2200

ཀུན་རྫོབ་སྒྲུབ་བྱེད་ཀྱི་མངོན་སུམ་ཚད་མ་ (1)

Part of speech	མིང་ཚིག
Definition	མདོ། དབུ་མ། མཚན་ཉིད་ནི། ལྷན་ཅིག་སྐྱེས་པའི་མ་རིག་པས་བསླད་ཅིང་། འཕྲལ་གྱི་འཁྲུལ་རྒྱུས་མ་བསླད་པའི་གཉིས་སྣང་གི་ཤེས་པ་གང་ཞིག འཇིག་རྟེན་ན་གྲགས་པའི་ཡུལ་མངོན་སུམ་པར་མི་བསླུ་བའི་རིག་པ་དེ། འཇིག་རྟེན་ལ་གྲགས་པའི་མངོན་སུམ་གྱི་ཚད་མའི་མཚན་ཉིད་དོ། །དབྱེ་ན། དབང་པོའི་མངོན་སུམ་དང་། ཡིད་ཀྱི་མངོན་སུམ། རང་རིག་མངོན་སུམ། རྣལ་འབྱོར་མངོན་སུམ་དང་བཞིའོ། །ཞེས་པཎ་ཆེན་ཤཱཀ་མཆོག་གྱིས་དབུ་མ་རྣམ་ངེས་བང་མཛོད་ལས་གསུངས་སོ། །
Domain	ཆོས་ལུགས།