upaya

//shes rab kyi pha rol tu phyin pa brgyad stong pa/ bam po gnyis pa/

de nas tshe dang ldan pa sh'a ri'i bus tshe dang ldan pa rab 'byor la 'di skad ces smras so/ /de'i phyir tshe dang ldan pa rab 'byor gyis ji skad smras pa'i don bdag gis shes pa de ltar na byang chub sems dpa' yang skye ba med pa yin no/

/tshe dang ldan pa rab 'byor gal te yang byang chub sems dpa' yang skye ba med pa yin na byang chub sems dpa' dka' ba sbyad pa spyod pa'am sems can rnams kyi phyir sdug bsngal gang yin pa de dag nyams su myong ba'i don du spro ba yang ci zhig yod/ de skad ces smras pa dang / tshe dang ldan pa rab 'byor gyis tshe @16b dang ldan pa sh'a ri'i bu la 'di skad ces smras so/

/tshe dang ldan pa sh'a ri'i bu kho bo ni byang chub sems dpa' sems dpa' chen po dka' ba spyad pa spyod par mi 'dod do/ /gang zhig dka' ba'i 'du shes kyis spyod pa de ni byang chub sems dpar yang mi 'gyur te/ de ci'i phyir zhe na/

tshe dang ldan pa sh'a ri'i bu dka' ba'i 'du shes bskyed nas ni sems can gzhal du med grangs med pa'i don bya bar mi nus so/ /'on kyang bde ba'i 'du shes nyid du byas nas de sems can thams cad la mar 'du shes pa dang par 'du shes pa dang bur 'du shes pa dang bu mor 'du shes

bskyed par byas shing/ de bzhin du skyes pa dang bud med dag la 'du shes de dag byas nas/ byang chub sems dpa' sems dpa' chen po byang chub sems dpa'i spyad pa spyod do/ /de bas na byang chub sems dpa' sems dpa' chen pos sems can thams cad la mar

'du shes pa dang bar 'du shes pa dang bur 'du shes pa dang bu mor 'du shes pa dang bdag nyid kyi bar du yang 'du shes bskyed par bya ste/ ji ltar bdag ni thams cad nas thams cad rnam pa thams cad du thams cad sdug bsngal thams cad las thar bar bya ba de bzhin du sems can

thams cad thams cad nas thams cad rnam pa thams cad du sdug bsngal thams cad las thar bar bya'o zhes de ltar sems can thams cad la yang 'du shes bskyed par bya ste/ bdag gis sems can 'di dag thams cad yongs su mi gtang ngo/ /bdag gis sems can 'di

dag thams cad sdug bsngal gyi phung po dpag tu med pa las thar bar bya'o/ /bdag gi lus brgyar gtubs kyang chung du na 'di dag la bdag gis gnad sems kyang mi bskyed do snyam du/ de ltar byang chub sems dpa' sems dpa' chen pos sems bskyed par bya'o/ /gal te sems bskyed par bya'o/ /gal te sems

can de ltar gnas na dka' ba byed pa'i 'du shes su spyod pa ma yin no/ /dka' ba byed pa'i 'du shes su gnas pa ma yin no/ /tshe dang ldan pa sh'a ri'i bu gzhan yang byang chub sems dpa' sems dpa' chen pos ci nas kyang bdag ni thams cad nas thams cad rnam pa thams cad du

@17a */ /thams cad med cing mi dmigs pa de bzhin du chos thams cad thams cad nas thams cad rnam pa thams cad du thams cad med cing mi dmigs pa de ltar sems bskyed par bya zhing de ltar nang dang phyi'i chos thams cad la 'du shes bskyed par bya'o/ /gal te sems

de ltar spyod na dka' ba'i 'du shes can du spyod ba ma yin dka' ba'i 'du shes can du gnas ba ma yin no/ /tshe dang ldan pa sha' ri'i bus gang yang 'di skad du byang chub sems dpa' yang skye ba med pa yin no zhes smras pa ni de de bzhin no tshe dang ldan pa sh'a ri'i bu de de bzhin te/

byang chub sems dpa' ni skye ba med ba'o/ /sh'a ri'i bus smras pa/ tshe dang ldan pa rab 'byor yang ci byang chub sems dpa' nyid skye ba med dam 'on te byang chub sems dpa'i chos rnams kyang skye ba med/ rab 'byor gyis smras pa/ tshe dang ldan pa sha' ri'i bu byang chub sems dpa'i

chos rnams kyang skye ba med do/ /sh'a ri'i bus smras pa/ tshe dang ldan ba rab 'byor yang ci byang chub sems dpa'i chos rnams kho na skye ba med dam 'on te thams cad mkhyen pa nyid kyang skye ba med/ rab 'byor gyis smras ba/ tshe dang ldan pa sh'a ri'i bu thams cad mkhyen pa nyid kyang skye

ba med do/ /sh'a ri'i bus smras pa/ tshe dang ldan pa rab 'byor yang ci thams cad mkhyen pa nyid kho na skye ba med dam 'on te thams cad mkhyen pa nyid kyi chos rnams kyang skye ba med/ rab 'byor gyis smras pa/ tshe dang ldan pa sh'a ri'i bu thams cad mkhyen pa nyid kyi chos rnams

kyang skye ba med do/ /sh'a ri'i bus smras pa/ tshe dang ldan pa rab 'byor yang ci thams cad mkhyen pa'i chos rnams kho na skye ba med dam 'on te so so'i skye bo yang skye ba med/ rab 'byor gyis smras pa/ tshe dang ldan pa sh'a ri'i bu so so'i skye bo yang skye ba med do/ /sh'a ri'i bus

smras pa/ tshe dang ldan pa rab 'byor yang ci so so'i skye bo nyid skye ba med dam/ 'on te so so'i skye bo'i chos rnams kyang skye ba med/ rab 'byor gyis smras ba/ tshe dang ldan pa sh'a ri'i bu so so'i skye bo'i chos rnams kyang skye ba med do/ /de skad ces smras pa dang/ tshe dang ldan

@17b pa sh'a ri'i bus tshe dang ldan pa rab 'byor la 'di skad ces smras so/ /tshe dang ldan pa rab 'byor gal te byang chub sems dpa' yang skye ba med byang chub sems dpa'i chos rnams kyang skye ba med thams cad mkhyen pa nyid kyang skye ba med thams cad mkhyen pa nyid kyi chos rnams

kyang skye ba med so so'i skye bo yang skye ba med so so'i skye po'i chos rnams kyang skye ba med pa yin na/ tshe dang ldan pa rab 'byor 'o na byang chub sems dpa' sems dpa' chen thams cad mkhyen pa nyid rjes su thob pa yin nam/ de skad ces smras pa dang/ tshe dang ldan pa rab

'byor gyis tshe dang ldan pa sh'a ri'i bu la 'di skad ces smras so/ /tshe dang ldan pa sh'a ri'i bu kho bo ni ma skyes pa'i chos la thob bar mi 'dod la mngon par rtogs par yang ma yin te/ ma skyes pa'i chos kyis thob pa ma skyes pa 'thob par yang mi 'gyur ro/ /sh'a ri'i bus smras pa tshe

dang ldan pa rab 'byor yang cim skyes pa'i chos kyis thob pa skyes pa 'thob par 'gyur ram/ 'on te skyes pa'i chos kyis thob pa ma skyes pa 'thob par 'gyur/ rab 'byor gyis smras pa/ tshe dang ldan pa sh'a ri'i bu yang cim skyes pa'i chos skyes ba yin nam/ 'on te ma skyes pa'i

chos ma skyes ba nyid yin/ sh'a ri'i bus smras pa/ tshe dang ldan pa rab 'byor yang ci skye ba'i chos nyid mi skye ba yin nam 'on te mi skye ba'i chos mi skye ba yin/ rab 'byor gyis smras pa/ tshe dang ldan ba sh'a ri'i bu skye ba'i chos sam mi skye pa'i chos zhes smra bar mi spobs so/ /sh'a ri'i

bus smras pa/ tshe dang ldan pa rab 'byor khyod kyis skye ba med pa yang smra bar mi spobs sam/ rab 'byor gyis smras pa/ tshe dang ldan pa sh'a ri'i bu skye ba med pa nyid rjod pa yin la tshe dang ldan pa sh'a ri'i bu skye ba med pa nyid so sor snang ba yin no/ /tshe dang ldan pa sh'a ri'i bu skye ba med pa nyid

spobs pa yin te/ tshe dang ldan pa sh'a ri'i bu de kho na bzhin du shin tu so sor snang ba nyid do/ /de skad ces smras pa dang tshe dang ldan pa rab 'byor la 'di skad ces smras so/ /tshe dang ldan pa rab 'byor ni chos ston pa'i nang na mchog tu gzhag par bya'o/ /de ci'i

@18a */ /phyir zhe na/ 'di ltar gnas brtan tshe dang ldan ba rab 'byor ni gang dang gang nyid la yongs su dri ba byas pa de dang de nyid la nges par 'byung bar 'gyur zhing chos nyid las kyang mi gyo la chos nyid de dang 'gal bar yang mi byed do/ /de skad ces smras pa dang tshe dang

ldan pa rab 'byor gyis tshe dang ldan pa sh'a ri'i bu la 'di skad ces smras so/ /tshe dang ldan pa sh'a ri'i bu bcom ldan 'das kyi nyan thos mi gnas pa'i chos can rnams kyi chos nyid ni 'di yin te de dag ni gang dang gang nyid la yongs su dri ba byas pa de dang de nyid la nges par 'byung bar 'gyur

zhing chos nyid dang 'gal bar yang mi byed la chos nyid las kyang mi 'da'o/ /de ci'i phyir zhen/ 'di ltar yang chos thams cad mi gnas pa'i phyir ro/ /de skad ces smras pa dang tshe dang ldan pa sh'a ri'i bus tshe dang ldan pa rab 'byor la 'di skad ces smras so/ /tshe dang ldan pa

rab 'byor legs so legs so/ /byang chub sems dpa' sems dbang chen po rnams kyi chos thams cad la mi gnas pa'i pha rol tu phyin pa 'di gang yin/ rab 'byor gyis smras pa/ tshe dang ldan pa sh'a ri'i bu shes rab kyi pha rol tu phyin pa nyid ni theg pa thams cad chos thams

cad la mi gnas pa'i phyir chos thams cad la mi gnas pa'i pha rol tu phyin pa yin no/ /de ltar byang chub sems dpa' sems dpa' chen po gang shes rab kyi pha rol tu phyin pa zab mo 'di ltar bshad cing 'di ltar bstan pa dang 'di ltar nye bar bstan pa la sems zhum par mi 'gyur

ba dang nem nur du mi 'gyur pa dang rmongs par mi 'gyur ba dang / sems gzhan du mi 'gyur na byang chub sems dpa' sems dpa' chen po de ni shes rab kyi pha rol tu phyin pa'i gnas pa 'dis gnas shing yid la byed pa 'di dang ma bral ba yin no zhes rig par bya'o/ /de nas

tshe dang ldan pa sh'a ri'i bus tshe dang ldan pa rab 'byor la 'di skad ces smras so/ /tshe dang ldan pa rab 'byor byang chub sems dpa' sems dpa' chen po shes rab kyi pha rol tu phyin pa'i gnas pas gnas pa gang yin pa de ci ltar yid la byed pa dang ma bral bar 'gyur/ tshe dang

@18b ldan pa rab 'byor gal te byang chub sems dpa' sems dpa' chen po yid la byed pa dang ma bral ba yin na/ de lta na ni de shes rab kyi pha rol tu phyin ba'i gnas pa dang bral bar 'gyur zhing/ tshe dang ldan ba rab 'byor gal te yang byang chub sems dpa' sems dpa' chen po shes rab

kyi pha rol tu phyin pa la gnas pa dang ma bral na de lta na ni de yid la byed pa de dang bral bar 'gyur ro/ /tshe dang ldan pa rab 'byor gal te yang byang chub sems dpa' sems dpa' chan po yid la byed pa dang ma bral yang shes rab kyi pha rol tu phyin pa'i gnas pa dang ma bral pa nyid

du 'gyur na de lta yin du zin na sems can thams cad kyang shes rab kyi pha rol tu phyin pa'i gnas pa dang ma bral bar 'gyur te/ de ci'i phyir zhe na/ sems can thams cad kyang yid la byed ba dang ma bral bar gnas so/ /de skad ces smras pa dang tshe dang ldan pa rab 'byor gyis tshe dang ldan pa

sh'a ri'i bu la 'di skad ces smras so/ /tshe dang ldan pa sh'a ri'i bu legs so legs so/ /'on kyang khyod la yang klan kar ? 'gyur te/ tshe dang ldan pa sh'a ri'i bus ni don 'di nyid yang dag pa'i tshig tu brjod par yang yongs su gzung ba yin no/ /de ci'i phyir zhe na/ tshe dang ldan pa sh'a

ri'i bu sems can ngo bo nyid med pas na yid la byed pa ngo bo nyid med par rig par bya'o/ /tshe dang ldan pa sh'a ri'i bu sems can dngos po med pas na yid la byed pa dngos po med par rig par bya'o/ /tshe dang ldan pa sh'a ri'i bu sems can dben pas na yid la byed pa dben par rig

par bya'o/ /tshe dang ldan pa sh'a ri'i bu sems can bsam gyis mi khyab bas na yid la byed ba bsam gyis mi khab par rig par bya'o/ /tshe dang ldan pa sh'a ri'i bu sems can mngon par rdzogs par byang ma chub pas na yid la byed pa mngon par rdzogs par byang ma chub par rig par bya'o/ /

tshe dang ldan pa sh'a ri'i bu sems can yang dag pa ji lta ba ma yin pa'i don du mngon par rdzogs par byang chub bas na yid la byed pa yang dag pa ji lta ba ma yin pa'i don du mngon par rdzogs par byang chub par rig par bya'o/ /tshe dang ldan ba sh'a ri'i bu byang chub sems dpa' sems dpa' chen

@19a */ /po ni de lta bu'i ngo bo'i yid la byed pa 'di dang gnas par 'dis gnas par 'dod do/ /'phags pa shes rab kyi pha rol tu phyin pa brgyad stong pa las rnam pa thams cad mkhyen pa nyid kyi spyod pa'i le'u zhes bya ba ste dang po'o// //de'i tshe yang

lha rnams kyi dbang po brgya byin sum cu rtsa gsum gyi ris kyi lha'i bu bzhi khri dang lhan cig tu 'khor de nyid du 'dus te 'khod bar gyur to/ /'jig rten skyong ba bzhi yang rgyal chen bzhi'i ris kyi lha'i bu nyi khrir bcas pa dang / mi mjed kyi bdag po tshangs pa yang tshangs ris kyi lha'i bu khrir

bcas pa dang / gnas gtsang ma'i lha'i bu lnga stong yang 'khor de nyid du 'dus te 'khor bar gyur te/ lha rnams kyi rang gi las kyi rnam bar smin ba las skyes ba'i 'od gang yin pa de thams cad kyang sangs rgyas kyi mthu dang sangs rgyas kyi gzi brjid dang sangs rgyas kyi byin gyi rlabs

kyis zil gyis mnan to/ /de nas lha rnams kyi dbang po brgya byin gyis tshe dang ldan pa gnas brtan rab 'byor la 'di skad ces smras so/ /'phags pa rab 'byor lha'i bu stong phrag mang po 'khor 'dir 'dus te 'khod ba 'di rnams 'phags pa rab 'byor las byang chub sems dpa' sems

dpa' chen po rnams kyi shes rab kyi pha rol tu phyin pa la nye bar bstan pa dang gdams pa dang rjes su bstan ba nyan par 'dod na/ byang chub sems dpa' sems dpa' chen po des ci ltar shes rab kyi pha rol tu phyin pa la gnas par bya ci ltar bslab par bya ci ltar rnal 'byor du bya/ gnas

brtan rab 'byor gyis smras pa/ kO shi ka de'i phyir sangs rgyas kyi mthu dang sangs rgyas kyi gzi brjid dang sangs rgyas kyi byin gyi rlabs kyis nye bar bstan par bya ste/ lha'i bu gang dag gis bla na med pa yang dag par rdzogs pa'i byang chub tu sems ma bskyed pa de dag gis sems bskyed

par bya'o/ /gang dag yang dag pa nyid du nges pa la zhugs pa de dag ni bla na med ba yang dag bar rdzogs pa'i byang chub tu sems bskyed pa'i skal ba med do/ /de ci'i phyir zhe na/ de dag gis 'khor ba'i rgyun las mtshams bcad bas de dag yang dang yang du 'khor zhing bla na med pa

@19b yang dag par rdzogs pa'i byang chub tu sems bskyed ba'i skal pa med do/ /'on kyang gal te de dag gis kyang bla na med pa yang dag par rdzogs pa'i byang chub tu sems bskyed na de dag la yang rjes su yi rang bar bya'o/ /kho bo ni de dag gi dge ba la bar chad mi byed de khyad par du

'phags pa'i chos rnams las ches khyad par du 'phags pa'i chos rnams la lhag par dmigs par bya'o/ /de nas bcom ldan 'das kyis tshe dang ldan pa rab 'byor la bka' stsal ba/ rab 'byor legs so legs so/ /khyod byang chub sems dpa' sems dpa' chen po rnams

la spro ba skyed pa gang yin pa ni rab 'byor yang khyod legs so/ /de skad ces bka' stsal pa dang bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das bdag cag gis ni bcom ldan 'das kyi bka' drin gzo bar bgyi ste bka' drin mi

gzo bar mi bgyi'o/ /de ci'i slad du zhe na/ bcom ldan 'das ji ltar sngon gyi de bzhin gshegs pa dgra bcom pa yang dag par rdzogs pa'i sangs rgyas rnams kyi drung du bcom ldan 'das sngon byang chub sems dpar gyur pa nyid kyis bdag cag rnams kyi don du byang chub kyi phyir tshangs

par spyad pa spyod pa na nyan thos gang dag gis pha rol tu phyin pa rnams la gdams shing rjes su bstan te/ de la bcom ldan 'das kyis spyad pas bla na med pa'i ye shes bskyed pa de bzhin du/ bcom ldan 'das bdag cag gis kyang byang chub sems dpa' sems dpa' chen po rnams

rjes su yongs su gzung bar bgyi zhing rjes su yongs su bskor par bgyi'o yang dag par yongs su gzung bar gyi zhing yang dag par yongs su bskor bar yang bgyi'o/ /de ci'i slad du zhes na/ bcom ldan 'das 'di la bdag cag gis kyang byang chub sems dpa' sems dpa' chen po

rnams rjes su yongs su bzung zhing rjes su yongs su bskor ba dang yang dag par yongs su bzung zhing yang dag par yongs su bskor bas myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /de nas tshe dang ldan pa rab 'byor gyis lha

@20a */ /rnams kyi dbang po brgya byin la smras pa/ kO shi ka de'i phyir legs bar rab tu nyon la yid la zung shig dang / ji ltar byang chub sems dpa' sems dpa' chen pos shes rab kyi pha rol tu phyin pa la gnas par bya ba ngas khyod la bshad par bya'o/ /kO shi ka byang chub

sems dpa' sems dpa' chen pos stong pa nyid la gnas pas shes rab kyi pha rol tu phyin pa la gnas par bya ste/ kO shi ka de'i phyir byang chub sems dpa' sems dpa' chen pos go cha chen po pa gos par 'gyur bar bya'o/ /gzugs la gnas par mi bya'o/ /tshor ba la ma

yin 'du shes la ma yin 'du byed rnams la ma yin rnam par shes pa la gnas par mi bya'o/ /mig la gnas par mi bya'o gzugs la gnas par mi bya'o/ /mig gi rnam par shes pa la gnas par mi bya'o/ /mig gi 'dus te rig pa la gnas par mi bya'o mig gi 'dus te reg

pa las byud ba'i tshor ba la gnas par mi bya'o/ /de bzhin du rna ba dang sna dang lce dang lus dang yid la gnas bar mi bya'o/ /sgra dang dri dang ro dang reg dang chos rnams dang / rna ba'i rnam par shes pa nas yid kyi rnam bar shes pa'i bar dang yid kyi 'dus te reg pa dang / yid kyi 'dus

te reg pa las byung ba'i tshor ba'i bar la gnas bar mi bya'o/ /sa'i khams la gnas bar mi bya'o/ /chu'i khams dang me'i khams dang rlung gi khams dang nam mkha'i khams dang rnam par shes pa'i khams la gnas par mi bya'o/ /dran pa he bar gzhag pa la gnas par mi bya'o//

yang dag par spong ba dang rdzu 'phrul gyi rkang pa dang dbang po dang stobs dang byang chub kyi yan lag dang lan la gnas par mi bya'o/ /rgyun tu zhugs pa'i 'bras bu la gnas par mi bya'o/ /lan cig phyir 'ong ba'i 'bras bu dang phyir mi 'ong ba'i 'bras bu dang dgra bcom pa nyid la gnas

par mi bya'o/ /rang sangs rgyas nyid la gnas par mi bya'o/ /sangs rgyas nyid la gnas par mi bya'o/ /de ltar na gzugs so zhes gnas par mi bya'o/ /de ltar na tshor ba'o zhes bya ba dang 'du shes so zhes bya ba dang 'du byed rnams so zhes bya ba dang de ltar na rnam par shes pa'o

@20b zhes gnas par mi bya'o/ /de ltar na mig go zhes bya ba nas yid kyi 'dus te reg pa las byung ba'i tshor pa'o zhes bya ba'i bar du gnas par mi bya'o/ /de ltar na sa'i khams so zhes bya ba nas rnam par shes pa'i khams so zhes bya ba'i bar du gnas par mi bya'o/ /de ltar na

dran ba nye bar gzhag pa'o zhes gnas par mi bya'o/ /de ltar na yang dag par spong ba dang rdzu 'phrul gyi rkang pa dang dbang po dang stobs dang byang chub kyi yan lag rnams so zhes bya ba dang de ltar na lam gyi yan lag go zhes gnas par mi bya'o/ /de ltar na rgyun tu zhugs pa'i 'bras

bu'o zhes gnas par mi bya'o/ /de ltar na lan cig phyir 'ong ba'i 'bras bu'o zhes bya ba dang de ltar na phyir mi 'ong ba'i 'bras bu'o zhes bya ba dang de ltar na dgra bcom pa'o zhes gnas par mi bya'o/ /de ltar na rang sangs rgyas so zhes gnas par mi bya'o/ /de ltar na sangs rgyas so

zhes gnas par mi bya'o/ /gzugs rtag pa dang mi rtag pa'o zhes gnas par mi bya'o/ /de bzhin du tshor ba dang 'du shes dang 'du byed rnams dang rnam par shes pa rtag pa dang mi rtag pa'o zhes gnas par mi bya'o/ /gzugs bde ba dang sdug bsngal ba'o zhes gnas par mi bya'o/ /

de bzhin du tshor ba dang 'du shes dang 'du byed rnams dang rnam par shes pa bde ba dang sdug bsngal ba'o zhes gnas par mi bya'o/ /gzugs stong pa dang mi stong pa'o zhes gnas par mi bya'o/ /de bzhin du tshor ba dang 'du shes dang 'du byed rnams dang rnam par shes pa stong pa dang mi

stong pa'o zhes gnas par mi bya'o/ /gzugs bdag dang bdag med ba'o zhes gnas par mi bya'o/ /de bzhin du tshor ba dang 'du shes dang 'du byed rnams dang rnam par shes pa bdag dang bdag med pa'o zhes gnas par mi bya'o/ /gzugs sdug pa dang mi sdug ba'o zhes

gnas par mi bya'o/ /de bzhin du tshor ba dang 'du shes dang 'du byed rnams dang rnam par shes pa sdug pa dang mi sdug pa'o zhes gnas par mi bya'o/ /gzugs stong pa'o zhes nye bar dmigs pas gnas par mi bya'o/ /de bzhin du tshor ba dang 'du shes dang 'du byed rnams dang rnam

@21a */ /bar shes pa stong pa'o zhes nye bar dmigs pas gnas par mi bya'o/ /rgyun tu zhugs pa'i 'bras bu 'dus ma byas kyis rab tu phye ba'o zhes gnas bar mi bya'o/ /de bzhin du lan cig phyir 'ong ba'i 'bras bu dang phyir mi 'ong ba'i 'bras bu dang phyir mi 'ong ba'i 'bras bu dang dgra bcom pa nyid 'dus

ma byas kyis rab tu phye ba'o zhes gnas par mi bya'o/ /rang sangs rgyas nyid 'dus ma byas kyis rab tu phye ba'o zhes gnas par mi bya'o/ /sangs rgyas nyid 'dus ma byas kyis rab tu phye ba'o zhes gnas par mi bya'o/ /rgyun tu zhugs pa sbyin pa'i gnas so zhes bya bar gnas par

mi bya'o/ /rgyun tu zhugs pa re ltar thogs na srid pa lan bdun pa'o zhes gnas par mi bya'o/ /lan cig phyir 'ong ba sbyin pa'i gnas so zhes gnas par mi bya'o/ /lan cig phyir 'ong ba yongs su mthar ma phyin pa'i phyir 'jig rten 'dir lan cig phyir 'ongs nas sdug bsngal mthar byed

par 'gyur ro zhes gnas par mi bya'o/ /phyir mi 'ong ba sbyin pa'i gnas so zhes gnas par mi bya'o/ /phyir mi 'ong pa 'jig rten 'dir phyir mi 'ong bar de nyid du yongs su mya ngan las 'da'o zhes gnas par mi bya'o/ /dgra bcom pa nyid spyin pa'i gnas so zhes gnas par mi bya'o/ /

dgra bcom pa 'di nyid du phung po'i lhag ma ma lus par mya ngan las 'das pa'i dbyings su yongs su mya ngan las 'das par 'gyur ro zhes gnas par mi bya'o/ /rang sangs rgyas sbyin pa'i gnas so zhes gnas par mi bya'o/ /rang sangs rgyas ni nyan thos kyi sa las 'das nas sangs rgyas

kyi sa ma thob par yongs su mya ngan las 'da' bar 'gyur ro zhes gnas par mi bya'o/ /sangs rgyas ni sbyin pa'i gnas so zhes gnas par mi bya'o/ /sangs rgyas ni so so'i skye po'i sa las 'das pa dang nyan thos kyis las 'das pa dang rang sangs rgyas kyi sa las 'das nas gzhal

du med grangs med pa'i sems can rnams kyi don mdzad de/ gzhal du med grangs med ba'i sems can bye pa khrag khrig brgya stong yongs su mya ngan las bzlas/ gzhal du med grangs med pa'i sems can rnams nyan thos dang rang sangs rgyas dang yang dag par rdzogs pa'i sangs rgyas

@21b su nges par mdzad cing sangs rgyas kyi sa la bzhugs te sangs rgyas kyi mdzad pa mdzad nas phung bo'i lhag ma med pa'i mya ngan las 'das pa'i dbyings su sangs rgyas kyi yongs su mya ngan las 'da' bas yongs su mya ngan las 'da' bar 'gyur ro zhes des 'di ltar yang gnas par mi

bya'o/ /de nas tshe dang ldan pa sh'a ri'i bu 'di snyam du sems te/ gal te sangs rgyas ni so so'i skye bo'i sa las 'das pa dang nyan thos kyi sa las 'das pa dang rang sangs rgyas kyi sa las 'das nas gzhal du med grangs med pa'i sems can rnams kyi don mdzad de/ gzhal du

med grangs med pa'i sems can bye ba khrag khrig brgya stong yongs su mya ngan las bzlas/ gzhal du med grangs med pa'i sems can rnams nyan thos dang rang sangs rgyas dang yang dag par rdzogs pa'i sangs rgyas su nges par mdzad cing sangs rgyas kyi sa la bzhugs te sangs rgyas kyi

mdzad pa mdzad nas phung pa'i lhag ma med pa'i mya ngan las 'das pa'i dbyings su sangs rgyas kyi mya ngan las 'da' las yongs su mya ngan las 'da' bar 'gyur ro zhes des 'di ltar yang gnas par mi bya na des yang ci ltar 'di la gnas par bya ci ltar bslab par bya snyam pa dang /

de nas sangs rgyas kyi mthus tshe dang ldan pa rab 'byor gyis tshe dang ldan pa sh'a ri'i bu'i sems kyi rtog pa sems kyis shes nas tshe dang ldan pa sh'a ri'i bu la 'di skad ces smras so/ /tshe dang ldan pa sh'a ri'i bu de ji snyam du sems de bzhin gshegs pa dgra bcom pa yang dag par rdzogs

pa'i sangs rgyas ci zhig la gnas/ tshe dang ldan pa sh'a ri'i bus smras pa tshe dang ldan ba rab 'byor de bzhin gshegs pa dgra bcom pa yang dag par rdzogs pa'i sangs rgyas ni ci la yang gnas pa ma yin no/ /de ci'i phyir zhe na/ de bzhin gshegs pa dgra bcom pa yang dag

par rdzogs pa'i sangs rgyas kyi thugs ni shin tu mi gnas pa ste de ni 'dus byas kyi khams la yang mi gnas la 'dus ma byas kyi khams la yang mi gnas te de las bzhengs ba yang ma yin no/ /de nas tshe dang ldan pa rab 'byor gyis tshe dang ldan pa sh'a ri'i bu la 'di skad ces smras so/ /

@22a */ /tshe dang ldan pa sh'a ri'i bu de bzhin du byang chub sems dpa' sems dpa' chen pos 'di lta bu nyid gnas sar bya zhing 'di ltar bslab par bya ste/ ci ltar de bzhin gshegs ba dgra bcom pa yang dag par rdzogs pa'i sangs rgyas 'ga' zhig la gnas pa ma yin

zhing mi gnas pa yang ma yin la mi 'thun par gnas pa ma yin zhing mi 'thun par mi gnas pa yang ma yin pa de bzhin du gnas par bya'o snyam pa dang / de bzhin gshegs pa'i gnas bci lta ba de bzhin du gnas par bya'o snyam zhing de bzhin du bslab par bya'o snyam pa dang / de bzhin

gshegs pa'i gnas pa ci lta ba de bzhin du gnas na mi gnas pa'i tshul gyis shes par gnas pa yin no snyam du 'dis de ltar bslab par bya'o/ /'di la byang chub sems dpa' sems dpa' chen pos de ltar gnas par bya zhing de bzhin du bslab par bya ste/ de ltar slob

pa'i byang chub sems dpa' sems dpa' chen po ni shes rab kyi pha rol tu phyin pa'i gnas pa 'dis gnas shing yid la byed pa 'di dang ma bral ba yin no/ /de nas 'khor de'i nang nas lha'i bu kha cig 'di snyam du sems par gyur te/ gnod sbyin rnams kyi gnong sbyin gyi skad dang

gnod sbyin gyi skra dang gnod sbyin gyi tshig dang gnod sbyin gyi gtam du byas pa dang gnod sbyin gyi rab tu brjod pa gang yin pa de dag smras pa ni shes par rung gi /gnas brtan rab 'byor gang 'chad pa dang rab tu rjod pa dang ston pa dang nye bar ston pa 'di ni shes par yang mi rung ngo snyam

mo/ /de nas tshe dang ldan pa rab 'byor gyis sangs rgyas kyi mthus lha'i bu de dag gi sems kyi rtog pa'i ngo bo nyid de lta bu sems kyis yongs su shes nas lha'i bu de dag la smras pa/ lha'i bu dag shes bar mi rung shes par mi rung zhes bya ba de ni 'di ltar 'di la cung zad kyang smos pa

med de/ 'di la cung zad kyang thos pa med do/ /de nas lha'i bu de dag yang 'di snyam sems bar gyur te/ e ma'o 'phags pa rab 'byor 'dis ni gsal bar byed bar 'gyur ro e ma'o 'phags ba rab 'byor 'dis ni gsal bar byed par 'gyur te/ 'phags pa rab 'byor ni

@22b ring ba bas kyang ches ring du 'jug pa 'phags pa rab 'byor ni phrab bas kyang ches phra ba zab pa bas kyang ches zab par 'jug pas ston cing 'chad do snyam mo/ /de nas yang sangs rgyas kyi mthus tshe dang ldan pa rab 'byor gyis lha'i bu de dag gi sems kyi rtog pa sems kyis shes nas

lha'i bu de dag la 'di skad ces smras so/ /lha'i bu dag de lta bas na gang rgyun tu zhugs pa'i 'bras bu thob par 'dod pa dang rgyun tu zhugs pa'i 'bras bu la gnas par 'dod pa des bzod pa 'di la ma rten par mi 'grub bo/ /de bzhin du sbyar te gang lan cig phyir 'ong ba'i 'bras bu thob

par 'dod pa dang lan cig phyir 'ong ba'i 'bras bu la gnas par 'dod pa dang / gang phyir mi 'ong ba'i 'bras bu thob par 'dod pa dang phyir mi 'ong ba'i 'bras bu la gnas par 'dod pa dang / gang dgra bcom pa nyid thob par 'dod pa dang dgra bcom pa nyid la gnas par 'dod pa dang /

gang rang byang chub thob par 'dod pa dang rang byang chub la gnas par 'dod pa des bzod pa 'di la ma rten par mi 'grub bo/ /gang bla na med pa yang dag par rdzogs pa'i byang chub thob par 'dod cing bla na med ba yang dag par rdzogs pa'i byang chub la gnas par 'dod pa des bzod

pa 'di la ma rten par mi 'grub bo/ /de nas yang lha'i bu de dag 'di snyam du sems te/ 'phags pa rab 'byor 'di la chos nyan pa rang bzhin ci lta bu zhig btsal bar bya snyam pa dang / de nas sangs rgyas kyi mthus tshe dang ldan pa rab 'byor gyis lha'i bu de dag gi sems kyi rtog pa

sems kyis shes nas lha'i bu de dag la smras pa/ lha'i bu dag kho bo la chos nyan pa ni sgyu ma dang sprul pa lta bu dag btsal bar bya'o/ /de ci'i phyir zhen/ 'di ltar de dag ni nyan par mi 'gyur mngon du byed par mi 'gyur ro/ /de nas lha'i bu de dag gis tshe dang ldan pa rab 'byor

la 'di skad ces smras so/ /'phags pa rab 'byor yang ci sems can de dag sgyu ma lta bu yin gyi de dag sgyu ma ni ma yin nam/ de skad ces smras pa dang tshe dang ldan pa rab 'byor gyis lha'i bu de dag la 'di skad ces smras so/ /lga'i bu dag sems can de dag ni sgyu ma lta bu lha'i bu dag sems

@23a */ /can de dag ni rmi lam lta bu ste/ lha'i bu dag de ltar na sgyu ma dang sems can dag ni gnyis su med de gnyis su byar med do/ /de ltar na rmi lam dang sems can dag ni gnyis su med de gnyis su byar med do/ /lha'i bu dag chos thams cad kyang sgyu ma lta bu rmi lam

lta bu'o/ /rgyun tu zhugs pa yang sgyu ma lta bu rmi lam lta bu'o/ /rgyun tu zhugs pa'i 'bras bu yang sgyu ma lta bu rmi lam lta bu'o/ /de bzhin du lan cig phyir 'ong ba dang lan cig phyir 'ong ba'i 'bras bu dang / phyir mi 'ong ba dang phyir mi 'ong pha'i 'bras bu dang/ dgra bcom pa yang sgyu

ma lta bu rmi lam lta bu'o/ /dgra bcom pa nyid kyang sgyu ma lta bu rmi lam lta bu'o/ /rang sangs rgyas kyang sgyu ma lta bu rmi lam lta bu'o/ /rang sangs rgyas nyid kyang sgyu ma lta bu rmi lam lta bu'o/ /yang dag par rdzogs pa'i sangs rgyas kyang sgyu ma lta bu rmi lam lta bu'o/ /yang dag par

rdzogs pa'i sangs rgyas nyid kyang sgyu ma lta bu rmi lam lta bu'o/ /de nas lha'i bu de dag gis tshe dang ldan pa rab 'byor la 'di skad ces smras so/ /'phags pa rab 'byor yang dag par rdzogs pa'i sangs rgyas kyang sgyu ma lta bu rmi lam lta bu'o/ /zhes zer ram yang dag par rdzogs pa'i sangs

rgyas nyid kyang sgyu ma lta bu rmi lam lta bu'o zhes zer ram/ rab 'byor gyis smras pa/ lha'i bu dag mya ngan las 'das pa yang sgyu ma lta bu rmi lam lta bur smran chos gzhan lta ci smos/ lha'i bu de dag gis smras pa/ 'phags pa rab 'byor mya ngan las 'das pa yang sgyu ma lta bu rmi lam lta bu'o

zhes zer ram/ tshe dang ldan pa rab 'byor gyis smras pa/ lta'i bu dag bdag ni gal te mya ngan las 'das pa las khyad par du 'phags pa'i chos gzhan zhig yod kyang de yang sgyu ma lta bu rmi lam lta bu'o zhes smra'o/ /lha'i bu dag de ltar na sgyu ma dang mya ngan las 'das pa 'di ni gnyis su med

de gnyis su byar med do/ /de ltar na rmi lam dang mya ngan las 'das pa 'di ni gnyis su med de gnyis su byar med do/ /de nas tshe dang ldan ba sh'a ri'i bu dang tshe dang ldan pa gang po byams ma'i bu dang tshe dang ldan pa lto rings chen po dang tshe dang ldan pa k'a ty'a yan chen po dang tshe dang ldan pa 'od

@23b srung chen po dang nyan thos chen po gzhan dag gis byang chub sems dpa' stong phrag du ma dang thabs cig tu tshe dang ldan pa gnas brtan rab 'byor la 'di skad ces smras so/ /tshe dang ldan pa rab 'byor shes rab kyi pha rol tu phyin pa 'di ltar bstan pa 'di la su dag yang dag par 'dzin par

'gyur/ de nas tshe dang ldan pa kun dga' bos gnas brtan de dag la 'di skad ces smras so/ /tshe dang ldan pa dag phyir mi ldog ba'i byang chub sems dpa' sems dpa' chen po rnams sam/ lta ba phun sum tshogs pa'i gang zag rnams sam/ dgra bcom pa zag pa zad pa

gang yin pa de dag shes rab kyi pha rol tu phyin pa 'di ltar bstan pa 'di la yang dag par 'dzin par 'gyur ro/ /de nas tshe dang ldan pa rab 'byor gyis gnas brtan de dag la 'di skad ces smras so/ /tshe dang ldan bdag shes rab kyi pha rol tu phyin pa 'di ltar bshad pa 'di la yang dag

par 'dzin pa su yang mi 'byung ngo/ /de ci'i phyir zhe na/ 'di ltar 'di la ches gang yang ma smos chos gang yang yongs su snang bar ma byas/ chos gang yang ma bzhag go / /de bas na ci ltar 'di la chos gang yang ma smos chos gang yang yongs su snang bar ma byas chos gang yang ma bzhag pa de

bzhin du shes rab kyi pha rol tu phyin pa 'di ltar bstan pa 'di la yang dag par 'dzin ba gang yang mi 'byung ngo/ /de nas lha rnams kyi dbang po brgya byin 'di snyam du sems te/ 'phags pa rab 'byor gyis de ltar chos kyi rnam grangs 'di bstan pa la bdag gis kyang mchod pa'i don du 'di ltar me

tog dag mngon par sprul te 'phags pa rab 'byor la mngon par gtor to snyam mo/ /de nas lha rnams kyi dbang po brgya byin gyis de'i tshe me tog dag mngon par sprul nas tshe dang ldan pa rab 'byor la mngon par gtor to/ /de nas gnas brtan tshe dang ldan pa rab 'byor lha rnams kyi dbang po brgya byin

la rjes su brjod pa'i phyir 'di snyam du sems te/ yang 'di ltar lha rnams kyi dbang po brgya byin gyis mngon par gtor ba'i me tog 'di dag ni bdag gis sngon chad sum cu rtsa gsum lha'i gnas na yang yod par ma mthong ste/ me tog 'di dag ni sprul pa'o/ /'di ltar lha rnams kyi dbang pos

@24a */ /mngon par gtor ba'i me tog 'di dag ni shing dang gel ba dang 'khri shing las skyes pam yin gyi yid las byung ba'i me tog go snyam pa dang / de nas lha rnams kyi dbang po brgya byin gyis tshe dang ldan pa rab 'byor gyi sems kyi rtog pa sems kyis shes nas tshe dang ldan pa rab

'byor la 'di skad ces smras so/ /'phags pa rab 'byor me tog 'di dag ni ma skyes pa'o/ /de ci'i phyir zhe na/ yid las skyes pa'i me tog ni gang yang med de shing dang gel ba dang 'khri shing las skyes pa yang ma yin no/ /de nas tshe dang ldan pa rab 'byor gyis lha rnams kyi dbang po

brgya byin la 'di skad ces smras so/ /kO shi ka gang khyod 'di skad du me tog 'di dag ni ma skyes pa ste/ me tog 'di dag ni yid las skyes pa ma yin shing dang gel pha dang 'khri shing las skyes pa yang ma yin no zhes zer na/ kO shi ka gang ma skyes ba de ni mi tog ma yin no/ /de nas

lha rnams kyi dbang po brgya byin 'di snyam du sems te/ e ma'o 'phags ba rab 'byor ni shes rab zab ste ming dang tshig tu btags bde yang ston la de dang yang 'gal bar yang mi byed/ de nyid kyang gsal bar byed cing de nyid kyang nye bar ston to snyam mo/ /de nas lha rnams kyi dbang po brgya

byin gyis tshe dang ldan pa rab 'byor la 'di skad ces smras so/ /'phags pa rab 'byor de de bzhin no de de bzhin te/ 'phags pa rab 'byor ci skad du nye bar ston pa de bzhin du byang chub sems dpa' sems dpa' chen po rnams kyis 'di la bslab par bya'o/ /de skad ces smres pa dang /

tshe dang ldan pa rab 'byor gyis lha rnams kyi dbang po brgya byin la 'di skad ces smras so/ /kO shi ka de de bzhin no de de bzhin te/ de ltar byang chub sems dpa' sems dpa' chen pos 'di la bslab par bya'o/ /kO sha ka byang chub sems dpa' sems dpa' chen po de ltar slob na rgyun

tu zhugs pa'i 'bras bu la mi slob bo/ /lan cig phyir 'ong ba'i 'bras bu la mi slob phyir mi 'ong ba'i 'bras bu la mi slob dgra bcom pa nyid la mi slob bo/ /rang sangs rgyas nyid la mi slob sangs rgyas nyid la mi slob ste/ gangs 'di dag la mi slob pa de ni sangs rgyas nyid dang thams cad

@24b mkhyen pa nyid la slob bo/ /gang sangs rgyas nyid dang thams cad mkhyen pa nyid la slob pa de ni sangs rgyas kyi chos gzhal du med grangs med pa la slob bo/ /gang sangs rgyas kyi chos gzal du med grangs med pa la slob pa de ni gzugs 'phel bar bya ba dang 'grib par bya ba'i phyir mi slob

bo` de bzhin du de tshor ba lam yin 'du shes la la yin 'du byed rnams la ma yin de rnam par shes pa 'phel bar bya ba dang 'grib par bya ba'i phyir mi slob bo/ /gang gzugs 'phel bar bya ba dang 'grib par bya ba'i phyir mi slob pa dang gang tshor ba la ma yin 'du shes la ma yin 'du

byed rnams la ma yin gang rnam par shes pa 'phel bar bya ba dang 'grib par bya ba'i phyir mi slob pa de na gzugs yongs su gzung ba dang dor bar bya ba'i phyir mi slob bo/ /de bzhin du de tshor ba la ma yin 'du shes la ma yin 'du byed rnams la ma yin de rnam par shes pa yongs su

gzung ba dang dor bar bya ba'i phyir mi slob bo/ /chos 'ga' zhig yongs su gzung ba'i phyir yang mi slob ste/ skye ba'i phyir mi slob nub pa'i phyir mi slob bo/ /gang chos 'ga' zhig yongs su gzung ba'i phyir mi slob cing skye ba'i phyir mi slob nub pa'i phyir mi slob pa de ni thams cad mkhyen pa

nyid kyang yongs su gzung ba'i phyir mi slob cing skye ba'i phyir mi slob bub pa'i phyir mi slob ste/ de ltar slob pa'i byang chub sems dpa' sems dpa' chen po ni thams cad mkhyen pa nyid la slob cing thams cad mkhyen pa nyid la nges par 'byung bar 'gyur ro/ /de nas tshe dang ldan pa sh'a ri'i bus tshe

dang ldan pa rab 'byor la 'di skad ces smras so/ /tshe dang ldan pa rab 'byor byang chub sems dpa' sems dpa' chen po gang chos 'ga' zhig yongs su gzung ba'i phyir mi slob cing skye ba'i phyir mi slob nub pa'i phyir mi slob ba de ni thams cad mkhyen pa nyid kyang yongs su gzung ba'i phyir mi slob

cing skye ba'i phyir mi slob/ nub pa'i phyir mi slob na/ tshe dang ldan pa rab 'byor de ltar slob pa'i byang chub sems dpa' sems dpa' chen po thams cad mkhyen pa nyid la slob cing thams cad mkhyen pa nyid la nges par 'byung bar 'gyur ram/ tshe dang ldan pa rab 'byor gyis smras pa/ tshe dang

@25a */ /ldan pa sh'a ri'i bu de de bzhin no de de bzhin te/ tshe dang ldan pa sh'a ri'i bu byang chub sems dpa' sems dpa' chen po gang chos 'ga' zhig yongs su gzung ba'i phyir mi slob cing skye ba'i byir mi slob nub pa'i phyir mi slob ba de ni thams cad mkhyen pa nyid kyang yongs

su gzung ba'i phyir mi slob cing skye ba'i phyir mi slob nub pa'i phyir mi slob sangs rgyas kyi chos rnams kyang yongs su gzung ba'i phyir mi slob cing skye ba'i phyir mi slob nub pa'i phyir mi slob ste/ tshe dang ldan pa sh'a ri'i bu de ltar slob pa'i byang chub sems dpa' sems dpa' chen po ni thams

cang mkhyen pa nyid la slob cing thams cad mkhyen pa nyid la nges par 'byung bar 'gyur ro/ /de nas lha rnams kyi dbang bo brgya byin gyis tshe dang ldan pa sh'a ri'i bu la 'di skad ces smras so/ /'phags pa sh'a ri'i bu byang chub sems dpa' sems dpa' chen pos shes rab kyi pha rol tu phyin pa

gang las btsal bar bya/ sh'a ri'i bus smras pa/ kO shi ka byang chub sems dpa' sems dpa' chen pos shes rab kyi pha rol tu phyin pa ni tshe dang ldan pa rab 'byor gyi le'u las btsal bar bya'o/ /de skad ces smras pa dang / lha rnams kyi dbang po brgya byin gyis tshe dang ldan pa sh'a ri'i bu

la 'di skad ces smras so/ /'phags pa sha' ri'i bu 'di ltar 'phags pa rab 'byor shes rab kyi pha rol tu phyin pa 'chad pa gang yin pa 'di su'i mthur rig bar bya 'di su'i byin gyi rlabs su rig par bya/ tshe dang ldan pa sh'a ri'i bus smras pa/ kO shi ka tshe dang ldan pa rab 'byor shes rab kyi pha

rol tu phyin pa 'chad pa gang yin pa 'di ni de bzhin gshegs pa'i mthur rig par bya/ 'di ni de bzhin gshegs pa'i byin gyi rlabs su rig par bya'o/ /de nas tshe dang ldan pa rab 'byor gyis lha rnams kyi dbang po brgya byin la 'di skad ces smras so/ /kO shi ka gang 'di skad du 'phags pa

rab 'byor gang shes rab kyi pha rol tu phyin pa 'chad pa gang yin pa 'di su'i mthur rig par bya 'di su'i byin gyi rlabs su rig par bya 'di su'i byin gyi rlabs su rig par bya zhes zer ba ni kO shi ka bdag shes rab kyi pha rol tu phyin pa 'chad pa gang yin pa 'di ni de bzhin gshegs ba'i mthur rig par bya'o/ /'di ni de bzhin

@25b gshegs pa'i byin gyi rlabs su rig par bya'o/ /kO shi ka gang yang 'di skad du byang chub sems dpa' sems dpa' chen pos shes rab kyi pha rol tu phyin pa gang las btsal bar bya zhes zer ba ni/ /kO shi ka byang chub sems dpa' sems dpa' chen pos shes rab kyi pha rol tu

phyin pa gzugs las btsal bar mi bya gzugs las gzhan du yang btsal par mi bya'o/ /de bzhin du tshor ba las ma yin 'du shes las ma yin 'du byid rnams las ma yin rnam par shes pa las btsal bar mi bya rnam pa shes pa las gzhan du yang btsal bar mi bya'o/ /

de ci'i phyir zhe na/ kO shi ka 'di ltar gzugs ni shes rab kyi pha rol tu phyin pa ma yin/ gzugs las gzhan na yang shes rab kyi pha rol tu phyin pa med do/ /de bzhin du tshor ba ma yin 'du shes ma yin 'du byed rnams ma yin rnam par shes pa shes rab kyi pha rol tu phyin pa ma yin

rnam par shes pa las gzhan na yang shes rab kyi pha rol tu phyin pa med do/ /de skad ces smras pa dang / lha rnams kyi dbang po brgya byin gyis tshe dang ldan pa rab 'byor la 'di skad ces smras so/ /'phags pa rab 'byor 'di lta ste/ shes rab kyi pha rol tu phyin pa 'di ni pha

rol tu phyin pa chen po'o/ /'phags pa rab 'byor 'di lta ste shes rab kyi pha rol tu phyin pa 'di ni tshad ma med pa'i pha rol tu phyin pa'o/ /'phags pa rab 'byor 'di lta ste shes rab kyi pha rol tu phyin pa 'di ni tshad med pa'i pha rol tu phyin pa'o/ /'phags pa rab 'byor 'di lta

ste shes rab kyi pha rol tu phyin pa 'di ni mtha' yas pa'i pha rol tu phyin pa'o/ /gnas brtan rab 'byor gyis smras ba de de bzhin no kO shi ka de de bzhin te kO shi ka 'di lta ste shes rab kyi pha rol tu phyin pa chen po'o/ /kO shi ka 'di lta ste shes rab kyi pha rol

tu phyin pa 'di ni tshad ma med pa'i pha rol tu phyin pa'o/ /kO shi ka 'di lta ste shes rab kyi pha rol tu phyin pa 'di ni tshad med pa'i pha rol tu phyin pa'o/ /kO shi ka 'di lta ste shes rab kyi pha rol tu phyin pa 'di ni mtha' yas pa'i pha rol tu phyin pa'o/ /de ci'i phyir zhe na/ gzugs che ba'i

@26a */ /phyir kO shi ka 'di lta ste shes rab kyi pha rol tu phyin pa 'di ni pha rol tu phyin pa chen po'o/ /de bzhin du tshor ba dang 'du shes dang 'du byed rnams dang rnam par shes pa che ba'i phyir kO shi ka 'di lta ste shes rab kyi pha rol tu phyin pa 'di ni pha rol tu phyin pa chen po'o/

gzugs tshad ma med pa'i phyir kO shi ka 'di lta ste shes rab kyi pha rol tu phyin pa 'di ni tshad ma med pa'i pha rol tu phyin pa'o/ /de bzhin du tshor ba dang 'du shes dang 'du byed rnams dang rnam par shes pa tshad ma med pa'i phyir kO shi ka 'di lta ste shes rab kyi pha rol tu phyin pa 'di ni tshad ma

med pa'i pha rol tu phyin pa'o/ /gzugs tshad med pa'i phyir kO shi ka 'di lta ste shes rab kyi pha rol tu phyin pa 'di ni tshad med pa'i pha rol tu phyin pa'o/ /de bzhin du tshor ba dang 'du shes dang 'du byed rnams dang rnam par shes pa tshad med pa'i phyir kO shi ka 'di lta ste shes rab kyi pha rol tu

phyin pa 'di ni tshad med pa'i pha rol tu phyin pa'o/ /gzugs mtha' yas pa'i phyir kO shi ka 'di lta ste shes rab kyi pha rol tu phyin pa 'di ni mtha' yas pa'i pha rol tu phyin pa'o/ /de bzhin du tshor ba dang 'du shes dang 'du byed rnams dang rnam par shes pa mtha' yas pa'i phyir kO shi

ka 'di lta ste shes rab kyi pa rol tu phyin pa 'di ni mtha' yas pa'i pha rol tu phyin pa'o/ /kO shi ka de bzhin du pha rol tu phyin pa chen po zhes bya bar mdon par chags par mi byed de/ de bzhin du tshad ma med pa'i pha rol tu phyin pa zhes bya ba dang de bzhin du tshad med pa'i pha rol tu phyin

pa zhes bya ba dang de bzhin du mtha' yas pa'i pha rol tu phyin pa'o zhes mngon par chags par mi byed do/ /kO shi ka de lta bas na 'di lta ste shes rab kyi pha rol tu phyin pa 'di ni pha rol tu phyin pa chen po'o/ /'di ni tshad ma med pa'i pha rol tu phyin pa'o/ /'di ni tshang med pa'i pha rol tu phyin

pa'o/ /kO shi ka 'di ni mtha' yas pa'i pha rol tu phyin pa'o/ /kO shi ka dmigs pa mtha' yas pa'i phyir 'di lta ste shes rab kyi pha rol tu phyin pa 'di ni mtha' yas pa'i pha rol tu phyin pa'o/ /kO shi ka sems can mtha' yas pa'i phyir 'di lta ste shes rab kyi pha rol tu phyin pa 'di ni

@26b mtha' yas pa'i pha rol tu phyin pa'o/ /kO shi ka yang ci ltar na dmigs pa mtha' yas pa'i phyir 'di lta ste shes rab kyi pha rol tu phyin pa 'di ni mtha' yas pa'i pha rol tu phyin pa yin zhe na/ /kO shi ka 'di ltar chos thams cad kyi thog ma dang dbus dang tha ma mi dmigs te de bas na

kO shi ka 'di lta ste shes rab kyi pha rol tu phyin pa 'di ni mtha' yas pa'i pha rol tu phyin pa ste/ kO shi ka rnam grangs 'dis dmigs pa mtha' yas pa'i phyir 'di lta ste shes rab kyi pha rol tu phyin pa 'di ni mtha' yas pa'i pha rol tu pyin pa'o/ /kO shi ka gzhan yang gang gi phyir 'di

ltar chos thams cad mtha' yas mu med de de rnams kyi thog ma 'am dbus sam tha ma yang mi dmigs te/ de bas na kO shi ka 'di lta ste shes rab kyi pha rol tu phyin pa 'di ni mtha' yas pa'i pha rol tu phyin pa'o/ /de ci'i phyir zhen/ kO shi ka gzugs kyi thog ma 'am dbus sam tha

ma yang mi dmigs so/ /kO shi ka de bzhin du tshor ba dang 'du shes dang 'du byed rnams dang rnam par shes pa'i thog ma 'am dbus sam tham yang mi dmigs te/ kO shi ka rnam grangs 'dis kyang dmigs pa mtha' yas pa'i phyir 'di lta ste shes rab kyi pha rol tu phyin pa 'di ni

mtha' yas pa'i pha rol tu phyin pa'o/ /kO shi ka gzhan yang sems can mtha' yas mu med do/ /de ci'i phyir zhe na/ sems can la thog ma 'am dbus sam tha ma yang mi dmigs so/ /kO shi ka de bas na sems can mtha' yas pa'i phyir 'di lta ste shes rab kyi pha rol tu

phyin pa 'di ni mtha' yas pa'i pha rol tu phyin pa'o/ /de nas lha rnams kyi dbang po brgya byin gyis tshe dang ldan pa rab 'byor la 'di skad ces smras so/ /'phags pa rab 'byor ji ltar na sems can mtha' yas pa'i phyir 'di lta ste shes rab kyi pha rol tu phyin ba 'di ni mtha' yas

pa'i pha rol tu phyin pa yin/ gnas brtan rab 'byor gyis smras pa/ kO shi ka bgrang ba dang mi ldan pa 'am bgrang ba mang pos sems can mtha' yas pa'i phyir 'di lta ste shes rab kyi pha rol tu phyin pa 'di/ mtha' yas pa'i pha rol tu phyin pa yin no/ /brgya byin gyis smras pa/

@27a */ /'phags pa rab 'byor 'o na ci ltar sems can mtha' yas pa'i phyir 'di lta ste shes rab kyi pha rol tu phyin pa 'di mtha' yas pa'i pha rol tu phyin ba zhes bya/ gnas brtan rab 'byor gyis smras pa/ kO shi ka 'di ji snyam du sems 'di lta ste sems can sems

can zhes bya ba 'di chos gang gi tshig bla dags yin/ brgya byin gyis smras pa/ 'phags pa rab 'byor 'di lta ste sems can sems can zhes bya ba 'di ni chos kyi tshig bla dgas kyang ma yin chos med pa'i tshig bla dgas kyang ma yin te ming du btags pa 'di ni blo bur du byung ba'o//

ming du btags pa 'di ni dngos po med pa'o/ /ming du btags pa 'di ni bdag gi ba med pa'o/ /'di lta ste sems can sems can zhes ming du btags pa 'di ni dmigs su med pa'o/ /gnas brtan rab 'byor gyis smras pa/ kO shi ka 'di ji snyam du sems 'di la sems

can du yongs su brtan par byas pa gang yang yod dam/ brgya byin gyis smras pa/ 'phags pa rab 'byor de ni a yin no/ /rab 'byor gyis smras pa/ kO shi ka gang la sems can yongs su bstan par byas ba 'ga' zhig med pa de la sems can mtha' yas pa yod dam/

kO shi ka gal te de bzhin gshegs pa dgra bcom ba yang dag par rdzogs pa'i sangs rgyas kyis bskal pa gang ga'i klung gi bye ma snyed du yang bzhugs te mtha' las 'das ba rnam par rig par byed pa'i dbyangs dang gsung dbyangs zab mos sems can sems can zhes tshig tu

brjod du zin kyang de la sems can gang yang skyes pa 'am skye bar 'gyur ba 'am skye ba 'am 'gag pa 'am 'gag par 'gyur ba 'am 'gag pa yod dam/ brgya byin gyis smras pa/ 'phags pa rab 'byor de ni ma yin no/ /de ci'i phyir zhe na/ sems can thog ma nas dag pa'i

phyir dang thog ma nas yongs su dag pa'i phyir ro/ /rab 'byor gyis smras pa/ kO shi ka rnam grangs 'dis kyang 'di ltar sems can mtha' yas pa'i phyir 'di lta ste shes rab kyi pha rol tu phyin pa 'di ni mtha' yas pa'i pha rol tu phyin pa'o/ /kO shi ka de ltar yang sems can mtha'

@27b yas pa'i phyir shes rab kyi pha rol tu phyin pa mtha' yas par rig par bya'o/ /de nas dbang po dang bcas pa'i lha rnams dang tshangs ba dang bcas pa dang skye dgu'i bdag po dang bcas pa dang drang srong dang bcas pa dang skyes pa dang bud med kyi tshogs dang bcas pa rnams kyis lan

gsum du ched du brjod pa ched du brjod de/ e ma'o chos e ma'o chos e ma'o chos rnams kyi chos nyid de bzhin gshegs pa 'byung ba gang yin pa de ni 'phags pa gnas brtan rab 'byor gyis legs par smras pas brjod cing bstan te bshad la rab tu bzhag go/ /bcom

ldan 'das deng slan cad bdag cag ni byang chub sems dpa' sems dpa' chen po gang shes rab kyi pha rol tu phyin pa 'di dang ma bral ba dang / byang chub sems dpa' sems dpa' chen po gang dag shes rab kyi pha rol tu phyin pa'i gnas pa 'dis gnas pa 'di ni de bzhin

gshegs pa lags par 'dzin to/ /de nas bcom ldan 'das kyis dbang po dang bcas pa'i lha rnams dang tshangs pa dang bcas pa dang skye dgu'i bdag po dang bcas pa dang drang srong dang bcas pa dang skyes pa dang bud med kyi tshogs de rnams la bka' stsal pa/ lha'i bu

dag de de bzhin no de de bzhin te lha'i bu dag gang gi cho rgyal po'i pho brang 'khor na mar me can zhes bya ba'i tshong dus kyi dbus su mar me mdzad de bzhin gshegs pa dgra bcom pa yang dag par rdzogs pa'i sangs rgyas kyi drung nang shes rab kyi pha rol tu phyin pa 'di dang ma bral bar

gyur pas/ de'i cho mar me mdzad de bzhin gshegs pa dgra bcom pa yang dag par rdzogs pa'i sangs rgyas kyis/ bram ze'i khye'u khyod ma 'ongs pa'i 'dus kyi bskal pa grangs med pa na sh'-kya thub pa zhes bya ba de bzhin gshegs pa dgra bcom pa yang dag par rdzogs pa'i sangs rgyas

rig pa dang rkang par ldan pa bde bar gshegs pa 'jig rten rig pa skyes bu gdul bya'i kha lo sgyur ba bla na med pa lha dang mi rnams kyi ston pa sangs rgyas bcom ldan 'das su 'gyur ro zhes ba bla na med pa yang dag par rdzogs pa'i byang chub tu lung bstan to/ /de nas bcom ldan

@28a */ /'das la lha'i bu de dag gis 'di skad ces bcom ldan 'das byang chub sems dpa' sems dpa' chen po rnams kyi shes rab kyi pha rol tu phyin pa 'di thams cad mkhyen pa nyid kyi bar du sgrub par byed pa dang rjes su yongs su 'dzin par byed pa ngo mtshar to/ /bde

bar gshegs pa shin tu ngo mtshar to zhes gsol to/ /'phags pa shes rab kyi pha rol tu phyin pa brgyad stong pa las brgya byin gyi le'u zhes bya ste gnyis pa'o//