9000

གཞི་དམ་ཚིག་གིས་བཟུང་བ་ (1)

Part of speech	མིང་ཚིག
Definition	སྔགས། མ་ཧཱ་ཡོ་ག རྙིང་མ། བསླབ་བྱའི་ཡུལ་གྱི་ཆ་ནས་བཞག་པའི་གསང་སྔགས་ཀྱི་བསླབ་པའི་མཐའ་དྲུག་པོའི་བྱེ་བྲག་ཅིག་སྟེ། བཀའ་བརྒྱད་རྣམ་བཤད་ལས། བསླབ་པའི་མཐའ་དྲུག་གང་ཞེ་ན། རིམ་པ་དབང་གིས་བགྲོད། གཞི་དམ་ཚིག་གིས་བཟུང༌། ཐག་ལྟ་བས་བཅད། ཉམས་སུ་ཏིང་ངེ་འཛིན་གྱིས་བླང༌། ལ་སྤྱོད་པས་དོར། དོན་མན་ངག་གིས་སྒྲུབ་པ་དྲུག་གོ ། ཞེས་དང་། གཞི་དམ་ཚིག་གིས་བཟུང་བ་ནི་བླ་མ་མཉེས་པར་བྱས་ལ་ཇི་སྐད་གསུངས་པའི་དམ་ཚིག་ལས་མི་འདའ་བ་ཞིང་ས་གཤིན་པོ་ལྟ་བུ་དངོས་གྲུབ་ཀྱི་ལོ་ཏོག་སྐྱེ་རུང་བའི་ལས་ཅན་ནོ། །ཞེས་གསུངས།
Domain	ཆོས་ལུགས།