'khor ba 'jig

'khor ba 'jig

sangs rgyas 'khor ba 'jig ste/sangs rgyas chos lugs kyi shod srol la/sngon byung ba 'das pa'i dus na bskal pa mdzes par snang ba la gling bzhi la dbang ba'i 'khor los bsgyur ba'i rgyal po yul 'khor srung zhes bya ba byung/der btsun mo bdun 'bum dang sras stong du tshang ba yod do/_/rgyal pos 'di snyam du rgyal bu 'di dag thams cad byang chub tu bzhugs pa 'gyur ba sha stag yin na gang thog ma sangs rgyas brtan par bya'o snyam ste/gzhon nu de thams cad kyi ming bris nas bsgom par bcug ste zhag bdun du mchod pa byas te bum pa'i nang du ming rnams rim bzhin byung bas/thog mar gzhon nu rnam par dag pa'i gros kyi ming byung bas de ni 'khor ba 'jig go/de nas gzhon nu rnam par 'byung ba'i sde ni gser thub/dbang po zhi ba ni 'od srung/don thams cad grub pa ni shAkya thub pa/ska rag can ni byams pa/mchog gi blo gros ni seng ge/glog gi lha ni tog /bzang po ni me tog dam pa'o/_/'od kyi dpal ni me tog go/rnam par snang ba'i pad+ma ni skar rgyal lo/_/dri ma med pa'i 'od ni spyan legs so/_/rdul med ni lag bzang ngo/_/blo gros rgyal po ni 'od do/_/dge ba bkod pa'i rgyal po ni skal ma la dga' ba'o/_/phyogs 'byor pa ni mngon par 'phags pa gshegs pa'o/_/rnam par dag pa bkod pa'i rgyal po yon tan mnga' ba'o /dpal sbas ni nor dpal lo/_/lus shin tu rnam par 'byed pa ni ye shes 'byung gnas so/rin chen grags pa ni kun tu snang ba'o/_/de nas dgu bcu go dgu pa sangs rgyas yon tan mtha' yas grags pa'i bar byung/de nas tha chung blo mtha' yas kyi ming byung/khong gis sangs rgyas dgu ba rgya dang dgu bcu go dgu'i tshe tshad dang nyan thos kyi dge 'dun ji snyed du 'gyur ba mos pas na/sangs rgyas stong gi tha ma mos pa zhes pa mtshan yang de ltar thob par gsungs/bskal pa bzang po 'di la sangs rgyas stong 'byung ba dang/gong du grangs 'dren rnams gsang ba bsam gyis mi khyab pa'i mdo'i rjes 'brang ba las/snying rje pad dkar dang mdo sde skal bzang bcas kyi bshad tshul 'di dang mi mthun pa yod/bskal pa bzang po 'di la sangs rgyas stong 'byung ba 'dzam gling 'di la mdzad pa bcu gnyis dngos su ston pa'i dbang du byas pa las/bskal pa bzang po 'di la theg chen gyi byang chub thob pa tsam nga gis ma nges pa (bu ston chos 'byung )las gsungs/de la sangs rgyas stong 'byung ba gnas bskal las mar 'a grib brgyad khri pa nas brgya ba'i bar la 'byung ngo/_/brgyad khri bas snga bar mi 'byung ste/'khor ba la skyo shes 'byung ste/tshe dang sems can/nyon mongs pa/lta ba/dus kyi snyigs ma bcas lnga bdo bas so/_/yar 'phel lami 'byung ste/mi dge ba ngang gis spong zhing dge ba ngang gis 'phel bas sangs rgyas byon pa'i dgos pa med cing 'khor ba las skyo shas kyang chung bas so/des na 'dzam bu gling pa tshe lo bzhi khri'i dus su sangs rgyas stong gi dang po 'khor ba 'jig byon/gsum khri'i dus su gser thub/nyi khri'i dus su 'od srung/brgya pa'i dus su shAkya thub pa/brgyad khri pa'i dus su byams pa 'byon par gsungs

{{#arraymap:'khor ba 'jig

|; |@@@ | | }}