phyag rgya chen po’i man ngag

Tilopa's Mahamudra Instruction to Naropa in Twenty Eight Verses

Skt.: mahamudra-upadesha Tib.: phyag rgya chen po’i man ngag, do ha mdzod brgyad ces bya ba phyag rgya chen po'i men ngag gsal bar ston pa'i gzhung, rtsib ri spar ma, vol. 4, pp. 1-47

[16a/5] /rgya gar skad du/ mahamudra-upadesha/ bod skad du / phyag rgya chen po’i man ngag

/rdo rje mkha’ ’gro la phyag ’tshal lo/

/phya rgya chen po bstan du med kyis kyang/ /dka’ ba spyod cing bla ma la gus pas/ /sdug bsngal bzod ldan blo ldan nA ro pa/ /skal ldan khyod kyi snying la ’di ltar byos/ /dper na nam mkha’ gang gis gang la brten/ /de bzhin phyag rgya che la brten yul med/ /ma bcos gnyug ma’i ngang du klong la zhog /bcings pa klod na grol bar the tshom med/ /dper na nam mkha’i dkyil bltas mthong bar ’gag par ’gyur / /de bzhin sems kyis sems la bltas byas na/ /rnam rtog tshogs ’gag bla med byang chun thob/ /dper na khug rna sprin rnams nam mkha’i khams su dengs/ /gar yang song ba med cing gang du’ang gnas pa med/ /de bzhin sems las byung ba’i rtog tshogs kyang/ /rang sems mthong bas rtog pa’i rba rlabs dengs/ /dper na nam mkha’i rang bzhin kha dog dbyibs las ’das/ /dkar nag dag gis gos shing ’gyur ba med/ /de bzhin rang sems snying po kha dog dbyibs las ’das/ /dge sdig dkar nag chos kyis gos mi ’gyur/ /dper na gsal dwangs nyi ma’i snying po de/ /bskal pa stong gi mun pas bsgrib mi nus/ /de bzhin rang sems snying po’i ’od gsal de/ /bskal pa’i ’khor bas bsgrib par mi nus so/ /dper na nam mkha’ stong par tha snyad rab btags kyang/ /nam mkha’ la ni ’di ’dra brjod du med/ /de bzhin rang sems ’od gsal brjod gyur kyang/ /’di ’drar grub ces tha snyad gdags gzhi med/ /de ltar sems kyi rang bzhin gdod nas nam mkha’ ’dra/ /chos rnams ma lus de ru ma ’dus med/ /lus kyi bya ba yongs thong rnal ma dal bar sdod/ /ngag gi smra brjod med de grag stong brag cha ’dra/ /yid la ci yang mi bsam la bzla’i chos la ltos/ /lus la snying po med de smyug ma’i sdong po ’dra/ /sems ni nam mkha’i dkyil ltar bsam pa’i yul las ’das/ /de yi ngang la btang bzhag med par klod la zhog /sems la gtad so med na phyag rgya chen po yin/ /de la sgom shing ’dris na bla med byang chub thob/ /sngags su smra dang pha rol phyin pa dang/ /’dul ba mdo sde sde snod sna tshogs kyi/ /rang rang gzhung dang grub pa’i mtha’ yis ni/ /’od gsal phyag rgya chen po mthong mi ’gyur/ /zhe ’dod byung bas ’od gsal ma thong bsgribs/ /rtog pa’i bsrung sdom dam tshig don las nyams/ /yid la mi byed zhe ’dod kun dang bral/ /rang byung rang zhi chu yi rba rlabs ’dra/ /mi gnas mi dmigs don las mi ’da’ na/ /dam tshig mi ’da’ mun pa’i sgron me yin/ /zhe ’dod kun bral mtha’ la mi gnas na/ /sde snod chos rnams ma lus mthong bar’gyur/ /don ’dir gzhol na ’khor ba’i btson las thar/ /don ’dir mnyam gzhag sdig sgrib thams cad bsreg /bstan pa’i sgron me zhes su bshad pa yin/ /don ’dir mi mos skye bo blun po rnams/ /’khor ba’i chu bos rtag tu khyer bar zad/ /sdug bsngal mi zad blun po snying re rje/ /sdug bsngal mi bzod thar ’dod bla ma mkhas la brten/ /byin rlabs snying la zhugs nas rang sems grol bar ’gyur/

/kye ho/ ’khor ba’i chos ’di don med sdug bsngal rgya/ /byas ba’i chos la syning po me pas don ldan snying po ltos/ /gzung ’dzin kun las ’das na lta ba’i rgyal po yin/ /yengs pa med na sgom pa’i rgyal po yin/ /bya rtsol med na spyod pa’i rgyal po yin/ /re dogs med na ’bras bu mngon du gyur/ /dmigs pa’i yul ’das sems kyi rang bzhin gsal/ /bgrod pa’i lam med sangs rgyas lam na zin/ /sgom pa’i yul med bla med byang chub thob/

/kye ma ’jig rten chos la legs rtogs dang/ /rtag mi thub ste rmi lam sgyu ma ’dra/ /rmi lam sgyu ma don la yod ma yin/ /des na skyo ba bskyed la ’jig rten bya ba thong/ /’khor yul chags sdang ’brel pa kun chod la/ /gcig pur nags ’dab ri khrod dgon par bsgom/ /bsgom du med pa’i ngang la gnas par kyis/ /thob med thob na phyag rgya chen po thob/ /dper na ljon shing sdong po yal ga lo ’dab rgyas/ /rtsa ba gcig bcad yal ka khri ’bum skam/ /de bzhin sems kyi rtsa ba bcas pas ’khor ba’i lo ’dab skam/ /dper na bskal pa stong du bsags pa’i mun pa yang/ /sgron me gcig gis mun pa’i tshogs rnams sel/ /de bzhin rang sems ’od gsal skad cig gis/ /bskal par bsags pa’i ma rig sdig sgrib sel/

/kye ho/ blo yi chos kyis blo ’das don mi mthong/ /byas pa’i chos kyis byar med don mi rtogs/ /blo ’das byar med don de thob ’dod na/ /rang sems rtsa ba chod la rig pa gcer bu zhog /rtog pa dri ma’i chu de dangs su chug /snang ba dgag sgrub ma byed rang sar zhog /spang blang med pa’i snang srid phyag rgya che/ /kun gzhi skye ba med pas bag chags sgrib g.yogs sangs/ /snyem byed rtsis gdab mi bya skye med snying po zhog /snang ba rang snang blo yi chos rnams zad du chug /mu tha’ yongs grol lta ba’i rgyal po mchog /mu med gting yangs sgom pa’i rgyal po mchog /mtha’ chod phyogs bral spyod pa’i rgyal po mchog /re med rang gnas ’bras bu’i mchog yin no/ /las ni dang po gcong rong ’bab chu ’dra / /bar du chu bo gang ga dal zhing g.yo/ /tha ma chu rnams ma bu phrad pa ’dra / /blo dman skye bo ngang la mi gnas na/ /rlung gi gnad bzung rig pa bcud la bor/ /lta stangs sems ’dzin yan lag du ma yis/ /rig pa ngang la mi gnas bar du gcun/ /las kyi phyag rgya bsten na bde stong ye shes ’char/ /thabs dang shes rab byin rlabs snyoms par ’jug /dal bar dbab cing bskyil bzlog drang pa dang/ /gnas su bskyal la lus la khyab par dgram/ /de la chags zhen med na bde stong ye shes ’char/ /tshe ring skra dkar med cing zla ltar rgyas par ’gyur/ /bkrag mdangs gsal la stobs kyang seng ge ’gra/ /thun mong dngos grub myur thob mchog la gzhol bar ’gyur/ /phyag rgya chen po gnad kyi man ngag ’di/ /’gro ba skal ldan snying la gnas par shog

/phyag rgya chen po’i zhal snga nas mdzad pa/ kha che’i pandita mkhas pa grub thob pa nA ro pas dka’ ba bcu gnyis spyad pa’i mthar chu bo gang ga’i ’gram du tee lo pas gsungs pa/ phyag rgya chen po rdo rje’i tshig rkang nyi shu rtsa brgyad pa zhes bya ba na’ ro pa chen po’i zhal snga nas/ bod kyi lo tsa’ ba chen po sgra sgyur gyi rgyal po mar pa chos kyi blo gros kyis byang phu la ha rir bsgyur zhing zhus te gtan la phab pa’o//

Ganges Mahamudra - traducción palabra por palabra - español