1802

Tibetan	འབྲེལ་བ་ཅན་གྱི་མན་ངག་ཉིད་གསུམ།
Tibetan Alternate
Tibetan Definition	དེ་ཡང་། མདོ་རྒྱུད་རིན་པོ་ཆེའི་མཛོད་དེབ་གཟུགས་གླེགས་བམ་བཞི་པ་མདོ་རྒྱུད་རིན་པོ་ཆེའི་མཛོད་ཀྱི་རྒྱུས་འགྲེལ་སྐབས་ཉེར་གཅིག་པ་ཁྲེགས་ཆོད་སྒོམ་པའི་རིམ་པ་ལས་བྱུང་བ་སྟེ། 1.ཡང་རབ་རྟོགས་པས་གྲོལ་བར་བསྟན་པ་ནི། ཡང་རབ་རྟོགས་པས་རང་གྲོལ་བྱ་རྩོལ་མེད། ། འདི་ལྟར་སྔོན་བསོད་ནམས་བསགས་པའི་སྐལ་ལྡན་དབང་པོ་ཡང་རབ་པ་རྣམས་ཀྱིས་སེམས་ཉིད་རྣལ་མའི་དོན་བསྒོམ་བྱ་དང་སྒོམ་བྱེད་ལས་འདས་པ་ནམ་མཁའ་ལྟ་བུའི་དོན་བླ་མ་དམ་པའི་རྐྱེན་གྱིས་གྲོལ་ཏེ། འབད་པ་དང་བཅས་ནས་བསྒོམ་མི་དགོས་པར་སེམས་ཉིད་ཆུ་བོ་རྒྱུན་གྱི་རྣལ་འབྱོར་ལ་དུས་ཐམས་ཅད་དུ་ངང་གིས་གནས་པ་ནི། ཀུན་བྱེད་ལས། ཀྱེ་སྟོན་པ་ཀུན་བྱེད་ང་ཡིས་ལུང་བསྟན་པ། ། མ་ལས་སྐྱེ་མེད་རྣམ་དག་ཏིང་འཛིན་ཏེ། ། བསྒོམ་དང་མི་བསྒོམས་རྐྱེན་ལ་རག་མ་ལས། ། བསྒོམ་བྱ་ཇི་ལྟར་སྣང་བའི་ཆོས་རྣམས་ཀུན། ། གང་དུ་ཇི་ལྟར་བཞག་པའི་ཚུལ་མེད་པར། ། མ་བཙལ་རང་སར་གྲོལ་བས་བསྒོམ་པ་ཡིན། ། ཀྱེ་བསྒོམ་དུ་མེད་པའི་མན་ངག་འདི་དག་ལ། ། ཚིག་དང་སྒྲ་ལས་འདས་པའི་དོན་ཡིན་ཕྱིར། ། སྔ་རབས་ཀུན་བྱེད་རྒྱལ་པོས་ལུང་མང་བསྟན། ། ཕྱི་རབས་ཀུན་བྱེད་རྒྱལ་པོས་ལུང་མི་སྟོན། ། ད་ལྟ་ཀུན་བྱེད་རྒྱལ་པོས་ལུང་བསྟན་མེད ། ཀྱེ་སྟོན་པ་ཀུན་བྱེད་རྒྱལ་པོ་ཡིས། ། མ་ནོར་དགོངས་པའི་དོན་ལ་ལུང་བསྟན་པ། ། སྒྲོ་སྐུར་འདས་པ་དོན་གྱི་སྙིང་པོ་ལ། ། བསྒོམ་དང་མི་བསྒོམས་མཁའ་ལ་རྩོད་པ་འདྲ། ། ཞེས་སོ། ། 2.ཀློང་གྱུར་བསྒོམ་བྱ་སྒོམ་བྱེད་མེད་པར་བསྟན་པ་ནི། ཀློང་གྱུར་ཐུན་མཚམས་མེད་པ་ཀུན་བཟང་ངང་། ། བདེན་ཞེན་གྲོལ་ནས་གཉེན་པོ་བསྒོམ་དུ་མེད་པས་ཀྱང་སྒོམ་པ་མེད་ལ། བདེན་ཞེན་མེད་པའི་ངང་ལ་རྒྱུན་དུ་གནས་པས་ཐུན་མཚམས་མེད་པའི་རོལ་པ་ངེས་མེད་ཕྱོགས་ལས་འདས་པ་རང་གྲོལ་ཀུན་ཏུ་བཟང་པོའི་ཞིང་ལ་སྤྱོད་པ་ནི། ཀུན་བྱེད་ལས། ཀྱེ་ཀུན་བྱེད་རྒྱལ་པོའི་དབང་ཐོབ་རིག་པ་ན། ། དངོས་པོ་མ་བཅོས་ཇི་བཞིན་རྟག་ཏུ་ཤར། ། རྒྱུ་དང་རྐྱེན་མེད་ཞི་བ་མཆོག་གི་ལམ། ། གཞི་བཞག་གང་ལྟར་གཞག་ཀྱང་དེ་ཉིད་དང་། ། ཀུན་བྱེད་རྒྱལ་པོའི་ཐབས་ཆེན་རྟོགས་པའི་དབང་། ། ཀུན་ཀྱང་ཇི་བཞིན་ཡུལ་ལ་འཇུག་པ་ན། ། སྐྱོན་དང་ཡོན་ཏན་གཉིས་ཀ་མཉམ་ཤེས་པས། ། འཇུག་དང་མི་འཇུག་དོན་ལས་ཤིན་ཏུ་འདས། ། མི་འགྱུར་ལྷུན་གྲུབ་ཀུན་བྱེད་རྒྱལ་པོའི་ཞིང་། ། མ་བགྲོད་མ་སྦྱངས་རང་བཞིན་ངང་གིས་རྫོགས། ། ཞེས་སོ། ། དེའང་དངོས་པོ་དང་མཚན་མའི་སྒོམ་པ་ལྟར་ངེས་གཟུང་གི་རྟགས་དང་ཚད་ཀྱང་མེད་དོ། ། དེ་ཉིད་ལས། དངོས་པོ་མཚན་མར་འཛིན་པའི་ཆོས་བཞིན་དུ། ། ཚད་དང་རྟགས་མེད་ནམ་མཁའ་ལྟ་བུའོ། ། ཞེས་སོ། ། དེའང་གང་དུའང་མ་ཕྱིན་པས་གོལ་བའི་ས་མེད་ཅིང་། གང་ལའང་མ་བལྟས་པས་མཐོང་བྱེད་སྒྲིབ་པ་མེད་དོ། ། དེ་ཉིད་ལས། བྱང་ཆུབ་སེམས་ཀྱི་རང་བཞིན་འདི་ཉིད་ནི། ། ཆོས་ཀུན་མ་ལུས་པ་ཡི་སྙིང་པོ་སྟེ། ། མ་སྐྱེས་རྣམ་པར་དག་པས་སྒྲིབ་པ་མེད། ། བགྲོད་པའི་ལམ་དང་བྲལ་བས་གོལ་ས་མེད། ། ཅེས་སོ། ། གོལ་སྒྲིབ་ནི་སྦྱང་བགྲོད་ལྟ་སྒོམ་པ་རྣམས་ཀྱིས་སེམས་ཉིད་བལྟས་པས་མཐོང་བ་མེད་པ་ལ་བལྟས་པ་ན་དེ་ཉིད་སྒྲིབ་པར་བྱུང་ཞིང་། བགྲོད་དུ་མེད་པ་ལ་བགྲོད་པ་དེ་ཉིད་གོལ་སར་གྱུར་པའང་། དེ་ཉིད་ལས། ཆོས་ཀུན་སྙིང་པོ་བྱང་ཆུབ་སེམས་གཅིག་ལ། ། གཅིག་ལ་རྣམ་པར་བགྲངས་པས་གོལ་སྒྲིབ་བྱུང་། ། བགྲོད་དུ་མེད་ལ་བགྲོད་པས་གོལ་ས་བྱུང་། ། དམིགས་མེད་བལྟས་པས་མ་མཐོང་སྒྲིབ་པ་བྱུང་། ། ཞེས་སོ། ། དེའང་རང་སེམས་དོན་གྱི་སངས་རྒྱས་སུ་ཡེ་ནས་ལྷུན་གྲུབ་ཏུ་ཐག་ཆོད་པས། ཕྱེད་ལས་གཞན་པའི་སངས་རྒྱས་ལ་སྨོན་པ་མེད་པར་ཤེས་ཏེ་དུས་དེ་ཉིད་ནས་སངས་རྒྱས་ཀྱི་ས་ལ་གནས་པའི་དོན་ཡང་། དེ་ཉིད་ལས། སེམས་ཉིད་ཡེ་ནས་མངོན་པར་བྱང་ཆུབ་པས། ། ཐོབ་དང་མ་ཐོབ་རེ་དོགས་གཉིས་སུ་མེད། ། ཅེས་པ་དང་། ཀུན་བྱེད་ང་ལ་ཐམས་ཅད་ཚོགས་པའི་ཕྱིར། ། དེ་ཕྱིར་ཕུན་སུམ་ཚོགས་ཞེས་བྱ་བར་བཤད། ། ཀུན་བྱེད་ང་ཡི་རང་བཞིན་རྣམ་གསུམ་ལས། ། སྟོན་པ་བསྟན་པ་འཁོར་རྣམས་འབྱུང་བའི་ཕྱིར། ། ཀུན་བྱེད་ཅེས་ནི་དེ་ལ་བཏགས་པ་ཡིན། ། དང་པོར་སྟོན་པ་ཕུན་སུམ་ཚོགས་པ་ནི། ། ཀུན་བྱེད་ང་ཡི་རང་བྱུང་ཡེ་ཤེས་ལས། ། རང་བཞིན་རྣམ་པ་གསུམ་དུ་བྱུང་བ་སྟེ། ། སྐུ་གསུམ་སྟོན་པ་གསུམ་དུ་བསྟན་པ་ཡིན། ། དེ་ལྟ་བུའི་རྣལ་འབྱོར་པ་ལ་བསྔགས་པ་ཡང་། དེ་ཉིད་ལས། ལུས་ནི་གང་ཟག་ལྷ་མི་ཡང་། ། དགོས་པ་ཆོས་ཉིད་སངས་རྒྱས་ཡིན། ། ཞེས་སོ། ། 3.རབ་ཀྱིས་ཇི་ལྟར་བསྒོམ་པའི་རིམ་པ་བསྟན་པ་ནི། (བཞི་ཚན་ནང་བཀོད་ཡོད་པས་དེར་གཟིགས་པར་ཞུ།)
Tibetan Source	《མདོ་རྒྱུད་མཛོད་ཙི་པ་》ཤ་190.5ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number