9461

Tibetan	ཚུལ་ཁྲིམས་ཀྱི་རྒྱན་གཅིག་ཚན་ནས་བཅུ་ཚན་བར་ཚན་པ་བཅུ།
Tibetan Alternate
Tibetan Definition	དེ་ཡང་། འཕགས་པ་དེ་བཞིན་གཤེགས་པའི་སྙིང་རྗེ་ཆེན་པོ་ངེས་པར་བསྟན་པའི་མདོ་ལས་བྱུང་བ་བྱང་ཆུབ་སེམས་དཔའ་རྣམས་ཀྱི་ཚུལ་ཁྲིམས་ཀྱི་རྒྱན་གཅིག་ཚན་ནས་བཅུ་ཚན་བར་ཚན་པ་བཅུ་སྟེ། 1. བྱང་ཆུབ་སེམས་དཔའ་རྣམས་ཀྱི་ཚུལ་ཁྲིམས་ཀྱི་རྒྱན་གཅིག་ནི། སེམས་ཅན་ཐམས་ཅད་ལ་གནོད་པ་མི་བྱེད་པ་སྟེ། བྱང་ཆུབ་སེམས་དཔའ་ཞེ་སྡང་བའི་སེམས་མེད་པ་ནི། སེམས་ཅན་ཐམས་ཅད་ཀྱི་ཡིད་དུ་འོང་ཞིང་དགའ་བ་སྟེ། འདི་ནི་བྱང་ཆུབ་སེམས་དཔའ་རྣམས་ཀྱི་ཚུལ་ཁྲིམས་ཀྱི་རྒྱན་གཅིག་གོ ། 2. བྱང་ཆུབ་སེམས་དཔའ་རྣམས་ཀྱི་ཚུལ་ཁྲིམས་ཀྱི་རྒྱན་གཉིས་ཏེ། (1)ངན་འགྲོའི་སྒོ་གཅོད་པ། (2)བདེ་འགྲོའི་སྒོ་འབྱེད་པའོ། ། 3. བྱང་ཆུབ་སེམས་དཔའ་རྣམས་ཀྱི་ཚུལ་ཁྲིམས་ཀྱི་རྒྱན་གསུམ་ཏེ། (1)ལུས་རྣམ་པར་དག་པ། (2)ངག་རྣམ་པར་དག་པ། (3)ཡིད་རྣམ་པར་དག་པའོ། ། 4. བྱང་ཆུབ་སེམས་དཔའ་རྣམས་ཀྱི་ཚུལ་ཁྲིམས་ཀྱི་རྒྱན་བཞི་སྟེ། (1)གང་འདོད་པ་དེ་འབྱོར་པ། (2)གང་སྨོན་པ་དེ་ཡང་དག་པར་གྲུབ་པ། (3)གང་འདོད་པ་དེ་ཐོབ་པ། (4)གང་རྩོམ་པ་དེ་ཉམས་འོག་ཏུ་ཆུད་པར་བྱེད་པའོ། ། 5. བྱང་ཆུབ་སེམས་དཔའ་རྣམས་ཀྱི་ཚུལ་ཁྲིམས་ཀྱི་རྒྱན་ལྔ་སྟེ། (1)ཚུལ་ཁྲིམས་དང་ལྡན་པའི་ཏིང་ངེ་འཛིན་སྒྱུ་མེད་པ་ཡིན། (2)ཤེས་རབ་སྒྱུ་མེད་པ་ཡིན། (3)རྣམ་པར་གྲོལ་བ་སྒྱུ་མེད་པ་ཡིན། (4)རྣམ་པར་གྲོལ་བའི་ཡེ་ཤེས་མཐོང་བ་སྒྱུ་མེད་པ་ཡིན། (5)ཡོངས་སུ་མྱ་ངན་ལས་འདས་པ་ཆེན་པོ་བླ་ན་མེད་པ་སྒྱུ་མེད་པ་ཡིན་པའོ། ། 6. བྱང་ཆུབ་སེམས་དཔའ་རྣམས་ཀྱི་ཚུལ་ཁྲིམས་ཀྱི་རྒྱན་དྲུག་སྟེ། (1)ཡིད་ལ་ཆགས་པ་མེད་པའི་ཚུལ་ཁྲིམས་ཀྱི་ཕྱིར་སྐྱོན་མེད་པའི་ཚུལ་ཁྲིམས། (2)ཁ་ན་མ་ཐོ་བ་མེད་པའི་ཚུལ་ཁྲིམས་ཀྱི་ཕྱིར་ཉམས་པ་མེད་པའི་ཚུལ་ཁྲིམས། (3)འདྲེན་མ་མ་ཡིན་པའི་ཚུལ་ཁྲིམས་ཀྱི་ཕྱིར་འདྲེས་པ་མ་ཡིན་པའི་ཚུལ་ཁྲིམས། (4)དགེ་བའི་ཆོས་ཤིན་ཏུ་རྣམ་པར་འཕེལ་བའི་ཕྱིར་སྲ་སྲེ་མ་ཡིན་པའི་ཚུལ་ཁྲིམས། (5)གང་གིས་འདོད་པར་འགྲོ་བའི་ཚུལ་ཁྲིམས་ཀྱི་ཕྱིར་རང་དགའི་ཚུལ་ཁྲིམས། (6)གཞན་ལ་རག་མ་ལུས་པའི་ཤེས་པས་རང་གི་དབང་སྒྱུར་བའི་ཚུལ་ཁྲིམས་སོ། ། 7. བྱང་ཆུབ་སེམས་དཔའ་རྣམས་ཀྱི་ཚུལ་ཁྲིམས་ཀྱི་རྒྱན་བདུན་ཏེ། (1)ཚུལ་ཁྲིམས་དང་ལྡན་པའི་སྦྱིན་པ་རྣམ་པར་དག་པ། (2)བཟོད་པ་རྣམ་པར་དག་པ། (3)བརྩོན་འགྲུས་རྣམ་པར་དག་པ། (4)བསམ་གཏན་རྣམ་པར་དག་པ། (5)ཤེས་རབ་རྣམ་པར་དག་པ། (6)ཐབས་རྣམ་པར་དག་པ། (7)བག་ཡོད་པ་རྣམ་པར་དག་པའོ། ། 8. བྱང་ཆུབ་སེམས་དཔའ་རྣམས་ཀྱི་ཚུལ་ཁྲིམས་ཀྱི་རྒྱན་བརྒྱད་དེ། (1)སྤོབས་པ་ཕུན་སུམ་ཚོགས་པ། (2)ས་ཕུན་སུམ་ཚོགས་པ། (3)རྣམ་པར་འཕྲོ་བ་མེད་པ་ཕུན་སུམ་ཚོགས་པ། (4)ལྷོད་པ་མེད་པ་ཕུན་སུམ་ཚོགས་པ། (5)འཁོན་དུ་འཛིན་པ་མེད་པ་ཕུན་སུམ་ཚོགས་པ། (6)སངས་རྒྱས་འབྱུང་བ་མཉེས་པར་བྱེད་པ་ཕུན་སུམ་ཚོགས་པ། (7)དལ་བ་ཕུན་སུམ་ཚོགས་པ། (8)དགེ་བའི་བཤེས་གཉེན་མགུ་བར་བྱེད་པ་ཕུན་སུམ་ཚོགས་པའོ། ། 9. བྱང་ཆུབ་སེམས་དཔའ་རྣམས་ཀྱི་ཚུལ་ཁྲིམས་ཀྱི་རྒྱན་དགུ་སྟེ། (1)འཇིགས་པ་མེད་པ་ཡིན། (2)སྐྲག་པ་མེད་པ་ཡིན། (3)བསམ་པ་ངེས་པ་ཡིན། (4)ཉེ་བར་ཞི་བ་ཡིན། (5)བསིལ་བ་ཡིན། (6)བཅིངས་པ་ལྷོད་པ་ཡིན། (7)སེམས་ལས་སུ་རུང་བ་ཡིན། (8)སེམས་ཅང་ཤེས་པ་ཡིན། (9)དུལ་བའི་ས་རྗེས་སུ་ཐོབ་པ་ཡིན་པའོ། ། 10 .བྱང་ཆུབ་སེམས་དཔའ་རྣམས་ཀྱི་ཚུལ་ཁྲིམས་ཀྱི་རྒྱན་བཅུ་སྟེ། (1)མཚན་དང་དཔེ་བྱད་བཟང་པོ་ཡོངས་སུ་རྫོགས་པའི་ཕྱིར་ལུས་ཀྱི་རྒྱན། (2)ཇི་སྐད་སྨྲས་པ་དེ་བཞིན་བྱེད་པའི་ཕྱིར་ངག་གི་རྒྱན། (3)ཉོན་མོངས་པ་མེད་པའི་ཕྱིར་སེམས་ཀྱི་རྒྱན། (4)སྨོན་ལམ་ཡོངས་སུ་རྫོགས་པའི་ཕྱིར་ཞིང་གི་རྒྱན། (5)བསམ་པ་ཡོངས་སུ་སྦྱོང་བའི་ཕྱིར་སེམས་ཅན་ཡོངས་སུ་སྨིན་པར་བྱེད་པའི་རྒྱན། (6)སྡིག་པ་ཐམས་ཅད་མི་བྱེད་པའི་ཕྱིར་སྐྱེ་བའི་རྒྱན། (7)དེ་བཞིན་གཤེགས་པའི་སྤྱོད་པ་ལ་རྗེས་སུ་སློབ་པའི་ཕྱིར་བྱང་ཆུབ་སེམས་དཔའི་སྤྱོད་པའི་རྒྱན། (8)ང་རྒྱལ་མེད་པའི་ཕྱིར་ཤེས་པའི་རྒྱན། (9)དགེ་བའི་རྩ་བ་ཡོངས་སུ་བསྔོ་བའི་ཕྱིར་བྱང་ཆུབ་ཀྱི་སྙིང་པོའི་རྒྱན། (10)ཚུལ་ཁྲིམས་ཀྱི་རྩ་བ་ལ་གནས་པ་མི་འདོར་བའི་ཕྱིར་སྟོབས་དང་། མི་འཇིགས་པ་དང་། སངས་རྒྱས་ཀྱི་ཆོས་མ་འདྲེས་པའི་དོན་ནོ། །
Tibetan Source	《མདོ་ད་པ་》ཤ་182བ་5ལས་བཏུས་པ།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number