Kagyu Karchak: Difference between revisions

From Rangjung Yeshe Wiki - Dharma Dictionary
Jump to navigation Jump to search
No edit summary
 
No edit summary
Line 1: Line 1:
Kagyu Karchak (Bka' brgyud Dkar chag)
vividly appeared [JV]


 
[[Category:Tibetan Dictionary]] [[Category:rydic2003]] [[Category:sa]]
 
Note: This file should prove useful for research into the bibliography and teachings of the early Bka' brgyud pa tradition.  It contains the complete texts of a few brief but old dkar chag texts, primarily the 'Flower of Words Listing' by the Second Drukchen Rinpoche. (1428-1476),
 
 
 
Source:  The Collected Works (Gsung 'bum) of Rgyal dbang Kun dga' dpal 'byor, reproduced from the manuscript set preserved at Pha jo lding Monastery, Kunzang Tobgey, Thimphu 1977, in 2 vols.  IASWR microfiche no. LMpj012,561.  Vol. 2, pp. 1-20.  This work must date to the year 1459.  Another version of the text is available in the 1982 printing of the same author's Gsung 'bum.
 
 
 
[1] dkar chag tshig gi me tog bzhugs so //
 
 
 
[2] na mo ma hâ mu dra ya /
 
brgyud pa yid bzhin nor bu la //
 
sgo gsum gus pas phyag 'tshal nas //
 
gdams ngag yid bzhin nor bu yi //
 
dkar chag tshig gi me tog bri //
 
 
 
de yang sku bzhi ye shes lnga'i bdag nyid / rdo rje 'chang chen pos / gsang ba'i bdag po phyag na rdo rje byin gyis brlabs / chos thams cad kyi gsang ba'i mdzod 'dzin pa yin gsung /  gsang ba'i bdag po de nyid kyis / grub thob bka' bzhi'i bla ma rnams byin gyis brlabs pa yin /  de'ang / bram ze chen po sa ra ha zhes grags pa de gsang ba'i bdag pos dngos su byin gyis brlabs nas / grubthob brgyad cu rtsa bzhi'i spyi mes chen por bzhugs pa yin /  de nyid kyis slob dpon chen po lû yi pa la gdams / des rgyal po chen po dâ ri ka pa dang / [3] slob dpon chen po dengi pa gnyis la gdams / des tilli pa la gdams te / de nas phyag rgya chen po'i bka' babs pa'o //
 
 
 
yang gsang ba'i bdag pos sa bcu'i byang chub sems dpa' blo gros rin chen byin gyis brlabs / des slob dpon klu sgrub la gdams / des slob dpon mâ tangi la gdams / des tilli pa la gdams pa ni pha rgyud kyi bka' babs so //
 
 
 
yang gsang ba'i bdag pos / su ma tikun tu bzang mo bya ba sangs rgyas dang skal ba mnyam pa'i mkha' 'gro ma gcig la gdams / des slob dpon chen po thang lo pa la / des shing lo pa la / des slob dpon chen po karna ri pa la gdams / des tilli pa la gdams pa ni ma rgyud kyi bka' babs so //
 
 
 
yang gsang ba'i bdag pos / dombi he ru ka la gdams / des [4] chang 'tshong ma bi nâ sa la / des rgyal po dâ ri ka pa dang / de'i sras po slob dpon lwa ba pa la / des rgyal po indra bhû ti la / des tilli pa la gdams pa ni 'od gsal gyi bka' babs so //
 
 
 
de ltar bka' babs pa'i slob dpon tilli pa de ni grub thob bka' bzhi'i bla ma rnams kyis byin gyis brlabs shing / gdams pa rnams thugs su chud pa yin la / rdo rje 'chang chen po dang yang zhal dngos su mjal zhing chos zhus pa yin te / 'di skad du /
 
 
 
ngas ni zhing khams brgyar yang phyin //
 
sprul pa brgya phrag brgya yang bstan //
 
ârya de wa klu sgrub dang //
 
sangs rgyas dang yang ngas gtam byas // shes so //
 
 
 
de lta bu'i slob dpon tilli pa de'i spyan sngar mkhas pa chen po nâ ro pas gtugs shing lo shing lo bcu gnyis phyag phyir 'brangs /  dka' ba chen po bcu gnyis spyad pa yin te / de yang 'di skad du /
 
dang po mkhar gyi rtse nas 'phyongs //
 
gnyis pa 'khall khung thur ma rgyab //
 
gsum pa dpung pas me phung dkrugs //
 
bzhi pa mi gtsang 'dam rdzas zos //
 
lnga pa 'bras chan ston mo rkus //
 
drug pa rgyal po'i bag ma phrogs //
 
bdun pa blon po'i chung ma rkus //
 
brgyad pa rang gi chung ma blangs //
 
dgu pa rdo rje tho bas brdungs //
 
bcu pa chung ma bla mar phul //
 
bcu gcig pad pa'i zam pa byas //
 
bcu gnyis thang chen mandal phul // zhes gsungs te /
 
de la dang po gsum gyis lus kyi dri ma sbyangs te bum pa'i dbang thob / de rjes gsum gyis ngag gi dri ma sbyangs te gsang ba'i dbang thob / de rjes gsum gyis yid kyi dri ma sbyangs te dbang gsum pa thob / tha ma gsum gyis lus ngag yid gsum [5] gyi sgrib pa sbyangs te dbang bzhi pa'i don rtogs pa'i dus su / chos thams cad dngos po'i gnas lugs / lam gyi rim pa / 'bras bu skye ba'i rim pa dang gsum du bsdus nas gsungs pa yin gsung /
 
 
 
yang bram ze chen po sa ra has / sa ra ha chung ba byin gyis brlabs / des rgyal ba ri khrod pa byin gyis brlabs / de la mnga' bdag chen po mai tri pas dbang dang gdams pa ma lus par zhus te / de ltar nyi ma dang zla ba ltar grags pa'i nâ ro dang / mai tri la rje btsun ti phu pa la sogs rgya gar gyi pandi ta rnams dang / skyes mchog mar pa lo tsa nyid kyis / rgyud 'grel dang dbang bzhi'i gdams pa ma lus par zhus nas / bu chen rnams la rim pa ltar gdams shing / khyad par du yang skyes mchog mar pas / rje btsun mi la ras pa la gdams pa'i gnad dang bcas pa ma nlus par gnang ba'o //
 
 
 
rje btsun chen po des / ras chung pa dang / sgam po pa gnyis la gnang / rje sgam po pas / dpal phag mo gru pa la gnang / des grub thob gling ras pa la gnang / des chos rje la gnang ste / de rnams ni rtogs pa don gyi brgyud pa'o //
 
 
 
yang rje btsun ras chung pas rgya gar du lan gsum byon te / bla ma ti phu pa / ye rang ba / wa la tsandra la sogs pa'i bla ma mang po la sgrub thabs kyi skor mang po dang / dbang byin brlabs gdams pa khyad par can mang po zhus shing / thugs nyams su lon par mdzad pa yin te / ji skad du / bod phrug rgya gar phyin pa la // gdams pa bdag rang che'am snyam // zhes pa la sogs pa gsung [6] so //
 
 
 
des rgyal po lo dang / rje btsun sum pa la sogs pa rnams la gnang / lo dang sum pas / grub thob chen po gling ras pa la gnang / grub thob chen pos / chos rje gtsang pa rgya ras pa la gnang ba ste / de rnams ni gdams pa tshig gi brgyud pa'o //
 
 
 
de lta bu'i gdams pa du ma dang ldan pa / chos rje rin po che gtsang pa rgya ras pa de nyid ni / sngon gyi mkhas grub chen po nâ ro pa nyid kyi sku'i skye ba yin par gsungs te / 'di skad du /
 
 
 
skye bzhi'i gong rol kha che'i yul gyi lho //
 
ko la sa zhes grags pa'i grong khyer du //
 
mu stegs ma yin bram ze'i rigs su skyes //
 
til brdung kun grags bla ma'i zhabs la gtugs //
 
ce tshe nga ming ye shes dngos grub 'bod //
 
 
 
ces pa la sogs pa gsal bar gsungs so //
 
 
 
mkhas pa chen po nâ ro pa de nyid kyi sku'i skye ba bzhi pa la / byang phyogs kha ba can gyi sems can tshe thung zhing nad kyis mnar ba nyon mongs pas gzir ba rnams yang dag pa'i lam la dgod pa'i phyir / myang stod kyi phu gnod sbyin chen po gang ba bzang pos rjes su skyong ba / khu la'i sa phyogs su 'khrungs te yul dang gdung dang na bza' las mtshan du gsol zhing / nam mkha'i gos la snying rje'i rgyan dang ldan pa de nyid kyi skur byon nas sems can dpag tu med pa smin grol la bkod pa lags so //
 
 
 
chos rje de nyid kyis sngar gyi grub thob gong ma rnams nas brgyud cing / grub thob gling dang / zhang rin po che la sogs pa rnams kyi gsung las byon pa rnams dang / chos rje nyid kyi thugs las 'khrungs pa'i chos dang gdams ngag rnams dkar chag [7] tshig gi me tog tu bsdus nas ston pa 'di ltar lags so //
 
 
 
phyag rgya chen po skor gsum /
 
thabs lam gnad kyi skor drug /
 
sgrub thabs kyi skor lnga /
 
'phral dgos kyi chos bzhi /
 
rje mi la'i chos drug /
 
rje gling ras pa'i bstan bcos rnams nyams len dang shes bya rgyas pa'i chos /
 
mgur 'bum gdams ngag gi chos /
 
'phral gtam brda' dang nges shes bskyed pa'i chos /
 
las rgyu 'bras gtan la 'bebs pa rten 'brel gyi chos skor /
 
dus gsum sangs rgyas thams cad ngo bo gcig tu sgrub pa'i bla ma'i sgrub thabs /
 
tshe 'di blos btang nas bsgrub pa nyams su blang ba thub pa lnga /
 
thun bzhi'i dge sbyor gnad du gtong ba dge sbyor bdun pa /
 
khyad par gyi chos bzhi /
 
bka' rgya ma lnga /
 
de rnams dril bas sdong po gsum sgril du 'dus pa lags so //
 
 
 
de la dang po phyag rgya chen po skor gsum la /  bshad pa tshig gi skor / gdams ngag nyams len gyi skor / rtogs pa byin rlabs kyi skor ro //
 
 
 
de'ang bshad pa tshig gi skor la / lta ba gtso bor ston pa do ha mdzod kyi glu / sgom pa gtso bor ston pa rtogs brjod gser gyi phreng ba / spyod pa gtso bor ston pa bka' drin bcu gcig ma dang gsum mo //
 
 
 
de la do ha ni / bram ze chen po sa ra has gsungs pa'i rtogs pa'i mgur yin la / de la gzhung gsum du yod pa las / 'dir dmangs do ha ston pa yin la / de'i bshad 'bum dang sa bcad grub thob gling gis mdzad cing / lhan thabs chos rjes mdzad pa'o //
 
 
 
gzhan yang lo rgyus dang gtam rgyud sogs mang du bzhugs / [8] gser phreng gi slob dpon tog tse pa la sogs pa rnams dang / bram ze sa ra ha nas brgyud cing / rje ras chung pas thugs nyams su bzhes pa'i gdams pa'o //
 
 
 
bka' drin bcu gcig ma ni / grub thob gling gi rtogs pa mgur du gsungs pa yin la / de'i bshad 'bum dang sa bcad chos rjes mdzad pa'o //
 
 
 
gdams ngag myams myong gi skor la cig car ba'i lam gtso bor ston pa thos babs / rim gyis pa'i lam gtso bor ston pa bsam gtan thun 'jog / thod rgal gyi lam gtso bor ston pa bsam mi khyab dang gsum las /
 
 
 
thog babs ni / rje mai tri pa'i gdams pa yin zhing / de'i brda' don ni rje ras chung pas dkrol ba'o //
 
 
 
yang rje ye rang pa nas brgyud pa dang / zhang tshal pa nas brgyud pa gnyis so // 
 
 
 
bsam gtan thun 'jog ni / mnga' bdag mai tri pas mdzad pa yin la / de'i sgrub thabs khrigs su bkod pa grub thob gling gis mdzad pa'o //
 
 
 
bsam mi khyab ni / gzhi lam 'bras gsum gtan la 'bebs thabs rgya gar gyi grub thob mang po dang / rje ras chen ras chung la sogs pas thugs nyams su bzhes pa'i gdams pa'o //
 
 
 
rtogs pa byin rlabs kyi skor ni / gzhi gtan la 'bebs pa gtso bor gyur pa lhan cig skyes sbyor gyi khrid / lam sa mtshams 'byed pa gtso bor gyur pa rnal 'byor bzhi / gzhi lam 'bras bu gsum dbyer med ngo bo gcig tu sgrub par byed pa bdud lam 'khyer dang gsum las /  lhan cig skyes sbyor la snga phyi rim pa gsum du yod pa las / dang po rje sgam po pas mdzad pa'i go cha gnyis dang / [9] don brgyud kyi gdams pa rnams yin la / gnyis pa rje phag mo gru pas mdzad pa'i tshigs bcad ma'o //
 
 
 
phyis chos rjes mdzad pa'i sngon 'gro dang / dngos gzhi dmar khrid kyi rim pa sgang dril dang bcas pa rnams so //
 
 
 
rnal 'byor bzhi la / rje sgam po pas mdzad pa'i rnal 'byor bzhi / chos rje rin po ches mdzad pa'i rnal 'byor bzhi gsum bcu gnyis dang / shan 'byed bcu gsum sa lam dang sbyar ba rnams yin la / rje dbu ri pas mdzad pa'i rnal 'byor bzhi rgyas pa dang / rje rgod tshangs pas mdzad pa la sogs pa mang du bzhugs so //
 
 
 
bdud lam 'khyer ni / rje sgam po pa nyid kyis mdzad pa'o //
 
 
 
thabs lam gnad kyi skor drug la / bsre 'pho bshad pa'i skor / brul tsho blo rdeg gi skor / 'khor ba 'jug ldog spyi khyab kyi skor / tshig bcad ma mngon rtogs kyi skor / zhal gdams gnad kyi skor / rtog pa lam khyer nad 'don gyi skor ro //
 
 
 
de'i dang po bsre 'pho bshad pa'i skor / gzhung stong thun zhal gdams gsum las / gzhung drug tu grags pa las / gtum mo ka dpe / 'pho bsre chen mo / mkha' 'gro ka drug gsum ni / rgya gar nas kyi yi ge'i rigs yin la / gzhan gsum ni snyan brgyud du yod pa'i gdams pa'i gnad rnams / rje mi la yab sras yis yig rigs su bkod pa'o //
 
 
 
drug gi bshad thabs / rje ras chung pa'i gsung bgros ji lta ba bzhin du / grub thob gling dang / rje rin po ches rgyas par gsungs pa bzhin du rnal 'byor jo yes kyis yig rigs su bkod pa bka' tshoms dang / [10] bshad thabs kun yin la / gzhan yang dge ba'i bshes gnyen mkhas pas mdzad pa'i bka' tshoms dang bshad thabs kyang mang du bzhugs so //
 
 
 
stong thun gyi gdams pa'i gnad thams cad bsre skor gsum du bsdus nas rje ras chung pas gsungs pa yin la / de'i gsung bgros grub thob gling dang / rje rin po che'i gsung ji lta ba bhin du / rnal 'byor jo yes kyi zin bris gsal ba'i sgron me zhes bya ba de yin zhing / dge ba'i bshes gnyen gzhan gyis mdzad pa yang mang du bzhugs so //
 
 
 
zhal gdams ni gzung bshad pa'i yig chung mang du yod pa kun la zer ba'o //
 
 
 
brul tsho blo rdeg gi skor la / gtum mo rnam gsum / gnas pa rtsa / g.yo ba rlung / bkod pa byang chub kyi sems / lo'i zhus lan / yon tan phun tshogs / zung 'jug / 'chi ba ltas brtag pa / tshe bsring ba / char 'bebs pa / gdams ngag bcad thabs rnams yin la / de rnams rje ras chung pas zhus nas / thugs nyams su bzhes pa'i gdams pa rnams yin zhing / zhal gdams kyi gnad dang bshad pa'i yi ge'ang ci rigs su bzhugs so //
 
 
 
'khor ba 'jug ldog spyi khyab kyi skor ni / 'khor 'das kyi chos rnams kyi gnad ston par byed pas / rje nâ ro pa'i gdams ngag / rje ras chung pas yig rigs su bkod pa'o //
 
 
 
tshigs bcad ma mngon rtogs kyi skor ni / nâ ro pa'i chos drug gi rim pa'i phyag len khrid yig rnams / rje phag mo gru pas yig rigs su bkod pa yin la / de la brten nas byas pa kun la / thabs lam tshigs lhug ma zhes zer ro //
 
 
 
de rnams gnad dril ba la chos drug sgang dril zhes bya ste / [11] zhal gdams dang bcas pa'o //
 
 
 
zhal gdams gnad kyi skor la / gtum mo gsang sgrub dang / kha 'thor ba gnyis las / gsang sgrub la / rlung rta ru zhon pa rlung gos su gon pa / zas su za ba / sman du btang ba la sogs pa la bogs 'don pa'i zhal gdams / yang rtse lnga dang / rtsug shing ma dang / 'bar 'dzag dang / snang ba lam khyer dang / gsang ba bsam gyis mi khyab pa la sogs mang du bzhugs so //
 
 
 
kha 'thor ba rlung bcu gsum / gegs sel / sgom bcos yul nyi shu rtsa bzhi'i nad 'don / phyi nang gsang gsum gyi gtum mo / gtum mo dgu skor / rlung gi tsa kra la sogs mang du bzhugs so //
 
 
 
rnam rtog lam 'khyer nad 'don gyi skor ni / ro snyoms skor drug tu grags pa yin la / de yang dang po rnam rtog lam du 'khyer ba ltas ngan g.yang du len pa'i gdams ngag / nyon mongs pa lam du 'khyer ba dug bdud rtsir sgyur ba'i gdams ngag / lha 'dre lam du 'khyer ba ma bu ngo sprod kyi gdams ngag dang drug yod pa las / gzhung drug po de la bka' ma gter ma gnyis su yod de / thad so thad so na gsal zhing / chos rje rin po che nyid kyis bsgrigs pa'o //
 
 
 
gzhung drug po de'i gnad dril ba la gter mdzod ma dang yang mdzod thugs kyi me long dang /  [12] skor mdzod le'u drug pa yin la / gsung bgros dang chos thun la sogs phyag len ma 'chugs par nges can du 'chad pa rnal 'byor jo yes kyi zin bris nor bu 'od kyi sgron me zhes bya ba yin la / de nyid mdzes par byed pa'i bca' gzhi dang bcas pa la sogs pa chos rjes mdzad pa'o //
 
 
 
khrid kyi lag len dang / sbas pa mig 'byed che chung dang / gsang spyod che chung dang / ngo sprod / zhal gdams dang / thugs kyi nying khu dang / nad 'don spring yig ma gnyis dang / mdze po ro snyoms dang / me mchod dang / me gdug pa la sogs pa ni / chos rje rin po che'i gsung las byon pa rnams yin zhing / de rnams la brten nas phyis 'phel ba'ang shin tu mang ba ci rigs su bzhugs so //
 
 
 
sgrub thabs kyi skor lnga ni / bde mchog dngos grub kyi skor / jo mo byin rlabs kyi skor / lhan skyes ku sa li'i skor / gtum po nus pa'i skor / bya rog ma bstan bsrungs kyi skor dang lnga'o //
 
 
 
de rnams ni rang rang gi rgyud dang bstun nas bla ma rnams kyis mdzad pa'o //
 
 
 
de la dang po bde mchog rtsa rgyud nges par brjod pa gnyis la brten nas / mnga' bdag mai tri pas mdzad pa'i lha bcu gsum gyi sgrub thabs yin la / de la mai tri pas mdzad pa'i gzhung gnyis yod cing / gzhung gi bshad 'bum dang dbang / rab gnas kyi cho ga / mngon rtogs / tshogs mchod / sbyin sreg gi cho ga rnams kyi cha lag dang bcas pa / rje ras chung pa'i phyag len ji lta ba bzhin du / grub thob gling dang / rje rin po che nyid kyis yig rigs su bkod pa'o //  [13]
 
 
 
de rnams la rten pa'i dge ba'i bshes gnyen mkhas pa rnams kyis mdzad pa'i bshad 'bum la sogs mang du bzhugs so //
 
 
 
jo mo byin rlabs kyi skor ni / mkha' 'gro kun sbyor dang / phag mo mngon 'byung gi rgyud la brten nas / slob dpon chen po râ ma pha las mdzad pa'i sgrub thabs yin la / de'i bshad 'bum / mngon rtogs / tshogs mchod / byin rlabs / sbyin sreg rnams rje ras chung pa'i phyag len ltar / grub thob gling dang / chos rjes yig rigs su bkod pa'o // de la brten nas phyis mdzad pa yang ci rigs su yod do //
 
 
 
lhan skyes ku sa li'i skor ni / dbang po yang rabs kyi nyams su blang thabs / rgyud sde rnams nas gsungs pa'i don rnams / slob dpon rdo rje dril bu bas zhal gdams su mdzad nas / bla ma a bhya dang / dpal rgwa lo gnyis kyis gzhung yig rigs su mdzad pa'o //
 
 
 
de'i bshad 'bum dang / gdams ngag / dbang chog / las tshogs rnams / dpal rgwa lo dang / zhang rin po che dang / grub thob gling dang / chos rje rin po che rnams kyis yi ge rim pa bzhin mdzad pa'o //
 
 
 
gtum po nus pa'i skor ni / gsang ba bstan pa'i rgyud la brten nas / slob dpon las kyi rdo rjes gzhung du bkod pa'o //  de la brten nas / bsnyen bsgrub dang / las tshogs mang du yod pa'i yig rigs phal cher rje ras chung pas mdzad cing / bshad 'bum dang / tshogs mchod / ngon rtogs / dbang chog rnams / rje grub thob gling dang / chos rje rin po ches mdzad pa'o //
 
 
 
bya rog ma bstan srungs kyi skor ni / [14] slob dpon klu sgrub kyis gzhung du bkod pa yin la / de yang yongs su grags pa'i rgyud nyi shu rtsa bzhi yod pa las / de la sgrub thabs dang sde tshan ni lnga ru yod pa las / de'ang rgyud dang 'brel ba bka' rgya ma'i skor / gdams ngag dang 'brel ba ma bu khrigs sdebs kyi skor / byin rlabs dang 'brel ba gnad 'gag gi skor / zhal gdams dang 'brel ba snying thig gi skor / gsung bgros dang 'brel ba bsdus pa'i skor dang lnga yin te /  de rnams kyi so so'i dbye ba dang / bye brag ni dpal phag mo gru pa dang / zhang rin po ches mdzad pa'i stong thun gnyis las shes par bya'o //
 
 
 
bsnyen pa mchod bstod kyi skor la / 'phrin las gtor ma'i dbang / bka' bsgo rjes gnang gi dbang / mdos dang gtor ma'i 'phrin las rnams ni zhang rin po che'i phyag bzhes yin gsung / 
 
 
 
'phral dgos kyi chos bzhi la / thugs rje chen po byin rlabs kyi chos / kam ka ni ngan song sbyong ba'i chos / sdom pa bsrung mtshams dang bcas pa gnyen po'i chos / kha 'thor snyan ngag dang bcas pa nya ma'i chos so //
 
 
 
de la thugs rje chen po byin rlabs kyi chos ni / dge slong ma dpal mo nas brgyud pa'i sgrub thabs dang / gzhan yang bla ma mang po la zhus pa'i sgrub thabs dang gdams pa rnams chos rjes phyogs gcig tu bkod pa'o //  thugs rje chen po gtso 'khor gsum gyi sgrub thabs so //
 
 
 
kam ka ni ngan sbyong ba'i chos ni / spyir gzungs 'dus nas bshad pa'i las kyi sgrib pa sbyong ba'i gzungs la brten nas / 'da' byang chub sems dpa' dang / [15] bla ma bka' lung pa nas brgyud pa'i 'da' chung du grags pa dang / gzungs de nyid la brten nas bla ma rog gis mdzad pa'i sgrub thabs rnams dang / gshin chog dang bcas pa'o //
 
 
 
sdom pa gsum bsrung mtshams kyi chos la / so sor thar pa'i las chog dang / sdom tshig rnams yin la / sdom pa nyi shu pa la sogs pa skyabs 'gro dang sems bskyed kyi cho ga jo bo rje nas brgyud pa'i lugs / grub thob gling gis mdzad pa'o //  gsang sngags kyi dam tshig bsrung zhing bla ma bsten pa'i thabs / slob dpon chen po bâ bi la dattas mdzad pa'i bla ma lnga bcu pa dang / rtsa ltung bcu bzhi yan lag dang bcas pa rnams yin la / de gnyis kyi bshad 'bum dang / sa bcad la sogs pa rje ras chung pa dang / grub thob gling gis mdzad pa dang / slob dpon gzhan gyis mdzad pa yang ci rigs su bhugs so //
 
 
 
sdom gsum gyi rnam dbye / bsrung thabs rnams ni grub thob gling gi bstan bcos rnams na gsal bar gsungs so //
 
 
 
nyams pa gso zhing sdig sgrib sbyong ba'i thabs ni / yi ge brgya pa'i sgrub thabs yin la / slob dpon padmas mdzad pa'i rim par brgyud de / bla ma rngog rdo rje seng ge la chos rjes zhus so //
 
 
 
kha 'thor snyan ngag dang bcas pa nya ma'i chos rnams ni / mdo sde nas gsungs pa'i las rgyu 'bras ston pa'i gtam rgyud dang bcas pa rnams so //
 
 
 
rje mi la'i chos drug ni / rgyal po kun tu dge dad pa skye ba'i chos / byang chub sems dpa' ri bong gi gtam rgyud snying rje skye ba'i chos / bram ze sa ra ha nges shes skye ba'i chos / [16] bsam gtan chos drug spang blang gi chos / rgyan tha snyad 'brel ba drang srong gi chos / rdo rje'i tshig drug lta dgongs can gyi chos so //
 
 
 
grub thob GLING gi bstan bcos shes bya rkyang pa dang / nyams len gyi chos ni / gzhung nas byung ba shes bya rkyang pa'i chos / thugs nas byung ba sgron me'i skor / zhal lta 'phrin yig gi skor zer la / bye brag so so'i mtshan las brjod na bsam gyis mi khyab pa bzhugs la / yongs su grags pa ni / bla ma mchod pa'i cho ga yon tan kun 'byung / rnal 'byor 'jug pa / bslab bya mdor bsdus / sgron me'i skor la / bstan pa byung tshul gyi sgron me / nges 'byung lam gyi sgron me / dge sdig sel ba'i sgron me / nges don gsal ba'i sgron me / byang chub spyod pa'i sgron me / bshags pa dag byed kyi sgron me dang drug go //  'joms byed rdo rje'i le'u drug pa / de nyid bcu pa / de nyid bsdus pa / mu tig phreng chung / rang skyon lta ba'i me long la sogs mang du bzhugs so //  zab pa dang rgya che ba la sogs pa'i don ston pa yin no //
 
 
 
de rnams kyi bshad thabs dang / sa bcad la sogs pa kun / chos rje rin po che dang / rje lo ras la sogs pas mdzad pa'o //
 
 
 
mgur 'bum gdams ngag gi chos ni / grub thob brgyud pa'i rtogs tshad dang / zhal lta mgur du gsungs pa rnams so //
 
 
 
'phral gtam brda' dang nges shes skyed pa'i chos ni / chos rje rin po che'i gsung ngag / tshogs chos mno 'khor ma dang / bstan bcos kha 'thor ba kun dang / spring yig gi skor rnams yin la / rno 'khor ma ni / 'phral gsung las byon pa'i gdams pa kun / [17] chos rje lo ras sogs kyi phyogs gcig tu bkod pa yin la / rgyas bsdus kyi rim pa gsum bzhir bzhugs so //
 
 
 
bstan bcos dang spring yig ci rigs pa rno 'khor ma rgyas pa na bzhugs so //
 
 
 
gzhan yang kha 'thor rin chen phreng ba / mu tig phreng ba / tshad chung sgron me / spring yig tshig bzhi ma gnyis / zhu kyi 'phan la springs pa / spring yig smyon pa'i 'ur rdo ma / spring yig gnad bco brgyad ma / lhan ras la springs pa / spring yig snye thang ma / sangs rgyas 'od la springs pa / jo bo rig sngags la gros 'debs la sogs mang du bzhugs so //
 
 
 
las rgyu 'bras gtan la 'bebs pa rten 'brel gyi skor la / rab bdun ma / chig chog ma / sgrig dus bzhi / phra rgyas che chung gnyis / si lu ma / dbang bzhi / cha snyoms dbang bsdud / dus gnad dgu / gsung sgros zhus lan / bzhi sgroms ma / nges pa can / nges med ma / spel sbyang / rten 'brel ming med ma la sogs pa mang du bzhugs shing / zhal gdams dang bcas pa thugs la 'khrungs pa yin zhing / rab bdun ma dang chig chog ma gnyis la / chos rje lo rgod gnyis kyi bshad 'bum zhal gdams dang bcas pa mdzad / phra rgyas chen mo dang bzhi sgroms ma'i bshad 'bum rje dbu ri bas mdad pa'o //
 
 
 
si lu ma la yig sna mang du yod pa las / rnal 'byor jo yes kyis phyogs gcig tu zin bris byas pa yin /
 
 
 
dus gsum sangs rgyas ngo bo gcig tu sgrub pa bla ma sgrub pa la / ngo sprod dang / sgrub thabs gnyis las / ngo sprod ni [18] dmus long sbas pa mig 'byed kyis ngo sprod cing / sgrub thabs la / phyi sgrub / nang sgrub / gsang sgrub gsum las / phyi sgrub sku gsum du sgrub pa / nang sgrub snying gi nor bu / gsang sgrub bka' rgya ma / phrin las bzhi'i sgrub thabs / thugs rje nyi rgyas / sku gsum du sgrub pa / sku lnga ru sgrub pa / snod bcud zhing khams thams cad bla mar sgrub pa / nad 'don zhal gdams dang bcas pa mang du bzhugs so //
 
 
 
'di rnams chos rje rin po che nyid kyi gsung las byon pa'o //
 
 
 
tshe 'di blos btang nas sgrub pa nyams su len pa thub pa lnga ni / gsang spyod kyis ri thub / gtum mos ras thub / nad 'don gyis 'khrugs thub / gnyen pos rkyen thub / rtogs pas 'chi thub / de rnams kyi khrid kyi phyag len dang zhal gdams chos rjes mdzad cing / de las rgyas par 'chad pa ni chos rje dbu ri bas mdzad pa'o //
 
 
 
thun bzhi'i nyams len dge sbyor bdun pa la / khrigs su bca' ba bzhi zhor la 'gro ba gsum / sham bu dang brgyad kyi nyams len chos rjes mdzad cing / de las rgyas par 'chad pa'i gzhung 'grel pa dang bcas pa 'bras mo bas mdzad pa'o //
 
 
 
khyad par gyi chos bzhi la / rtogs pa'i khyad par sgom la 'du 'bral med pa / thabs lam gyi khyad par rtsa rlung la gnad du bsnun pa / nad 'don gyi khyad par nad stong nyid du sgom zhing grogs su 'khyer ba / rten 'brel gyi khyad par 'khor 'das kyi chos thams cad gtan la 'bebs pa dang bzhi'o //
 
 
 
bka' rgya ma lnga ni / phyag rgya chen po'i khrid / gtum mo'i khrid kyi zhal gdams / gegs sel gyi dmigs pa / nad 'don gyi zhal gdams / [19] rten 'brel gyi sgom thabs dang lnga la bka' rgya byed pa yin gsung /
 
 
 
de rnams dril ba la sdong po gsum dril zhes pa ni / gdams ngag ras chung lugs / rtogs pa sgam po lugs / rten 'brel kho bo lugs / mdo rgyud kyi gnad sems la shar ba zhes pas / gdams ngag dang sgrub thabs phal che ba / rje ras chung pa nas yin hing / phyag rgya chen po'i khrid kyi rim pa / rje sgam po pa nas brgyud pa yin la / bla ma sgrub pa dang / rten 'brel gyi skor dang / ro snyoms kyi gnad la sogs pa / chos rje rin po che nyid kyi thugs la 'khrungs pa yin gsung /
 
 
 
rje 'brug pa'i chos skor 'di rnams nyams len gyi chos yin pas / tshe 'di blos btang ste nyams su blangs na dgos 'dod thams cad 'byung zhing / don gnyis ldan pa'i chos yin gsung khrid kyi rim pa mang du mdzad do //
 
 
 
de rnams chos kyi rje rgod tshang pas phyogs gcig tu bsgrigs pa la / khrid chen brgyad du grags pa ni / dang po las rgyu 'bras shes par byed pa rgyu 'bras rten 'brel gyi khrid / 'khor 'das kyi so mtshams 'byed par byed pa lhan cig skyes sbyor gyi khrid / chos thams cad rkyen thog tu gtong ba chos brgyad mgo snyoms kyi khrid / chos thams cad kyi rtsa ba yin pas byams snying rje'i khrid / rgyu'i gtso bo lags pas bla ma mos gus kyi khrid / mngon shes dang rdzu 'phrul sgrub pa gsang gcod zlog sgom gyi khrid / zhing khams sbyong bar byed pa dag snang zhing sbyong gi khrid / sdig po che gsang lam la 'khrid par byed pa thabs lam khyad par can gyi khrid [20] dang brgyad du mdzad do //
 
 
 
de ltar rje 'brug pa'i chos skor rnams dkar chag tshig gi me tog tu bsdus pa 'di nyid / cung zad gsal bar bkod pa rgya'i bande 'gro kun dga' ba'i ming can gyis / sa pho yos lo rta pa zla ba'i tshes bco lnga la dpal spos skya'i dben gnas chos kyi mtho ba'i khang bzangs su yi ger bkod pa'o //  // shu bha mastu sa dza ga tam //
 
 
 
 
 
•))|))|((|((•))|))|((|((•))|))|((|((•))|))|((|((•))|))|((|((•
 
 
 
 
 
Source: — Bde mchog mkha' 'gro snyan rgyud (Ras chung snyan rgyud): Two Manuscript Collections of Texts from the Yig cha of Gtsang smyon He ru ka, "reproduced from 16th and 17th century manuscripts belonging to the Venerable Dookpa Thoosay Rimpoche," Smanrtsis Shesrig Spendzod series nos. 11-12 (Leh 1971), in 2 vols.  Vol. 1 contains the Bya btang 'Phrin las dpal 'bar manuscript.  Vol. 2 contains the Gra dkar Rab 'jam pa manuscript.
 
 
 
Vol. 1, fols. 1-2 contains a dkar chag of Bde mchog snyan rgyud literature, which is here based on Fabrizio Torricelli, Nota su un manoscritto tibetano nel Fondo Tucci dell'IsIAO.  Rivista degli Studi Orientali vol. 73 (2000), pp. 149-163, at pp. 159-161.  Many of the texts are found in one or both volumes, although a few are absent from both.
 
 
 
bde mchog mkha' 'gro snyan rgyud kyi dkar chag don ldan bzhugs s.ho //
 
 
 
om swa sti si dham / bde mchog mkha' 'gro snyan rgyud kyi yig cha 'di na bzhugs pa'i dkar chag la /
 
 
 
ka pa la / snyan rgyud rdo rje'i tshig rkang.
 
kha pa la / sa bcad ma rig mun sel /
 
ga pa la / gzhung 'brel nor bu bskor gsum /  [by Gtsang smyon]
 
nga pa la / smin lam dbang gi sdom tshig /
 
ca pa la / smin lam yid bzhin nor bu /  [by Gtsang smyon]
 
cha pa la / thun mongs yid bzhin nor bu.  [by Gtsang smyon]
 
ja pa la / mchod sbyin gtor ma'i rnal 'byor.  [by Gtsang smyon]
 
nya pa la / las byang yid bzhin nor bu.
 
ta pa la / bstod pa bskyed rim gsal ba'i nyi ma.  [by Gtsang smyon]
 
tha pa la / rab gnas rgyal ba kun bsdud /  [by Gtsang smyon]
 
da pa la / sbyin bsreg 'phrin las lhun grub /  [by Gtsang smyon]
 
na pa la / 'khrul 'khor gsal ba'i me long /
 
pa pa la / gtum mo'i khrul 'khor bcwo brgyad pa /
 
pha pa la / snyan rgyud gsal ba'i zhal gdams /
 
ba pa la / 'pho ba'i zhal gdams /  [by Gtsang smyon]
 
ma pa la / gsang lam brgyan drug /
 
tsa pa la / phyag rgya chen po yi ge bzhi pa /
 
tsha pa la / lus med mkha' 'gro'i chos skor dgu /
 
dza pa la / ti lo'i gzhung chung mchad thabs /  [by Zhang Lo]
 
wa pa la / nâ ro gsang spyod /  [by Gtsang smyon]
 
zha pa la / tshe khrid zab mo /  [by Rje btsun 'Ba' ra ba]
 
za pa la / tshe sgrub dbang chog /
 
ya pa la / ye shes mgon po'i rjes gnang /  [by Gtsang smyon]
 
ra pa la / ye shes mgon po'i sku rags kyi khrid /
 
la pa la / ye shes mgon po'i sngags kyi them yig /
 
sha pa la / sku rags ma'i dgra bsad che chung gsum gyi sngags /
 
sa pa la / sems 'khrid yid bzhin nor bu / [by Zha lu ba Dge slong Mkhyen rabs; Mkhyen rab chos rje, 1436-1497].
 
ha pa la / rgyud pa'i gsol 'debs /
 
a pa la / snyan rgyud zhal gdams lus dkyil /
 
ki pa la / zhal gdams dpa' bo chig thub /
 
 
 
 
 
•))|))|((|((•))|))|((|((•))|))|((|((•))|))|((|((•))|))|((|((•
 
 
 
 
 
Notice also Rgod tshang ras pa, Bde mchog mkha' 'gro'i snyan rgyud kyi dkar chag rin po che'i gter, contained in: Rare bKa' brgyud pa Texts (Tezu 1974), pp. 13-24.
 
 
 
— Zhang Lo'i thim yig was the first effort to systematize the textual tradition of the Bde mchog snyan rgyud.  It was written for his disciple Rba Dha ra shrî.  Torricelli, Zhang, p. 880.  Torricelli has given the complete text with English translation. 
 
 
 
Mkha' 'gro snyan brgyud kyi yig rnying, the ancient cycle of practice focussing upon the Cakrasamvara tantra according to an oral transmission received from Vajradakini by Ras chung Rdo rje grags, edited and arranged by the Fourth Rgyal dbang 'Brug chen Kun mkhyen Padma dkar po, Kargyud Sungrab Nyamso Khang (Darjeeling 1982).  2 volumes.
 
 
 
Vol 1:
 
1.  Mkha' 'gro snyan brgyud kyi dpe tho.  List of works by Padma dkar po. 1-7.  Mentioned in Torricelli, Zhang, p. 882, n. 23.
 
File compiled and typed by Dan Martin.

Revision as of 18:30, 30 May 2006

vividly appeared [JV]

Retrieved from "https://rywiki.tsadra.org/index.php?title=Kagyu_Karchak&oldid=209086"