mgron gnyer che mo bstan pa dar rgyas

mgron gnyer che mo bstan pa dar rgyas

mgron gnyer che mo bstan pa dar rgyas ni tA la'i bla ma sku phreng bcu gsum pa'i sku dus su mgron gnyer che mo'i 'gan bzhes shing/rang shag gi rgyu dngos yongs rdzogs tA la'i bla mar phul ba dang/'das mjug sogs kyang mdzod sbug (tA la'i bla ma sku sger )nas gnang/khong chung dus 'bras spungs sngags par chos zhugs thog rtse skor du zhabs sdod zhus nas lha ri bla ma (lha ri 'go rdzong dpon )sogs gnang zhing/sil la'i chings yig 'jog skabs rtse skor gyi 'thus mi yin 'dug /rjes su ma gshegs bar mgon gnyer chen mo gnang nas khong la snyan grags byung ba'i dmigs gsar gyi khyad chos ni tA la'i bla mar bsam pa rnam dag gi phyag las gnang nas drag zhan su la'ang phog tug 'gro 'gyur mi skrag mkhan zhig yin la/rnam kun sgrig lam gnon 'dongs dang lta zhib bya rgyud sogs la sgam brling nan tan che stabs tshang mas zhed snang dang brtsi bkur chen po thob pa ma zad/khong rang gi spun nye zhig gis zhing las ma sgyid stabs mgron che ltag ngos kyis bu lon tshad med blangs nas chang 'thung rgyan btsugs byas pa khong gis shes rtogs byung stabs bun bdag dang bun len gnyis ka lha sar bkug nas bo lon gtsang rtsis brgyab ste slad phyin bu lon gtor len mi chog pa'i thog spun nye der yang 'tsho ba skyel stabs kyi slob ston dang 'brel 'bru dngul ma rtsa sprad kyang sngar bzhin bu lon gyis 'tsho rtsis byas pa shes 'phral kho pa lha sar bskong nas zhol pa las khungs su rtsis sprod thog zla re rta lcag brgya re gzhu dgos pa'i bka' phab nas lo gsum tsam btson 'jug byas pa sogs byung stabs mgron che'i dbang grags chen po byung/khong 'das khar tA la'i bla ma sku phreng bcu gsum pa ngo phebs kyis phyag dbang dang thugs smon mdzad skad/khong la a ra dang og tshom dkar po ring po zhig yod stabs rgya rigs rgas po dang 'dra bas che mgo rda rda zer ba dang/la las mgron che a zog yar zer skad