5640

Tibetan	རྨད༌བྱུང༌ཆེན༌པོར༌འུབ༌ཆུབ༌པ༌ལྔ།
Tibetan Alternate
Tibetan Definition	དེ༌ཡང༌། མདོ༌རྒྱུད༌རིན༌པོ༌ཆེའི༌མཛོད༌དེབ༌གཟུགས༌གླེགས༌བམ༌བཞི༌པ༌མདོ༌རྒྱུད༌རིན༌པོ༌ཆེའི༌མཛོད༌ཀྱི༌རྒྱས༌འགྲེལ༌སྐབས༌ཉི༌ཤུ༌པ༌རྫོགས༌ཆེན༌ཨ༌ཏིའི༌ལྟ༌པ༌གཏན༌ལ༌ཕབ༌པ༌ལས༌བྱུང༌བ༌སྟེ། 1.སྣང་སྟོང་དབྱེར་མེད་གདོད་མར་མཉམ་པོར་བསྟན་པ༌ནི། སྣང༌སྟོང༌བདེན༌རྫུན༌ཐམས༌ཅད༌མཉམ༌ཉིད༌དབྱིངས། ། འདི༌ལྟར༌ཆོས༌ཐམས༌ཅད༌སྣང༌སྟོང༌གཉིས༌སུ༌མེད༌པ༌གཅིག༌དང༌དུ༌མའི༌སྤྲོས༌པ༌ལས༌འདས༌པས༌ཕྱོགས༌ཆར་ཆད་པ་མེད་དེ་ནམ་མཁའ་ལྟ་བུའི་དོན་ཡིན་པའི་ཕྱིར། ཀུན་བྱེད་ལས། ཆོས་ཀུན་ནམ་མཁའི་རང་བཞིན་ཏེ། ། ནམ་མཁའ་ལ་ནི་རང་བཞིན་མེད། ། ནམ་མཁའ་ལ་ནི་དཔེ་ཡང༌མེད། ། ནམ༌མཁའ༌ལ༌ནི༌ཚད༌ཀྱང༌མེད། ། ཆོས༌རྣམས༌ཐམས༌ཅད༌མ༌ལུས༌པའི། ། དོན༌ནི༌འདི༌ལྟར༌ཤེས༌པར༌གྱིས། ། ཞེས༌སོ། ། དེ༌ལྟར༌ནམ༌མཁའ༌དོན༌དུ༌མཉམ༌པ་ལྟར་སྣང་བར་མཉམ་པ་མེ་ལོང་ནང་གི་གཟུགས་བརྙན་ལྟ་བུ། སྟོང༌པར༌མཉམ༌པ༌དེ༌ལ༌གཟུགས༌རང༌མཚན༌དུ༌མེད༌པ༌ལྟ༌བུ། བློ༌འཁྲུལ༌ངོར༌དོན༌བྱེད༌ནུས༌ཙམ༌དུ༌བདེན༌པར༌མཉམ་པ་གཟུགས་དང་གཟུགས་བརྙན་གཉིས་ཀ་མིག་ཤེས་ལ༌གཟུགས༌འཛིན༌གྱི༌ཤེས༌པ༌བསྐྱེད༌ནུས༌ལྟ༌བུ། བརྫུན༌པར༌མཉམ༌པ༌གཤིས༌མེད༌པའི༌ངང༌དེར༌འཁྲུལ༌སྣང༌དྷ༌དུ༌ར༌ཟོས༌པའི༌སྣང༌བ༌ལྟ༌བུ། ཡོད༌པར༌མཉམ༌པ༌སྣང༌ཙམ༌ངོར༌སྤྲུལ༌པ༌ལྟ༌བུ། མེད༌པར༌མཉམ༌པ༌རང༌བཞིན༌མ༌གྲུབ༌པས༌སྨིག༌རྒྱུའི༌ཆུ༌ལྟ༌བུ། མཐའ༌འདས༌སུ༌མཉམ༌པ༌ནམ༌མཁའ༌ཡངས་པའི་ངང་ལྟ་བུ། གདོད་ནས་མཉམ་པ་ཆོས་ཉིད་དབྱེ༌བསལ༌ལས༌འདས༌པའི༌དབྱིངས༌དཔེ༌དང༌བྲལ༌བ༌སྟེ། གཟོད་མ་ནས་སྟོང་པ་ནི། འཕགས་པ་དཀོན་མཆོག་སྤྲིན་གྱི༌མདོ༌ལས། གཟོད༌མ༌ཉིད༌ནས༌སྟོང༌ཞིང༌མ༌འོངས༌ཆོས། ། སོང༌བ༌མེད༌ཅིང༌གནས༌མེད༌གནས༌ཀྱིས༌དབེན། ། སྒྱུ་མའི་རང་བཞིན་རྟག་ཏུ་སྙིང་པོ་མེད། ། ཐམས༌ཅད༌དག༌ཅིང༌རྣམ༌དག༌ནམ༌མཁའ༌བཞིན། ། རྒྱལ༌བའི་ཆོས་ནི་གང་དག་རབ་སྟོན་པ། ། དེ་ཡང་མི་ཟད་པས་ནམ༌མཐོང༌སྟེ། ཆོས༌འདི༌སྔ༌ནས༌བདག༌སེམས༌ཅན༌མེད། ། དེ༌དག༌རབ༌ཏུ༌སྟོན༌ཡང༌ཟད༌མི༌འགྱུར། ། རྟག༌པ༌ཙམ་དུ་བཏགས་ནས་བསྟན་པ་ཡིན། ། འཁོར་བ་ལ་ནི་ཐ་སྙད་མི་རྙེད་དེ། ། གང་དག་སྔོན་བྱུང་མཐའ་ནི་མཚན་ཉིད་མེད། ། མ༌འོངས༌དུས༌ཀྱང༌ཤེས༌པར༌བྱ༌བའི༌ཕྱིར། ། ལས༌དང༌བྱ༌བ༌དེ༌ལྟར༌ཞུགས༌གྱུར༌ཏེ། ། རབ༌དང༌ཐ༌མ༌དག༌ཏུའང༌འབྱུང༌བར༌འགྱུར། ། ཆོས༌རྣམས༌རྟག༌ཏུ༌ཞི༌ཞིང༌རང༌བཞིན༌སྟོང༌། ཐམས༌ཅད༌བདག༌མེད༌པར༌ཡང༌ཤེས༌པར༌གྱིས། ། ཞེས༌སོ། ། 2.བློས༌བཏགས༌ཐམས༌ཅད༌ངོ༌བོས༌སྟོང༌པར༌བསྟན༌པ༌ནོ། བློ༌ཡིས༌མིང༌བཏགས༌ཆོས༌རྣམས༌ངོ༌བོས༌སྟོང༌། ། དེ༌ཡང་ཕུང་པོ་དང་ཁམས་ལ་སོགས་པའི་གྲུབ་མཐའ་ནི་བློས་བཏགས་ནས་བཤད་དེ། བློས་བཏགས་པ་དེ་ཉིད་ཆོས་རྣམས༌ལ༌མེད༌པས༌ཀྱང༌ངོ༌བོས༌སྟོང༌ལ། མིང༌དུ༌བཏགས༌པ༌ཐམས༌ཅད༌དོན༌དེའི༌ཕྱི༌ན༌ནང༌གང༌ནའང༌མེད༌པས༌གློ༌བུར༌བ་སྟེ་མ་གྲུབ་ལ་དོན་རང་མཚན་ནོ་ཞེས་བཏགས་པའང་མིང་དང༌རྟོག༌པའི༌རི༌མོར༌ཟད༌ཅིང༌། འདོགས༌ཡུལ༌བུད༌ཤིང༌ལས༌སྐྱེས༌པའི༌མེ༌ལྟ༌བུ༌ལ༌འདོད༌ཀྱང༌རྨི༌ལམ༌གྱི༌མེ༌ལྟར༌བག༌ཆགས༌འཁྲུལ༌བའི༌གཟུག༌ལས༌གཤིས༌ལ༌མ༌གྲུབ༌པས༌སྣང༌སྲིད༌འཁྲུལ༌ངོར༌སྣང༌བ༌ཐམས༌ཅད༌སྒྲོ༌བཏགས༌ཉིད༌དུ༌སྣང་ཞིང་། ཡུལ་ཇི་ལྟར་སྣང་དུས་བརྫུན་མཉམ་འབའ་ཞིག༌ལས། བདེན༌པ༌དང༌བརྫུན༌པ༌གཉིས༌སུ༌མེད༌ཅིང༌། སྣང༌བའི༌ཡུལ༌དང༌དེར༌འཛིན༌གྱི༌ཤེས༌པའང༌དཔྱད༌ན༌གཅིག༌གིས༌གཅིག༌ལ༌མ༌གོས༌པས༌འབྲེལ༌བ༌མེད༌དེ། ཡུལ༌དང་ཡུལ་ཅན་དཔྱད་ན་ནམ་མཁའ་ལྟ་བུ་ཡིན་པས་འབྲེལ་ཡུལ༌དང༌འབྲེལ༌པོར༌མེད༌པའི༌ཕྱིར༌འབྲེལ༌བ༌དོན༌ལ༌མེད༌དོ། ། འབྲེལ༌བ༌མེད༌པར༌མ༌ཟད༌སྤྱི༌དང༌བྱེ༌བྲག༌ཅེས༌བློས༌བཀོད༌པའང༌དོན༌རང༌མཚན༌ལ༌མེད༌དེ༌སྤྱི༌བྱེ༌བྲག༌ཏུ༌མ༌བརྟགས༌སམ༌བརྟགས༌པས༌འཕེལ༌འགྲིབ༌མི༌བྱེད༌པར༌མཉམ༌པའི༌ཕྱིར༌རོ། ། དེ༌ལྟར༌དཔྱད༌པས༌བརྗོད༌དོན༌འབྲེལ་བ་མེད་ལ་གཟུང་འཛིན་གཉིས་བཅས་སུ་འཛིན་དོན་མེད་པ་ལ་རྨོངས་པས་འཛིན་པ་ཐམས་ཅད་འཁྲུལ་བར་བསྟན་པ་ཡིན་ནོ ། དེའང་བུ་ཆུང་གི་དུས་ན་དེ་ལྟ་བུའི་གྲུབ༌མཐའ༌དང༌རྣམ༌དབྱེ༌སྒྲོ༌བཏག༌མེད༌པ༌ལས། ཕྱིས༌སྒྲོ་བཏགས་གོམས་པ་ནི་གྲུབ་མཐའ་ངན་པའི་དོན་ཐོས་པ་ལས༌བྱུང༌པའི༌སྒྲིབ༌པ༌སྟེ། རྣམ་ངེས༌ལས། སྐྱེ༌བོ༌རེད༌བུར༌སྐྱེ༌འགྱུར༌ཞིང༌། ཡོན༌ཏན༌ཉེས༌པ༌མཐོང༌ལ། ། ཀྱེ༌མ༌གྲུབ༌མཐའ༌མི༌བཟད༌པའི། ། གདོན༌འདི༌སུ༌ཡིས༌བགོས༌པ༌ཡིན། ། ཞེས་བཤད་པ་བཞིན་ནོ། ། 3.སེམས༌འཕོས༌པ༌མེད༌ཅིང༌ཡུལ༌ཤར༌བ༌མེད༌པར༌བསྟན༌པ༌ནི། སེམས༌ཡུལ༌འཕོ༌ཤར༌མེད༌དེ༌གཉིས༌མ༌མཆིས། ། རེ༌ཞིག༌གོ༌སླ༌བས༌གྲགས༌པ༌དང༌སྦྱར༌ན། མེ༌ལོང་དུ་བཞིན་གྱི་གཟུགས་བརྙན་སྣང་དུས་རང་གི་བྱད་དང་གཟུགས༌བརྙན༌གཉིས༌སུ༌སོང༌བའམ༌བྱད༌ལས༌གཟུགས༌བརྙན༌ཡུལ༌ལ༌མ༌འཕོས༌བཞིན༌དུ༌སྣང༌བ༌ལྟར་སྣ༌ཚོགས༌སུ༌དབང་པོའི་ཡུལ་ཚོགས་དྲུག་སོ་སོར་སྣང་བ་ལ་ནི། སེམས་དེ༌ཕར༌ཡུལ༌དེ༌ལ༌འཕོས༌པ༌མ༌ཡིན༌གྱི། ཡུལ༌གྱི༌རྣམ༌པ༌དབང་ཤེས་ལ་སྣང་བ་སྟེ། བྱད་མེ་ལོང་དུ་སྣང་བའང་འཕོས་པ་མ་ཡིན་གྱི། བྱད་ཀྱི་གཟུགས་བརྙན་ནམ་རྣམ་པ་དེར༌སྣང༌བ༌དང༌འདྲ༌བར༌ཤེས༌པར༌བྱའཔ། ། དེས༌ན༌རྣམ༌པ༌ཤར༌བློས༌གཟུང༌བས༌སྲིད༌པར༌འཁྲུལ༌ལོ། ། དེའང༌དོན༌དུ་དཔྱད་ནས་སེམས་ཕར་མ་འཕོས་རྣམ་པ་ཚུར་ལ་ཤར་ཞེས་པའང༌མ༌གྲུབ༌སྟེ། ཤར༌བའི༌སེམས༌ཕྱི༌ནང༌བར༌གསུམ༌དུ་མ་གྲུབ་པས་ཀྱང་རྣམ་པ་འཛིན་བྱེད་མེད་པ་དང་། རྣམ་པ་དེའང༌དཔྱད༌ན༌ངོ༌བོ༌མེད༌པས༌ཤར༌མཁན༌མ༌གྲུབ༌པའི༌ཕྱིར། ཡུལ༌དང༌ཡུལ༌ཅན༌གཉིས༌བཅས༌སུ༌མ༌གྲུབ༌པ༌འཐད༌པ༌དང༌བཅས༌པ༌སྟེ། རྩ༌ཤེས༌ལས། གང༌ལ༌བརྟེན༌ཏེ༌གང༌འབྱུང༌བ། ། དེ་ནི་རེ་ཞིག་དེ་ཉིད་མིན། ། དེ་ལས་གཞན་ཡང་མ་ཡིན༌ཕྱེ། ། དེ༌ཕྱིར༌ཆད༌མིན༌རྟག༌མ༌ཡིན། ། ཞེས༌སོ། ། 4.ཡུལ༌སེམས༌རང༌བཞིན༌མེད༌པས༌རང༌གྲོལ༌དུ༌བསྟན༌པ་ནི། ཡུལ་སེམས་རང་བཞིན་མེད་པར་རང་སར་གྲོལ། ། འདི༌ལྟར༌སྣ༌ཚོགས༌སུ༌སྣང༌བ༌ཐམས༌ཅད༌རང༌བཞིན༌མེད༌པའི༌ངང༌དུ༌གཅིག༌པ༌རྨི༌ལམ༌སྣ༌ཚོགས༌གཉིད༌ཀྱི༌ངང༌དུ༌གཅིག༌པ༌ལྟ༌བུ༌དང༌། སྣང༌བ༌ལ༌འཆར༌འདྲ༌བའི༌བློ༌རྣམས༌ངོ༌བོ༌ངོས༌གཟུང༌མེད༌པའི༌ངང༌དུ༌གཅིག༌པ༌དབའ༌རླབས་ཆུའི་ངང་དུ་གཅིག་པ་ལྟ་བུ་དང་། སྣང་སེམས་གཉིས༌སུ༌མེད༌པ༌ཆོས༌ཉིད༌ཀྱི༌ངང༌དུ༌གཟིག༌པ༌རབ༌རིབ༌དང༌དེ༌འཛིན༌པའི༌མིག༌ཤེས༌འཁྲུལ༌བར༌གཅིག༌པ༌ལྟ༌བུ༌དང༌། གང༌ལའང༌བརྟག༌དཔྱད༌མི༌དགོས༌པ༌ནམ༌མཁའ༌སྐྱེད༌ཚལ༌བརྟག༌དཔྱད༌ཡུལ༌འདས༌པ༌ལྟ༌བུ༌རྣམས༌ནི༌བཤིས༌ནས༌མཁའི༌ངང༌དུ༌བསྟན༌པ༌ཉུད། ཏིང༌འཛིན༌རྒྱལ༌པོ༌ལས། ཇི༌ལྟར༌ཁྱོད༌ཀྱི༌བདག༌གི༌འདུ༌ཤེས༌ནི། ། ཤེས༌པ༌དེ༌བཞིན༌ཀུན༌ལ༌བློ༌སྦྱང༌བྱ། ། ཆོས༌རྣམས༌ཐམས༌ཅད༌སྟོང༌པའི༌ངོ༌བོ༌ཉིད། ། རྣམ༌པར༌དག༌པ༌ནམ༌མཁའ༌ལྟ༌བུ༌ཡིན། ། ཤེས༌པ༌དང༌། ཀུན༌བྱེད༌ལས། འདི༌ལྟར༌སྣང༌སྲིད༌ཆོས༌རྣམས༌ཐམས༌ཅད༌ཀུན། ། སྐྱེ༌བ༌མེད༌པའི༌ངང༌དུ༌གཅིག༌པས༌ན། ། གཟུང༌འཛིན༌མ༌དམིགས༌རྟོག༌པའི༌སྨྲ༌བསམ༌འདས། ། དབྱིངས༌གཅིག༌ནམ༌མཁའ༌ལྟ༌བུའི༌རང༌བཞིན་ནོ། ། ཞེས་སོ། ། 5.གང༌ཤར༌རང༌གྲོལ༌དུ༌རྟོགས༌ན༌མཁས༌པར༌བསྟན༌པ༌ནི། འཁོར༌འདས༌གཉིས༌མེད༌གང༌ཤར༌རང༌སར༌གྲོལ། ། དེའང་ཕྱོགས་བཞི་ནས་འབབ་པའི་ཆུ་རྣམས་རྒྱ་མཚོར་གཅིག༌པ༌ལྟར། འཁོར༌འདས༌སེམས༌ཀྱི༌ངང༌དུ༌གཅིག༌པ༌ནི། ཀུན༌བྱེད༌ལས། སྣང༌སྲིད༌སྣོད༌བཅུད༌སངས༌རྒྱས༌སེམས་ཅན་ཀུན། ། སེམས་ཀྱིས་བྱས་ཤིང་སེམས་ཀྱི་ངང་དུ་གཅིག ། ཅེས༌སོ། ། འབྱུང༌བཞིའི༌འཕོ༌འགྱུར༌ཐམས༌ཅད༌ནམ༌མཁའི༌ངང༌ལས༌གཡོས༌པ༌ལྟར། ལྟ༌སྒོམ༌སྤྱོད༌འབྲས༌ཉམས༌མྱོང༌གི༌རྣམ༌པ༌ཅི༌ཤར༌གཉུག༌མ༌ལྷན༌ཅིག༌སྐྱེས༌པར༌གཅིག༌པ༌སྟེ། ཏོག༌རྩེ༌པས། གང༌ལས༌གཉུག༌མ༌ལྷན༌ཅིག༌སྐྱེས། ། ཐམས༌ཅད༌རོ༌མཉམ༌ངང༌དེར༌གཅིག ། ཅེས༌པ༌ལྟར་རོ། །
Tibetan Source	《མདོ༌རྒྱད༌མཛོད༌མི༌པ༌》ཤ༌114.13ལས༌བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number