1516

Tibetan	སྡེ་སྣོད་གསུམ།
Tibetan Alternate
Tibetan Definition	དཔལ་བརྩེགས་ཆོས་ཀྱི་རྣམ་གྲངས་ཀྱི་བརྗེད་བྱང་ལས་བྱུང་བ་ཁག་གཅིག་སྟེ། 1.མདོ་སྡེར་བསྡུས་པ་ནི། ། གསུང་རབ་ཡན་ལག་བཅུ་གཉིས་ལས་མདོའི་སྡེ་དང་། དབྱངས་ཀྱིས་བསྙད་པའི་སྡེ་དང་། ཚིགས་སུ་བཅད་པའི་སྡེ་དང་། ཆེད་དུ་བརྗོད་པའི་སྡེ་དང་། ལུང་དུ་བསྟན་པའི་སྡེ་དང་། ཤིན་ཏུ་རྒྱས་པའི་སྡེ་དང་། རྨད་དུ་བྱུང་བའི་སྡེ་དང་བདུན་ནི་མདོ་སྡེར་བསྡུས་པའོ། ། 2.འདུལ་བར་བསྡུས་པ་ནི། གླེང་གཞིའི་སྡེ་དང་། རྟོགས་པ་བརྗོད་པའི་སྡེ་དང་། དེ་ལྟ་བུ་བྱུང་བའི་སྡེ་དང་། ། སྐྱེས་རབས་བཅས་བཞི་ནི་འདུལ་བར་བསྡུས་པའོ། ། 3.མ་མོར་བསྡུས་པ་ནི། གཏན་ལ་ཕབ་པར་བསྟན་པའི་མདོ་སྡེ་ནི་ཆོས་མངོན་པ་སྟེ་མ་མོར་བསྡུས་པའོ། ། དེ་ཡང་ཅི་དགོས་ཤེ་ན། བསླབ་པ་གསུམ་རྫོགས་པར་བྱ་བའི་ཕྱིར་མདོ་སྡེའི་ནང་ནས་ཏིང་ངེ་འཛིན་རྒྱ་ཆེར་སྟོན། འདུལ་བའི་ནང་ནས་སྡིག་པའི་ལས་ལྡོག་པ་སྟོན། མ་མོའི་ནང་ནས་ཆོས་ཐ་དད་པའི་རང་དང་སྤྱིའི་མཚན་ཉིད་སྟོན་པས་ན་ལྷག་པའི་སེམས་དང་། ལྷག་པའི་ཚུལ་ཁྲིམས་དང་། ལྷག་པའི་ཤེས་རབ་གསུམ་དང་གོ་རིམ་བཞིན་དུ་སྦྱར་ཏེ་རྫོགས་པར་བྱེད་དོ་ཞེས་བྱ་བའི་དོན་ནོ། །
Tibetan Source	《དཔལ་བརྩེགས་ཆོས་ཀྱི་རྣམ་གྲངས་ཀྱི་བརྗེད་བྱང་》ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number