rin chen rnam rgyal chos kyi grags pa rgyal mtshan dpal bzang po

{{DictEntry
|wylie=rin chen rnam rgyal chos kyi grags pa rgyal mtshan dpal bzang po
|tibetan-def='bri gung gdan rabs bcu bdun pa 'di nyid yul lha bo stod du pho brang rnam sras gling bya ba yab byams pa chos kyi rgyal mtshan legs ldan rin chen dpal bzang po dang yum bsod nams sgrol ma gnyis kyi sras su rab byung dgu pa'i sa yos (1519)lor sku bltams/gzung rin po che rdo rje grags pa'i rnam sprul du grags/yi ge 'bri klog sbyangs pa la thogs med du mkhyen/dgung lo bcu pa la mkhan po grags pa rgyal mtshan dpal bzang po las dge tshul gyi sdom pa bzhes/mtshan rin chen rnam rgyal chos kyi grags pa rgyal mtshan dpal bzang po zhes gsol/dbang chos kyang mang du zhus/khu bo rgyal ba rin chen phun tshogs las 'bri gung pa'i chos mdzod mtha' dag gsan/de bzhin karma pa brgyad pa mi bskyod rdo rje/zhwa dmar lnga pa dkon mchog yang lag /gter ston zhig po gling pa/mkhan chen kun dka' bkra shis sogs yongs 'dzin dum las gsar rnying gi dbang chos mtha' yas pa gsan/dgung lo bcu drug bzhes pa shing rta (1534)lor 'bri gung gdan khrir mnga' gsol/gling rin po che'i chos khrims dang/'bangs srid rnams la'ang dge ba bcu'i khrims dpa ra mdzad cing mdzad 'phrin rgyas/dgung lo bco brgyad pa la bsnyen par rdzogs/lo der rgyal ba karma pa mi bskyod rdo rje kong po nas 'bri gung du spyan drangs/rje de las zab chos mang du gsan/khyad par nA ro'i chos drug gi khrid dang/rgyal gyi cha bar rab pa stong ga gi ras phud mdzad/sngar gyi thog kha gser khang/'dzam gling rgyan sgo mang sogs kyi sku gsung thugs rten dang gtsug lag khang/mtshe'u kha'i pho brang sogs zhig gso/gling gi mtshams grwa lo gsum gyi brje len/mkhan slob chos gsum/ti se/la phyi/tsA ri sogs gnas gsum gyi rdo 'dzin dgos sde so so'i bla ma bcas bsko gzhag /tshes drug dus mchod chen mo/sos gtor sogs sngar srol rnams mi nyams shing cher cher rgyas par mdzad/skabs shig yar lung pa dang/bsam yas/skyid 'og pa sogs kyi dmag dpung ltos che bas 'bri bat+na la tho 'tshams byung ba pha rol pa rnams rmeg med du bcom/dgung lo sum cu par mdzo ser dang/'bab rom/sgom sde sogs byang phyogs kyi yul dang/de nas mdo sdom a la rngod rnams su phebs shing/gdul bya (837) rnams la dbang chos zab rgyas gnang skabs de'i tshe rgya nag tu mu ge la sogs ltas mi shis pa byung bar spor thang gi rtsis mo btab pas bod du byang chub sems dpa' zhig yod pas de la lung las sogs phul na dge zhing bkra shis pa yong ba'i lung byung bar 'bri phag sa kar sogs kyi mtshan byang bkram ste lung las gang la 'bum smod bor dam kha 'phangs pas rje 'di'i mtshan byang la 'babs pa bzhin pho nya mngags te 'ja' sa dang shel tham gos dar gser dngul sogs rten chas dngos che ba phul lcags phag (1551)lor rgyal ba'i bka' 'gyur ro cog mthing shog gi ngos la gser 'jam dang bstan 'gyur rnams gser dngul phra can du bzhengs pa'i dbu tshogs dus de mnyam sangs rgyas kyi 'khrungs rabs 'phags pa'i gnas brtan bcu drug gdan rabs rtogs brjod bcas kyi bris thang gser dngul las bla ma sangs rgyas byang sems 'ga' zhig gi sku brnyas mthing shog la gser gyis bris pa'i bka' brgyud rin po che 'di nyid kyi gong ma ni rim dang karma pa mi bskyod rdo rje'i bka' 'bum bcas bzhengs par mdzad sku rab pa dang rtsed thang pa 'phyongs rgyas pa sogs kyi rtses dmag gis bskor ba la 'dum chings su rje 'di yar lung la phebs sde khag so sor bka' gan mdzad pas 'dum chings khas blangs pas bde 'jags la 'khod de rjes byang nas shor gyi gdan zhus byung bar sho mon 'dzom rar phebs hor karma dpal nga khro rgyal 'bum gnyis ma dan par 'khrugs bsdums te thugs dam gtor 'og tu drangs shing glang (1565)lor gcung paN chen dpal gyi rgya mtsho gdan sar dbang bskur bar mdzad de rjes mang yul la dwags su byon rgyal po'i bla mchod du gyur nas bzung mang yul gyi rgyal po 'bri gung gi sbyin bdag gtso bor gyur mang yul du dgon gnas kyang mang du chags rje 'di la slob ma chos kyi rje phyogs las rnam rgyal snang gsal ba kun dga' che mchog gangs dkar ras chen ldan chos rje sku mched 'bab rom pa'i chos rje sogs rang gzhan gyi slob ma'i tshogs shin tu mang po byung mthar dgung lo nga brgyad la phebs pa rang byung bcu pa'i me byi (1576)lor mtshe'u khar sku mya ngan las 'das
|dictionary=dung dkar tshig mdzod chen mo
}}