379

Tibetan	འདུལ་བ་གཉིས།
Tibetan Alternate
Tibetan Definition	དེ་ཡང་། འཕགས་པ་ཆེན་པོའི་མན་ངག་ཅེས་བྱ་བའི་མདོ་ལས་བྱུང་བ་སྟེ། 1.ལྟུང་བ་འདུལ་བ། དེ་ལས་ལྟུང་བ་ནི། ཡོངས་སུ་རྟོག་པའི་རྩ་བ་ལས་བྱུང་བ། ཚུལ་མ་ཡིན་པའི་རྩ་བ་ལས་བྱུང་བ། མ་རིག་པའི་རྩ་བ་ལས་བྱུང་བ། ཕྱིན་ཅི་ལོག་གི་རྩ་བ་ལས་བྱུང་བ། ཡང་དག་པ་མ་ཡིན་པའི་རྩ་བ་ལས་བྱུང་བ། ཡོད་པ་མ་ཡིན་པའི་རྩ་བ་ལས་བྱུང་བ། འཇིག་ཚོགས་ཀྱི་རྩ་བ་ལས་བྱུང་བ། སེམས་ཅན་དུ་མངོན་པར་ཞེན་པའི་རྩ་བ་ལས་བྱུང་བ། འགྱོད་པའི་རྩ་བ་ལས་བྱུང་བ། འབྱུང་བ་མ་ཡིན་པའི་རྩ་བ་ལས་བྱུང་བ། ཐེ་ཚོམ་གྱི་རྩ་བ་ལས་བྱུང་བ། ཞེན་ཅིང་རྨོངས་པའི་རྩ་བ་ལས་བྱུང་བ། ཤེས་རབ་ཉམས་ཆུང་བའི་རྩ་བ་ལས་བྱུང་བ་སྟེ་། འདི་དག་ནི་ལྟུང་བ་ཞེས་བྱ་བའོ། ། དེ་ལ་ལྟུང་བ་འདུལ་བ་གང་ཞེ་ན། ཐེ་ཚོམ་མེད་པ་ལ་རབ་ཏུ་གནས་པའི་འབྱུང་བ་སྟེ། ལྟུང་བ་ནི་ཡུལ་ན་མི་གནས་པ། ཕྱོགས་ན་མི་གནས་པ། ཕུང་པོར་མ་གྱུར་པ། གཟུང་བ་མེད་པ། སྣང་བ་མེད་པའོ། ། སེམས་གང་གིས་ལྟུང་བར་གྱུར་པ་དེའང་ཟད་པ་དང་བྲལ་བ། རྣམ་པར་གྱུར་པ། ཡུལ་ན་མི་གནས་པ། ཕྱོགས་ན་མི་གནས་པ། ཕུང་པོར་མ་གྱུར་པ། གཟུང་བ་མེད་པ། སྣང་བ་མེད་པའོ། ། སེམས་ཇི་ལྟ་བར་ལྟུང་བའང་དེ་བཞིན་ནོ། ། ལྟུང་བ་ཇི་ལྟ་བར་ཆོས་ཐམས་ཅད་ཀྱང་དེ་བཞིན་ཏེ། རྩ་བ་མེད་པའོ། ། མི་གནས་པའོ། ། གང་སེམས་སོམ་ཉི་མེད་པ་དང་། རྙོག་པ་མེད་པ་དང་། ཡང་བ་དང་། ཞི་བ་དང་། ཡོངས་སུ་གདུང་བ་མེད་པ་དང་། གསལ་བ་དང་། ཤིན་ཏུ་བྱང་བ་དང་། བླ་མའི་ཚིག་ལ་མོས་པ་དང་། གཅིག་ཏུ་ངེས་པར་ཐེ་ཚོམ་མེད་ཅིང་གཅིག་ཏུ་ཡིད་ཆེས་པ་འདི་ནི་ལྟུང་བ་འདུལ་བ་ཞེས་བྱའོ། ། 2.ཉོན་མོངས་པ་འདུལ་བ། དེ་ལས་ཉོན་མོངས་པ་ནི། འདོད་ཆགས་དང་། ཞེ་སྡང་དང་། གཏི་མུག་དང་། སྲིད་པ་དང་། ལེན་པ་དང་། སྲིད་པའི་ཡན་ལག་བཅུ་གཉིས་དང་། གང་དག་ལ་འདུས་བྱས་འཇུག་པ་འདི་ནི་ཉོན་མོངས་པ་ཞེས་བྱའོ། ། དེ་ལ་ཉོན་མོངས་པ་འདུལ་བ་གང་ཞེ་ན། འདི་ལྟ་སྟེ། ཆོས་ཐམས་ཅད་ནི་ཤིན་ཏུ་དུལ་བའོ། ། དེ་ཅིའི་ཕྱིར་ཞེ་ན། ཆོས་ཐམས་ཅད་ནི་སྟོང་པ་ཉིད་ཀྱི་དུལ་བ་སྟེ། དེ་ལ་འདོད་ཆགས་ཀུན་ཏུ་རྒྱུ་བ་མེད་དོ། ། ཞེ་སྡང་མེད་དོ། ། གཏི་མུག་མེད་དོ། ། ཆོས་ཐམས་ཅད་མཚན་མ་མེད་པས་དུལ་བ་སྟེ། དེ་ལ་ཉོན་མོངས་པ་ཀུན་ཏུ་རྒྱུབ་མེད་དོ། ། ཆོས་ཐམས་ཅད་སྨོན་པ་མེད་པས་དུལ་བ་སྟེ། དེ་ལ་ཀུན་ཏུ་རྒྱུ་བ་ཐམས་ཅད་ཀུན་ཏུ་རྒྱུ་བ་མེད་དོ། ། ཆོས་ཐམས་ཅད་ནི་མངོན་པར་འདུ་བྱ་བ་མེད་པས་དུལ་བ་སྟེ། དེ་ལ་མངོན་པར་འདུ་བྱེད་པ་ཐམས་ཅད་ཀུན་ཏུ་རྒྱུ་བ་མེད་དོ། ། ཆོས་ཐམས་ཅད་ནི་རྐྱེན་གྱི་ཁ་ན་ལས་པ་སྟེ། དེ་ལ་ལྟ་བར་སོང་བ་ཐམས་ཅད་ཀུན་ཏུ་རྒྱུ་བ་མེད་དོ། ། གང་རྟེན་ཅིང་འབྲེལ་བར་འབྱུང་བའི་ཆོས་ཐམས་ཅད་ལ་ངེས་པ་དང་། ཡང་དག་པ་ཁོ་ན་དང་། ཉོན་མོངས་པ་ཐམས་ཅད་ཉོན་མོངས་པ་མ་ཡིན་པ་དང་། ཤིན་ཏུ་ཞི་བ་དང་། སྟོང་པ་ཉིད་གང་གིས་བྱང་ཆུབ་སྟོང་པའི་སྟོང་པ་ཉིད་དེས་ཉོན་མོངས་པ་ཐམས་ཅད་སྟོང་པར་གང་དེ་ལྟར་སྟོང་པ་ཉིད་ཁོང་དུ་ཆུད་པ་འདི་ནི་ཉོན་མོངས་པ་འདུལ་བ་ཞེས་བྱ་སྟེ། གང་འདི་སྐད་སྨྲ་བ་འདི་ནི་འདུལ་བ་སྨྲ་བ་ཡིན་ནོ། ། བདག་འདུལ་བའི་ཕྱིར་འདུལ་ཞིང་གང་འདུལ་བ་ཤེས་པ་དེ་ནི་ཉོན་མོངས་པ་འདུལ་བ་ཤེས་པའོ། ། དེ་ལ་བདག་འདུལ་བ་གང་ཞེ་ན། གང་བདག་མེད་པར་ཤེས་པ་དང་། བདག་གི་ངོ་བོ་ཉིད་ཤེས་པ་དང་། བདག་དབེན་པར་ཤེས་པ་དང་། བདག་ཇི་ལྟ་བ་བཞིན་དང་། བདག་མི་འཁྲུགས་པ་དང་། བདག་སྟོང་པ་ཉིད་དང་། བདག་དངོས་པོ་མེད་པ་དང་། བདག་དེ་བཞིན་ཉིད་དང་། བདག་མི་དམིགས་པ་དང་། བདག་རྒོད་པ་མེད་པ་དང་། བདག་སྒྲོ་བཏགས་པ་མེད་པ་དང་། བདག་རྟག་ཏུ་སྐྱེ་བ་མེད་པར་ཤེས་པ་སྟེ། གང་དེ་ལྟར་བདག་ཤེས་པ་ནི་ཉོན་མོངས་པ་རྣམ་པ་ཐམས་ཅད་ཤེས་པའོ། ། ཇི་ལྟར་བདག་མེད་པ་ཡང་དག་ཏུ་འདུ་ཤེས་ཕྱིན་ཅི་ལོག་པ་དེ་བཞིན་དུ་ཉོན་མོངས་པ་མེད་པ་ལ་ཉོན་མོངས་པར་འདུ་ཤེས་ཕྱིན་ཅི་ལོག་གོ ཇི་ལྟར་བདག་རང་བཞིན་གྱིས་བདག་མེད་པའང་རང་བཞིན་གྱིས་ཉོན་མོངས་པ་མེད་པ་སྟེ། གང་དེ་ལྟར་ལྷག་མཐོང་གིས་ཤེས་པ་དེ་ནི་ཉོན་མོངས་པ་འདུལ་བ་ཞེས་བྱའོ། །
Tibetan Source	《མདོ་པ་པ་》ཤ་431ན་1ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number