bla ma rgyang 'bod kyi gsol 'debs mos gus snying gi gzer 'debs kyi kha skong

From Rangjung Yeshe Wiki - Dharma Dictionary
Revision as of 16:18, 18 December 2008 by Bj Lhundrup (talk | contribs)
(diff) ← Older revision | Latest revision (diff) | Newer revision → (diff)
Jump to navigation Jump to search
The printable version is no longer supported and may have rendering errors. Please update your browser bookmarks and please use the default browser print function instead.

mchog gyur bde chen gling pa mkhyen no/
zung 'jug grub pa'i klong nas gzigs shig/
smin grol bskyed rdzogs zab mo'i lam nas/
don gnyis lhun gyis grub par mdzod cig/

o rgyan chos kyi dbang po mkhyen no/
gzhan phan mkha' khyab klong nas gzigs shig/
rang don yid byed blo ngan zhi nas/
byang chub sems mchog 'byongs par mdzod cig/

mi pham 'jam dbyangs rnam rgyal mkhyen no/
shes bya kun mkhyen klong nas gzigs shig/
nges don zab mo'i dgongs don rtogs nas/
gzungs spobs blo gros sgo 'byed mdzod cig/

rgyal sras bkra shis 'od zer mkhyen no/
gzhan phan thugs rje'i klong nas gzigs shig/
bslab gsum sbyang yon mtha' ru phyin nas/
gzhan phan mkha' dang mnyam par mdzod cig/

rig 'dzin sna tshogs rang grol mkhyen no/
rim gnyis zab mo'i klong nas gzigs shig/
rtsa ba yan lag dam tshig rnam dag/
dbang bzhi'i rtogs pa gong 'phel mdzod cig/

grub mchog sha-kya shri-' mkhyen no/
snang bzhi mthar phyin klong nas gzigs shig/
bla ma sangs rgyas chos skur mthong nas/
don rgyud dgongs pa 'pho bar mdzod cig/

tsa 'dra rin chen brag du gzhan phan chos kyi blo gros kyis so


grub sras karma o rgyan mkhyen no/
rig stong ye shes dbyings nas gzigs shig/
dgongs brgyud las can bu la 'pho bas/
rtogs pa'i rgyal sa zin par mdzod cig

'jigs med mkhyen brtse'i 'od zer mkhyen no/
'gro 'dul thugs rje'i klong nas gzigs shig/
gzhan phan byang sems rgyud la bskyed nas/
'brel tshad don dang ldan par mdzod cig/

ldil mgo mkhyen rtse'i gsung


rgyal sra dbang mchog rdo rje mkhyen no/
me ri 'bar ba'i zhing nas gzigs shig/
ma dag sgyu lus lcags khams dag nas/
gser 'gyur ye shes smin par mdzod cig,/

gter sras tshe dbang nor bu mkhyen no/
ka dag rtsal rdzogs dbyings nas gzigs shig/
a 'thas zhen 'dzin 'khrul pa'i rdzun ris/
bden med chos sku'i klong du skyel cig,/

mchog sprul dkon mchog 'gyur med mkhyen no/
mchog thun lhun grub zhing nas gzigs shig/
gdan gsum rdo rje'i sku ru smin nas/
rig 'dzin rnam bzhi 'grub par mdzod cig,/

nges don grub pa'i rdo rje mkhyen no/
lhun grub bde chen klong nas nas gzigs shig/
rtsa rlung rgyu ba dhu tir thim nas/
rnal 'byor bzhi yi 'bras bu mdzod cig,/

'gyur med tshe dbang bstan 'phel mkhyen no/
rang snang ris med klong nas gzigs shig/
snang ba bden med sems su rtogs nas/
'khor 'das dbyer med 'grub par mdzod cig,/

ngag dbang phrin las rgya mtsho mkhyen no/
klong gyur ye shes dbyings nas gzigs shig/
klong mnyam ye grol rtsal chen rdzogs nas/
rig pa gzhi thog phebs par mdzod cig,/

grub dbang 'chi med rdo rje mkhyen no/
tshad phebs chos sku'i zhing nas gzigs shig/
snang bzhi'i rtsal chen skad cig rdzogs nas/
gzhon nu'i bum sku 'grub par mdzod cig,/

rig 'dzin kar ma gsang sngags mkhyen no/
'gro 'dul phrin las zhing nas gzigs shig/
khams gsum 'khor ba dong nas sprugs nas/
'bras bu sku gsum thob par mdzod cig,/

ces pa 'di'ang gtsang gsar mchog sprul kar ma o rgyan thugs bzhed ltar gnas sgang mchog gling pad ma 'gyur med pas gsol ba btab pa dge'o/

Retrieved from "https://rywiki.tsadra.org/index.php?title=bla_ma_rgyang_%27bod_kyi_gsol_%27debs_mos_gus_snying_gi_gzer_%27debs_kyi_kha_skong&oldid=421398"