Khyungpo Naljor Guru-Yoga

From Rangjung Yeshe Wiki - Dharma Dictionnary
Revision as of 15:12, 19 July 2019 by Eric (talk | contribs) (Created page with "mkhas grub gtsug rgyan khyung po rnal 'byor gyi bla ma'i rnal 'byor khyer bde kun tshang bzhugs so / mkhas grub khyung po rnal 'byor gyi bla ma'i rnal 'byor mdor bsdus pa bsg...")
(diff) ← Older revision | Latest revision (diff) | Newer revision → (diff)
Jump to navigationJump to search

mkhas grub gtsug rgyan khyung po rnal 'byor gyi bla ma'i rnal 'byor khyer bde kun tshang bzhugs so /

mkhas grub khyung po rnal 'byor gyi bla ma'i rnal 'byor mdor bsdus pa bsgom na dang po shangs pa brgyud pa'i gsol 'debs bsdus pa ni /

rdo rje 'chang dang ni ddhi rA hu la / rdo rje bdan pa grub chen mee tri pa / sbas pa'i rnal 'byor sgra can 'dzin pa bcas / mchog gi bla ma drug la gsol ba 'debs / mkhas grub gtsug rgyan khyung po rnal 'byor mchog / rmog lcog pa dang dbon ston skyer sgang pa / gnyan ston chos rje sangs rgyas ston pa mchog / brgyud pa rin chen bdun la gsol ba 'debs / gtsang ma shangs ston khyung po tshul khrim mgon / ri khrod ras chen shangs dkar rin rgyal ba / sangs rgyas dpal bzang nam mkha' rgyal mtshan dang / rgya sgom legs rgyal zhabs la gsol ba 'debs / thang stong rgyal po kun dga' grol mchog dang / sgrol ba'i mgon po blo gros mtha 'yas zhabs / rang byung kun khyab rdor slob bstan 'dzin sogs / rtsa brgyud bla ma rnams la gsol ba 'debs / skye ba 'di dang tshe rab thams cad du / dpal ldan bla ma dam pa rjes bzung ste / gser chos rnam lnga'i nyams rtogs mthar phyin nas / tshe gcig gdod ma'i rgyal sar mngon gyur shog / bde mchog gsang 'dus sgyu 'phrul gsum ka dang / dgyes mdzas 'jigs byed rta mchog rol pa rtsal / mkha' 'gro sde lnga smyur mdzad mgon po sogs / rnal 'byor 'di la dngos grub stsal du gsol /

skyabs sems ni /

bdag gzhan mkha' mnyam 'gro ba kun / dkon mchog rtsa ba gsum gyi dngos / mkhas grub khyung po rnal 'byor la / byang chub bar du skyabs su mchi /

lan gsum 'am bdun du brjod/

ma gyur sems can mtha' dag rnams / mkhas grub khyung po rnal 'byor yi / go 'phang bla med 'thob bya'i phyir / sgo gsum dge la bkol bar bya /

lan gsum 'am bdun /

rang sems bla ma rtogs pas gus phyag 'tshal / tshogs drug zhen pa bral ba'i mchod pa 'bul / gnyis 'dzin a 'thas rang rig klong du bshags / thugs rje rgyun chad med la yi rang ngo / khyab gdal ye shes chos 'khor bskor du gsol / mchog tu mi 'gyur chos skur bzhugs gsol 'debs / mkha' khyab 'gro kun sku gsum thob phyir sngo / 'khor ba dong sprugs 'gro don 'grub par shog

ces yan lag bdun pa bya /

bdag nyi skad cig gis he ru ka skur gyur pa'i spyi bor OM / mgrin par AH thugs kar HUM gis mtshan par gyur /

de nas /

mdun gyi nam mkhar padma zla ba'i steng / mkhas grub rgyal po khyung po rnal 'byor rje / chos gos rnam gsum paN zhwa dmar po gsol / phyag g.yas sa gnon g.yon pa'i ngal gso'i stabs / phyed skyil rol pa'i pad zla'i gdan la bzhugs / sku yi dbus su rtsa gsum 'khor lo lngar / bde chen 'khor lor gsang ba 'dus pa mthing / longs spyod 'khor lor ma hA ma ya gsal / chos kyi 'khor lor dgyes pa rdo rje dang / sprul pa'i 'khor lo'i dbus su bde ba mchog / bde skyong 'khor lor rdo rje 'jigs byed bcas / kun gyi sku las 'od zer dpag me 'phros / phyogs bcu'i rgyal ba sras dang bcas par mchod / byin rlabs kun 'dus phrin las lhun grub gyur /

de nas /

sku lnga ye shes lnga thob byin gyis rlobs / gnas lugs rang zhal mjal bar byin gyis rlobs / rnam rtog bsgom du 'char bar byin gyis rlobs / rkyen ngan lam du longs par byin gyis rlobs / las ngan sdig sgrib dag par byin gyis rlobs / lta ba gol sa chod par byin gyis rlobs / 'khor ba zhen log skye bar byin gyis rlobs / 'ja' lus mkha' spyod 'grub par byin gyis rlobs /

na mo buddha ya sogs /

lan bdun 'am nyer cig brjod /

nub bde ba can gyi zhing khams su / mkhas grub khyung po rnal 'byor la gsol ba 'debs / gsol ba 'debs so bla ma rin po che / gsol ba 'debs so bdag rgyud byin gyis rlobs /

lan mang du brjod / dbang bzhi nos / de nas /

mkhas grub khyung po rnal 'byor sku / rang sems spros bral gnyis med 'gres / chu la chu bur thim pa ltar / dmigs med ngang du mnyam par bzhag

de nas /

smon lam ni / kun tu sangs rgyas sogs /

bkra shis ni / legs pa'i yon tan sogs /

bsngo ba ni / dge ba'i tshogs rnams sogs /

ce yol mo gangs ra grub grong 'od gsal gling du kun spangs pa ban de karma shes rab dri med pas khyer bder bsgrigs pa'o / dge legs 'phel / //