Prajnaparamita in Eight Thousand Verses Tibetan Translation Chapter 19

//shes rab kyi pha rol tu phyin pa brgyad stong pa/ bam po bcu dgu pa/ de nas yang bcom ldan 'das kyis tshe dang ldan pa rab 'byor la bka' stsal ba/ rab 'byor 'di la byang chub sems dpa' sems dpa' chen po lhag pa'i bsam pa la yang dag par zhugs shing bla na med pa yang dag par rdzogs pa'i byang chub mngon par rdzogs par 'tshang rgya bar 'dod bas/ dang po nyid du dge

@216b ba'i bshes gnyen dag la bsnyen par bya gus bar bya bsnyen bkur bya'o/ /rab 'byor gyis gsol pa/ bcom ldan 'das byang chub sems dpa' sems dpa'chen bo lhag pa'i bsam pa la yang dag par zhugs shid bla na med pa yang dag par rdzogs pa'i byang chub mngon par rdzogs

bar 'tshang rgya bar 'tshal bas/ dang po kho nar dge ba'i bshes gnyen gang dag la bsnyen par bgyi ba dang gus par bgyi pa dang bsnyen bkur bgyi pa'i byang chub sems dpa' sems dpa' chen po'i dge ba'i bshes gnyen de dag gang lags par 'tshal bar bgyi/ de skad ces

gsol pa dang /bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor sangs rgyas bcom ldan 'das nying dang / phyir mi ldog par gyur pa'i byang chub sems dpa' sems dpa' chen po gang yin ba byang chub sems dpa'i sbyod pa la mkhas

pa gang dag pha rol tu phyin pa 'di dag legs par 'doms shing rjes su ston pa de dag dang / gang dag shes rab kyi pha rol tu phyin pa 'di ston cing nye bar ston pa de dag ni rab 'byor byang chub sems dpa' sems dpa' chen po'i dge ba'i bshes gnyen du rig par bya'o/ /rab 'byor shes

rab kyi pha rol tu phyin ba nyid byang chub sems dpa' sems dpa' chen po'i dge ba'i bshes gnyen du rig par bya'o/ /rab 'byor pha rol tu phyin ba drug po thams cad nyid byang chub sems dpa' sems dpa' chen po'i dge ba'i bshes gnyen du rig par bya ste/ pha rol tu phyin pa drug po nyid ni ston pa'o/

pha rol tu phyin pa drug ni lam mo/ /pha rol tu phyin pa drug ni snang ba'o/ /pha rol tu phyin pa drug ni sgron ma'o/ /pha rol tu phyin pa drug ni 'od do/ /pha rol tu phyin pa drug ni skyob ba'o/ /pha rol tu phyin pa drug ni skyabs so/ /pha rol tu phyin pa drug ni gnas so/ /pha rol tu phyin pa drug ni

dpung gnyen no/ /pha rol tu phyin pa drug ni gling ngo/ /pha rol tu phyin pa drug ni ma'o/ /pha rol tu phyin pa drug ni pa'o/ /pha rol tu phyin pa drug ni shes pa dang rtogs pa dang bla na med pa yang dag par rdzogs par byang chub pa'i don du gnas par gyur ba'o/ de ci'i phyir zhe na/ rab 'byor

@217a */ /she rab kyi pha rol tu phyin pa ni 'di la brten pa yin te 'di lta ste pha rol tu phyin pa drug po rnams la'o/ /rab 'byor 'ongs pa'i dus kyi de bzhin gshegs pa dgra bcom pa yang dag par rdzogs pa'i sangs rgyas gang dag bla na med pa yang dag par rdzogs pa'i byang chub mngon par rdzogs

par sangs rgyas nas yongs su mya ngan las 'das pa'i sangs rgyas bcom ldan 'das de dag gi thams cad mkhyen ba nyid kyang 'di lta ste pha rol tu phyin pa drug po 'di dag las skyes so/ /rab 'byor ma 'ongs pa'i dus na 'byung ba'i de bzhan gshegs pa dgra bcom pa yang dag par rdzogs pa'i sangs

rgyas gang dag bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba'i sangs rgyas bcom ldan 'das de dag gi thams cad mkhyen pa nyid kyang 'di lta ste pha rol tu phyin pa drug po 'di dag las skye 'o/ /rab 'byor 'jig rten gyi khams gzhal du med grangs med

dpag tu med bsam gyis mi khyab pa dag na de bzhin gshegs pa dgra bcom pa yang dag par rdzogs pa'i sangs rgyas gang dag de ltar bla na med pa yang dag par rdzogs pa'i byang chub mngon par rdzogs par sangs rgyas nas bzhugs te 'tsho zhing gzhes la chos ston pa'i sangs rgyas bcom ldan

'das di dag gi thams cad mkhyen pa nyid kyang 'di lta ste pha rol tu phyin ba drug po 'di dag las skyes so/ rab 'byor da ltar de bzhin gshegs pa dgra bcom pa yang dag par rdzogs pa'i sangs rgyas nga yang bla na med pa yang dag par rdzogs pa'i byang chub mngon par rdzogs par sangs rgyas pa'i

da'i thams cad mkhyen pa yang rab 'byor 'di lta ste pha rol tu phyin pa drug po 'di dag las skyes so/ /de ci'i phyir zhe na/ rab 'byor pha rol tu phyin pa drug po 'di dag gi nang na byang chub kyi phyogs kyi chos sum cu rtsa bdun rnams 'dus shing/ tshangs pa'i gnas bzhi dang bsdu ba'i dngos po bzhi dang sangs

rgyas kyi chos ci snyed yod pa ste/ sangs rgyas kyi ye shes dang rang byung gi ye shes dang bsam gyis mi khyab pa'i ye shes dang gzhal du med pa'i ye ges dang grangs med pa'i ye shes dang mnyam pa med pa'i ye shes dang mi mnyam pa dang mnyam pa'i ye shes dang thams cad mkhyen pa'i ye shes de dag thams

@217b cad pha rol tu phyin pa drug gi nang na 'dus pa'i phyir ro/ /rab 'byor de lta bas na pha rol tu phyin pa drug po 'di dag nyid byang chub sems dpa' sems dpa' chen po 'di dge ba'i bshes gnyen no/ /pha rol tu phyin pa drug po 'di nyid ston pa'o/ /pha rol tu phyin pa drug ni lam mo/ /pha rol

tu phyin pa drug ni snang ba'o/ /pha rol tu phyin pa drug ni sgron ma'o/ /pha rol tu phyin pa drug ni 'od do/ /pha rol tu phyin pa drug ni skyob pa'o/ /pha rol tu phyin pa drug ni skyabs so/ /pha rol tu phyin pa drug ni gnas so/ /pha rol tu phyin pa drug ni dpung gnyen no/ /pha rol tu phyin pa drug

ni gling ngo/ /pha rol tu phyin pa drug ni ma'o/ /pha rol tu phyin pa drug ni pha'o/ /pha rol tu phyin pa drug ni shes pa dang rtogs pa dang thams cad mkhyen pa nyid dang bla na med pa yang dag par rdzogs pa'i byang chub thob par bya ba'i don du gnas par 'gyur ba'o/ /nam byang chub sems dpa' sems

dpa' chen po pha rol tu phyin pa drug la slob pa na lan ldon mi nus pa thams cad la yang de phan 'dogs par 'gyur ba yin no/ /rab 'byor yang pha rol tu phyin pa drug po 'di dag la slob par 'dod pa'i byang chub sems dpa' sems dpa' chen po shes rab kyi pha rol tu phyin pa 'di nyid mnyan

par bya gzung bar bya bcang bar bya klag par bya kun chub par bya rab tu gdon par bya bstan par bya nye bar bstan par bya lung dbog par bya kha ton du bya don dang chos dang tshul gyis nye bar yongs su brtag par bya nye bar bsam par bya 'dri bar bya yongs su 'dri bar bya'o/ /de ci'i phyir zhe na/ shes rab kyi pha rol

tu phyin pa 'di ni pha rol tu phyin pa drug po 'di dag gi sdon du 'gro ba'o 'dren pa'o rab tu 'dren pa'o yang dag par ston pa'o kun tu snyon ba'o skyen pa'o ma ma'o/ /de ci'i phyir zhe na/ shes rab kyi pha rol tu phyin pa dang bral na pha rol tu phyin pa lnga ni mi snang zhing pha rol tu phyin pa zhes bya ba'i ming yang thob par mi 'gyur ro/ /

rab 'byor de lta bas na byang chub sems dpa' sems dpa'chen po gzhan gyi dring mi 'jog par 'gro bar 'dod cing byang chub sems dpa' sems dpa'chen po gzhan gyi dring mi 'jog pa la gnas par 'dod pas shes rab kyi pha rol tu phyin pa 'di nyid la bslab par bya'o/ /rab 'byor gyis gsol pa/

@218a */ /bcom ldan 'das shes rab kyi pha rol tu phyin pa'i mtshan nyid gang lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor shes rab kyi pha rol tu phyin pa ni chags pa med pa'i mtshan nyid do/ /rab 'byor

gyis gsol ba/ bcom ldan 'das rnam grangs gang dang chags pa ma mchis pa'i mtshan nyid gang gis shes rab kyi pha rol tu phyin pa mchis par 'gyur ba'i chags pa ma mchis pa'i mtshan nyid de nyid kyis chos thams cad mchis par 'gyur ba'i rnam grangs mchis sam/ bcom ldan 'das

kyis bka' stsal pa/ rab 'byor de de bzhin no de de bzhin te/ rab 'byor rnam grangs gang dang chags pa med pa'i mtshan nyid gang gis shes rab kyi pha rol tu phyin pa yod par 'gyur pa'i chags pa med pa'i mtshan nyid de nyid kyis chos thams cad yod par 'gyur ba'i rnam grangs yod do/ /

de ci'i phyir zhe na/ rab 'byor chos thams cad ni dben pa'o/ /rab 'byor chos thams cad ni stong pa sta/ rab 'byor de lta bas na chags pa med pa'i mtshan nyid gang gis shes rab kyi pha rol tu phyin pa dben pa dang stong par 'gyur ba'i chags pa med nga'i mtshan nyid de nyid kyis chos thams

cad ni dben pa dang stong pa'o/ /rab 'byor gyis gsol pa/ bcom ldan 'das gal te chos thams cad dben pa dang chos thams cad stong pa lags na/ bcom ldan 'das ci ltar sems can rnams kun nas nyon mongs par rab tu shes par 'gyur bcom ldan 'das ci ltar sems can

rnams rnam par byang ba bar tu shes bar 'gyur/ bcom ldan 'das dben pa ni kun nas nyon mongs par mi 'gyur bcom ldan 'das dben pa ni rnam par byang bar mi 'gyur ro/ /bcom ldan 'das stong pa ni kun nas nyon mongs par mi 'gyur bcom ldan 'das stong pa ni rnam par byang bar

mi 'gyur ro/ /bcom ldan 'das dben pa'am stong pa ni bla na med pa yang dag par rdzogs pa'i byang chub mngon par rdzogs par 'tshang mi rgyal bcom ldan 'das dben pa dang stong pa nyid las gzhan na yang gang bla na med pa yang dag par rdzogs pa'i byang chub mngon par rdzogs par sangs rgyas pa

@218b 'am mngon par rdzogs par 'tshang rgya bar 'gyur ba 'am mngon par rdzogs par 'tshang rgya ba'i chos de dmigs su ma mchis na/ bcom ldan 'das bshad pa 'di'i don bdag gis ci ltar 'tshal bar bgyi/ bcom ldan 'das bstan du gsol/ bde bar gshegs pa bstan du gsol/ de

skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor de ci snyam du sems sems can rnams yun ring po nas ngar 'dzin pa dang nga yir 'dzin pa la sbyod dam/ rab 'byor gyis gsol pa/ bcom ldan 'das de de bzhin no/ /

bde bar gshegs pa de de bzhin te/ sems can rnams ni yun ring po nas ngar 'dzin pa dang nga yir 'dzin pa la spyod do/ /bcom ldan 'das kyis bka' stsal pa/ rab 'byor de ci snyam du sems ci ngar 'dzin pa dang nga yir 'dzin pa stong pa yin nam/ rab 'byor gyis gsol pa/ bcom ldan

'das stong pa lags so/ /bed par gshegs pa stong pa lags so/ /bcom ldan 'das kyis bka' stsal pa/ rab 'byor de ci snyam du sems tang 'dzin pa dang nga yir 'dzin pas sems can rnam 'khor ba na 'khor ram/ rab 'byor gyis gsol pa/ bcom ldan 'das de de bzhin no/ /

bde bar gshegs pa de de bzhin te/ ngar 'dzin pa dang nga yir 'dzin pas sems can rnams 'khor ba na 'khor ro/ bcom ldan 'das kyis bka' stsal pa/ rab 'byor de ltar na sems can rnams kun nas nyon mongs par rab tu shes so/ /ci ltar sems can rnams 'dzin pa dang mngon

bar chags pa de ltar kun nas nyon mongs par 'gyur gyi/ 'di la su yang kun nas nyon mongs par 'gyur ba ni med do/ /rab 'byor ci ltar 'dzin pa med pa dang mngon par chags pa med pa de ltar ngar 'dzin pa dang nga yir 'dzin pa rab tu mi shes te/ rab 'byor de ltar na sems can rnams

rnam par byang bar rab tu shes so/ /ci ltar sems can rnams la 'dzin pa med cing mngon par chags pa med pa de ltar rnam par byang bar 'gyur gyi/ 'di la su yang rnam par byang bar 'gyur ba ni med do/ /rab 'byor byang chub sems dpa' chen po de ltar sbyod na shes rab kyi

@219a */ /pha rol tu phyin pa la sbyod do/ /rab 'byor de ltar chos thams cad dpen zhing chos thams cad stong pa la sems can rnams kun nas nyon mongs pa dang rnam par byang bar rab tu shes so/ /rab 'byor gyis gsol pa/ bcom ldan 'das 'di ltar chos thams cad dben

zhing chos thams cad stong pa la sems can rnams kun nas nyon mongs pa dang rnam par byang ba yang rab tu shes pa 'di ni ngo mtshar to/ /bcom ldan 'das byang chub sems dpa' sems dpa' chen po de ltar sbyod na shes rab kyi pha rol tu phyin pa la spyod do/ /bcom ldan 'das byang chub sems

dpa' sems dpa' chen po de ltar spyod na gzugs la mi spyod de/ tshor ba la ma lags 'du shes la ma lags 'du byed rnams la ma lags rnam par shes pa la mi spyod do/ /bcom ldan 'das byang chub sems dpa' sems dpa' chen po de ltar spyod na lha dang mi dang lha ma yin du bcas

pa'i 'jig rten gyis mi brdzi bar 'gyur ro/ /bcom ldan 'das byang chub sems dpa' sems dpa' chen po de ltar spyod na gang zag nyan thos kyi theg pa can dang rang sangs rgyas kyi theg pa can thams cad kyi spyod pa zil gyis gnon te zil gyis mi non pa'i gnas kyang 'thob bo/ /de ci'i slad du zhe na/

bcom ldan 'das sangs rgyas nyid dang de bzhin gshegs pa nyid dang rang 'byung nyid dang thams cad mkhyen pa nyid ni zil gyis mi non pa lags te/ /bcom ldan 'das byang chub sems dpa' sems dpa'chen po shes rab kyi pha rol tu phyin pa dang ldan pa yid la bgyid pa'i gnas pa 'das kyang

gnas te nyin mtshan 'nga' bar bgyid na bla na med pa yang dag par rdzogs pa'i byang chub la nye bar 'gyur zhing myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /de skad ces gsol pa dang / bcom ldan 'das kyis tshe dang ldan pa rab 'byor

la 'di skad ces bka' stsal to/ /rab 'byor de de bzhin no de de bzhin te/ rab 'byor byang chub sems dpa' sems dpa' chen po de ltar spyod na shes rab kyi pha rol tu phyin pa la spyod do/ /byang chub sems dpa' sems dpa' chen po de ltar spyod na gzugs la mi sbyod de/ de bzhin du

@219b tshor ba la ma yin 'du shes la ma yin 'du byed rnams la ma yin rnam par shes pa la mi spyod do/ /rab 'byor byang chub sems dpa' sems dpa' chen po de ltar spyod na lha dang mi dang lha ma yin du bcas pa'i 'jig rten dag yis mi brdzi par 'gyur ro/ /rab 'byor byang chub sems dpa' sems

dpa' chen po de ltar spyod na gang zag nyan thos kyi theg pa can dang rang sangs rgyas kyi theg pa can thams cad kyi spyod pa zil gyis gnon te zil gyis mi non pa'i gnas kyang 'thob par 'gyur ro/ /de ci'i phyir zhe na/ rab 'byor sangs rgyas nyid dang de bzhin gshegs pa nyid dang rang byung nyid dang

thams cad mkhyen pa nyid ni zil gyis mi gnon pa'o/ /rab 'byor byang chub sems dpa' sems dpa' chen po shes rab kyi pha rol tu phyin pa dang ldan pa'i yid la byed pa'i gnas pa 'dis kyang gnas te nyin mtshan 'da' bar byed na bla na med pa yang dag par rdzogs pa'i byang chub la nye bar gyur pa yin

te myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /rab 'byor yang gal te 'dzam bu'i gling na sems can ci sted yod ba de dag thams cad kyis snga phyi med par mi'i lus thob par gyur la mi'i lus thob nas bla na med pa yang dag par rdzogs pa'i byang

chub tu sems bskyed de bla na med pa yang dag par rdzogs pa'i byang chub tu sems bskyed nas ci srid 'tsho'i bar du gnas shing ci srid 'tsho'i bar du gnas nas ci srid 'tsho'i bar du de bzhin gshegs pa thams cad la bkur stir byed bla mar byed rjed par byed mchod par byed ri mor byed bsnyen bkur byed

cing; de bzhin du sems can thams cad la sbyin pa byin la sbyin pa de yang bla na med pa yang dag par rdzogs pa'i byang chub tu yongs su bsngo na rab 'byor de ci snyam du sems byang chub sems dpa' sems dpa' chen po de dag de'i gzhi las bsod nams mang du skyed dam/ rab 'byor gyis gsol

pa; bcom ldan 'das mang ngo bde bar gshegs pa mang ngo/ /bcom ldan 'das kyis bka' stsal pa/ rab 'byor de bas kyang byang chub sems dpa' sems dpa' chen po gang chung du na nyin gcig tsam yang shes rab kyi pha rol tu phyin pa dang ldan pa'i yid la byed pas gnas na rigs kyi bu

@220a */ /'am rigs kyi bu mo de ches bsod nams mang du skyed do/ /de ci'i phyir zhe na/ rab 'byor ci lta ci ltar byang chub sems dpa' sems dpa' chen po shes rab kyi pha rol tu phyin pa dang ldan pa'i yid la byed pas nyin mtshan du gnas pa de lta de ltar sems can thams cad kyi sbyin

pa'i gnas su 'gyur ro/ /de ci'i phyir zhe na/ rab 'byor de ni 'di ltar byang chub sems dpa' sems dpa' chen po de'i byams pa dang ldan pa'i sems de lta bu ni sangs rgyas bcom ldan 'das ma gtogs par sems can gzhan dag la med do/ /de ci'i phyir zhe na/ rab 'byor de bzhin

gshegs pa ni gang zag zla med pa'o/ /rab 'byor de bzhin gshegs pa ni dpe med pa'o/ /rab 'byor de bzhin gshegs pa dag bcom pa yang dag par rdzogs pa'i sangs rgyas ni bsam gyis mi khyab pa'i chos rnams dang ldan pa'o/ /rab 'byor ci ltar na rigs kyi bu 'am rigs kyi bu mo

des de snyed kyi bsod nams mngon par bsgrub ce na/ rab 'byor byang chub sems dpa' sems dpa' chen po de shes rab ci lta bu dang ldan par gyur bas sems can thams cad gsad par bya bar 'gyur ba lta bur mthong ste/ des de'i tshe na snying rje chen po yongs su gzung bar gyur cing des lha'i

mig gis bltas pa dang sems can gzhal du med bgrang du med tshad gzung du med pa dpag tu med pa rnams mtshams med pa'i las rnams dang ldan par gyur par mthong zhing / mi khom par gyur pa dang / rnam par nyams pa dang lta ba'i dra bas khebs pa dang lam ma rnyed ba dang mi khom par

gyur pa gzhan dag kyang mthong la dal ba chud gson pa dag mthong nas/ de'i dus na de skyo ba chen po skyes te des sems can de dag thams cad la byams pa chen po de dang snying rje chen po des khyab par byas nas/ bdag ni sems can 'di dag thams cad kyi mgon du gyur bar bya zhing bdag gis sems

can 'di dag thams cad sdug bsngal las thar bar bya'o snyam du yid la byas par 'gyur ba dang / mtshan ma dag gam gzhan dag lhan cig mi gnas par 'gyur ba'i shes rab de lta bu dang ldan par 'gyur ro/ /rab 'byor 'di yang byang chub sems dpa' sems dpa' chen po'i bla na med pa yang dag

@220b par rdzogs pa'i byang chub mngon par rdzogs par 'tshang rgya bar bya ba la shes rab kyi snang ba chen po'o/ /rab 'byor 'di ltar gnas pas gnas pa'i byang chub sems dpa' sems dpa' chen po ni 'jig rten thams cad kyi sbyin gnas su yongs su 'dzin cing bla na med pa yang dag par rdzogs pa'i byang

chub las phyir mi ldog go/ /sbyin pa po dang sbyin pa'i bdag po gang dag gis chos gos dang bsod snyoms dang mal cha dang nad kyi gsos sman dang yo byad rnams la shes rab kyi pha rol tu phyin pa 'di la sems rab tu nya bar bzhag pas yongs su sbyod na/ sbyin pa po dang sbyin pa'i bdag po rnams kyi

sbyin pa dang yon rnam par sbyong bas de dag thams cad mkhyen pa nyid du nye bar 'gyur ro/ /rab 'byor de lta bas na byang chub sems dpa' sems dpa' chen po yul 'khor gyi bsod snyoms 'bras bu yod par longs spyod par 'dod ba dang sems can thams cad la lam ston par 'dod pa dang

rgya cher snang bar byed 'dod pa dang sems can 'khor ba na gnas pa rnams 'khor ba las thar bar byed 'dod pa dang sems can thams cad kyi mig rnam par sbyong bar 'dod pas shes rab kyi pha rol tu phyin pa dang ldan pa'i yid la byed pa 'dis gnas par bya'o/ /gal te yid la byed pa

'dis gnas par 'dod na des shes rab kyi pha rol tu phyin pa dang ldan pa'i yid la byed pa shes par bya'o/ /de ci'i phyir zhe na/ gang zhig 'di dag shes par bya bar sems pa de nyid de'i yid la byed par 'gyur te/ de las gzhan shes rab kyi pha rol tu phyin pa dang bral ba'i yid

la byed pa'i skrabs dbye bar mi bya'o/ /ci ltar 'di shes rab kyi pha rol tu phyin pa dang ldan pa'i yid la byed pas nyin mtshan zad par 'gyur ba de ltar bya'o/ /rab 'byor 'di lta ste dper na nor bu rin po che shes pa la gnas pa'i skyes bu 'ga' zhig gis nor bu rig po che'i rigs shes

pas sngon ma rnyed pa'i nor bu rin po che chen po zhig rnyed par gyur la/ des nor bu rin po che chen po de rnyed pas dga' ba dang rab tu dga' ba che zhing yangs pa dang ldan pa gyur pa las/ de'i nor bu rin po che chen po de yang stor ba dnag de de'i gzhi las sdug bsngal ba dang yid mi

@221a */ /bde ba chen po dang ldan par 'gyur te/ de 'di ltar kye ma bdag ni nor bu rin po che chen po de dang bral lo zhes rtag tu rgyun mi 'chad par nor bu rin po che chen po dang bral ba'i yid la byed pa 'byung zhing de lhar nor bu rin po che chen po da ? 'am de ma yin pa gzhan de dang yon tan

'dra zhing rigs mthun pa rnyed par gyur gyi bar du skyes bu de nor bu rin po che chen po de mi brjed do/ /rab 'byor de bzhin du byang chub sems dpa' sems dpa' chen po shes rab kyi pha rol tu phyin pa'i nor bu rin po che chen po las yongs su nyams pas kyang nor bu rin po che chen po las yongs su

nyams pa nor bu rin po che chen po la rin po cher 'du shes pa ltar/ shes rab kyi pha rol tu phyin pa yid la byed pa dang ldan zhing shes rab kyi pha rol tu phyin pa yid la byed pa dang ma bral bas thams cad mkhyen pa'i sems kyis ci srid du de 'am gzhan rnyed par gyur pa de srid du btsal bar bya zhing /

de srid du des shes rab kyi pha rol tu phyin pa'i nor bu rin po che chen po rnyed ba dang ldan pa'i yid la byed pa dang thams cad mkhyen pa nyid kyi nor bu rin po che chen po rnyed pa dang ldan pa'i yid la byed pa dang mi 'brel bar 'gyur bar bya'o/ /rab 'byor gyis gsol pa/ bcom ldan 'das gang yang

bcom ldan 'das kyis chos thams cad dang yid la bgyid pa thams cad ni ngo bo nyid dang bral ba dang stong par gsungs lags na/ bcom ldan 'das ci ltar na byang chub sems dpa' sems dpa' chen po de shes rab kyi pha rol tu phyin pa dang ldan pa'i yid la bgyid pa dang thams cad mkhyen

pa nyid dang ldan pa'i yid la bgyid pa dang ma bral bar 'gyur/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor gal te byang chub sems dpa' sems dpa' chen po 'di snyam du chos thams cad ni rang bzhin gyis

dpen pa'o chos thams cad ni rang bzhin gyis stong pa'o zhes yid la byed na/ de ltar yid la byed pa de ni shes rab kyi pha rol tu phyin pa dang ldan pa'i yid la byed pa dang thams cad mkhyen pa dang ldan pa'i yid la byed pa dang ma bral ba yin no/ /de ci'i phyir zhe na/ rab 'byor shes rab kyi pha

@221b rol tu phyin pa ni stong pa ste de ni mi 'phel mi 'grib bo/ /rab 'byor gyis gsol pa/ bcom ldan 'das gal te shes rab kyi pha rol tu phyin pa stong pa ste de mi 'phel mi 'grib na bcom ldan 'das de ci ltar byang chub sems dpa' sems dpa' chen po 'phel ba ma mchis pa'i shes rab

kyi pha rol tu phyin pas byang chub tu bsgrub par 'gyur/ ci ltar na bla na med pa yang dag par rdzogs pa'i byang chub mngon par rdzogs par 'tshang rgya bar 'gyur/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab

'byor yang byang chub sems dpa' sems dpa' chen po shes rab kyi pha rol tu phyin pa la spyod pa ni 'phel ba'am 'grib pa med do/ /rab 'byor ci ltar shes rab kyi pha rol tu phyin pa stong pas de 'phel ba dang 'grib pa med do/ /rab 'byor de bzhin du byang chub sems dpa' sems dpa'

chen po yang stong pas de 'phel ba med cing 'grib pa med do/ /rab 'byor gang gi phyir ci ltar shes rab kyi pha rol tu phyin pa stong pas de 'phel ba med cing 'grib pa med pa yin la rab 'byor de bzhin du byang chub sems dpa' sems dpa' chen po stong pas de 'phel ba med cing 'grib pa med pa

yin pa de'i phyir byang chub sems dpa' sems dpa' chen po byang chub kyi phyir yang dag par sgrub cing de ltar bla na med pa yang dag par rdzogs pa'i byang chub mngon par rdzogs par 'tshang rgya'o/ /rab 'byor gal te de skad du bshad pa la byang chub sems dpa' sems dpa' chen po mi

dngang kun tu mi skrag kun tu skrag pa dang mi ldan zhing zhum par ma gyur na rab 'byor byang chub sems dpa' sems dpa' chen po de shes rab kyi pha rol tu phyin pa 'di la spyod par rig par bya'o/ /rab 'byor gyis gsol pa/ bcom ldan 'das yang ci shes rab kyi pha rol tu phyin pa shes

rab kyi pha rol tu phyin pa la spyod dam/ bcom ldan 'das kyis bka' stsal pa/ rab 'byor de ni ma yin no/ /rab 'byor gyis gsol pa/ bcom ldan 'das yang ci shes rab kyi pha rol tu phyin pa'i stong pa nyid gang lags pa de shes rab kyi pha rol tu phyin pa la spyod dam/ bcom

@222a */ /ldan 'das kyis bka' stsal pa/ rab 'byor de ni ma yin no/ /rab 'byor gyis gsol pa/ bcom ldan 'das yang ci shes rab kyi pha rol tu phyin pa'i stong pa nyid las gzhan na gang shes rab kyi pha rol tu phyin pa la spyod pa'i chos de 'ga' yang dmigs sam/

bcom ldan 'das kyis bka' stsal pa/ rab 'byor de ni ma yin no/ /rab 'byor gyis gsol pa/ bcom ldan 'das yang ci stong pa nyid shes rab kyi pha rol tu phyin pa la spyod dam/ bcom ldan 'das kyis bka' stsal pa/ rab 'byor de ni ma yin no/ /rab 'byor gyis

gsol pa/ bcom ldan 'das yang ci shes rab kyi pha rol tu phyin pa la spyod pa'i chos 'ga' yang stong pa nyid 'di la dmigs sam/ bcom ldan 'das kyis bka' stsal pa/ rab 'byor de ni ma yin no/ /rab 'byor gyis gsol pa/ bcom ldan 'das yang ci stong pa nyid la

stong pa nyid spyod dam/ bcom ldan 'das kyis bka' stsal pa/ rab 'byor de ni ma yin no/ /rab 'byor gyis gsol pa/ bcom ldan 'das yang ci gzugs shes rab kyi pha rol tu phyin pa la spyod dam/ bcom ldan 'das kyis bka' stsal pa/ rab 'byor de ni ma yin no/ /

rab 'byor gyis gsol pa/ bcom ldan 'das yang ci tshor ba dang 'du shes dang 'du byed rnams dang bcom ldan 'das yang ci rnam par shes pa shes rab kyi pha rol tu phyin pa la spyod dam/ bcom ldan 'das kyis bka' stsal pa/ rab 'byor de ni ma yin no/ /rab 'byor gyis gsol

pa; bcom ldan 'das yang ci gzugs las gzhan na gang shes rab kyi pha rol tu phyin pa la spyod pa'i chos de 'ga' yang dmigs sam/ bcom ldan 'das kyis bka' stsal pa/ rab 'byor de ni ma yin no/ /rab 'byor gyis gsol pa/ bcom ldan 'das yang ci tshor ba dang

'du shes dang 'du byed rnams las gzhan dang rnam par shes pa las gzhan na gang shes rab kyi pha rol tu phyin pa la spyod pa'i chos de 'ga' yang dmigs sam/ bcom ldan 'das kyis bka' stsal pa/ rab 'byor de ni ma yin no/ /rab 'byor gyis gsol pa/ bcom ldan

@222b 'das 'o na ci ltar byang chub sems dpa' sems dpa' chen po shes rab kyi pha rol tu phyin pa la spyod par 'gyur/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor yang ci gang zhig shes rab kyi pha rol tu

phyin pa la spyod pa'i chos de khyod kyis yang dag par rjes su mthong ngam/ rab 'byor gyis gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor shes rab kyi pha rol tu phyin pa gang la byang chub sems dpa' sems dpa' chen po spyod

pa'i shes rab kyi pha rol tu phyin pa de khyod kyis yang dag par rjes su mthong ngam/ rab 'byor gyis gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor de ci snyam du sems chos 'ga' zhig dmigs su med pa'i chos de yang

dag par rjes su mthong ngam/ chos de nyid skyes pa'am skye bar 'gyur ba 'am skye ba'am 'gags pa'am 'gag par 'gyur ba'am 'gag pa yin nam ci/ rab 'byor gyis gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor

de ltar na byang chub sems dpa' sems dpa' chen po'i mi skye ba'i chos la bzod pa ni de lta bu'i ngo bo yin te/ rab 'byor de lta bu'i ngo bo'i bzod pa dang ldan pa'i byang chub sems dpa' sems dpa' chen po ni bla na med pa yang dag par rdzogs pa'i byang chub tu lung bstan par 'gyur ro/ /rab

'byor byang chub sems dpa' sems dpa' chen po ni de bzhin gshegs pa'i mi 'jigs pa'i lam 'di bsgrubs nas/ de ltar spyod cing de ltar brtson te de ltar 'bad na sangs rgyas kyi ye shes bla na med pa dang ye shes chen po dang thams cad mkhyen pa'i ye shes dang ded dpon chen po'i ye

shes thob par mi 'gyur ba 'di ni gnas med do/ /rab 'byor gyis gsol pa/ bcom ldan 'das chos thams cad kyi mi skye ba'i chos nyid gang lags pa de bla na med pa yang dag par rdzogs pa'i byang chub tu lung bstan par 'gyur ram/ bcom ldan 'das kyis bka' stsal pa/

@223a */ /rab 'byor de ni ma yin no/ /rab 'byor gyis gsol pa/ bcom ldan 'das 'o na da ? chos gang la bla na med pa yang dag par rdzogs pa'i byang chub tu lung bstan pa lags/ bcom ldan 'das kyis bka' stsal pa/ rab 'byor yang ci khyod kyis chos gang bla na med

pa yang dag par rdzogs pa'i byang chub tu lung bstan pa'i chos de yang dag par rjes su mthong ngam/ rab 'byor gyis gsol pa/ bcom ldan 'das de ni ma lags te/ bcom ldan 'das chos gang bla na med pa yang dag par rdzogs pa'i byang chub tu lung bston par dang lung ston par 'gyur ba dang

lung ston pa'i chos de ni bdag gis yang dag par rjes su ma mthong ngo/ /bcom ldan 'das chos gang mngon par rdzogs par sangs rgyas pa 'am chos gang mngon par rdzogs par sangs rgyas par bgyi ba 'am chos gang gis mngon par rdzogs par 'tshang rgya bar 'gyur ba'i chos de yang

bdag gis yang dag par rjes su ma mthong ngo/ /de ci'i slad du zhe na/ bcom ldan 'das chos thams cad dmigs su ma mchis pa la bdag 'di snyam du chos 'di ni mngon par rdzogs par 'tshang rgya'o chos 'di ni mngon par rdzogs par 'tshang rgya bar bgyi'o chos 'dis ni mngon par rdzogs

par sangs rgyas so zhes mi sems pa'i slad du'o/ /'phags pa shes rab kyi pha rol tu phyin pa brgyad stong pa las dge ba'i bshes gnyen gyi le'u zhes bya ste nyi shu rtsa gnyis pa'o// //yang de'i tshe lha rnams kyi dbang po brgya byin 'khor de nyid du 'dus par gyur nas

'dug go/ /de nas bcom ldan 'das la lha rnams kyi dbang po brgya byin gyis 'di skad ces gsol to/ /bcom ldan 'das shes rab kyi pha rol tu phyin pa 'di ni zab bo/ /kye ma bcom ldan 'das shes rab kyi pha rol tu phyin pa 'di ni blta dka' zhing rtogs par dka' ba'o/ /de skad ces

gsol pa dang / bcom ldan 'das kyis lha rnams kyi dbang po brgya byin la 'di skad ces bka' stsal to/ /kO shi ka de de bzhin no/ /de de bzhin te/ kO shi ka shes rab kyi pha rol tu phyin pa 'di ni zab bo/ /kO shi ka shes rab kyi pha rol tu phyin pa 'di ni blta dka' zhing rtogs par

@223b dka' ba ste/ nam mkha' zab pa'i phyir shes rab kyi pha rol tu phyin pa 'di zab bo/ /shes rab kyi pha rol tu phyin pa 'di dben pa'i phyir blta dka' ba'o/ /stong pa'i phyir rtogs par dka'o/ /de skad ces bka' stsal pa dang / bcom ldan 'das la lha rnams kyi dbang po brgya byin gyis

'di skad ces gsol to/ /bcom ldan 'das gang dag shes rab kyi pha rol tu phyin pa zab mo 'di nyan par 'gyur zhing thos nas kyang 'dzin pa dang 'chang ba dang klog pa dang kun chub par bgyid pa dang rab tu 'don pa dang ston pa dang nye bar ston pa dang lung 'bogs pa dang kha ton bgyid pa dang yi ger

'dri bar 'gyur ba'i sems can de dag ni ngan ngon gyi dge ba'i rtsa ba dang ldan pa ma lags so/ /de skad ces gsol pa dang / bcom ldan 'das kyis lha rnams kyi dbang po brgya byin la 'di skad ces bka' stsal to/ /kO shi ka de de bzhin no de de bzhin te/ kO shi ka gang dag shes rab

kyi pha rol tu phyin pa zab mo 'di nyan bar 'gyur zhing thos nas kyang 'dzin pa dang 'chang ba dang klog pa dang kun chub par byed pa dang rab tu 'don pa dang ston pa dang nye bar ston pa dang lung 'bogs pa dang kha ton byed pa dang yi ger 'dri bar 'gyur ba'i sems can de dag ni ngan ngon gyi dge ba'i rtsa ba

dang ldan pa ma yin no/ /kO shi ka 'dzam bu'i gling na sems can ci snyed yod pa de dag thams cad dge ba bcu'i las kyi lam la bkod par gyur na kO shi ka de ci snyam du sems ci sems can de dag yang de'i gzhi las bsod nams mang du skyed dam/ brgya byin gyis gsol pa/ bcom

ldan 'das mang ngo/ /bde bar gshegs pa mang ngo/ /bcom ldan 'das kyis bka' stsal pa/ kO shi ka rigs kyi bu 'am rigs kyi bu mo 'di de bas bsod nams mang du skyed de/ gang shes rab kyi pha rol tu phyin pa 'di nyan pa dang thos nas kyang 'dzin pa dang 'chang ba dang klog pa dang kun

chub par byed pa dang rab tu 'don pa dang ston pa dang nye bar ston pa dang lung 'bogs pa dang kha ton byed pa dang yi ger 'dri bar 'gyur ba ste/ kO shi ka rigs kyi bu 'am rigs kyi bu mo gang zhig shes rab kyi pha rol tu phyin pa zab mo 'di nyan par 'gyur zhing thos nas kyang 'dzin pa dang 'chang ba dang klog pa

@224a */ /dang kun chub par byed pa dang rab tu 'don pa dang ston pa dang nye bar ston pha dang lung 'bogs pa dang kha ton byed pa dang yi ger 'dri bar 'gyur de dge ba'i rtsa ba gang dang ldan par 'gyur ba'i bsod nams kyi phung po 'di la snga ma 'dzam bu'i gling gi sems can thams cad kyi

tshul khrims las byung ba'i bsod nams kyi phung pos brgya'i char yang nye bar mi 'gro/ stong gi char yang brgya stong gi char yang bye ba'i char yang bye ba brgya'i char yang bye ba stong gi char yang bye ba brgya stong gi char yang bye ba khrag khrig brgya stong gi char yang nye bar mi 'gro'o/ /grangs su yang

nye bar mi 'gro'o/ /bgrang bar yang dper yang dpes bstan par bya bar yang gzhir yang rgyur yang mi bzod do/ /de nas dge slong gzhan zhig gis lha rnams kyi dbang po brgya byin la 'di skad ces smras so/ /kO shi ka rigs kyi bu 'am rigs kyi bu mo gang shes rab kyi pha rol tu phyin

pa zab mo 'di nyan pa dang thos nas kyang 'dzin pa dang 'chang ba dang klog pa dang kun chub par byed pa dang rab tu 'don pa dang ston pa dang nye bar ston pa dang lung 'bogs pa dang kha ton byed pa dang yi ger 'dri bar 'gyur ba des khyod zil gyis mnan to/ /de skad ces smras pa dang/ lha rnams kyi dbang

po brgya byin gyis dge slong de la 'di skad ces smras so/ /'phags pa rigs kyi bu 'am rigs kyi bu mo des sems bskyed pa gcig gis kyang bdag zil gyis mnan na/ gang shes rab kyi pha rol tu phyin pa zab mo 'di nyan pa dang 'dzin pa dang 'chang ba dang klog pa dang kun chub par byed pa dang/

rab tu 'don pa dang ston pa dang nye bar ston pa dang lung 'bogs pa dang kha ton byed pa dang yi ger 'dri bar 'gyur bas lta yang ci smos/ gang gis thos nas kyang 'dzin pa dang 'chang ba dang klog pa dang kun chub par byed pa dang rab tu 'don pa dang ston pa dang nye bar ston pa dang lung 'bogs pa dang kha

ton byed pa dang yi ger bris te de bzhin nyid du slob pa dang de bzhin nyid du sgrub pa dang de bzhin nyid du rnal 'byor du byed pa lta yang ci smos te/ byang chub sems dpa' sems dpa' chen po de dang de dag ni lha dang mi dang lha ma yin du bcas pa'i 'jig rten zil gyis gnon cing 'gro bar 'gyur ro/ /

@224b byang chub sems dpa' sems dpa' chen po de dag ni lha dang mi dang lha ma yin du bcas pa'i 'jig rten 'ba' zhig zil gyis gnon cing 'gro bar ma zad kyi/ gang yang rgyun tu zhugs pa dang lan cig phyir 'ong ba dang phyir mi 'ong ba dang dag bcom pa dang rang sangs rgyas de dag

thams cad kyang zil gyis gnon cing 'gro bar 'gyur ro/ /byang chub sems dpa' sems dpa' chen po de dag ni rgyun tu zhugs pa dang lan cig phyir 'ong ba dang phyir mi 'ong ba dang / dgra bcom pa dang rang sangs rgyas rnams 'ba' zhig zil gyis gnon cing 'gro bar ma zad kyi/ gang

gang yang byang chub sems dpa' sems dpa' chen po sbyin pa'i bdag po chen po dag shes rab kyi pha rol tu phyin pa dang thabs mkhas pa dang bal ba de dag thams cad kyang zil gyis gnon cing 'gro bar 'gyur ro/ /byang chub sems dpa' sems dpa' chen po de dag ni byang chub

sems dpa' sems dpa' chen po'i sbyin pa'i bdag po chen po 'ba' zhig zil gyis gnon cing 'gro bar ma zad kyi/ gang yang byang chub sems dpa' sems dpa' chen po tshul khrims yongs su dag cing tshul khrims kyi phung po mnyams ? pa dang skyon med pa dang 'dren mar ma

gyur pa dang yongs su rdzogs pa dang yongs su dag pa dang lhad ma zhugs pa'i tshul khrims kyi phung po dang ldan la/ shes rab kyi pha rol tu phyin pa dang thabs mkhas pa dang bral ba de dag thams cad kyang zil gyis gnon cing 'gro bar 'gyur ro/ /byang chub sems dpa' sems dpa'

chen po de dag ni byang chub sems dpa' sems dpa' chen po tshul khrims kyi phung po mnyams pa skyon med pa 'dren mar ma gyur pa yongs su rdzogs pa yongs su dag pa lhad ma zhugs pa dang ldan pa dag 'ba' zhig zil gyis gnon cing 'gro bar ma zad kyi/ gang yang byang chub sems

dpa' sems dpa' chen po bzod pa phun sum tshogs pa zhi ba phun sum tshogs pa chung du na sdong dum mes tshig pa la yang gnod pa'i sems mi bskyed la/ shes rab kyi pha rol tu phyin pa dang thabs mkhas pa dang bral ba de dag thams cad kyang zil gyis gnon cing 'gro bar 'gyur ro//

@225a */ /byang chub sems dpa' sems dpa' chen po de dag ni byang chub sems dpa' sems dpa' chen po bzod pa phun sum tshogs bzhi ba phun sum tshogs ba sems khong khro ba med pa dag 'ba' zhig zil gyis gnon cing 'gro bar ma zad kyi gang yang byang chub sems dpa'

sems dpa' chen po brtson 'grus brtsams pa snyom pa med pa le lo med pa ma zhum pa'i lus dang ngag dang yid kyi las kyi mtha' dang ldan la/ shes rab kyi pha rol tu phyin pa dang thabs mkhas pa dang bral ba de dag thams cad kyang zil gyis gnon cing 'gro bar 'gyur ro/ /byang chub

sems dpa' sems dpa' chen po de dag ni byang chub sems dpa' sems dpa' chen po brtson 'grus brtsams pa snyom pa med pa le lo med pa ma zhum pa'i lus dang ngag dang yid kyi las kyi mtha' dang ldan pa dag 'ba' zhig zil gyis gnon cing 'gro bar ma zad kyi/ gang yang byang chub

sems dpa' sems dpa' chen po bsam gtan la dga' zhing bsam gtan la mos pa bsam gtan gyi stobs can bsam gtan dang ldan pa bsam gtan la gnas pa bsam gtan la dbang ba/ shes rab kyi pha rol tu phyin pa dang thabs mkhas pa dang bral ba de dag thams cad kyang zil

gyis gnon cing 'gro bar 'gyur ro/ /byang chub sems dpa' sems dpa' chen po shes rab kyi pha rol tu phyin pa ci ltar bstan pa la spyod pa'i byang chub sems dpa' sems dpa' chen po de dag ni lha dang mi dang lha ma yin du bcas pa'i 'jig rten thams cad zil gyis gnon cing 'gro bar 'gyur

ro/ /nyan thos kyi theg pa can dang rang sangs rgyas kyi theg pa can thams cad dang thab mi mkhas pa'i byang chub sems dpa' sems dpa' chen po rnams zil gyis gnon par 'gyur te de dag ni zil gyis mi gnon par 'gyur ro/ /de ci'i phyir zhe na/ byang chub sems dpa' sems

dpa' chen po gang shes rab kyi pha rol tu phyin pa ci ltar bstan pa la spyod cing shes rab kyi pha rol tu phyin pa'i rjes su 'jug na byang chub sems dpa' sems dpa' chen po 'di ni thams cad mkhyen pa'i gdung mi gcad par bya ba'i phyir zhugs pa yin no/ /byang chub sems dpa' sems dpa'

@225b chen po 'di ni de bzhin gshegs pa rnams rgyang ring du ring du mi byed par 'gyur ro/ /byang chub sems dpa' sems dpa' chen po 'di de ltar nan tan byed na byang chub kyi snying por yun ? mi ring bar 'gro bar 'gyur ro/ /byang chub sems dpa' sems dpa' chen po 'di shes rab kyi pha rol tu phyin

pa la de ltar slob na sems can nyon mongs pa'i 'dam du bying ba rnams 'byin par 'gyur ro/ /byang chub sems dpa' sems dpa' chen po 'di de ltar slob na byang chub sems dpa'i bslab pa la slob pa yin te nyan thos kyi bslab pa la mi slob bo/ /rang sangs rgyas kyi bslab pa la mi

slob bo/ /byang chub sems dpa' sems dpa' chen po de ltar shes rab kyi pha rol tu phyin pa la slob pa'i drung du 'jig rten skyong ba rgyal po chen po bzhi 'ongs nas 'di skad ces/ rigs kyi bu khyod myur du byang chub sems dpa'i blab pa la slobs shig /la gor slobs shig dang gang khyod

byang chub kyi snying po la 'dug nas bla na med pa yang dag par rdzogs pa'i byang chub mngon par rdzogs par sangs rgyas nas blang bar bya ba'i lhung bzed bzhi po ni 'di dag yin no bzhas ? smra bar 'gyur ro/ /byang chub sems dpa' sems dpa' chen po ci ltar bstan pa'i shes rab kyi pha rol tu phyin

pa la de ltar slob pa'i drung du 'jig rten skyong ba rgyal po chen po bzhi 'ba' zhig mchi bar sems par yang ma zad de/ bcom ldan 'das bdag kyang byang chub sems dpa' sems dpa' chen po de'i drung du mchi bar sems na lha'i bu gzhan dag lta ci smos/ byang chub sems dpa' sems

dpa' chen po de de bzhin gshegs pa dgra bcom pa yang dag par rdzogs pa'i sangs rgyas dag gis kyang rtag tu dgongs par 'gyur ro/ /byang chub sems dpa' sems dpa' chen po de ltar shes rab kyi pha rol tu phyin pa la spyod pa ni 'jig rten gyi sdug bsngal ba dang pha rol gyi gnod pa

gang yang rung ? ba dag 'byung ba de dag dang gzhan dag thams cad nas thams cad rnam pa thams cad du thams cad 'byung bar mi 'gyur te/ bcom ldan 'das 'di yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe 'di'i yon tan lags so/

@226a */ /de nas tshe dang ldan pa kun dga' bo 'di snyam du sems te/ ci lha rnams kyi dbang po brgya byin 'di bdag nyid kyi sbobs bas smra'am 'on te sangs rgyas kyi mthus smra snyam mo/ /de nas sangs rgyas kyi mthus lha rnams kyi dbang po brgya byin gyis tshe dang ldan pa kun dga' bo'i

sems kyi rtog pa sems kyis shes nas tshe dang ldan pa kun dga' bo la 'di skad ces smras so/ /'phags pa kun dga' bo 'di ni sangs rgyas kyi mthur rig par bya'o/ /'phags pa kun dga' bo 'di ni sangs rgyas kyi byin gyi rlabs su rig phar bya ste/ 'phags pa kun dga' bo bdag

ni byang chub sems dpa' sems dpa' chen po las brtsams te smra mi nus so/ /de nas bcom ldan 'das kyis tshe dang ldan pa kun dga' bo la 'di skad ces bka' stsal to/ /kun dga' bo ci ltar lha rnams kyi dbang po brgya byin gyis smras pa/ de de bzhin no de de bzhin te/ 'di

ni de bzhin gshegs pa'i mthu'o/ /'di ni de bzhin gshegs pa'i byin gyis brlabs kyis lha rnams kyi dbang po brgya byin gyis bshad pa yin no/ /'phags pa shes rab kyi pha rol tu phyin pa brgyad stong pa las brgya byin gyi le'u zhes bya ste nyi shu gsum pa'o//

// shes rab kyi pha rol tu phyin pa brgyad stong pa/ bam po nyi shu pa/ de nas yang bcom ldan 'das kyis tshe dang ldan pa kun dga' bo la 'di skad ces bka' stsal to/ /kun dga' bo yang gang gi tshe byang chub sems dpa' sems dpa' chen po shes rab kyi pha rol tu phyin pa la slong ba ? dang

shes rab kyi pha rol tu phyin pa la rnal 'byor du byed pa dang shes rab kyi pha rol tu phyin pa sgom pa de'i tshe/ kun dga' bo gang dag stong gsum gyi stong chen po'i 'jig rten gyi khams kyi bdud sdig can de dag thams cad 'di lta the tshom za bar 'gyur te/ byang chub sems dpa' sems dpa'

chen po 'di ci bar ma dor nyan thos kyi sa 'am rang sangs rgyas kyi sa la yang dag pa'i mtha' mngon sum du byed dam 'on te bla na med pa yang dag par rdzogs pa'i byang chub mngon par rdzogs par 'tshang rgya bar 'gyur snyam mo/ /kun dga' bo gzhan yang gang gi tshe byang chub sems dpa' sems

@226b dpa' chen po shes rab kyi pha rol tu phyin pa la gnas pas gnas pa de'i tshe/ gang bdud sdig can de dag mya ngan gyi zug rdus zug par 'gyur ro/ /kun dga' bo gzhan yang gang gi tshe byang chub sems dpa' sems dpa' chen po shes rab kyi pha rol tu phyin pa la spyod cing shes rab

kyi pha rol tu phyin pa la rnal 'byor du byed pa de'i tshe bdud sdig can de dag byang chub sems dpa' sems dpa' chen po la 'tshe bar byed de/ ci nas byang chub sems dpa' sems dpa' chen po 'di zhum par 'gyur ba dang spu zing zhes byed par 'gyur ba dang des bla na med pa yang dag

bar rdzogs pa'i byang chub tu de'i sems bskyed pa gcig tsam yang zad par 'gyur snyam ste 'jigs pa dag kyang 'byin cing phyogs dang phyogs su skar mda' ltung ba dang me thar ba lta bu dag kyang gtong zhing ston to/ /kun dga' bo de la byang chub sems dpa' sems dpa' chen po thams

cad kyi drung du bdud sdig can 'tshe bar sems shing mi 'ong ste/ ? 'on kyang kha cig gi drung du ni 'ong kha cig gi drung du ni mi 'ong do/ /kun dga' bos gsol pa/ bcom ldan 'das byang chub sems dpa' sems dpa' chen po ci lta bu'i drung du bdud sdig can 'tshe bar sems shing

mchi/ bcom ldan 'das kyis bka' stsal pa/ kun dga' bo byang chub sems dpa' sems dpa' chen po gang gis sngon gyi mthar yang shes rab kyi pha rol tu phyin pa bshad pa la mos pa'i sems ma bskyed par gyur na/ kun dga' bo byang chub sems dpa' sems dpa' chen

po de la bdud sdig can 'tshe bar sems shing 'ong ste/ glags kyang rnyed par 'gyur ro/ /kun dga' bo gzhan yang byang chub sems dpa' gang shes rab kyi pha rol tu phyin pa zab mo 'di bshad pa la 'di shes rab kyi pha rol tu phyin pa yin nam ma yin snyam du the tshom za bar 'gyur yid

gnyis skye bar 'gyur te/ kun dga' bo de ltar tha tshom skyes pa'i byang chub sems dpa' sems dpa' chen po la yang bdud sdig can la tshe bar sems shing 'ong ste de la glags rnyed par 'gyur ro/ /kun dga' bo gzhan yang 'di la yang chub sems dpa' sems dpa' chen po dge ba'i

@227a */ /bshes gnyen dang bral zhing sdig pa'i grogs pos yongs su zin par gyur na de zab mo zab mo 'di gnas shes rab kyi pha rol tu phyin pa bshad pa la mi nyan te ma mnyan pas mi shes so mi shes pas ci ltar shes rab kyi pha rol tu phyin pa la bsgom par bya zhes mi 'dri ste/ kun

dga' po byang chub sems dpa' sems dpa' chen po 'di la'ang bdud sdig can 'tshe bar sems shing 'ong ste de la glags kyang rnyed par 'gyur ro/ /kun dga' bo gzhan yang byang chub sems dpa' sems dpa' chen po gang zhig dam pa'i chos ma yin pa yongs su 'dzin pa la spyor ba la

brten par 'gyur te/ 'di ni bdag gi grogs po don thams cad la yang nga mi 'dor ba/ bdag gi grogs po byang chub sems dpa' sems dpa' chen po gzhan mang du yod mod kyi de dag ni bdag gi bsam pa rdzogs par mi byed de/ 'di ni bdag dang mthun pa'i grogs rnyed pa

yin te 'dis bdag gi bsam pa yongs su rdzogs par byed do snyam na/ kun dga' po byang chub sems dpa' sems dpa' chen po 'di la yang bdud sdig can 'tshe bar sems shing 'ong ste glags kyang rnyed par 'gyur ro/ /kun dga' po gzhan yang byang chub sems dpa' sems dpa'

chen po gang shes rab kyi pha rol tu phyin pa zab mo 'di bshad pa na byang chub sems dpa' sems dpa' chen po gzhan la 'di skad ces zer te/ kye ma shes rab kyi pha rol tu phyin pa 'di ni zab ste khyod la 'di mnyan pas ci zhig bya/ ji ltar mdo sde gzhan dag tu de bzhin gshegs pas

bshad pa de lta 'dir btson par byas pa na ni ma yin te/ bdag gis ni 'di'i gting mi rnyed ro mi mnyong na khyod la 'di mnyan pa'am bros pas ci zhig bya zhes byang chub sems dpa' sems dpa' chen po gzhan dag kyang de ltar 'bral bar byed de/ kun dga' bo byang chub sems dpa'

sems dpa' chen po 'di la yang nga dud sdig can 'tshe bar sems shing 'ong ste glags kyang rnyed par 'gyur ro/ /kun dga' bo gzhan yang gang gi tshe byang chub sems dpas byang chub sems dpa' gzhan dag la brnyas par byed cing bdag ni dben par gnas pas gnas te gzhan dag ni

@227b dben par gnas pas mi gnas so/ /gzhan dag la ni dben par gnas pa med do snyam na kun dga' bo de'i tshe bdud sdig can dga' mgu yi rangs par 'gyur zhing rab tu dga' ba dang rangs par dang yid bde bsked ste/ /kun tu tshim pa skye zhing sems tshim par gyur la rab tu dga' ba skyed par

'gyur ro/ /de ci'i phyir zhe na/ 'di ni bla na med pa yang dag par rdzogs pa'i byang chub rgyang ring du byed do snyam mo/ /kun dga' bo gzhan yang gang gi tshe byang chub sems dpa' sems dpa' chen po ming nas smos pa'am rus nas smos pa'am sbyang pa'i yon tan yongs su brjod pa

de'i tshe de tsam gyis de ma yin pa'i byang chub sems dpa' sems dpa' chen po de pa dge pa'i chos can gzhan dag la brnyas par byed de/ de la yang yon tan de dag med de phyir mi ldog pa'i byang chub sems dpa' smes dpa' chen po shes rab kyi pha rol tu phyin pa la spyod pa'i yon

tan gang yin pa de dag dang rnam pa de dag dang rtags de dag dang mtshan ma de dag med do/ /de dag de la med bzhin du de phyir mi ldog pa'i yon tan rnams la nyon mongs pa skyed de 'di lta steng gang la snang ba'i chos de dag la khyod mi snang ngo zhes bdag la stod cing gzhan la smod do/ /

de la bdud sdog can 'di snyam du sems te/ bdud kyi nas stongs par mi 'gyur zhing sems can dmyal ba chen po zhig par mi 'gyur/ byol song gi skye gnas dang yi dags kyi yul dang lha ma yin gyi tshogs zhig par mi 'gyur ba lta snyam nas/ /bdud sdig can gyis ci

ltar byang chub sems dpa'sems dpa' chen po de dag 'di ltar rnyed pa dang bkur stes non pa'i rang zhin can du 'gyur zhing/ tshig btsun par 'gyur ba dang tshig btsun pa des skye bo mang pos 'dzin par 'gyur zhing de dag la skye bo mang po yang mnyan pa dang dad par bya snyem du sems pa

de ltar byin gyis rlob ste/ mthong ngam thos nas kyang de dag gi rjes su byed par 'gyur zhing de dag mthong ba dang thos pa'i rjes su byed pa na de bzhin nyid du mi slob de bzhin nyid du mi sgrub ba de bzhin nyid du rnal 'byor du mi byed par 'gyur ro/ /de dag de ltar de bzhin nyid la mi slob cing de

@228a */ /bzhin nyid la mi sgrub de bzhin nyid la rnal 'byor du mi byed pas nyon mongs pa rnam par 'phel bar 'gyur ro/ /de dag de ltar sems kyi rgyud phyin ci log pas lus dang ngag dang yid kyi las gang dang gang byed pa de dag thams cad mi 'dod pa dang mi sdug pa dang mi dga'

ba dang ying du mi 'ong bar 'gyur ro/ /de ltar sems can dmyal ba chen po de dag zhig par mi 'gyur ro/ /byol song gi skye gnas dang yi dags kyi yul dang lha ma yin gyi tshogs dang bdud kyi gnas rnam zhig par mi 'gyur ro/ /kun dga' bo don gyi dbang 'di yang mthong nas

bdud sdig can dga' mgu yi rangs shing rab tu dga' ba dang tshim pa dang yid bde ba skye bar 'gyur ro/ /kun dga' bo gzhan yang gang gi tshe byang chub sems dpa' sems dpa' chen po gang zag nyan thos kyi theg pa can dang lhan cig 'thab par byed/ tsod par byed 'gyed par byed gshe

zhing sbyo bar byed gnod par sems shing zhe sngang skyed na/ de'i tshe bdud sdog can 'di snyam du sems te kye ma rigs kyi bu 'di ni thams cad mkhyen pa nyid rgyang ring du byed par 'gyur te/ thams cad mkhyen pa nyid las shin tu rgyang ring bar gnas par 'gyur ro snyam mo/ /gal te yang gang zag

byang chub sems dpa'i theg pa can/ /gang zag byang chub sems dpa'i theg pa can gzhan dang lhan cig 'thab bar byed rtsod par byed 'gyed par byed gshe zhing spyod par byed gnod par sems shing zhe sdang skyed na/ de la bdud sdig can shin tu dga' mgu yi rangs shing rab tu dga' ba dang tshim pa

dang yid bde bskye bar 'gyur te/ de 'di snyam du sems de byang chub sems dpa' 'di gnyi ga yang thams cad mkhyed pa nyid las rgyang ring du gnas par 'gyur ro snyam mo/ /kun dga' bo gzhan yang byang chub sems dpa' sems dpa' chen po lung ma bstan pa gang byang chub sems dpa sems

dpa' chen po lung bstan pa dang lhan cig 'thab par byed rtsod par byed 'gyed par byed g.she zhing sbyo bar byed gnod par sems shing zhe sdang skyed la sems la gnod par byed na byang chub sems dpa' sems dpa' chen po de gal te thams cad mkhyen pa nyid ma btang na sems bskyed ba de snyed kyi

@228b bskal par go cha bgo dgos so/ /de skad ces bka' stsal pa dang/ bcom ldan 'das la te dang ldan pa kun dga' bos 'di skad ces gsol to/ /bcom ldan 'das sems bskyed pa de dag la nges par 'byung ba cung zad cig mchis sam 'on te bskal pa de snyed du byang chub sems

dpa' sems dpa' chen po des gdon mi 'tshal bar go cha bgo 'tshal ba lags/ /bocm lda 'das kyis bka' stsal pa/ kun dga' bo gang zag nyan thos kyi theg pa can dang rang sangs rgya kyi theg pa can dang gang zag byang chub sems dpa'i theg pa can dag la ngas par 'byung ba

dang bcos pa'i chos bstan to/ /de la kun dga' bo gang zag byang chub sems dpa'i theg pa can gang zhig gang zag byang chub sems dpa'i theg pa can dang lhan cig 'thabs shing rtsod de bkye nas g.she zhing spyos gnod par bsams zhi sdang bskyed nas so sor bshags par mi byed phyis sdom par

mi 'dzin khon du 'dzin cing kho na du bzung nas 'dug na/ kun dga' bo gang zag de la nges par 'byung ba yod par nga mi smra ste kun dga' bo gang zag des phyir bskal ba de snyid du gdon mi zab bar go cha bgo dgos so/ /kun dga' bo yang gang zag byang chub sems dpa'i theg pa can gang/ gang zag

byang chub sems dpa'i theg pa can dang lhan cig 'thabs shing rtsod de bkye nas gshe zhing sbyos ? gnod par bsams zhe sdang bskyed nas so sor bshags par byed so sor bshad par byas nas phyis kyang sdom pas 'dzin pa la sems 'di lta bskyed de ci nas bdag gis sems can thams cad kyi rtsod pa

gcad pa bya ba yin bsal ba bya ba yin na/ bdag nyid rtsod par byed pa dang smras pa la bdag slar smra ba ni rnyed pa ngan pa rnyed pa yin no/ /ngan pa rnyed de legs par ma rnyed do/ /bdag gis ci nas sems can thams cad kyi jam pa lta bur 'gyur bar bya ba yin la

bdag pha rol la khyod ces tshig drang tu smra bsam/ /tshig rtsub bos lan ldon zhing smra ba 'di ni bdag gis smra ba me ? bya ste/ 'thab cid rtsod pa dang 'gyed pa rnams la bdag ni glen pa dang 'on pa dang lkug pa dang 'dra bar bya'o/ /pha rol gyis ngan du smras pa dang ngan du brdzod pa dang ngan du zer

@229a */ /pa rnams smras pa thos kyang gzhan gyi drung du ngan sems su mi bya'o/ /pha rol gyi nyes pa dang skyon bdag gis shes par bya ba na 'di ni bdag la legs pa ma yin te bdag gi cha ma yin no/ /bdag gis bzhan gyi nyes pa dang skyon mnyan to snyam du bsam pa 'di ni bdag gi cha

ma yin no snyam mo/ /de ci'i phyir zhe na/ bdag gis lhag pa'i bsam pa 'khrug par bya ba ma yin no/ /ci nas bdag bla na med pa yang dag par rdzogs pa'i byang chub mngon par rdzogs par sangs rgyas nas sems can thams cad bde ba'i yo byad thams cad kyis bde bar bya ba dang yongs

su myan ngas las 'da' bar bya ba zhes bya bde bdag gis bhod sems bskyed pa yin nam bdag dang gzhan dag 'gras pa na yang dag gis gzhan la gnod sems ce bya ba zhes bya bde bdag 'khrugs par gyur pa yin nam/ /'di ni bdag gis bya ba ma yin te bdag gis ni brtul ba brtan pas

pha rol tu gnan par bya zhing srog gi bar chad byed pa la yang bdag 'khrug par mi bya ba dang bzhin la khro gnyer byung bar mi bya'o snyam pa 'di ni kun dga' bo byang chub sems dpa' sems dpa' chen po de'i nges par 'byung ba yin par ngas bshad do/ /kun dga' bo byang chub sems dpa'

sems dpa' chen po gang zag nyan thos kyi theg pa can rnam kyi drung du yang de ltar gnas par bya ste/ ci ltar sems can su'i drung du yang 'khrug pa mi 'gyur ba de ltar sems can thams cad kyi drung du gnas par bya'o/ /kun dga' bo byang chub sems dpa' sems dpa' cen pos gang

zag byang chub sems dpa'i theg pa can gzhan dag gis drung du ci ltar g.nas par bya zhe na/ kun dga' bo 'di lta ste ston pa la ci lta ba de bzhin du ste/ byang chub sems dpa' sems dpa' chen po 'di dag ni nga'i ston pa'o zhes de ltar gnas par bya'o/ /byang chub sems dpa sems

dpa' chen po 'di dag ni bdag dang theg pa gcig la zhug pa'o/ /byang chub sems dpa sems dpa' chen po 'di dag ni bdag dang lam gcig tu zhugs pa'o/ /byang chub sems dpa sems dpa' chen po 'di dag ni bdag dang bsam pa mthun pa'o/ /byang chub sems dpa'

@229b sems dpa' chen po 'di dag ni bdag dang theg pa mthun pa la yang dag par zhags pa ste/ gang la 'di dag gis bslab par bya ba de la bdag gis kyang bslab par bya'o/ /'di dag gis ci ltar bslab par bya ba de bzhin du bdag kyis kyang de ltar bslabs par bya'o/ /gal te 'di

dag las kha cig 'dris par gnas pas gnas par gyur nam yang bdag gis ni 'dris par nas par gnas par mi bya'o/ /gal te yang 'di dag thams cad mkhyen par dang ldan pa'i yid la byad pas ma 'dres par gnas pas gnas na bdag gis kyang de bzhin du bslab par bya'o/ /kun

dga' bo byang chub sems dpa' sems dpa' chen po de ltar thams cad mkhyen pa nyid la slob pa na bla na med pa yang dag par rdzogs pa'i byang chub la bar chad med par 'gyur te/ /myur du bla na med pa yang dag par rdzogs pa'i byang chub mngon par rdzogs par 'tshang rgya'o/ /'phags

pa shes rab kyi pha rol tu phyin pa brgyad stong pa las mngon pa'i nga rgyal gyi le'u zhes bya ste/ nye shu bzhi pa'o// //de nas bcon ldan 'das la tshe dang ldan pa rab 'byo gyis 'di skad ces gsol to/ /bcom dna 'das yang byang chub sems dpa sems dpa'

chen po gang la bslabs na thams cad mkhyen pa nyid la slob pa lags/ bcom lda 'das kyis bka' stsal pa/ rab 'byor gal te byang chub sems dpa' sems dpa' chen po zad pa la slob na thams cad mkhyen pa nyid la slob po/ /de bzhin du 'byung ba med pa dang 'gog

pa med pa dang skye pa med pa dang dngos po med pa dang dben pa dang 'dod chags dang bral ba dang nam mkha' dang chos kyi dbying dang/ rab 'byor gal te byang chub sems dpa sems dpa' chen po mya ngan las 'das pa la slob na thams cad khyen pa nyid la slob bo/ /rab 'byor gyis

gsol pa/ bcom ldan 'das ci'i slad du byang chub sems dpa' sems dpa' chen po zad pa la slob na thams cad mkhyen pa nyid la slob pa lags/ de bzhin du 'byung ba ma mchis pa dang 'gag pa ma mchis pa dang skyed pa ma mches pa dang dngos po ma mchis pa dang dben pa dang

@230a */ /'dod chags dang bral ba dang man mkha' dang chos kyi dbyings dang mya ngan las 'das pa la slob na thams cad mkhyen pa nyid la slob pa lags/ de skad bces gsol pa dang/ bcom ldan 'das kyis tshe dang ldan pa rab 'byor la 'di ska ces bka' stsal to/ /rab

'byor gang 'di skad du ci'i phyir byang chub sems dpa' sems dpa' chen po zad pa la slob na thams cad mkhyen pa nyen la slob/ de bzhin du 'byung ba med pa dang 'gag pa med pa dang skye ba med pa dang dngos po med pa dang dben pa dang 'dod chags dang bral ba dang nam mkha' dang chos kyi

dbyings dang mya ngan las 'das pa la slob na thams cad mkhyen pa nyid la slob par 'gyur zhes zer ba / rab 'byor de ci snyam du sems ci de bzhin g.shegs pa'i de bzhin nyid gang yin pa dang de bzhin nyid gang gis de bzhin g.shegs pa de bzhin g.shegs pa'o zhes rab tu 'byed pa de

zad par 'gyur ram/ rab 'byor gyis gsol pa/ bcom ldan 'das de ni ma lags so/ de ci'i slad du zhe na/ bcom ldan 'das zad pa ni zad par mi 'gyur te bcom ldan 'das zad pa ni mi zad pa lags so/ /bcom lda 'das kyis bka' stsal pa/ rab 'byor de

ji snyam du sems de bzhin gshegs pa'i de bzhen nyed gang yin pa dang de bzhin nyed gang gis de bzhin gshegs pa de bzhin gshegs pa'o zhes rab tu 'byed pa de 'byung bar 'gyur pa'am 'gag par 'gyur pa'am skyed par 'gyur pa'am dngos po 'gyur pa'am dben par 'gyur pa'am

rnam par 'jig par 'gyur pa'am 'dod chags dang bral par 'gyur pa'am rnam mkhar 'gyur pa'am chos kyi dbyings su 'gyur pa yin nam/ gsol pa bcom ldan 'das de ni ma lags so/ /bcom ldan 'das kyis bka' stsal pa/ rab 'byor de ji snyam du sems/ de bzhin

gshegs pa'i de bzhin nyid gang yin pa dang de bzhin nyid gang gis de bzhin gshegs pa de bzhin gshegs pa'o zhes rab tu 'byed pa de mya ngan las 'da' bar 'gyur ram/ gsol pa bcom ldan 'das de ni ma lags so/ /bcom ldan 'das kyi bka' stsal pa/ rab 'byor de'i

@230b phyir byang chub sems dpa' sems dpa' chen po de ltar slob na de bzhin nyid mi zad pa'o zhes de ltar slob ste/ rab 'byor byang chub sems dpa' sems dpa' chen po de ltar slob na thams cad mkhyen pa nyid la slob bo/ /rab 'byor byang chub sems dpa' sems dpa' chen po de ltar

slob na shes rab kyi pha rol tu phyin pa la slob bo/ /sangs rgyas kyis sa la slob bo/ /stobs dag la slob bo/ mi 'jigs bdag la slob bo/ /sangs rgyas kyi chos thams cad la slob bo/ /thams cad mkhyen pa'i ye shes la slob bo/ /rab 'byor byang chub sems dpa'

sems dpa' chen po de ltar slob na bslab pa thams cad kyi pha rol tu phyin pa rjes su thob par 'gyur ro/ /rab 'byor byang chub sems pa sems dpa' chen po de ltar slob na bdud dam bdud kyi 'khor tam bdud kyi ris kyi lha dag gis brdzi bar mi nus so/ rab 'byor byang chub

sems dpa' sems dpa' chen po de ltar slob na myur du phyir mi ldog pa'i chos nyid rjes su thob par 'gyur ro/ /rab 'byor byang chub sems dpa' sems dpa' chen po de ltar slob na myur du byang chub kyi snying po la 'dug par 'gyur ro/ /rab 'byor byang chub sems dpa' sems

dpa' chen po de ltar slob na rang gi spyod yul la slob bo/ /rab 'byor byang chub sems dpa' sems dpa' chen po de ltar slob na mgon por 'gyur pa'i chos dag la slob bo/ /byams pa chen po la slob bo/ /snying rjes chen po la slob bo/ /dga' ba chen po la slob bo/ /btang

snyoms chen po la slob bo/ rab 'byor byang chub sems dpa' sems dpa' chen po de ltar slob na chos kyi 'khor lo lan gsum du bzlas pa rnam pa bcu gnyis su rab tu bskor ba la slob bo/ /rab 'byor byang chub sems dpa' sems dpa'chen po de ltar slob na sems can gyi khams

bri bar mi bya'o zhes slob bo/ /rab 'byor byang chub sems dpa' sems dpa' chen po de ltar slob na de bzhin g.shegs pa'i gdung rgyud mi 'chad par bya ba la slob bo/ rab 'byor byang chub sems dpa' sems dpa' chen po de ltar slob na bdud rtsi'i dbyings kyi sgo dbye'o

@231a */ /zhes slob bo/ /rab 'byor bslab pa rgya chen po 'di ni sems stobs zhan pas slob mi nus shing bslab pa 'di la mthu chung ngus ? bslab par mi nus so/ /de ci'i phyir zhe na/ rab 'byor gang bslab pa 'di la slob pa de dag ni sems can thams cad kyi mthun

pa thun mong ngo/ /rab 'byor de dag ni sems can thams cad kyi mgon no/ /gang bslab ba 'di la slob ba de dag ni sems can thams cad las mngon par 'phags pa rjes su thob par 'dod pa yin te/ rab 'byor byang chub sems dpa' sems dpa' chen po de ltar slob pa ni

sems can dmyal ba dag tu mi skye byol song gi skye gnas dag tu mi skye yi dgas kyi yul rnams su mi skye lha ma yin gyi lus su mi skye mtha' 'khob kyi skye bo'i nang du mi skye gdol pa'i rigs su mi skye bya ba'i rigs su mi skye rngon pa dang nya ba dang chom rkun pa dang shan pa'i rigs su mi skye ste/ de

lta bu'i rigs ngan pa las ngan pa rten ngan pa'i rigs gzhan du yang mi skye'o/ /rab 'byor byang chub sems dpa' sems dpa' chen po de ltar slob pa ni long bar mi 'gyur 'on par mi 'gyur zhar bar mi 'gyur rdum por mi 'gyur sgur por mi 'gyur 'theng por mi 'gyur zha bor mi 'gyur

grum por mi 'gyur lkug par mi 'gyur dig par mi 'gyur rna ba mi gsal bar mi 'gyur yan lag nyams par mi 'gyur yan lag ma tshang bar mi 'gyur yan lag mi sdug par mi 'gyur mdog mi sdug par mi 'gyur dbyibs mi sdug par mi 'gyur dbang po nyams par mi 'gyur dbang po

mtshang bar mi 'gyur te/ dbang po'i rnam pa thams cad yongs su rdzogs par 'gyur ro/ /dbyangs phun sum tshogs par 'gyur ro/ /rab 'byor byang chub sems dpa' sems dpa' chen po de ltar slob pa ni srog gcod bar mi 'gyur ma bya ni par len par mi 'gyur 'dod pa la log

par spyod par mi 'gyur brdzun du smra bar mi 'gyur phram smra bar mi 'gyur tshig rtsub mo smra bar mi 'gyur tshig kyal pa smra bar mi 'gyur ba rnab sems can du mi 'gyur gnod sems can du mi 'gyur log par lta ba can du mi 'gyur log par 'tsho bas 'tsho bar mi byed do/ /rab 'byor byang chub

@231b sems dpa' sems dpa' chen po de ltar slob pa ni lha tshe ring po'i nang du mi skye tshul khrims 'chal pa yongs su mi 'dzin yang dag pa ma yin pa'i chos yongs su mi 'dzin bsam gtan dang snyoms par 'jug pa'i dbang gis mi skye'o/ /de ci'i phyir zhe na/ de la byang chub sems

dpa' sems dpa' chen po thabs mkhas pa gang dang ldan pas lha tshe ring po'i nang du skye bar mi 'gyur ba'i thabs mkhas pa de la yod do/ /rab 'byor thabs mkhas pa de yang gang zhe na/ 'di lta ste shes rab kyi pha rol tu phyin pa 'di nyid la byang chub sems dpa' sems dpa' chen

po ci ltar thabs mkhas pa dang ldan pa 'dis bsam gtan la yang snyoms par 'jog la bsam gtan gyi dbang gis skye bar mi 'gyur ba de ltar thabs mkhas pa 'di la rnal 'byor du byed do/ /rab 'byor byang chub sems dpa' sems dpa' chen po de ltar slob pa ni stobs

yongs su dag par 'gyur mi 'jigs pa yongs su dag par 'gyur sangs rgyas kyi chos thams cad yongs su dag par 'gyur te de dag rjes su thob par 'gyur ro/ /tshe dang ldan pa rab 'byor gyis gsol pa/ bcom ldan 'das gang gi tshe chos thams cad rang bzhin gyis yongs

su dag pa nyid lags na/ bcom ldan 'das de'i tshe byang chub sems dpa' sems dpa' chen po chos gang gis stobs yongs su dag par 'gyur mi 'jigs pa yongs su dag par 'gyur sangs rgyas kyi chos yongs su dag par 'gyur ba rjes su thob par 'gyur/ de skad ces

gsol ba dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor de de bzhin no de de bzhin te/ de ci'i phyir zhe na/ rab 'byor chos thams cad ni rang bzhin gyis yongs su dag pa yin te/ rab 'byor de ltar chos thams cad rang

bzhin gyis yongs su dag pa la byang chub sems dpa' sems dpa' chen po shes rab kyi pha rol tu phyin pa la slob pa dag mi zhum mi 'gong na rab 'byor de ni shes rab kyi pha rol tu phyin pa'o/ /rab 'byor byis pa so so'i skye bo dag chos 'di dag de ltar ma shes ma mthong bas chos rnams kyi

@232a */ /chos nyid mi shes mi mthong ste/ rab 'byor sems can de dag gi phyir byang chub sems dpa' sems dpa' chen po 'bad cing brtson 'grus rtsom ste/ bdag kho nas mi shes pa'i sems can rnams shes par bya'o bdag kho nas mi mthong pa'i sems can rnams/

mthong bar bya'o zhes bslab pa 'di la slob bo/ /bslab pa 'di la slob pa'i byang chub sems dpa' sems dpa' chen po ni stobs rnams rjes su thob par 'gyur mi 'jigs pa rnams rjes su thob par 'gyur ro/ /sangs rgyas kyi chos thams cad rjes su thob par 'gyur ro/ /rab 'byor

byang chub sems dpa' sems dpa' chen po de ltar slob pa ni sems can pha rol dang gang zag pha rol dag gi sems kyi spyod pa dang gyo ba rnams yang dag pa ji lta ba bzhin du rab tu shes te yang dag pa ji lta ba bzhin du rab tu shes pas pha rol gyi sems kyi spyod pa shes pa'i pha rol tu 'gro'o/ /

rab 'byor 'di lta ste dper na sa chen po'i sa'i phyogs gang na rdo ba med pa dang gang na gser dang sa le sbram dang dngul dag 'byung ba de lta bu ni nyung gi /sa chen po'i sa phyogs gang na ba tshwa can dang grams dang rtswa dang sdong dum dang tsher ma sna tshogs kyis gang ba de lta bu ni ches mang ngo/ /rab

'byor de bzhin du sems can gyi ris na gang dag 'di lta ste shes rab kyi pha rol tu phyin pa thams cad mkhyen pa nyid kyi bslab pa la slob pa'i byang chub sems dpa' sems dpa' chen po ni nyung ngo/ /sems can gyi ris na gang nyan thos dang rang sangs rgyas kyi bslab pa la slob pa'i sems can

de dag ni ches mang ngo/ /rab 'byor gzhan yang 'di lta ste dper na sems can gyi ris na 'khor los sgyur ba'i rgyal po'i srid thob par 'gyur ba'i las yang dag par blangs te gnas pa'i sems can de dag ni nyung gi /sems can gyi ris na gang mkhar gyi rgyal po'i srid thob par 'gyur

ba'i las yang dag par blangs te gnas pa'i sems can de dag ni ches mang ngo/ /rab 'byor de bzhin du sems can gyi ris na bla na med pa yang dag par rdzogs pa'i byang chub mngon par rdzogs par 'tshang rgya bar bya'o zhes lam chen po 'di lta ste shes rab kyi pha rol tu phyin pa'i lam du

@232b zhugs pa'i byang chub sems dpa' sems dpa' chen po de dag ni nyung ngo/ /sems can gyi ris na gang nyan thos dang rang sangs rgyas kyi lam du zhugs pa'i sems can de dag ni ches mang ngo/ /rab 'byor gzhan yang 'di lta ste dper na sems can gyi ris na gang dag brgya byin nyid du

'gyur pa'i las yang dag par blangs te gnas pa'i sems can de dag ni nyung ngo/ /sems can gyi ris na gang dag lha'i 'jig rten du skye bar 'gyur ba'i las yang dag par blangs te gnas pa'i sems can de dag ni ches mang ngo/ /rab 'byor de bzhin du sems can gyi ris na gang dang /

shes rab kyi pha rol tu phyin pa'i bslab pa la slob pa'i byang chub sems dpa' sems dpa' chen po de dag ni nyung ngo / /rab 'byor sems can gyi ris na gang nyan thos dang rang sangs rgyas kyi bslab pa la slob pa'i sems can de dag ni ches mang ngo/ /rab 'byor gzhan yang 'di lta

ste dper na sems can gyi ris na gang tshangs pa nyid du 'gyur ba'i las yang dag par blangs te gnas pa'i sems can de dag ni nyung ngo/ /sems can gyi ris na gang dag tshangs pa'i 'khor du skye bar 'gyur ba'i las yang dag par blangs te gnas pa'i sems can de dag ni ches

mang ngo / /rab 'byor de bzhin du sems can gyi ris na gang bla na med pa yang dag par rdzogs pa'i byang chub las phyir mi ldog pa'i byang chub sems dpa' sems dpa' chen po de dag ni nyung ngo/ /rab 'byor sems can gyi ris na gang bla na med pa yang dag par rdzogs pa'i byang

chub las phyir ldog par 'gyur ba'i byang chub sems dpa' sems dpa' chen po de dag ni ches mang ngo/ /rab 'byor de lta bas na sems can gyi ris na gang bla na med pa yang dag par rdzogs pa'i byang chub tu yang dag par zhugs pa'i sems can de dag ni nyung ngo/ /rab 'byor

nyung ba de dag bas kyang gang de bzhin nyid du sgrub pa'i sems can de dag ni ches nyung ngo / /rab 'byor de bzhin nyid du bsgrub pa ches nyung pa de dag pas kyang gang shes rab kyi pha rol tu phyin pa la rnal 'byor du byed pa de dag ni chas nyung ngo / /rab 'byor gang shes rab kyi pha rol tu phyin pa

@233a */ /la rnal 'byor du byed pa nyung ba de dag pas kyang byang chub sems dpa' sems dpa' chen po gang bla na med pa yang dag par rdzogs pa'i byang chub las phyir mi ldog pa de dag ni ches nyung ngo / /rab 'byor de lta bas na byang chub sems dpa' sems dpa' chen pos nyung ba

bas kyang ches nyung ba phyir mi ldog pa'i byang chub sems dpa' sems dpa' chen po de dag gi grangs su bgrang bar 'dod bas shes rab kyi pha rol tu phyin pa 'di nyid la bslab par bya'o rnal 'byor du bya'o/ /rab 'byor gzhan yang byang chub sems dpa' sems dpa' chen po de ltar

shes rab kyi pha rol tu phyin pa' slob pa rna ? tha ba dang ldan pa'i sems mi skye the tshom dang ldan pa'i sems mi skye phrag dog dang ldan pa'i sems mi skye ser sna dang ldan pa'i sems mi skye tshul khrims 'chal pa dang ldan pa'i sems mi skye gnod sems dang ldan pa'i sems mi skye le lo dang ldan

pa'i sems mi skye g.yeng ba dang ldan pa'i sems mi skye 'chal ba'i shes rab dang ldan pa'i sems mi skye'o/ /rab 'byor de ltar byang chub sems dpa' sems dpa' chen po shes rab kyi pha rol tu phyin pa la slob pas pha rol tu phyin pa thams cad yang dag par bzung bar 'gyur ro/ /pha

rol tu phyin pa thams cad yongs su bzung bar 'gyur ro/ /pha rol tu phyin pa thams cad mchog tu bzung bar 'gyur ro/ /pha rol tu phyin pa thams cad rjes su song bar 'gyur ro/ /pha rol tu phyin pa thams cad nang du 'dus par 'gyur ro/ /rab 'byor 'di lta ste dper na/ 'jig

tshogs la lta ba'i nang du lta ba drug cu rtsa gnyis 'dus par 'gyur te/ /rab 'byor de bzhin du byang chub sems dpa' sems dpa' chen po shes rab kyi pha rol tu phyin pa la slob pa der pha rol tu phyin pa thams cad nang du 'dus par 'gyur ro/ /rab 'byor 'di lta ste dper na/ skyes bu'i

srog gi dbang po'i nang du dbang po thams cad 'dus par 'gyur ro/ /rab 'byor de bzhin du shes rab kyi pha rol tu phyin pa la slob na byang chub sems dpa' sems dpa' chen po'i dge ba'i chos thams cad nang du 'dus par 'gyur ro/ /rab 'byor 'di lta ste dper na/ skyes bu'i srog

@233b gi dbang po 'gags na dbang po thams cad 'gag par 'gyur ro/ /rab 'byor de bzhin du byang chub sems dpa' sems dpa' chen po shes rab kyi pha rol tu phyin pa la slob na mi shes pa 'gag ba dang mi dge ba'i ? chos thams cad 'gag par 'gyur zhing pha rol tu phyin pa thams

cad nang du 'dus shing yongs su 'dzin par 'gyur ro/ /rab 'byor de lta bas na byang chub sems dpa' sems dpa' chen po pha rol tu phyin pa thams cad yongs su gzung bar 'dod pas shes rab kyi pha rol tu phyin pa la bslab par bya'o/ /rab 'byor byang chub sems dpa' sems

dpa' chen po shes rab kyi pha rol tu phyin pa la slob na sems cad thams cad kyi mchog tu slob bo/ /de ci'i phyir zhe na/ bsod nams kyi mchog nyid yin pa'i phyir ro/ /rab 'byor de ci snyam du sems ci stong gsum gyi stong chen po'i 'jig rten gyi khams na yod pa'i sems can

ci snyed sems can du bsdu bas kun tu bsdus pa de dag thams cad mang ba yin nam/ rab 'byor gyis gsol pa/ bcom ldan 'das 'dzam bu'i gling gi sems can yang mang ba lags na stong gsum gyi stong chen po'i 'jig rten gyi khams kyi sems can thams cad lta ci

smos/ bcom ldan 'das kyis bka' stsal pa/ rab 'byor byang chub sems dpa' sems dpa' chen po gcig gis ci srid 'tsho'i bar du 'dug cing sems can de dag thams cad la gos dang zas dang mal cha dang na ba'i gsos sman dang yo byad dang nye bar phan pa thams cad

kyis rim gror byas na/ rab 'byor 'di ci snyam du sems ci byang chub sems dpa' sems dpa' chen po de de'i gzhi las bsod nams mang du skyed dam/ rab 'byor gyis gsol ba/ bcom ldan 'das mang ngo bde bar gshegs pa mang ngo/ /bcom ldan 'das kyis bka'

stsal ba/ rab 'byor byang chub sems dpa' sems dpa' chen po gang shes rab kyi pha rol tu phyin pa 'di la chung du na se gol gtogs pa srid du sgom na de bas ches bsod nams mang du skyed do/ /de ci'i phyir zhe na/ rab 'byor byang chub sems dpa' sems dpa' chen po'i shes rab

@234a */ /kyi pha rol tu phyin pa ni don de ltar che ste shes rab kyi pha rol tu phyin pa ni byang chub sems dpa' sems dpa' chen po'i bla na med pa yang dag par rdzogs pa'i byang chub thob par byed pa'o/ /rab 'byor de lta bas na byang chub sems dpa' sems dpa' chen po bla na med

pa yang dag par rdzogs pa'i byang chub mngon par rdzogs par 'tshang rgya bar 'dod pa dang sems can thams cad kyi nang na bla na med par 'gyur bar 'dod pa dang sems can mgon med pa thams cad kyi mgon du 'gyur bar 'dod pa dang sangs rgyas kyi yul rjes su thob par 'dod pa dang

sangs rgyas kyi khyu mchog tu 'gyur ba rjes su thob par 'dod pa dang sangs rgyas kyi rnam par rol bas rtse bar 'dod pa dang sangs rgyas kyi seng ge'i sgra sgrogs par 'dod pa dang sangs rgyas kyi phun sum tshogs pa rjes su thob par 'dod pa dang stong gsum gyi stong chen po'i 'jig rten gyi khams su

chos kyi gtam byed par 'dod pa'i byang chub sems dpa' sems dpa' chen pos shes rab kyi pha rol tu phyin pa 'di la bslab par bya'o/ /rab 'byor byang chub sems dpa' sems dpa' chen po shes rab kyi pha rol tu phyin pa la slob pa na des gang ma bslabs par 'gyur ba'i phun sum tshogs

pa de dag ngas yang dag par rjes su ma mthong ngo / /rab 'byor gyis gsol ba/ bcom ldan 'das yang ci nyan thos kyi phun sum tshogs pa yang byang chub sems dpa' sems dpa' chen po des bslab pa lags sam/ bcom ldan 'das kyis bka' stsal pa/ rab 'byor nyan thos

kyi phun sum tshogs pa yang byang chub sems dpa' sems dpa' chen po des bslab par 'gyur te/ rab 'byor byang chub sems dpa' sems dpa' chen po ni nyan thos kyi phun sum tshogs pa la yang gnas bar bya'o zhes mi slob pa dag la nyan thos kyi phun sum tshogs pa yod par 'gyur ro

zhes mi slob ste de ltar slob par ni mi byed do/ /rab 'byor yang nyan thos kyi yon tan gang dag yin pa de dag kyang yang dag par shes te de la gnas pa ni ma yin no/ /de ltar rnam par dpyod par byed kyi gnas par ni mi byed de bdag gis nyan thos kyi yon tan 'di dag bshad par bya'o rab tu

@234b bstan par bya'o zhes slob bo/ /rab 'byor byang chub sems dpa' sems dpa' chen po de ltar slob na lha dang mi dang lha ma yin du bcas pa'i 'jig rten gyi sbyin pa'i gnas su 'gyur ro/ /rab 'byor byang chub sems dpa' sems dpa' chen po de ltar slob na de las gzhan pa'i sbyin pa'i gnas nyan

thos dang ldan pa dang rang sangs rgyas dang ldan pa de dag thams cad zil gyis gnon te de thams cad mkhyen pa nyid la nye bar 'gyur ro/ /rab 'byor byang chub sems dpa' sems dpa' chen po de ltar slob pa ni shes rab kyi pha rol tu phyin pa mi 'dor te shes rab kyi pha rol tu phyin pa la spyod

cing shes rab kyi pha rol tu phyin pa'i gnas pa dang ma bral ba yin no/ /rab 'byor byang chub sems dpa' sems dpa' chen po de ltar spyod na thams cad mkhyen pa nyid las yongs su mi nyams pa'i chos can du rig par bya'o/ /nyan thos kyi sa dang rang sangs rgyas kyi sa 'ang ring du

byed do/ /bla na med pa yang dag par rdzogs pa'i byang chub la nye bar 'gyur ro/ /gal te yang de 'di snyam du 'di ni shes rab kyi pha rol tu phyin pa ste/ gang zhig thams cad mkhyen pa 'di nyid thob par byed pa yin no snyam du sems shing de ltar shes na shes rab kyi pha rol tu phyin pa

la mi spyod do/ /de ste shes rab kyi pha rol tu phyin pa 'di yang yang dag par mi shes te/ 'di ni shes rab kyi pha rol tu phyin pa'o 'di'i shes rab kyi pha rol tu phyin pa'o shes rab kyi pha rol tu phyin pa 'di ni thams cad mkhyen pa nyid thob pa'o zhes rab 'byor ? gal te de ltar yang byang chub

sems dpa' sems dpa' chen pos yang dag par mi shes yang dag par rjes su mi mthong na/ rab 'byor de ltar spyod pa'i byang chub sems dpa' sems dpa' chen po ni shes rab kyi pha rol tu phyin pa la spyod pa yin no/ /'phags pa shes rab kyi pha rol tu phyin pa brgyad stong pa las

bslab pa'i le'u zhes bya ste nyi shu lnga pa'o//