Nyidak Lama Kalzang Wangden
ཉི་གྲགས་བླ་མ་སྐལ་བཟང་དབང་ལྡན།
nyi grags bla ma skal bzang dbang ldan
Short biography[edit]
- (1673-1757)
གཏེར་ཆེན་ཉི་གྲགས་དང་རྫོགས་ཆེན་གཉིས་པའི་ཞལ་སློབ་ཉི་གྲགས་བླ་མ་སྐལ་བཟང་དབང་ལྡན་ནི། རབ་ བྱུང་བཅུ་གཅིག་པའི་ཆུ་གླང་ལོར་སོག་རོང་དུ་ལྷ་གདོང་ཞེས་པའི་རིགས་སུ་སྐུ་འཁྲུངས། ཆུང་དུས་ནས་རབ་ཏུ་བྱུང་ སྟེ་སོག་འཕེལ་རྒྱས་གླིང་ཞེས་པའི་ཆོས་སྡེར་ཚོགས་ཞུགས་མཛད། སྐུ་ན་སྨིན་ནས་འབྲས་སྤུངས་སོགས་སུ་གྲྭ་སར་ ཕེབས་ནས་ཐོས་བསམ་གྱི་སྒྲོ་འདོགས་བཅད། རྡོ་རྗེ་བྲག་དང་སྨིན་གླིང་སོགས་ཀྱི་རྙིང་མའི་བཤེས་གཉེན་དུ་མ་ལས་ སྔ་འགྱུར་ཕྱོགས་ཀྱི་སྨིན་ཁྲིད་ཀྱང་གསན། ཁྱད་པར་སྔོན་སྨོན་གྱིས་ཐུགས་རྒྱུད་བསྐུལ་ནས་གཏེར་ཆེན་ཉི་མ་གྲགས་ པ་སེ་ར་བཀྲ་ཤིས་སྟེང་དུ་བཞུགས་པ་དང་མཇལ་ནས་མཉེས་པ་གསུམ་གྱིས་བླ་མར་བསྟེན། གཏེར་ཆེན་རིན་པོ་ཆེས་ ཀྱང་གཏེར་ལུང་གིས་ཟིན་པའི་ཆོས་བདག་ཏུ་ངོས་བཟུང་ནས་གཏེར་གསར་གྱི་དབང་ལུང་ཁྲིད་གསུམ་ཡོངས་རྫོགས་ དགྱེས་བཞིན་བསྩལ་བ་དང༌། ཕྱག་རྫོགས་རླུང་ཁྲིད་དང་བཅས་པའི་གདམས་པ་ཐམས་ཅད་ལ་མཐའ་རྒྱ་ཆོད་ངེས་ ཀྱི་ཟབ་ཁྲིད་མཛད། ཁྲོ་ཕུར་རི་ཁྲོད་བཏབ་ནས་ཉམས་བཞེས་བསྐྱངས་པས་རིག་པ་ཚད་ཕེབས་ཀྱི་ས་ལ་གཤེགས། རྗེ་འདི་དགུང་ལོ་བརྒྱད་ཅུ་རྩ་ལྔ་བར་བཞུགས་པས་ཟབ་ཆོས་གདམས་ཁྲིད་ཀྱི་ཆོས་འཁོར་བསྐོར་བ་བསམ་གྱིས་མིཁྱབ་ ཅིང༌། ཁྱད་པར་གྲུབ་དབང་གཉིས་པ་འགྱུར་མེད་ཐེག་མཆོག་བསྟན་འཛིན་དང་ཕན་ཚུན་བླ་སློབ་ཏུ་གྱུར་ཞིང༌། ཉི་སྤྲུལ་གཉིས་པ་ཐེག་མཆོག་བསྟན་པའི་རྒྱལ་མཚན། རིག་འཛིན་ཆེན་པོ་དཔའ་བོ་ལས་རབ་རྩལ་སོགས་བསྟན་ འཛིན་ཆེན་པོ་དག་ལ་མན་ངག་གི་བརྒྱུད་པ་སྤེལ་བར་བཤད་མཛད། རང་ལུགས་བླ་མ་ཡང་ཏིག་གི་གསོལ་འདེབས་ བདུད་རྩིའི་སྤྲིན་ཚོགས་སུ། བཤེས་གཉེན་ཆེན་པོ་སྐལ་བཟང་མཚན་ཅན་ལ། །གསོལ་བ་འདེབས་སོ་ཐུགས་རྗེའི་ སྤྱན་གྱིས་གཟིགས། །ཞེས་པ་རྗེ་འདི་ཉིད་དུ་ངེས་ཤིང༌། ཕྱག་འཚལ་བྱིན་རླབས་སྤྲིན་ཚོགས་སུ། ཡོངས་འཛིན་དུ་ མའི་ཞབས་པད་བསྟེན། །ཤེས་རབ་གསུམ་གྱིས་ཉམས་སུ་བླངས། །ཐར་ལམ་སྟོན་པའི་དེད་དཔོན་པ། །དབང་རྒྱལ་ རྒྱ་མཚོ་ལ་ཕྱག་འཚལ། །ཞེས་འབྱུང་བ་ཆོས་འབྱུང་ལོ་རྒྱུས་དག་ན་འདི་ཡིན་སྙམ་པ་མ་བྱུང་བས་རྗེ་འདི་ཉིད་ཀྱི་ མཚན་ཅུང་འགྲིགས་པ་མིན་ནམ་སྙམ་ཡང་ད་དུང་བརྟག་པར་འཚལ་ལོ། །གཞན་ཡང་ཉམས་ལེན་འདོད་པའི་རྣམ་ འབྱོར་ཀུན་ལ་སྒོམ་ཁྲིད་དང༌། སྐྱེ་བོ་ཕོ་མོ་རྣམས་ལའང་བསྙེན་གནས་བསྙུང་གནས་ཟུང་དུ་འཇུག་པ་སོགས་རྣམ་ དཀར་གྱི་དགེ་བསྐུལ་ཁོ་ན་མཛད། སྐུ་རྫས་དངོས་པོ་ཕྲ་མོ་ཙམ་ཡང་གནས་མིན་དུ་ཟགས་སུ་མི་འཇུག་ཅིང་གསོལ་ རས་གནང་བ་ལ་ཡང་དེར་བསྟུན་པའི་ཁ་ཏོན་ཕྱག་སྐོར་བྱེད་དུ་འཇུག་པ་སོགས་རྒྱུ་འབྲས་ལ་ཆེས་ཞིབ་ཆ་མཛད། དེལྟར་འ གྲོ་དོན་མཐར་ཕྱིན་པའི་ངང་དགུང་གྲངས་བརྒྱད་ཅུ་གྱ་ལྔ་བཞེས་པ་རབ་བྱུང་བཅུ་གསུམ་པའི་མེ་གླང་ལོར་སྐུ་ གཤེགས་སོ། །
Literary Works[edit]
Main Teachers[edit]
- Garwang Drodul Lingpa
- Jebon Pema Kundrol Namgyal[1][2]
- Dzogchen Ponlop Namkha Osel
- Dzogchen Rinpoche Pema Rigdzin
Main Students[edit]
- Gyalse Orgyen Tendzin
- Dzogchen Rinpoche Gurme Thekchog Tenzin
- Nyima Drakpa Pema Thekchok Tenpe Gyaltsen