View source for bla ma rgyang 'bod kyi gsol 'debs mos gus snying gi gzer 'debs kyi kha skong

mchog gyur bde chen gling pa mkhyen no/<br>
zung 'jug grub pa'i klong nas gzigs shig/<br>
smin grol bskyed rdzogs zab mo'i lam nas/<br>
don gnyis lhun gyis grub par mdzod cig/<br>

o rgyan chos kyi dbang po mkhyen no/<br>
gzhan phan mkha' khyab klong nas gzigs shig/<br>
rang don yid byed blo ngan zhi nas/<br>
byang chub sems mchog 'byongs par mdzod cig/<br>

mi pham 'jam dbyangs rnam rgyal mkhyen no/<br>
shes bya kun mkhyen klong nas gzigs shig/<br>
nges don zab mo'i dgongs don rtogs nas/<br>
gzungs spobs blo gros sgo 'byed mdzod cig/<br>

rgyal sras bkra shis 'od zer mkhyen no/<br>
gzhan phan thugs rje'i klong nas gzigs shig/<br>
bslab gsum sbyang yon mtha' ru phyin nas/<br>
gzhan phan mkha' dang mnyam par mdzod cig/<br>

rig 'dzin sna tshogs rang grol mkhyen no/<br>
rim gnyis zab mo'i klong nas gzigs shig/<br>
rtsa ba yan lag dam tshig rnam dag/<br>
dbang bzhi'i rtogs pa gong 'phel mdzod cig/<br>

grub mchog sha-kya shri-' mkhyen no/<br>
snang bzhi mthar phyin klong nas gzigs shig/<br>
bla ma sangs rgyas chos skur mthong nas/<br>
don rgyud dgongs pa 'pho bar mdzod cig/<br>

tsa 'dra rin chen brag du gzhan phan chos kyi blo gros kyis so


grub sras karma o rgyan mkhyen no/<br>
rig stong ye shes dbyings nas gzigs shig/<br>
dgongs brgyud las can bu la 'pho bas/<br>
rtogs pa'i rgyal sa zin par mdzod cig

'jigs med mkhyen brtse'i 'od zer mkhyen no/<br>
'gro 'dul thugs rje'i klong nas gzigs shig/<br>
gzhan phan byang sems rgyud la bskyed nas/<br>
'brel tshad don dang ldan par mdzod cig/<br>
<br>
ldil mgo mkhyen rtse'i gsung


rgyal sra dbang mchog rdo rje mkhyen no/<br>
me ri 'bar ba'i zhing nas gzigs shig/<br>
ma dag sgyu lus lcags khams dag nas/<br>
gser 'gyur ye shes smin par mdzod cig,/<br>

gter sras tshe dbang nor bu mkhyen no/<br>
ka dag rtsal rdzogs dbyings nas gzigs shig/<br>
a 'thas zhen 'dzin 'khrul pa'i rdzun ris/<br>
bden med chos sku'i klong du skyel cig,/<br>

mchog sprul dkon mchog 'gyur med mkhyen no/<br>
mchog thun lhun grub zhing nas gzigs shig/<br>
gdan gsum rdo rje'i sku ru smin nas/<br>
rig 'dzin rnam bzhi 'grub par mdzod cig,/<br>

nges don grub pa'i rdo rje mkhyen no/<br>
lhun grub bde chen klong nas nas gzigs shig/<br>
rtsa rlung rgyu ba dhu tir thim nas/<br>
rnal 'byor bzhi yi 'bras bu mdzod cig,/<br>

'gyur med tshe dbang bstan 'phel mkhyen no/<br>
rang snang ris med klong nas gzigs shig/<br>
snang ba bden med sems su rtogs nas/<br>
'khor 'das dbyer med 'grub par mdzod cig,/<br>

ngag dbang phrin las rgya mtsho mkhyen no/<br>
klong gyur ye shes dbyings nas gzigs shig/<br>
klong mnyam ye grol rtsal chen rdzogs nas/<br>
rig pa gzhi thog phebs par mdzod cig,/<br>

grub dbang 'chi med rdo rje mkhyen no/<br>
tshad phebs chos sku'i zhing nas gzigs shig/<br>
snang bzhi'i rtsal chen skad cig rdzogs nas/<br>
gzhon nu'i bum sku 'grub par mdzod cig,/<br>

rig 'dzin kar ma gsang sngags mkhyen no/<br>
'gro 'dul phrin las zhing nas gzigs shig/<br>
khams gsum 'khor ba dong nas sprugs nas/<br>
'bras bu sku gsum thob par mdzod cig,/<br>

ces pa 'di'ang gtsang gsar mchog sprul kar ma o rgyan thugs bzhed ltar gnas sgang mchog gling pad ma 'gyur med pas gsol ba btab pa dge'o/

[[Category:Liturgy]]
[[Category:Text in Wylie]]