro/
/zhes (aa: 245 na) gsungs pa lta bu dang/ lugs ldog ni rim pa ldog pa ste/ rga shi la sogs pa skye ba las 'byung/ skye ba srid pa las/ srid pa len pa las 'byung zhes pa nas/ 'du byed ma rig pa las 'byung zhes pa'i bar yin zhing/ de dag kyang rim pa'i sgo nas cha gnyis su phye ba ma gtogs don ni 'khor ba'i rgyu 'bras la yid ches bskyed par mtshungs pa nyid do/
/gnyis pa ni/ rnam par byang ba'i dbang gis mya ngan las 'das par 'jug tshul gyis lugs dang mthun pa ni/ yas rim gyis ma rig pa 'gag na 'du byed 'gag 'du byed 'gag na rnam par shes pa 'gag ces pa nas/ skye ba 'gag na rga shi la sogs pa 'gag ces pa dang/ lugs ldog ni skye ba 'gag na rga shi 'gag srid pa 'gag na skye ba 'gag ces pa nas/ ma rig pa 'gag na 'du byed 'gag ces pa'i bar te rim pa tsam ma gtogs don ni mya ngan las 'das pa 'thob tshul du gcig pa nyid do/
/des ni rtsa ba ma rig pa 'gag na sdug bsngal mtha' dag las grol bar 'gyur bas de spang ba'i ched du yang dag pa'i ye shes skyed par byed pa'o/
/gsum pa bsrung bya'i sdom pa ni/ sdom pa so thar/ /zhes pa ste rang rgyal gyi sdom pa'ng so so thar ba'i khrims te nyan thos dang 'dra'o/
/bzhi pa rtogs bya'i lta ba ni/ gang zag bdag med dang/ /gzung don
Sheja Dzo Chapter 6.3 volume 2 (page 487)
rang bzhin med rtogs/ /zhes pa ste/ sa sde las 'dis nyan thos dang 'dra bar gang zag gi bdag med tsam rtogs par bshad kyang/ mngon rtogs rgyan las/ gzung don rtogs pa spong phyir dang/ /'dzin pa mi spongs phyir dang ni/ /rten gyis bse ru lta bu'i lam/ /yang da gbsdus par shes par bya/ /zhes gsungs pa ltar/ gang zag gi bdag med par rtogs pa'i steng du chos kyi bdag (aa: 245 ba) gi phyogs gcig gzung ba'i don rang bzhin med par rtogs pa phal mo che bzhed pa mthun no/
/lnga pa thob bya'i 'bras bu ni/ lhag bcas lhag med kyi myang 'das gnyis te 'di yang nyan thos dang 'dra ba na 'dir zur du dbye ba ma byas so/
/drug pa rab tu dbye ba la gnyis/ bse ru lta bu dang/ tshogs na spyod pa'o/
dang po ni/ dbang rnon ni/ /srid mthar smon lam gsum gyis mtshams sbyar nas/ /bsnyen rdzogs bzhi pa'i rab mtha' khyad can brten/ /rnam pa bcu drug bsgoms pas stan gcig tu/ /sbyor lam drod nas dgra bcom bar du 'thab/ /rang rgyal bse ru lta bu ni shin tu dbang po rnon po yin te/ dud 'gro bse la rwa gcig las med pa ltar 'du 'dzi gyeng bas 'jigs nas gcig pur gnas pas der gtags la/ bskal chen brgyar sangs rgyas 'byung ba mnyes par byas nas tshogs bsags/ phung po dang/ khams dang/ skye mched dang/ rten 'brel dang/ gnas yin min dng/ bden pa ste bslab par bya ba'i gnas drug la mkhas par byas nas srid pa tha ma pa'i tshe/ sangs rgyas dang nyan thos kyis stongs pa'i 'jig rten du skye ba dang/ slob dpon sogs la ma bsten par rang gis byang chub mngon du byed pa dang/ ngag gi rnam par rig byed sogs kyi sgo nas ma yin par lus kyi brda chos kyi rnam rig gis gzhan don du 'gyur bar smon pa ste/ smon lam gsum gyis mtshams sbyar ba las/ skye ba tha mar sangs rgyas dang nyan thos kyis ma bzung ba'i 'jig rten du dmangs rigs ma yin pa'i
Sheja Dzo Chapter 6.3 volume 2 (page 489)
rigs gsum gang rung du skyes/ rten de la sngon gyi smon lam gyi dbang gis mkhan slob med par bsnyen par rdzogs nas/ bsam gtan bzhi pa'i rab mtha' khyad par can la brten te bden bzhi mi rtag pa (aa: 246 na) sogs bcu drug bsgom pa las/ stan thog gcig tu sbyor lam nas zad mi skye shes pa'i dgra bcom gyi ye shes kyi bar 'thob pa'o/
/'di ni nyan thos kyi lugs yin la/ /theg chen gyi chos mngon pa las ni drod nas zad mi skye shes pa'i bar du skye ba brgyud dgos par bshad do/
/gnyis pa tshogs na spyod pa ni/ tshogs spyod chung du dbang brtul chen po 'bring/ /skye ba gnyis brgyud rnam thar yid byed can/ /sgra med lus kyi sgo nas chos ston mdzad/ /rang rgyal tshogs spyod ces pa ne tsho ltar khyus lding ba la bshad pa'i phyir zla grogs dang bcas te sgom pa gzhir byas nas/ tshogs spyod chung ngu tshogs bsags sngar dang 'dra ba las/ srid pa tha ma pa'i tshe gnas drug la mkhas par byas te bzod 'bring man bskyed/ lam lhag ma bskyed pa'i phyir slar yang gnas drug la mkhas par byas te smon lam gsum gyis mthsams sbyar ba las key ba phyi ma 'bras bu ji ltar rigs pa mngon du byed pa'i rigs can te 'di ni dbang po brtul po'o/
/tshogs spyod chen po ni/ snga ma dang 'dra ba las srid pa tha ma'i tshe gnas drug la mkhas par byas pas bden pa mthong/ 'bras bu dang po gsum khang rung mngon du byas/ dgra bcom pa thob par ma nus pas de thob ched slar gnas drug la mkhas par byas te smon lam gsum gyis mtshams sbyar bas/ skye ba phyi ma la ji ltar rigs pa'i 'bras bu mngon du byed pa'i rigs can te 'di ni dbang po 'bring po ste/ de dag skye ba gnyis re brgyud pa'o/
/'di gsum ga'ng rten 'brel zab mo dang rnam thar sgo gsum yid la byed cing/ gzhan ma dad pa bzlog pa'i ched du rdzu 'phrul yang ci rigs par ston la/ zhi ba dang/ (aa: 246 ba) dul bas bsod snyoms la
Sheja Dzo Chapter 6.3 volume 2 (page 489)
'jug pa na sgra med pa lus kyi rnam par rig byed sgo nas rten 'brel sogs rtogs par 'gyur ba'i chos ston par yang mdzad do/
/spyir sa sde las nyan rang gnyis dbang po dang 'bras bu la mchog dman yod kyang/ lam gyi rnam gzhag phal cher mthungs pas sde snod logs su yod par ma bshad pa bzhin rgya bod kyi gzhung phal che bar nyan rang gnyis kyi grub mtha' gcig tu bsdu ba mang la/ ma skyes dgra'i 'khyod pa bsal ba'i mdo dang dus kyi 'khor lo las rang sangs rgyas kyi sde snod logs su yod par gsungs pa bzhin gzhung 'ga' zhig las de gnyis kyi grub mtha' so sor dbye bar mdzad mod/ 'dir ni nyan rang gi grub pa'i mtha' phal che ba gcig kyang/ mi gcig pa'i khyad par yang shin tu mang ba dang/ gsung rab spyi'i skad du yang theg pa gsum zhes grags pas na nyan rang gnyis kyi grub mtha'i rnam gzhag so sor byas pa yin no/
/gnyis pa theg pa chen po'i rnam par gzhag pa la gnyis/ theg pa che chung gi khyad par brjod/ theg chen dngos nyid rnam par gzhag pa'o/
/dang po ni/ bdag med gnyis rtogs bsam sbyor pha rol phyin/ /sgrib gnyis kun spangs srid zhi'i mthar mi gnas/ /chen po bdun ldan/ /ces pa ste/ theg pa chen po'i tshul rnam par gzhag pa la thog mar theg pa che chung la khyad par ci yod snyam na/ mi bskyod yab sras 'di ltar du bzhed de/ lta ba rtogs pa'i khyad par/ bsam sbyor bslab bya'i khyad par/ spang bya spong ba'i khyad par/ thob bya 'bras bu'i khyad par/ chen po bdun gyi khyad par ro/
/dang po ni/ gang zag gi bdag med pa rtogs pa'i steng du chos kyi bdag med pa gsal zhing rdzogs par rtogs pa theg (aa: 247 na) chen dang/ ma rtogs pa theg dman te/ dbu ma la bstod pa las/ mtshan ma med pa ma rtogs par/ /khyod kyis thar pa med par gsungs/ /de phyir khyod kyis theg chen las/ /de ni tshang bar bstan
Sheja Dzo Chapter 6.3 volume 2 (page 490)
pa lags/ /zhes pa ltar ro/
/gnyis pa ni/ byams snying rje byang chub sems kyi bsam pas kun nas bslangs te sbyor ba pha rol tu phyin pa drug la bslab pa dang mi bslab pa'i khyad par te/ slob dpon dpa' bos/ bse ru lta bu rnams la ni/ /pha rol phyin drug ming yang med/ /bcom ldan nyag gcig pha rol phyin/ /drug ni spyi la bzhugs pa lags/ /zhes pa ltar ro/
/gsum pa ni/ nyon sgrib mtha' dag spong nus rung shes sgrib mtha' dag spong mi nus pa theg dman dang/ sgrib gnyis bag chags dang bcas pa mtha' dag spong bar nus pa theg chen no/
/bzhi pa ni/ thabs dang shes rab dman pas zhi ba mya ngan las 'das pa tsam 'dod pa theg dman dang/ mngon rtogs rgyan las/ shes pas srid la mi gnas shing/ /snying rjes zhi la mi gnas pas/ /zhes pa ltar shes rab zab pa dang thabs rgya che bas srid zhi'i mtha' la mi gnas pa'i mya ngan las 'das pa 'dod pa'm sgrub pa theg pa chen po'o/
/lnga pa ni/ mdo sde rgyan las/ dmitt pa che ba nyid dang ni/ /de bzhin sgrub pa gnyis dag dang/ /ye shes brtson 'grus rtsom pa dnag/ /thabs la mkhas par gyur pa dnag/ /yang dag sgrub pa chen po dang/ /sangs rgyas phrin las chen po ste/ /chen po 'di dang ldan pa'i phyir/ /theg chen zhes ni nges par brjod/ /ces gsungs te de dag kyang rim pa ltar theg chen gyi sde snod rgya chen po la dmigs pa dang/ rang gzhan gnyis ka'i don sgrub pa dang/ bdag (aa: 247 ba) med pa gnyis ka rtogs pa dang/ bskal pa grangs med gsum du gus sbyor gyi brtson 'grus rtsom pa dng/ 'khor ba yongs su mi gtong zhing kun nas nyon mongs pa med pas lus ngag gi mi dge ba bdun gnang ba lta bu dang/ stobs dang mi 'jigs pa dang sangs rgyas kyi chos ma 'dres pa yang dag par sgrub pa dang/ lhun gyis grub cing rgyun mi chad pa'i phrin las rnams yin la/ de bdun dang ldan pa ni theg chen dang mi ldan pa
Sheja Dzo Chapter 6.3 volume 2 (page 491)
ni theg dman no/
/gzhan yang sdud pa las/ /gtong ba che dang blo che ba dang mthu che dang/ /rgyal ba rnams kyi theg chen mchog la zhugs pa dang/ /go cha chen po bsgos shing bdud kyi sgyu 'dul ba/ /de yi phyir na sems dpa' che zhes rab tu brjod/ /ces dang/ theg bsdus las/ shes bya'i gnas dang mtshan nyid der 'jug dang/ /de yi rgyu 'bras de rab dbye ba dang/ /bslab pa gsum dang de 'bras spangs pa dang/ ye shes theg pa mchog gyur khyad par 'phags/ /zhes gsungs pas mtshon gsung rab dgongs 'grel dang bcas pa las mtha' yas pa 'byung ngo/
/gnyis pa theg pa chen po dngos kyi rnam gzhag la gnyis te/ rgyu mtshan nyid phar phyin theg pa dang/ 'bras bu gsang sngags rdo rje theg pa'o/
/dang po la gnyis/ mtshan nyid mdor bstan/ rnam gzhag rgyas par smos pa'o/
dang po ni/ sangs rgyas theg pa che/ /mtshan nyid rgyu yis/ /zhes pa ste/ theg pa 'dir zhugs na sangs rgyas su bgrod par byed pa'i stobs yod pa dang/ shes rab rgya che zhing spyod yul yangs pa dang/ mngon mtho'i dga' ba dang/ nges legs kyi bde ba thams cad 'thob par byed pas theg pa chen po zhes bya ste/ sdud pa las/ ci phyir 'di ni byang chub theg chen bya zhe na/ /(aa: 248 na) de gang zhon nas sems can thams cad mya ngan zlo/
/theg pa 'di ni mkha' 'dra gzhal med khang chen te/ /dga' skyid bde ba mngon par thob byed theg pa'i mchog /ces gsungs pas so/
/gzhan yang mthar thug gi 'bras bu zung 'jug rdo rje 'chang gi go 'phang la dngos su sbyor ba'i lam 'khor dang bcas pa mchon par byed pas na mtshan nyid ces dang/ 'bras bu'i mthar thug mi gnas pa'i mya ngan las 'das pa'i zung 'jug gi ye shes la ltos te de'i rgyu'i phyed tsam du sbyor bar byed pas na rgyu'i theg pa zhes bya ba sogs su brjod pa yin no/
/
Sheja Dzo Chapter 6.3 volume 2 (page 492)
byed sgra ni tshig phyi ma drang ba'i don to/
/gnyis pa rnam gzhag dngos la gnyis/ bslab bya nyams len spyir bstan/ grub mtha'i dbye ba bye brag tu bshad pa'o/
/dang po la gsum/ slob pa po'i gang zag bslab bya sbyor ba phyin drug dngos gzhi zhi lhag bshad pa'o/
/dang po ni/ bgrod byed gang zag ni/ /blo chen dbang po rim gsum/ /zhes pa ste/ spyir theg pa chen po'i lam gyis bgrod par byed pa'i gang zag ni/ theg pa chen po'i rigs rkyen gyis sad pa/ bsam pa byang chub kyi sems gnyis bskyed pa/ sbyor ba byang chub kyi spyod pa rlabs po che la spyod nus pa'i blo che ba gzhir byas/ dbang po brtul rnon shin tu rnon po'i rim pa gsum du yod pa las dbang po brtul po ni shes rab kyi pha rol tu phyin pa la mos shing bzod pa yod du zin kyang sbyin sogs dng po lnga la sbyod pa na sher phyin gyis zin par spyod mi nus pa ste/ 'di la byang chub sems dpa' las dang po ba yang zer ro/
/dbang po rnon po ni sbyin sogs sher phyin gyis zin par spyod pa'o/
/shin tu rnon po ni sbyin sogs sher phin khyad par can so so rang rig gi mngon sum (aa: 248 ba) gyis ngo bo nyid du in par spyodnus pa'o/
/gnyis pa ni/ sems bskyed nas/ /sbyor ba pha rol phyin pa drug la bslab/ /de yang ngo bo mtshan nyid nges tshig dang/ /dbye bsdu yang dag gtso khyad slob pa'i tshul/ /'bras bu drang nges rim pas shes par bya/ /dbang po rim pa gsum kas thun mong du bslab par bya ba'i gnas ni byang chub tu sems bskyed de byang chub kyi spyod pa la bslab pa yin la/ de'ng gtso bor sbyor ba pha rol tu phyin pa drug la bslab par bya ste/ 'di dag gi don 'ga' zhig byang sdom skabs su smos zin kyang/ 'dir yang mdo tsam smos na/ dang po ngo bo ni/ rin chen phreng ba las/ sbyin pa rang nor yongs gtong ba/ /tshul khrims
Sheja Dzo Chapter 6.3 volume 2 (page 493)
gzhan la phan byed pa'o/
/bjod pa khro ba spangs pa ste/ /brtson 'grus dge ba yongs 'dzin pa'o/
/bsam gtan rtse gcig nyon mongs med/ /shes rab bden don gtan la 'bebs/ /zhes so/
/gnyis pa mtshan nyid ni/ ser sna sogs rang rang gi mi mthun phyogs nyams pa/ 'khor gsum rnam par mi rtog pa'i ye shes ngang ldan pa/ spyod pas gzhan don rdzogs pa/ re res kyang sems can gyi rgyud smin pas mtshan nyid bzhi dang ldan pa ste/ rgyun las/ sbyin pa mi mthun phyogs nyams dang/ /rnam par mi rtog ye shes ldan/ /'dod pa thams cad yongs rdzogs byed/ /sems can rnam smin byed rnam gsum/ /zhes sogs gsungs pa ltar ro/
/gsum pa nges tshig ni/ de nyid las/ dbul ba 'dor ba rbya ba dang/ /bsil ba thob dang khro bzod dang/ /mchog sbyor ba dang yid 'dzin dang/ /don dam shes pa'i phyir bshad do/
/zhes 'byung ba ltar/ dbul ba 'dor ba sbyin pa'i (aa: 249 na) nges tshig tu bzhag pa la sbyin pa'i skad dod daa na ste/ daa ni daa ri draa'i sgra las dbul ba sogs la 'jug na ni sel ba'i dgag tshig ste dbul ba sel zhing 'dor bas sbyin pa la 'jug pa ltar kun la shes par bya'o/
/bzhi pa dbye bsdu gnyis las/ dbye ba ni byang sdom skabs su smos pa ltar rtsa ba'i dbye ba bco brgyad po re re la'ng sems can gyi don du byed pa dang/ sems can la mi gnod apr byed pa dang/ bya dka'i sdug bsngal bzod par byed pa dang/ bya ba gzhan gyis bar ma chod par byed pa dang/ sems ma yengs par byed pa dang/ thams cad stong pa dang sgyur ma lta bur shes par byed pa ste drug drug dang ldan pas brgya rtsa brgyad dam/ yang na/ mngon rtogs rgyan las/ sbyin pa la sogs rnam drug la/ /de dag so sor bsdus pa yis/ /go
Sheja Dzo Chapter 6.3 volume 2 (page 494)
cha'i sgrub pa gang yin de/ drug tshan drug gis ji bzhin bshad/ /ces pa ltar/ sbyin pa'i sbyin pa/ sbyin pa'i tshul khrims sogs drug po re re yang drug drug dang ldan pas sum cu rtsa drug tu'ng dbyer yod do/
/bsdu ba ni/ rgyan las/ sbyin dang tshul khrims bsod nams kyi/ /tshogs yin shes rab ye shes kyi/ gsum po gzhan ni gnyis ka'i ste/ /lnga char yang ni ye shes tshogs/ /zhes gsungs pa ltar tshogs gnyis sam/ shes rab kyis zin na lnga ga'ng ye shes kyi tshogs su 'gyur ro/
/yang na dang po lnga thabs dang/ drug pa shes rab ste thabs shes gnyis su'ng 'du ba yin no/
/lnga pa ni/ lan dang rnam smin la mi re bas sbyin pa yang dag par 'gyur ba sogs te/ rgyan las/ re ba med pa'i sbyin pa dang/ /yang srid mi 'dod tshul khrims dang/ /thams cad la ni bzod pa dnag/ /(aa: 249 ba) yon tan kun 'byung brtson 'grus dang/ /de bzhin bsam gtan gzugs med min/ shes rab thabs dang ldan pa ni/ /pha rol phyin pa drug po la/ /brtan pa rnams kyis yang dag sbyor/ /zhes so/
/drug pa gtso bo ni/ sbyin pa'i nang nas dam pa'i chos kyi sbyin pa gtso bor gyur pa sogs shes par bya ste/ de nyid las/ chos sbyin tshul khrims dag pa dang/ /mi skye bzod pa thob nyid dang/ /theg chen brtson 'grus rtsom pa dang/ /mtha' la snying rje ldan gnas dang/ /shes rab blo ldan rnams kyis ni/ pha rol phyin pa gtso bor 'dod/ /ces gsungs shing/ de dag kyang 'khor dang bcas pa'i dbang du na dam pa drug ldan du nyams su blang dgos te/ de'ng rten dam pa byang chub kyi sems dang ldan pa/ dngos po dam pa sbyin sott kyi dngos po phyogs re ba min par ris med pa/ ched du bya ba dam pa gzhan don du sbyor ba/ thabs dam pa 'khor gsum mi rtog pa'i shes rab kyis zin pa/
Sheja Dzo Chapter 6.3 volume 2 (page 495)
bsngo ba dam pa bla na med pa'i byang chub tu dug med pa'i bsngo bas rgyas 'debs pa/ dag pa dam pa sgrib pa gnyis kyi dngos gnyen du spyod pa rnams so/
/bdun pa khyad par la'ng gnyis/ mi mthun pa dang gnyen po'i khyad par ni/ longs spyod la chags pa sbyin pa'i mi mthun phyogs nyams pa'i skal ba can yin la/ ma chags pa gnyen po khyad par du 'gyur ba'i skal ba can sogs te/ longs spyod chags dang nyams bcas dang/ /nga rgyal nyid dang bsod nyams dang/ /ro myang b dang rnam rtog ni/ /brtan pa rnams kyi nyams pa'i rgyu/ /de dag gnyen po la gnas pa'i/ /byang chub sems dpa' rnams kyis ni/ /de las bzlog phyir khyad par gyi/ /skal can chos su shes 9aa: 250 na) par bya/ /zhes gsungs so/
/bcos ma dang yang dag pa'i khyad par yang/ sprul pa dnag ni tshul 'chos dang/ /bzhin gyi mdzes ni ston pa dang/ /de bzhin phra la 'jug pa dang/ /lus dang ngag ni zhi ba dang/ /de bzhin smra mkhas phun sum tshogs/ /de dag sgrub dang bral ba ni/ /byang chub sems dpa' rnam dag gi/ yang dag min pa nyid du bshad/ /bzlog pa rab tu sbyor rnams kyis/ /de dag yang dag nyid du bshad/ /ces gsungs pa ltar ro/
/brgyad pa slob tshul ni/ so so'i phan yon dang mi mthun phyogs kyi nyes dmigs shes pa'i sgo nas re re'ng phar phyin drug ldan du nyams su len par bya ste/ sbyin pa la mtshon na/ lus longs spyod dge rtsa bcas gtong ba sbyin pa/ de'i tshe nyan rang gi yid byed sdom pa'i tshul khrims dang/ rnam mkhyen gyi chos la mos shing bzod pa dang/ de nyid gong 'phel gyi phyir 'dun pa bskyed pa'i brtson 'grus dang/ theg dman dang ma 'dres pa'i sems rtse gcig pa'i bsam gtan dnag/ sbyin bya sbyin byed sbrin po rnams sgyur ma ltar shes pa'i shes rab ste
Sheja Dzo Chapter 6.3 volume 2 (page 496)
drug tshan tshang bar byed pa'o/
/dgu pa 'brs bu la gnas skabs su/ rin chen phreng ba las/ sbyin pas longs spyod khrims kyis bde/ /bzod pas gzugs bzang brtson pas brjid/ /bsam gtan gyis zhi blo yis grol/ /zhes gsungs pa ltar ro/
/mthar thug bsod nams kyi tshogs sangs rgyas kyi gzugs sku'i dngos rgyu dang/ ye shes kyi tshogs chos sku'i dngos rgyu dng/ brtson 'grus ni gnyis ka'i grogs su 'gyur te sku gnyis thob par byed pa'o/
/bcu pa grangs nges ni/ phar phyin drug tu nges pa ni byang chub sems dpa'i sgrub pa'i chos thams cad (aa: 250 ba) mdor bsdu na bslab pa gsum du 'dus pa'i nges pa las yin te/ rgyan las/ bslab gsum dbang du mdzad nas ni/ rgyal bas pha rol phyin pa drug /yang dag bshad de dang po gsum/ /tha ma gnyis kyis rnam pa gnyis/ /gcig ni gsum char la yang gtogs/ /zhes gsungs so/
/yang na mngon mtho dang nges legs kyi dbang du byas pa ste/ de la mngon mtho'i don du gsum ni longs spyod kyi din du sbyin pa/ lus kyi don du tshul khrims/ 'khor gyi don du bzod pa'o/
nges legs kyi gsum ni/ zhi gnas kyi don du bsam gtan/ lhag mthong gi don du shes rab/ yon tan 'phel ba'i don du brtson 'grus so/
/bcu gcig pa go rim ni/ de nyid las/ sna ma la brten phyi ma skye/ /dman dang mchog tu gnas phyir dang/ /rags pa dang ni phra ba'i phyir/ /de dag rim pas bstan pa yin/ /zhes pa ltar rgyu mtshan gsum gyis sbyin pa sogs de dag rim par bstan pa yin no/
/gsum pa dngos gzhi zhi lhag bshad pa ni/ dngos gzhi zhi gnas rtse gcig sems dang ni/ /chos rab rnam 'byed lhag mthong rim bzhin bsgom/ /
Sheja Dzo Chapter 6.3 volume 2 (page 497)
lam gyi dngos gzhir/ mdo rgyan las/ yang dag dmigs pa la brten nas/ /sems la sems ni 'jog phyir dang/ /chos rab rnam par 'byed pa'i phyir/ /zhi gnas dang ni lhag mthong yin/ /zhe gsungs pa ltar/ zhi gnas kyi ting 'dzin sems rtse gcig pa dnag/ chos rab rnam 'byed so sor rtogs pa'i shes rab kyi lhag mthong thog mar go rim bzhin bsgom/ mthar rang gi ngang gis mnyam du 'jug pa'i zhi lhag zung 'brel gyi ting nge 'dzin bsgoms pas srid zhi'i 'ching ba las grol ba mi gnas pa'i myang 'das thob par 'gyur te/ dgongs 'grel las/ skye ba po 9aa: 251 na) yis lhag mthong dang/ /zhi gnas goms par byas na ni/ gnas ngan len gyi 'ching ba dnag/ /mtshan ma'i 'ching ba las grol 'gyur/ /zhes gsungs so/
/'di dag gi rnam gzhag rgyas pa sgom rim skabs su 'byung ngo/
/gnyis pa grub mtha'i dbye ba bye brag tu bshad pa la gnyis/ ming mdor bstan/ mtshan nyid rgyas par bshad pa'o/
/dang po ni/ grub mtha' sems tsam dbu ma gnyis su gnas/ /rgyu mtshan nyid kyi theg pa de la grub mtha' rnam par rig pa smra ba sems tsam pa dang/ ngo bo nyid med par smra ba dbu ma pa gnyis su gnas so/
/gnyis pa la gnyis/ sems tsam pa dang/ dbu ma'i lugs bshad pa'o/
/dang po la gsum/ sgra don nges tshig gzhi bdun du bsdu ba rab tu dbye ba bshad pa'o/
/dang po ni/ rnam shes bden grub smra ba'i sems tsam pas/ /zhes sems las gzhan pa'i dngos po ni gang yang med la sems rnam rig tsm ni bden pa'i dngos por grub par 'dod pas sems tsam pa'm rnam rig pa ste/ brgyad stong pa las/ kye rgyal b