View source for Prajnaparamita in Eight Thousand Verses Tibetan Translation Chapter 4

//shes rab kyi pha rol tu phyin pa brgyad stong pa/ 
bam po bzhi pa/ kO shi ka gang gi tshe yang de bzhin gshegs pa dgra bcom pa yang dag par rdogs pa'i sangs
rgyas rnams 'jig rten du mi 'byung bar 'gyur ba de'i tshe yang kO shi ka
'di lta ste shes rab kyi pha rol tu phyin pa'i rig sngags 'di
nyid la brten nas/ kO shi ka byang chub sems dpa' sems dpa'
chen po rnams shes rab kyi pha rol tu phyin pa'i rgyu 'thun pa
sngon thos pas thabs mkhas pa dang /

ldan par 'gyur ro/ /kO shi ka sems can rnams la rjes su
brtse ba dang ldan pa de dag kyang rjes su brtse ba'i phyir
'jig rten 'di la brten te dge ba bcu'i las kyi lam rnams 'jig
rten du rab tu 'byed do/ /byang chub kyi yan lag dang mi ldan
pa'i bsam gtan bzhi 'jig rten du rab tu

@43a */ /'byed do/ /byang chub kyi yan lag dang mi ldan pa'i
tshad med pa bzhi 'jig rten du rab tu 'byed do/ /byang chub kyi
yan lag dang mi ldan pa'i gzugs med pa'i snyoms par 'jug pa
bzhi 'jig rten du rab tu 'byed do/ /byang chub kyi yan lag
dang mi ldan pa'i mngon

par shes pa lnga rnams 'jig rten du rab tu 'byed do/ /kO
shi ka 'di lta ste dper na zla ba'i dkyil 'khor la rten nas
sman dang skar ma thams cad stobs ci lta ba dang mthu ci lta
bar kun tu snang bar byed/ rgyu sgar rnams kyang stobs ci lta
ba bzhin du snang bar byed do/ /kO shi ka de

bzhin du de bzhin gshegs pa dgra bcom pa yang dag par rdzogs
pa'i sangs rgyas 'das nas dam pa'i chos 'jig par gyur pa dang
de bzhin gshegs pa dgra bcom pa yang dag par rdzogs pa'i sangs
rgyas rnams 'jig rten du ma byung ba na/ la la chos spyod pa
dang mtshungs par

spyod pa dang zhi bar spyod pa dang dge bar spyod pa gang dag
'jig rten na rab tu 'dogs pa dang rab tu sgom pa de dag thams
cad byang chub sems dpa' las skyes shing byang chub sems dpa'
rab tu phye ste/ byang chub sems dpa'i thabs mkhas pa las 'jug
la byang chub sems dpa'

rnams kyi thabs mkhas pa de yang shes rab kyi pha rol tu phyin
pa las skyes par rig par bya'o/ /kO shi ka gzhan yang shes
rab kyi pha rol tu phyin pa 'di 'dzin pa dang 'chang ba dang
klog pa dang kun chub par byed pa dang rab tu 'don pa dang
ston pa dang nye bar ston pa dang lung 'bogs pa

dang kha ton byed pa dang yi ger 'dri ba dang yid la byed pa
dang dran bar byed pa'i rigs kyi bu dang rigs kyi bu mo rnams
de'i gzhi las tsha 'di la yon tan mang po rnams re bar bya'o/
/de skad ces bka' stsal pa dang/ lha rnams kyi dbang po brgya
byin gyis bcom ldan 'das la 'di

skad ces gsol to/ /bcom ldan 'das rigs kyi bu 'am rigs kyi bu
mo de dag yang cho 'di'i yon tan gang dag dang ldan par 'gyur/
bcom ldan 'das kyis bka' stsal pa/ kO shi ka rigs kyi bu
'am rigs kyi bu mo de dag ni yang ba ma spangs pas 'chi ba'i
dus byed par

@43b mi 'gyur/ dug gis 'chi ba'i dus byed par mi 'gyur/ mtshon
gyis 'chi ba'i dus byed par mi 'gyur/ mes 'chi ba'i dus byed
par mi 'gyur/ chus 'chi ba'i dus byed bar mi 'gyur/ dbyug pas
'chi ba'i dus byed par mi 'gyur/ pha rol gyi gnod pa byed pas

'chi ba'i dus byed par mi 'gyur/ de dag la rgyal po 'am rgyal
po'i bu 'am rgyal po'i blon po chen po 'am rgyal po'i blon po
dag gis gnod pa byung zhing skyes na yang/ shes rab kyi pha
rol tu phyin pa 'di dran zhing kha ton du byed pa dag la phyir
mi snang bar 'gyur ro/ /shes rab kyi

pha rol tu phyin pa 'di yang dang yang dran zhing kha ton byed
pa de dag la rgyal po 'am rgyal po'i bu 'am rgyal po'i blon po
chen po 'am rgyal po'i blon po der glags lta ba dang glags
tshol ba gang dag nye bar 'ongs par gyur na de dag gis glags
rnyed par mi 'gyur te/ 'di ltar yang shes rab kyi

pha rol tu phyin pa yongs su bzung ba'i phyir ro/ /der rgyal
po 'am rgyal po'i bu 'am rgyal po'i blon po chen po 'am rgyal
po'i blon po dag nye bar 'ongs na yang de dag smra bar 'dod
cing gtam zer par 'dod de yang dag bar dga' par bya'o snyam du
sems par 'gyur ro/ /de ci'i

phyir zhe na/ kO shi ka shes rab kyi pha rol tu phyin pa
'di ni sems can thams cad kyi drung na byams pa'i sems kyis
byams pa nye bar bsgrub pa dang snying rje'i sems kyis snying
rje nye bar bsgrub pas nye bar gnas par 'gyur ro/ /kO shi
ka de nyid kyi phyir na rigs kyi bu 'am rigs kyi bu mo

gang yang gdug pa dang sdig sprul mang po'i dgon pa'i nang du
song ba de dag la mi 'am mi ma yin pa glags lha ba dang glags
tshol ba de dag gis kyang kO shi ka de dag la sngon gyi las
kyi rnam par smin pa ma gtogs par glags rnyed par mi 'gyur ro/
/de nas mu stegs can gzhan kun

tu rgyu brgya klan ka tshol ba'i bsam pas de'i tshe bcom ldan
'das ga la ba der 'ongs par gyur to/ /de nas lha rnams kyi
dbang po brgya byin gyis mu stegs can gzhan kun du rgyu de dag
rgyang nas 'ong ba mthong nas de dag gi sems la kun tu brtags
te/ 'di snyam du mu stegs can

@44a */ /gzhan kun tu rgyu 'di dag klan ka tshol ba'i bsam pas
bcom ldan 'das ga la ba der 'ongs kyis/ bdag gis ci nas kyang
mu stegs can gzhan kun tu rgyu de dag bcom ldan 'das kyi drung
du nye bar mi 'ong bar bya ba'i phyir/ bdag gis bcom ldan 'das
kyi

thad nas shes rab kyi pha rol tu phyin pa 'di'i phyogs cha ji
snyed cig bzung ba de tsam zhig bdag gis dran bas bsam par bya
ba ton du bya rab tu 'don par bya ste/ de ltar byas pa dang
shes rab kyi pha rol tu phyin pa 'di bshad pa la bar chad du
mi 'gyur ro/ /zhes bsams so/ /

de nas lha rnams kyi dbang po brgya byin gyis bcom ldan 'das
kyi thad nas shes rab kyi pha rol tu phyin pa 'di'i phyogs cha
ji snyed cig des bzung ba de snyed tsham zhig dran pas bsams te
kha ton du byas shing rab tu bton par gyur to/ /de nas mu
stegs can gzhan kun tu rgyu de dag

rgyang ring ba bas kyang ches ring ba nas bcom ldan 'das la
bskor ba byas te sgo de nyid dang lam de nyid nas phyir log
ste dong ngo/ /de nas tshe dang ldan pa sh'a ri'i bu 'di snyam
du sems te 'dir ci'i phyir 'di ltar mu stegs can gzhan kun tu
rgyu de dag rgyang ring ba bas kyang ches ring ? ba nas

bcom ldan 'das la bskor ba byas te sgo de nyid dang lam de
nyid nas slar dong snyam mo/ /de nas bcom dan 'das kyis tshe
dang ldan pa sh'a ri'i bu'i de lta bu'i sems kyi rtog pa thugs
kyis mkhyen nas tshe dang ldan pa sh'a ri'i bu la 'di skad ces
bka' stsal to/ /sh'a ri'i bu lha rnams kyi

dbang po brgya byin gyis mu stegs can gzhan kun tu rgyu klan
ka tshol ba'i bsam pa can de dag gi sems dag mthong nas shes
rab kyi pha rol tu phyin pa 'di 'chad pa la bar chad byed par
gyur na mi rung ngo snyam zhing ci nas shes rab kyi pha rol tu
phyin pa 'chad par mu stegs can gzhan

kun tu rgyu de dag 'ong bar ma gyur cig snyam pas/ mu stegs
can gzhan kun tu rgyu rtsod par 'dod pa dang rgol bar 'dod pa
dang 'gal bar byed par 'dod pa rnams bzlog pa'i don du/ shes
rab kyi pha rol tu phyin pa 'di dran pas yid la bsams te kha
ton du byas shing rab tu bton te

@44b lha rnams kyi dbang po brgya byin gyi ltar ngas kyang
gnang ngo/ /de ci'i phyir zhe na/ sh'a ri'i bu mu stegs can
gzhan kun tu rgyu de dag gcig la yang chos dkar bo yod par
ngas ma mthong ste/ sh'a ri'i bu de dag thams cad ni klan ka
tshol ba'i bsam pa dang zhe 'dras pa'i sems kyis

'ong 'dod par gyur to/ /de nas bdud sdig can 'di snyam du sems
te de bzhin gshegs pa dgra bcom pa yang dag par rdzogs pa'i
sangs rgyas kyi 'khor bzhi po 'di dag tshogs shing 'khod de de
bzhin gshegs pa'i mngon du gyur cing 'dod pa na sbyod pa dang
gzugs na spyod

pa'i lha'i bu 'di dag kyang mngon du gyur pa las na 'dir ni nges
par byang chub sems dpa' sems dpa' chen po dag bla na med pa
yang dag par rdzogs pa'i byang chub tu lung ston par 'gyur gyis
mig gis mi rtsol bar bya ba'i phyir bdag nye bar 'gro'o snyam
mo/ /de nas bdud sdig

can gyis yan lag bzhi ba'i dpung gi tshogs mngon par sprul te/
bcom ldan 'das ga la ba der nye bar 'ongs so/ /de nas lha rnams
kyi dbang po brgya byin 'di snyam du sems te kye m'o 'di dag
ni bdud sdig can yin te yan lag bzhi pa'i dpung gi tshogs mngon
par sprul nas/

bcom ldan 'das gal ba der 'ongs pa yin gyi yan la ga bzhi pa'i
dpung gi tshogs kyi bkod pa gang yin pa 'di ni rgyal po gzugs
can snying po'i yan lag bzhi pa'i dpung gi tshogs kyi bkod pa
yang ma yin/ rgyal po gsal rgyal gyi yan lag bzhi pa'i dpung
gi tshogs kyi bkod

pa yang ma yin no/ /sh'-kya rnams kyi yan lag bzhi pa'i dpung
gi tshogs kyi bkod pa yang ma yin no/ /li tsatsha ? ba'i
rnams kyi yan lag bzhi ba'i dpung gi tshogs kyi bkod pa yang ma
yin gyi/ 'di ni bdud sdig can gyis mngon par sbrul pa yin te/
bdud sdig can ni yun ring po

nas bcom ldan 'das la glags lta ba dang glags tshol ba dang
sems can rnams la gnod pa'i bsam pa dang rjes su 'brel ba yin
no/ /da bdag gis shes rab kyi pha rol tu phyin pa 'di dran pas
bsam par bya kha ton du bya rab tu gdon par byo snyam mo/ /de
nas lha rnams kyi

@45a */ /dbang po brgya byin gyis shes rab kyi pha rol tu
phyin pa 'di nyid dran pas bsams shing kha ton du byas te rab
tu bton par gyur to/ /lha rnams kyi dbang po brgya byin gyis
ci lta ci ltar shes rab kyi pha rol tu phyin pa dran pas bsams
shing kha ? ton du byas te rab tu bton

pa de lta de ltar bdud sdig can sgo de nyid dang lam de nyi
 nas slar log ste song bar gyur to/ /de nas sum cu rtsa gsum
pa'i ris kyi lha'i bu rnams kyis lha'i me tog man d'ar ba dag
mngon par sprul te bar snang gi nam mkha' la 'dug nas bcom
ldan 'das gal ba der lha'i me tog man

d'ar ba de dag mngon par rab tu gtor te/ 'di skad du kye ma
shes rab kyi pha rol tu phyin pa 'di ni yun ring mo zhig na
'dzam bu'i gling gi mi rnams kyi nang du byung ngo zhes ched
du brjod pa ched du brjod nas/ yang lha'i me tog rnams bzung
nas bcom ldan 'das gal ba der mngon par

gtor mngon par rab tu gtor te 'di skad ces gsol to/ /bcom ldan
'das sems can gang dag shes rab kyi pha rol tu phyin pa 'chad
pa dang sgom pa dang shes rab kyi pha rol tu phyin pa la sbyod
pa de dag la ni bdud dam bdud kyi ris kyi lha rnams kyis glags
rnyed par mi 'gyur ro/ /

bcom ldan 'das gang shes rab kyi pha rol tu phyin pa 'di mnyan
pa dang thos nas 'dzin pa dang 'chang ba dang klog pa dang kun
chub bar bgyid pa dang rab tu gdon pa dang ston pa dang nye
bar ston pa dang lung 'bogs pa dang kha ton du bgyid pa'i sems
can de dag ni ngan don gyi dge ba'i rtsa ba dang

ldan pa ma lags so/ /bcom ldan 'das shes rab kyi pha rol tu
phyin pa 'di gang dag gi rna lam du grag par gyur pa'i sems
can de dag gis kyang sngon gyi rgyal ba rnams la bgyib bgyis
pa lags na/ gang 'dzin pa dang 'chang ba dang klog pa dang kun
chub bar bgyid pa dang rab du 'don pa

dang ston pa dang lung 'bogs pa dang kha rton bgyid pa dang de bzhi
nyid du slob pa dang de bzhin nyid du sgrub pa dang de bzhin
nyid du rnal 'byor du bgyid pa lta ci smos te/ bcom ldan 'das
sems can de dag gis ni de bzhin gshegs pa la bsnyen bkur bgyis
pa

@45b lags so/ /de ci'i slad du zhe na/ 'di lta ste shes rab
kyi pha rol tu phyin pa 'di las thams cad mkhyen pa nyid rab
tu 'byed cing 'di las thams cad mkhyen pa nyid btsal bar
bgyi'o/ /bcom ldan 'das 'di lta ste dper na rin po che dang
rin po che chen po gang yang rung ba de dag

thams cad ni rgya mtsho chen pos rab tu phye ba lags/ de dag
thams cad ni rgya mtsho chen po las btsal bar bgyi ba lags so/
/bcom ldan 'das de bzhin du thams cad mkhyen pa nyid kyi rin
po che chen po nyi de bzhin gshegs pa dgra bcom pa yang dag
par rdzogs pa'i sangs rgyas

rnams kyi shes rab kyi pha rol tu phyin pa'i rgya mtsho chen po
las btsal bar bgyi'o/ /de skad ces gsol pa dang/ bcom ldan
'das kyis lha rnams kyi dbang po brgya byin la 'di skad ces
bka' stsal to/ /kO shi ka de de bzhin no de de bzhin te/ de
bzhin gshegs pa dgra bcom pa

yang dag par rdzogs pa'i sangs rgyas rnams kyi thams cad
mkhyen pa nyid kyi rin po che chen po ni 'di lta ste shes rab
kyi pha rol tu phyin pa'i rgya mtsho chen po 'di las skyes so/
/de nas bcom ldan 'das la tshe dang ldan pa kun dga' bos 'di
skad ces gsol to/ /bcom ldan 'das

ni sbyin pa'i pha rol tu phyin pa'i bsngags pa mi gsung zhing
ming yongs su mi sgrogs/ tshul khrims kyi pha rol tu phyin pa'i
ma lags/ bzod pa'i pha rol tu phyin pa'i ma lags/ brtson 'grus
kyi pha rol tu phyin pa'i ma lags/ bcom ldan 'das ni bsam gtan
gyi pha

rol tu phyin pa'i bsngags ba mi gsung zhing ming yongs su me
sgrogs kyi/ 'on kyang bcom ldan 'das ni shes rab kyi pha rol
tu phyin pa gcig pu nyid kyi bsngags pa yongs su gsung ba dang
ming yongs su sgrogs par mdzad do/ /bcom ldan 'das kyis bka'
stsal pa/ de de bzhin no

kun dga' bo de de bzhin te/ kun dga' bo da ni shes rab kyi pha
rol tu phyin pa kho na'i bsngags pa smras pa dang ming yongs
su sgrogs kyi pha rol tu phyin pa gzhan gyi ni ma yin no/ /de
ci'i phyir zhe na/ kun dga' bo shes rab kyi pha rol tu phyin
pa ni pha rol tu phyin pa lnga po rnams kyi sngon du 'gro ba
ste

@46a */ /des na pha rol tu phyin pa'i ming 'thob bo/ /kun dga'
bo de ci snyam du sems thams cad mkhyen pa nyid du yongs su ? ma
bsngos pa'i sbyin bas sbyin pa'i pha rol tu phyin pa zhes bya
ba'i ming 'thob bar 'gyur ram/ kun dga' bos gsol pa/ bcom ldan
'das de ni ma lags

so; /bcom ldan 'das kyis bka' stsal pa/ kun dga' bo de ci
snyam du sems de bzhin du yongs su ma bsngos pa'i tshul khrims
dang yongs su ma bsngos pa'i bzod pa dang yongs su ma bsngos
pa'i brtson 'grus dang yongs su ma bsos pa'i bsam gtan rnams
dang / kun

dga' bo 'di ci snyam du sems thams cad mkhyen pa nyid du yongs
su ma bsngos pa'i shes rab kyis shes rab kyi pha rol tu phyin
pa zhes bya ba'i ming 'thob par 'gyur ram/ kun dga' bos gsol
pa/ bcom ldan 'das de ni ma lags so/ /bcom ldan 'das kyis bka'
stsal

pa; kun dga' bo 'di ci snyam du sems dge ba'i rtsa ba rnams
thams cad mkhyen pa nyid du yongs su bsngo bas yongs su sngo
par byed pa'i shes rab gang yin pa de bsam gyis mi khyab pa
yin nam/ kun dga' bos gsol pa/ bcom ldan 'das de de bzhin te/
bcom ldan

'das dge ba'i rtsa ba rnams thams cad mkhyen ba nyid du yongs
su bsngo bas yongs su sngo bar byed pa'i shes rab gang lags pa
de ni bsam gyis mi khyab pa'o/ /bcom ldan 'das de ni mchog tu
bsam gyis mi khyab bo/ /bcom ldan 'das kyis bka' stsal pa/ kun
dga' bo de

lta bas na de ltar dam pa yin pa'i phyir de ni shes rab kyi
pha rol tu phyin pa zhes bya ba'i ming 'thob bar 'gyur te/
gang gis dge ba'i rtsa ba thams cad mkhyen pa nyid du yongs su
bsngos pa rnams pha rol tu phyin pa'i ming 'thob po/ /kun dga'
bo de lta bas na dge ba'i rtsa ba rnams thams

cad mkhyen pa nyid du yongs su bsngos pa'i phyir shes rab kyi
pha rol tu phyin pa ni pha rol tu phyin pa lnga'i sngon du
'gro zhing 'dren pa yongs su 'dren pa'o/ /tshul 'dis pha rol tu
phyin pa lnga ni shes rab kyi pha rol tu phyin ba kho na'i nad
du 'dus so/ /kun dka' bo 'di lta ste shes rab kyi pha rol

@46b tu phyin pa zhes bya ba ni pha rol tu phyin pa drug yongs
su rdzogs pa'i tshig bla dgas so/ /kun dga' bo de lta bas na
shes rab kyi pha rol tu phyin pa yongs su bsgrags na pha rol
tu phyin pa drug po thams cad yongs su bsgrags par 'gyur ro/
/kun dga' bo 'di lta ste dper na sa chen po

las bon btab pa tshogs pa dang phrad na skye bar 'gyur te/
sa ? chen po ni sa bon de dag gi gzhi yin pas sa chen po la brten
nas sa bon de dag skye bar 'gyur ro/ /kun dga' bo de bzhin du
pha rol tu phyin pa lnga ni shes rab kyi pha rol tu phyin pas
yang dag par bzung bas thams cad

mkhyen pa nyid la brten pa yin te/ shes rab kyi pha rol tu
phyin pa la brten nas pha rol tu phyin pa lda skye bar 'gyur
ro/ /shes rab kyi pha rol tu phyin pas yongs su bzung ba'i
phyir pha rol tu phyin pa zhes bya ba'i ming 'thob par 'gyur
ro/ /kun dga' po de lta bas na shes rab kyi

pha rol tu phyin pa 'di nyid pha rol tu phyin pa lnga'i sngon
du 'gro zhing 'dren pa yongs su 'dren pa'o/ /de nas bcom ldan
'das la lta rnams kyi dbang po brgya byin gyis 'di skad ces
gsol to/ /bcom ldan 'das re shig shes rab kyi pha rol tu phyin
pa bzung zhing bcangs pa dang klags pa

dang kun chub par bgyis pa dang rab tu bton pa dang bstan pa
dang nye bar bstan pa dang lung phog pa dang kha ton du bgyis
pas rigs kyi bu 'am rigs kyi bu mos yon tan gang dag yongs su
'dzin par 'gyur ba shes rab kyi pha rol tu phyin pa'i yon tan
'di dag thams cad de bzhin

gshegs pa dgra bcom pa yang dag par rdzogs pa'i sangs rgyas
kyis yongs su bsgrags pa ni ma lags te/ 'on kyang gang zhig
bdag gis bcom ldan 'das kyi thad nas shes rab kyi pha rol tu
phyin pa 'di'i phyogs gcig bzung zhing rab tu bton pa'i lags
so/ /bcom ldan

'das kyis bka' stsal pa/ kO shi ka legs so legs so/ /kO
shi ka yang gang shes rab kyi pha rol tu phyin pa 'di 'dzin pa
dang 'chang ba dang klog pa dang kun chub par byed pa dang rab
tu 'don pa dang ston pa dang nye bar ston pa dang lung 'bogs
pa dang kha ton byed pa de dag nyid

@47a */ /'ba' zhig la yon tan 'di dag 'byung ba 'ba' zhig tu
ni mzad kyi/ kO shi ka rigs kyi bu 'am rigs kyi bu mo gang
gis yang sangs rgyas kyi tshul rgyun chad bar ma gyur cig dam
pa'i chos nub par ma gyur cig ces dam pa'i chos yun ring du
gnas par bya ba dang /

tshul dang ma bral bas byang chub sems dpa' sems dpa' chen po
rnams la phan gang gas pa bsgrub pa byas par 'gyur bar shes
rab kyi pha rol tu phyin pa 'di bris nas glegs bam du chud par
byas te 'chang ngam bzhag la/ shes rab kyi pha rol tu phyin pa
de la me tog dang bdug

pa dang dri dang phreng ba dang byug pa dang phye ma dang na
bza' dang gdugs dang rgyal mtshan dang dril bu dang ba dan dag
dang khor yug tu mar mo'i phreng bdag dang mchod pa rnam pa
mang po dag gis mchod par byed de/ bkur stir byed bla mar byed
rjed par byed mchod par byed ri mor byed bsnyen

bkur byed na/ kO shi ka rigs kyi bu 'am rigs kyi bu mo de'i
yang tshe 'di nyid kyi yon tan ngas bshad pa yin no/ /de skad
ces bka' stsam ldan 'das la lha rnams kyi dbang po brgya byin
gyis 'di skad ces gsol to/ /bcom ldan 'das bdag gis kyang

gang zhig sangs rgyas kyi tshul rgyun chad bar ma gyur cig dam
pa'i chos nub par ma gyur cig ces dam pa'i chos yun ring du
gnas par bgyi ba dang / tshul dang ma bral bas byang chub sems
dpa' sems dpa' sems dpa' chen po rnams la phan gad gas pa
bsgrub pa bgyis par 'gyur bar

she rab kyi pha rol tu phyin pa 'di bres nas glegs bam du chud
par bgyis te 'chang ngam bzhag la/ shes rab kyi pha rol tu
phyin pa de la me tog pa 'dug par dang dre dang phreng ba dang
byug ba dang phyem dang na bza' dang gdugs dang rgyal mtshan
dang dril bu dang ba dan dag dang khor yug tu mar

me 'i phreng pa dang dang mchod par bgyid de/ bkur ster bgyid
bla mar bgyed rjed par bgyid mchod par bgying ri mor bgyid
bsnyen ba kur bgyid pa'i rigs kyi bu 'am rigs kyi bu mo do la
bsrung ba dang bskab pa dang sba ba bgyid bar 'gyur na/ gang
shes

@47b rab kyi pha rol tu phyin pa 'di 'dri ba dang 'dzin pa
dang 'chang ba dang klog pa dang kun chup par bgyid pa dang rab
tu 'don pa dang ston pa dang nye bar ston pa dang lung 'bogs
ba dang kha ton du bgyid pa dang me tog dang bdug pa dang dri
dang phreng ba dang byug pa dang phye ma dang na bza' dang gdugs

dang rgyal mtshan dang dril phu dang bdan dag dang gor yug tu
ma ra me'i phred ba dag dang mchod pa rnam pa mang po dag gis
kyang mchod par bgyid de/ bkur stir bgying bla mar bgying
rjed par bgyid mchod par bgyid ri mor bgying bsnyen bkur bgyid
pa lta smos kyang ci 'tshal/ bcom

ldan 'das kyis bka' stsal pa/ kO shi ka legs so/ /kO shi ka
yang rigs kyi bu 'am rigs kyi bu mo de shes rab kyi pha rol tu
phyin pa 'di kha ton du byed pa na de nyid du lha'i bu brgya
phrag mang po 'ong bar 'gyur/ lha'i bu stong phrag mang po
dang lha'i bu brgya stong phrag mang po rnams

chos nyan pa'i phyir nye bar 'ongs bar 'gyur ro/ /lha'i bu de
dag chos nyan pa na chos smra bde'i sbobs pa nye bar sgrub po
snyam du sems par 'gyur ro/ /gang gi tshe yang chos smra ba de
mi sma bar 'dod par gyur pa de'i tshe yang lha'i bu de dag gis
chos la gus pa de nyid yis rigs kyi bu

'am rigs kyi bu mo de ji ltar sma bnyid du 'dun pa de ltar
spobs pa nye bar bsgrub par sems so/ /kO shi ka rigs kyi bu
'am rigs kyi bu mo gang shes rab kyi pha rol tu phyin pa 'di
'dzin pa dang 'chang ba dang klog pa dang kun chub par byed pa
dang rab du 'don pa dang ston pa dang nye bar ston pa

dang lung 'bogs pa dang/ kha ton byed par gyur ba de dag tshe
'di la yon tan 'di dag kyang yongs su 'dzin par 'gyur ro/ /kO
shi ka gzhan yang rigs kyi bu 'am rigs kyi bu mo de shes rab
kyi pha rol tu phyin pa 'di 'chang ba ? na nga la klan ka tshol
ba'i bsam pas 'ga' zhig rgol na mi

rung ngo snyam du 'khor gyi mdun du sems zhum par mi 'gyur ro/
/de ci'i phyir zhes na/ 'di ltar de la shes rab kyi pha rol tu
pyin pas bsrung ba dang bskyab ba dang sba ba byed de shes
rab kyi pha rol tu phyin pa la gnas pa des ni klan ka tshol ba
yang yang dag par rjes su mi mthong ngo/ /shes rab

@48a */ /kyi pha rol tu phyin pa la gnas pas ni klan ka tshol
bar byed pa yang yang dag bar rjes su mi mthong ngo/ /gang la
klan ka btsal bar bya ba de yang yang dag par rjes su mi
mthong ngo / /shes rab kyi pha rol tu phyin pa de yang yang dag
par rjes su mi mthong ste/ de ltar

shes rab kyi pha rol tu phyin pas yongs su bzung pa'i rigs kyi
bu 'am rigs kyi bu mo la rnam grangs 'dis rgol ba gang yang mi
'byung ngo / /de yang mi dang nga ? kun tu mi skrag kun tu skrag ba
dang ldan par mi byad do/ /kO shi ka rigs kyi bu 'am rigs kyi
bu mo gang shes rab kyi pha rol tu phyin pa

'di 'dzin pa dang 'chang ba dang klog pa dang kun chub par
byed pa dang rab tu 'don pa dang ston pa dang nye bar ston pa
dang lung 'bogs pa dang kha ton byed par 'gyur ba des tshe 'di
dag kyang yongs su 'dzin par 'gyur ro/ /kO shi ka gzhan yang
rigs kyi bu 'am rigs kyi bu mo dag

pha ma dang mza' bo dang blon po dang gnyen ba shes dang snag
gi gnyen mtshams rnams dang dge sbyong dang bram ze dag la yid
du 'ong bar 'gyur ro/ /de pha rol rgol ba byung zhing ? skyes ba
dag chos dang ldan pas tshar gcod pa la stobs yod cin nus pa
yod par 'gyur te/ pha rol gyis brgal 

ba na ? yang brgal ba la lung ston nus par 'gyur ro/ /kO shi ka
rigs
kyi bu 'am rigs kyi bu mo gang shes rab kyi pha rol tu phyin pa
'di 'dzin pa dang 'chang ba dang klog pa dang kun chub par byed
pa dang rab tu 'don pa dang ston pa dang nye bar ston pa dang
lung 'bogs pa dang kha ton byed par

'gyur ba'i rigs kyi bu 'am rigs kyi bu mo des tshe 'di la yon
tan 'di dag kyang yangs su 'dzin par 'gyur ro/ /kO shi ka
yang rigs kyi bu 'am rigs kyi bu mo des phyogs gang du shes rab
kyi pha rol tu phyin pa 'di bris nas glegs bam du chud par
byas te mchod pa sngon du 'gro bas

bzhag par 'gyur ba der/ kO shi ka rgyal chen bzhi'i ris kyi
lha dag gi nang na lha'i bu gang yang su dag bla na med pa yang
dag par rdzogs pa'i byang chub tu yang dag par zhugs pa de dag
kyang der 'ong bar sems te/ de dag kyang der 'ongs nas shes
rab kyi pha rol tu phyin pa 'di

@48b glegs bam du chud pa la lta bar 'gyur phyag 'tshal bar 'gyur
'dud pa byed par 'gyur 'dzin par 'gyur 'cad bar 'gyur klog par
'gyur kun chub par byed par 'gyur rab tu 'don par 'gyur
ston par 'gyur nye bar ston par 'gyur lung 'bogs par 'gyur kha
ton byed par 'gyur te/

bltas ? shing phyag byas nas 'dud pa byas gzung ba byas/ bcang
ba byas klag pa byas kun chub par byas rab tu gdon par byas
ston par byas nye bar ston par byas lung phog cing kha ton
byas te yang phyir 'gro bar sems so/ /kO shi ka sum cu rtsa
gsum pa'i lha dag gi nang na lha'i

bu gang su dag bla na med pa yang dag par rdzogs pa'i byang chub
tu yang dag par zhugs pa de dag kyang der 'ong par sems te/ de
dag kyang der 'ongs nas shes rab kyi pha rol tu phyin pa 'di
glegs bam du chud pa la lta bar 'gyur phyag 'tshal bar 'gyur
'dud pa byed par 'gyur

'dzin par 'gyur 'chang bar 'gyur klog par 'gyur kun chub par
byed par 'gyur rab tu 'don par 'gyur ston par 'byur nye bar
ston par 'gyur lung 'bogs par 'gyur kha ton byed par 'byur te/
bltas ? shing phyag byas na 'dud pa byas 'zung ba byas bcang ba
byas klag pa byas kun

chub par byas rab tu 'don par byas ston par byas nye bar ston
par byas lung phog cing kha ton byas te yang phyir 'gro bar
sems so/ /kO shi ka 'thab bral gyi lha dag gi nang na lha'i
bu gang su dag bla na med pa yang dag par rdzogs pa'i byang chub
tu yang dag par zhugs pa de dag kyang der nye bar

'ong bar sems te/ de dag kyang der 'ongs nas shes rab kyi pha
rol tu phyin pa 'di glegs bam du chud pa la lta bar 'gyur phyag
'tshal bar 'gyur 'dud pa byed par 'gyur 'dzin par 'gyur 'chad
par 'gyur klog par 'gyur kun chub par byed par 'gyur rab tu
'don par 'gyur ston par

'gyur nye bar ston par 'gyur lung 'bogs par 'gyur kha ton byed
par 'gyur te/ bstas shing phyag byas nas 'dud pa byas gzung ba
byas bcang ba byas klag pa byas kun chub par byas rab tu 'don
par byas ston par byas nye bar ston par byas lung phog cing
kha ton byas te yang phyir 'gyo bar

@49a */ /sems so/ /kO shi ka dga' ldan ? gyi lha dag gi nang
na lha'i bu gang su dag bla na med pa yang dag par rdzogs pa'i
byang chub tu yang dag par zhugs pa de dag kyang der 'ong bar
sems te/ de dag kyang der 'ongs nas shes rab kyi pha rol tu phyin
pa 'di glegs bam du chud

pa la lta bar 'gyur phyag 'tshal bar ? 'gyur 'dud pa byed par 'gyur
'dzin par 'gyur 'chang bar 'gyur klog par 'gyur kun chub par
byed par 'gyur rab tu 'don par 'gyur ston par 'gyur nye bar
ston par 'gyur lung 'bogs par 'gyur kha ton byed par 'gyur te/
bstas shing

phyag byas nas 'dud pa ? byas gzung ba byas bcad ba byas klag pa
byas kun chub par byas rab tu 'don par byas ston par byas nye
bar ston par byas lung phog cing kha ton byas te yang phyir
'gro bar sems so/ /kO shi ka 'phrul dga'i lha dag gi nang na
lha'i bu dag su dag bla na med pa yang

dag par rdzogs pa'i byang chub tu yang dag par zhugs pa de dag
kyang der 'ong bar sems te/ de dag kyang der 'ongs nas shes rab
kyi pha rol tu phyin pa 'di glegs bam du chud pa la lta bar
'gyur phyag 'tshal bar 'gyur 'dud ba byed par bgyur 'dzin par
'gyur 'chang bar ? 'gyur klog

par 'gyur kun chub par byed par 'gyur rab tu 'don par 'gyur
ston par 'gyur nye bar ston par 'gyur lung 'bogs par 'byur kha
ton byed par 'gyur te/ bltas shing phyag byas nas 'dud pa byas
gzung ba byas bcad pa byas klag pa bgyas kun chub par byas rab
tu 'don par byas ton par

byas nye bar ston par byas lung phog cing kha ton byas te yang
phyir 'gro bar sems so/ /kO shi ka gzhan 'phrul dbang byed kyi
lha dag gi nang na lha'i bu gang su dang bla na med pa yang dag
par rdzogs pa'i byang chub tu yang dag par zhugs pa de dag
kyang der 'ongs bar sems te/ de dag kyang

der 'ongs nas shes rab kyi pha rol tu phyin pa 'di glegs ba ma ?
du chud pa la lta par 'gyur phyag 'tshal bar 'gyur 'dud pa byed
par 'gyur 'dzin par 'gyur 'chang bar 'gyur klog par 'gyur kun
chub par byed par 'gyur rab tu 'don par 'gyur ston par 'gyur
nye bar ston par 'gyur lung

@49b 'bogs par 'gyur kha ton byed par 'gyur te/ bltas shing
phyag byas nas 'dud pa byas 'zung ba byas bcang ba byas klag pa
byas kun chub par byas rab tu 'don par byas ston par byas nye
bar ston par byas lung phog cing kha ton byas te yang phyir
'gro bar sems so/ /kO shi ka de

bzhin du gzugs na spyod pa'i lha rnams la lha'i bu gang ji
snyed yod pa nas tshangs pa'i 'jig rten na tshangs ris kyi
lha'i bu gang su dag bla na med pa yang dag par rdzogs pa'i
byang chub tu yang dag par zhugs pa de dag kyang der 'ong bar
sems te/ de dag kyang der 'ongs nas shes rab kyi pha rol

tu phyin pa 'di glegs bam du chud pa la lta bar 'gyur phyag
'tshal bar 'gyur 'dud pa byed par 'gur 'dzin par 'gyur 'chang
bar 'gyur klog par 'gyur kun chub par byed par 'gyur rab tu
'don par 'gyur ston par 'gyur nye bar ston par 'gyur lung
'bogs par 'gyur kha ton byed

par 'gyur te/ bltas shing phyag byas nas 'dud pa byas gzung ba
byas bcang ? ba byas klag pa byas kun chub par byas rab tu 'don
par byas ston par byas nye bar ston par byas lung phog cing
kha ton byas te yang phyir 'gro bar sems so/ /kO shi ka
khyod kyis 'dir tshangs ris pa nyid ji lta

bde ? bzhin du ni mi bsam ste/ tshangs ris pa ji lta ba de bzhin
du tshangs pa'i mdun na 'don gyi lha dag gi nang na lha'i bu
gang su dag yod pa yang snga ma bzhin sbyar ro/ /de bzhin du
tshangs pa chen po dang / 'od chung dang tshad med 'od dang 'od
gsal dang dge chung dang tshad med dge dang dge

rgyas dang sprin med dang bsod nams 'phel dang 'bras bu che
dang 'du shes med pa'i sems can dang mi che ba dang mi gdung
ba dang gya nom snang dang shin tu mthong dang / kO shi ka
'og min gyi lha dag gi nang na lha'i bu gang su dag bla na med
pa yang dag par rdzogs pa'i byang chub tu yang dag par zhugs

pa de dag kyang der 'ong bar sems te/ de dag kyang der 'ongs
nas shes rab kyi pha rol tu phyin pa 'di glegs bam du chud pa
la lta bar 'gyur phyag 'tshal bar 'gyur 'dud pa byed par 'gyur
'dzin par 'gyur 'chang bar 'gyur klog par 'gyur kun chub par
byed par 'gyur rab tu 'don par

@50a */ /'gyur ston par 'gyur nye bar ston par 'gyur lung
'bogs par 'gyur kha to na byed par 'gyur te/ bltas shing phyag
byas nas 'dud pa byas gzung ba byas bcang ba byas klag pa byas
kun chub par byas rab tu 'don par byas ston par byas nye bar
ston par byas

lung phog cing kha ton byas te yang phyir 'gro par ? sams so/
/kO shi ka rigs kyi bu 'am rigs kyi bu mo des sems 'di ltar
bskyed bar bya ? ste/ gang su dag phyogs bcu'i 'jig rten gyi
khams gzhal du med grangs med pa dag na ? yod pa'i lha dang klu
dang gnod sbyen dang dri za dang

lha ma yin dang nam mkha' lding dang mi 'am ci dang lto 'phye
chen po dang mi ma yin pa de dag la/ glegs bam 'di las shes
rab kyi pha rol tu phyin pa la ltos shig phyag 'tshol cig 'dud
pa gyis shig zung shig chongs shig lhogs shig kun chub par gyur
sheg prag tu thon cig ston cig

nye bar ston cig lung phog shig kha ton gyis shig /bltas shing
phyag byas te 'dud pa byas gzung ba byas bcang ba byas klag pa
byas kun chub par byas rab tu 'don par byas ston par byas nye
bar ston par byas lung phog cing kha ton byas nas yang phyir
bdag nyid kyi gnas su de ngas shig

de dag la chos kyi sbyin pa 'di nyid byin par gyur cig ces
bsam par bya'o/ /kO shi ka 'di la khyod 'di snyam du ging
chen po bzhi pa'i 'jig rten gyi khams 'di nyid kyi 'dod pa na
spyod pa dang gzugs na sbyod pa'i lha'i bu gang dag bla na med
pa yang dag par rdzogs pa'i byang chub tu yang dag par

zhugs pa de dag nyid 'ba' zhig der 'ong ba snyam du sems par
gyur na mi rung ste kO shi ka de ltar mi blta'o/ /kO shi
ka 'on kyang yang stong gsum gyi stong chen po'i 'jig rten gyi
khams na 'dod pa na sbyod pa dang gzugs na sbyod pa'i lha'i bu
gang su dag bla na med pa yang dag par rdzogs pa'i byang chub
tu

yang dag par zhugs pa ci snyed yod pa de dag kyang der 'ong
bar sems te/ de dag kyang der 'ongs nas shes rab kyi pha rol
tu phyin pa 'di glegs bam du chad ba la lta bar 'gyur phyag
'tshal bar 'gyur 'dud pa byed par 'gyur 'dzin par 'gyur 'chang
bar 'gyur klog par 'gyur kun chub par

@50b byed par 'gyur rab tu 'don par 'gyur ston bar ? 'gyur nye
par ston par 'gyur lung 'bogs kha ton byed par 'gyur te/ bstas
shing phayg byas nas 'dud pa byas gzung ba byas bcang ba byas
klag pa byas kun chub par byas rab tu 'don par byas ston par
byas nye bar ston

par byas lung phog cing kha ton byas te yang phyir 'gro bar
sems so/ /kO shi ka yang rigs kyi bu 'am rigs kyi bu mo de'i
khyim dang gnas khang dang khang bzang kyang shin tu bsrungs
par 'gyur zhing sngon gyi las kyi rnam par smin pa ma gtogs
par de la su yang 'tshe ba byed par yang mi

'gyur te/ kO shi ka de ltar der gzi brjid che ba gzi brjid
che ba zhes bya ba'i lha dang klu dang gnod sbyin dang dri za
dang lha ma yin dang nam mkha' lding dang mi 'am ci dang lto
'phye chen po dang mi dang mi ma yin pa dag 'ong bar sems pas
so/ /kO shi ka rigs kyi bu 'am rigs kyi bu mo des tshe 

'di la yon tan 'di dag kyang yongs su 'dzin par 'gyur ro/ /de
skad ces bka' stsal pa dang / bcom ldan 'das la lha rnams kyi
dbang po brgya byin gyis 'di skad ces gsol to/ /bcom ldan 'das
yang rigs kyi bu 'am rigs kyi bu mo des 'di ltar lha 'am klu
'am gnod sbyin nam

dri za 'am lha ma yin nam nam mkha' lding ngam mi 'am ci 'am
lto 'phye chen po 'am mi 'am mi ma lags pa rnams/ shes rab kyi
pha rol tu phyin pa 'di la mnyan pa dang blta ba dang phyag
bgyi ba dang 'dud pa bgyi ba dang gzung ba dang bcang ba dang
klag pa dang kun chub par 'gyi pa dang rab tu

'don pa dang ston pa dang nye bar ston pa dang lung 'bogs pa
dang kha ton bgyid pa'i slad du der mches par ci ltar 'tshal bar
bgyi/ de skad ces gsol ba dang / bcom ldan 'das kyis lha rnams
kyi dbang po srgya byin la 'di skad ces bka' stsal to/ /kO
shi ka gal te rigs kyi bu

'am rigs kyi bu mos der snang ba chen po dag mthong na de la
'dir nges par lha 'am klu 'am gnod sbyin nam dri za 'am lha ma
yin nam nam mkha lding ngam mi 'am ci 'am lto 'phye chen po
'ma mi 'am mi ma yin pa dag 'ong shing lhags pa yin no zhes rigs
kyi bu 'am rigs kyi bu mo des shes

@51a */ /par bya'o/ /kO shi ka gzhan yang rigs kyi bu 'am rigs
kyi bu mo des mi ma yin pa'i dri sngon chad ma bsnams pa bro bar
gyur na/ dri de tshor nas de la 'dir des par lha 'am klu 'am gnod
sbyin nam dri za 'am lha ma yin nam nam mkha' lding dam mi 'am
ci 'am lto 'phye

chen po 'am mi 'am mi ma yin pa 'ongs shing lhags pa yin no zhes
rigs kyi bu 'am rigs kyi bu mo des shes bar bya'o/ /kO shi ka
gzhan yang gal te rigs kyi bu 'am rigs kyi bu mo de kun tu sbyod
pa gzob par 'gyur kun tu sbyod pa gtsang bar 'gyur te/ de kun du
sbyod pa gzob pa

dang kun tu spyod pa gtsang ba des lha dang klu dang gnod sbyin
dang dri za dang lha ma yin dang nam mkha' lding dang mi 'am ci
dang lto 'phye chen po dang mi dang mi ma yin pa dag der 'ong
bar sems so/ /der lha dang klu dang gnod sbyin dang dri za dang
lha ma yin dang nam mkha' lding dang mi 'am ci dang

lto 'phye chen po dang mi dang mi ma yin pa gang dag der 'ongs
par gyur pa de dag kun tu sbyod pa gzob pa dang kun tu sbyod pa
gzob pa dang kun tu spyod pa gtsang ba des yi rangs shing rab tu
dga' ste mgu ba dang yid bde ba skye bar 'gyur ro/ /de nas gzi
brjid chung ba gzi brjid chung ba'i lha gang dag gnas pa de dag

kyang de nas 'byol bar sems so/ /de ci'i phyir zhe na/ lha dang
klu dang gnod sbyin dang dri za dang lha ma yin dang nam mkha'
lding dang mi 'am ci dang lto 'phye chen po dang mi dang mi ma
yin pa gzi brjid chen po gzi brjid chen po de dag nyid kyi dpal
dang gzi brjid dang btsun pa mi bzod pas/

de ltar lha gzi brjid chung ba gzi brjid chung ba de dag 'byol
bar sems so/ /kO shi ka yang ci lta ci ltar lha dang klu dang
gnod sbyin dang dri za dang lha ma yin dang nam mkha' lding dang
mi 'am ci dang lto 'phye chen po dang mi dang mi ma yin pa gzi
brjid che ba gzi brjid che ba de dag rtag tu 'ong bar sems

pa de lta de ltar rigs kyi bu'am rigs kyi bu mong yang dang pa
mang bar 'gyur te/ kO shi ka rigs kyi bu 'am rigs kyi bu mo
des tshe 'di la yon ten 'di dag kyang yongs su 'dzin par 'gyur
ro/ /kO shi ka yang rigs kyi bu'am rigs kyi bu mo des de la bla
mar bya ba dang gus par bya ba dang yongs

@51b su rdzogs par bya ba'i phyir chos kyi tshul gyi gnas de'i
khor yug tu mi gtsang ba dang mi gzob ba'i kun tu sbyod pa la
'jug par mi bya'o/ /kO shi ka gzhan yang rigs kyi bu'am rigs
kyi bu mo de lus ngal ba dang sems ngal bar mi 'gyur/ de bde bar
nyal bar byed par 'gyur

bde bar 'gro bar 'gyur/ gnyid kyis log na yang sdig pa'i rmi lam
mthong bar mi 'gyur/ mthong na yang de bzhin gshegs pa dgra bcom
pa yang dag par rdzogs pa'i sangs rgyas rnams nyid mthong bar
'gyur mchod rten rnams nyid mthong bar 'gyur/ byang chub sems

dpa' rnams nyid mthong bar 'gyur/ de bzhin gshegs pa'i nyan thos
rnams nyid mthong bar 'gyur/ sgra thos na yang pha rol tu phyin
pa'i sgra dag nyid thos par 'gyur/ byang chub kyi phyogs nyid
kyi chos rnams thos par 'gyur/ byang chub kyi shing dag nyid
mthong bar 'gyur/

de dag tu yang de bzhin gshegs pa dgra bcom pa yang dag par
rdzogs pa'i sangs rgyas mngon par rdzogs par 'tshang rgya ba dag
nyid mthong bar 'gyur/ /de bzhin du mngon par rdzogs par sangs
rgyas pa rnams chos kyi 'khor lo skor ba mthong bar 'gyur/ shes
rab kyi pha rol tu phyin

pa bgro ba la dga' ba'i byang chub sems dpa' sems dpa' chen po
mang po dag shes rab kyi pha rol tu phyin pa 'di nyid bgro bar
byed pa dang/ 'di ltar thams cad mkhyen pa nyid yongs su gzung
bar bya 'di ltar sangs rgyas kyi zhing yongs su sbyang bar bya'o
zhes thabs mkhas pa nye bar ston pa

mthong bar 'gyur ro/ /sangs rgyas bcom ldan 'das mngon par byang
chub pa'i sgra rgya chen po yang thos par 'gyur ro/ /phyogs gag
ge mo zhig dang phyogs kyi cha gag ge mo zhig dang 'jig rten gyi
khams gag ge mo zhig na de bzhin gshegs pa dgra bcom pa yang dag
par rdzogs

pa'i sangs rgyas che ge mo zhes bya ba de nyan thos dang byang
chub sems dpa' mang po dang nyan thos dang byang chub sems dpa'
brgya phrag mang po dang/ nyan thos dang byang chub sems dpa'
stong phrag mang po dang/ nyan thos dang byang chub sems dpa'
brgya stong phrag mang po dang/ nyan thos dang

@52a */ /byang chub sems dpa' bye ba brag mang po dang/ nyan
thos dang byang chub sems dpa' bye ba brgya phrag mang po dang/
nyan thos dang byang chub sems dpa' bye ba stong phrag mang po
dang/ nyan thos dang byang chub sems dpa' bye ba brgya stong
phrag mang po dang/ nyan thos

dang byang chub sems dpa' bye ba khrag khrig brgya stong phrag
mang pos yongs su bskor cing mdun du byas te chos ston to zhes
sangs rgyas kyi sgra rlabs po che yang thos par 'gyur ro/ /kO
shi ka yang rigs kyi bu 'am rigs kyi bu mo des de lta bu'i tshul
gyi rmi lam 'di dag mthong bar 'gyur te/

de bde bar nyal bar 'gyur bde bar sad par 'gyur lus kyi nang du
mdangs rab tu bcug zas shin tu bde ba myong bar 'gyur yang zhing
yang pa nyid myong bar 'gyur/ de la ma 'os par kha zas la brkam
pa'i sems kyi rgyud mi skye bar 'gyur kha zas kyi 'du shes chung
bar 'gyur te/ kO shi

ka dper na dge slong rnal 'byor sbyod pa ting nge 'dzin las
langs pa'i sems yid la byed pas yongs su brlan pas kha zas la
brkam pa drag po mi 'byung zhing zas la 'du shes chung bar 'gyur
ba de bzhin du/ kO shi ka rigs kyi bu 'am rigs kyi bu mo de
la yang kha zas la brkam pa

drag po mi 'byung bar 'gyur te/ /de zas kyi 'du shes chung bar
'gyur ro/ /de ci'i phyir zhe na/ kO shi ka de ni 'di ltar
rigs kyi bu'am rigs kyi bu mo ji ltar yang shes rab kyi pha rol
tu phyin pa la bsgom pa'i rnal 'byor la brtson pa de ltar de'i
lus la mi ma yin pa dag mdangs nye bar bsgrub par

sems par 'gyur ro/ /kO shi ka rigs kyi bu'am rigs kyi bu mo de
mthong ba'i chos la yon tan 'di dag kyang yongs su 'dzin par
'gyur ro/ /kO shi ka gzhan yang rigs kyi bu'am rigs kyi bu mo
gang shes rab kyi pha rol tu phyin pa 'di bris te glegs bam du
chud bar byas nas

mchod pa sngon du 'gro bas bzhag ste mchod par byed la/ 'dzin
par mi byed 'chang bar mi byed klog par mi byed kun chub par mi
byed rab tu 'don par mi byed ston par mi byed nye bar ston par
mi byed lung 'bogs par mi byed kha ton du mi byed pa de bas ni
kO shi ka rigs kyi bu'am

@52b rigs kyi bu mo 'di nyid bsod nams mang du skyed de rigs kyi
bu'am rigs kyi bu mo gang shes rab kyi pha rol tu phyin pa 'di
la mngon par dad de rtog cing mos la sems dang bas byang chub tu
sems bskyed nas/ lhag pa'i bsam pas nyan pa dang 'dzin pa dang
'chang ba dang klog pa

dang kun chub par byed pa dang rab tu 'don pa dang ston pa dang
nye bar ston pa dang lung 'bogs pa dang kha ton byed pa dang
gzhan dag la yang rgya cher yang dag par ston pa dang de'i don
rnam par 'grel pa dang yid kyis rjes su rtog pa dang ci lta bur
grub pa'i shes rab kyis 'dir yongs su dpyod

par byed pa dang/ sangs rgyas kyi tshul rgyun chad par ma gyur
cig dam pa'i chos nub par ma gyur cig ces dam pa'i chos yun ring
du gnas par bya ba dang/ tshul dang ma bral bas byang chub sems
dpa' sems dpa' chen po rnams la phan gdags pa bsgrub pa byas par
'gyur bar chung du

na glegs bam du chud par byas te 'chang dam bzhag la/ shes rab
kyi pha rol tu phyin pa de la me tog dang bdug pa dang dri dang
phreng ba dang byug pa dang phye ma dang na bza' dang gdugs dang
rgyal mtshan dang dril bu dang ba dan dag dang khor yug tu mar
me'i phreng ba dag dang mchod pa rnam pa mang

po dag gis kyang mchod par byed de/ shes rab kyi pha rol tu
phyin pa la bkur stir byed bla mar byed rjed par byed mchod par
byed ri mor byed bsnyen bkur byed na/ kO shi ka rigs kyi
bu'am rigs kyi bu mo de nyid de bas gzhi de la bsod nams ches
mang du bskyed par 'gyur te/ kO shi

ka de lta bas na 'di ltar tshe 'di la yon tan khyad par can 'di
dag yongs su 'dzin par 'dod pa'i rigs kyi bu'am rigs kyi bu mos
shes rab kyi pha rol tu phyin pa 'di nyid la mngon par dad par
bya rab tu brtag par bya lhag par mos par bya sems dang bas
byang chub tu sems bskyed nas/

lhag pa'i bsam pas mnyan par bya gzung bar bya bcang bar bya
klag par bya kun chub par bya rab tu gdon par bya bstan par bya
nye bar bstan par bya lung dbog par bya kha ton du bya gzhan dag
la yang rgya cher yang dag par bstan par bya de'i don rnam par
dgrol bar bya yid kyis rjes su

@53a */ /brtag par bya ci ltar grub pa'i shes rab kyis 'dir
yongs su dbyad par bya/ sangs rgyas kyi tshul rgyun chad par ma
gyur cig dam pa'i chos nub par ma gyur cig ces dam pa'i chos yun
ring du gnas par bya ba dang/ tshul dang ma bral bas byang chub
sems dpa' sems

dpa' chen po rnams la phan gdags pa bsgrub pa byas par 'gyur bar
chung du na glegs bam du chud par byas te bcad zhing gzhag par
bya'o/ /don du gnyer ba'i rigs kyi bu'am rigs kyi bu mo de dag
la yang dag par bgo bar bya'o/ /bdag dang sems can dge ba gzhan
dag

la sangs rgyas kyi tshul sbyan chen po dang ma bral bar 'gyur ro
zhes de la lha'i me tog dang lha'i bdug pa dang lha'i dri dang
lha'i phreng ba dang lha'i byug pa dang lha'i phye ma dang lha'i
na bza' dang lha'i gdugs dang lha'i rgyal mtshan dang lha'i dril
bu dang lha'i ba dan dag dang khor yug tu lha'i mar me'i phreng

ba dag dang mchod pa rnam pa mad po dag gis kyang rtag tu mchod
par bya ste/ /bkur stir bya bla mar bya rjed par bya mchod par
bya ri mor bya bsnyen bkur bya'o/ /'phags pa shes rab kyi pha
rol tu phyin pa brgyad stong pa las/ /pha rol tu phyin ba dang
mchod rten la bkur stir byed pa

gzhal du med pa'i yon tan 'dzin pa'i le'u zhes bya ba ste gsum
pa'o/ //gzhan yang bcom ldan 'das kyis lha rnams kyi dbang po
brgya byin la bka' stsal ba/ /kO shi ka gal te khyod la 'dzam
bu'i gling 'di de bzhin gshegs pa'i skus byur bur yongs su bkang

ste byin la shes rab kyi pha rol tu phyin pa 'di yang bris te
gtang nas de las cha gang rung cig bstabs na cha bzhag pa de
gnyis las kO shi ka khyod cha gang len/ brgya byin gyis gsol
pa/ bcom ldan 'das gal te 'dzam bu'i gling 'di de bzhin gshegs
pa'i skus byur bltam ste

stsal la shes rab kyi pha rol tu phyin pa 'di yang bris te gtad
nas de las cha gang rung cig bstabs na cha gzhag pa de gnyis las
bcom ldan 'das bdag ni shes rab kyi pha rol tu phyin pa 'di nyid
len to/ /de ci'i slad du zhen/ 'di lta ste de bzhin gshegs pa'i
tshul la ri mor bgyi ba'i

@53b slad du ste/ 'di ni de bzhin gshegs pa'i yang dag pa'i don
gyi sku'o/ /de ci'i slad du zhe na/ bcom ldan 'das kyis sangs
rgyas bcom ldan 'das rnams ni chos kyi sku yin te/ dge slong dag
'di la ni sku dam par ma 'dzin par dge slong dag nga ni chos kyi
skus yongs su

rdzogs par ltos shig ces bya ba 'di gsungs pas/ de bzhin gshegs
pa'i sku 'di yang yang dag pa'i mthas rab tu phye bar blta ste
'di lta ste shes rab kyi pha rol tu phyin pa'o/ /bcom ldan 'das
yang bdag de bzhin gshegs pa'i sku de rnams la mi gus pa yang ma
lags te/

bcom ldan 'das de bzhin gshegs pa'i sku de dag la bdag gus pa
nyid lags so/ /bcom ldan 'das 'on kyang shes rab kyi pha rol tu
phyin pa 'di las de bzhin gshegs pa'i sku de dag 'khrungs te
mchod pa brnyes so/ /bcom ldan 'das de lta bas na shes rab kyi
pha rol

tu phyin pa 'di nyid mchod pas de bzhin gshegs pa'i sku de rnams
la yang mchod pa yongs su rdzogs par bgyis par 'gyur ro/ /de
ci'i slad du zhe na/ /de bzhin gshegs pa'i sku rnams shes rab
kyi phyin pa las byung ba'i slad du'o/ /bcom ldan 'das 'di lta

ste dper na gang gi tshe bdag chos bzang lha'i mdun sa na bdag
nyid kyi lha'i stan la mchis pa de'i tshe lha'i bu dag bdag gi
rim gro bgyi ba'i slad du mchi'o/ /gang gi tshe bdag ma mchis par
gyur pa de'i tshe yang bdag gi stan gang lags pa der lha'i bu de
dag bdag la gus pas stan de la

phyag bgyis bskor ba bgyis nas yang slar mchi'o/ /de ci'i slad
du zhe na/ lha rnams kyi dbang po brgya byin stan 'di la mchis
nas sum cu rtsa gsum pa'i lha rnams la chos ston pa zhes bya ba
yin no snyam mo/ /bcom ldan 'das de bzhin du dbang che bar grags
pa rgyu dang rkyen du gyur pa'i

shes rab kyi pha rol tu phyin pa yang de bzhin gshegs pa dgra
bcom pa yang dag par rdzogs pa'i sangs rgyas kyi thams cad
mkhyen pa nyid sgrub par byed pa lags so/ /de bzhin gshegs pa'i
sku rnams ni thams cad mkhyen pa'i gnas su gyur pa lags kyi de
dag ni ye shes skye ba'i rgyur

@54a */ /gyur pa ma lags rkyen du gyur pa ma lags te/ bcom ldan
'das de ltar de bzhin gshegs pa'i sku la mchod pa ni thams cad
mkhyen pa'i ye shes kyi rgyu las byung ba lags so/ /bcom ldan
'das de lta bas na cha bzhag pa de gnyis las bcom ldan 'das bdag

ni shes rab kyi pha rol tu phyin pa 'di nyid len to/ /bcom ldan
'das bdag de bzhin gshegs pa'i sku de rnams la mi gus pa yang ma
lags te/ bcom ldan 'das de bzhin gshegs pa'i sku de dag la bdag
gus pa nyid lags so/ /'on kyang de bzhin gshegs pa'i sku dag ni

shes rab kyi pha rol tu phyin pas yongs su bsgos pas mchod pa
bsnyes so/ /bcom ldan 'das yang 'dzam bu'i gling de bzhin gshegs
pa'i skus byur bur bltam pa lta zhog/ /gling chen po bzhi ba'i
'jig rten gyi khams de bzhin gshegs pa'i skus byur bur bltam pa
lta zhog /

stong gi 'jig rten gyi khams de bzhin gshegs pa'i skus byur bur
bltam ba lta zhog/ /stong gnyis pa bar ma'i 'jig rten gyi khams
de bzhin gshegs pa'i skus byur bur bltam pa lta zhog/ /bcom ldan
'das stong gsum gyi stong chen po'i 'jig rten gyi khams 'di nyid
de bzhin

gshegs pa'i skus byur bur bltam ste cha gcig tu bgyis te bzhag
la shes rab kyi pha rol tu phyin pa 'di yang bris la chag nyis
par bzhag ste cha bzhag pa 'di gnyis las khyod cha gang 'dod pa
cig khyer cig ces cha gcig bstabs na/ bcom ldan 'das de la bdag
ni shes

rab kyi pha rol tu phyin pa 'di nyid len to/ /bcom ldan 'das
bdag de bzhin gshegs pa'i sku de rnams la mi gus pa yang ma lags
te bcom ldan 'das de bzhin gshes pa'i skyu de dag la bdag gus pa
nyid lags so/ /'on kyang de bzhin gshegs pa'i sku dag kyang

shes rab kyi pha rol tu phyin pas yongs su bsgos bas mchod pa
brnyes so/ /de bzhin gshegs pa'i sku rnams ni thams cad mkhyen
pa'i ye shes kyi gnas su gyur pa lags la thams cad mkhyen pa'i
ye shes de yang shes rab kyi pha rol tu phyin pa las nges par
'byung ba lags so/ /

@54b bcom ldan 'das de lta bas na cha bzhag pa de gnyis las bcom
ldan 'das bdag ni shes rab kyi pha rol tu phyin pa 'di nyid len
to/ /bcom ldan 'das bdag de bzhin gshegs pa'i sku la gus par mi
bgyid pa yang ma lags te bcom ldan 'das bdag de bzhin gshegs
pa'i sku de dag

la gus pa nyid lags so/ /bcom ldan 'das 'on kyang shes rab kyi
pha rol tu phyin pa 'di las de bzhin gshegs pa'i sku de dag
kyang 'khrungs te/ /de bzhin gshegs pa'i sku de dag mchod pa
brnyes pa ni 'di lta ste shes rab kyi pha rol tu phyin pas yongs
su bsgos pa lags pa'i slad du'o//