View source for Prajnaparamita in Eight Thousand Verses Tibetan Translation Chapter 17

//shes rab kyi pha rol tu phyin pa brgyad stong pa/ bam po bcu bdun pa/ de nas
bcom ldan 'das la tshe dang ldan pa rab 'byor gyis 'di skad ces
gsol to//

bcom ldan 'das yang ci sems bskyed pa dang pos byang chub sems
dpa' sems dpa' chen po bla na med pa yang dag par rdzogs pa'i
byang chub mngon par rdzogs par 'tshang rgya 'am 'on te sems
bskyed pa slad mas byang chub sems dpa' sems dpa' chen po bla na
med pa yang dag par rdzogs pa'i

byang chub mngon par rdzogs par 'tshang rgya/ bcom ldan 'das sems
bskyed pa snga ma ni sems bskyed pa slad ma dang mi 'grogs sems
bskyed pa slad ma yang sems bskyed pa snga ma dang mi 'grogs na/
bcom ldan 'das ci ltar byang chub sems dpa' sems dpa' chen po'i
dge ba'i rtsa ba

rnams sogs par 'gyur/ de skad ces gsol pa dang / bcom ldan 'das
kyis tshe dang ldan pa rab 'byor la 'di skad ces bka' stsal to/
/rab 'byor 'di ci snyam du sems 'bru mar gyi mar me 'bar ba'i me
lce dang po phog pas snying po de tshig gam 'on te me lce phyim
phog pas snying po de tshig par

'gyur/ rab 'byor gyis gsol pa/ bcom ldan 'das de ni ma lags so/
/bcom ldan 'das me lce dang po phog pas snying po de tshig pa ma
lags me lce dang po byung ba la ma brten par yang snying po de
mi 'tshig go/ /bcom ldan 'das me lce slad ma phog pas kyang
snying po de ma tshig ste

@194a */ /me lce slad ma phog pa la ma brten par yang snying po
de mi 'tshig go/ /bcom ldan 'das kyis bka' stsal pa/ rab 'byor
'di ci snyam du sems ci snying po de yang tshig gam/ rab 'byor
gyis gsol pa/ bcom ldan 'das tshig lags so/ /bde bar gshegs

pa tshig lags so/ /bcom ldan 'das kyis bka' stsal pa/ rab 'byor
de bzhin du sems bskyed pa dang pos kyang byang chub sems dpa'
sems dpa' chen po bla na med pa yang dag par rdzogs pa'i byang
chub mngon par rdzogs par 'tshang mi rgya sems bskyed pa dang po
la ma brten par yang bla na

med pa yang dag par rdzogs pa'i byang chub mngon par rdzogs pa'i
'tshang mi rgya'o/ /sems bskyed pa phyi mas kyang bla na med pa
yang dag par rdzogs pa'i byang chub mngon par rdzogs par 'tshang
mi rgya sems bskyed pa phyi ma la ma brten par yang bla na med
pa yang dag par rdzogs pa'i byang chub mngon par

rdzogs par 'tshang mi rgya'o/ /sems bskyed pa de dag gis kyang ma
yin sems bskyed pa de dag las gzhan bas kyang mngon par rdzogs
par 'tshang mi rgya ste/ byang chub sems dpa' sems dpa' chen po
bla na med pa yang dag par rdzogs pa'i byang chub mngon par
rdzogs par 'tshang yang

rgya'o/ /de skad ces bka' stsal pa dang / bcom ldan 'das la tshe
dang ldan pa rab 'byor gyis 'di skad ces gsol to/ /bcom ldan
'das rten cing 'brel bar 'byung ba 'di zab pa lags te/ bcom ldan
'das sems bskyed pa dang pos byang chub sems dpa' sems dpa' chen

po bla na med pa yang dag par rdzogs pa'i byang chub mngon par
rdzogs bar 'tshang mi rgya la/ sems bskyed pa dang po la ma brten
par yang bla na med pa yang dag par rdzogs pa'i byang chub mngon
par rdzogs par 'tshang mi rgya/ sems bskyed pa slad mas kyang
byang chub sems dpa' sems

dpa' chen po bla na med pa yang dag par rdzogs pa'i byang chub
mngon par rdzogs par 'tshang mi rgya la/ sems bskyed bslad ma ?
la ma brten par yang byang chub sems dpa' sems dpa' chen po bla
na med pa yang dag par rdzogs pa'i byang chub mngon par rdzogs
par 'tshang mi rgya/ sems

@194b bskyed pa de dag gis kyang ma lags sems bskyed pa de ma
lags pa gzhan las kyang mngon par rdzogs par 'tshang mi rgya ste/
byang chub sems dpa' sems dpa' chen po ni bla na med pa yang dag
par rdzogs pa'i byang chub mngon par rdzogs par 'tshang rgya bar
yang 'gyur ro/ /de skad

ces gsol pa dang / bcom ldan 'das kyis tshe dang ldan pa rab
'byor la 'di skad ces bka' stsal to/ /rab 'byor 'di ci snyam du
sems ci sems gang 'gags pa de phyir 'byung bar 'gyur ram/ rab
'byor gyis gsol pa/ bcom ldan 'das de ni ma lags so/ /bcom

ldan 'das kyis bka' stsal pa/ rab 'byor 'di ci snyam du sems ci
sems gang 'byung ba de 'gag pa'i chos can yin nam/ rab 'byor
gyis gsol pa/ bcom ldan 'das 'gag pa'i chos can lags so/ /bcom
ldan 'das kyis bka' stsal pa/ rab 'byor 'di ci snyam du

sems ci sems gang 'gag pa'i chos can de 'gag par 'gyur ram/ rab
'byor gyis gsol pa/ bcom ldan 'das de ni ma lags so/ /bcom ldan
'das kyis bka' stsal pa/ rab 'byor 'di ci snyam du sems ci sems
gang ma byung ba de 'gag pa'i chos can yin nam/ rab

'byor gyis gsol pa/ bcom ldan 'das de ni ma lags so/ /bcom ldan
'das kyis bka' stsal pa/ rab 'byor 'di ci snyam du sems ci sems
gang zhig 'gog pa'i chos can ma yin pa de 'gag par 'gyur ram/
rab 'byor gyis gsol pa/ bcom ldan 'das de ni

ma lags so/ /bcom ldan 'das kyis bka' stsal pa/ rab 'byor 'di ci
snyam du sems ci sems gang mi 'byung ma 'gags pa'i chos can de
'gag par 'gyur ram/ rab 'byor gyis gsol pa/ bcom ldan 'das de ni
ma lags so/ /bcom ldan 'das kyis

bka' stsal pa/ rab 'byor 'di ji snyam du sems ci chos gang rang
bzhin gyis ngo bo nyid 'gags pa nyid kyi chos de 'gag par 'gyur
ram/ rab 'byor gyis gsol pa/ bcom ldan 'das de ni ma lags so/
/bcom ldan 'das kyis bka' stsal pa/ rab 'byor 'di ci snyam du

@195a */ /sems/ ci chos rnams kyi chos nyid gang yin pa de 'gag
par 'gyur ram/ rab 'byor gyis gsol pa/ bcom ldan 'das de ni ma
lags so/ /bcom ldan 'das kyis bka' stsal pa/ rab 'byor 'di ci
snyam du sems de bzhin nyid ci lta ba de kho na bzhin

du gnas par 'gyur ram/ rab 'byor gyis gsol pa/ bcom ldan 'das de
bzhin nyid ci lta ba de kho na bzhin du gnas par 'gyur ro/ /bcom
ldan 'das kyis bka' stsal pa/ rab 'byor 'di ci snyam du sems/
gal te de bzhin nyid ji lta ba de bzhin du gnas na ni de'i tshe

ther zug ma yin par mi 'gyur ram/ rab 'byor gyis gsol ba/ bcom
ldan 'das de ni ma lags so/ /bcom ldan 'das kyis bka' stsal pa/
rab 'byor 'di ci snyam du sems de bzhin nyid zab pa ma yin nam/
rab 'byor gyis gsol pa/ bcom ldan 'das zab po/ /

bcom ldan 'das kyis bka' stsal pa/ rab 'byor 'di ci snyam du
sems de bzhin nyid la sems yod dam/ rab 'byor gyis gsol pa/ bcom
ldan 'das de ni ma lags so/ /bcom ldan 'das kyis bka' stsal pa/
rab 'byor de ci snyam du sems sems de de bzhin nyid yin

nam/ rab 'byor gyis gsol pa/ bcom ldan 'das de ni ma lags so/
/bcom ldan 'das kyis bka' stsal pa/ rab 'byor 'di ci snyam du
sems de bzhin nyid las gzhan na sems yod dam/ rab 'byor gyis
gsol pa/ bcom ldan 'das de ni ma lags so/ /

bcom ldan 'das kyis bka' stsal pa/ rab 'byor khyod kyis de bzhin
nyid yang dag par rjes su mthong ngam/ rab 'byor gyis gsol pa/
bcom ldan 'das de ni ma lags so/ /bcom ldan 'das kyis bka' stsal
pa/ rab 'byor 'di ci snyam du sems/ gang de ltar spyod

pa de zab mo la spyod dam/ rab 'byor gyis gsol pa/ bcom ldan
'das gang de ltar spyod pa de ci la yang mi spyod do/ /de ci'i
slad du zhe na/ 'di ltar de la kun tu spyod pa de dag mi 'jug
cing kun tu spyod pa med do/ /bcom ldan 'das kyis bka' stsal pa/
rab 'byor byang

@195b chub sems dpa' sems dpa' chen po gang shes rab kyi pha rol
tu phyin pa la spyod/ rab 'byor gyis gsol pa/ bcom ldan 'das don
dam pa la spyod do/ /bcom ldan 'das kyis bka' stsal pa/ rab
'byor 'di ci snyam du sems/ byang chub sems dpa' sems

dpa' chen po gang don dam pa la spyod pa de mtshan ma la spyod
dam/ rab 'byor gyis gsol pa/ bcom ldan 'das de ni ma lags so/
/bcom ldan 'das kyis bka' stsal pa/ rab 'byor 'di ci snyam du
sems/ ci des mtshan ma de rnam par ma bshig gam/ rab 'byor gyis

gsol pa/ bcom ldan 'das de ni ma lags so/ /bcom ldan 'das kyis
bka' stsal pa/ rab 'byor 'di ji snyam du sems ci byang chub sems
dpa' sems dpa' chen po shes rab kyi pha rol tu phyin pa la spyod
pas mtshan ma rnam par bshig par 'gyur ram/ rab 'byor gyis gsol
pa/

bcom ldan 'das byang chub sems dpa' sems dpa' chen po de byang
chub sems dpa'i spyad pa spyod pa na/ ci ltar bdag gis 'di nyid
du mtshan ma spangs pa thob par 'gyur snyam du mi sbyor te/ gal
te thob par 'gyur na ni sangs rgyas kyi chos thams cad mrdzogs
pas na nyan thos su 'gyur ro/ /

bcom ldan 'das mtshan nyid gang lags dang mtshan ma gang lags pa'i
mtshan ma de yang 'tshal la mtshan ma de med pa la yang yongs su
'dris par bgyid pa 'di ni byang chub sems dpa' sems dpa' chen po
'thabs mkhas pa'o/ /de nas tshe dang ldan pa sh'a ri'i bus tshe
dang ldan pa rab 'byor la 'di skad

ces smras so/ /tshe dang ldan pa rab 'byor byang chub sems dpa'
sems dpa' chen po gang rnam par thar pa'i sgo stong pa nyid dang
mtshan ma med pa dang smon pa med pa gsum rmi lam na sgom na ci
de'i shes rab kyi pha rol tu phyin pa rnam par 'phel bar 'gyur
ram/ rab 'byor gyis smras pa/ tshe dang ldan

pa sh'a ri'i bu gal te nyin par bsgoms pas rnam par 'phel na
ni rmi lam na yang rnam par 'phel lo/ /de ci'i phyir zhe na/ tshe
dang ldan pa sh'a ri'i bu rmi lam dang nyin par ni rnam par mi
rtog pa'o zhes bcom ldan 'das kyis gsungs te/ tshe dang ldan pa
sh'a ri'i bu gal te byang chub sems dpa' sems

@196a */ /dpa' chen po shes rab kyi pha rol tu phyin pa rnyed pa
de nyin gcig bzhin du shes rab kyi pha rol tu phyin pa la spyod
na de'i tshe shes rab kyi pha rol tu phyin pa la goms pa'i byang
chub sems dpa' sems dpa' chen po de'i rmi lam na yang shes rab
kyi pha rol tu phyin pa rgyas par 'gyur ro/ /sh'a

ri'i bus smras pa/ tshe dang ldan pa rab 'byor gang yang skyes pa
'am bud med gang rmi lam na dge pa 'am mi dge ba'i las shig byed
na ci de'i las sogs pa 'am nye bar sogs par 'gyur ram/ rab 'byor
gyis smras pa/ ci ltar bcom ldan 'das kyis chos thams cad rmi
lam lta bu'i zhes

gsungs pa de ltar na las de sogs pa 'am nye bar sogs par mi
'gyur ro/ /tshe dang ldan pa sh'a ri'i bu de ste yang skyes bu de
sad nas rnam par rtog cing gsad par 'du shes bskyed na las de
sogs pa 'am nye bar sogs par 'gyur ro/ /tshe dang ldan pa sh'a
ri'i bu yang ci ltar rmi lam na srog gcod

pa byas nas rnam par rtog cing gsad par 'du shes bskyed nas gal
te sad nas kyang 'di ltar rnam par rtog ste/ a la la bsad do
legs par bsad do shin tu bsad do ngas bsad do snyam du gang de
ltar rtog cing bsod par 'du shes bskyed na ni tshe dang ldan pa
sh'a ri'i bu las de sogs pa 'am nye bar

sogs par 'gyur ro/ /sh'a ri'i bus smras pa/ tshe dang ldan pa rab
'byor gal te skyes bu de sad nas kyang 'di ltar rnam par rtog
cing/ gsad pa'i 'du shes bskyed de a la la bsad do legs par
bsad do shin tu bsad do ngas bsad do snyam du rnam par rtog cing
gsod par 'du shes bskyed na

de bzhin du las de sogs pa 'am nye bar sogs par 'gyur na/ sangs
rgyas bcom ldan 'das kyang zad pa'i 'du shes kyi rnam par rtog
pa bskyed par mdzad pas de'i yang las de sogs pa'am nye bar sogs
par 'gyur ram/ rab 'byor gyis smras pa/ tshe dang ldan pa sh'a
ri'i bu de ni ma yin no/ /de

ci'i phyir zhe na/ de bzhin gshegs pa ni rtog pa dang rnam par
rtog pa thams cad dang bral ba yin te/ 'di lta ste nam mkha' lta
bu nyid do/ /tshe dang ldan pa sh'a ri'i bu de bzhin du?  dmigs ?
pa med par las mi skye dmigs pa med par sems mi skye ste/ tshe
dang ldan pa sh'a ri'i bu de ltabs na

@196b las ni dmigs pa dang bcas pa nyid du skye'i dmigs pa med
par ma yin no/ /sems ni dmigs pa dang bcas pa nyid du skye'i
dmigs pa med par ma yin no/ /tshe dang ldan pa sh'a ri'i bu
mthong ba dang thos pa dang rtogs pa dang rnam par shes pa'i
chos rnams la blo 'jug ste de la blo la la ni

kun nas nyon mongs pa yongs su 'dzin blo la la ni rnam par byang
ba yongs su 'dzin te/ tshe dang ldan pa sh'a ri'i bu de lta bas
na sems pa ni dmigs pa dang bcas par skye'i dmigs pa med par ma
yin no/ /sems ni dmigs pa dang bcas par skye'i dmigs pa med par
ma yin no/ /

sh'a ri'i bus smras pa/ tshe dang ldan pa rab 'byor gang gi tshe
dmigs pa thams cad dben no zhes bcom ldan 'das kyis bka' stsal
na/ tshe dang ldan pa rab 'byor de'i tshe ci'i phyir sems pa dmigs
pa dang bcas par skye'i dmigs pa med par mi skye/ rab 'byor gyis
smras pa/ tshe

dang ldan pa sh'a ri'i bu mtshan mar byas nas dmigs pa rnams med
pa nyid la dmigs par byas nas dmigs par byas nas dmigs pa dang
bcas par sems pa skye'i dmigs pa med par ni ma yin no/ /tshe dang
ldan pa sh'a ri'i bu sems pa ni dben pa ste mtshan ma yang dben
pa'o/ /de bzhin du ma rig pa'i rkyen

gyis 'du byed rnams kyang dben pa'o/ /'du byed kyi rkyen gyis
rnam par shes pa yang dben pa'o zhes bya ba nas skye ba'i rkyen
gyis rga shi yang zhes bya ba'i bar du yang dben pa'o/ /tshe dang
ldan pa sh'a ri'i bu de bzhin du dmigs pa de dag thams cad ni
dben pa'o/ /sems pa yang mtshan

mas dben pa ste 'jig rten gyi tha snyad la brten nas dmigs pa
dang bcas pa'i sems skye'o/ /sh'a ri'i bus smras pa/ tshe dang
ldan pa rab 'byor gang gi tshe byang chub sems dpa' sems dpa'
chen po gang rmi lam na sbyin pa sbyin par byed cing sbyin pa de
yang bla na med pa yang dag par rdzogs

pa'i byang chub tu yongs su bsngo na ? ci de'i tshe sbyin bde
yongs su bsngos pa zhes bya'am/ rab 'byor gyis smras pa/ tshe
dang ldan pa sh'a ri'i bu byang chub sems dpa' sems dpa' chen po
byams pa 'di mngon du 'dug na/ 'di ni bar du ma chod par bla na
med pa yang dag par rdzogs pa'i byang chub

@197a */ /tu de bzhin gshegs pas lung bstan te don 'di lus kyis
mngon sum du byed pa yin gyis 'di la dris shig dang 'dis don
'di'i lan ldon par 'gyur ro/ /de nas tshe dang ldan pa sh'a ri'i
bus byang chub sems dpa' sems dpa' chen po byams pa la 'di skad
ces smras so/ /

tshe dang ldan pa byams pa gnas brtan rab 'byor 'di skad du byang
chub sems dpa' sems dpa' chen po byams pa 'di don 'di'i lan ldon
no zhes zer na tshe dang ldan pa ma pham pa don 'di'i lan lon cig
/de nas byang chub sems dpa' sems dpa' chen po byams pas tshe
dang ldan pa rab 'byor la

'di skad ces smras so/ /tshe dang ldan pa rab 'byor gang 'di skad
du byang chub sems dpa' sems dpa' chen po byams ba 'di don 'di'i
 lan ldon no zhes zer na tshe dang ldan par rab 'byor ci byams
bzhes bya ba'i ming gang yin pa de don 'di'i lan ldon tam/ de
ste gzugs lan ldon tam de

ste tshor ba dang 'du shes dang 'du byed rnams dang rnam par shes
pa lan ldon tam/ de ste kha dog lan ldon tam/ de ste dbyibs lan
ldon tam/ de ste gzugs kyi stong pa nyid gang yin pa de lan ldon
tam/ de bzhin du tshor ba dang 'du shes dang 'du byed rnams dang
rnam par shes pa'i stong pa

nyid gang yin pa de lan ldon/ tshe dang ldan pa rab 'byor gzugs
kyi stong pa nyid gang yin pa des ni lan ldon mi nus so/ /de
bzhin du tshor ba dang 'du shes dang 'du byed rnams dang/ tshe
dang ldan pa rab 'byor rnam par shes pa'i stong pa nyid gang yin
pa des ni lan ldon mi nus so/ /tshe

dang ldan pa rab 'byor chos gang lan ldon par byed pa'i chos de
yang bdag gis yang dag par rjes su ma mthong ngo/ /chos gang la
lan glan bar bya ba'i chos de yang bdag gis yang dag par rjes su
ma mthong ngo/ /chos gang gis lan glan par bya ba'i chos de yang
bdag gis yang

dag par rjes su ma mthong ngo/ /chos gang bla na med pa yang dag
par rdzogs pa'i byang chub tu lung bstan pa'i chos de yang bdag
gis yang dag par rjes su ma mthong ngo/ /de nas tshe dang ldan pa
sh'a ri'i bus byang chub sems dpa' sems dpa' chen po byams pa la
'di skad ces smras so/ /

@197b tshe dang ldan pa byams pa chos 'di dag gang ci ltar tshig
gis bstan pa de bzhin du khyod kyis mngon sum du byas sam/ byams
pas smras pa/ tshe dang ldan pa sh'a ri'i bu chos 'di dag ci ltar
tshig gis bstan pa de bzhin du bdag gis mngon sum du ma byas te/
tshe dang ldan pa

sh'a ri'i bu ci ltar tshig gis brjod pa 'am sems kyis bsams pa'i
chos de dag kyang de ltar bdag gis mi shes mi dmigs yang dag par
rjes su ma mthong ngo/ /tshe dang ldan pa sh'a ri'i bu 'on kyang
ci ltar lus kyis rig tu med pa dang tshig gis brjod du med pa
dang yid kyis bsam du

med pa de bzhin du chos thams cad kyang ngo bo nyid med pa'i
phyir rang bzhin med pa'o/ /de nas tshe dang ldan pa sh'a ri'i bu
'di snyam du e ma byang chub sems dpa' sems dpa' chen po byams
pa 'di ni shes rab zab ste/ ci ltar yang shes rab kyi pha rol tu
phyin pa la yun ring por spyad pa ltar ston

to snyam du sems so/ /de nas bcom ldan 'das kyis tshe dang ldan
pa sh'a ri'i bu la bka' stsal pa/ sh'a ri'i bu khyod ci'i phyir
'di snyam du e ma byang chub sems dpa' sems dpa' chen po byams
pa 'di ni shes rab zab bo snyam du sems/ sh'a ri'i bu khyod chos
gang dang ldan pas dgra

bcom pa zhes rab tu dbye ba'i chos de yang khyod kyis yang dag
par rjes su mthong ngam/ sh'a ri'i bus gsol pa/ bcom ldan 'das
de ni ma lags so/ /bcom ldan 'das kyis bka' stsal pa/ sh'a ri'i
bu de bzhin du byang chub sems dpa' sems dpa' chen po shes rab
kyi pha rol tu

phyin pa la spyod pa ni 'di snyam du chos 'di bla na med pa yang
dag par rdzogs pa'i byang chub tu lung bstan to/ /chos 'di bla
na med pa yang dag par rdzogs pa'i byang chub tu lung ston par
'gyur ro/ /chos 'di bla na med pa yang dag par rdzogs pa'i byang
chub tu lung ston to/ /chos 'di bla na

med pa yang dag par rdzogs pa'i byang chub tu mngon par rdzogs
par 'tshang rgya bar 'gyur ro snyam du mi sems te/ byang chub
sems dpa' sems dpa' chen po de ltar spyod na shes rab kyi pha
rol tu phyin pa la spyod do/ /de spyod pa na mi dang*nga ?
kun tu mi skrag / kun tu skrag pa dang ldan par

@198a */ /mi 'gyur ro/ /stobs bskyed pa rnyed pa'i phyir nga
mngon par rdzogs par 'tshang mi rgya bar mi 'gyur snyam du de
ltar de rnal 'byor du byed de gal te de ltar spyad na shes rab
kyi pha rol tu phyin pa la spyod do/ /sh'a ri'i bu gzhan yang
byang chub sems dpa' sems dpa' chen po

gcan gzan gyi dgon pa'i nang du song na dang nga par mi bya kun
tu skrag par mi bya kun tu skrag pa dang ldan par mi bya'o/ /de
ci'i phyir zhe na/ 'di ltar des sems can thams cad kyi don du
thams cad yongs su btang ba yin no/ /des sems 'di ltar bskyed
par bya ste gal te bdag

gcan gzan gyis zos na de dag la 'di ltar sbyin pa de byin par
gyur pa dang bdag gi sbyin pa'i pha rol tu phyin pa yang yongs
su rdzogs par 'gyur ro/ /bdag bla na med pa yang dag par rdzogs
pa'i byang chub tu yang nye bar 'gyur gyis ci ltar bdag bla na
med pa yang dag par rdzogs pa'i

byang chub mngon par rdzogs par sangs rgyas pa'i sangs rgyas kyi
zhing der byol song gi skye gnas su song ba'i sems can de dag
thams cad nas thams cad rnam pa thams cad du thams cad mi 'byung
zhing shes par mi 'gyur te lha'i nye par longs spyad pa dang
yongs su longs spyod pa dang ldan

bar 'gyur pa de ltar bya'o snyam mo/ /sh'a ri'i bu gzhan yang
byang chub sems dpa' sems dpa' chen po chom rkun gyi dgon pa'i
nang du song na dang nga bar mi bya kun tu skrag par mi bya kun
tu skrag pa dang ldan par mi bya'o/ /de ci'i phyir zhe na/ byang
chub sems dpa' sems dpa' chen

po ni bdog pa thams cad yongs su gtong pa'i dge ba'i rtsa ba la
mngon par dga' ba yin te/ byang chub sems dpa' sems dpa' chen
pos lus kyang rab tu bor zhing yo byad dang nye bar mkho ba
thams cad yongs su gtang bar bya dgos pa'i phyir ro/ /des sems
'di ltar bskyed par bya ste

gal te bdag gi yo byang dang nye bar mkho ba thams cad phrogs na
sems cad de dag la sbyin pa de dag byin par gyur cig /gal te
'ga' zhig gis bdag gi srog gcod na ni bdag gis de la gnod sems
dang khro ba dang zhe sdang bskyed par mi bya ste de dag la yang
bdag gis lus dang dag dang

@198b yid kyis gnod par mi bya'o/ /de ltar na de'i tshe bdag gi
sbyin pa'i pha rol tu phyin pa dang tshul khrims kyi pha rol tu
phyin pa dang bzod pa'i pha rol tu phyin pa yongs su rdzogs par
'gyur pas bdag bla na med pa yang dag par rdzogs pa'i byang chub
tu nye bar 'gyur ro/ /ci ltar bdag bla na med

pa yang dag par rdzogs pa'i byang chub mngon par rdzogs par
sangs rgyas pa'i sangs rgyas kyi zhing den chom rkun gyi dgon pa
thams cad nas thams cad rnam pa thams cad du thams cad mi 'byung
bar 'gyur zhing shes par mi 'gyur ba de ltar bya zhing de ltar
bsgrub bo/ /ci ltar bdag bla na med

pa yang dag par rdzogs pa'i byang chub mngon par rdzogs par
sangs rgyas pa'i sangs rgyas pa'i sang rgyas kyi zhing der nyes
pa de dag dang gzhan dag kyang thams cad nas thams cad rnam pa
thams cad du thams cad mi 'byung zhing mi shes pa de ltar sangs
rgyas kya zhing yongs su dag par bya ba'i phyir 'bad do snyam
mo/ /

sh'a ri'i bu gzhan yang byang chub sems dpa' sems dpa' chen po
chus dgon par 'gyur pa'i nang du song na dang nga bar mi bya kun
tu skrag par mi bya kun tu skrag pa dang ldan par mi bya'o/ /de
ci'i phyir zhe na/ byang chub sems dpa' sems dpa' chen po na mi
dang*nga ? kun tu mi skrag

pa'i chos can yin no/ /des 'di ltar sems bskyed par bya ste/
bdag gis sems can thams cad kyi sred pa thams cad gcad pa'i
phyir bslab par bya'o/ /gal te bdag skrom bas 'chi ba'i dus byed
par gyur na yi dgas kyi 'jig rten du skye bar 'gyur ro snyam du
byang

chub sems dpa' sems dpa' chen pos dang nga bar mi bya kun tu
skrag par mi bya kun tu skrag par dang ldan par mi bya'o /'on
kyang kye ma sems can 'di dag ni bsod nams chung bste/ 'di ltar
'jig rten 'di na chus dgon par gyur pa 'di lta bu dag snang do
snyam du sems can thams cad kyi

thad du snying rje chen po'i sems bskyed do/ /ci ltar bdag bla
na med pa yang dag par rdzogs pa'i byang chub mngon par rdzogs
par sangs rgyas pa'i sangs rgyas kyi zhing de na chus dgon par
gyur pa thams cad nas thams cad rnam pa thams cad du thams cad
mi 'byung zhing mi shes pa de ltar bdag

@199a */ /gis bya'o/ /ci ltar sems can thams cad yang lag brgyad
dang ldan pa'i chu rnyed par 'gyur pa de ltar bsod nams la gzung
bar bya'o/ /ci ltar de'i tshe bdag gi brtson 'grus kyi pha rol tu
phyin pa yongs su rdzogs par 'gyur ba de ltar sems can thams

cad kyi phyir brtson 'grus brtan par brtsam par bya'o snyam mo/
/sh'a ri'i bu gzhan yang byang chub sems dpa' sems dpa' chen po
bkres pa'i dgon pa'i rtang du song na dang nga bar mi bya kun tu
skrag par mi bya kun tu skrag pa dang ldan par mi bya ste/ des
'di ltar go cha bgo bar bya'o/ /

ci ltar bdag bla na med pa yang dag par rdzogs pa'i byang chub
mngon par rdzogs par sangs rgyas pa'i sangs rgyas kyi zhing der
bkres pa'i dgon pa 'di lta bu dag thams cad nas thams cad rnam
pa thams cad du thams cad mi 'byung zhing mi shes pa dang sems
can de dag thams cad skyid pa

dar bde ba dang ldan pa dang bde ba thams cad dang phrad par
'gyur pa de ltar brtson 'grus brtan par brtsam mo/ /de ltar bdag
gis sangs rgyas kyi zhing yongs su sbyang bar bya'o/ /ci ltar
sems can de dag gi bsam pa gang dang gang yin pa dang gang dang
gang nyid yid kyis bsams pa da dang

de nyid 'grub par 'gyur pa de ltar bya ste/ 'di lta ste dper na
sum cu rtsa gsum gyi lha rnams kyi yid kyis bsams pa tsam gyis
thams cad 'byung bar 'gyur bde bzhin du sems can de rnams kyi
yid kyis bsams pa tsam gyis de dag thams cad 'grub par 'gyur pa
dang yid la bsams pa

thams cad 'byung bar bya'o/ /ci ltar dus de'i tshe bdag gi bsam
gtan gyi pha rol tu phyin pa yongs su rdzogs par 'gyur bde ltar
sems can thams cad kyi ched du rang gi sems yongs su dag pa la
'bad par bya'o snyam pas/ ci ltar sems can de dag gi chos kyi
bsam pa yongs su

rdzogs par 'gyur ba dang sems can thams cad kyi 'tsho ba'i yo
byad thams cad dus thams cad du rnam pa thams cad ma tshang bar
mi 'gyur ba de ltar brtson 'grus brtan par brtsam mo/ /sh'a ri'i
bu gzhan yang byang chub sems dpa' sems dpa' chen po nad kyi
dgon par gyur pa'i nang du song

@199b na dang nga bar mi bya kun tu skrag pa dang ldan par mi
bya ste/ des 'di ltar nye bar brtag par bya bsam par bya gzhal
bar bya ste 'di la chos 'ga' zhig na bar byed pa yang med chos
'ga' zhig na bzhes bya ba yang med do zhes des stong pa nyid du
brtag par bya ste dang nga

bar mi bya kun tu skrag par mi bya kun tu skrag pa dang ldan par
mi bya'o/ /sh'a ri'i bu byang chub sems dpa' sems dpa' chen po
ni/ /sems 'di ltar bskyed par mi bya ste yun ring mo zhig na bla
na med pa yang dag par rdzogs pa'i byang chub mngon par rdzogs
par 'tshang rgya par

'gyur ro snyam du de ltar sems bskyed par mi bya zhing
dang*nga ? bar mi bya bun tu skrag par mi bya kun tu skrag pa
dang ldan par mi bya'o/ /de ci'i phyir zhe na/ sems kyi skad cig
'di tsam pa gang yin pa de ni sngon med pa'i mtha' ma ste 'di
lta ste mtha' med pa'o/ /sh'a ri'i bu byang chub

sems dpa' sems dpa' chen po de 'di ltar dka' ba'i 'du shes
bskyed par gi bya ste/ sngon med pa'i mtha' ma 'di ni mang zhing
yun ring ba'o sngon med pa'i mtha' ma 'di ni sems kyi skad cig
ma gcig dang ldan pa ste 'di lta ste mtha' med pa'o snyam mo/
/sh'a ri'i bu de ltar byang chub

sems dpa' sems dpa' chen pos yun ring mo zhig gis bla na med pa
yang dag par rdzogs pa'i byang chub mngon par rdzogs par 'tshang
rgya bar 'gyur ro zhes dang nga bar mi bya kun tu skrag par mi
bya kun tu skrag pa dang ldan par mi bya'o/ /sh'a ri'i bu byang
chub sems dpa' sems dpa' chen po

gang 'jigs pa mi bzad pa 'di dag dang gzhan dag mthong zhing
thos pa dang rtogs pa dang rnam par shes pa dag la mi dang nga
kun tu mi skrag kun tu skrag pa dang ldan par mi 'gyur na/ sh'a
ri'i bu rigs kyi bu'am rigs kyi bu mo de bla na med pa yang dag
par rdzogs pa'i byang chub mngon par rdzogs

par 'tshang rgya ba'i skal pa yod par shes par bya'o/ /sh'a ri'i
bu de ltar byang chub sems dpa' sems dpa' chen pos go cha chen
po bgo bgos te/ ci ltar bdag bla na med pa yang dag par rdzogs
pa'i byang chub mngon par rdzogs par sangs rgyas pa'i sangs rgyas
kyi zhing der sems

@200a */ /can thams cad kyi nad rnams thams cad nas thams cad
rnam pa thams cad du thams cad mi 'gyung ba dang mi shes par
'gyur ba de ltar bya zhing de ltar brtson 'grus brtan pa brtsam
par bya'o/ /ci ltar de bzhin gshegs pas gsungs pa smra bar 'gyur
ba dang ci ltar

gsungs pa bzhin byed par 'gyur ba de ltar bya zhing ci ltar dus
de'i tshe shes rab kyi pha rol tu phyin pa yang bdag la yongs su
rdzogs par 'gyur ba de ltar sems can thams cad kyi don du shes
rab kyi pha rol tu phyin pa la yongs su 'dris par bya'o/ /de nas
'khor der gang g'a'i lha mo zhes

bya ba'i bud med cig 'dus par gyur te 'dug pa de stan las langs
te bla gos phrag pa gcig tu gzar nas pus mo gyas pa'i lha nga sa
la bzhugs ? te bcom ldan 'das gal bde logs su thal mo sbyar te
phyag 'tshal nas bcom ldan 'das la 'di skad ces gsol to/ /bcom
ldan

'das pa dag ni gnas 'di la mi dang nga kun tu mi skrag kun tu
skrag pa dang ldan par mi bgyid de/ mi dang nga kun tu mi skrag
par sems can thams cad la chos bstan par bgyi'o/ /de nas de'i
tshe bcom ldan 'das kyis 'dzum pa gser gyi kha dog lta bu mdzad
de/ 'od des 'jig

rten gyi khams mtha' yas mu med pa khyab par byas nas tshangs
pa'i 'jig rten gyi bar du mngon par byung ste slar log nas bcom
ldan 'das la lan gsum bskor ba byas te bcom ldan 'das kyid bu'i
gtsug tu nub par gyur to/ /bcom ldan 'das kyang 'jum pa mdzad ma
thag tu de

nas bud med des gser gyi me tog dag blangs te/ gser gyi me tog
gis bcom ldan 'das la gtor cing mngon par gtor la mngon par rab
tu gtor to/ /de nas gser gyi me tog de dag chags pa med par bar
snang gi nam mkha' la 'dug par gyur to/ /de nas tshe dang

ldan pa kun dga' bo stan las lngas te bla gos phrag pa gcig tu
gzar nas pus mo gyas pa'i lha nga sa la btsugs te/ bcom ldan ga
la ba de logs su thal mo sbyar te phyag 'tshal nas bcom ldan 'das
la 'di skad ces gsol to/ /bcom ldan 'das de bzhin

@200b gshegs pa dgra bcom pa yang dag par rdzogs pa'i sangs
rgyas ni rgyu ma mchis rkyen ma mchis par 'dzum par mi mdzad na
'dzum pa mdzad pa'i rgyu gang la gas rkyen gang lags/ de skad
ces gsol pa dang/ bcom ldan 'das kyis tshe dang ldan pa kun dga'
bo la 'di skad

ces bka' stsal to/ /kun dga' po sring mo gang g'a'i lha mo 'di
ma 'ongs pa'i dus na gser gyi me tog ces bya ba de bzhin gshegs
pa dgra bcom pa yang dag par rdzogs pa'i sangs rgyas rig pa dang
zhabs su ldan pa bde bar gshegs pa 'jig rten mkhyen pa skyes bu

gdul bya'i kha lo sgyur ba bla na med pa lha dang mi rnams kyi
ston pa sangs rgyas bcom ldan 'das 'jig rten du 'byung bar 'gyur
te/ bskal pa skar ma lta bu la bla na med pa yang dag par rdzogs
pa'i byang chub mngon par rdzogs par 'tshang rgya bar 'gyur ro/
/kun dga' po srid ? mo

gang g'a'i lha mo 'di ni ? bud med kyi lus bsgyur te skyes pa'i
lus thob nas/ 'di nas shi 'phos nas mi bskyed bde bzhin gshegs
pa dgra bcom pa yang dag par rdzogs pa'i sangs rgyas pa'i sangs
rgyas kyi zhing mngon par dga' ba'i 'jig rten gyi khams su skye
bar 'gyur ro/ /

der skyes nas kyang mi bskyod pa de bzhin gshegs pa dgra bcom pa
yang dag nga' rdzogs pa'i sangs rgyas kyi drung du tshangs par
spyad pa spyod par 'gyur ro/ /de nas shi 'phos nas de bzhin
gshegs pa dag blta ba dang ma bral bar sangs rgyas kyi zhing nas
sangs rgyas kyi zhing du 'gro bar

'gyur ro/ /de nas kyang gang nas sangs rgyas bcom ldan 'das
rnams dang ma bral pa'i sangs rgyas kyi zhing nas sangs rgyas
kyi zhing du 'gro ste de dang de dag tu 'gro bar 'gyur ro/ /kun
dga' bo 'di lta sted dper na 'khor los sgyur ba'i rgyal po khang
bzang nas khad bzad du 'gro ba

dang / de nam 'tsho'i bar du rkang pa'i mthil gyis sa la mi reg
par 'gro ste 'chi ka'i bar du yang rkang pa'i mthi las lam reg
par 'chi ba'i dus byed pa de bzhin du kun dga' bo sring mo gang
g'a'i lha mo 'di yang sangs rgyas kyi zhing nas sangs rgyas kyi
zhing du 'gro bar 'gyur te/ de

@201a */ /yang bla na med pa yang dag par rdzogs pa'i byang chub
tu mngon par rdzogs par sangs rgyas kyi bar du sangs rgyas bcom
ldan 'das rnams dang mi 'bral bar 'gyur ro/ /de nas tshe dang
ldan pa kun dga' bo 'di snyam du sems te mi bskyod pa de bzhin
gshegs pa

dgra bcom pa yang dag par rdzogs pa'i sangs rgyas kyi drung na
byang chub sems dpa' sems dpa' chen po gang 'khod pa de dag ni
de bzhin gshegs pa 'dus ba nyid du rig par bya'o snyam mo/ /de
nas bcom ldan 'das kyis tshe dang ldan pa kun dga' bo'i sems kyi
rtog pa

thugs kyis mkhyen nas tshe dang ldan pa kun dga' bo la 'di skad
ces bka' stsal to/ /kun dga' bo de de bzhin no de de bzhin te/
byang chub sems dpa' sems dpa' chen po de dag ni 'dam las rgal
ba yin te mi bskyod pa de bzhin gshegs pa dgra bcom pa yang dag

par rdzogs pa'i sangs rgyas kyi zhing na tshangs par spyad pa
spyod do/ /kun dga' bo byang chub sems dpa' sems dpa' chen po de
dag ni byang chub yongs su 'grub pa la nye par sen par rig par
bya'o/ /kun dga' bo yang gser gyi me tog de bzhin gshegs pa dgra
bcom pa

yang dag par rdzogs pa'i sangs rgyas de'i nyan thos kyi dge 'dun
ni tshad yod par mi 'gyur ro/ /de ci'i phyir zhe na/ kun dga' bo
gang dag la tshad ma med pa'i nyan thos de snyed dag der 'byung
bar 'gyur te 'on kyang gzhal du med pa dang bgrang du med pa
zhes bya ba de lta bu'i grangs su

'gro bar 'gyur ro/ /kun dga' bo yang de'i tshe de'i dus na sangs
rgyas kyi zhing der gcan gzan gyi dgon pa mi 'byung chom rkun
gyi dgon pa mi 'byung chu'i dgon pa mi 'byung mu ge'i dgon pa mi
'byung nad kyi dgon pa mi 'byung ste/ kun dga' bo ma legs par
'gyur ba'i dgon pa

de dag dang ma legs pa gzhan dag kyang sangs rgyas kyi zhing der
thams cad nas thams cad rnam pa thams cad du thams cad mi 'byung
zhing mi shes par 'gyur ro/ /kun dga' bo yang gser gyi me tog de
bzhin gshegs pa dgra bcom pa yang dag par rdzogs pa'i sangs
rgyas bla

@201b na med pa yang dag par rdzogs pa'i byang chub mngon par
rdzogs par sangs rgyas pa na/ 'jigs pa mi bzad pa'i dgon pa 'di
lta bu'i ngo bo dag de'i tshe thams cad nas thams cad rnam pa
thams cad du thams cad mi 'byung zhing mi shes par 'gyur ro/ /de
skad ces bka'

stsal pa dang / bcom ldan 'das la tshe dang ldan pa kun dga' bos
'di skad ces gsol to/ /bcom ldan 'das sring mo gang g'a'i lha mo
'dis de bzhin gshegs pa gang gi drung du dang po bla na med pa
yang dag par rdzogs pa'i byang chub tu sems bskyed pa'i dge ba'i
rtsa ba

bskyed/ de skad ces gsol pa dang / bcom ldan 'das kyis tshe dang
ldan pa kun dga' bo la 'di skad ces bka' stsal to/ /kun dga' bo
sring mo gang g'a'i lha mo 'dis ni mar me mdzad de bzhin gshegs
pa dgra bcom pa yang dag par rdzogs pa'i sangs rgyas

kyi drung du bla na med pa yang dag par rdzogs pa'i byang chub
tu dang po sems bskyed pa'i dge ba'i rtsa ba bskyed do/ /de yang
mar me mdzad de bzhin gshegs pa dgra bcom pa yang dag par rdzogs
pa'i sangs rgyas la bla na med pa yang dag par rdzogs pa'i byang
chub don du gnyer ba'i yid

kyis gser gyi me tog gis gtor nas yongs su bsngos te/ ngas mar
me mdzad de bzhin gshegs pa dgra bcom pa yang dag par rdzogs
pa'i sangs rgyas la gang gi tshe ud pa la lngas gtor cing ngas
mi skye ba'i chos la bzod pa yang thob po/ /de nas mar me mdzad
de

bzhin gshegs pa dgra bcom pa yang dag par rdzogs pa'i sangs
rgyas kyis nga la bram ze'i khye'u khyod ma 'ongs pa'i dus na
sh'a kya thub pa zhes bya ba de bzhin gshegs pa dgra bcom pa
yang dag par rdzogs pa'i sangs rgyas rig pa dang rkang par ldan
pa bde bar gshegs pa 'jig rten mkhyen

pa skyes bu gdul bya'i kha lo sgyur ba ba na med pa lha dang mi
rnams kyi ston pa sangs rgyas bcom ldan 'das su 'gyur ro zhes
bla na med pa yang dag par rdzogs pa'i byang chub tu lung bstan
te/ de'i tshe sring mo 'dis nga lung bstan pa thos nas kye ma ma
la bram ze'i khye'u 'di ci ltar

@202a */ /bla na med pa yang dag par rdzogs pa'i byang chub tu
lung bstan pa de bzhin du bdag kyang bla na med pa yang dag par
rdzogs pa'i byang chub tu lung bstan na ci ma rung snyam du sems
skyes so/ /kun dga' bo de ltar sring mo 'dis mar me mdzad de
bzhin gshegs

pa dgra bcom pa yang dag par rdzogs pa'i sangs rgyas kyi drung
du bla na med pa yang dag par rdzogs pa'i byang chub tu dang po
sems bskyed pa'i dge ba'i rtsa ba bskyed do/ /de skad ces bka'
stsal pa dang / bcom ldan 'das la tshe dang ldan pa kun dga' bos
'di skad ces

gsol to/ /bcom ldan 'das e ma sring mo gang g'a'i lha mo 'di ni
yongs su sbyang ba bgyis shing mthar phyin par bgyis pa lags te/
bla na med pa yang dag par rdzogs pa'i byang chub tu lung bstan
pa'o/ /de skad ces gsol pa dang/ /bcom ldan 'das kyis tshe dang

ldan pa kun dga' bo la 'di skad ces bka' stsal to/ /de de bzhin
no kun dga' bo de de bzhin te/ ci ltar smras pa bzhin no/ /Ae
ma'o sring mo gang g'a'i lha mo 'di ni yongs su sbyang ba byas
shing mthar phyin par byas pa yin te bla na med pa yang dag par
rdzogs pa'i byang chub

tu lung bstan pa'o/ /'phags pa shes rab kyi pha rol tu phyin pa
brgyad stod pa las sring mo gang g'a'i lha mo'i le'u zhes bya
ste bcu dgu ba'o// //de nas bcom ldan 'das la tshe dang ldan pa
rab 'byor gyis 'di skad ces gsol to/ /bcom ldan 'das

byang chub sems dpa' sems dpa' chen po shes rab kyi pha rol tu
phyin pa la spyod pas ci ltar stong pa nyid la yongs su 'dris
bar bgyi ci ltar stong pa nyid kyi ting nge 'dzin la snyoms par
'jug par bgyi/ bcom ldan 'das kyis bka' stsal pa/ rab 'byor 'di
la byang chub sems

dpa' sems dpa' chen po shes rab kyi pha rol tu phyin pa la spyod
pas gzugs stong pa'o snyam du so sor brtag par bya ste/ de bzhin
du tshor ba dang 'du shes dang 'du byed rnams dang rnam par shes
pa stong pa'o zhes so sor brtag par bya'o/ /ci ltar so sor rtog
pa na chos nyid de la

@202b chos nyid kyis rang bzhin yod pa yin no zhes yang dag par
rjes su mi mthong ba de ltar mi g.yeng pa'i sems kyi rgyud kyis
so sor brtag par bya ste chos nyid de yang yang dag par rjes su
ma mthong bas yang dag pa'i mtha' mngon sum du mi byed do/ /de
skad ces bka' stsal pa

dang; bcom ldan 'das la tshe dang ldan pa rab 'byor gyis 'di skad
ces gsol to/ /bcom ldan 'das kyis gang 'di skad du byang chub
sems dpa' sems dpa' chen pos stong pa nyid mngon sum du mi bya'o
zhes gsungs na/ bcom ldan 'das byang chub sems dpa' sems

dpa' chen po ting nge 'dzin de la gnas na ci ltar stong pa nyid
mngon sum du mi bgyid/ bcom ldan 'das kyis bka' stsal pa/ rab
'byor 'di ltar byang chub sems dpa' sems dpa' chen po ni rnam pa
thams cad kyi mchog dang ldan pa'i stong pa nyid la rtong mod
kyi mngon sum du

bya'o snyam du yang mi rtog la mngon sum du bya ba yin no snyam
du yang mi rtog gi yongs su 'dris pa bya'o snyam du rtog go/
/'di ni yongs su 'dris par bya ba'i dus yin te mngon sum du bya
ba'i dus ni ma yin no snyam du rtog cing pa dag gis shes rab kyi
pha rol tu phyin pa yongs su gzung bar

yang 'gyur la mngon sum du yang mi bya'o snyam pas mnyam par ma
bzhag pa nyid du dmigs pa la sems nya bar 'dogs te/ bar skabs
der byang chub sems dpa' sems dpa' chen po byang chub kyi phyogs
kyi chos rnams las yongs su nyams par mi 'gyur zhing zag pa zad
par yang mi

byed la 'di la yongs su 'dris par yang byed do/ /gang gi tshe na
byang chub sems dpa' sems dpa' chen po rnam par thar pa'i sgo
stong pa nyid kyi ting nge 'dzin la gnas pa de'i tshen byang chub
sems dpa' sems dpa' chen pos mtshan ma med pa'i ting nge 'dzin la
gnas par bya ste mtshan ma med

pa mngon sum du yang mi bya'o/ /de ci'i phyir zhe na/ de ltar
dge ba'i rtsa ba brtan pa yongs su bskyed pa'i chos dang ldan
pa'i byang chub sems dpa' sems dpa' chen pos ni 'di yongs su
'dris par bya ba'i dus yin gyi mngon sum du bya ba'i dus ni ma
yin no snyam du rab tu btag par bya ste/ shes

@203a */ /rab kyi pha rol tu phyin pas kyang yongs su bzung la
yang dag pa'i mtha' yang mngon sum du mi byed do/ /rab 'byor 'di
lta ste dper na skyes bu rab tu dpa' bar gyur pa/ shin tu brtson
'grus dang ldan par gyur pa/ brtan zhing gnas par gyur pa/ gzugs

bzang bar gyur pa/ mdzes par gyur pa/ rab tu blta na sdug par
gyur pa/ yon tan mang po dang ldan par gyur pa/ yon tan mchog
dang ldan par gyur pa/ tshul khrims dang dbang phyug mchog dang
thos pa dang gtong ba la sogs pa'i yon tan dang ldan par gyur
pa/ yid gzhungs

bar gyur pa smra nus par gyur pa lan ldon nus par gyur bspobs pa
phun sum tshogs par gyur pa sgrub pa phun su mtshogs pa dang ldan
par gyur pa dus shes par gyur pa yul shes par gyur pa gnas shes
par gyur pa 'phong skyen pa'i mthar phyin par gyur pa mtshon cha
mang po zlog par gyur pa mtshon cha

sra bzlog par gyur bsgyu rtsal thams cad la rab tu mkhas par
gyur pa shin tu yongs su rdzogs pas bzo'i gnas thams cad kyi
shin tu mthar phyin par gyur pa/ dran pa dang ldan par gyur pa
blo gros dang ldan par gyur pa rtogs pa dang ldan par gyur pa
mos pa dang ldan par gyur pa lugs dang

ldan par gyur pa bstan bcos thams cad la 'jigs pa med par gyur
pa/ mdza' bo dang ldan par gyur pa nor dang ldan par gyur pa
dpung dang ldan par gyur pa/ yan lag mtshang ba med par gyur pa
dbang po yongs su tshang bar gyur pa yo byad thams cad phun sum
tshogs par gyur

pa 'khor phun sum tshogs par gyur pa skye bo mad po la yang
phangs shing yid du 'ong bar gyur par gos pa gang dang gang nyid
ci rtsom pa de dang de dag thams cad la sgrol nus par gyur pa
rigs pas tha snyad du byed pa 'ga' zhig yod la/ de la thams cad
du yang rnyed pa che bar gyur pa ste de rnyed

pa chen po de dang ldan pas skye bo mang po la 'ged par byed
bkur stir bya ba la bkur stir byed bla mar bya ba bla mar byed
ri mor bya ba la ri mor byed mchod par bya ba la mchod par byed
na/ rab 'byor 'di ci snyam du sems/ ci skyes bu de de'i gzhi las
dga' ba dang mgu ba dang rangs pa dang yid

@203b bde ba cher skye 'am/ rab 'byor gyis gsol pa/ bcom ldan
'das de de bzhin no bde bar gshegs pa de de bzhin no/ /bcom ldan
'das kyis bka' stsal pa/ rab 'byor yang skyes bu de phun sum
tshogs pa chen po de dang ldan nas pha ma dang bu dang chung ma
rnams khrid de

tshogs ba 'ga' zhig dang ldan pas/ 'brog dgon pa chen po 'jigs pa
chen po byis pa rnams la sdigs mor rung bsbu zing zhes byed pa
der zhugs par gyur la/ de der phyin nas pham dang bu dang chung
ma de dag la bdag gis khyed 'brog dgon pa 'jigs pa mi bzad pa
chen po 'di nas nye zho

med cing bde legs su myur du bsgral te myur du thar bar bya yis
ma 'jigs shig ma 'jigs shig ces mi 'jigs pa bstabs la/ rab 'byor
yang 'brog dgon pa de na skyes bu de la phyir rgol ba dang mi
mdza' ba mang po zhig byung bar gyur na/ rab 'byor de ci snyam
du sems phyir

rgol ba dang mi mdza' ba de dag nye bar gnas pas/ skyes bu dpa'
bo phyir mi ldog pa lta ba dang brtson 'grus dang stobs dang
ldan pa shes rab dang ldan pa shin tu snyes gshin pa mdzangs pa
brtan pa tshogs chen po dang ldan pa de/ pham dang bu dang chung
ma de dag yongs

dgon pa 'jigs pa chen po mi bzad pa de las bdag gcig pu byung
ste/ 'gro bar sems sam/ rab 'byor gyis gsol ba/ bcom ldan 'das
de ni ma lags so/ /de ci'i slad du zhe na/ bcom ldan 'das 'di
ltar skyas bu de'i pha ma dang bu dang chung ma de dag yongs

su mi 'bor te/ de nang dang phyi'i dpung gi tshogs dang ldan la
'brog dgon pa de na phyir rgol ba dang mi mdza' ba de dag la
phyir rgol ba gzhan de bas ches mang ba ches dpa' bgo mtshon ches
sra bches rlabs che ba dag mchis pas srung bas na de'i slad du
de'i phyir rgol ba mi mdza' ba

klan ka tshol ba glags lta ba glags tshol ba dag gis glags mi
rnyed de/ bcom ldan 'das de'i slad du skyes bu stobs dang ldan
pa de ma snad ma smas par pha ma dang bu dang chung ma dang bdag
nyid kyang 'brog dgon pa 'jigs pa chen po mi bzad pa de las
'byung nus te/ bde ba'am

@204a */ /bde legs su myur du grong ngam grong khyer ram grong
rdal gyi bar du phyin par 'gyur ro/ /de skad ces gsol pa dang /
bcom ldan 'das kyis tshe dang ldan pa rab 'byor la 'di skad ces
bka' stsal to/ /rab 'byor de bzhin du byang chub sems dpa' sems
dpa'

chen po sems can thams cad la phan pa dang snying ba rtse ba'i
byams pa la gnas pa snying rje la gnas pa dga' ba la gnas pa
btang snyoms la gnas pa thabs mkhas pa dang shes rab kyi pha rol
tu phyin pas yongs su bzung pa yang dge ba'i rtsa ba rnams yang
dag par rdzogs pa'i sangs rgyas kyis gang

ba'i yongs su bsngo bas yongs su bsngos nas 'di ltar yang rnam
par thar pa'i sgo stong ba nyid dang mtshan ma med pa dang smon
pa med pa'i ting nge 'dzin la 'jug pa de ltan yang nyan thos
kyis 'am rang sangs rgyas kyis la yang dag pa'i mtha' gang yang
mngon sum du mi byed do/ /de ci'i phyir zhe

na; 'di ltar 'di'i yongs su 'dzin par byed pa ni mchog tu stobs
dang ldan zhing mchog tu brtan pa yin te/ 'di lta ste shes rab
kyi pha rol tu phyin pa dang thabs mkhas pa'o/ /des na 'di'i
sems can thams cad yongs su ma btang ba yin zhing des na 'dis
dge zhing bde par bla

na med pa yang dag par rdzogs pa'i byang chub mngon par rdzogs
par 'tshang rgya bar nus so/ /rab 'byor gang gi tshe byang chub
sems dpa' sems dpa' chen po sems can thams cad kyi drung na
byams pa'i sems dmigs par byed cing dmigs par byas nas de dag la
byams pa'i mchog gis nye bar

'brel bar byed pa de'i tshe byang chub sems dpa' sems dpa' chen
po nyon mongs pa'i phyogs dang bdud kyi phyogs las shin tu 'das
shing/ nyan thos kyis dang rang sangs rgyas kyis las shin tu
'das te de ting nge 'dzin de la gnas so/ /rab 'byor de zag pa
zad bam thong kyang pha

rol tu phyin pa'i mchog stong pa nyid la yongs su 'dris par
byed do/ /rab 'byor gang gi tshe byang chub sems dpa' sems dpa'
chen po rnam par thar pa'i sgo stong pa nyid kyi ting nge 'dzin
la gnas pa de'i tshe byang chub sems dpa' sems dpa' chen po bar
der mtshan ma med pa'i ting nge 'dzin la

@204b mi gnas te des mtshan ma med pa'i teng nge 'dzin mngon sum
du byas pa ma yin no/ /rab 'byor 'di lta ste dper na 'dab chags
bya ni nam mkha' bar snang la rgyu yang sa la mi ltung zhing
gnas ci la yang mi rten par 'dug ste nam mkha' bar snang nyid la
gnas kyang de la yang mi rten mi gnas so/ /

rab 'byor de bzhin du byang chub sems dpa' sems dpa' chen po
stong pa nyid la gnas pas gnas shing stong pa nyid la yongs su
'dris par yang byed do/ /mtshan ma med pa la gnas pas gnas shing
mtshan ma med pa la yongs su 'dris par yang byed do/ /smon pa med
pa la gnas

pas gnas shing smon pa med pa la yongs su 'dris par yang byed
de/ sangs rgyas kyi chos rnams yongs su ma rdzogs par stong pa
nyid dang mtshan ma med pa dang smon pa med par yang mi ltung
ngo/ /rab 'byor 'di lta ste dper na 'phong gi slob dpon stobs
dang ldan pa mda'i mtshon la legs

par bslabs pa shin tu mthar phyin pa des mda' steng du 'phangs
te mda' 'phangs nas de mda' gzhan dag gis slar bzlog nas mda'
des la mi ltung par 'dzin te/ mda' snga ma de la mda' phyi ma
rgyud mar 'phangs pas sal ltung du mi ster te/ kye ma mda' de sa
la lhung yang sla snyam

du 'dod pa ma byung ba de srid du mda' de sa la mi ltung ngo/
/rab 'byor de bzhin du byang chub sems dpa' sems dpa' chen po
shes rab kyi pha rol tu phyin pa la sbyod pa thabs mkhas pas
yongs su bzung ba de ni ci srid du bla na med pa yang dag par
rdzogs pa'i byang chub tu dge pa'i rtsa ba de dag

yongs su smin pa dang shin tu yongs su smin par ma gyur pa de
srid du yang dag pa'i mtha' dam pa de mngon sum du mi byed do/
/gang gi tshe bla na med pa yang dag par rdzogs pa'i byang chub
tu dge ba'i rtsa ba de dag yongs su smin cing shin tu smin bar
gyur pa de'i tshe yang dag pa'i mtha' dam pa mngon

sum du byed do/ /rab 'byor de lta bas na byang chub sems dpa'
sems dpa' chen po shes rab kyi pha rol tu phyin pa la spyad par
bya shes rab kyi pha rol tu phyin pa la bsgom par bya/ de ltar
chos zab mo de dag gi chos nyid so sor brtag cing nye bar bsam
par bya ste mngon sum du ni mi

@205a */ /bya'o//