Prajnaparamita in Eight Thousand Verses Tibetan Translation Chapter 6

//shes rab kyi pha rol tu phyin pa brgyad stong pa/ bam po nyi shu gnyis pa/ de nas de'i tshe lha'i bu gzhan zhig sum cu rtsa gsum pa'i lha rnams dang lhan cig me tog man d'a ra ba dang/ man d'a ra ? ba chen po thogs nas bcom ldan 'das gal ba

@247a */ /der ? logs su dong ngo/ /de'i tshe na dge slong brgya phrag drug cu 'khor der 'dus te 'khod par gyur nas de dag kyang stan las langs te bla gos phrag pa gcig tu gzar nas pus mo g.yas pa'i lhang sa la bcugs te bcom ldan 'das gang na bder logs su thal mo sbyar te

phyag 'tshal ba dang/ sangs rgyas kyi mthus dge slong de dag gi snyim par me tog man d'a ra ba dang man d'a rab ? chen pos gang bar gyur nam de dag gis me tog man d'a rab dang man d'a ra ba chen po de dag gis de bzhin gshegs pa dgra bcom pa yang dag par rdzogs pa'i sangs rgyas la gtor

mngon par gtor mngon par rab tu gtor nas tshig 'di skad ces kyang gsol to/ /bcom ldan 'das bdag cag gis shes rab kyi pha rol tu phyin pa 'di spyad par bgyi'o/ /bcom ldan 'das bdag cag gis ni shes rab kyi pha rol tu phyin pa'i gnas pa bla na med pa 'dis

gnas par bgyi'o/ /de nas bcom ldan 'das de'i tshe 'dzum pa mdzad do/ /'di ni chos nyid yin te gang gi tshe sangs rgyas bcom ldan 'das rnams 'dzum pa mdzad pa de'i tshe 'od zer kha dog sna tshogs pa kha dog du ma 'di lta ste sngon po dang ser po dang dmar po dang dkar po dang

btsod ka dang shel dang dngul dang gser gyi kha dog rnams bcom ldan 'das kyi zhal gyi sgo nas byung ste/ de dag gis 'jig rten gyi khams mtha' yas mu med pa thug pa med pa kun tu snang bar byas nas gyen du tshangs pa'i 'jig rten man chad du mngon par 'phags te slar lo gnas

bcom ldan 'das la lan gsum bskor ba byas te bcom ldan 'das kyi dbu'i gtsug tu nub par gyur to/ /de nas tshe dang ldan pa kun dga' bo stan las langs te bla gos phrag pa gcig tu gzar te bus mo g.yas pa'i lha ngas la btsugs nas bcom ldan 'das ga la ba de logs su thal

sbyar te phyag 'tshal nas bcom ldan 'das la 'di skad ces gsol to/ /rgyu ma mchis rkyen ma mchis par de bzhin gshegs pa dgra bcom pa yang dag par rdzogs pa'i sangs rgyas 'dzum pa mi mdzad na/ bcom ldan 'das 'dzum pa mdzad pa'i rgyu gang lags rkyen gang

@247b lags/ de skad ces gsol pa dang bcom ldan 'das kyis tshe dang ldan pa kun dga' bo la 'di skad ces bka' stsal to/ /kun dga' bom 'ongs pa'i dus na bskal pa skar ma lta bu la dge slong brgya phrag drug cu po 'di dag bla na med pa yang dag par rdzogs pa'i byang chub

mngon par rdzogs par 'tshang rgya bar 'gyur te mngon par rdzogs par sangs rgyas nas kyang sems can rnams la chos ston par 'gyur ro/ /thams cad kyang ming gcig par 'gyur te 'di lta ste me tog bkram pa zhes bya ba de bzhin gshegs pa dgra bcom pa yang dag par rdzogs pa'i

sangs rgyas ston pa rnams 'jig rten du 'byung bar 'gyur ro/ /kun dga' bo yang de bzhin gshegs pa dgra bcom pa yang dag par rdzogs pa'i sangs rgyas me tog bkram bzhes bya ba de dag gi nyan thos kyi dge 'dun de dag thams cad mnyam par 'gyur ro/ /de bzhin gshegs pa

dgra bcom pa yang dag par rdzogs pa'i sangs rgyas me tog bkram pa zhes bya ba de dag thams cad kyi tshe'i tshad kyang bskal pa stong phrag nyi shur mnyam par 'gyur ro/ /de dag thams cad so so'i gsung rab kyang rgyas par 'gyur te lha dang mi'i nang du yangs shing rgya che bar 'gyur ro/ /de

dag thams cad so so'i dam pa'i chos kyang bskal pa stong phrag nyi shu'i bar du mnyam par gnas par 'gyur ro/ /de dag thams cad grong dang grong khyer dang grong rdal dang ljongs dang yul 'khor dang pho brang 'khor gang dang gang nas mngon par 'byung bar 'gyur pa dang/ mngon par byung

nas kyang gang dang gang du chos gyi 'khor lo skor bar 'gyur ba dang rab tu bskor nas kyang gang dang gang du gnas par 'gyur ba dang/ gang dang gang nas gang dang gang du 'jug pa dang/ gang dang gang gis gang nas 'byung bar 'gyur ba de dang de nas de dang der 'jug pa dang 'byung

ba dang gnas pa de dag la med tog kha dog rnam pa lnga dang ldan pa'i me tog gi char rab tu 'bab par 'gyur ro/ /kun dga' bo de lta bas na gnas pa mchog gis gnas par 'dod pa'i byang chub sems dpa' sems dpa' chen pos kyang shes rab kyi pha rol tu phyin pa'i gnas pas gnas

@248a */ /par bya'o/ /kun dga' bo de bzhin gshegs pa'i gnas pas gnas par 'dod pas kyang shes rab kyi pha rol tu phyin pa'i gnas pas gnas par bya'o/ /kun dga' bo byang chub sems dpa' sems dpa' chen po gang su dag shes rab kyi pha rol tu phyin pa la spyod

pa de dag ni mi las shi 'phos te 'dir skyas pa'am dga' ldan gyi lha'i ris nas shi 'phos nas mi'i nang du skyes par rtogs par bya'o/ /de ci'i phyir zhe na/ 'di ltar mi rnams dang dga' ldan gyi lha rnams na shes rab kyi pha rol tu phyin pa 'di rgyas par rab tu spyod do/ /kun dga'

bo yang gang shes rab kyi pha rol tu phyin pa 'di la spyod pa'i byang chub sems dpa' sems dpa' chen po de dag ni de bzhin gshegs pas gzigs par rig par bya'o/ /gang shes rab kyi pha rol tu phyin pa 'di 'dzin pa dang 'chang ba dang klog pa dang kun chub par byed pa dang rab tu

'don pa dang ston pa dang nye bar ston pa dang lung 'bogs pa dang kha ton byed pa dang/ chung ngu na yi ger 'dri ba dang bzung bcangs klags kun chub par byas rab tu bton bstan nye bar bstan lung phog kha ton du byas/ chung du na yi ger bris nas kyang byang chub sems dpa' sems

dpa' chen po rnams la 'doms shing rjes su ston pa dang/ yang dag par ston pa dang / yang dag par 'god pa dang / yang dag par gzengs stod pa dang / rab tu dga' bar byed pa'i byang chub sems dpa' sems dpa' chen po de dag ni kun dga' bo de bzhin gshegs pa

dgra bcom pa yang dag par rdzogs pa'i sangs rgyas rnams la dge ba'i rtsa ba bskyed pa yin par rig bar bya'o/ /gang dag shes rab kyi pha rol tu phyin pa 'di la slob pa de dag ni nyan thos dang rang sangs rgyas 'ba' zhig gi drung du dge ba'i rtsa ba bskyed pa ma yin gyi kun dga' bo yang

byang chub sems dpa' sems dpa' chen po de dag gis de bzhin gshegs pa dgra bcom pa yang dag par rdzogs pa'i sangs rgyas rnams la gdon mi za bar dge ba'i rtsa ba bskyed pa yin no/ /kun dga' bo gang dag shes rab kyi pha rol tu phyin pa 'di la slob cing skrag par mi byed

@248b pa dang / gang dag shes rab kyi pha rol tu phyin pa 'di 'dzin pa dang 'chang ba dang klog pa dang kun chub par byed pa dang rab tu 'don pa dang ston pa dang nye bar ston pa dang lung 'bogs ba dang kha ton byed pa dang chung du na yi ger 'dri ba dang de ltar don dang chos nyid dang tshul gyis rjes su

rtogs par byed pa'i byang chub sems dpa' sems dpa' chen po de dag ni kun dga' bo nges bar de bzhin gshegs pa dgra bcom pa yang dag par rdzogs pa'i sangs rgyas rnams kyi mngon sum du gyur pa yin par rtogs par bya'o/ /kun dga' bo gang dag shes rab kyi pha rol tu

phyin pa 'di la smod par mi byed 'gal bar mi byed 'khrug par mi byed 'jig par mi byed spong bar mi byed 'gog par mi byed gnod bar bya bar mi sems na/ byang chub sems dpa' sems dpa' chen po de dag kyang sngon gyi rgyal ba dag la bya ba byas pa yin par rig par bya'o/ /kun

dga' bo 'di ltar yang gal te byang chub sems dpa' sems dpa' chen pos bla na med pa yang dag par rdzogs pa'i byang chub tu smon ba slu bar mi 'gyur ba de lta bas na byang chub sems dpa' sems dpa' chen pos de bzhin gshegs pa dgra bcom pa yang dag par rdzogs pa'i sangs rgyas

rnams kyi thad du dge ba'i rtsa ba bskyed pas nyan thos dang rang sangs rgyas kyi don du rnam par smin pa sgrub bar mi byed kyi kun dga' bo 'on kyang byang chub sems dpa' sems dpa' chen po des ni phal cher shes rab kyi pha rol tu phyin pa la spyad par bya ba yin no/ /kun dga' bo de lta bas na shes rab kyi

pha rol tu phyin pa 'di ci nas nub par mi 'gyur bar khyod la gtad do rjes su gtad do/ /yi ge tsam yang nub par mi 'gyur bar zung shig chongs shig lhogs shig kun chub par gyis shig rab tu thon cig yun ring por gnas bar gyis shig/ /kun dga' bo khyod kyis gal te shes rab kyi

pha rol tu phyin pa ma gtogs par chos gang ngas mngon sum du bshad pa'i chos bshad pa de dag thams cad bzung nas/ phyis rnam par chud gzan ta ma phyis btang ngam brjed par byas na kun dga' bo khyod de tsam gyis sang nyes par brtsi bar mi 'gyur gyi/ kun dga' bo yang 'di ltar

@249a */ /khyod kyis shes rab kyi pha rol tu phyin pa dang ldan pa'i tshig gi yan lag kyang rung ste chud gzan tam btang ngam brjed par byas na kun dga' bo khyod kyis de tsam du nga la nyes pa byas par 'gyur te khyod kyis nga'i sems kyang mgu bar ma byas so/ /kun dga' bo yang

khyod kyis gal te shes rab kyi pha rol tu phyin pa bzung nas phyis chud gzan cing btang ste brjed par byas na khyod kyis nga la bkur stir ma byas bla mar ma byas rjed par ma byas mchod par ma byas ri mor ma byas bsnyen bkur ma byas so/ /kun dga' bo gang dag 'das pa dang ma 'ongs pa dang da ltar byung ba'i

sangs rgyas bcom ldan 'das de dag la yang kun dga' bo khyod kyis bkur stir ma byas bla mar ma byas rjed bar ma byas mchod par ma byas ri mor ma byas bsnyen bkur ma byas pa yin no/ /kun dga' bo gal te khyod kyis shes rab kyi pha rol tu phyin pa bzung nas phyis chud gzan cing

btang ste brjed par byas na kun dga' bo khyod kyis de tsam du nga la nyes pa byas par 'gyur te khyod kyi nga'i sems kyang mgu bar ma byas so/ /de ci'i phyir zhe na/ kun dga' po shes rab kyi pha rol tu phyin pa 'di ni 'das pa dang ma 'ongs pa dang da ltar byung ba'i de bzhin gshegs pa

dgra bcom pa yang dag par rdzogs pa'i sangs rgyas rnams kyi yum ste bskyed pa 'byin pa thams cad mkhyen pa nyid thob par byed pa yin par de bzhin gshegs pa dgra bcom pa yang dag par rdzogs pa'i sangs rgyas kyis gsungs so/ /kun dga' bo de lta bas na shes rab kyi pha rol tu phyin pa

'di ci nas kyang nub par mi 'gyur par khyod la gtad do rjes su gtad do/ /kun dga' bo shes rab kyi pha rol tu phyin pa 'di gzung bar bya'o/ /kun dga' bo shes rab kyi pha rol tu phyin pa 'di bcang bar bya'o/ /kun dga' bo shes rab kyi pha rol tu phyin pa 'di klag par bya'o/ /kun

dga' bo shes rab kyi pha rol tu phyin pa 'di kun chub par bya'o/ /kun dga' bo shes rab kyi pha rol tu phyin pa 'di rab tu gdon par bya'o/ /kun dga' bo shes rab kyi pha rol tu phyin pa 'di bstan par bya'o/ /kun dga' bo shes rab kyi pha rol tu phyin pa 'di nye bar bstan par bya'o/ /

@249b kun dga' bo shes rab kyi pha rol tu phyin pa 'di lung dbog par bya'o/ /kun dga' bo shes rab kyi pha rol tu phyin pa 'di kha ton du bya'o/ /kun dga' bo shes rab kyi pha rol tu phyin pa 'di bri bar bya ste/ kun dga' bo shes rab kyi pha rol tu phyin pa 'di bsgom par bya/ kun dga'

bo khyod kyis shes rab kyi pha rol tu phyin pa 'di legs par yid la bya ba dang legs par zin par bya ba dang legs par kun chub par bya ba dang legs par rab tu gdon par bya ste/ yi ge dang tshig dang gsal byed shin tu gsal bas yig 'bru dang nges pa'i tshig bzang por gzung bar

bya'o/ /de ci'i phyir zhe na/ kun dga' bo 'das pa dang ma 'ongs pa dang da ltar byung ba'i de bzhin gshegs pa dgra bcom pa yang dag par rdzogs pa'i sangs rgyas rnams kyi chos kyi sku yin no zhes chos nyid de tshad mar bya'o/ /kun dga' bo da ltar bzhugs te 'tsho zhing gzhes

pa'i de bzhin gshegs pa nga la khyod kyis ci ltar de dang des phan par sems pa dang dga' ba dang gus pa dang / dge bar bya ba'am bde bar gnas par bya ba'am dbul ba'am bsam par bya bar sems pa de bzhin du kun dga' bo khod kyis phan par sems pa de dang dga' ba de dang gus

pa de dang yon tan dang ldan pa des shes rab kyi pha rol tu phyin pa 'di gzung bar bya bcang bar bya klag par bya kun chub par bya rab tu gdon par bya bstan par bya nye bar bstan par bya/ lung dbog par bya kha don du bya bri bar bya bsgom par bya bkur stir bya bla mar bya brjed par bya mchod par bya

ri mor bya bsnyen bkur bya ste/ kun dga' bo de ltar na khyod kyis nga dang byang chub sems dpa' sems dpa' chen po de dag kyang mchod par 'gyur zhing 'das pa dang ma 'ongs pa dang da ltar byung ba'i sangs rgyas bcom ldan 'das rnams kyi drung du yang dga' ba dang dad pa dang gus pa bskyed pa

yin no/ /kun dga' bo gal te de bzhin gshegs pa nga la khyod dga' ba dang yid du 'ong ba yongs su mi gtong na kun dga' bo khyod kyis ci nas tshig gcig kyang chud ma zos shing ma nub par 'gyur bde ltar shes rab kyi pha rol tu phyin pa 'di la khyod dga' ba dang yid du 'ong ba yongs

@250a */ /su mi gtang bar gyis shig /kun dga' bo shes rab kyi pha rol tu phyin pa 'di yongs su gtad pa la brtsams te ngas khyod la mang du bshad na bskal pa'am bskal pa las lhag pa 'am bskal pa brgya 'am bskal pa stong ngam bskal pa bye ba brgya 'am bye ba stong

ngam bskal pa bye ba phrag brgya stong ngam bskal ba bye ba khrag khrig brgya stong ngam de bas kyang lhag par yod mod kyi/ kun dga' bo ma dor na ci ltar khyod kyi ston pa nga yin pa de ltar shes rab kyi pha rol tu phyin pa yang ston pa yin no/ /kun dga' bo ci ltar 'das pa dang ma

'ongs ba dang da ltar byung ba'i sangs rgyas bcom ldan 'das rnams lha dang mi dang lha ma yin du bcas pa'i 'jig rten rnams kyi ston pa yin pa de ltar shes rab kyi pha rol tu phyin pa yang lha dang mi dang lha ma yin du bcas pa'i 'jig rten rnams kyi ston pa yin no/ /kun dga' po ? de lta bas

na shes rab kyi pha rol tu phyin pa ni tshad med pa yin te lha dang mi dang lha ma yin du bcas pa'i 'jig rten rnams la phan pa dang bde bar bya ba'i phyir tshad med pa'i yongs su gtad pas shes rab kyi pha rol tu phyin pa 'di khyod la yongs su gtad do rjes su gtad do/ /kun dga' bo gang

gis de bzhin gshegs pa yongs su ma btang ba dang chos yongs su ma btang ba dang dge 'dun yongs su ma btang ba dang 'das pa dang ma 'ongs pa dang da ltar byung ba'i sangs rgyas bcom ldan 'das rnams kyi byang chub yongs su ma btang ba des shes rab kyi pha rol tu phyin pa yongs su mi

gtang bar bya ste 'di ni nga'i rjes su bstan pa'o/ /kun dga' bo gang la la zhig shes rab kyi pha rol tu phyin pa 'di 'dzin pa dang 'chang ba dang klog pa dang kun chub par byed pa dang rab tu 'dan pa dang ston pa dang nye bar ston pa dang lung 'bogs pa dang kha ton du byed pa dang 'dri ba dang / sgom

par byed pa des 'das pa dang ma 'ongs pa dang da ltar byung ba'i sangs rgyas bcom ldan 'das rnams kyi byang chub rjes su yongs su gzung bar 'gyur ro/ /kun dga' bo gang la la zhig gis shes rab kyi pha rol tu phyin pa 'di rab tu 'jig pa'i tshe rjes su gzung na des 'das pa dang ma 'ongs

@250b pa dang da ltar byung ba'i sangs rgyas bcom ldan 'das rnams kyi byang chub rjes su yongs su gzung bar 'gyur ro/ /de ci'i phyir zhe na/ kun dga' bo sangs rgyas bcom ldan 'das rnams kyi byang chub ni shes rab kyi pha rol tu phyin pa las skyes so/ /kun dga' bo gang dag 'das pa'i dus su

byung par gyur pa'i de bzhin gshegs pa dgra bcom pa yang dag par rdzogs par sangs rgyas pa'i sangs rgyas bcom ldan 'das de dag gi bla na med pa yang dag par rdzogs pa'i byang chub kyang kun dga' bo shes rab kyi pha rol tu phyin pa las skyes so/ /kun dga' bo gang dag ma 'ongs

pa'i dus na 'byung ba'i de bzhin gshegs pa dgra bcom pa yang dag par rdzogs par sangs rgyas pa'i sangs rgyas bcom ldan 'das de dag gi bla na med pa yang dag par rdzogs pa'i byang chub kyang kun dga' bo shes rab kyi pha rol tu phyin pa las skyes so/ /kun dga' bo gang dag 'jig

rten gyi khams gzhal du med grangs med pa thams cad na de bzhin gshegs pa dgra bcom pa yang dag par rdzogs par sangs rgyas pa da ltar bzhugs te 'tsho zhing gzhes pa'i sangs rgyas bcom ldan 'das de dag gi bla na med pa yang dag par rdzogs pa'i byang chub kyang kun dga' bo

shes rab kyi pha rol tu phyin pa 'di las skyes so/ /kun dga' bo nga'i bla na med pa yang dag par rdzogs pa'i byang chub kyang shes rab kyi pha rol tu phyin pa 'di las skyes so/ /kun dga' bo de lta bas na byang chub sems dpa' sems dpa' chen po bla na med pa yang dag par rdzogs

pa'i byang chub mngon par rdzogs par sangs rgyas par 'dod pa dang pha rol tu phyin pa drug la slob par 'dod pas kyang shes rab kyi pha rol tu phyin pa 'di nyid mnyan par bya gzung bar bya bcang bar bya glag par bya kun chub par bya rab tu gdon par bya bstan par bya nye bar bstan par bya lung dbog

par bya kha ton du bya bri bar bya shes rab kyi pha rol tu phyin pa 'di nyid la bslab par bya rnal 'byor du bya'o/ /de ci'i zhe na/ kun dga' bo shes rab kyi pha rol tu phyin pa 'di ni byang chub sems dpa' sems dpa' chen po rnams kyi yum ste skyed ba 'byin pa'o/ /kun dga' bo byang

@251a */ /chub sems dpa' sems dpa' chen po gang dag pha rol tu phyin pa drug po rnams la bslabs pas bla na med pa yang dag par rdzogs pa'i byang chub tu nges par byung bar gyur ba dang nges par 'byung bar 'gyur pa dang nges par 'byung bar 'gyur ba de dag thams cad kyang kun

dga' bo shes rab kyi pha rol tu phyin pa la brten nas pha rol tu phyin ba drug las bslabs pa yin no/ /de dag thams cad kyang shes rab kyi pha rol tu phyin pa 'di nyid la brten nas pha rol tu phyin pa drug las skyes so/ /de ci'i phyir zhe na/ kun dga' bo pha rol tu phyin pa thams cad

ni shes rab kyi pha rol tu phyin pa las skyes te bla na med pa yang dag par rdzogs pa'i byang chub thob par byed pa yin no/ /kun dga' bo de ltabs na shes rab kyi pha rol tu phyin pa 'di ci nas kyang nub par mi 'gyur par lan gnyis su khyod la yongs su gtad do rjes su gtad do/ /

kun dga' bo 'di lta ste/ shes rab kyi pha rol tu phyin pa 'di ni de bzhin gshegs pa dgra bcom pa yang dag par rdzogs pa'i sangs rgyas rnams kyi chos kyi mdzod mi zad pa'o/ /de ci'i phyir zhe na/ kun dga' po 'das pa'i dus kyi thog ma med pa'i 'khor bar sems can

rnams la sangs rgyas bcom ldan 'das rnams kyis chos bshar pa gang yin pa de dag thams cad ni 'di lta ste shes rab kyi pha rol tu phyin pa'i chos kyi mdzod 'di nyid las bshad do/ /kun dga' bo sangs rgyas bcom ldan 'das gang dag ma 'ongs pa'i dus kyi dpag tu med pa'i

'khor bar bla na med pa yang dag par rdzogs pa'i byang chub tu mngon par rdzogs par sangs rgyas nas sems can rnams la chos ston bar 'gyur ba'i sangs rgyas bcom ldan 'das de dag kyang 'di lta ste shes rab kyi pha rol tu phyin pa'i chos kyi mdzod 'di nyid las 'chad do/ /

kun dga' bo gang da ltar 'jig rten gyi khams gzhal du med grangs med pa dag na sangs rgyas bcom ldan 'das gang dag bzhugs te 'tsho zhing gzhes la chos ston pa'i sangs rgyas bcom ldan 'das de dag kyang kun dga' bo 'di lta ste shes rab kyi pha rol tu phyin pa'i chos kyi

@251b mdzod 'di nyid las rab tu 'byed par 'gyur ro/ /kun dga' bo de lta bas na 'di lta ste shes rab kyi pha rol tu phyin pa'i mdzod 'di dag ni mi zad pa'i chos kyi mdzod do/ /kun dga' bo gal te khyod kyis gang zag nyan thos kyi theg pa pa rnams la nyan thos kyi sa'i chos bshad

par gyur la/ chos de bshad pa na yang stong gsum gyi stod chen po'i 'jig rten gyi khams na sems can gang dag yod pa de dag thams cad dgra bcom pa nyid mngon sum du byas par gyur na/ de lta na yang nga'i nyan thos chos kyi 'khor lo bskor cing rjes su bskor nas chos

ston pa khyod kyis nyan thos kyi bya ba byas par mi 'gyur ro/ /kun dga' bo gal te khyod kyis byang chub sems dpa' sems dpa' chen po la shes rab kyi pha rol tu phyin pa dang ldan pa'i chos gcig tsam yang bshad dam rab tu bstan na/ de ltar na nga'i nyan thos kyi chos kyi

'khor lo bskor cing rjes su bskor nas chos ston pa khyod kyis nga mgu ba byas par 'gyur gyi s'ar gyi chos bshad pa des ni ma yin no/ /gang gis stong gsum gyis stong chen po'i 'jig rten gyi khams dag na sems can gang dag ci snyed yod pa de dag thams cad dgra bcom pa nyid thob par

byas na/ kun dga' bo de ci snyam du sems dgra bcom pa de dag gi sbyin pa las byung ba'i bsod nams bya ba'i dngos po dang tshul khrims las byung ba'i bsod nams bya ba'i dngos po dang bsgoms pa las byung ba'i bsod nams bya ba'i dngos po'i bsod nams kyi phung po de mang ba yin

nam/ kun dga' bos gsol pa/ bcom ldan 'das mang ngo/ bde bar gshegs pa mang ngo / /bcom ldan 'das kyis bka' stsal pa/ kun dga' bo nyan thos kyi theg pa pa'i gang zag de dag pas gang byang chub sems dpa' sems dpa' chen po shes rab kyi pha

rol tu phyin pa dang ldan pa'i chos ston pa de bsod nams ches mang du skyed do/ /kun dga' bo de bas kyang byang chub sems dpa' sems dpa' chen po gang byang chub sems dpa' sems dpa' chen po gzhan la chung du na nyi ma gcig tsam yang shes rab kyi pha rol tu phyin pa dad ldan pa'i

@252a */ /chos ston na de bsod nams ches mang du skyed do/ /kun dga' bo nyi ma gcig lta zhog gi chung du na snga dro tsam 'am/ kun dga' bo snga dro chos ston ba lta zhog chung du na chu tshod gcig tsam 'am/ kun dga' bo chu tshod gcig lta zhog chung du na yud tsam 'am/

kun dga' bo yud tsam lta zhog thang gcig gam/ kun dga' bo thang gcig lta zhog chung du na skad cig gcig tsam du yang ste/ kun dga' bo byang chub sems dpa' sems dpa' chen po gang skad cig dang thang cig dang yud tsam du yang byang chub sems dpa' sems dpa' chen po

gzhan la shes rab kyi pha rol tu phyin pa dang ldan pa'i chos ston na 'di ni de bas bsod nams ches mang du skyed do/ /kun dga' bo byang chub sems dpa' sems dpa' chen po de'i chos kyi sbyin pa 'dis ni nyan thos dang rang sangs rgyas kyi theg pa pa'i gang zag thams cad kyi dge ba'i rtsa ba zil gyis

gnon to/ /kun dga' bo de lta bu'i dge ba'i rtsa ba dang ldan pa'i byang chub sems dpa' sems dpa' chen po dang de lta bu'i dge ba'i rtsa ba la sems pa'i byang chub sems dpa' sems dpa' chen po de dag ni bla na med pa yang dag par rdzogs pa'i byang chub las phyir ldog pa ni

kun dga' bo gnas med skabs med de 'di ni gnas ma yin no/ /de nas bcom ldan 'das kyis de'i tshe ci lta bu'i rdzu 'phrul mngon par 'du mdzad pa mngon par 'du mdzad pas dge slong dang dge slong ma dang dge bsnyen dang dge bsnyen ma'i 'khor bzhi dang lha dang klu dang gnod sbyin

dang dri za dang lha ma yin dang nam mkha' lding dang mi 'am ci dang lto 'phye chen po dang mi dang mi ma yin pa de dag thams cad kyis sangs rgyas kyi mthus de bzhin gshegs pa dgra bcom pa yang dag par rdzogs pa'i sangs rgyas mi bskyod pa dge slong gi dge 'dun gyis yongs su

bskor cing byang chub sems dpa'i tshogs kyis mdun du byas pa mi bskyod pa rgya mtsho lta bu zab pa/ 'khor byang chub sems dpa' sems dpa' chen po bsam gyis mi khyab pa'i yon tan dang ldan pa dang/ /dgra bcom pa thams cad kyang zag pa zad pa nyon mongs pa med pa

@252b dbang du gyur pa sems shin tu rnam par grol ba shes rab shin tu rnam par grol bcang shes pa glang po chen po bya ba byas pa byed pa byas pa khur bor ba rang gi don rjes su thob pa srid par sbyor ba yongs su zad pa yang dag par kun shes pas sems shin tu rnam par grol ba sems thams

cad kyi dbang dam pa'i pha rol tu son pa rnams kyis yongs su bskor cing mdun du bdar te chos ston pa mthong bar 'gyur ba de ltar rdzu 'phrul mngon par 'du mdzad pa mngon par 'du mdzad do/ /de nas bcom ldan 'das kyis rdzu 'phrul mngon par 'du mdzad pa de dag slar brtul to/ /

bcom ldan 'das kyis rdzu 'phrul mngon par 'du mdzad pa de slar brtul nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi bskyod pa yang mi snang bar gyur/ byang chub sems dpa' sems dpa' chen po de dag dang nyan thos chen po

de dag dang sangs rgyas kyi zhing de dag thams cad 'khor bzhi po de dag lha dang klu dang gnod sbyin dang dri za dang lha ma yin dang nam mkha' lding dang mi 'am ci dang lto 'phye chen po dang mi dang mi ma yin pa de dag gi mig lam du mi snang bar gyur to/ /de ci'i phyir zhe na/ de bzhin gshegs

pa dgra bcom pa yang dag par rdzogs pa'i sangs rgyas kyis rdzu 'phrul mngon par 'du mdzad pa de brtul bar gyur pas de dag thams cad de dag gi mig lam du mi snang bar gyur to/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo de

ltar chos thams cad ni mig lam du yang snang bar mi 'gyur te chos rnams la chos rnams snang bar mi 'gyur chos rnams kyis chos rnams mi mthong chos rnams kyis chos rnams mi shes so/ /de ci'i phyir zhe na/ kun dga' bo chos thams cad ni shes pa po ma yin mthong pa bo ma yin dgos pa byed

nus pa ma yin no/ /de ci'i phyir zhe na/ kun dga' bo nam mkha' byed pa med pa'i phyir chos thams cad byed pa med pa'o/ /kun dga' bo chos thams cad ni sgyu ma'i skyes bu ltar bsam gyis mi khyab pa'o/ /kun dga' bo chos thams cad ni dngos po med pa'i phyir tshor ba

@253a */ /po ma yin no/ /kun dga' bo byang chub sems dpa' sems dpa' chen po de ltar spyod na shes rab kyi pha rol tu phyin pa la spyod cing chos gang la yang mngon par chags pa med do/ /kun dga' bo byang chub sems dpa' sems dpa' chen po de ltar slob na

shes rab kyi pha rol tu phyin pa la slob bo/ /bslab pa thams cad kyi dam pa'i pha rol tu phyin pa'i byang chub chen po rjes su thob par 'dod pa'i byang chub sems dpa' sems dpa' chen pos shes rab kyi pha rol tu phyin pa la bslab par bya'o/ /de ce'i phyir zhe na/ kun dga' bo

bslab pa 'di dag ni bslab pa thams cad kyi mchog ces bya'o/ /dam pa zhes bya'o/ /gtso bo zhes bya'o/ /rab ces bya'o/ /mchog rab ces bya'o/ /gya nom pa zhes bya'o/ /bla ma zhes bya'o/ /bla na med pa zhes bya'o/ /gong na med pa zhes bya'o/ /mnyam pa med pa zhes

bya'o/ /mi mnyam pa dang mnyam pa zhes bya'o/ /'jig rten thams cad phan pa thob par byed pa'o/ /'jig rten thams cad bde ba thob par byed pa'o/ /mgon med pa rnams kyi mgon du 'gyur ba'o/ /sangs rgyas kyis gnang zhing sangs rgyas kyis bsngags pa ste/ kun

dga' bo bslab pa 'di la bslabs shing bslab pa 'di la gnas nas de bzhin gshegs pa dgra bcom pa yang dag par rdzogs pa'i sangs rgyas rnams kyis stong gsum gyi stong chen po'i 'jig rten gyi khams 'di zhabs kyi mthe bo gcig gis bteg ste slar bzhag kyang sangs rgyas

bcom ldan 'das de dag 'di snyam du stong gsum gyi stong chen po'i 'jig rten gyi khams 'di bteg pa'am bzhag par mi dgongs so/ /de ci'i phyir zhen/ shes rab kyi pha rol tu phyin pa ni gzhal du med grangs med pa'i yon tan dang ldan te/ kun dga' bo sangs rgyas

bcom ldan 'das kyis shes rab kyi pha rol tu phyin pa'i bslab pa 'di la bslabs nas 'das pa dang ma 'ongs ba dang da ltar byung ba'i chos rnams la chags pa med pa nyid rjes su brnyes so/ /kun dga' bo 'das pa dang ma 'ongs pa dang da ltar byung ba'i dus kyi bslab pa ci snyed yod

@253b pa'i bslab pa de dag thams cad las kun dga' bo shes rab kyi pha rol tu phyin pa'i bslab pa 'di ni mchog ces bya'o/ /dam pa zhes bya'o/ /gtso bo zhes bya'o/ /rab ces bya'o/ /mchog rab ces bya'o/ /gya nom pa zhes bya'o/ /bla ma zhes bya'o/ /bla na med pa zhes

bya'o/ /gong na med pa zhes bya'o/ /mnyam pa med pa zhes bya'o/ /mi mnyam pa dang mnyam pa zhes bya'o/ /kun dga' bo shes rab kyi pha rol tu phyin pa ni tshad ma med pa'o/ /kun dga' bo shes rab kyi pha rol tu phyin pa ni mi zad pa'o/ /de ci'i phyir zhe na/ shes rab

kyi pha rol tu phyin pa med pa nyid yin pa'i phyir ro/ /kun dga' bo gang shes rab kyi pha rol tu phyin pa'i tshad ma 'am zad pa 'am mtha' ma bzung bar sems pa de ni nam mkha'i tshad ma 'am zad pa 'am mtha' ma bzung bar sems so/ /de ci'i phyir zhe na/ kun dga' bo shes rab

kyi pha rol tu phyin pa ni tshad ma med pa'o/ /kun dga' bo shes rab kyi pha rol tu phyin pa ni mi zad pa'o/ /kun dga' bo shes rab kyi pha rol tu phyin pa ni mtha' ma med pa'o/ /kun dga' bo ngas shes rab kyi pha rol tu phyin pa'i tshad ma'am zad pa'am mtha' ma ni ma bshad de/ kun

dga' bo yang ming gi tshogs dang tshig gi tshogs dang yi ge'i tshogs rnams la ni tshad ma dang 'brel pa yod kyi kun dga' bo shes rab kyi pha rol tu phyin pa la ni tshad ma dang 'brel pa med do/ /de ce'i phyer zhe na/ /kun dga' bo ming gi tshogs dang tshig gi tshogs dang yi ge'i tshogs ni

shes rab kyi pha rol tu phyin pa ma yin te/ kun dga' bo shes rab kyi pha rol tu phyin pa ni tshad ma dang ldan pa ma yin no/ /kun dga' bo shes rab kyi pha rol tu phyin pa ni tshad med pa'o/ /kun dga' bos gsol ba/ bcom ldan 'das yang ci'i slad du bcom ldan 'das kyis

shes rab kyi pha rol tu phyin pa'i tshad ma ma gsungs/ bcom ldan 'das kyis bka' stsal pa/ kun dga' bo shes rab kyi pha rol tu phyin pa mi zad pa'i phyir de bzhin gshegs pas tshad ma ma bstan to/ /kun dga' bo shes rab kyi pha rol tu phyin pa dben pa'i phyir de bzhin

@254a */ /gshegs pas tshad ma ma brjod do/ /kun dga' bo dben pa'i chos la dben pa dmigs su med na de'i tshad ma ltag la yod/ kun dga' bo de bzhin du shes rab kyi pha rol tu phyin pa gzhal du med pa'i phyir tshad ma med cing tshad med pa yin no/ /kun

dga' bo 'das pa'i dus na de bzhin gshegs pa dgra bcom pa yang dag par rdzogs pa'i sangs rgyas gang dag byung bar gyur pa de dag kyang kun dga' bo shes rab kyi pha rol tu phyin pa 'di nyid kyis rab tu phye ba yin yang kun dga' bo shes rab kyi pha rol tu phyin pa 'di zad pa'am

yongs su zad par 'gyur ba ma yin no/ /kun dga' bo ma 'ongs pa'i dus na de bzhin gshegs pa dgra bcom pa yang dag par rdzogs pa'i sangs rgyas gang dag 'byung bar 'gyur ba de dag kyang kun dga' bo shes rab kyi pha rol tu phyin pa 'di nyid kyis rab tu

'byed par 'gyur yang kun dga' bo shes rab kyi pha rol tu phyin pa 'di zad pa'am yongs su zad par 'gyur pa ma yin no/ /kun dga' bo ltar gzhal du med grangs med pa'i 'jig rten gyi khams na de bzhin gshegs pa dgra bcom pa yang dag par rdzogs pa'i sangs rgyas

gang dag bzhugs te 'tsho zhing gzhes pa de dag kyang kun dga' bo shes rab kyi pha rol tu phyin pa 'di nyid kyis rab tu phye ba yin yang kun dga' bo shes rab kyi pha rol tu phyin pa 'di zad pa 'am yongs su zad par 'gyur ba ma yin no/ /kun dga' bo da ltar de bzhin gshegs pa dgra bcom

pa yang dag par rdzogs pa'i sangs rgyas pa yang kun dga' bo shes rab kyi pha rol tu phyin pa 'di nyid gyis rab tu phye ba yin yang kun dga' bo shes rab kyi pha rol tu phyin pa 'di zad pa'am yongs su zad par 'gyur ba ma yin no/ /de ci'i phyir zhe na/ kun dga' bo gang shes rab kyi pha rol

tu phyin pa zad par bya bar sems bde ni nam mkha' zad par bya bar sems te/ kun dga' bo de lta bas na shes rab kyi pha rol tu phyin pa 'di ni mi zad pa'o/ /de nas tshe dang ldan pa rab 'byor 'di snyam du sems te de bzhin gshegs pas gsungs pa'i gnas 'di ni zab mo zhig yin

@254b gyis de bzhin gshegs pa la bdag gis gnas 'di zhu'o snyam mo/ /de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das shes rab kyi pha rol tu phyin pa mi bas pa lags sam/ bcom ldan 'das kyis bka' stsal pa/

rab 'byor shes rab kyi pha rol tu phyin pa ni mi zad pa ste 'di lta ste nam mkha' mi zad pa'i phyir chos thams cad skye ba med pa'o/ /rab 'byor gyis gsol pa/ bcom ldan 'das byang chub sems dpa' sems dpa' chen pos shes rab kyi pha rol tu phyin pa ci ltar mngon par bsgrub

par bgyi/ bcom ldan 'das kyis bka' stsal pa/ rab 'byor byang chub sems dpa' sems dpa' chen pos gzugs zad pa med pa nyid kyis shes rab kyi pha rol tu phyin pa mngon par bsgrub par bya'o/ /rab 'byor de bzhin du byang chub sems dpa' sems dpa' chen

pos tshor ba dang 'du shes dang 'du byed rnams dang rnam par shes pa zad pa med pa nyid kyis shes rab kyi pha rol tu phyin pa mngon par bsgrub par bya ste/ rab 'byor de ltar byang chub sems dpa' sems dpa' chen pos shes rab kyi pha rol tu phyin pa mngon par bsgrub par bya'o/ /

rab 'byor byang chub sems dpa' sems dpa' chen pos ma rig pa mi zad pa nyid kyis shes rab kyi pha rol tu phyin pa mngon par bsgrub par bya'o/ /rab 'byor de bzhin du byang chub sems dpa' sems dpa' chen pos 'du byed mi zad pa dang rnam par shes pa mi zad pa dang ming

dang gzugs mi zad pa dang skye mched drug mi zad pa dang rig pa mi zad pa dang tshor ba mi zad pa dang sred pa mi zad pa dang len pa mi zad pa dang srid pa mi zad pa dang skye ba mi zad pa dang rga shi mi zad pa dang mya ngan dang smre sngags 'don pa dang sngug bsngal ba dang yid mi bde pa dang 'khrug

pa mi zad pa nyid kyis shes rab kyi pha rol tu phyin pa mngon par bsgrub par bya'o/ /rab 'byor 'di ni byang chub sems dpa' sems dpa' chen po'i rten cing 'brel par 'byung ba la rnam par lta ba mtha' gnyis spangs pa'o/ /rab 'byor de ltar rnam par lta ba'i byang chub sems

@255a */ /dpa' sems dpa' chen po ni rten cing 'brel par 'byung ba mtha' dang dbus med par rnam par lta ste/ rab 'byor gang rten cing 'brel bar 'byung ba la de ltar lta ba 'di ni byang chub sems dpa' sems dpa' chen po byang chub kyi snying po la 'dug pa'i ma 'dres

pa'i chos so/ /rab 'byor byang chub sems dpa' sems dpa' chen po gang de ltar rten cing 'brel bar 'byung ba la lta ba ni thams cad mkhyen pa'i ye shes thob par 'gyur ro/ /rab 'byor byang chub sems dpa' sems dpa' chen po gang la la mi zad pa mngon par bsgrub pa

'dis shes rab kyi pha rol tu phyin pa la spyod cing rten cing 'brel bar 'byung ba la rnam par lta na de ni nyan thos kyi sa'am rang sangs rgyas kyi sa la gnas par mi 'gyur te 'on kyang thams cad mkhyen pa nyid la gnas par 'gyur ro/ /rab 'byor byang chub sems dpa' sems

dpa' chen po gang su dag bla na med pa yang dag par rdzogs pa'i byang chub las phyir ldog pa de dag thams cad ni yid la byed pa 'di dang thams mkhas pa 'di la ma brten pas mi shes so/ /ci ltar byang chub sems dpa' sems dpa' chen po shes rab kyi pha rol tu phyin pa la

spyod pas mi zad pa mngon par bsgrub pas shes rab kyi pha rol tu phyin pa mngon par bsgrub par bya ci ltar mi zad pa mngon par bsgrub pas shes rab kyi pha rol tu phyin pa la rten cing 'brel par 'byung pa la rnam par blta zhe na/ rab 'byor byang chub sems dpa' sems dpa' chen po

gang su dag bla na med pa yang dag par rdzogs pa'i byang chub las phya ri log pa dang phyir log pa dang phyir ldog par 'gyur ba de dag thams cad ni thams mkhas pa 'di la ma brten pas phyir log go phyir ldog par 'gyur ro/ /rab 'byor byang chub sems dpa' sems dpa'

chen po gang su dag bla na med pa yang dag par rdzogs pa'i byang chub las phyir ma log pa dang phyir mi ldog pa dang phyir ldog par mi 'gyur ba de dag thams cad ni shes rab kyi pha rol tu phyin pa 'di la brten nas phyir ma log go phyir mi ldog par mi 'gyur ro/ /de ltar

@255b byang chub sems dpa' sems dpa' chen po shes rab kyi pha rol tu phyin pa la spyod pas mi zad pa mngon par bsgrub pas shes rab kyi pha rol tu phyin pa la mngon par bsgrub par bya'o/ /de ltar mi zad pa mngon par bsgrub pas shes rab kyi pha rol tu phyin pa la rten cing 'brel par

'byung ba la rnam par lta'o/ /rab 'byor yang byang chub sems dpa' sems dpa' chen po de ltar rten cing 'brel bar 'byung ba la rnam par ltabs chos gang yang rgyu med par 'byung bar yang dag par rjes su mi mthong ngo / /chos gang yang rtag pa 'am brtan pa 'am ther zug

pa'am rnam par 'gyur ba med pa'i chos can du yang dag par rjes su mi mthong ngo / /chos gang yang byed pa po 'am tshor ba bor yang dag par rjes su mi mthong ngo / /rab 'byor 'di ni byang chub sems dpa' sems dpa' chen po shes rab kyi pha rol tu phyin pa la mi zad par mngon

bar bsgrub pas mngon par sgrub cing shes rab kyi pha rol tu phyin pa la spyod cing rten cing 'brel bar 'byung pa la rnam par lta ba yin no/ /rab 'byor gang gi tshe byang chub sems dpa' sems dpa' chen po shes rab kyi pha rol tu phyin pa mi zad pa mngon par bsgrub pas mngon par

sgrub pa rten cing 'brel bar 'byung ba la rnam par lta ba de'i tshe rab 'byor byang chub sems dpa' sems dpa' chen po gzugs yang dag par rjes su mi mthong / de bzhin du tshor ba ma yin 'du shes ma yin 'du byed rnams ma yin rnams ma yin rnam par shes pa yang dag par rjes

su mi mthong / ma rig pa yang yang dag par rjes su mi mthong / de bzhin du 'du byed rnams ma yin rnam par shes pa ma yin ming dang gzugs ma yin skye mched drug ma yin reg pa ma yin tshor ba ma yin sred pa ma yin len pa ma yin srid pa yin skye ba ma yin rga shi ma yin

myang ngan dang smre sngags 'don pa dang sngug bsngal ba dang yid mi bde ba dang 'khrug pa yang yang dag par rjes su mi mthong ngo/ /sangs rgyas kyi zhing 'di'o zhes yang yang dag par rjes su mi mthong sangs rgyas kyi zhing gzhan yin no zhes yang dag par rjes su mi mthong chos gang

@256a */ /gis sangs rgyas kyi zhing 'di 'am gzhan no zhes yang dag par rjes su mi mthong bar 'gyur ba'i chos de yang yang dag par rjes su mi mthong ste/ rab 'byor 'di ni byang chub sems dpa' sems dpa' chen po rnams kyi shes rab kyi pha rol tu phyin pa'o/ /

rab 'byor gang gi tshe byang chub sems dpa' sems dpa' chen po shes rab kyi pha rol tu phyin pa la spyod pa de'i tshe bdud sdig can shin tu mya ngan gyi zug rngu dang ldan par 'gyur ro/ /rab 'byor 'di lta ste dper na mi zhig pha ma 'chi ba'i dus byas par gyur na shin tu mya ngan gyi zug

rngu dang ldan par 'gyur bde bzhin du rab 'byor gang gi tshe byang chub sems dpa' sems dpa' chen po shes rab kyi pha rol tu phyin pa la spyod pa de'i tshe bdud sdig can yang shin tu mya ngan gyi zug rngu dang ldan par 'gyur ro/ /rab 'byor gyis gsol pa/ bcom ldan 'das

ci bdud sdig can gcig cig shin tu mya ngan gyi zug rdu dang ldan par 'gyur ram 'on te bdud sdig can mang po shin tu mya ngan gyi zug rngu dang ldan par 'gyur ram 'on te stong gsum gyi stong chen po'i 'jig rten gyi khams na bdud sdig can ci snyed mchis pa de dag thams cad kyang de'i tshe shin tu

mya ngan gyi zug rngu dang ldan par 'gyur/ de skad ces gsol pa dang/ bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor gang gi tshe byang chub sems dpa' sems dpa' chen po shes rab kyi pha rol tu phyin pa'i gnas pas gnas pa de'i tshe stong

gsum gyi stong chen po'i 'jig rten gyi khams na bdud sdig can ci snyed yod pa de dag thams cad shin tu mya ngan gyi zug rngu dang ldan par 'gyur te/ rang rang gi stan la yang nyams mi dga' bar 'gyur ro/ /de ci'i phyir zhe na/ byang chub sems dpa' sems dpa' chen po

shes rab kyi pha rol tu phyin pa la gnas pas gnas pa la ni lha dang mi dang lha ma yin du bcas pa'i 'jig rten gyis bdag cag gis 'di bzung la tho btsam mo snyam pa dang / bla na med pa yang dag par rdzogs pa'i byang chub las slar bzlog par bya'o snyam pa'i glags rnyed par mi 'gyur

@256b gting rnyed par mi 'gyur ro/ /rab 'byor de lta bas na byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par byang chub par 'dod pas shes rab kyi pha rol tu phyin pa la spyad par bya'o/ /de ci'i phyir zhe na/ rab 'byor byang chub sems

dpa' sems dpa' chen po shes rab kyi pha rol tu phyin pa la spyod pas ni sbyin pa'i pha rol tu phyin pa bsgom pa yongs su rdzogs par 'gyur/ de bzhin du tshul khrims kyi pha rol tu phyin pa dang bzod pa'i pha rol tu phyin pa dang brtson 'grus kyi pha rol tu phyin pa dang bsam gtan

gyi pha rol tu phyin pa bsgom pa yongs su rdzogs par 'gyur ro/ /rab 'byor byang chub sems dpa' sems dpa' chen po shes rab kyi pha rol tu phyin pa la spyod pa ni pha rol tu phyin pa drug po thams cad bsgom pa yongs su rdzogs par 'gyur ro/ /thabs mkhas pa thams

cad bsgom pa yongs su rdzogs par 'gyur te/ byang chub sems dpa' sems dpa' chen po shes rab kyi pha rol tu phyin pa la spyod pa des ni bdud kyi las gang cung zad 'byung bar 'gyur ba de dag thams cad 'byung ba'i tshe rab tu shes par 'gyur te rab tu shes nas rnam par spong

bar 'gyur ro/ /rab 'byor thabs mkhas pa thams cad yongs su gzung bar 'dod pa'i byang chub sems dpa' sems dpa' chen pos shes rab kyi pha rol tu phyin pa la spyad par bya'o/ /shes rab kyi pha rol tu phyin pa bsgrom par bya'o/ /rab 'byor gang gi tshe byang chub sems

dpa' sems dpa' chen po shes rab kyi pha rol tu phyin pa la spyod cing shes rab kyi pha rol tu phyin pa mngon par sgrub par byed pa de'i tshe rab 'byor byang chub sems dpa' sems dpa' chen pos 'jig rten gyi khams gzhal du med grangs med pa dag na sangs rgyas bcom ldan 'das

gang dag bzhugs te 'tsho zhing gzhes pa de dag la de dag gi thams cad mkhyen pa nyid kyang 'di lta ste/ shes rab kyi pha rol tu phyin pa 'di las skyes so snyam du bsam par bya'o/ /de ltar bsams nas byang chub sems dpa' sems dpa' chen po des yang sems 'di ltar

@257a */ /bskyed par bya ste/ ci ltar sangs rgyas bcom ldan 'das de dag gis chos gang dag rjes su brnyes ba de bzhin du bdag gis kyang chos de dag kyang rjes su thob par bya'o snyam ste/ rab 'byor de ltar byang chub sems dpa' sems dpa' chen po shes rab kyi

pha rol tu phyin pa la spyod pas nyin gcig 'das kyi bar la tha na se gol gtogs pa srid tsam du yang sems bskyed pa 'di dag pa skyed par bya mngon par bsgrub par bya'o/ /rab 'byor gang yang dmigs pa dang bcas pa'i byang chub sems dpa' sems dpa' chen po gang gis bskal

pa gang g'a'i glung gi byam snyed du sbyin pa byin pa'i byang chub sems dpa' sems dpa' chen po dmigs pa can de bas ni byang chub sems dpa' sems dpa' chen po gang gis nyi ma gcig 'das kyi bar la shes rab kyi pha rol tu phyin pa 'di chung du na se gol gtogs pa gcig tsam

du mngon par sgrub na bsod nams chos mang du bskyed de/ byang chub sems dpa' sems dpa' chen po 'di ni phyir mi ldog pa'i sa la gnas par 'gyur ro/ /byang chub sems dpa' sems dpa' chen po gang nyin gcig 'das kyi bar la chung du na se gol gtogs pa srid tsam yang

shes rab kyi pha rol tu phyin pa 'di la spyod cing sems bskyed pa 'di bskyed pa de de bzhin gshegs pas dgongs par rig par bya na/ gang sems bskyed pa 'di nyen thog thag rjes su 'jug par byed pa lta ci smos/ rab 'byor byang chub sems dpa' sems dpa' chan po de bzhin gshegs

pas dgongs pas 'gro ba gang zhig la re bar bya zhe na/ rab 'byor byang chub sems dpa' sems dpa' chen po de bzhin gshegs pas dgongs gas ni bla na med pa yang dag par rdzogs pa'i byang chub ma gtogs par 'gro ba gzhan du dogs par mi bya ste de ni skal pa med pa dang ngan

song rnams su skye bar mi 'gyur gyi mtho ris su skye bar re bar bya'o/ /der yang de bzhin gshegs pa rnams dang mi 'bral bar 'gyur zhing de bzhin gshegs pa dang ma bral ba'i sangs rgyas kyi zhing du skye bar 'gyur te sems can yongs su smin par byed par 'gyur ro/ /rab 'byor

@257b byang chub sems dpa' sems dpa' chen po gang gis chung du na se gol gtogs pa gcig tsam du yang shes rab kyi pha rol tu phyin pa la spyod de/ shes rab kyi pha rol tu phyin pa la mngon par sgrub cing sems bskyed pa'i dskyed par byed pa'i yon tan 'di dag dang phan yon 'di dag

yin na/ gang zhig sems bskyed pa 'di nyin thog thag rjes su 'jug par byed pa lta ci smos/ rab 'byor 'di lta ste dper na de bzhin gshegs pa dgra bcom pa yang dag par rdzogs pa'i sangs rgyas mi bskyod pa'i drung nad ltar byang chub sems dpa' sems dpa' chen po

spos kyi glang po zhes bya btshangs par spyad pa spyod pa bzhin no/ /'phags pa shes rab kyi pha rol tu phyin pa brgyad stong pa las me tog bkram pa'i le'u zhes bya ste nyi shu rtsa brgyad pa'o// //rab 'byor gzhan yang byang chub sems dpa' sems dpa' chen

po shes rab kyi pha rol tu phyin pa la 'di ltar rjes su rig par bya ste/ chos thams cad chags pa med pa'i phyir shes rab kyi pha rol tu phyin par rjes su rig par bya'o/ /chos thams cad dbyer mi phyed pa'i phyir shes rab kyi pha rol tu phyin par rjes su rig par bya'o/ /chos thams

cad 'byung ba med pa'i phyir shes rab kyi pha rol tu phyin par rjes su rig par bya'o/ /chos thams cad 'gyur pa med par mnyam pa'i phyir shes rab kyi pha rol tu phyin par rjes su rig par bya'o/ /chos thams cad bdag med pa dang rnam par rig pa med par shes rab kyis rjes su

rtogs pas shes rab kyi pha rol tu phyin par rjes su rig par bya'o/ /chos thams cad ming tsam dang tha snyad gdags pa tsam gyis brjod pa'i phyir shes rab kyi pha rol tu phyin par rjes su rig par bya'o/ /tha snyad gdags ba yang gang la yang ma yin gang gis kyang ma yin gang

yang tha snyad gdags pa med do/ /chos thams cad tha snyad med ba brjod du med pa smra med pa tsheg med pa'i phyir shes rab kyi pha rol tu phyin par rjes su rig par bya'o/ /chos thams cad tshad ma med pa'i phyir shes rab kyi pha rol tu phyin par rjes su rig par bya'o/ /

@258a */ /gzugs tshad ma med pa'i phyir shes rab kyi pha rol tu phyin par rjes su rig par bya'o/ /de bzhin du tshor ba tshad ma med pa dang 'du shes tshad ma med pa dang 'du byed rnams tshad ma med pa dang rnam par shes pa tshad ma med pa'i phyir shes rab kyi pha rol tu phyin par

rjes su rig par bya'o/ /chos thams cad mtshan ma med pa'i phyir shes rab kyi pha rol tu phyin par rjes su rig par bya'o/ /chos thams cad nges par 'byed pa'i phyir shes rab kyi pha rol tu phyin par rjes su rig par bya'o/ /chos thams cad rang bzhin gyis yongs su

dag pa'i phyir shes rab kyi pha rol tu phyin par rjes su rig par bya'o/ /chos thams cad tsheg med pa'i phyir shes rab kyi pha rol tu phyin par rjes su rig par bya'o/ /chos thams cad 'gog pa med pas spang bar bya ba mnyam pa'i phyir shes rab kyi pha rol tu phyin par rjes su rig par bya'o/ /

chos thams cad mya ngan las 'das pa thob cing de bzhin nyid dang mnyam pa'i phyir shes rab kyi pha rol tu phyin par rjes su rig par bya'o/ /chos thams cad mi 'ong mi 'gro mi shes mi skye shin tu mi skye ba'i phyir shes rab kyi pha rol tu phyin par rjes su rig par bya'o/ /bdag

dang gzhan du mi lha ba'i phyir shes rab kyi pha rol tu phyin par rjes su rig par bya'o/ /chos thams cad 'phags pa dgra bcom pa rang bzhin gyis yongs su dag pa'i phyir shes rab kyi pha rol tu phyin par rjes su rig par bya'o/ /chos thams cad khur bor zheng khur mi khyer ba'i phyir

shes rab kyi pha rol tu phyin par rjes su rig par bya'o/ /chos thams cad yul med cing phyogs med pa'i phyir shes rab kyi pha rol tu phyin par rjes su rig par bya'o/ /de ci'i phyir zhe na/ rab 'byor gzugs ni rang bzhin gyi ngo bo nyid kyis yul dang phyogs med pa'o/ /rab 'byor

de bzhin du tshor ba dang 'du shes dang 'du byed rnams dang rnam par shes pa ni rang bzhin gyi ngo bo nyid kyis yul dang phyogs med pa'o/ /chos thams cad 'gog pa rab tu sim par byed pa'i phyir shes rab kyi pha rol tu phyin par rjes su rig par bya'o/ /dga' ba med cing dga' ba dang bral

@258b ba med pa'i phyir shes rab kyi pha rol tu phyin par rjes su rig par bya'o/ /'dod chags pa med cing 'dod chags dang bral ba med pa'i phyir shes rab kyi pha rol tu phyin par rjes su rig par bya'o/ /de ci'i phyir zhe na/ rab 'byor gzugs ni de kho na dang bcas

ba'i ngo bo nyid kyis na 'dod chags par mi byed 'dod chags dang bral bar mi byed do/ /rab 'byor de bzhin du tshor ba dang 'du shes dang 'du byed rnams dang rnam par shes pa ni de kho na dang bcas pa'i ngo bo nyid kyis na 'dod chags par mi byed 'dod chags dang bral bar mi byed do/ /rab

bzhin gyis yongs su dag pa'i phyir shes rab kyi pha rol tu phyin par rjes su rig par bya'o/ /chos thams cad chags pa dang ma chags pa'i zhen pa dang bral ba'i phyir shes rab kyi pha rol tu phyin par rjes su rig par bya'o/ /sangs rgyas kyi ye shes khong du chud pas chos thams cad byang

chub po zhes shes rab kyi pha rol tu phyin par rjes su rig par bya'o/ /chos thams cang stong pa nyid dang mtshan ma med pa dang smon pa med pa'i phyir shes rab kyi pha rol tu phyin par rjes su rig par bya'o/ /byams pa chen po sngon du 'gro bas chos thams cad sman lta bu'o zhes shes rab

kyi pha rol tu phyin par rjes su rig par bya'o/ /chos thams cad byams pa la gnas pa dang snying rje la gnas pa dang dga' ba la gnas pa dang btang snyoms la gnas pa'i phyir shes rab kyi pha rol tu phyin par rjes su rig par bya'o/ /chos thams cad tshangs par gyur bas zhe sdang

mi bskyed cing zhe sdang thams cad mi len pa'i phyir shes rab kyi pha rol tu phyin par rjes su rig par bya'o/ /chos thams cad smon pa med pa'i phyir dang khong khro ba med pa'i phyir shes rab kyi pha rol tu phyin par rjes su rig par bya'o/ /rgya mtsho mu med pa'i phyir shes rab kyi pha rol

tu phyin pa mu med par rjes su rig par bya'o/ /nam mkha' mu med pa'i phyir shes rab kyi pha rol tu phyin pa mu med par rjes su rig par bya'o/ /ri rab sna tshogs pa nyid kyi phyir shes rab kyi pha rol tu phyin pa sna tshogs par rjes su rig par bya'o/ /gzugs mu med pa'i phyir

@259a */ /shes rab kyi pha rol tu phyin pa mu med par rjes su rig par bya'o/ /de bzhin du tshor ba dang 'du shes dang 'du byed rnams dang rnam par shes pa mu med pa'i phyir shes rab kyi pha rol tu phyin pa mu med par rjes su rig par bya'o/ /nyi ma'i 'od zer gyi dkyil 'khor

mu med par snang pa'i phyir shes rab kyi pha rol tu phyin pa mu med par rjes su rig par bya'o/ /sgra thams cad mu med pa'i phyir shes rab kyi pha rol tu phyin pa mu med par rjes su rig par bya'o/ /sangs rgyas kyi chos thams cad yang dag par sgrub pa mu med pa'i phyir shes rab kyi pha

rol tu phyin pa mu med par rjes su rig par bya'o/ /sems can gyi khams thams cad kyi bsod nams dang ye shes kyi tshogs mu med pa'i phyir shes rab kyi pha rol tu phyin pa mu med par rjes su rig par bya'o/ /sa'i khams mu med pa'i phyir shes rab kyi pha rol tu phyin pa mu

med par rjes su rig par bya'o/ /de bzhin du chu'i khams dang me'i khams dang rlung gi khams dang nam mkha'i khams dang rnam par shes pa'i khams mu med pa'i phyir shes rab kyi pha rol tu phyin pa mu med par rjes su rig par bya'o/ /dge ba dang mi dge ba'i chos bsags pa

tshad med pa'i phyir shes rab kyi pha rol tu phyin pa tshad med par rjes su rig par bya'o/ /chos thams cad bsags pa tshang med pa'i phyir shes rab kyi pha rol tu phyin pa tshad med par rjes su rig par bya'o/ /chos thams cad kyi ting nge 'dzin mu med pa thob pa'i phyir shes rab kyi pha rol

tu phyin pa mu med par rjes su rig par bya'o/ /sangs rgyas kyi chos thams cad mu med pa'i phyir shes rab kyi pha rol tu phyin pa mu med par rjes su rig par bya'o/ /chos thams cad mu med pa'i phyir shes rab kyi pha rol tu phyin pa mu med par rjes su rig par bya'o/ /stong pa nyid

mu med pa'i phyir shes rab kyi pha rol tu phyin pa mu med par rjes su rig par bya'o/ /sems dang sems las byung pa mu med pa'i phyir shes rab kyi pha rol tu phyin pa mu med par rjes su rig par bya'o/ /sems kyi spyod pa mu med pa'i phyir shes rab kyi pha rol tu phyin pa mu med par kyi pha rol tu phyin pa mu med par

@259b rjes su rig par bya'o/ /dge ba dang mi dge ba'i chos tshad med pa'i phyir shes rab kyi pha rol tu phyin pa tshad med par rjes su rig par bya'o/ /seng ge'i sgra skrogs pa'i phyir shes rab kyi pha rol tu phyin par rjes su rig par bya'o/ /chos thams cad la 'khrug pa med pa'i phyir shes

rab kyi pha rol tu phyin pa 'khrug pa med par rjes su rig par bya'o/ /de ci'i phyir zhes na/ rab 'byor gzugs ni rgya mtsho dang mtshungs pa'o/ /de bzhin du rab 'byor tshor ba dang 'du shes dang 'du byed rnams dang rnam par shes pa ni rgya mtsho dang mtshungs pa'o/ /gzugs

ni nam mkha' dang mtshungs pa'o/ /de bzhin du tshor ba dang 'du shes dang 'du byed rnams dang rnam par shes pa ni nam mkha' dang mtshungs pa'o/ /gzugs ni ri rab sna tshogs dang mtshungs pa'o/ /de bzhin du tshor ba dang 'du shes dang / 'du byed rnams dang

rnam par shes pa ni ri rab sna tshogs dang mtshungs pa'o/ /gzugs ni mu med pa dang mtshungs pa'o/ /de bzhin du tshor ba dang 'du shes dang 'du byed rnams dang rnam par shes pa ni mu med pa dang mtshungs pa'o/ /gzugs ni nyi ma'i dkyil 'khor gyi 'od zer 'byung ba dang

mtshungs pa'o/ /de bzhin du tshor ba dang 'du shes dang 'du byed rnams dang rnam par shes pa ni nyi ma'i dkyil 'khor gyi 'od zer 'byung ba dang mtshungs pa'o/ /gzugs ni sgra thams cad mu med pa dang mtshungs pa'o/ /de bzhin du tshor ba dang 'du shes dang 'du byed rnams

dang rnam par shes pa ni sgra thams cad mu med pa dang mtshungs pa'o/ /gzugs ni sangs rgyas kyi chos thams cad yang dag par sgrub ba mu med pa dang mtshungs pa'o/ /de bzhin du tshor ba dang 'du shes dang 'du byed rnams dang rnam par shes pa ni sangs rgyas kyi chos thams cad

yang dag par sgrub pa mu med pa dang mtshungs pa'o/ /gzugs ni sems can gyi khams thams cad kyi bsod rnams dang ye shes kyi tshogs mu med pa dang mtshungs pa'o/ /de bzhin du tshor ba dang 'du shes dang 'du byed rnams dang rnam par shes pa ni sems can gyi khams

@260a */ /thams cad kyi bsod nams dang ye shes kyi tshogs mu med pa dang mtshungs pa'o/ /gzugs ni sa dang mtshungs pa'o/ /de bzhin du tshor ba dang 'du shes dang 'du byed rnams dang rnam par shes pa ni sa dang mtshungs pa'o/ /gzugs ni chu dang mtshungs pa'o/ /

de bzhin du tshor ba dang 'du shes dang 'du byed rnams dang rnam par shes pa ni chu dang mtshungs pa'o/ /gzugs ni sa dang mtshungs pa'o/ /de bzhin du tshor ba dang 'du shes dang 'du byed rnams dang rnam par shes pa ni me dang mtshungs pa'o/ /gzugs ni rlung dang mtshungs pa'o/ /

de bzhin du tshor ba dang 'du shes dang 'du byed rnams dang rnam par shes pa ni rlung dang mtshungs pa'o/ /gzugs ni nam mkha' dang mtshungs pa'o/ /de bzhin du tshor ba dang 'du shes dang 'du byed rnams dang rnam par shes pa ni nam mkha' dang mtshungs pa'o/ /gzugs

ni rnam par shes pa dang mtshungs pa'o/ /de bzhin du tshor ba dang 'du shes dang 'du byed rnams dang rnam par shes pa dang mtshungs pa'o/ /gzugs ni dge ba dang mi dge ba'i chos bsags pa dang bral ba'o/ /de bzhin du tshor ba dang 'du sehs dang 'du

byed rnams dang rnam par shes pa ni dge ba dang mi dge ba'i chos bsags pa dang bral ba'o/ /gzugs ni chos thams cad bsags pa dang bral ba'o/ /de bzhin du tshor ba dang 'du shes dang 'du byed rnams dang rnam par shes pa ni chos thams cad bsags pa dang bral

ba'o/ /gzugs ni chos thams cad ting nge 'dzin mu med pa dang mtshungs pa'o/ /de bzhin du tshor ba dang 'du shes dang 'du byed rnams dang rnam par shes pa ni chos thams cad ting nge 'dzin mu med pa dang mtshungs pa'o/ /gzugs ni bral ba ste gzugs kyi ngo bo nyid dang gzugs

kyi de bzhin nyid ni sangs rgyas kyi chos so/ /de bzhin du tshor ba dang 'du shes dang 'du byed rnams dang rnam par shes pa ni bral ba ste rnam par shes pa'i ngo bo nyid dang rnam par shes pa'i de bzhin nyid ni sangs rgyas kyi chos so/ /gzugs ni chos thams cad mu med pa'i chos

@260b nyid do/ /de bzhin du tshor ba dang 'du shes dang 'du byed rnams dang rnam par shes pa ni chos thams cad mu med pa'i chos nyid do/ /gzugs ni stong pa mu med pa'i chos nyid do/ /de bzhin du tshor ba dang 'du shes dang 'du byed rnams dang rnam par shes pa ni stong pa mu

med pa'ij chos nyid do/ /gzugs ni sems dang sems las byung ba mu med pa'o/ /de bzhin du tshor ba dang 'du shes dang 'du byed rnams dang rnam par shes pa ni sems dang shes las byung ba mu med pa'o/ /gzugs ni sems kyi spyod pa las byang ba'o/ /de bzhin

du tshor ba dang 'du sehs dang 'du byed rnams dang rnam par sehs pa ni sems kyi spyod pa las byung ba'o/ /gzugs ni dge ba dang mi dge ba dang mi dmigs pa'i bar du'o/ /de bzhin du tshor ba dang 'du sehs dang 'du byed rnams dang rnam par shes pa ni dge ba dang mi dge ba dang mi

dmigs pa'i rab du'o/ /gzugs ni seng ge'i sgra dang mtshungs pa'o/ /de bzhin du tshor ba dang 'du shes dang 'du byed rnams dang rnam par shes pa ni seng ge'i sgra dang mtshungs pa'o/ /gzugs ni 'khrug pa med pa'o/ /de bzhin du tshor ba dang 'du shes dang 'du byed

rnams dang rnam par shes pa ni 'khrug pa med pa'o/ /rab 'byor de ltar na byang chub sems dpa' sems dpa' chen pos shes rab kyi pha rol tu phyin par rjes su rig par bya'o/ /rab 'byor gang gi tshe byang chub sems dpa' sems dpa' chen pos shes rab kyi pha rol tu phyin

pa de ltar rjes su rig par byed pa dang rnam par dbyod pa dang 'jug pa dang rtogs par byed pa dang sems pa dang 'jal ba dang nyi bar rtog pa dang/ sgyu dang gyo thams cad rnam par spangs pa'i yed la byed pa dang le lo thams cad rnam par spangs pa'i yid la byed pa dang

rlom sems thams cad rnam par spangs pa'i yid la byed pa dang bdag stong pa rnam par spangs pa'i yid la byed pa dang gzhan la smod pa rnam par spangs pa'i yid la byed pa dang bdag tu 'du shes rnam par spangs ba'i yid la byed pa dang sems can du 'du shes rnam par

@261a */ /spangs pa'i yid la byed pa dang rnyed pa dang bkur sti dang tshigs su bcad pa rnam par spangs pa'i yid la byed pa dang sgrib pa lnga rnam par spangs pa'i yid la byed pa dang phrag dog dang ser sna rnam par spangs pa yid la byed pa dang skye bo thams cad spangs pa'i yid

la byed pa dag gis sgom par 'gyur pa de'i tshe de la yon tan thams cad yongs su rdzogs pa dang sangs rgyas kyi zhing bla na med pa dang sangs rgyas kyi chos rnams yongs su rdzogs pa rnyed dka' bar mi 'gyur ro/ /'phags pa shes rab kyi pha rol tu phyin pa brgyad stong pa

las rjes su rig pa'i le'u zhes bya ste nyi shu rtsa dgu pa'o//