60060

ཞག་གི་མགོ་མ་ (1)

Part of speech	མིང་ཚིག
Definition	མདོ། མངོན་པ། སྤྱིར་ཞག་ནི་གསུམ་སྟེ། ཚེས་ཞག་དང་། ཉིན་ཞག་དང་། ཁྱིམ་ཞག་གོ ། དང་པོ་ནི། ཟླ་བ་འཕེལ་འགྲིབ་ལ་སུམ་ཅུར་བྱས་པའི་ཆ་གཅིག་གམ། གཟའ་བདུན་ཚེས་ལ་སྤྱོད་པའི་ཡུན་ནོ། །གཉིས་པ་ནི། ནམ་ལངས་པ་ནས་སང་ནམ་ལངས་ཁའི་བར་རོ། །གསུམ་པ་ནི། ལུག་གླང་འཁྲིག་པ་ཀརྐ་ཊ། །སེངྒེ་བུ་མོ་སྲང་སྡིག་པ། །གཞུ་དང་ཆུ་སྲིན་བུམ་པ་ཉ། །ཞེས་པའི་ཁྱིམ་དེར་ཉི་མ་ཇི་ཙམ་གནས་པའི་སུམ་ཅུའི་ཆ་གཅིག་གོ ། ལོ་རེ་ལ་དེ་དག་ཇི་ཙམ་འབྱུང་ན་འདིར་ཟླ་བ་གཉིས་གཉིས་ནས་ཞག་མི་ཐུབ་དོར་བའི་རགས་རྩིས་ཀྱི་དབང་དུ་བྱས་ན་ཚེས་ཞག་སུམ་བརྒྱ་དོན་གཅིག ཉིན་ཞག་སུམ་བརྒྱ་དང་རེ་ལྔ། ཁྱིམ་ཞག་སུམ་བརྒྱ་དང་དྲུག་ཅུ་ཐམ་པ་འབྱུང་སྟེ། མཛོད་ལས། ཞག་མི་ཐུབ་དང་བཅས་པ་ཡི། །ཟླ་བ་བཅུ་གཉིས་ལ་ལོ་གཅིག ། ཅེས་པའི་དབང་དུ་བྱས་པའོ། །དེ་ལྟར་ན་ཚེས་ཞག་གི་མགོ་ནི་གཟའ་བདུན་ཚེས་ལ་ལོངས་སྤྱོད་པའི་མགོ་ནས་འཛིན་དགོས་པས་ཉིན་མཚན་སྔ་ཕྱི་གང་ལ་འབྱུང་བ་ངེས་པ་མེད་དོ། །ཉིན་ཞག་གི་མགོ་ནི་ནམ་ལངས་པ་ནས་འཛིན། ཁྱིམ་ཞག་གི་མགོ་ནི་ཉི་མ་ཁྱིམ་བཅུ་གཉིས་པོ་གང་རུང་གཅིག་ལ་ལོངས་སྤྱོད་པའི་སུམ་ཅུའི་ཆ་དང་པོ་ནས་འཛིན་དགོས་པས་འདིའང་གང་ལ་འབྱུང་བ་ངེས་པ་མེད་དོ་ཞེས་ཀུན་མཁྱེན་གོ་རམས་པའི་ངོ་མཚར་སུམ་ལྡན་ལས་སོ། །
Domain	ཆོས་ལུགས།

{{#arraymap:ཞག་གི་མགོ་མ་

|; |@@@ | | }}