5163

Tibetan	དུས་ལྔ།
Tibetan Alternate
Tibetan Definition	ཁག་གཉིས་པ། སྐྱེས་རབས་གླེང་གཞི་ལས་བྱུང་བ་སྟེ། 1.འབྲས་བུའི་བར་གྱི་དུས་ནི། སངས་རྒྱས་ཡོངས་སུ་མྱ་ངན་ལས་འདས་ནས། ལོ་སྟོང་གཅིག་གི་ནང་དུ་རྟོགས་པ་སྐྱེད་པར་ནུས་སོ། ། དེ་སོང་ཞིང་སོང་བའི་དུས་སུ། ཕྱིར་མི་འོང་བ་རྣམས་དང་། ལན་གཅིག་ཕྱིར་མི་འོང་བ་དང་། རྒྱུན་དུ་ཞུགས་པའོ། ། དེ་རྣམས་ཡོད་པ་ན་འབྲས་བུའི་བར་གྱི་དུས་མེད་ཅེས་བརྗོད་པར་མི་བྱའོ། ། ལྷག་མ་ནི་རྒྱུན་དུ་ཞུགས་པ་སྟེ། དེ་འདས་ནས་འབྲས་བུའི་བར་གྱི་དུས་ནུབ་པ་ཞེས་བྱའོ། ། འདི་ནི་འབྲས་བུའི་བར་གྱི་དུས་ནུབ་པ་ཞེས་བྱ་བ་ཡིན་ནོ། ། 2.བསྒྲུབ་པའི་བར་གྱི་དུས་ནི། ཞི་གནས་དང་། ལྷག་མཐོང་གི་ལམ་གྱི་འབྲས་བུ་བསླབ་པར་མི་ནུས་པར་ཕམ་པ་བཞི་པོ་བསྲུང་བར་ནུས་པ་ཙམ་མོ། ། སོང་ཞིང་སོང་བའི་དུས་སུ། ཕམ་པ་བཞི་པོ་དེ་ཉིད་བསྲུང་བ་ཙམ་མོ། ། ཕམ་པ་བཞི་པོ་སྲུང་བར་བྱེད་པ་ནི། དགེ་སློང་རྣམས་སྟོང་ཕྲག་གཅིག་གི་ནང་ན་བརྒྱ་ཙམ་ཡོད་ནའང་བསྒྲུབ་པའི་བར་གྱི་དུས་ནུབ་པ་ཞེས་མི་བྱའོ། ། བརྒྱའི་ནང་ན་དགེ་སློང་གཅིག་ཙམ་ཡོད་པ་ལས་སྡོམ་པ་ཞིག་པ་དང་། ཤ་བི་ན་བསྒྲུབ་པའི་བར་གྱི་དུས་ནུབ་པ་ཞེས་བྱའོ། འདི་ནི་བསྒྲུབ་པའི་བར་གྱི་དུས་ནུབ་པ་ཞེས་བྱའོ། ། 3.ལུང་གི་བར་གྱི་དུས་ནི། སངས་རྒྱས་ཀྱི་གསུང་རབ་སྡེ་སྣོད་གསུམ་པའི་དོན་མི་གོ་ཞིང་སྒྲ་ཙམ་ཀློག་པ་དང་། པོ་ཏི་ཡོད་པའི་བར་ནི་ལུང་གི་བར་གྱི་དུས་ཡོངས་སུ་རྫོགས་པ་ཞེས་བྱའོ། ། སོང་ཞིང་སོང་བའི་དུས་སུ་རྩོད་པའི་དུས་ཀྱི་རྒྱལ་པོ་རྣམས་ཆོས་མ་ཡིན་པ་བྱེད་པར་འགྱུར་རོ། ། བློན་པོ་ལ་སོགས་པ་རྣམས་ཀྱང་ཆོས་མ་ཡིན་པ་བྱེད་པར་འགྱུར་ཏེ། དེ་ནས་ཡུལ་འཁོར་རྣམས་དང་། ལྗོངས་རྣམས་ཀྱང་དེ་བཞིན་ནོ། ། དེ་རྣམས་ཀྱིས་ཆོས་མ་ཡིན་པའི་རྒྱུ་ཡིས་ལྷ་རྣམས་ཆར་ལེགས་པར་མི་འབེབས་སོ། ། འབྲུ་ནམས་ལེགས་པར་མི་སྨིན་ནོ། དེ་རྣམས་ཀྱི་འབྲུ་མི་སྨིན་པས་དགེ་སློང་གི་དགེ་འདུན་ལ་བཟའ་བ་སྟེར་མི་ནུས་སོ། ། དགེ་སློང་ནམས་ཀྱིས་ཁ་ཟས་མ་རྙེད་པས་སློབ་མ་དང་། ཡང་སློབ་རྣམས་འཛིན་པར་མི་ནུས་སོ། ། སོང་ཞིང་སོང་བའི་དུས་སུ་ལུང་གི་དུས་དམན་པའོ། ། དང་པོ་ནི་རབ་ཏུ་བྱེད་པ་ཆེན་པོ་ཉམས་པར་འགྱུར་རོ། ། དེ་ནུབ་ནས་ཡ་མ་ཀཾ་གི་ཚིགས་སུ་བཅད་པ་དང་། བཞི་དང་། གང་ཟག་དང་། གདགས་པ་དང་། སྐུ་གདུང་གི་གཏམ་དང་། རྣམ་འབྱེད་དང་། ཆོས་བསྡུ་བ་ནུབ་པར་འགྱུར་བའི། ཆོས་མངོན་སྡེ་སྣོད་ནུབ་ནས། མདོ་སྡེའི་སྡེ་སྣོད་ནུབ་པར་འགྱུར་རོ། ། དེ་ནས་ཨཾ་ཀ་ཕྱི་མའི་སྡེ་པ་ནུབ་པར་འགྱུར་རོ། ། ཨཾ་ག་ཕྱི་མའི་སྡེ་པ་ནུབ་ནས། ཡང་དག་པར་ལྡན་པའི་སྡེ་པ་ནུབ་པར་འགྱུར་རོ། ། བར་མའི་སྡེ་པ་དང་། རིང་པོའི་སྡེ་པ་ནུབ་པར་འགྱུར་རོ། ། རིང་པོའི་སྡེ་པ་ནུབ་ནས་འདུལ་བ་དང་བཅས་པའི་སྐྱེས་རབས་གནས་སོ། ། འདུལ་བའི་སྡེ་སྣོད་ལ་ཡང་ངོ་ཚ་དང་ལྡན་པ་ཙམ་འཛིན་ནོ། ། སོང་ཞིང་སོང་བའི་དུས་སུ་སྐྱེས་པའི་རབས་ཙམ་ཡང་འཛིན་པར་མི་ནུས་སོ། ། དང་པོ་ཐམས་ཅད་སྒྲོལ་གྱི་སྐྱེས་རབས་ནུབ་པར་འགྱུར་རོ། ། ཐ་མར་ལོ་མ་མེད་པའི་སྐྱེས་པའི་རངས་ནུབ་པར་འགྱུར་རོ། ། སྐྱེས་རབས་རྣམས་ནུབ་ནས་འདུལ་བའི་སྡེ་སྣོད་འབའ་ཞིག་འཛིན་ནོ། ། སོང་ཞིང་སོང་བའི་དུས་སུ་མི་གང་ཞིག་གིས་སངས་རྒྱས་ཀྱི་གསུང་རབ་ཀྱི་ཚིགས་སུ་བཅད་པ་གཅིག་ཙམ་དར་བར་བྱེད་ན། ལུང་གི་བར་གྱི་དུས་ནུབ་པ་མེད་དོ། ། གང་ཞིག་རྒྱལ་པོ་ཆོས་ལ་དད་པའི་དུས་སུ་གླང་པོ་ཆེའི་རྒྱབ་ཏུ་གསེར་གྱི་ཟ་མ་ཏོག་གཅིག་གཞག་སྟེ། ནོར་སྟོང་ཕྲག་གཅིག་དེ་རུ་བཅུག་ནས་སངས་རྒྱས་ཀྱིས་གསུངས་པའི་ཚིགས་སུ་བཅད་པ་གཅིག་གང་གིས་ཤེས་པ་དེས་ནོར་སྟོང་ཕྲག་དེ་ལོང་ཞེས་གྲོང་ཁྱེར་གྱི་དབུས་སུ་རོལ་མོའི་སྒྲ་ལན་གསུམ་བསྒྲགས་ནས་དེ་སྐད་བརྗོད་དེ། དེ་ལེན་པར་མི་ནུས་པ་ན་ནོར་སྟོང་ཕྲག་དེ་རྒྱལ་པོའི་མཛོད་དུ་ཡང་འཇོག་གོ ། དེའི་ནི་ལུང་གི་བར་གྱི་དུས་ནུབ་པའི་དུས་སུ་འགྱུར་རོ། ། འདི་ནི་ལུང་གི་བར་གྱི་དུས་ནུབ་པའི་དུས་ཞེས་བྱ་བ་ཡིན་ནོ། ། 4.རྟགས་ཙམ་གྱི་བར་གྱི་དུས་ནི། སོང་ཞིང་སོང་བའི་དུས་སུ་ཆོས་གོས་འཛིན་པ་དང་། ལྷུང་བཟེད་འཛིན་པ་དང་། གཅེར་བུ་བའི་དགེ་སྦྱོང་དང་འདྲ་བར་ཆག་ཚང་ཀུ་བའི་སྣོད། སློང་བའི་སྣོད་དང་། ལག་པའི་རྩེ་མོ་ལ་འཕྱང་བའི་ཚུལ་དང་འདྲ་བ་དང་དྲ་བའི་ནང་དུ་ཁྱེར་ནས་འགྲོ་བའོ། ། སོང་ཞིང་སོང་བའི་དུས་སུ་གོས་ངུར་སྨྲིག་གིས་བདག་ལ་ཅི་བྱེད། ཅུང་ཟད་ཚོས་སུ་བྱས་པའི་དུམ་བུ་ལག་པའམ། མགྲིན་པའམ། རྣ་བ་རྣམས་སུའམ། སྐྲ་རྣམས་ལ་བགེབས་སོ། ། བག་མ་ལེན་པ་དང་། སོ་ནམ་དང་། ཚོང་ལ་སོགས་པ་བྱས་ནས། འཚོ་བའི་ཕྱིར་དུ་སྤྱོད་ཅིང་འགྲོ་བར་བྱེད་དོ། ། དེའི་ཚེ་ཡོན་སྟེར་ཅིང་དགེ་འདུན་གྱི་ཆེད་དུ་དེ་ཐམས་ཅད་སྟེར་བར་བྱེད་དེ། དེའི་ཚེ་ངས། དགེ་འདུན་གྱི་ཡོན་གྱི་འབྲས་བུ་ནི་གྲངས་མེད་པར་བཤད་དོ། ། སོང་ཞིང་སོང་བའི་དུས་སུ་འདི་ཅི་བདག་གི་དོན་དུ་ངུར་སྒྲིག་གི་དུམ་བུ་བཏོགས་ནས་དགོན་པའམ། ནགས་ཚལ་དུ་སྐྱུར་བར་བྱེད་དོ། ། དེ་རྣམས་དུས་སུ་རྟགས་ཙམ་འཛིན་པའི་བར་གྱི་དུས་ནུབ་པར་འགྱུར་རོ། ། འདི་ནི་རྟགས་ཙམ་འཛིན་པའི་བར་གྱི་དུས་ནུབ་པའི་དུས་ཞེས་བྱ་བ་ཡིན་ནོ། ། 5.སྐུ་གདུང་གི་བར་གྱི་དུས་ནི། དེ་ནས་ཡང་དག་པར་རྫོགས་པའི་སངས་རྒྱས་ཀྱི་བསྟན་པ་ལོ་སྟོང་ཕྲག་ལྔ་པ་ལ་རྙེད་པ་དང་། བཀུར་སྟི་ལ་སོགས་པའི་རྙེད་པ་ཆུང་ངོ་། ། སྐུ་གདུང་རྣམས་བསྙེན་བཀུར་བྱེད་པའི་གནས་སུ་འགྲོ་བར་བྱེད་དོ། ། སོང་ཞིང་སོང་བའི་དུས་སུ་གནས་ཐམས་ཅད་དུ་བཀུར་སྟི་དང་། བསྟི་སྟང་མ་ཐོབ་ནས། བསྟན་པ་ཐ་མའི་དུས་སུ་ཀླུའི་ཡུལ་དང་། ལྷའི་འཇིག་རྟེན་དང་། ཚངས་པའི་འཇིག་རྟེན་གྱི་གནས་ཐམས་ཅད་ནས་འོངས་ནས། སྐུ་གདུང་ཐམས་ཅད་བྱང་ཆུབ་ཀྱི་སྙིང་པོ་ཁོ་ནར་བསྡུས་ཏེ་སངས་རྒྱས་ཀྱི་སྐུ་རུ་གྱུར་ནས། གཤིན་རྗེའི་རྫུ་འཕྲུལ་དུ་མ་སྟོན་པ་དང་འདྲ་བར་གཞན་ལ་སྟོན་ནོ། ། དེའི་གནས་སུ་སེམས་ཅན་མིར་གྱུར་པའི་མིང་ཡང་མེད་དོ། ། སྟོང་ཕྲག་བཅུའི་ལྷའི་འཇིག་རྟེན་གྱི་ཁོར་ཡུག་གི་བར་ཐམས་ཅད་འདུས་ནས། དེ་རིང་སྟོབས་བཅུ་པ་ཡོངས་སུ་མྱ་ངན་ལས་འདའ་བར་བྱེད་དོ། ། དེང་ནས་བཟུང་ནས་མུན་ནག་ཏུ་གྱུར་ཏོ་ཞེས་ངུ་བོར་བྱེད་དོ། ། སྐུ་གདུང་ཐམས་ཅད་ལ་མེའི་ཁམས་ལངས་ནས་དེའི་སྐུ་ལུས་ལྷག་མ་མེད་པར་སྲེག་པར་བྱེད་དོ། འདི་ནི་སྐུ་གདུང་གི་བར་གྱི་དུས་ནུབ་པ་ཞེས་བྱ་བ་ཡིན་ནོ། ། དེ་ནས་ལོ་སྟོང་ཕྲག་ལྔ་པོ་འདིར་བསྟན་པ་ནུབ་པར་གྱུར་ནས་འཇིག་རྟེན་པ་རྣམས་ལ་མི་དགེ་བ་ལྷག་པར་འཕེལ་བར་བྱེད་དོ། ། ཞེས་བྱ་བའི་དོན་ནོ། མི་རྣམས་ལ་ངོ་ཚ་དང་། ཁྲེལ་མེད་པར་འགྱུར་ཞིང་། མ་དང་། བུ་མོ་དང་། སྲིང་མོ་ལ་སོགས་པའི་འདུ་ཤེས་མེད་པར་འགྱུར་རོ། ། ཕག་དང་། ཅེ་སྤྱང་ལ་སོགས་པ་དང་འདྲ་བར་ངོ་ཚ་མེད་པར་འགྱུར་རོ། ། དེ་ནས་མི་དགེ་བ་ལ་སྦྱོར་ཞིང་ཚེ་བྲི་ནས་ཚེ་ལོ་བཅུ་པར་འགྱུར་རོ། ། ལོ་ལྔ་པའི་ཁྱེའུ་ལ་ལོ་ལྔ་པའི་བུ་མོ་བག་མར་ལེན་ནོ། ། ཡང་ལོ་ལྔའི་ནང་ཉིད་དུ་བུ་དང་། བུ་མོ་། ཚ་བོ་དང། ཚ་མོའང་འབྱུང་ངོ་། ། དེའི་དུས་སུ་མཚོན་གྱི་བསྐལ་པ་བར་མ་འབྱུང་བར་འགྱུར་རོ། །
Tibetan Source	《ཤེར་ཕྱིན་པོད་ཀ་པའི་ནང་བཞུགས་མདོ་》ཤ་409བ་5ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number