View source for kun mkhyen 'jam dbyangs mkhyen brtse'i dbang po'i rnam thar gsol 'debs bkra shis 'khyil ba'i sgra dbyangs

<noinclude>{{TermAdmin}}{{Term}}</noinclude>
<wytotib>{{PAGENAME}}</wytotib><br>
<noinclude><span class=TibUni18>༺[[ཀུན་མཁྱེན་འཇམ་དབྱངས་མཁྱེན་བརྩེའི་དབང་པོའི་རྣམ་ཐར་གསོལ་འདེབས་བཀྲ་ཤིས་འཁྱིལ་བའི་སྒྲ་དབྱངས།]]༻</span><br></noinclude>

kun mkhyen 'jam dbyangs mkhyen brtse'i dbang po'i rnam thar gsol 'debs bkra shis 'khyil ba'i sgra dbyangs zhes bya ba bzhugs so 

ji lta ji snyed shes bya thams cad mkhyen dmigs med thugs rje 'gro la bu ltar dgongs 'khor ba dong sprugs nus pa'i chos kyi rgyal mkhyen brtse'i dbang po'i zhabs la gsol ba 'debs 

rgyal ba'i yab gcig rje btsun 'jam dpal dbyangs gang 'dul rnam rol chos dbyings khyab pa las snyigs dus bstan 'gro skyob pa'i dpal mgon du bsam bzhin skye ba bzhes la gsol ba 'debs 

mdo smad sde bzhi dge bcu'i sman gyi ljongs phrin las 'gro 'dul sprul pa'i gnas kyi char rnam dag rigs sogs mchog gi gzigs pa lngas sprul pa'i sku ru bstan la gsol ba 'debs 

ye shes brnyes pa'i rnam 'dren mchog rnams kyis dam pa'i skyes bur mgrin gcig lung bstan cing phal pa'i spyod las 'das phyir lha mi kun 'gro ba'i mgon du bsngags= 

dbus gtsang bod chen kun tu zhabs kyis bcags mnyes pa gsum gyis yongs 'dzin brgya lhag bsten skyo ngal med par dam chos yongs su tshol thugs bskyed dpag yas khyod la= 

sa chen phug tu thugs dam mdzad pa'i tshe lhag pa'i lha yi phyag rgya thugs kar thim spobs pa'i gter chen brgyad po yongs su grol mkhyen gnyis rtsal chen rdzogs la= 

sgra tshad bzo gso grangs gnas tshig rgyan sogs gnas lnga rig pa yan lag dang bcas par phul tu son pa'i gangs can 'dzin ma'i khongs mkhas pa'i snyan pas khyab la= 

'dul mngon dbu ma phar phyin gsang sngags kyi rgyud kun gzigs pa tsam gyis gting slebs zhing mi brjed gzungs thob brtan pa'i 'khor lo'i tshul ma sbas gsal bar ston la= 

dri med tshul khrims nor bu'i rgyan chas sgeg ting 'dzin 'dzum dkar skal ldan yid dbang 'gugs shes rab rol sgeg sa gsum dpyid du g.yo bslab gsum dbang phyug zhabs la= 

zab rgyas gnas la chos spyan rdul dang bral 'chad rtsod rtsom la chags dang thogs pa med mdzad spyod kun la 'khrul pa'i dri ma zad lha mi yid ches skyed la= 

rang gi yon tan rgya mtsho gter bzhin sbed gzhan gyi yon tan phra mor bsngags shing 'dud bstan 'gro'i don du gces rgu'i bdog pa yang rtsva bzhin gtong bar mdzad la= 

gzungs dang ting 'dzin mngon shes rgya mtsho mnga' 'jig rten gsum gyi mchod 'os nyid gyur kyang khengs dregs mi mnga' dam chos tshig gcig phyir dka' chen dang du bzhes la= 

ltar snang chos la bsnyad pa'i 'dzin skyong sogs 'jig rten bya gzhag gang la'ang ltos med pas 'jigs med seng ge lta bur kun bzang spyod sa steng 'gran zla bral la= 

sgrub brgyud shing rta che brgyad ring lugs kyi gzhung gdams man ngag chu klung ma lus pa thugs mtshor bskyil nas smin grol rgyun babs pas bstan pa'i srog rtsa mthud la= 

thub bstan yongs su rdzogs pa'i shing rta che gdul bya ris su ma chad 'dul ba'i gnyen phyogs su ma lhung grub mtha' mtha' dag gi gtsug gi nor bur gyur la= 

phrin las thams cad gzhan phan 'ba' zhig sgrub 'brel tshad don ldan ngo mtshar ltas mang mnga' bsod nams tshogs chen bsam mi khyab pa bskrun sa bcu'i dbang phyug khyod la= 

o rgyan yab yum dri med bshes gnyen zhabs chos rgyal mes dbon chos dbang kun mkhyen sogs dgu ldan brgyud pa'i bla ma yi dam lhas byin rlabs dngos grub stsol la= 

brtse ba chen po khu dbon brgyud bcas kyis dbang bskur rgyud gtad gzhan yang 'phags bod kyi mkhas grub du mas dngos nyams rmi lam du yang yang rjes su bzung la= 

khyad par slob dpon 'jam dpal bshes gnyen gyis mdo rgyud gsang mdzod bstsal nas ye shes sku byin gyis brlabs pas nyid dang dbyer med pa'i mkhyen rtogs rdzogs par sad la= 

'dus pa'i dal du zhugs tshe so ston mchog ye dbang mthu yi snyigs ma'i phung khams sbyangs rdo rje sems dpa'i gsang ba gsum du gyur rigs kun khyab bdag mchog la= 

rgyal yum rdo rje btsun mos rjes su bzung snang srid dag pa rab 'byams 'khor lor shar rdo rje lus kyi dkyil 'khor gsal bar gzigs grub pa'i khyu mchog khyod la= 

phyi nang gnas gsum mkha' 'gro'i 'du ba thob 'bar ba gsum gyi ye shes gong du 'phel spyod pa gsum gyi rten 'brel mthar phyin pa'i rnal 'byor dbang phyug chen por= 

skyes rabs du ma'i las kyi 'phro sad de mdo rgyud bka' lung dkon pa'i pu sta ka rten mchog dam rdzas chu klung bye ba snyed rnam thar rgya mtshor bskyil la= 

brgyud pa drug ldan sa dang dgongs pa'i gter dag snang snyan brgyud rjes dran yang gter bcas bka' babs rin chen rnam bdun rgyal srid brnyes chos kyi 'khor los sgyur la= 

rang snang dbang 'dus gzhan snang zil gyis mnan ma 'bad par yang phrin las rnam bzhi 'grub Da' ki chos srung mthu ldan dregs pa yis ci bcol bka' bzhin sgrub la= 

zab rgyas chos kyi 'khor lo grangs med pas skal ldan bye snyed smin cing grol bar mdzad bsam gyis mi khyab 'phags pa'i rnam thar 'chad thugs rje'i bdag nyid khyed la gsol ba 'debs 

mi phyed gus pas rtse gcig gsol btab mthus skye ba 'di bzung byang chub ma thob bar dpal ldan bla ma mchog dang mi 'bral bar rjes su bzung nas rnam thar mngon byed shog 

mnyes pa gsum gyis tshul bzhin bsten nas kyang thugs kyi bcud thob nyams len mtha' ru phyin sa dang lam gyi yon tan yongs rdzogs te rdo rje 'chang dbang go 'phang 'grub gyur cig 

chos bzhin sgrub la bar chad mi 'byung zhing lung rtogs chos la rang dbang 'byor ba yis sangs rgyas bstan pa 'dzam gling khyab par spel chos kyi rgyal po khyed dang mtshungs par shog 

thub bstan yongs rdzogs kyi mnga' bdag kun mkhyen bla ma rin po che'i rnam thar rgya mtsho chen po las dad gus kyis skra rtses blangs pa'i thigs pa 'di nyid rmongs rtul [[blo gros mtha' yas]] kyis mnyam med shangs pa bka' brgyud kyi rnam thar gsol 'debs u dUm ba ra'i phreng bar bstar ba las mos ldan du ma'i bzhed don khol du phyung ste slar smon tshig gis kha skong ba dge legs 'phel 


[[Category:Tibetan Dictionary]] [[Category:rydic2003]] [[Category:ka]] [[Category:Wylie Texts]]