Prajnaparamita in Eight Thousand Verses Tibetan Translation Chapter 10

From Rangjung Yeshe Wiki - Dharma Dictionnary
Revision as of 21:06, 10 January 2006 by Kent Sandvik (talk | contribs) (Tenth chapter)
(diff) ← Older revision | Latest revision (diff) | Newer revision → (diff)
Jump to navigationJump to search

//shes rab kyi pha rol tu phyin ba brgyad stong pa/ bam po bcu pa/ de nas lha rnams kyi dbang po brgya byin 'di snyam du sems te/ shes rab kyi pha rol tu phyin pa 'di rigs kyi bu'am rigs kyi bu mo gang dag gi rna lam du snang bar 'gyur ba yang sngon gyi rgyal ba la lhag par bya ba byas par 'gyur ba dang sangs rgyas mang po la dge ba'i rtsa ba bskrun pa dang / dge ba'i bshes

gnyen gyis yongs su zin par 'gyur ba yin na gang dag shes rab kyi pha rol tu phyin pa 'di ltar zab pa 'di 'dzin par 'gyur 'chang bar 'gyur klog par 'gyur kun chub par byed par 'gyur rab tu 'don par 'gyur ston par 'gyur nye bar ston par 'gyur lung 'bogs par 'gyur kha ton byed par

'gyur zhing bzung ba dang bcangs pa dang klags pa dang kun chub pa dang rab tu ston pa dang / bstan pa dang nye bar bstan pa dang lung 'bogs pa dang kha ton byas nas de bzhin nyid du slob pa dang de bzhin nyid du sgrub pa dang de bzhin nyid du rnal 'byor du byed par 'gyur ba lta ci smos te/ de dag ni

dge ba'i rtsa ba ngan ngon tsam dang ldan par mi 'gyur te/ rigs kyi bu dang rigs kyi bu mo de dag ni sangs rgyas mang po la bsnyen bkur byas par 'gyur ro/ /gang dag da ltar yang shes rab kyi pha rol tu phyin pa 'di nyan par 'gyur ? zhing mnyan nas kyang 'dzin bar 'gyur 'chang bar 'gyur klog par

'gyur kun chub par byed par 'gyur rab tu 'don bar 'gyur/ ston par 'gyur nye par ston par 'gyur lung 'bogs par 'gyur kha ton byed par 'gyur de bzhin nyid du slob par 'gyur de bzhin nyid du sgrub par 'gyur de bzhin nyid du rnal 'byor du byed par 'gyur pa'i rigs kyi bu'am rigs kyi

@116b bu mo de dag gis ni sngon gyi de bzhin gshegs pa dgra bcom pa yang dag par rdzogs pa'i sangs rgyas rnams kyi thad nas kyang shes rab kyi pha rol tu phyin pa 'di thos nas sangs rgyas bcom ldan 'das rnams la shes rab kyi pha rol tu phyin pa 'di yongs su zhus shing yongs su dris par byas pa

yin no/ /gang dag shes rab kyi pha rol tu phyin pa 'di ltar zab pa 'di bshad pa dang bstan pa dang nya bar bstan pa la 'gong bar mi 'gyur kun tu zhum par mi 'gyur bag tsha bar mi 'gyur bag 'khums par mi 'gyur yid phyir phyogs par mi 'gyur bcom zhing phyir phyogs par mi 'gyur mi dang nga?

kun tu mi skag kun tu skrag pa dang ldan par mi 'gyur ba'i rigs kyi bu dang rigs kyi bu mo de dag ni sangs rgyas mang po la dge ba'i rtsa ba bskrun par rig par bya'o/ /de nas tshe dang ldan pa sh'a ri'i bus lha rnams kyi dbang po brgya byin gyi 'di lta bu'i sems kyi rtog pa sems kyis shes nas bcom

ldan 'das la 'di skad ces gsol to/ /bcom ldan 'das rigs kyi bu'am rigs kyi bu mo gang shes rab kyi pha rol tu phyin pa zab mo 'di nyid 'chad pa dang ston pa dang nye bar ston ba la/ mngon par dad de rtog cing mos la sems dang bas byang chub tu sems bskyed de shes rab

kyi pha rol tu phyin pa 'di 'dzin pa dang bchang ba dang klog pa dang kun chub par bgyid pa dang rab tu 'don sa dang ston pa dang nye bar ston pa dang lung 'bogs pa dang kha ton bgyid pa dang de bzhin nyid du slob pa dang de bzhin nyid du sgrub pa dang de bzhin nyid du rnal 'byor du bgyid bar 'gyur ba de ni

phyir mi ldog pa'i byang chub sems dpa' sems dpa' chen po ci lta ba de bzhin du gzung bar bgyi'o/ /de ci'i slad du zhe na/ bcom ldan 'das shes rab kyi pha rol tu phyin pa 'di ni zab ste/ bcom ldan 'das dge ba'i rtsa ba chung ba dang sangs rgyas bcom ldan 'das rnams

la mngon du mthos shing yongs su ma dris pa'i rang bzhin can du gyur pa dang sngon spyad pa dang ma ldan ba rnams kyis ni 'di ltar zab pa'i shes rab kyi pha rol tu phyin pa 'di la mos par mi nus so/ /bcom ldan 'das yang gang dag 'di la mi mos shing ma rtogs pas spong bar sems ba'i

@117a */ /rigs kyi bu dang rigs kyi bu mo de dag gis ni sngon gyi mthar yang 'di ltar zab pa'i shes rab kyi pha rol tu phyin pa 'di nyid bshad pa na spangs par gyur to/ /de ci'i slad du zhe na/ bcom ldan 'das 'di ltar dge ba'i rtsa ba chung ba'i slad du sngon gyi mthar spyad pas shes

rab kyi pha rol tu phyin pa zab mo 'di la ci ltar yang mos par mi nus so/ /gang dag shes rab kyi pha rol tu phyin pa zab mo 'di 'chad pan spong bar 'gyur ba de dag kyang de bzhin du rig par bgyi ste/ de dag gis sngon gyi mthar yang shes rab kyi pha rol tu phyin pa zab mo 'di nyid bshad pa na

spangs pa lags te 'di ltar de dag gis shes rab kyi pha rol tu phyin pa zab mo 'di bshad pa la dad pa ma mchis bzod pa ma mchis sred pa ma mchis 'dun pa ma mchis brtson 'grus ma mchis dang ba ma mchis mos pa ma mchis so/ /de dag gis ni sdon gyi sangs rgyas bcom ldan 'das rnams

dang sangs rgyas kyi nyan thos rnams la yongs su ma dris te yongs su dri ba ma bgyis so/ /de nas lha rnams kyi dbang po brgya byin gyis tshe dang ldan pa sh'a ri'i bu la 'di skad ces smras so/ /'phags pa sh'a ri'i bu shes rab kyi pha rol tu phyin pa ni zab pa ste/ byang chub sems dpa'

sems dpa' chen po sngon ma spyad pa dag shes rab kyi pha rol tu phyin pa zab mo 'di bshad pa la mos par mi 'gyur pa de la ngo mtshar ci zhig yod/ de nas bcom ldan 'das la lha rnams kyi dbang po brgya byin gyis 'di skad ces gsol to/ /bcom ldan 'das shes rab kyi pha rol tu phyin pa la

phyag 'tshal lo/ /bcom ldan 'das gang shes rab kyi pha rol tu phyin pa la phyag 'tshal ba de ni thams cad mkhyen pa'i ye shes la phyag 'tshal ba lags so/ /bcom ldan 'das kyis bka' stsal pa/ kO shi ka de de bzhin no de de bzhin te/ kO shi ka gang shes rab kyi pha rol tu

phyin pa la phyag 'tshal ba de ni thams cad mkhyen pa'i ye shes la phyag 'tshal ba yin no/ /de ci'i phyir zhe na/ kO shi ka sangs rgyas bcom ldan 'das rnams kyi thams cad mkhyen pa nyid ni 'di las skyes te/ kO shi ka thams cad mkhyen pa nyid kyi ye shes las skyes pas kyang shes rab

@117b kyi pha rol tu phyin pa rab tu phye ba yin no/ /de ltar shes rab kyi pha rol tu phyin pa 'di la spyad par bya/ de ltar shes rab kyi pha rol tu phyin pa 'di la gnas par bya/ de ltar shes rab kyi pha rol tu phyin pa 'di la rnal 'byor du bya'o/ /de nas bcom ldan 'das la lha rnams

kyi dbang po brgya byin gyis 'di skad ces gsol to/ /bcom ldan 'das ci ltar na byang chub sems dpa' sems dpa' chen po shes rab kyi pha rol tu phyin pa la sbyod pa na shes rab kyi pha rol tu phyin pa la gnas pa lags/ ci ltar shes rab kyi pha rol tu phyin pa la spyod pa na shes rab

kyi pha rol tu phyin pa la rnal 'byor du bgyid/ de skad ces gsol ba dang / bcom ldan 'das kyis lha rnams kyi dbang po brgya byin la 'di skad ces bka' stsal to/ /kO shi ka legs so legs so/ /kO shi ka gang khyod de bzhin gshegs pa dgra bcom pa yang dag par

rdzogs pa'i sangs rgyas la don 'di yongs su 'dri bar bya ba dang yongs su dri bar byed par sems pa ni yang khyod legs so/ /kO shi ka khyod kyi sbobs pa 'di yang sangs rgyas kyi mthus skyes pa yin no/ /kO shi ka byang chub sems dpa' sems dpa' chen po shes rab kyi pha

rol tu phyin pa 'di la spyod pa na/ gzugs la mi gnas gzugs so zhes mi gnas te kO shi ka 'di ltar byang chub sems dpa' sems dpa' chen po gzugs la mi gnas gzugs so zhes mi gnas pa de ltar na kO shi ka byang chub sems dpa' sems dpa' chen po gzugs la

rnal 'byor du byed pa yin no/ /de bzhin du tshor ba dang 'du shes dang 'du byed rnams dang rnam par shes pa la mi gnas rnam par shes pa'o zhes mi gnas te/ kO shi ka 'di ltar byang chub sems dpa' sems dpa' chen po rnam par shes pa la mi gnas rnam par shes pa'o zhes mi

gnas pa de ltar na kO shi ka byang chub sems dpa' sems dpa' chen po rnam par shes pa la rnal 'byor du byed pa yin no/ /kO shi ka gzugs so zhes mi sbyor te/ kO shi ka 'di ltar gzugs so zhes mi sbyor ba de ltar na gzugs so zhes mi gnas pa yin no/ /kO shi ka de bzhin

@118a */ /du tshor ba dang 'du shas dang 'du byed rnams dang rnam par shes pa'o zhes mi sbyor te/ kO shi ka 'di ltar rnam par shes pa'o zhes mi sbyor ba de ltar na rnam par shes pa'o zhes mi gnas pa yin te/ shes rab kyi pha rol tu phyin pa la de ltar gnas shing de ltar rnal

'byor du byed par 'gyur ro/ /de nas bcom ldan 'das la tshe dang ldan pa sh'a ri'i bus 'di skad ces gsol to/ /bcom ldan 'das shes rab kyi pha rol tu phyin pa ni zab pa'o/ /bcom ldan 'das shes rab kyi pha rol tu phyin pa ni gting dpag dka' ba'o/ /bcom ldan

'das shes rab kyi pha rol tu phyin pa ni gzung bar dka' ba'o/ /bcom ldan 'das shes rab kyi pha rol tu phyin pa ni tshad ma mchis pa'o/ /bcom ldan 'das kyis bka' stsal pa/ sh'a ri'i bu de de bzhin no de de bzhin te sh'a ri'i bu gzugs zab po snyam du mi gnas te/ sh'a ri'i

bu 'di ltar gzugs zab bo snyam du mi gnas pa de ltar na gzugs la rnal 'byor du byed pa yin no/ /de bzhin du tshor ba dang 'du shes dang 'du byed rnams dang / sh'a ri'i bu rnam par shes pa zab bo snyam du mi gnas te/ sh'a ri'i bu 'di ltar rnam par shes pa zab bo snyam du mi

gnas pa de ltar na rnam par shes pa la rnal 'byor du byed pa yin no/ /sh'a ri'i bu gzugs zab po snyam du rnal 'byor du mi byed de/ sh'a ri'i bu 'di ltar gzugs zab bo snyam du rnal 'byor du mi byed pa de ltar na gzugs zab po snyam du mi gnas pa yin no/ /de bzhin du tshor ba dang 'du

shes dang 'du byed rnams dang / sh'a ri'i bu rnam par shes pa zab bo snyam du rnal 'byor du mi byed de/ sh'a ri'i bu 'di ltar rnam par shes pa zab bo snyam du rnal 'byor du mi byed pa de ltar na rnam par shes pa zab po snyam du mi gnas pa yin no/ /de skad ces bka' stsal pa dang / bcom ldan

'das la tshe dang ldan pa sh'a ri'i bus 'di skad ces gsol to/ bcom ldan 'das shes rab kyi pha rol tu phyin pa ni zab ste/ byang chub sems dpa' sems dpa' chen po phyir mi ldog par lung bstan pa rnams kyi mdun du bshad par bgyi ba lags so/ /de ci'i slad du zhe na/

@118b bcom ldan 'das de ni nem nur mi bgyid the tshom 'tshal bar mi 'gyur rmongs par mi 'gyur rtsod par mi 'gyur ro/ /de nas tshe dang ldan pa sh'a ri'i bu la lha rnams kyi dbang po brgya byin gyis 'di skad ces smras so/ /'phags pha sh'a ri'i bu yang gal te byang chub sems dpa' sems dpa' chen

po lung ma bstan pa'i mdun du shes rab kyi pha rol tu phyin pa 'di bshad na nyes bcir 'gyur/ de skad ces smras pa dang / tshe dang ldan pa sh'a ri'i bus lha rnams kyi dbang po brgya byin la 'di skad ces smras so/ /kO shi ka byang chub sems dpa' sems dpa' chen po lung ma bstan pa

gang shes rab kyi pha rol tu phyin pa zab mo 'di lta ba dang phyag bya ba dang bsnyen bkur bya ba dang mnyan pa thob par gyur la/ thos nas kyang dang nga bar mi 'gyur kun tu skrag par mi 'gyur kun tu skrag pa dang ldan par mi 'gyur ba'i byang chub sems dpa' sems dpa' chen po de ni kO shi ka

rgyang ring po nas 'ongs par rig par bya ste/ yun ring po nas thig pa la yang dag par zhugs pa dge ba'i rtsa ba yongs su smin pa yin par rig par bya'o/ /'di ni da ring po mi thogs par bla na med pa yang dag par rdzogs pa'i byang chub tu lung bstan pa thob par 'gyur te/ de ni lung

bstan pa la bsnyen pa yin par rig par bya'o/ /byang chub sems dpa' sems dpa' chen po de ni de bzhin gshegs pa dgra bcom pa yang dag par rdzogs pa'i sangs rgyas gcig gam gnyis sam gsum las mi 'da' ste/ de nas bla na med pa yang dag par rdzogs pa'i byang chub tu

lung bstan pa thob par 'gyur ro/ /'on kyang de bzhin gshegs pa dgra bcom pa yang dag par rdzogs ba'i sangs rgyas de rnams mnyes par byed par 'gyur te/ mnyes par byas nas kyang thugs byung bar byed par mi 'gyur ro/ /de bzhin gshegs pa mthong pa yang lung bstan bas

'bras bu yod par byad par 'gyur ro/ /de bzhin gshegs pa mthong ba de las kyang bla na med pa yang dag par rdzogs pa'i byang chub tu lung bstan pa thob par 'gyur ro/ /ji srid du bla na med pa yang dag par rdzogs pa'i byang chub tu lung bstan pa thob par gyur pa de srid du de bzhin

@119a */ /gshegs pa blta ba dang phyag bya ba dang bsnyen bkur bya ba dang rim gro bya ba nas bla na med pa yang dag par rdzogs pa'i byang chub tu mngon par rdzogs par sangs rgyas pa'i bar gyis 'bras bu yod par byed bar 'gyur ro/ /de nas bcom ldan 'das la tshe dang ldan ba sh'a

ri'i bus 'di skad ces gsol to/ /bcom ldan 'das byang chub sems dpa' sems dpa' chen po gang shes rab kyi pha rol tu phyin pa zab mo 'di blta ba dang phyag bya ba dang bsnyen bkur bya ba dang mnyan pa thob par gyur pa'i byang chub sems dpa' sems dpa' chen po de ni/

bcom ldan 'das rgyang ring po nas mchis ba lags te yun ring po nas theg pa la yang dag par zhugs pa dge ba'i rtsa ba yongs su smin pa lags par 'tshal bar bgyi na/ gang 'di thos nas kyang 'dzin pa dang 'chang ba dang klog pa dang kun chub par byed pa dang / rab tu 'don pa

dang ston pa dang nye bar ston pa dang lung 'bogs pa dang kha ton byed bar 'gyur ba rnams lta smos kyang ci 'tshal/ de nas bcom ldan 'das kyis tshe dang ldan ba sh'a ri'i bu la 'di skad ces bka' stsal to/ /sh'a ri'i bu de de bzhin no de de bzhin te sh'a ri'i bu byang chub sems dpa' sems

dpa' chen po gang shes rab kyi pha rol tu phyin pa zab mo 'di blta ba dang phyag bya pa dang bsnyen bkur bya ba dang mnyan ba thob par gyur pa'i byang chub sems dpa' sems dpa' chen po de ni sh'a ri'i bu rgyang ring po nas 'ongs pa yin te/ yun ring po nas theg pa la yang dag par zhugs pa dge

ba'i rtsa ba yongs su smin pa yin par rig par bya na/ gang 'di thos nas kyang 'dzin pa dang 'chang ba dang klog pa dang kun chub par byed pa dang rab tu 'don pa dang ston pa dang nye bar ston pa dang lung 'phogs pa dang kha ton byed par 'gyur blta smos kyang ci dgos/ de nas bcom

ldan 'das la tshe dang ldan pa sh'a ri'i bus 'di skad ces gsol to/ /bcom ldan 'das dper gsol bar bdag spobs so bde bar gshegs pa bdag spobs so/ /bcom ldan 'das 'di lta ste dper na/ rigs kyi bu'am rigs kyi bu mo byang chub sems dpa'i theg

@119b ba can gang zhig gi rmi lam du yang byang chub kyi snying po la 'dug pa rmi na/ bcom ldan 'das byang chub sems dpa' sems dpa' chen po de ni mngon par rdzogs bar byang chub bar bgyi ba'i slad du bla na med pa yang dag par rdzogs pa'i byang chub tu bsnyen pa lags so/ /bcom

ldan 'das de bzhin du rigs kyi bu'am rigs kyi bu mo gang shes rab kyi pha rol tu phyin pa zab mo 'di blta ba dang / phyag bgyi ba dang bsnyen bkur bgyi ba dang mnyan pa thob par gyur na/ bcom ldan 'das byang chub sems dpa'i theg pa pa'i gang zag de ni rgyang ring po nas mchis pa lags te/

yun ring po nas theg pa la yang dag par zhugs pa dge ba'i rtsa ba yongs su smin pa lags na/ thos nas kyang gzung ba dang bcang ba dang klag pa dang kun chub par bgyi ba dang rab tu 'don pa dang ston pa dang nye bar ston pa dang lung 'bogs pa dang kha ton du bgyid pa lta smos kyang ci 'tshal te/

byang chub sems dpa'i theg pa pa'i gang zag de ni lung bstan pa dang bsnyen pa lags shing/ byang chub sems dpa' sems dpa' chen po de ni sangs rgyas bcom ldan 'das kyis bla na med pa yang dag par rdzogs pa'i byang chub tu mngon par rdzogs par byang chub par bgyid pa'i slad du lung bstan

par 'gyur par rig par bgyi'o/ /gang shes rab kyi pha rol tu phyin pa zab mo 'di than mnyan pa yang rnyed par 'gyur ba'i byang chub sems dpa' sems dpa' chen po de ni yun ring po nas theg pa la yang dag par zhugs pa dge ba'i rtsa ba yongs su smin pa lags par rig par bgyi na/ bcom

ldan 'das rigs kyi bu'am rigs kyi bu mo gang shes rab kyi pha rol tu phyin pa zab mo 'di 'dzin pa dang 'chang ba dang klog pa dang kun chub par bgyid pa dang rab tu 'don pa dang nye bar ston pa dang lung 'bogs pa dang kha ton du bgyid par 'gyur ba lta smos kyang ci 'tshal/ de ci'i slad du

zhe na/ bcom ldan 'das sems can chos kyis phongs par 'gyur ba dang mthun pa'i las bsags pa dang phal cher ma bral ba de dag gi sems phal cher ni shes rab kyi pha rol tu phyin pa zab mo 'di la mi mthun par 'gyur zhing sems ldog par 'gyur ro/ /sems can dge ba'i rtsa ba ma

@120a */ /bsags pa ni phal cher yang dag pa'i mtha' 'di la rab tu mi 'jug cing rab tu dad par mi 'gyur te/ gang dag yang dag pa'i mtha' 'di la rab tu 'jug cing rab tu dad par 'gyur ba'i rigs kyi bu dang rigs kyi bu mo de dag ni dge ba'i rtsa ba bsags pa lags te

bcom ldan 'das de dag ni dge ba'i rtsa ba shin tu bsags par rig par bgyi'o/ /bcom ldan 'das 'di lta ste dper na skyes bu zhig 'bog dgon pa dpag tshad brgya pa'am dpag tshad nyis brgya pa'am dpag tshad sum brgya pa 'am dpag tshad bzhi brgya pa'am dpag tshad lnga brgya

pa'am dpag tshad brgya phrag bcu pa'i 'brog dgon pa nas byung ste des byung ba dang mtshan ma gang gis grong ngam grong khyar ram grong rdal mchis par mngon pa'i mtshan ma sngar gda' ba ba lang rdzi 'am phyags rdzi'am mtshams sam kun dga' ra ba phun sum tshogs pa'am tshal phun sum tshogs

pa'am de ma lags pa'i mtshan ma gzhan dag kyang rung ste/ des sngar mtshan ma de dag mthong ba dang / 'di snyam du 'di ltar sngar gyi mtshan ma 'di dag snang bas/ de ltar grong ngam grong khyer ram grong rdal du nye bar gyur to snyam nas de ni dbugs phyin pa rnyed pa lags te/ del

slan chad chom po yid la bgyid ba ma mchis ba lags so/ /bcom ldan 'das de bzhin du byang chub sems dpa' sems dpa' chen po gang zhig shes rab kyi pha rol tu phyin pa zab mo 'di la nye bar gnas na bcom ldan 'das byang chub sems dpa' sems dpa' chen po 'di ni bla na med pa

yang dag par rdzogs pa'i byang chub tu bsnyen pa lags te/ byang chub sems dpa' sems dpa' chen po 'di ni ring bo mi thogs par bla na med pa yang dag par rdzogs pa'i byang chub tu lung bstan pa thob par rig bar bgyi'o/ /de yang nyan thos kyi s'am rang sangs rgyas kyi sa la ska

par mi 'gyur 'jigs par mi 'gyur ro/ /de ci'i slad du zhe na/ 'di ltar des sngar gyi mtshan ma 'di dag mthong ste/ 'di lta ste shes rab kyi pha rol tu phyin pa zab mo 'di blta ba dang phyag bgyi ba dang bsnyen bkur bgyi ba dang mnyan pa thob pa'i slad du'o/ /de skad ces gsol pa dang /

@120b bcom ldan 'das kyis tshe dang ldan ba sh'a ri'i bu la 'di skad ces bka' stsal to/ /sh'a ri'i bu de de bzhin no de de bzhin te/ sh'a ri'i bu ci ltar 'di sangs rgyas kyi mthus smra ba dang smra bar 'gyur ba de bzhin du yang gnas 'di la khyod spobs par gyis shig /de skad ces bka'

stsal pa dang / bcom ldan 'das la tshe dang ldan pa sh'a ri'i bus 'di skad ces gsol to/ /bcom ldan 'das 'di lta ste dper na 'di na skyes bu la la zhig rgya mtsho chen po lta 'tshal bar gyur te/ de rgya mtsho chen po ltar mchis pa dang ci lta ci ltar de rgya mtsho chen po lta bar

mchis pa de lta de ltar gal te des sdong po 'am sdong po'i mtshan ma'am ri 'am ri'i mtshan ma mthong na des 'di snyam du 'di nas rgya mtsho chen po ni da dung ring ngo snyam du 'tshal bar bgyi'o/ /gal te phyis sdong po'am sngod po'i mtshan ma 'am ri 'am ri'i mtshan ma ma mthong na des 'di snyam du 'di

nas ni rgya mtsho chen po dang nye'o snyam du 'tshal bar bgyi'o/ /de ci'i slad du zhe na/ rgya mtsho chen po ni rim gyis dma' ba lags pas/ rgya mtsho chen po'i nang na sdong po'am sdong po'i mtshan ma'am ri'am ri'i mtshan ma gang yang ma mchis te/ 'di ltar yang rgya mtsho chen po de mig

gis mngon sum du ma mthong ba de lta na yang rgya mtsho chen po ni bdag gis bsnyen te 'di phan chad rgya mtsho chen po mi ring ngo snyam mo/ /bcom ldan 'das de bzhin du byang chub sems dpa' sems dpa' chen pos shes rab kyi pha rol tu phyin pa zab mo 'di nyan pa na 'di snyam du rig par bgyi ste/

'di ltar yang de bzhin gshegs pa dgra bcom pa yang dag par rdzogs pa'i sangs rgyas de dag gis bdag mngon sum du ni lung ma bstan spa de lta na yang 'di ltar bla na med pa yang dag par rdzogs pa'i byang chub tu bdag lung ston pa dang bsnyen par rig par bgyi'o/ /de ci'i slad du zhe na/ de

ni 'di ltar shes rab kyi pha rol tu phyin pa zab mo 'di blta ba dang phyag bgyi ba dang bsnyen bkur bgyi ba dang mnyan pa thob pa'i slad du'o/ /bcom ldan 'das 'di lta ste dper na dpyid ka'i dus nye bar gnas pan shing sna tshogs kyi yal ga'i lo ma rnying pa rnams lhags pa las lo ma

@121a */ /sna tshogs byung ste/ lo ma rnams byung ba dang 'dzam bu'i gling gi mi rnams nags tshal dag la sngar gyi mtshan ma de dag mthong nas/ de ni me tog dang 'bras bu rnams ring po mi thogs par 'byung ngo snyam nas yid dga' bar 'gyur ro/ /de ci'i slad du zhe na/

de ni 'di ltar sdong po las mtshan ma 'di lta bu dag sngar gda' ba'i slad du'o/ /bcom ldan 'das de bzhin du gang gi tshe byang chub sems dpa' sems dpa' chen pos shes rab kyi pha rol tu phyin pa zab mo 'di blta ba dang phyag bgyi ba dang bsnyen bkur bgyi ba dang mnyan brnyed pa'i slad du nye bar

gnas na byang chub sems dpa' sems dpa' chen po de ni shes rab kyi pha rol tu phyin pa zab mo 'di la dge ba'i rtsa ba yongs su snin pa lags par rig par bgyi ste/ shes rab kyi pha rol tu phyin pa zab mo 'di ni de la sngon gyi dge ba'i rtsa ba de nyid kyis nye bar bstabs pa lags so/ /

de la gang sngon sangs rgyas mthong pa'i lha de dag ni 'di snyam du sems te/ sngon gyi byang chub sems dpa' sems dpa' chen po de dag la yang bla na med pa yang dag par rdzogs pa'i byang chub tu lung bstan pa'i mtshan ma sngar byung ba yin pas/ byang chub sems dpa' sems dpa' chen

po 'di ni bla na med pa yang dag par rdzogs pa'i byang chub tu ring po mi thogs par lung bstan pa thob par 'gyur ro snyam nas rab tu dga' bar 'gyur zhing rangs te yid mgu ba skye bar 'gyur ro/ /bcom ldan 'das 'di lta ste dper na bud med sprum ma mang la lci bar gyur pa de gang gi tshe lus bskyod na

cher snyom par 'gyur te de 'chag pa la dad cher mi 'gyur kha zas chung du 'tshal bar 'gyur rmugs pa dang gnyid chung bar 'gyur smra ba nyung bar 'gyur stobs chung bar 'gyur sdug bsngal mang bar 'gyur smre bzhin du mang du gnas bar 'gyur 'grogs pa la dad che bar mi 'gyur sngon gyi tshul bzhin ma

lags pa yid la bgyid pa bsten cing nges par bsten la bsgom la te mang du byas pas 'di lta bu'i tshor ba lus kyis myong ngo snyam pa de'i tshe bcom ldan 'das ci ltar sngar gyi mtshan ma 'di dag mthong ba de ltar bud med 'di ni ring po mi thogs par bu 'byung bar 'tshal bar bgyi'o/ /bcom ldan 'das

@121b de bzhin du byang chub sems dpa' sems dpa' chen po dge ba'i rtsa ba yongs su smin pa de/ gang gi tshe shes rab kyi pha rol tu phyin pa zab mo 'di blta pa dang phyag bgyi ba dang bsnyen bkur bgyi ba dang mnyan pa'i slad du nye bar gnas la/ nyan pa na de la dga' zhing shes rab kyi pha

rol tu phyin pa la don du gnyer ba'i sems bskyed pa de'i tshe/ bcom ldan 'das byang chub sems dpa' sems dpa' chen po 'di ni bla na med pa yang dag par rdzogs pa'i byang chub tu ring po mi thog ga par lung bstan pa thob par 'gyur bar 'tshal bar bgyi'o/ /de skad ces gsol

ba dang / bcom ldan 'das kyis tshe dang ldan pa sha' ri'i bu la 'di skad ces bka' stsal te/ /sha' ri'i bu legs so legs so/ /sha' ri'i bu 'di yang sangs rgyas kyi mthus khyod spobs par gyur to/ /de nas bcom ldan 'das la tshe dang ldan pa rab 'byor kyis 'di skad ces gsol

to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis byang chub sems dpa' sems dpa' chen po 'di dag 'di ltar legs par yongs su gzung ba dang legs par sbyangs pa dang legs par yongs su gtad pa'i par 'di ni ngo mtshar

to/ /bcom ldan 'das kyis bka' stsal pa/ rab 'byor 'di ltar byang chub sems dpa' sems dpa' chen po de dag ni skye bo mang po la phan ba dang skye ba mang po la bde ba dang 'jig rten la snying brtsi ba dang skye bo phal po che'i don dang phan pa dang bde ba'i phyir zhugs pa ste/ lha dang

mi rnams la snying brtse ba can snyeng brtse ba'i phyir/ bla na med pa yang dag par rdzogs pa'i byang chub mngon par rdzogs pa'i 'tshang rgya bar 'dod pa/ bla na med pa yang dag par rdzogs pa'i byang chub tu mngon par rdzogs par sangs rgyas nas bla na med pa'i chos ston par 'dod pa'o/ /

rab 'byor gyis gsol pa/ bcom ldan 'das byang chub sems dpa' sems dpa' chen po shes rab kyi pha rol tu phyin pa 'di la spyod pa na ci ltar shes rab kyi pha rol tu phyin ba sgom pa yongs su rdzogs par 'gyur/ bcom ldan 'das kyis bka' stsal pa/ rab 'byor gal

@122a */ /te byang chub sems dpa' sems dpa' chen po shes rab kyi pha rol tu phyin pa la spyod pas/ gzugs kyi 'phel ba yang dag par rjes su mi mthong na shes rab kyi pha rol tu phyin pa la spyod do/ /de bzhin du tshor ba'i ma yin 'du shes kyi ma yin 'du byed rnams kyi ma

yin rnam par shes pa'i 'phel ba yang dag par rjes su mi mthong na shes rab kyi pha rol tu phyin pa la spyod do/ /gzugs kyi 'grib pa yang dag par rjes su mi mthong na shes rab kyi pha rol tu phyin pa la spyod de/ de bzhin du tshor ba'i ma yin 'du shes kyi ma yin 'du byed rnams kyi

ma yin/ rnam par shes pa'i 'grib pa yang dag par rjes su mi mthong na shes rab kyi pha rol tu phyin pa la spyod do/ /chos yang dag par rjes su mi mthong na shes rab kyi pha rol tu phyin pa la spyod do/ /chos ma yin pa yang dag par rjes su mi mthong na shes rab kyi pha rol tu

phyin pa la spyod do/ /de ltar na 'di'i shes rab kyi pha rol tu phyin pa sgom pa yongs su rdzogs par 'gyur ro/ /rab 'byor gyis gsol pa/ bcom ldan 'das bstan pa 'di ni bsam gyis mi khab bo/ /bcom ldan 'das kyis bka' stsal pa/ rab 'gyor gzugs

bsam gyis mi khyab ste/ de bzhin du tshor ba dang 'du shes dang 'du byed rnams dang rab 'byor rnam par shes pa bsam gyis mi khyab bo/ /rab 'byor gzugs bsam gyis mi khyab ces bya bar yang mi shes na shes rab kyi phar rol tu phyin pa la spyod do/ /de bzhin du tshor ba dang

'du shes dang 'du byed rnams dang / rab 'byor rnam par shes ba bsam gyis mi khyab ces bya bar yang mi shes na shes rab kyi pha rol tu phyin pa la spyod do/ /de nas bcom ldan 'das la tshe dang ldan pa sha' ri 'i bus 'di skad ces gsol to/ /bcom ldan 'das shes rab kyi pha

rol tu phyin pa de ltar zab pa 'di la su zhig mos par 'gyur/ bcom ldan 'das kyis bka' stsal pa/ sha' ri'i bu byang chub sems dpa' sems dpa' chen po gang shes rab kyi pa rol tu phyin pa la spyad par gyur ba de shes rab kyi pha rol tu phyin pa 'di la mos par 'gyur ro//

@122b tshe dang ldan pa sha' ri'i bus gsol ba/ bcom ldan 'das ci ltar na byang chub sems dpa' sems dpa' chen po spyad par gyur pa lags/ bcom ldan 'das ci ltar na spyad par gyur ba zhes bgyi ba'i ming 'thob par 'gyur/ bcom ldan 'das kyis bka' stsal ba/

sha' ri'i bu 'di la byang chub sems dpa' sems dpa' chen po stobs rnams la mi rtog pa'i 'jigs pa rnams la mi rtogs sangs rgyas kyi chos rnams la mi rtog thams cad mkhyen pa nyid la yang mi rtog go /de ci'i phyir zhe na/ sha' ri'i bu stobs rnams bsam gyis mi khyab mi

'jigs pa rnams kyang bsam gyis mi khyab sangs rgyas kyi chos rnams kyang bsam gyis mi khyab thams cad mkhyen pa nyid kyang bsam gyis mi khyab chos thams cad kyang bsam gyis mi khyab ste/ sha' ri'i bu de ltar spyad par gyur pa'i byang chub sems dpa' sems dpa' chen po gnga la

yang mi spyod na shes rab kyi pha rol tu phyin pa la spyod de/ de ltar sbyad par gyur pa zhes bya zhing spyad par gyur ba zhes bya ba'i ming 'thob bo/ /de nas bcom ldan 'das la tshe dang ldan par rab 'byor gyis 'di skad ces gsol to/ /bcom ldan 'das shes rab kyi pha rol tu phyin pa

zab bo/ /bcom ldan 'das shes rab kyi pha rol tu phyin pa ni rin po che'i phung po'o/ /bcom ldan 'das nam mkha' dag pa'i slad du shes rab kyi pha rol tu phyin pa ni dag pa'i phung po'o/ /bcom ldan 'das rigs kyi bu dang rigs kyi bu mo gang dag shes rab kyi pha rol tu

phyin pa 'di 'dzin pa dang 'chang ba dang klog pa dang kun chub par bgyid pa dang rab tu 'don pa dang ston pa dang nye bar ston par dang lung 'bogs pa dang kha ton bgyid pa dang yi ger 'dri ba la bar chad bgyid pa mang po 'byung ba 'di ni ngo mtshar to/ /de skad ces gsol pa dang /

bcom ldan d'as kyis tshe dang ldan pa rab 'byor la 'di skad ces bka' stsal to/ /rab 'byor de de bzhin no de de bzhin te/ rab 'byor rigs kyi bu 'am rigs kyi bu mo gang dag shes rab kyi pha rol tu phyin pa 'di 'dzin pa dang 'chang ba dang klog pa dang kun chub par byed pa dang rab tu

@123a */ /'don pa dang ston pa dang nye bar ston pa dang lung 'bogs pa dang kha ton byed pa dang yi ge 'dri ba la bar chad byed pa mang du 'byung ngo/ /de ci'i phyir zhen/ rab 'byor de ni 'di ltar rigs kyi bu dang rigs kyi bu mo dag shes rab kyi pha rol tu phyin pa 'di 'dzin pa dang 'chang ba dang

klog pa dang kun chub par byad pa dang rab tu 'don pa dang ston pa dang nye bar ston pa dang lung 'bogs pa dang kha ton byed pa dang yi ger 'drib dag la bdud sdig can dag bar chad bya bar brtson par byed do/ /der myur du bri ste gal te zla ba 'am zla ba gnyis sam zla ba gsum gyis 'dri na yang bri bar

bya ba yin no/ /gal te lo gcig gis sam de phan chad 'dri bar 'gyur na de lta na yang rab 'byor rigs kyi bu 'am rigs kyi bu mo de dag gis shes rab kyi pha rol tu phyin pa 'di bri bar bya'o/ /de ci'i phyir zhe na/ rab 'byor de ni 'di ltar yin te rin po che chen po gang yin pa de la ni bar chad

byed pa mang du 'byung ngo/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das shes rab kyi pha rol tu phyin pa 'di 'dzin pa dang 'chang ba dang klog pa dang kun chub par bgyid pa dang rab tu 'don pa dang ston

pa dang nye bar ston pa dang lung 'bogs pa dang kha ton bgyid pa dang yi ger 'dri ba la bdud sdeg can bar chad kyi las bgyi bar sprob ba rnam pa mang po skyes nas ba rtson pa bgyid par 'gyur ro/ /bcom ldan 'das kyis bka' stsal pa/ rab 'byor 'di ltar yang shes rab kyi pha rol tu phyin pa 'di

'dzin pa dang 'chang ba dang klog pa dang kun chub par byed pa dang rab tu 'don pa dang ston pa dang nye par ston pa dang lung 'bogs pa dang kha ton byed pa dang yi ger 'dri ba la bdud sdig can bar chad kyi las bya bar brtson pa ni 'gyur mod kyi/ de ltar na yang yi dam mnyams pa'i byang chub sems

dpa' sems dpa' chen po la bar chad byed mi nus so/ /de nas bcom ldan 'das la tshe dang ldan pa sha' ri'i bus 'di skad ces gsol to/ /bcom ldan 'das gang gi tshe rigs kyi bu dang rigs kyi bu mo dag shes rab kyi pha rol tu phyin pa 'di 'dzin pa dang 'chang ba dang klog pa dang kun chub

@123b par bgyid pa dang rab tu 'don pa dang ston pa dang nye bar ston pa dang lung 'bogs pa dang kha ton bgyid pa dang yi ger 'dri ba la bdud sdig can dag bar chad bgyi ba la spro ba skye bar 'gyur ba de'i tshe/ bcom ldan 'das ci ltar na deng sang rigs kyi bu dang rigs kyi bu mo dag gis shes rab

kyi pha rol tu phyin pa 'di 'dzin pa dang 'chang ba dang klog pa dang kun chub pa bgyid pa dang rab tu 'don pa dang ston pa dang nye bar ston pa dang lung 'bogs pa dang kha ton bgyid pa dang ye ge 'dri bar 'gyur/ bcom ldan 'das gang gi mthus rigs kyi bu dang rigs kyi bu mo de dag shes

rab kyi pha rol tu phyin pa 'di 'dzin pa dang 'chang pa dang klog pa dang kun chub par bgyid pa dang rab tu 'don pa dang ston pa dang nye bar ston pa dang lung 'bogs pa dang kha ton bgyid pa dang yi ge 'dri bar 'gyur/ de skad ces gsol pa dang / bcom ldan 'das kyis tshe dang ldan pa sha'

ri'i bu la 'di skad ces bka' stsal to/ /sha' ri'i bu rigs kyi bu dang rigs kyi bu mo de dag ni sangs rgyas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rnams kyi mthus shes rab kyi pha rol tu phyin pa 'di 'dzin pa dang 'chang ba dang klog pa dang

kun chub par byed pa dang rab tu 'don pa dang ston pa dang nye bar ston pa dang lung 'bogs pa dang kha ton byed pa dang yi ge 'dri bar 'gyur ba dang de bzhin nyid du gro ba pa dang de bzhin nyid du sgrub pa dang de bzhin nyid du rnal 'byor du byed par 'gyur ro/ /de ci'i phyir zhe na/ sha' ri'i bu 'di ni

chos rnams kyi chos nyid de gang 'jig rten gyi khams gzhal du med grangs med pa dag na sangs rgyas bcom ldan 'das gang dag bzhugs te 'tsho zhing gzhes pa de dag shes rab kyi pha rol tu phyin pa 'di 'dzin pa dang 'chang ba dang klog pa dang kun chub par byad pa dang rab tu 'don pa dang ston

ba dang nye bar ston pa dang lung 'bogs pa dang kha ton byed pa dang yi ge 'dri ba yang dgongs par 'gyur yongs su gzung bar 'gyur ro/ /rigs kyi bu dang rigs kyi bu mo gang dag shes rab kyi pha rol tu phyin pa 'di 'dzin pa dang 'chad ba dang klog pa dang kun chub par byed pa dang rab tu

@124a */ /'don pa dang ston pa dang nye bar ston pa dang lung 'bogs pa dang kha ton byed pa dang yi ger 'dri bar 'gyur ba dang de bzhin nyid du slob pa dang de bzhin nyid du sgrub pa dang de bzhin nyid du rnal 'byor du byed par 'gyur ba de dag la yang sangs rgyas bcom ldan 'das de dag

gis dgongs par 'gyur yongs su gzung bar 'gyur te/ sha' ri'i bu sangs rgyas kyis dgongs pa dang sangs rgyas kyi yongs su gzung ba'i rigs kyi bu dang rigs kyi bu mo dag la bar chad byed mi nus so/ /de skad ces bka' stsal pa dang / bcom ldan 'das la tshe dang ldan

pa sha' ri'i bus 'di skad ces gsol to/ /bcom ldan 'das byang chub sems dpa' sems dpa' chen po gang dag shes rab kyi pha rol tu phyin pa 'di nyan pa dang 'dzin pa dang 'chang ba dang klog pa dang kun chub par bgyid pa dang rab tu 'don pa dang ston pa dang nye bar ston pa dang lung 'bogs

pa dang kha ton bgyid pa dang yi ger 'dri bar 'gyur ba dang de bzhin nyid du slob pa dang de bzhin nyid du sgrub pa dang de bzhin nyid du rnal 'byor du bgyid par 'gyur ba de dag thams cad ni/ bcom ldan 'das sangs rgyas kyi mthu dang sangs rgyas kyi byun gyi rlabs dang sangs rgyas kyis yengs su

bzung bas/ shes rab kyi pha rol tu phyin pa 'di nyan pa dang 'dzin pa dang 'chang pa dang klog pa dang kun chub pa bgyid pa dang rab tu 'don pa dang ston pa dang nye bar ston pa dang lung 'bogs pa dang kha ton bgyid pa dang yi ger 'dri bar 'gyur ba dang de bzhin nyid du slob pa dang de bzhin

nyid du sgrub pa dang de bzhin nyid du rnal 'byor du bgyid par 'gyur ba de ltar sgrub par 'gyur ro/ /de skad ces gsol pa dang bcom ldan 'das kyis tshe dang ldan pa sha' ri'i bu la 'di skad ces bka' stsal to/ /sha' ri'i bu de de bzhin no de de bzhin te/ sha' ri'i bu byang chub sems

dpa' sems dpa' chen po de dag thams cad ni sangs rgyas kyi mthu dang sangs rgyas kyis byin gyi rlabs dang sangs rgyas kyis yongs su bzung bas shes rab kyi pha rol tu phyin pa zab mo 'di nyan pa dang 'dzin pa dang 'chang ba dang klog pa dang kun chub par byed pa dang rab tu 'don pa dang ston

@124b ba dang nye bar ston pa dang lung 'bogs pa dang kha ton byed pa dang yi ger 'dri bar 'gyur ba dang de bzhin nyid du slob pa dang de bzhin nyid du sgrub ba dang de bzhin nyid du rnal 'byor du byed par 'gyur ro/ /sha' ri'i bu byang chub sems dpa' sems dpa' chen po gang shes rab kyi pha

rol tu phyin pa 'di nyan pa dang 'dzin pa dang 'chang ba dang klog pa dang kun chub par byed pa dang rab tu 'don pa dang ston pa dad nye bar ston pa dang lung 'bogs pa dang kha ton byed pa dang yi ger 'dri bar 'gyur ba dang / de bzhin nyid du slob pa dang de bzhin nyid du sgrub pa dang de bzhin nyid du

rnal 'byor du byed par 'gyur ba de dag ni de bzhin gshegs pas mkhyen te/ sha' ri'i bu de dag ni de bzhin gshegs pas byin gyis brlabs so/ /sha' ri'i bu de dag ni de bzhin gshegs pas gzigs so/ /sha' ri'i bu de dag ni de bzhin gshegs pa'i sangs rgyas kyi sbyan

gyis rnam par gzigs so/ /thos nas kyang bzung ba dang bcangs pa dang klags pa dang kun chub par byas pa dang rab tu bton pa dang bstan pa dang nye bar bstan pa dang lung 'bogs pa dang kha ton byas pa dang yi ger bris nas de bzhin nyid du slob pa dang de bzhin nyid du sgrub pa dang de

bzhin nyid du rnal 'byor du byed pa ni bla na med pa yang dag par rdzogs pa'i byang chub tu nye bar 'gyur te/ bla na med pa yang dag par rdzogs pa'i byang chub dang de bzhin nyid la gnas par 'gyur ro/ /sha' ri'i bu gang dag shes rab kyi pha rol tu phyin pa 'di bris nas 'chang bar 'gyur

klog par 'gyur kun chub par byed par 'gyur rab tu 'don par 'gyur ston par 'gyur nye bar ston par 'gyur lung 'bogs par 'gyur kha ton byed par 'gyur yi ger 'dri bar 'gyur gi de bzhin nyid du mi slob de bzhin nyid du mi sgrub de bzhin nyid du rnal 'byor du mi byed pa de dag ni/ de bzhin

nyid du mi slob pa dang de bzhin nyid du mi sgrub pa dang de bzhin nyid du rnal 'gyor du mi byed pas/ de bzhin nyid dang bla na med pa yang dag par rdzogs pa'i byang chub tu gnas par mi 'gyur mod kyi/ sha' ri'i bu de dag kyang de bzhin gshegs pas mkhyen de dag kyang de bzhin gshegs

@125a */ /pas byin gyis brlabs de dag kyang de bzhin gshegs pas gzigs te sha' ri'i bu de dag kyang de bzhin gshegs pas sangs rgyas kyi spyan gyis rnam par gzigs so/ /sha' ri'i bu de dag gi 'bad pa dang / yongs su g.yo ba de yang don chen po dang / phan yon chen

po dang 'bras bu chen po dang rnam par smin pa chen po dang ldan par 'gyur ro/ /de ci'i phyir zhe na/ 'di ltar shes rab kyi pha rol tu phyin pa ni chos thams cad kyi don dam pa dang ldan pa yin te/ sems can thams cad la yang dag pa ci lta ba bzhin du rtogs par bya bas nye bar gnas so

sha' ri'i bu yang pha rol tu phyin pa drug dang ldan pa'i mdo sde 'di dag ni de bzhin gshegs pa 'das nas kyang dam pa'i chos 'jig pa'i dus kyi tshe chos 'dul ba snying po sar ba thob pa na lho phyogs su 'byung bar 'gyur ro/ /lho phyogs nas kyang bar ta ni ra 'gyung bar 'gyur ro/ /bar ta

ni nas yang byang phyogs su 'byung ste/ sha' ri'i bu de'i dus na gang zhig shes rab kyi pha rol tu phyin pa 'di 'dzin pa dang 'chang ba dang klog pa dang kun chub par byed pa dang rab tu 'don pa dang ston pa dang nye bar ston pa dang lung 'bogs pa dang kha ton byed par 'gyur zhing tha na glegs bam du chud

par byas nas 'chang bar 'gyur ba'i rigs kyi bu dang rigs kyi bu mo de dag ni de bzhin gshegs pas dgongs so/ /de dag ni de bzhin gshegs pas mkhyen to/ /sha' ri'i bu de dag ni de bzhin gshegs pas byin gyis brlabs so/ /sha' ri'i bu de dag ni de bzhin gshegs pas

gzigs so/ /sha' ri'i bu de dag ni de bzhin gshegs bas sangs rgyas kyi spyan gyis rnam par gzigs so/ /sha' ri'i bus gsol pa/ bcom ldan 'das shes rab kyi pha rol tu phyin pa 'di lta bur zab mo 'di yang 'di ltar phyi ma'i dus phyi ma'i tshe na byang gi yul dang byang gi phyogs

kyi char rgyas par 'gyur lags sam/ bcom ldan 'das kyis bka' stsal pa/ sha' ri'i bu de la byang gi yul dang byang gi phyogs kyi cha der gang dag shes rab kyi pha rol tu phyin pa zab mo 'di mnyan nas shes rab kyi pha rol tu phyin pa zab mo 'di la rnal 'byor du byed pa de dag rgyas par

@125b 'gyur ro/ /sha' ri'i bu gang shes rab kyi pha rol tu phyin pa zab mo 'di nyan pa dang 'dri ba dang 'dzin pa dang 'chang ba dang klog pa dang kun chub par byed pa dang rab tu 'don pa dang ston pa dang nye bar ston pa dang lung 'bogs pa dang kha ton byed par 'gyur ba dang de bzhin nyid du slob pa dang

de bzhin nyid du sgrub pa dang de bzhin nyid du rnal 'byor du byed par 'gyur ba'i byang chub sems dpa' sems dpa' chen po de dag ni yun ring po nas theg pa la yang dag par zhugs par rig par bya'o/ /sha' ri'i bu gsol pa/ bcom ldan 'das byang gi yul dang byang gi phyogs

kyi char gang dag shes rab kyi pha rol tu phyin pa zab mo 'di nyan pa dang 'dri ba dang 'dzin pa dang 'chang ba dang klog pa dang kun chub par bgyid pa dang rab tu 'don pa dang ston pa dnag nye bar ston pa dang lung 'bogs pa dang kha ton bgyid par 'gyur ba dan de bzhin nyid du slob pa dang de bzhin nyid du

sgrub la dan de bzhin nyid du rnal 'byor du bgyid par 'gyur ba'i byang chub sems dpa' sems dpa' chen po de dag nyud du 'am 'on te mang ste ci snyed cig 'byung bar 'gyur/ bcom ldan 'das kyis bka' stsal ba/ sha' ri'i bu byang gi yul dang byang gi phyogs kyi char byang chub

sems dpa' sems dpa' chen po mang zhing shin tu mang du 'byung bar 'gyur ro/ /sha' ri'i bu de dag mang mod kyi mang po de dag las shis rab kyi pha rol tu phyin pa 'di nyin pa dang 'di ba dang 'dzin pa dang 'chang ba dang klog pa dang kun chub par byed pa dang rab tu 'don pa dang ston pa dang nye

bar ston pa dang lung 'bogs pa dang kha ton byed par 'gyur ba dang de bzhin nyid du slob pa dang de bzhin nyid du sgrub pa dang de bzhin nyid du rnal 'byor du byed par 'gyur ba dang shes rab kyi pha rol tu phyin ba 'di bshad pa na 'gong bar mi 'gyur kun tu zhum par mi 'gyur bag tsha bar mi 'gyur bag 'khums

par mi 'gyur yid phyir phyogs par mi 'gyur dngang bar mi 'gyur kun du skrag par mi 'gyur kun tu sgrag pa dan ldan par mi 'gyur ba'i byang chub sems dpa' sems dpa' chen po de dag ni ches nyung bar 'gyur te/ byang chub sems dpa' sems dpa' chen po de dag ni yun ring po nas theg pa

@126a */ /la yang dag par zhugs par rig par bya'o/ /de dag ni sngon gyi de bzhin gshegs pa dgra bcom pa yang dag par rdzogs pa'i sangs rgyas rnams kyi rjes su 'brang zhing yongs su dris ba dang yongs su zhus pa dang yongs su dri ba byas shing gang zag byang chub sems da pa'i theg pa

can rigs kyi bu 'am rigs kyi bu mo de dag gis sngon gyi de bzhin gshegs pa dgra bcom pa yang dag par rdzogs pa'i sangs rgyas rnams la mchod pa yin no/ /de dag ni tshul khrims yongs su rdzogs par byed par 'gyur ro/ /de dag ni 'di lta ste bla na med pa yang dag par rdzogs pa'i

byang chub 'di nyid las brtsams te skye bo mang po'i don byed par 'gyur ro/ /de ci'i phyir zhe na/ de ni 'di ltar rigs kyi bu dang rigs kyi bu mo de dag la nga nyid kyis thams cad mkhyen pa nyid dang ldan pa'i gtam byas so/ /de dag ni tshe rabs 'phos kyang thams cad mkhyen pa nyid dang ldan

pa dang shes rab kyi pha rol tu phyin pa dang ldan pa 'di nyid la yang dag par spyod par 'gyur ro/ /'di lta ste bla na med pa yang dag par rdzogs pa'i byang chub las brtsams nas de nyid kyi gtam byed par 'gyur de nyid kyi gtam la mngon par dga' bar 'gyur ro/ /de dag la legs par gnas shing

shes rab kyi pha rol tu phyin pa 'di la mnyam par gzhag par 'gyur te bdud kyis kyang dbye bar byed mi nus na 'di lta ste sems can gzhan dag gis 'dun pa 'am sngags kyi sgo nas dbye blta ci smos/ de ce'i phyir zhe na/ de ni 'di ltar bla na med pa yang dag par rdzogs pa'i byang chub tu mthu brtan

pa'i phyir ro/ /rigs kyi bu dang rigs kyi bu mo dag gis de thos nas shes rab kyi pha rol tu phyin pa 'di la dga' ba dang dang ba dang rab tu dang ba rgya chen po 'thob par 'gyur ro/ /de dag gis ni 'di lta ste bla na med pa yang dag par rdzogs pa'i byang chub la skye bo mang po dag gi dge ba'i rtsa

ba skyed par 'gyur ro/ /de ci'i phyir zhe na/ 'di ltar rigs kyi bu dang rigs kyi bu mo de dag gis ni nga'i mngon sum du tshig 'di skad du/ byang chub sems dpa'i spyad pa spyod pa na bdag gis srog chags brgya phrag mang po dang srog chags stong phrag mang po dang srog chags ba rgya stong pharg

@126b mang po dang srog chags bye ba brgya phrag mang po dang srog chags bye ba stong phrag mang po dang srog chags bye ba brgya stong phrag mang po dang srog chags bye ba khrag khrig brgya stong mang po rnams bla na med pa yang dag par rdzogs pa'i byang chub la yang dag par gzhag par bya'o yang dag par bstan

par bya'o yang dag par dgod par bya'o yang dag par gzengs bstod par bya'o yang dag par dga' ba bskyed par bya'o yang dag par rab tu dbye bar bya'o/ /rdzogs pa'i byang chub la gnas par bya'o/ /srar mi ldog par bya'o zhes smas so/ /de ci'i phyir zhe na/ ngas gang dag

gis tshig 'di skad ces byang chub kyi don du spyod pa na bdag gis srog chags brgya phrag mang po dang srog chags stong phrag mang po dang srog chags brgya stong phrag mang po dang srog chags bye ba brgya phrag mang po dang srog chags bye ba stong phrag mang po dang srog tshags bye ba brgya stong phrag

mang po dang srog chags bye ba khrag phrig brgya stong mang po rnams bla na med pa yang dag par rdzogs pa'i byang chub la yang dag par gzhag par bya'o yang dag par bstan par bya'o yang dag par dgod par bya'o yang dag par gzengs bstod par bya'o yang dag par dga' bar bya'o yang dag par rab

tu dbye bar bya'o rdzogs pa'i byang chub la gnas par bya'o phyir mi ldog par bya'o zhes smras pa'i rigs kyi bu dang rigs kyi bu mo byang chub sems dpa'i theg pa can de dag gi sems la sems kyis bltas nas rjes su yi rang bar byas so/ /de ltar rigs kyi bu dang rigs kyi bu mo de dag ni

mos pa rgya chen po dang ldan pa yin no/ /gang na de bzhin gshegs pa dgra bcom pa yang dag par rdzogs pa'i sangs rgyas mngon du gyur pa rnams chos ston par 'gyur ba dang / gang du de bzhin gshegs pa dgra bcom pa yang dag par rdzogs pa'i sangs rgyas rnams kyi thad nas shes

rab kyi pha rol tu phyin pa 'di rgya cher thos par 'gyur ba gang yin pa'i sangs rgyas kyi zhing gzhan dang gzhan du 'gro bar bya bar sems par 'gyur ro/ /sangs rgyas kyi zhing de dag tu yang de dag gis srog chags brgya phrag mang po dang srog chags stong phrag mang po dang srog chags brgya stong

@127a */ /phrag mang po dang srog chags bye ba brgya phrag mang po dang srog chags bye ba stong phrag mang po dang srog chags bye ba brgya stong phrag mang po dang srog chags bye ba khrag khrig brgya stong mang po dag bla na med pa yang dag par rdzogs pa'i byang chub tu yang dag par 'jog par dang yang dag par

ston pa dang yang dag par 'god pa dang yang dag par gzengs stod pa dang yang dag par rab tu dga' ba bskyed pa dang yang dag par rab tu 'byed pa dang yang dag par byang chub pa la gzhog par byed pa dang phyir mi ldog par byed par 'gyur ro/ /de skad ces bka' stsal pa dang / bcom ldan

'das la tshe dang ldan pa sh'a ri'i bus 'di skad ces gsol to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis 'das pa dang ma 'ongs pa dang da ltar byung ba'i chos kyi bar rnams la ma gzigs pa 'am ma gsan pa 'am mngon par mi mkhyen

pa 'am rnam par mi mkhyen pa gang yang mchis shing/ tshos gang yang rnam par mi mkhyen pam mchis sems can gyi spyod pa gang yang rnam par mi mkhyen pa ma mchis pa dang / bcom ldan 'das yang de'i tshe gang dag shes rab kyi pha rol tu phyin pa zab mo 'di 'dzin pa dang 'chang ba dang

klog pa dang kun chub par bgyid pa dang rab tu 'don pa dang ston pa dang nye bar ston pa dang lung 'bogs pa dang kha ton bgyid pa dang yi ger 'dri bar 'gyur ba/ ma 'ongs pa'i byang chub sems dpa' sems dpa' sems dpa' chen po byang chub 'dod pa rnams dang lhag pa'i bsam pa phun sum tshogs

pa rnams dang brtson 'grus brtsams pa rnams kyi yang sbyod pa gang du mkhyen pa zhes bya bde ni ngo mtshar to/ /gang de'i tshen pha rol tu phyin pa drug po 'de dag gi slad du/ sems can thams cad kyi don du brtson pa bskyed de/ tshol ba dang yongs su tshol ba dang tshol bar 'gyur pa'i

rigs kyi bu dang rigs kyi bu mo de dag las/ btsal ba dang yongs su btsal ba dang btsal bar 'gyur ba'i byang chub sems dpa' kha cig gis ni btsal ban rnyed par 'gyur shes rab kyi pha rol tu phyin pa zab mo 'di kha cig gis btsal kyang mi rnyed shes rab kyi pha rol tu phyin pa zab mo

@127b 'di kha cig gis ma btsal kyang rnyed par 'gyur ba bcom ldan 'das 'di'i rgyu gang lags/ de skad ces gsol pa dang / bcom ldan 'das kyis tshe dang ldan pa sh'a ri'i bu la 'di skad ces bka' stsal to/ /sh'a ri'i bu de de bzhin no de de bzhin te/ de bzhin gshegs pas ni 'das pa

dang ma 'ongs pa dang da ltar byung ba'i chos rnams la ma gzigs pa' ma gsan pa 'am mi mkhyen pa 'am rjam par mi 'khyen pa ni gang yang med do/ /sh'a ri'i bu yang de'i tshe de'i bus na byang chub sem dpa' kha cig gis ni shes rab kyi pha rol tu phyin pa 'di btsal zhing rjes su btsal la/

yongs su btsal kyang mi rnyed la/ byang chub sems dpa' kha cig gis ni ma btsal rjes su ma btsal yongs su ma btsal yang rnyed par 'gyur ro/ /de ci'i phyir zhe na/ 'di ltar byang chu sems dpa' de dag gis shes rab kyi pha rol tu phyin pa 'di sngon gyi mthar yang brtson pam por bar

btsal ba dang yongs su btsal bas na de dag gis sngon gyi dge ba'i rtsa ba'i 'dun pa de nyid kyis shes rab kyi pha rol tu phyin pa 'di ma btsal rjes su ma btsal yongs su ma btsal yang rnyed par 'gyur ro/ /de las gzhan pa'i mdo te shes rab kyi pha rol tu phyin pa 'di nyid mngon par brjed ba de

dag kyang de dag la rang nyid nye bar 'ong bar 'gyur nye bar gzhol pa dang nye bar phyogs par 'gyur ro/ /de ci'i phyir zhe na/ sh'a ri'i bu de ni 'di ltar yin te byang chub sems dpa' sems dpa' chen po gang zhig shes rab kyi pha rol tu phyin pa 'di brtson pa ma bor bar tshol ba dang yongs su tshol ba

des ni skye ba 'phos shing tshe rabs rjes kyang shes rab kyi pha rol tu phyin pa 'di rnyed pa 'gyur zhing de las gzhan pa'i mdo sde shes rab kyi pha rol tu phyin pa dang ldan pa dag kyang de'i drung du rad nyid nye bar 'ong ba dang nye bar gzhol ba dan nye bar phyogs par 'gyur ro/ /de skad ces bka' stsal dang /

bcom ldan 'das la tshe dang ldan pa sh'a ri'i bus 'di skad ces gsol to/ /bcom ldan 'das pha rol tu phyin pa drug dang ldan pa'i mdo 'di dag nyid rigs kyi bu dang rigs kyi bu mo de dag la nye bar 'do ba dang nye par gzhol ba dag nye bar phyogs par 'gyur gyi gzhan dag ni ma lgas sam/

@128a */ /bcom ldan 'das kyis bka' stsal pa/ sh'a ri'i bu mdo ste zab mo zab pa gzhan ci snyed yod pa de dag kyang/ bdag nyid rigs kyi bu dang rigs kyi bu mo de dag la rang nyid nye bar 'ong ba dang nye bar gzhol ba dang nye bar phyogs par 'gyur ro/ /de ci'i phyir zhe na/ sh'a ri'i

bu de ni 'di ltar yin te byang chub sems dpa' sems dpa' chen po gang dag sems can rnams bla na med pa yang dag par rdzogs pa'i byang chub la rab tu 'jog pa dang yang dag par ston pa dang yang dag par 'god pa dang / yang dag par gzengs ston pa dang yang dag par rab tu dga' bar byed

pa dang yang dag par rab tu 'byed par 'gyur ba dang yang dag par rdzogs pa'i byang chub la gnas par byed par 'gyur ba dang phyir mi ldog par byed par 'gyur zhing bdag nyid kyang de la slob par 'gyur na/ sh'a ri'i bu skye ba 'phos nas kyang de dag la mi dmigs pa dang ldan pa dang stong pa nyid dang

ldan pa dang pha rol tu phyin pa drug dang ldan pa'i mdo sdo zab mo zab pa dag rang nyid nye bar 'ong bar 'gyur rang nyid nye bar gzhol bar 'gyur rang nyid nye bar phyogs par 'gyur ro/ /'phags pa shes rab kyi pha rol tu phyin pa brgyad stong pa las/ 'dzin pa'i yon tan yongs su brjod pa'i le'u zhes bya ste bcu pa'o//