Togden Karma Dondam

From Rangjung Yeshe Wiki - Dharma Dictionnary
Jump to navigation Jump to search

[[Image:|frame|]] [[]]
[[]]

Short biography


Tibetan

བསྟན་པའི་ཁུར་བཞེས་པ་པོ་ཀརྨ་བཀྲ་ཤིས་ཀྱི་དབོན་པོ་རྟོགས་གོམས་ལྡན་ཅིང་འདུལ་ཁྲིམས་གཙང་བ་ཨ་བསམ་དང༌། དབོན་པོ་དབང་ཕྱུག་གཉིས་ནས་མཛད་ཀྱང་དགོན་པའི་བཅའ་སྒྲིགས་སྨིན་ཁྲིད་སོགས་ཀྱི་བརྒྱུད་པ་འཛིན་པ་དཔེ་ཝར་བླ་མ་ཀརྨ་དོན་དམ་ནི། ཀརྨ་བཀྲ་ཤིས་ཀྱི་དངོས་སློབ་སྟེ། བཀའ་གཏེར་གྱི་སྨིན་གྲོལ་ཡོངས་རྫོགས་དང༌། ཕྱག་རྫོགས་ཀྱི་ཉམས་ཁྲིད་ལ་གནད་དུ་བསྣུན་པས་སྒོམ་ཉམས་ཁྱད་པར་ཅན་འཁྲུངས་པའི་རྟོགས་ལྡན་ཀརྨ་དོན་དམ་ཞེས་གྲགས་པ་བྱུང༌། སྐུ་ཚེ་དེར་ཀུན་སྤངས་བྱ་བྲལ་ཆེན་པོའི་རྣམ་ཐར་འཆང༌། གཟིམ་སྐྱིལ་ལ་ཤིང་ལོས་རིབ་མ་མཛད་པ་རླུང་ཆེན་ནམ་བྱུང་འཐོར་བས་སློབ་ཚོགས་རྣམས་ནས་གསོ་བཞིན་བཞུགས། སྲ་བརྟན་ཅིག་ལས་དགོས་ཞུས་ཀྱང་དགོས་པ་མེད་པར་གསུངས། ནུབ་མོ་མེ་མི་གསོ་བ་དང༌། གསོལ་ཞལ་སྦུབས་ནས་བཞག་པ་སོགས་བཀའ་གདམས་པའི་རྣམ་ཐར་བཞིན་མི་རྟག་པའི་གསུང་ཁོ་ན་གསུངས། སློབ་ཚོགས་རྣམས་ལ་སྙིང་པོའི་སྒྲུབ་པ་འབའ་ཞིག་ལ་དྲིལ་དུ་བཅུག སྨིན་གྲོལ་གླིང་པའི་རྡོར་འཛིན་བློ་ལྡན་གདན་ས་འདིར་ཕེབས་པའི་མདུན་ནས་སྒྱུ་འཕྲུལ་ཞི་ཁྲོའི་ཆོག་ཁྲིད་ཀྱི་ལག་ལེན་རྣམས་སྦྱོང་བརྩོན་གནང་ཞིང་གཞན་ལ་སློབ་ཏུ་བསྩལ་བ་སོགས་སྔ་འགྱུར་བཀའ་མ་རིན་པོ་ཆེའི་སྒྲུབ་མཆོད་ཀྱི་གཞི་འཛུགས་པར་མཛད། གཞན་སེམས་མཁྱེན་པ་དང་འབྱུང་འགྱུར་གསུངས་པ་སོགས་ཤིན་ཏུ་མང༌། དམ་རྫས་ཀྱི་ཁ་བྱང་ཞིག་ཏུ་ཀརྨ་དོན་དམ་དགུང་ལོ་བརྒྱ་དང་གསུམ་བཞུགས་པའི་དབུ་ལྗོན་ཞེས་འདུག་པ་ལ་དཔྱད་ན་དགུང་གྲངས་ཤིན་ཏུ་མཐོ་བར་བཞུགས་པར་མངོན་ཞེས་རག་སྤྲུལ་རིན་པོ་ཆེས་གསུངས་སོ། །སྒྲུབ་སྡེ་མ་དྲོས་མཚོ་ཆེན་པོར། །རྣམ་པར་བསྟི་བའི་ཀླུ་དབང་ནི། །ཀརྨའི་མཚན་ཅན་ལྷ་དབང་དང༌། །དོན་དམ་ཟུང་འདི་བསྟན་པའི་རྒྱན། །ཞེས་པ་འདི་རྣམ་པ་གཉིས་གཅིག་ཏུ་བགྲངས་པའི་གདན་རབས་ལྔ་པའོ།། །། From A Garland of Immortal Wish-fulfilling Trees

Literary Works


Main Teachers

Main Students


Main Lineages

Alternate Names & Spellings

Other Resources

Internal Links

External Links

  • [ The TBRC Link]