Dhahuna
Title: /nges don phyag rgya chen po’i gnad gdams rang rig gcer thong zhes bya ba bzhugs so/
by the 15th Karmapa mkha’ khyab rdo rje, 1871-1922
[1b1] /gu ru badzra dhA ra ye/ rang rig ye shes ston mdzad pa’i/ /bla ma dpal ldan rdo rje ‘chang/ /kun byed rgyal po der btud nas/ /phyag rgya chen po’i man ngag bshad/ /rgyal ba mi yi khyu mchog nges [des?]/ /rnam par grol ba’i gnas ston phyir/ kham dbang mos pa tha dad pa’i/ /blo dang ‘tshams pa’i chos kyi sgo/ /bsam yas theg pa gang bstan pa/ /tshig ‘bru tha dang don gcig pa’i/ /mthar thug nges don phyag rgya che’i/ /gdams ngag nyams su len ‘dod pas/ /sbyor dngos rjes kyis nyams su blangs/ /sbyor ba sngon du ‘gro ba’i chos/ /dal ‘byor rnyed dka’ ‘jig sla zhing/ /rgyu ‘bras mi bslu ‘khor ba’i gnas/ /thams cad sdug bsngal yin shes pa’i/ /zhen log nges ‘byung shugs drag pos/ /blo rgyud dam pa’i chos la bkol/ /nges par srid las sgrol ba’i skyabs/ /mchog gsum rtsa ba gsum la zhu/ /srog phyir mi gtong g.yar dam dang/ /khyed shes yid ches snying nas bskyed/ /’khor ba’i sdug bsngal shes pa yis/ /pha mar gyur ba’i sems can la/ /bzod med snying rjes drang pa yi/ /byang chub sems gsum rtag tu bsgom/ /ye shes mngon du byed pa’i gegs/ /sdig sgrib bshags pa’i [2a1] cho ga dang/ /zab don rgyud la skye ba’i grogs/ /bsod nams bsags pa’i thams la ‘bad/ /dngos gzhi lta sgom spyod ‘bras bzhi/ /dmigs yul ‘ben la gtod pa ni/ /lta pa [ba?] gzhi yi phyag rgya che/ /gdod nas ‘khor ‘das mnyam nyid dbyings/ /mi ‘gyur dri med spros mtshan bral/ /’dus ma byas pa kun la khyab/ /ngag dang yid kyi lam las ‘das/ /rang rig ye shes spyod yul che/ /bsod nams tshogs dang thos pa’i stobs/ /phyin ci ma log grub pa’i ngag/ /byin rlabs mthu yis kun chub bya/ /sgom pa nyams len gnad kyi lam/ /gal chung bya ba dgu phrugs btang/ /yid bzhin nor bu bla ma rjer/ /ngo lkog meg pa’i dad gsum dang/ /bcos ma min pa’i mos gus kyis/ /phur tshugs gsol btab dbang bzhi blangs/ /thug yis bsres la gnyug ma’i gshis/ /ma bcos so ma lhug par shog /re dogs dus gsum spros pa chod/ /zhi gnas tshad la phebs par bsgrub/ /gang shar ngo bo shar grol skyongs/ /lhag mthong mtshon gyis gzhi rtsa chod/ /ma yengs rig pa rjen la phud/ /ma bsgom gtad med yangs par glod/ /bde gsal mi rtog ro ma myong/ /stong nyams gshis la shor mi ‘tshal/ /snang nyams rtsi la zhen pa thongs/ [2b1] /bzhi cha gsum bral ngo bo ltos/ /mnyam rjes med par nyams su longs/ /bgrod du med pa’i rang gnas pa/ /sangs rgyas ye shes g.yer bo che/ /chos kun mthar thug rdzogs pa che/ /mtha’ bral phyag rgya chen po’o/ /spyod pa yengs med chu rgyun dang/ /gang shar thug phrad lam du khyer/ /dam tshig yid bzhin nor bu bsrung/ /stong nyid snying rje’i ngo bo can/ /byang chub sems la ‘dris bar mdzod/ /’bras bu ‘khor ba spang du med/ /myang ‘das zhi ba bsgrub tu med/ /gzung ‘dzin ‘khrul sgrib rang sar dag /rang rig rang sa zin pa ni/ /’bras bu phyag rgya chen por btags/ /rjes rim gegs sel bogs ‘don ni/ /dge sbyor grim lhod ran par skyongs/ /goms nas thun mtshams med par slob/ /nga rgyal spong la grub rtags spos/ /chos brgyad thal ba rlung la skur/ /bdag ‘dzin brtod phur drungs nas phyungs/ /tshogs drug yul ’dzin shes par spur/ /khyad par rtsa ba’i bla ma ni/ /sangs rgyas kun ‘dus spyi bor bsgom/ /mtshan nas ‘bod cing gsol ba thob/ /gdung ba’i bskul bas rje btsun mgon/ /tshangs pa’i lam nas snying gar [kar?] byon/ /bde chen ‘od du ‘bar ba’i gzis/ /rgyal ba thams cad sku la bsdus/ /rdo rje gsum ‘od snang ba ches/ /sgo gsum sbyangs pas zag med [3a1] kyi/ /bde chen ‘bar ba’i mos gus mthus/ /bla ma ‘od zhu rang thim pa’i/ /thugs yid bsres lam nyam par bzhag /thun tshams snang grags chos thams cad/ /khyer so gsum gyi phyag rgya thob/ /mos gus dkar po chig thub ‘di/ /gdams ngag kun gyi snying po yin/ /gang gis drin gyis phyag rgya che/ /skad cig gis rtogs thabs ‘di kas/ /gegs sel bogs thon mchog dngos ‘grub/ /de phyir bcos ma’i mos gus la/ /gnad du bsnun pas don kun ‘grub/ /grol lam phyag rgya chen po’i khrid/ /nyams len nus na mdo sngags rgyud/ /grub pa’i lung chen mtha’ yas pas/ /rgya mtsho’i ‘gram na khron pa bzhin/ /byed pa ngal [dal?] ba nyid mod kyang/ /sgom chen phrin las chos ‘phel nas/ /nan tan chen pos bskul ba’i ngor/ /mi ljog slad du spel ba po/ /mkha’ khyab rdo rjes mtshur mdo yi/ /dben khrod chen mor sbyar ba dge/ //