From Rangjung Yeshe Wiki - Dharma Dictionary
Jump to navigation
Jump to search
| རིགས་རྒྱུད་སྐོར་གྱི་མིང༌
|
| Tibetan Definition
|
རང་ནས་མར་ལ་རིམ་པ་བཞིན། །རང་གི་བྱིས་པར་བུ་བུ་མོ། །དེའི་འོག་ཚ་བོ་ཚ་མོ་དང༌། །དེ་ཡི་བྱིས་པ་ཡང་ཚ་ཡིན། ། ཡང་ཚའི་བྱིས་པར་གཞི་ཚ་ (གསུམ་ཚ) དང༌། །གཞི་ཚའི་བྱིས་པར་གོས་ཚ་ཟེར། །གོས་ཚའི་བྱིས་པར་གྲོས་ཚ་ཟེར། །དེ་རྣམས་རང་ནས་མར་དེད་པའི། །རང་གི་རིགས་རྒྱུད་མི་རབས་བདུན། །བུ་མོའི་ཁྱོ་བོར་མག་པ་དང༌། །བུ་ཡི་ཆུང་མར་མནའ་མ་ཟེར། །༼ ཐ་སྙད་ཐོར་བུའི་སྐོར ༽ གཞན་ཡང་ཕ་བུར་ཕ་སྤད (པད) དང༌། །མ་དང་བུ་མོར་མ་མད་ (སྨད) ཟེར། །རང་དང་མེས་པོར་མེས་དབོན་དང༌། །རང་དང་ཨ་ཁུ་ཁུ་དབོན་ཡིན། །རང་དང་ཞང་པོ་ཞང་དབོན་དང༌། །མ་དང་ཞང་པོ་མ་ཞང་ཡིན། །ཕ་རྒྱུད་གཉེན་ཚན་ཕ་ཚན་དང༌། །མ་རྒྱུད་གཉེན་ཚན་མ་ཚན་ཡིན། །རང་གི་མིང་སྲིང་སྤུན་མཆེད་དང༌། །རང་གི་བུ་ཚ་རིགས་རྒྱུད་ཡིན། །དེ་ལྟར་རིགས་རུས་ཆོ་འབྲང་གི། །འབོད་མིང་གསལ་བོར་མ་ཤེས་ན། །རང་མཚང་ཡིན་ལ་གཞན་གྱིས་འཕྱ། །དེ་ཕྱིར་མ་ནོར་ཤེས་པར་གྱིས། །ཞིབ་པ་རིགས་རུས་ཆོ་འབྲང་གི་འབོད་མིང་ཞེས་པར་གཟིགས། རིགས་བདག་གིས་རྒྱས་བཏབ། རིགས་ཀྱི་བདག་པོ་དང་ངོ་བོ་གཅིག་ཏུ་སོང་བའི་དོན་ཡིན་པར། བསྟན་དར་ལྷ་རམས་པ་གསུང་། རྒྱ་ཡིས་བཏབ་པའི་དོན་ནི་ཐ་མི་དད་པའི་དོན་དུ། བསྟན་དར་ལྷ་རམས་པ་སོགས་མཁས་པ་མང་པོས་གསུངས། དོན་དུ་ན་སྤྱི་བོར་རིགས་བདག་གསལ་བཏབ་པའམ་བརྒྱན་པའི་དོན་ཡིན་པར་སེམས།
|