1556

Tibetan	ནད་པར་ངག་གིས་ནད་སློང་རྐྱེན་དྲི་བ་གསུམ།
Tibetan Alternate
Tibetan Definition	1.རླུང་སློང་རྐྱེན་ན་ལུགས་དྲི་བ་ལ་བཅུ་གཅིག་སྟེ། (1)རླུང་ནད་ལ་དང་པོ་སློང་བའི་རྐྱེན་ར་ཤ་དང་། ཇ་ལ་སོགས་པ་ཡང་ལ་རྩུབ་པའི་ཟས་སྐོམ་དང་། སྨྱུང་བར་གནས་པའི་བྱ་བ་དང་བསེར་བུའི་ངད་ཅན་གྱི་ཡུལ་དུ་གནས་པ་སོགས་ཡང་ལ་རྩུབ་པའི་སྤྱོད་ལམ་གཉིས་ཏེ་གཅིག (2)རྐྱེན་དེ་གཉིས་ཀྱིས་སླང་ནས་བར་དུ་ན་ལུགས་ལ་གཡལ་ཞིང་འདར་བ། (3)བྱ་རྨྱང་ཡང་ཡང་བྱེད་པ། (4)གྲང་ཤུམ་བྱེད་པ། (5)དཔྱི་དང་རྐེད་པ་སོགས་རུས་ཚིགས་མ་ལུས་ན་བ། (6)གཟེར་བ་ངེས་མེད་དུ་འཕོ་ཞིང་འགྱུར་བ། (7)སྟོང་སྐྱུགས་བྱེད་པ། (8)མིག་སོགས་དབང་པོ་མི་གསལ་བ། (9)ཤེས་པ་འཚུབ་པ་དང་། བཀྲེས་དུས་སུ་ལྷག་པར་ན་ཞིང་ལྡང་བ་སྟེ་ན་ལུགས་དགུ། (10) - (11)མཐར་གོམས་པའི་ཟས་སྐོམ་སྣུམ་བཅུད་ཀྱིས་ཕན་པར་ངེས་པ་བཅས་ཁྱོན་རླུང་དྲི་བ་བཅུ་གཅིག་ཡོད་དོ། ། 2.མཁྲིས་པ་སློང་རྐྱེན་ན་ལུགས་གོམས་པ་དྲི་བ་ལ་བདུན་ (1)མཁྲིས་པ་སློང་བའི་རྐྱེན་དང་པོ་འབྲུ་མར་དང་གར་ཆང་སོགས་རྣོ་ཞིང་ཚ་བའི་ཟས་སྐོམ་དང་། མེ་ཉིར་ཡུན་རིང་བསྲོ་བ་སོགས་རྣོ་ཞིང་ཚ་བའི་སྤྱོད་ལམ་གྱིས་སྔོན་དུ་སློང་བ་སྟེ་རྐྱེན་གཉིས་ཏེ་གཅིག (2)བར་དུ་ན་ལུགས་ཁ་ལ་རོ་ཁ་བ་བྲོ་བ། (3)མགོ་ན་བ། (4)ཤའི་དྲོད་སྔར་བས་ཆེ་བ། (5)ལུས་སྟོད་ལྷག་པར་གཟེར་བ། (6)ཟས་ཞུ་རྗེས་ཀྱི་དུས་ན་ཁྱད་པར་ན་ཞིང་ལྡང་བ་བཅས་ལྔ། (7)ཐ་མར་བསིལ་བའི་ཟས་སྐོམ་གྱིས་ཕན་པར་ངེས་པར་གོམས་པ་བཅས་བདུན་ནོ། ། 3.བད་ཀན་སློང་རྐྱེན་ན་ལུགས་གོམས་པ་དྲི་བ་ལ་བཅུ་གཅིག་སྟེ། (1)བད་ཀན་སློང་བའི་རྐྱེན་དང་པོ་འཕྱི་བའི་ཤ་དང་། ལོ་ཤུར་སོགས་ལྕེ་ལ་སྣུམ་པའི་ཟས་སྐོམ་དང་། བརླན་སྟེང་དུ་ཉལ་བ་དང་སྐུ་མཉེ་མང་དུ་བྱས་པ་སོགས་ལྕི་ལ་སྣུམ་པའི་སྤྱོད་ལམ་གྱི་རྐྱེན་གཉིས་ཏེ་གཅིག (2)དེས་སློང་བའི་བར་དུ་ན་ལུགས་ནི་དང་ག་མི་བདེ་བ། (3)ཁ་ཟས་འཇུ་བར་དཀའ་བ། (4)ཡང་ཡང་དུ་སྐྱུག་ཅིང་ཟས་མི་ཞུ་བར་ཕོ་བར་གནས་པ། (5)ཁ་མངལ་བ་ཞེས་རོ་མི་གསལ་བར་བརླན་བག་ཅན་འབྱུང་བ། (6)ཁ་ཟས་མ་ཟོས་ཀྱང་ཕོ་བ་འཚིང་ལ་རྒྱས་པ། (7)ཡང་ཡང་དུ་སྒྲིག་པ་འབྱུང་བ། (8)ལུས་སེམས་ལྷན་ཅིག་ཏུ་ལྕི་ལ་ངལ་བ། (9)ཟས་ཟོས་རྗེས་སུ་མི་བདེ་བ་སྟེ་ནང་གསེས་དགུ། (10) - (11)འཇུག་ཏུ་ཟས་སྤྱོད་དྲོ་བར་གོམས་ན་འཕྲོད་པར་ངེས་པར་བཅས་ཁྱོན་བད་ཀན་དྲི་བ་བཅུ་གཅིག་གོ།
Tibetan Source	《རྒྱུད་བཞིའི་འགྲེལ་ཆེན་དྲང་སྲོང་ཞལ་ལུང་》དེབ་དང་པོ་ཤ་53.8ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number