stag lung sangs rgyas dbon grags pa dpal

stag lung sangs rgyas dbon grags pa dpal

rje 'di ni rab byung bzhi pa'i lcags phag (1251)lor mdo khams su sku 'khrungs/rje sgam po ba'i sku skye yin par grags shing/sku chung dus nas cho 'phrul mang po bstan/dgung lo bcu gsum la sangs rgyas yar byon gyi sar rab tu byung/rje de las bka' brgyud pa'i chos ma lus pa dang/phag mo grub pa nas brgyud pa'i stang lugs pa la snyan brgyud 'ba' zhig tu bzhugs pa rnams kyang legs par gsan/sde snod dang rgyud sde la byang chub par gyur/mkhan po thang sag pa la sogs par dbu ma'i 'grel chen dang gsang 'dus 'grel pa sgron ma gsal ba sogs mang du gsungs/mtshan yang grags pa dpal zhes thogs/sangs rgyas yar byon gshegs khar stag lung gi gdan sa gtad/sangs rgyas dbon gyis gdan sa lo gcig mdzad nas khams su bzhud/dgung lo nyer drug la phebs pa rab byung lnga pa'i me byi (1276)lor ri bo che dgon pa btab/de nas bzung stag lung ya thang ma thang gnyis su gyes/dgon pa 'di gnyis so sor dge 'dun sum stong brgyad brgya tsam re'i 'du tshogs byung/dgung lo bzhi bcu zhe drug la phebs par rab byung lnga pa'i me sprel (1296)lor 'das

{{#arraymap:stag lung sangs rgyas dbon grags pa dpal

|; |@@@ | | }}