'bri gung rgyal ba rin chen phun tshogs

'bri gung rgyal ba rin chen phun tshogs

'bri gung gdan rabs bcu drug pa 'di nyid gzhu'i sa cha las sku gnyer sgang zhes par yab bstan pa'i rgyal ma tshan dang yum bsod nams sgrol ma gnyis kyi sras su rab byung dgu pa'i sa sbrul (1509)lor sku bltams/dgung lo brgyad pa la gnas sa thel du zhwa dmar bi pa chos kyi grags pas mkhan po dang las slob dus sgo sogs kha bskong grangs tshang gi dbus su bar ma rab byung du bsgrubs/mtshan rin chen phun tshogs kyi rgyal po rgyal por gsol/de nas 'phyongs rgyas su rje zhwa dmar bzhi pa dang lhan cig phebs/rje de las gsar ma'i rgyud 'bum la sogs pa gsang sngags kyi chos skor dum dang/dpal dus kyi 'khor lo'i dbang chen sogs dbang rjes gnang mang po gsan/yar 'on/'phyong rgyas/sne'u gdong rtse rnams su lo bzhi'i bar bzhugs/de nas spun drug rdzong/yar bon/bkra shis do kha /gser la sogs brgyud stong lung bde chen dang yangs pa can du phebs/mtshungs med d+harma kirti'i drung du dpal dus kyi 'khor lo'i rdzogs rim rnams gsan pa'i tshe du ba la sogs rtags bcu mngon du gyur/dgung lo bcu gsum par 'phags ma yin bzhin 'khor lo'i bsnyen sgrub gnang ba'i tshe yid bzhin nor mchog gi gdams pa rnams byung/de ltar lo bdun gyi bar yangs (495) can nyid du bzhugs nas rje zhwa dmar bzhi pa sogs yongs 'dzin du ma bsten cing gsang sngags kyi dbang rjes gnang du ma karma zhwa dmar nag na rim gyi bka' 'bum gzhan yang gdams pa'i chos mang du gsan gsar rnying rgyud sde'i bskyed rdzogs dkyil dbang las rab 'byams sogs rdo rje slob dpon gyi bya ba dang sgra kA la pa dang dus 'khor gyi rtsis sogs la sbyang pa mdzad pas thogs med du mkhyen dgung lo bcu drug pa la rgyal ba kun dga' rin chen gyi drung du mos gus srog 'khor dbang khrid zhal gdams bcas pa dang phyag rgya chen po lnga ldan dgun chos skabs zab lam nA ro chos drug gi khrid gsan cing ras phud mdzad pas sgrub rgyud rin po che'i lam 'dir nges shes nyams myong gi gnas lugs kyi rtogs pa'i don mngon du gyur dgung lo nyi shu pa sa byi (1528)lor chos lung tshogs pa'i mkhan chen grags pa rgyal mtshan dang slob dpon bsod nams dpal bzang gsang ston grub chen tshe 'phel bzang po sogs kha bskong grangs tshang gi dbus su bsnyen par rdzogs pa'i sdom pa bzhes lo der 'bri gdan chos srid kyi khril mnga' gsol gangs ti se la phyi tsA ri tra sogs gnas gsum gyi rdo rje 'dzin pa'i khri pa bsko gzhag dang dbyar chos dgun chos sogs sngar srol je rgyas rje skyob pa'i thugs dam thun mong ma yin pa bcom ldan 'das 'khor lo sdom pa lhan skyes lha lnga'i dkyil chog mdzad pa dam pa'i chos dgongs pa gcig pa'i gsungs par bzhengs te rgya ches spel ba sogs 'bri bstan la bya ba rlabs che yi dam chos srung rnams kyi bsnyen sgrub gnang zhing khyad par rgya ston dbon po rig 'dzin gsang ba las 'jam dpal gshin rje gshed kyi skor ji snyed pa gsan bsnyen sgrub mdzad pa'i tshe rtags mtshan gzhung dang mthun pa mngon du gyur grub chen dzA hi pir gyi dngos slob gu ru badzra nA tha las rlung khrid kyi gdams pa gsan te nyams su bzhes pa'i tshe sku lus lhar bsgyur ba dang mdun mkhar rnam bzhi'i mgon gyi tshogs gzigs shing 'gro drug gi bya spyod dang sems rgyud gsal bar mkhyen pa sogs ltas ngo mtshar ba byung dgung lo nyer drug la phebs pa shing rta (1534)lor rje rin chen rnam rgyal phyi ma de nyid gdan khrir mnga' gsol nas rje nyid gzhung smad spro lung du bzhugs de nas bstan 'gro'i don 'ba' zhig thugs dbus su 'chang ste thub bstan chos grwa chen po yangs ri sgar gyi lcog grwa 'dus sde 'dzugs par mdzad bde mgon gyi las rim gzhung sogs la gdangs dbyangs mdzad cing gar dbyangs gyi rnam bzhag sogs dar de nas sgar pa dang bcas rgyal shod a la rngod gangs shod rnams su phebs nas gang la gang 'dul chos kyi bdud rtsis tshim par gnang zla dgon du phebs te lugs gnyis kyi sgo nas dgon gnas nyams pa gsos shing sgrub brgyud 'di nyid kyi ring lugs dar bar mdzad snga phyir mnga' ris rig 'dzin bdud 'joms rdo rje las gyang lugs bka' brgyad bde 'dus bla ma dgongs 'dus byang gter sogs dang rgya ma mi 'gyur kun dga' dpal las yang bskyar bka' brgyad dang snying thig ya bzhi sogs dang mnga' ris paN chen las kyang sngar 'gyur gyi chos mang gsan cing khyad par bka' brgyud bde 'dus gyi dbang sgrub khro rol gar 'cham sogs phyag bzhes mdzad pas dus de nas bstan pa gnyis ldan gyi bdag por gyur de nas dam chos dgongs pa yang zab kyi chos skor rnams rim gyis 'babs par mdzad zhi khro'i lha dbang chen mo dang mkha' 'gro snying thig nA ro'i chos drug dzA har pir gyi rlung gi nyams len sogs la khrid yag bcas dang mgon po phyag bzhi pa'i gtor bzlog bya mgo ma sogs drang nges kyi bstan bcos mang po mdzad bod khams bde thabs su lha sar cha rags la rab gnas chu bzlog jo bo rin po cher brtan bzhugs (496) bsam yas sogs mtha' dul yang 'dul gyi gtsug lag khang rnams la rab gnas mchod 'bul smon lam mdzad par yang nas yang du phebs hor jing ger gyis spyan drangs par 'dam gzhung 'khor tsha'i sde rnams su lan 'ga' phebs 'bri hor mchod yon gyi sku rim dang mtha' dmag bzlog phyir khro rol gyi gtor bzlog sogs kyang gnang khri thog rim chen rnam rgyal paN chen dpal gyi rgya mtsho mkhan slob chos gsum bla ma grwa slob rnams la dus kun rgyal ba ri gung pa'i zab chos spyi dang gsar rnying gi dbang chos bsam gyis mi khyab pa bstsal skabs shig phag rga dpon blon nang 'khrugs te dus zing che ba byung bar rje nyid sne gdong du spyan drangs pas gong ma mes dbon la lugs gnyis kyi thugs bzhed bskangs nas 'bri gung du phebs snga rjes su grwa rab bkra shis chos rdzong gter sgrom bkra shis gangs ra bsam yas sa sbug 'phrang po o rgyan chos rdzong byang gling gi nub ngos yangs ri'i mtshams grwa bcas sgrub sde du ma btab slob ma la mtshon na chos srid kyi rgyal tshab dam pa rin chen rnam rgyal grags pa rgyal mtshan paN chen rin chen bsod nams dpal gyi rgya mtsho rje nyid kyi rigs sras chos rgyal phun tshogs sogs grangs kyis mi lang ba byung mthar dgung lo zhe dgu la phabs pa rab byung dug pa'i me sprul (1557)lor zhi bar gshegs

{{#arraymap:'bri gung rgyal ba rin chen phun tshogs

|; |@@@ | | }}