Prajnaparamita in Eight Thousand Verses Tibetan Translation Chapter 7

//shes rab kyi pha rol tu phyin pa brgyad stong pa/ bam po bdun pa/ de nas gnas brtan tshe dang ldan pa rab 'byor gyis byang chub sems dpa' sems dpa' chen po byams pa la 'di skad ces smras so/ /

byams pa sems gang gis rjes su yi rang nas gang yongs su sngo bar byed pa'i sems de yang zad cing 'gags par gyur la bral zhing rnam par gyur pa yin te/ des na gang gis bla na med pa yang dag par rdzogs pa'i byang chub tu yongs su sngo bar byed pa'i sems de gang zhig yin/ rjes su yi rang

pa dang ldan pa'i bsod nams bya ba'i dngos po gang bla na med pa yang dag par rdzogs pa'i byang chub tu yongs su sngo bar byed pa'i sems de yang gang yin la/ /gang gi tshe sems gnyis phrad pa med pa dang sems de rang bzhin gyis yongs su bsngo bar yang mi nus na/ sems kyis sems yongs su

bsngo bar nus par yang ci ltar 'gyur/ de nas lha rnams kyi dbang po brgya byin gyis gnas brtan tshe dang ldan pa rab 'byor la 'di skad ces smras so/ /'phags pa rab 'byor theg pa la gsar du zhugs pa'i byang chub sems dpa' sems dpa' chen po de dag gis bstan pa 'di thos nas dngang

@79a */ /zhing kun tu skrag la kun tu skrag pa dang ldan par gyur na mi rung ngo/ /'phags pa rab 'byor yang ci ltar byang chub sems dpa' sems dpa' chen pos rjes su yi rang ba dang ldan pa'i bsod nams bya ba'i dngos po de bla na med pa yang dag par rdzogs pa'i byang chub tu yongs su

bsngo bar bya/ rjes su yi rang ba dang ldan pa'i bsod nams bya ba'i dngos po yongs su 'dzin pa dang rjes su yi rang ba dang ldan pa'i sems yongs su sngo bar byed pas ji ltar rjes su yi rang ba dang ldan pa'i sems de legs par yongs su bzung zhing legs par yongs su bsngos par 'gyur/

de nas gnas brtan tshe dang ldan pa rab 'byor gyis byang chub sems dpa' sems dpa' chen po byams pa la brtsams shing byang chub sems dpa' sems dpa' chen po byams pa gzhir byas te byang chub sems dpa' sems dpa' chen po byams pa la smras pa/ byams pa 'di la byang chub

sems dpa' sems dpa' chen pos phyogs bcu'i 'jig rten na stong gsum gyi stong chen po'i 'jig rten gyi khams gzhal du med cing grangs med pa yod pa'i phyogs re re'i stong gsum gyi stong chen po'i 'jig rten gyi khams re rer yang 'das pa'i sangs rgyas bcom ldan 'das lam chad pa 'jug pa

chad pa spros pa dang srid par 'dren pa chad ba mchi ma zad ba tsher ma bcom pa khur shin tu bor ba bdag gi don rjes su thob pa srid par sbyor ba yongs su zad ba yang dag par kun shes pas sems shin tu rnam par grol ba sems thams cad kyi dbang dam pa'i pha rol tu son pa gzhal du med cing grangs med

pa yongs su mya ngan las 'das par gyur pa'i sangs rgyas bcom ldan 'das de dag gi sems dang po bskyed pa nas bzung ste/ bla na med pa yang dag par rdzogs pa'i byang chub mngon par rdzogs par sangs rgyas pa'i bar dang/ phung po lhag ma med pa'i mya ngan las 'das pa'i dbyings su

yongs su mya ngan las 'das pa'i bar dang / dam pa'i chos nub par ma gyur pa'i bar te/ de dag gi bar gyi sangs rgyas bcom ldan 'das de dag gi dge ba'i rtsa ba pha rol tu phyin pa dang ldan pa gang yin pa rnams dang / sangs rgyas bcom ldan 'das de dag gi bsod nams

@79b mngon par 'du byed pa dang dge ba'i rtsa ba mngon par 'du byed pa gang yin pa rnams dang sangs rgyas bcom ldan 'das de dag gi tshul khrims kyi phung po dang ting nge 'dzin gyi phung po dang shes rab kyi phung po dang rnam par grol ba'i phung po dang rnam par grol ba'i ye shes gzigs pa'i phung po

gang yin pa rnams dang / phan par bzhed pa gang yin pa dang byams pa chen po gang yin pa dang snying rje chen po gang yin pa dang sangs rgyas kyi yon tan gzhal du med cing grangs med pa gang yin pa rnams dang / sangs rgyas bcom ldan 'das de dag gis chos gang bshad pa dang /

chos de la gang gis bslabs pa dang lhag par mos pa dang gnas pa de dag gi dge ba'i rtsa ba gang yin pa rnams dang / sangs rgyas bcom ldan 'das de dag gis byang chub sems dpa' sems dpa' chen po gang dag bla na med pa yang dag par rdzogs pa'i byang chub tu lung bstan

ba de dag gi dge ba'i rtsa ba pha rol tu phyin pa drug dang ldan pa gang yin pa rnams dang / sangs rgyas bcom ldan 'das de dag gis gang zag rang sangs rgyas kyi theg pa can gang dag rang byang chub tu lung bstan pa de dag gi dge ba'i rtsa ba gang yin pa rnams dang / gang zag nyan

thos kyi theg pa can dag gi sbyin pa las byung ba'i dge ba'i rtsa ba dang tshul khrims las byung ba'i dge ba'i rtsa ba dang bsgoms pa las byung ba'i dge ba'i rtsa ba dang slob pa'i zag pa med pa'i dge ba'i rtsa ba gang yin pa rnams dang mi slob pa'i zag pa med pa'i dge ba'i rtsa ba gang yin pa rnams

dang/ chos de la so so'i skye bo gang dag gis dge ba'i rtsa ba bskrun pa dang / lha dang klu dang gnod sbyin dang dri za dang lha ma yin dang nam mkha' lding dang mi 'am ci dang lto 'phye chen po dang mi dang mi ma yin pa gang dag gis chos de thos te thos nas kyang dge ba'i rtsa ba bskrun pa dang /

byol song gi skye gnas su song ba'i sems can gang dag gis chos de thos te thos nas kyang dge ba'i rtsa ba bskrun pa dang / sems can gang dag gis sangs rgyas bcom ldan 'das yongs su mya ngan las 'da' ba dang yongs su mya ngan las 'das pa de dag la dge ba'i rtsa ba bskrun

@80a */ /pa ste; de dag thams cad kyi dge pa'i rtsa ba gang dag yin pa de dag thams cad gcig tu bsdus te bsdoms shing gzhal nas ma lus par byas te/ rjes su yi rang bar bya ba ma lus pa la rjes su yi rang nas/ rjes su yi rang ba dang ldan pa'i bsod nams bya ba'i

dngos po de bla na med pa yang dag par rdzogs pa'i byang chub tu yongs su bsdos na yongs su sngo bar byed pa'i byang chub sems dpa' sems dpa' chen po ci ltar 'du shes phyin ci log tu mi 'gyur sems phyin ci log tu mi 'gyur lta ba phyin ci log tu mi 'gyur/ de skad ces smras pa dang / byang chub

sems dpa' sems dpa' chen po byams pas gnas brtan tshe dang ldan pa rab 'byor la 'di skad ces smras so/ /'phags pa rab 'byor gal te byang chub sems dpa' sems dpa' chen pos sems gang gis gang yongs su bsngo pa'i sems de la sems su 'du shes par ma gyur na de

ltar na byang chub sems dpa' sems dpa' chen pos rjes su yi rang ba dang ldan pa'i bsod nams bya ba'i dngos po bla na med pa yang dag par rdzogs pa'i byang chub tu yongs su bsngos ba yin no/ /ci ltar sems de la sems de 'di yin no zhes yang dag par mi shes pa de ltar byang chub

sems dpa' sems dpa' chen po'i 'du shes phyin ci log par mi 'gyur sems phyin ci log par mi 'gyur lta ba phyin ci log par mi 'gyur ro/ /de ste sems gang gis gang yongs su bsngo ba'i sems de la sems de ni 'di yin no zhes yang dag par shes shing/ sems su 'du

shes par gyur na de ltar na byang chub sems dpa' sems dpa' chen po'i 'du shes phyin ci log pa dang sems phyin ci log pa dang lta ba phyin ci log par 'gyur ro/ /gal te yang byang chub sems dpa' sems dpa' chen pos sems gang yongs su bsngo ba'i sems de la 'di ltar yang

dag par shes shing 'di ltar sems te/ sems de la sems pa na 'di ltar zad pa la zad pa'o zhes de ltar yang zad par shes la 'gags pa dang bral ba dang rnam par gyur pa yin no zhes de ltar shes te gang zad pa de yang yongs su bsngo bar mi nus la/ sems gang gis yongs su

@80b bsngo ba'i sems de'i chos nyid kyang de yin/ chos gang dag gis yongs su bsngo ba'i chos de dag gi chos nyid kyang de yin/ chos gang dag tu yongs su bsngo ba'i chos de dag gi chos nyid kyang de yin no zhes gal te de ltar yongs su bsngo na yang dag par yongs su bsngo ba yin gyi log

par yongs su bsngo ba ma yin te/ de ltar byang chub sems dpa' sems dpa' chen pos yongs su bsngo bar bya'o/ /'phags pa rab 'byor gzhan yang byang chub sems dpa' sems dpa' chen pos 'das pa ci lta ba de bzhin dum byon pa'i sangs rgyas bcom ldan 'das la ma mchad

pa 'jug pa chad pa spros pa dang srid par 'dren pa chad pa gzhal du med cing grangs med ba de dag gi sems dang po bskyed pa nas bzung ste/ bla na med pa yang dag par rdzogs pa'i byang chub mngon par rdzogs par 'tshang rgya bar 'gyur pa'i bar dang/ phung po lhag ma med pa'i mya

ngan las 'das pa'i dbyings su yongs su mya ngan las 'da' bar 'gyur ba'i bar dang / dam pa'i chos nub par mi 'gyur pa'i bar te/ de dag gi bar gyi sangs rgyas bcom ldan 'das rnams kyi pha rol tu phyin pa dang ldan pa'i dge ba'i rtsa ba gang yin pa rnams dang / sangs

rgyas bcom ldan 'das de dag gi tshul khrims kyi phung po dang ting nge 'dzin gyi phung po dang shes rab kyi phung po dang rnam par grol ba'i phung po dang rnam par grol ba'i ye shes gzigs pa'i phung po gang yin ba rnams dang / phan par bzhed pa gang yin pa dang byams pa chen po gang yin pa

dang snying rje chen po gang yin pa dang sangs rgyas kyi yon tan gzhal du med cing grangs med pa gang yin pa rnams dang / sangs rgyas bcom ldan 'das de dag gis chos gang 'cad par 'gyur ba rnams dang chos de la slob par 'gyur ba gang yin pa rnams dang / lhag par

mos par 'gyur pa rnams dang gnas par 'gyur ba de dag gi dge ba'i rtsa ba gang yin pa rnams dang/ sangs rgyas bcom ldan 'das de dag gis byang chub sems dpa' gang dag bla na med pa yang dag par rdzogs pa'i byang chub tu lung ston par 'gyur ba de dag gi pha rol tu phyin pa drug

@81a */ /dang ldan pa'i dge ba'i rtsa ba gang yin pa rnams dang / sangs rgyas bcom ldan 'das de dag gis gang zag rang sangs rgyas kyi theg pa can dag rang sangs rgyas kyi byang chub la lung ston par 'gyur ba de dag gi dge ba'i rtsa ba gang yin pa rnams dang / gang

zag nyan thos kyi theg pa can rnams kyi sbyin pa las byung ba'i bsod nams bya ba'i dngos po dang tshul khrims las byung ba'i bsod nams bya ba'i dngos po dang bsgoms pa las byung ba'i bsod nams bya ba'i dngos po gang yin pa rnams dang slob pa'i zag pa med pa'i dge ba'i rtsa ba gang

yin pa rnams dang mi slob pa'i zag pa med pa'i dge ba'i rtsa ba gang yin pa rnams dang / chos de la so so'i skye bo gang dag gis dge ba'i rtsa ba bskrun par 'gyur ba dang / gang yang lha dang klu dang gnod sbyin dang dri za dang lha ma yin dang nam mkha' lding dang mi 'am ci dang lto 'phye chen

po dang mi dang mi ma yin pa gang dag gis chos de thos par 'gyur ba dang thos nas kyang dge ba'i rtsa ba bskrun par 'gyur ba dang / gang yang byol song gi skye gnas su song ba'i sems can gang dag gis kyang chos de thos par 'gyur pa dang thos nas kyang dge ba'i rtsa ba dag bskrun par

'gyur ba dang / sems can gang dag gis sangs rgyas bcom ldan 'das yongs su mya ngan las 'da' ba dang / yongs su mya ngan las 'das pa de dag la dge ba'i rtsa ba bskrun par 'gyur ba de dag thams cad kyi dge ba'i rtsa ba gang dag yin pa de dag thams cad gcig tu bsdus te

bsdoms shing gzhal nas ma lus par byas te/ rjes su yi rang bar bya ba ma lus pa la rjes su yi rang nas rjes su yi rang ba dang ldan pa'i bsod nams bya ba'i dngos po de bla na med pa yang dag par rdzogs pa'i byang chub tu yongs su sngo bar byed pa'i byang chub sems dpa' sems dpa'

chen po ci ltar 'du shes phyin ci 'og tu mi 'gyur sems phyin ci log tu mi 'gyur lta ba phyin ci log tu mi 'gyur zhe na/ gal te byang chub sems dpa' sems dpa' chen po de sems gang gis gang yongs su bsngo ba'i sems de la sems su 'du shes par mi 'gyur na de ltar na byang chub

@81b sems dpa' sems dpa' chen pos rjes su yi rang ba dang ldan pa'i bsod nams bya ba'i dngos po bla na med pa yang dag par rdzogs pa'i byang chub tu yongs su bsngos pa yin no/ /ci ltar sems de la sems de 'di yin no zhes yang dag par mi shes pa de ltar byang chub sems dpa' sems dpa'

chen po 'du shes phyin ci log par mi 'gyur sems phyin ci log par mi 'gyur lta ba phyin ci log par mi 'gyur ro/ /de ste sems gang gis gang yongs su bsngo ba'i sems de la sems de ni 'di yin no zhes yang dag par shes shing sems su 'du shes par mi gyur na/ de ltar na byang chub sems

dpa' sems dpa'i chen po'i 'du shes phyin ci log par dang sems phyin ci log par dang lta ba phyin ci log par 'gyur ro/ /gal te byang chub sems dpa' sems dpa' chen po sems gang yongs su bsngo ba'i sems de la 'di ltar shes shing 'di ltar sems te/ sems de la sems pa na de

ltar zad pa la zad pa'o zhes de ltar yang dag par shes shing 'gags pa dang bral ba dang rnam par gyur pa yin no zhes de ltar shes te/ gang zad pa de yang yongs su bsngo bar mi nus sems gang gis yongs su bsngo ba'i sems de'i chos nyid kyang de yin chos gang dag gis yongs su bsngo

ba'i chos de dag gi chos nyid kyang de yin/ chos gang dag tu yongs su bsngo ba'i chos de dag gi chos nyid kyang de yin no zhes gal te de ltar yongs su bsngo na yang dag par yongs su bsngo ba yin gyi log par yongs su bsngo ba ma yin te de ltar byang chub sems dpa' sems dpa' chen pos

yongs su bsngo par bya'o/ /'phags pa rab 'byor gzhan yang byang chub sems dpa' sems dpa' chen pos stong gsum gyi stong chen po'i 'jig rten gyi khams gzhal du med cing grangs med pa rnams na da ltar byung ba'i sangs rgyas bcom ldan 'das lam cad pa 'jug pa cad pa spros pa dan srid

par 'dren pa cad pa gzhal du med cing grangs med pa bzhigs te 'tsho zhing gzhes pa rnams kyi sems dang po bsked pa nas bzung ste/ bla na med pa yang dag par rdzogs pa'i byang chub mdon par rdzogs par rdzogs par sangs rgyas pa'i bar dagn / phung po lhag ma med pa'i mya ngan las 'das pa'i dbyings

@82a */ /su mya dan las 'da' ba'i bar dang / dam pa'i chos ma nub pa'i bar te/ de dag gi bar gyi sangs rgyas bcom ldan 'das de rnams kyi pha rol tu phyin pa dang ldan pa'i dge ba'i rtsab gang yin pa rnams dang / sangs rgyas bcom ldan 'das de dag gi tshul khrims kyi

phung po dang ting nge 'dzin gyi phung po dang shes rab kyi phung po dang rnam par grol ba'i phung po dang rnam par grol ba'i ye shes gzegs pa'i phung po gang yin pa rnams dang / phan par bzhed pa gang yin pa dang / byams pa chen po gang yin pa dang snying rje chen po gang yin pa dang sangs rgyas kyi

yon tan gzhal du med cing grangs med pa gang yin pa rnams dang / sangs rgyas bcom ldan 'das de dag gi chos gang bshad pa dang / chos de la gang gyis bslabs pa dnag lhang par mos pa dang gan pa de dag gi dge ba'i rtsa ba gang yin pa rnams dang / sangs rgyas bcom

ldan 'das de dag gis byang chub sems dpa' sems dpa' chen po gang dag blan med pa yang dag par rdzogs pa'i byang chub tu lung ston pa de dag gi pha rol tu phyin pa bdrug dang ldan pa'i dge ba'i rtsal gang yin pa rnams dang / sangs rgyas bcom ldan 'das de dag gis gang zag

rang sang rgyas kyi theg pa can dag rang sang rgyas kyi byang chub la lung ston pa de dag gi dge ba'i rtsa ba gang yin pa rnams dang / gang zag nyan thos kyi theg pa can rnams kyi sbyen pa las byung ba'i bsod nams bya ba'i dngos po dang tshul khrims las byung ba'i bsod nams bya ba'i dngos po dang bskoms

pa las byung ba'i bsod nams bya pa'i dngos po gang yin pa rnams dang / slob pa'i zag pa med pa'i dge pa'i rtsa ba gang yin pa rnams dang / mi slob pa'i zag pa med pa'i dge ba'i rtsa ba gang yin pa rnams dang / chos de la so so'i skye bo gang dag gis dge ba'i rtsa ba bskrun pa dang /

lta dang klu dang gnod sbyin dang dri za dang lha ma yin dang nam mkha' lding dang mi 'am ci dang lto 'phye chen po dang mi dang mi ma yin pa gang dag gis chos de thos te thos nas kyang dge ba'i rtsa ba bskrun pa dang / byol song gi skye gnas su song ba'i sems can gang dag gis chos de thos te thas nas kyang

@82b dge ba'i rtsa ba bskrun pa dang / gang dag gis sangs rgyas bcom ldan 'das de dag yongs su mya ngan las 'da' bga dang yongs su mya dan las 'das pa la dge b'i rtsa ba bskrun pa gang yin pa de dag thams cad kyi dge ba'i rtsa ba gang yin pa de dag thams cad gcig tu bsdus ni

bsngoms shing gzhal nas ma lus par byas te rjes su mi rang bar bya bam lus pal rjes su yi rang nas/ rjes su yi rang ba dang ldan pa'i bsod nams bya ba'i dngos po de blan med pa yang dag par rdzogs pa'i byang chub tu yongs su sngo bar byed pa'i byang chub sems dpa' sems dpa'

chen po ci ltar 'du shes phyin ci log tu mi 'gyur sems phyin ci log tu mi 'gyur lta ba phyin ci log tu mi 'gyur zhen/ gal te byang chub sems dpa' sems dpa'chen po de sems gang gis gang yongs su bsngo ba'i sems de la sems su 'du shes par mi 'gyur na/ de ltar byang chub

sems dpa' sems dpa' chen pos rjes su yi rang ba dang ldan pa'i bsod nams bya ba'i dngos po bla na med pa yang dag par rdzogs pa'i byang chub tu yongs su bsngos pa yin no; /ci ltar sems de la sems de ni 'di yin no zhes yang dag par mi shes pa de ltar byang chub sems dpa'

sems dpa' chen po 'du shes phyin ci log par mi 'gyur sems phyin ci log par mi 'gyur lta ba phyin ci log par mi 'gyur ro/ /de ste sems gang gis gang yongs su bsngo ba'i sems de la sems de ni 'di yin no zhes yang dag par shes shing sems su 'du shes par gyur na de ltar na

byang chub sems dpa' sems dpa' chen po'i 'du shes byin ci log pa dang sems phyin ci log par dang lta bas phyin ci log par 'gyur ro/ /yang gal te byang chub sems dpa' sems dpa' chin po sem gang yongs su bsngo ba'i sems de la 'di ltar shes sheng 'di ltar sems te/

sems de la sems pan de ltar zad pal zad pa'o zhes de ltar yang dag par shes shing/ 'gags pa dang ral ba dang rnam par gyar pa yin no zhes de ltar shes te gang zang ba de yang yongs su bsngo par mi dus/ sems gang ges yongs su bsngo ba'i sems de 'i chos nyid kyand de yin/

@83a */ /chos gang dag gis yongs su bsngo ba'i chos de dag gi chos nyid kyang de yin/ chos gang dag tu yongs su bsngo ba'i chos de dag gi chos nyid kyang da yin no zhes gal te de ltar yongs su bsdo na yang dag par yongs su bsngo ba yin gyi/ log par yongs su bsngo ba ma yin te/

de ltar byang chub sems dpa' sems dpa' chen pos yongs su bsngo bar bya'o/ /'phags pa rab 'byor gzhan yang byang chub sems dpa' sems dpa' chen pos 'das pa dang ma byon pa dang da ltar gyi sangs rgyas bcom ldan 'das lam chang pa 'jug pa chad pa spros pa dang srid par 'dren

pa chad pa gzhal tu med cing grangs med pa dag gi sems dang po bskyed pa nas bzung ste/ bla na med pa yang dag par rdzogs pa'i byang chub mngon par rdzogs par sangs rgyas pa dang mngon par rdzogs par 'tshang rgya bar 'gyur ba dag mngon par rdzogs par 'tshang rgya ba'i bar dang / phung po

lhag ma med pa'i mya ngan las 'das pa'i byings su yongs su mya dan las 'das pa dan yongs su mya ngan las 'da' bar 'gyur bga dang yongs su mya ngan las 'da' ba'i bar dang / dam pa'i chos ma nub pa dang nub par mi 'gyur ba dang nub par ma gyur pa'i bar te/ de dag gi bar gyi

sangs rgyas mcom ldan 'das de rnams kyi pha rol tu phyin pa'i dge pa'i rtsa ba gang yin pa rnams dang /sangs rgyas bcom ldan 'das de dag gi tshul khrims kyi phung po dang ting nge 'dzin gyi phung po

dang shes rab kyi phung po dang  rnam par grol ba'i ye shes

gzigs pa'i

phung po gang yin pa rnams dang / phan par bzhed pa gang yin pa dang byams pa chen po gang yin pa dang snying rje chen po gang yin pa dang sangs rgyas kyi yon tan gzhal du med cing grangs med pa gang yin pa rnams dang / sangs rgyas bcom ldan 'das de dag gis chos gang bshad pa dang 'chad

par 'gyur ba dang 'chad pa dang chos de dag la gang gis bslabs pa dang slob pa dang / mos pa dang mos par 'gyur ba dang mos par byed pa dang gnas pa dang gnas par 'gyur pa dang gnas par byed pa de dag gi dge ba'i rtsa ba gang yin pa rnams dang /

@83b sangs rgyas bcom ldan 'das de dag gis byang chub sems dpa' sems dpa' chen po gang dag bla na med pa yang dag par rdzogs pa'i byang cub tu lung bstan pa dang lung ston par 'gyur ba dnag lung ston pa de dag thams cang ci dge ba'i rtsa ba gang yin ba rnams dang / sangs rgyas

bcom ldan 'das de dag gis gang zag rang sang rgyas kyi theg pa can gang dag rang byang chub la lung bstan pa dang lung ston par 'gyur ba dang lung ston pa de dag thams cad kyi dge ba'i rtsa ba gang yin pa rnams dang / gang zag nyan thos kyi theg pa can rnams kyi sbyin pa las byung

ba'i dge ba'i rtsa ba dang tshul khrims las byunb ba'i dge ba'i rtsab dang bsgoms pa las byung ba'i dge ba'i rtsa ba gang yin pa rnams dang slob pa'i zag pa med pa'i dge ba'i rtsa ba gang yin pa rnam dang mi slob pa'i zag pa med pa'i dge ba'i rtsa ba gang yin pa rnams dang / chos de la so so'i

skye bo gang dag gis dge ba'i rtsa ba bskrun ba dang skrun par

'gyur ba dang skrun pa dang / lha dang klu dang gnod sbyin dang dri za dang lha ma yin dang nam mkha' ldid dang mi 'am ci dang lto 'phye chen po dang mi dang mi ma yin pa gang dag gis kyang chos de thos par gyur pa dang thos par 'gyur ba dang

thos pa dang thos nas kyang dge ba'i rtsa ba bskyed pa dang sked par 'gyur ba dang skyed pa dang / byol song gi skye gnas su skyes pa'i sems can gang dag gis dam ba'i chos de thos par gyur pa dang thos par 'gyur ba dang thos pa dang thos nas kyang dge ba'i rtsa ba bskrun pa dang bskrun par 'gyur

ba dang skrun pa dang / sems can gang dag gis sangs rgyas bcom ldan 'das de dag yongs su mya dan las 'das pa dang yongs su mya can las 'da' bar 'gyur gba dang yongs su mya ngan las 'da' ba la dge ba'i rtsa ba bskrun pa dang skrun par 'gyur ba dang skrun pa de rnams thams cad

kyi dge ba'i rtsa ba gang yin pa de dag thams cad gcig tu bsdus te bsngoms shing gzhal nas ma lus par byas te rjes su yi rang bar bya bam lus pa la rjeds pa yi rang ba'i mchog gis rjes su yi rang ba dam pa dang gtso bo dang rab dang mchog rab dan gya nom pa dan blam dang bblan med pa dang /

@84a */ /gong na med pa dang mnyam pa med pa dang mi mnyam pa dang mnyam pa'i rjes su yi rang bas rjes su yi rang la de ltar rjes su yi rang nas rjes su yi rang ba dang lhan pa'i bsod nams bya ba'i dngos po bla na med pa yang dag par rdzogs pa'i byang chub tu yongs su bsngo 'o

zhes bla na med pa yang dag par rdzogs pa'i byang chub yongs su sgrub par gyur cig snyam pas dag tu rjod na byang chub sems dpa' chen po de ji ltar 'du shes phyin ci log tu mi 'gyur sems phyin ci log tu mi 'gyur lta ba phyin ci log tu mi 'gyur zhe na/ gal te yongs

su sngo bar byed pa 'di snyam du chos de dag ni zad pa 'gags pa bral ba rnam par gyur pa yin pas gang du chos de zad par mi 'gyur bar yings bsdo bar bgya'o zhes sems pa de ltan bla na med pa yang dag par rdzogs pa'i byang chub tu yongs su bsngos pa yin no/ /gal te yang 'di

ltar chos kyi ni chos yongs su mi sngo'o snyam du nye bar rtog pa de ltan yang bla na med pa yang dag par rdzogs pa'i byang chub tu yongs su bsngos pa yin te/ btsun pa rab 'byor de ltar yongs su bsngo ba'i byang chub sems dpa' sems dpa' chen po ni 'du shes phyin ci log tu mi 'gyur

sems phyin ci log tu mi 'gyur lta ba phyin ci log tu mi 'gyur ro/ /de ci'i phyir zhe na/ 'di ltar de ni yongs su bsngo ba de la mngon par zhen pa med do/ /gal te yang 'di snyam du sems kyis sems mi shes shing chos kyis chos mi shes so zhes yang dag par shes pa de ltan

yang bla na med pa yang dag par rdzogs pa'i byang chub tu yongs su bsngos pa yin te 'di ni byang chub sems dpa' sems dpa' chen po'i yongs su bsngo ba bla na med pa'o/ /gal te yang byang chub sems dpa' sems dpa' chen po de bsod nams mngon par 'du byed pa de shes na blan med

pa yang dag par rdzogs pa'i byang chub tu yongs su bsngos pa ma yin no/ /de ci'i phyir zhen/ 'di ltar de ni yongs su bsngo ba de la mngon par zhen pa'i phir ro/ /gal te yang de 'di snyam du bsod nams mngon par 'du byed pa de yang dben pa zhi ba'o rjes su yi rang ba dang ldan pa'i

@84b bsod nams bya ba'i dngos po gang yin pa de yang dben pa zhi pa'o zhes sems pa de lhar na bla na med pa yang dag par rdzogs pa'i byang chub tu yongs su bsngos pa yin no//gal te de 'du byed thams cad ni dben ba'o snyam du de ltar yang mi shes pa de ltar na 'de ni byang chub sems

dpa' sems dpa' chen po de'i shes rab kyi pha rol tu phyin pa yin no/ /gang yang sangs rgyas bcom ldan 'das yongs su mya ngan las 'das pa de dag gyi dge ba'i rtsa ba de ci 'dra ba ltar yogs su bsngo ba de dad de'i dge ba'i rtsa ba yang de 'dra ba nyid de/ gang gis de yongs su bsngos ba

de yang de 'i rigs can de 'i mtshan nyid can de'i ris su gtogs pa de'i rang bzhin can yin par gal te de ltar shes na bla na med pa yang dag par rdzogs pa'i byang chub tu yongs su bsngos pa ma yin no/ /de ci'i phyir zhe na/ sangs rgyas bcom ldan 'das rnams ni mtshan ma'i tshul

gyis yongs su bsngo ba gnang bar mi mdzad do/ /gang 'das pa de ni zad pa 'gags pa bral ba rnam par gyur pa'o/ /gang ma 'ogs pa de yang ma thob pa'o/ /da ltar byung ba de la ni gnas pa mi dmigs la/ gang mi dmigs pa de ni mtshan ma ma yin zhing yul ma yin par gal te

de ltar mtshan mar byed cing mi sems na bla na med pa yang dag par rdzogs pa'i byang chub tu yongs su bsngos pa ma yin no/ /de ste dran pa dang bral bas mtshan mar mi byed cign mi sems pa dang / dran pa dang bral ba 'am khong du ma chud pas yid la mi byed na de lta na yang bla na med pa yang dag

par rdzogs pa'i byang chub tu yongs su bsngos pa ma yin no/ /de ste btshan ma del sems shing btshan mar mi bye na de ltar na byang chub sems dpa' sems dpa' chen pos dge pa'i rtsa ba de blan med pa yang dag par rdzogs pa'i byang chub tu yongs su bsngos pa yin no//'di ltar byang chub

sems dpa' sems dpa' chen pos chen pos sems dpa' chen pos 'di la bslab par bya ste 'di ni byang chub sems dpa' sems dpa' chen po de'i thabs mkhas par rig par bya'o/ /gang thabs mkhas pa 'dis dge ba'i rtsa ba yongs su bsngo ba 'di ni thams cad mkhyen pa nyid la nye ba yin no/ /thabs

@85a */ /mkhas pa 'di la slob par 'dod pa'i byang chub sems dpa' sems dpa' chen pos ni shes rab kyi pha rol tu phyin pa 'di nyid rgyun mi 'chad par mnyan par bya gzung par bya bcang bar bya klag par bya kun chub par bya rab tu gdon par bya bstan par bya nye bar bstan par bya lung

dbog par bya kha ton du bya yongs su dri bar bya'o/ /de ci'i phyir zhe na/ shes rab kyi pha rol tu phyin pa la ma brten par thos pa dang mi ldan pas shes rab kyi pha rol tu phyin pa 'di yongs su bsngo ba'i bya ba 'di la 'jug mi nus so/ /de la gang 'di skad du shes rab kyi pha rol tu phyin pa

'di lam brten kyang bsod nams bya ba'i dngos po de bla na med par yang dag par rdzogs pa'i byang chub tu bsngo bar nus so zhes zer na/ de la de skad ma zer cig ces brjod par bya ba yin no/ /de ci'i phyir zhe na/ bdag gi dngos po de dag 'gags pa dang 'du byed de dag kyang

'gags pa ste zhi ba dben ba dmigs pa dang bral ba yin no/ /'on kyan gang zag de ni yang dag pa ji lta ba nyid la mtshan mar byas shing rnam par brtags nas yang dag pa ce lta ba bzhin ma yin pa la yang dag pa ji ltar bar 'du shes pas dmigs pa la mi dmigs par yongs su sngo bar

byed pa yin te/ do 'i dga ba'i rtsa ba de ltar bla na med pa yang dag par rdzogs pa'i byang chub tu yongs su bsngos pa yongs su bsngos ba ni sangs rgyas bcom ldan 'das rnams kyis gnang bar mi mdzad do/ /de ci'i phyir zhe na/ sangs rgyas bcom ldan 'das rnam kyi yongs su mya ngan las 'das pa la

mtshan mar byed cing rnam par rtog pa dang mya ngan las 'das pa la rnam par dmigs pa gang yin pa de nyid de'i dmigs pa chen po yin te/ de bzhin gshegs pa dgra bcom pa yang dag par rdzogs pa'i sangs rgyas rnams ni dmigs pa'i 'du shes can gyi yongs su bsngo pa don

chen po byed pa'o zhes mi gsung ngo / /de ci'i phyir zhe na/ yongs su bsngo ba de ni dug dang bcas shing zug rngu dang bcas pa yin no/ /'di lta ste dper na kha zas bzang po dug can zhig yod la de bzhin du de'i kha dog dang dri dang ro dang reg pa'i sgo nas 'dor par bya ba yang yin

@85b mod kyi/ 'on kyang dug dang bcas pa yin pas na mkhas pa rnams kyis yongs su spad par bya ba yin gyi yongs su longs sbyad par bya ba ma yin no/ /de nyid skyes bu byes pa'i rang bzhin can shes rab 'chal ba'i rang bzhin can gyis yongs su longs spyad par bsams te/ des zas de

za ba na de'i kha dog dang dri dang ro dang reg pa'i sgo nas myangs ba na bde bar byed la zhu ba'i tshe de la rnam par smin pa sdug bsngal bar 'gyur te de de'i gzhi las shi ba'am shi ba tsam gyi sdug bsngal du 'gyur ro/ /'phags pa rab 'byor de bzhin du 'di la kha ceg log par zen cing log

par rig pa dang log par kha ton byas pas legs par smras pa'i don ma shes shing don yang dag pa ci ltang bzhin du khong du ma chung ba dang /'di skad du rigs kyi bu khyed tshur sheg 'jig rten thams cad kyi 'jig rten gyi khams gzhal du med cing grangs med pa'i sangs rgyas bcom ldan

'das 'das pa dang ma 'ongs pa dang da ltar byung ba rnams kyi thugs dang po bskyed pa nas nye bar bzung nas bla na med pa yang dag par rdzogs pa'i byang chub mngon par rdzogs par sangs rgyas pa dang rgya bar 'gyur ba dang rgya ba'i bar dang phung po 'i lhag ma med pa'i mya ngan las 'das pa'i dbyings

su yongs su mya dan las 'das pa dang 'da' bar 'gyur ba dang 'dag' ba'i bar dang / dam pa'i chos nub bar ma gyur pa dang nub par mi 'gyur ba dang ma nub pa'i bar te/ bar de'i 'das pa dang ma byon pa dang da ltar byung ba'i sangs rgyas bcom ldan 'das rnams dang de dag gi nyan thos

rnams kyi tshul khrims kyi phung po dang ting nge 'dzin gyi phung po dang shes rab kyi phung po dang rnam par grol ba'i phung po dang rnam par grol ba'i ye shes gzegs pa'i phung po gang yin pa rnams dang / sangs rgyas bcom ldan 'das de dag gis byang chub sems dpa' sems dpa' chen

pho gang dag bla na med pa yang dag par rdzogs pa'i byang chub tu lung bstan pa dang / lung ston par 'gyur ba dang lung ston pa de dag gyis dge ba'i rtsa ba bskrun pa dan skrun par 'gyur ba dang skrun pa gang yin pa rnams dang / gang zag rang sang rgyas kyi theg pa can gang dag rang byang chub

@86a */ /tu lung bstan pa dang lung ston par 'gyur ba dang lung stan pa de dag gis dge ba'i rtsa ba bskrun pa dang skrun par 'gyur ba dang skrun pa gang yin pa rnams dang / nyan thos kyi theg pa can gyi gang zag gang dag nyan thos kyi byang chub tu lung bstan pa dang lung ston

'gyur ba dang lung ston pa de dag gis dge ba'i rtsa ba bskrun pa dang skrun par 'gyur ba dang skrun pa gang yin pa rnams dang / so so'i skye bo gang dag gis der dge ba'i rtsa ba bskrun pa dang skrun par 'gyur ba dang skrun pa gang yin pa rnams te/ de rnams thams cad kyi dge ba'i rtsa ba

de dag thams cad gcig tu bsdus shing bsngoms te gzhal nas ma lus par byas te ma lus pa la rjes su yi rang nas/ rjes su yi rang ba dang ldan pa'i bsod nams bya ba'i dngos po bla na med pa yang dag par rdzogs pa'i byang chub yongs su bsngo bar gyis shig ces 'doms

shing rjes su ston par 'gyur te/ de ltar yongs su bsngo ba de ni mtshan ma'i tshul gyis yongs su bsngo bas du gnyid du 'gyur te 'di lta ste dper na kha zas de dug dang bcas pa bzhin no/ /de ltar na dmigs pa'i 'du shes can la yongs su bsngo ba med do/ /de ci'i phyir zhe na/

dmigs pa ni dug dang bcas pa'o/ /de bas na gang zag byang chub sems dpa'i theg pa can gyis de ltar bslab par mi bya'o/ /yang des ci ltar bslab par bya zhing ci ltar 'das pa dang ma byon pa dang da ltar byung ba'i sangs rgyas bcom ldan 'das rnams kyi dge ba'i rtsa ba yongs su

gzung bar bya ba dang / ci ltar yongs su bzung na legs par yongs su gzung bar 'gyur zhing ji ltar yongs su bsngo bar bya ba dang ji ltar yongs su bsngos na bla na med pa yang dag par rdzogs pa'i byang chub tu legs par yongs su bsngos par 'gyur zhe na/ 'di la rigs kyi bu'am

rigs kyi bu mo byang chub sems dpa'i theg pa can de bzhin gshegs pa la skur pa mi gdab par 'dod pa des dge ba'i rtsa ba de dag thams cad 'di ltar rjes su yi rang bar bya zhing 'di ltar yongs su bsngo bar bya ste/ dge ba'i rtsa ba de ci ltar de bzhin gshegs pa dgra bcom pa yang dag

@86b par rdzogs pa'i sangs rgyas rnams kyis sangs rgyas kyi ye shes dang sangs rgyas kyi spyan gyis mkhyen cing gzigs pa dang / dge ba'i rtsa ba de rigs gang yin pa dang ris gar gtogs pa dang ci 'dra ba dang rang bzhin gang yin pa dang mtshan nyid gang yin pa dang chos nyid gang gis

yod pa de bzhin du rjes su yi rang zhing/ dge ba'i rtsa ba de ci ltar bla na med pa yang dag par rdzogs pa'i byang chub tu yongs su bsdos na de bzhin gshegs pa dgra bcom pa yang dag par rdzogs pa'i sangs rgyas de dag gis rjes su gnang ba de gzhin du bdag gis rjes su yi rang bar

bya'o snyam pa ste/ de ltar rjes su yi rang zhing de ltar yongs su sngo bar byed pa'i byang chub sems dpa' sems dpa' chen po ni sangs rgyas bcom ldan 'das rnams la gnod par mi 'gyur zhing / yang dag par rjes su yi rang bar byas pa dang dge ba'i rtsa ba de bla na med pa yang

dag par rdzogs pa'i byang chub tu legs par yongs su bsngos par 'gyur ba dang / de bzhin gshegs pa dgra bcom pa yang dag par rdzogs pa'i sangs rgyas de dag la skur pa mi 'debs pa yin te/ lhag pa'i bsam pas mos pas yongs su sngo bar byed pa de'i yongs

su bsngo ba de lta bu ni dug med pa'i yongs su bsngo ba yin yongs su bsngo ba chen po yin chos kyi dbyings kyi yongs su bsngo ba yin/ yongs su rdzogs shing shin tu yongs su rdzogs pa yin no/ /gzhan yang rigs kyi bu 'ma rigs kyi bu mo byang chub sems dpa'i theg pa can gyis/

tshul khrims gang yin pa dang ting de 'dzin gang yin pa dang shes rab gang yin pa dang rnam par grol ba gang yin pa dang rnam par grol ba'i ye shes gzigs pa gang yin pa ci ltar 'dod pa'i khams su mi gtogs gzugs kyi khams su mi gtogs gzugs med pa'i khams su mi

gtogs pa dang / 'das pa ma yin ma 'ongs pa ma yin da ltar byung ba yang ma yin pa de ltar yongs su bsngo bar bya'o/ /de ci'i phyir zhe na/ dus gsum dang khams gsum du ma gtogs pa'i phyir de gzhin du yongs su bsngo ba yang ma gtogs pa'o/ /tshes gang du yongs su

@87a */ /bsngo ba des yongs su bsngo ba'i chos de yang ma gtogs pa'o/ /gal te de ltar mos shing de ltar yongs su bsnga na byang chub sems dpa' sems dpa' chen po de ltar yongs su sngo bar byed pa de'i yongs su bsngo ba ni chud ma zos pa yin te ma gtogs pa'i yongs su

bsngo ba yongs su bsngo ba dug med pa yongs su bsngo ba chen po chos kyi dbyings kyi yongs su bsngo ba yongs su rdzogs shing ligs par yongs su rdzogs pa yin no/ /de ste yongs su bsngo ba de la mngon par chags shing mtshan mar byed na log par yongs su bsngo ba yin no/ /de

la byang chub sems dpa' sems dpa' sems dpa' chen po'o yongs su bsngo ba gang zhig dge ba'i rtsa bde ci ltar sangs rgyas bcom ldan 'das rnams kyis mkhyen cing ci ltar rjis su gnang ba de ltar chos kyi dbyings kyi yongs su bsngo ba 'dis bla na med pa yang dag par rdzogs pa'i byang chub tu yongs su

bsngos pa de ltar de legs par yongs su bsngos pa yin no snyam zhing / de ltar bdag gis yongs su bsngo'o nyam na 'di ni yang dag par yongs su bsngo ba yin te/ de ltar yongs su bsngos pa ni bla na med pa yang dag par dzogs pa'i byang chub tu legs par yongs su bsngos pa yin no/

de nas bcom ldan 'das kyis tshe dang ldan pa rab 'byor la legs so zhes bya ba byin te/ rab 'byor khyod ston pa'i bya ba byed cing gang khyod byang chub sems dpa' sems dpa' chen po rnams la chos ston pa ni rab 'byor legs so legs so/ /de ci'i phyir zhe na/ rab 'byor yongs

su bsngo ba gang yin pa 'di ni byang chub sems dpa' sems dpa' chen po'i chos kyi dbyings kyi yongs su bsngo ba'o/ /chos nyid 'di nyid la sangs rgyas bcom ldan 'das rnams kyis ci ltar mkhyen pa dang gzigs pa dang dge ba'i rtsa ba de rigs gang yin pa dang ris gar gtogs pa dang

ci'dra ba dang rang bzhin gang yin pa dang mtshan nyid gang yin pa dang chos nyid gang gis yod pa de ltar rjes su yi rang ba dang / ci ltar rjes su gnad ba de ltar bdag gis yongs su bsngo'o snyam pa 'di'i bsod nams kyi phung po gang yin pa dang / stong gsum gyi stong chen po'i 'jig

@87b rten gyi khams gang g'a'i klung gi bye ma snyed dag na sems can ci snyed yod pa de dag thams cad rigs kyi bu 'ma rigs kyi bu mo gang la la zhig gis dge ba bcu'i las kyi lam la yang dag par bkod cing bzhag pa'i bsod nams mngon par 'du byed pa gang yin pa de las byang chub sems

dpa' sems dpa' chen po'i chos kyi dbyings kyi yongs su bsngo ba las skyes pa'i bsod nams kyi phung po 'di nyid mchog ces bya 'o dam pa zhes bya'o gtso 'o zhes bya'o rab ces bya'o mchog rab ces bya'o gya nom pa zhes bya'o bla ma zhes bya'o bla na med bzhes bya'o/ /gong na med pa zhes bya'o/ /

mnyam pa med pa zhes bya'o mi mnyam pa dang mnyam pa zhes bya'o/ /rab 'byor yang stong gsum gyi stong chen po'i 'jig rten gyi khams gang g'a'i klung gi bye ma snyed dag na sems can ci snyed yod pa de dag thams cad dge ba bcu'i las kyi lam la bkod pa'i bsod nams mngon par 'du

byed pa lta zhog /rab 'byor stong gsum gyi stong chen po'i 'jig rten gyi khams gang g'a'i klung gi bye ma snyed dag na sems can ci snyed yod pa de dag thams cad bsam gtan bzhi thob par gyur pa de dag gi bsod nams mngon par 'du byed pa gang yin pa de bas kyang byang chub sems

dpa' sems dpa' chen po'i yongs su bsngo ba dang ldan pa'i bsod nams kyi phung po 'di ni mchog ces bya'o/ /dam pa zhes bya'o gtso bo zhes bya'o rab ces bya'o mchog rab ces bya'o gya nom pa zhes bya'o bla ma zhes bya'o bla na med pa zhes bya'o gong na med pa zhes bya'o mnyam pa med pa

zhes bya'o mi mnyam pa dang mnyam pa zhes bya'o/ /rab 'byor yang stong gsum gyi stong chen po'i 'jig rten gyi khams gang g'a'i klung gi bye ma snyed dag na sems can ci snyed yod pa de dag thams cad bsam gtan bzhi rdzogs par gyur pa'i bsod nams mngon par 'du byed pa lta

zhog /rab 'byor stong gsum gyi stong chen po'i 'jig rten gyi khams gang ga'i klung gi bye ma snyed dag na sems can ci snyed yod pa de dag thams cad tshad med pa bzhi thob par gyur pa dang / rab 'byor yang stong gsum gyi stong chen po'i 'jig rten gyi khams gang g'a'i klung

@88a */ /gi byem snyed kyi sems can thams cad tshad med pa bzhi thob pa'i bsod nams mngon par 'du byed pa lta zhog / /rab 'byor stong gsum gyi stong chen po'i 'jig rten gyi khams gang g'a'i klung gi bye ma snyed dag na sems can ci snyed yod pa de dag thams cad gzugs

med pa'i snyoms par 'jug pa bzhi thob par gyur pa dang / rab 'byor yang stong gsum gyi stong chen po'i 'jig rten gyi khams gang g'a'i klung gi bye ma snyed kyi sems can thams cad gzugs med pa'i snoms par 'jug pa bzhi thob pa'i bsod nams mngon par 'du byed pa lta zhog/ /

rab 'byor stong gsum gyi stong chen po'i 'jig rten gyi khams gang g'a'i klung gi bye ma snyed dag na sems can ci snyed yod pa de dag thams cad mngon par shes pa lnga thob par gyur pa dang / rab 'byor yang stong gsum gyi stong chen po'i 'jig rten gyi khams gang g'a'i klung gi bye ma snyed

kyi sems can thams cad mngon par shes pa lnga thob pa'i bsod nams mngon par 'du byed pa lta zhog / rab 'byor stong gsum gyi stong chen po'i 'jig rten gyi khams gang g'a'i klung gi bye ma snyed dag na sems can ci snyed yod pa de dag thams cad rgyun tu zhugs par gyur pa dang / rab

'byor yang stong gsum gyi stong chen po'i 'jig rten gyi khams gang g'a'i klung gi bye ma snyed kyi sems can thams cad rgyun tu zhugs par gyur pa'i bsod nams mngon par 'du byed pa lta zhog /rab 'byor stong gsum gyi stong chen po'i 'jig rten gyi khams gang g'a'i klung gi bye ma snyed dag na

sems can ci snyed yod pa de dag thams cad lan cig phyir 'ong par gyur pa dang / rab 'byor yang stong gsum gyi stong chen po'i 'jig rten gyi khams gang g'a'i klung gi bye ma snyed kyi sems can thams cad lan cig phyir 'ong bar gyur pa'i bsod nams mngon par 'du byed pa lta zhog/ /rab

'byor stong gsum gyi stong chen po'i 'jig rten gyi khams gang g'a'i klung gi bye ma snyed dag na sems can ci snyed yod pa de dag thams cad phyir mi 'ong bar gyur pa dang / rab 'byor yang stong gsum gyi stong chen po'i 'jig rten gyi khams gang g'a'i klung gi bye ma snyed kyi sems can thams

@88b cad phyir mi 'ong bar gyur pa'i bsod nams mngon par 'du byed pa lta zhog /rab 'byor stong gsum gyi stong chen po'i 'jig rten gyi khams gang g'a'i klung gi bye ma snyed dag na sems can ci snyed yong pa de dag thams cad dgra bcom par gyur pa dang / rab 'byor yang stong gsum

gyi stong chen po'i 'jig rten gyi khams gang g'a'i klung gi bye ma snyed kyi sems can thams cad dgra bcom par gyur pa'i bsod nams mngon par 'du byed pa lta zhog /rab 'byor stong gsum gyi stong chen po'i 'jig rten gyi khams gang g'a'i klung gi bye ma snyed dag na sems can ci

snyed yod pa de dag thams cad rang sangs rgyas su gyur pa dang / rab 'byor yang stong gsum gyi stong chen po'i 'jig rten gyi khams gang g'a'i klung gi bye ma snyed kyi sems can thams cad rang sangs rgyas su gyur pa'i bsod nams mngon par 'du byed pa lta zhog /rab 'byor stong gsum

gyi stong chen po'i 'jig rten gyi khams gang g'a'i klung gi bye ma snyed dag na sems can gang dag yod pa de dag thams cad bla na med pa yang dag par rdzogs pa'i byang chub tu zhugs par gyur la/ de dag thams cad kyis stong gsum gyi stong chen po'i 'jig rten gyi khams gang g'a'i klung gi bye ma

snyed gzhan dang gzhan dag gnyid na sems can gang dag yod pa de dag thams can la byang chub sems dpa' re res chos gos dang bsod snyoms dang / mal cha dang na ba'i gsos sman dang yo byad dang bde bar sbyar ba thams cad dang bde ba la reg par gnas pa thams cad kyis bskal pa gang g'a'i

klung gi bye ma snyed du rim gror byas te sbyin pa de yang dmigs pa'i 'du shes kyis byin la/ rnam grangs des na yongs su brtags nas sems can de rnams thams cad las re re la yang byang chub sems dpa' de rnams thams cad las kyang byang chub sems dpa' re res bskal pa gang g'a'i

klud gi bye ma snyed du chos gos dang bsod snyoms dang mal cha dang na ba'i gsos sman dang yo byad dang bde bar sbyar pa thams cad dang bde ba la reg par gnas pa thams cad kyis rim gro byes te/ bkur stir byed bla mar byed rjed par byed mchod par byed ri mor byed bsnyen bkur byed de/

@89a */ /de bzhin du re re la yang byang chub sems dpa' de dag thams cad kyis rnam grangs 'dis sbyin pa byin zhing / de bzhin du thams cad la yang sbyin pa byin na rab 'byor de ci snyam du sems ci byang chub sems dpa' de dag de'i gzhi las bsod nams mang du skyed dam/

rab 'byor gyis gsol pa/ bcom ldan 'das mang ngo bde bar gshegs pa mang ngo/ /bcom ldan 'das gzhal du ma mchis so bde bar gshegs pa gzhal du ma mchis so/ /bcom ldan 'das de'i bsod nams kyi phung po ni grangs su bgyi bar yang sla ba ma lags

so; /bcom ldan 'das de'i bsod nams kyi phung po ni bgrang bar yang dper yang dpes bstan par bgyi bar yang gzhir yang rgyur yang bgyi bar sla ba ma lags so/ /bcom ldan 'das gal te bsod nams kyi phung po de gzugs can zhig lags na ni stong gsum gyi

stong chen po'i 'jig rten gyi khams gang g'a'i klung gi bye ma snyed dag tu yang mi shong bar 'gyur ro/ /de skad ces gsol pa dang / bcom ldan 'das kyis gnas brtan tshe dang ldan pa rab 'byor la 'di skad ces bka' stsal to/ /rab 'byor de de bzhin no de de bzhin te/

rab 'byor yang gang gi phyir gang zag byang chub sems dpa'i theg pa can shes rab kyi pha rol tu phyin pa dang thams mkhas pas yongs su gzung ba chos kyi dbyings kyi yongs su bsngo ba 'dis dge ba'i rtsa ba bla na med pa yang dag par rdzogs pa'i byang chub tu yongs su sngo bar byed pa de'i phyir de'i

bsod nams mang du skyed de/ rab 'byor chos kyi dbyings kyi yongs su bsngo ba las skyes pa'i bsod nams kyi phung po 'di la ni dmigs pa'i 'du shes can gyi byang chub sems dpa' sems dpa' chen po rnams kyi sbyin pa las byung ba'i bsod nams mngon par 'du byed pa snga ma des

brgya'i char yang nye bar mi 'gro /stong gi char yang brgya phrag stong gi char yang bye ba'i char yang bye ba phrag brgya'i char yang bye ba phrag stong gi char yang bye ba brgya phrag stong gi char yang bye ba khrag khrig brgya phrag stong gi char yang nye bar mi 'gro'o/ /grangs su yang nye bar mi 'gro bgrang

@89b bar yang dper yang dpes bstan par bya bar yang gzhir yang rgyur yang nye ba'i rgyur yang mi bzod do/ /de ci'i phyir zhe na/ 'di ltar snga ma dmigs pa'i 'du shes can gyi byang chub sems dpa' de dag gi sbyin pa ni shin tu mang po byin na yang shin tu mang por yang grangs su de 'gyur

ro; /de nas rgyal chen bzhi'i ris kyi lha'i bu stong phrag nyi shu rnams thal mo sbyar te phyag 'tshal nas bcom ldan 'das la 'di skad ces gsol to/ /bcom ldan 'das 'di lta ste byang chub sems dpa' sems dpa' chen po'i shes rab kyi pha rol tu phyin pa dang thabs mkhas

pas yongs su bzung ba'i dge ba'i rtsa ba thams cad mkhyen pa nyid du yongs su bsngos pa 'di ni yongs su bsngo ba chen po lags te/ 'di ltar gang du dmigs pa dang bcas pa'i byang chub sems dpa' de dag gi sbyin pa las byung ba'i bsod nams mngon par 'du byed pa de

snyed kyang zil gyis mnan pa lags so/ /de nas sum cu rtsa gsum gyi ris kyi lha'i bu brgya phrag stong gis lha'i me tog dang lha'i bdug pa dang lha'i dri dang lha'i phreng ba dang lha'i byug pa dang lha'i phye ma rnams kyi char dang lha'i rin po che'i char dang lha'i na bza'i char gyis bcom ldan

'das la mngon par gtor mngon par rab tu gtor nas/ lha'i gdugs dang lha'i rgyal mtshan dang lha'i dril bu dang lha'i ba dan dag dang lha'i mchod pa rnam pa mang po dag gis/ bcom ldan 'das la bkur stir byas bla mar byas rjed par byas mchod par byas ri mor byas bsnyen

bkur byas te lha'i sil snyan rnams rab tu dkrol nas tshig 'di skad ces gsol to/ /kye ma bcom ldan 'das byang chub sems dpa' sems dpa' chen po'i chos kyi dbyings kyi yongs su bsngo ba 'di ni bsngo ba chen po lags te/ 'di ltar gang du dmigs pa can gyi byang chub sems

dpa' de dag gi sbyin pa las byung ba'i bsod nams mngon par 'du bgying pa'i phung po chen po de snyed kyang zil gyis gnon pa lags so/ /'di ltar shes rab kyi pha rol tu phyin pa dang thams mkhas pas yongs su bzung ba'i slad du 'di ni bsngo ba chen po lags so/ /de bzhin du lha'i

@90a */ /ris gzhan dag nas kyang lhags nas bcom ldan 'das la bkur stir bya ba dam pa dang bla mar bya ba dam pa dang rjed par bya ba dam pa dang mchod par bya ba dam pa dang ri mor bya ba dam pa dang bsnyen bkur bya ba dam pa rnams kyis/ bkur stir byas bla mar byas rjed

par byas mchod par byas ri mor byas bsnyen bkur byas nas de skad du sgra phyung zhing dbyangs rjes su bsgrags so/ /de bzhin du sbyar bar bya ste 'thab bral dang dga' ldan dang 'phrul dga' dang gzhan 'phrul dbang byed dang changs ris dang tshangs pa'i mdun na 'don dang tshangs 'khor

dang tshangs chen dang 'od chung dang tshad med 'od dang 'od gsal dang /dge chung dang tshad med dge dang dge rgyas dang sprin med dang bsod nams 'phel dang 'bras bu che dang 'du shes med pa'i sems can dang / mi che ba dang mi gdud ba dang gya nom snang dang shin tu mthong dang 'og

min gyi lha de dag kyang de bzhin du thal mo sbyar te bcom ldan 'das la phyag 'tshal nas 'di skad ces gsol to/ /bcom ldan 'das de ltar byang chub sems dpa' sems dpa' chen po shes rab kyi pha rol tu phyin pa dang thabs mkhas pas yongs su bzung ba'i dge ba'i rtsa ba yongs su

bsngo ba des byang chub sems dpa' dmigs pa'i 'du shes can gyi yun ring po de tsam du bsags pa dang / de ltar rgya cher yang dag par bsgrubs pa'i bsod nams kyi phung po de snyed kyang zil gyis gnon pa ngo mtshar to/ /de nas bcom ldan 'das kyis gnas gtsang ma'i ris kyi lha'i

bu la sogs te lha'i bu de dag thams cad la bka' stsal pa/ lha'i bu dag stong gsum gyi stong chen po'i 'jig rten gyi khams gang g'a'i klung gi bye ma snyed dag gi sems can thams cad bla na med pa yang dag par rdzogs pa'i byang chub tu yang dag par zhugs pa rnams kyi bla na med pa

yang dag par rdzogs pa'i byang chub thob par bya ba'i don du sbyin pa byin pa'i bsod nams mngon par 'du byed pa lta zhog / lha'i bu dag rnam grangs 'dis stong gsum gyi stong chen po'i 'jig rten gyi khams gang g'a'i klung gi bye ma snyed gzhan dag dang gzhan dag na sems can dag

@90b yod pa de dag thams cad kyang bla na med pa yang dag par rdzogs pa'i byang chub tu smon lam btab ste byang chub tu sems bskyed nas/ stong gsum gyi stong chen po'i 'jig rten gyi khams gang g'a'i klung gi bye ma snyed gzhan dag dang gzhan dag gi sems can thams cad la chos gos

dang bsod snyoms dang mal cha dang na ba'i gsos sman dang yo byad dang bde bar sbyar ba thams cad dang bde ba reg par gnas pa thams cad kyis/ byang chub sems dpa' re res kyang bskal pa gang g'a'i klung gi bye ma snyed du 'dug ste sbyin pa byin zhing / de bzhin du dmigs

pa'i 'du shes can de dag thams cad kyis kyang sbyin pa byin pa'i bar dang / rnam grangs 'dis sems can de rnams thams cad dang byang chub sems dpa' de rnams thams cad re re nas yongs su brtag nas/ byang chub sems dpa' re re nas byang chub sems dpa' de rnams

thams cad kyi bar gyis bskal pa gang g'a'i klung gi bye ma snyed du 'dug ste/ sems can de dag thams cad la chos gos dang bsod snyoms dang mal cha dang na ba'i gsos sman dang yo byad dang bde bar sbyar ba thams cad dang bde ba la reg par gnas pa thams cad kyis rim gror byed cing/

sbyin pa de yang dmigs pa'i 'du shes kyis byin la/ byang chub sems dpa' sems dpa' chen po shes rab kyi pha rol tu phyin pa dang thabs mkhas pas yongs su zin pa zhig gis/ 'das pa dang ma byon pa dang da ltar byung ba'i sangs rgyas bcom ldan 'das rnams dang byang chub sems

dpa' dang rang sangs rgyas dang gang zag nyan thos kyi theg pa can de rnams kye tshul khrims kyi phung po dang ting nge 'dzin gyi phung po dang shes rab kyi phung po dang rnam par grol ba'i phung po dang rnam par grol ba'i ye shes mthong pa'i phung po dang / de la sems can gzhan dag gis kyang dge ba'i rtsa ba

dag bskrun pa dang skrun par 'gyur ba dang skrun par byed pa de dag thams cad gcig tu bsdus shing bsdoms te gzhal nas ma lus par byas te/ ma lus pa la rjes su yi rang ba'i mchog gis rjes su yi rang zhing dam pa dang gtso bo dang rab dang mchog rab dang gya nom pa dang bla ma dang

@91a */ /bla na med pa dang gong na med pa dang gong ma'i yang gong ma dang mnyam pa med pa dang / mi mnyam ba dang mnyam pa dang rab tu mnyam pa med pa dang bsam gyis mi khyab pa'i rjes su yi rang bas rjes su yi rang la/ rjes su yi rang nas rjes su yi rang ba dang ldan pa'i

bsod nams bya ba'i dngos po bla na med pa yang dag par rdzogs ba'i byang chub sgrub par gyur cig ces bla na med pa yang dag par rdzogs pa'i byang chub tu yongs su bsdon rjes su yi rang pa yongs su bsngo ba dang ldan pa'i bsod nams bya ba'i dngos po 'di la byang chub sems dpa' dmigs

ba'i 'du shes can dag gi bsod nams mngon par 'du byed ba snga ma des brgya' chir yang nye bar mi 'gro /stong gi char yang brgya stong gi char yang bye ba'i char yang bye ba brgya'i char yang bye ba stong gi char yang bye ba brgya stong gi char yang bye ba khrag khrig brgya stong gi char yang nye par mi 'gro'o/ /

grangs su yang bgrang bar yang dper yang dpes bstan par bya bar yang gzhir yang rgyur yang mi bzod do/ /de ci'i phyir zhe na/ 'di ltar byang chub sems dpa' de dag thams cad ni dmigs pa'i 'du shes can gyis sbyin pa sbyin par byed pa yin pa'i phyir ro//