Longchen Nyingthik Guru Yoga
- Seventh part - Guru Yoga
bdun pa bla m'i rnal 'byor ni/
E MA HO
rang snang lhun grub dag pa rab 'byams zhing %
bkod pa rab rdzogs zangs mdog dpal ri'i dbus%
rang nyid gzhi lus rdo rje rnal 'byor ma%
zhal gcig phyag gnyis dmar gsal gri thod 'dzin%
zhabs gnyis dor stabs spyan gsum nam mkhar gzigs%
spyi bor padma 'bum brdal nyi zla'i steng %
skyabs gnas kun 'dus rtsa ba'i bla ma dang %
dbyer med mtsho skyes rdo rje sprul pa'i sku%
dkar dmar mdangs ldan gzhon nu'i sha tshugs can%
phod kha chos gos za ber 'dung ma gsol%
zhal gcig phyag gnyis rgyal po rol pa'i stabs%
phyag g.yas rdo rje g.yon pas thod bum bsnams%
dbu la 'dab ldan padma'i mnyen zhu gsol%
mchan khung g.yon na bde stong yum mchog ma%
sbas pa'i tshul gyis kha tvang rtse gsum bsnams%
'ja' zer thig le'i 'od phung klong na bzhugs%
phyi 'khor 'od lnga'i drva bas mdzes pa'i klong %
sprul pa'i rje 'bangs nyi shu rtsa lnga dang %
rgya bod pan grub rig 'dzin yi dam lha%
mkha' 'gro chos skyong dam can sprin ltar gtibs%
gsal stong mnyam gnas chen pa'i ngang du gsal%
- Seven Line Prayer
HUM% o rgyan yul gyi nub byang mtshams%
padma ge sar sdong po la%
ya mtshan mchog gi dngos grub brnyes%
padma 'byung gnas zhes su grags%
'khor du mkha' 'gro mang pos bskor%
khyed kyi rjes su bdag bsgrub kyis%
byin gyis brlab phyir gshegs su gsol%
guru padma siddhi hum%
- Seven Branch Prayer
HRIH
bdag lus zhing gi rdul snyed du%
rnam par 'phrul pas phyag 'tshal lo%
dngos bshams yid sprul ting 'dzin mthus%
snang srid mchod pa'i phyag rgyar 'bul%
sgo gsum mi dge'i las rnams kun%
'od gsal chos sku'i ngang du bshags%
bden pa gnyis kyis bsdus pa yi%
dge tshogs kun la rjes yi rang %
rigs can gsum gyi gdul bya la%
theg gsum chos 'khor bskor bar bskul%
ji srid 'khor ba ma stongs bar%
mya ngan mi 'da' bzhugs gsol 'debs%
dus gsum bsags pa'i dge rtsa kun%
byang chub chen po'i rgyu ru bsngo%
- Maturing the Siddhi
rje btsun gu ru rin po che%
khyed ni sangs rgyas thams cad kyi%
thugs rje byin rlabs 'dus pa'i dpal%
sems can yongs kyi mgon gcig pu%
lus dang longs spyod blo snying brang %
ltos pa med par khyod la 'bul%
'di nas byang chub ma thob bar%
skyid sdug legs nyes mtho dman kun%
rje btsun chen po pad 'byung mkhyen%
OM AH HUM vajra guru padma SIDDHI HUM%
- Invoking the Blessing
bdag la re sa gzhan na med%
da lta dus ngan snyigs ma'i 'gro%
mi bzad sdug bsngal 'dam du bying %
'di las skyobs shig ma ha gu ru%
dbang bzhi bskur cig byin rlabs can%
rtogs pa spor cig thugs rje can%
sgrib gnyis sbyongs shig nus mthu can%
OM AH HUM vajra guru padma siddhi HUM%
( This prayer "From the center of my heart..."
is sometimes included here, sometimes at the end of the dissolution prayer,
and sometimes in both places. )
gsol ba snying gi dkyil nas 'debs%
kha tsam tshig tsam ma yin no%
byin rlabs thugs kyi klong nas stol%
bsam don 'grub par mdzad du gsol%
- Lineage Prayer
/brgyad pa brgyud pa'i gsol 'debs ni/
E ma ho:
rgya chad phyogs lhung bral ba'i zhing khams nas%
dang po'i sangs rgyas chos sku kun tu bzang %
longs sku chu zla'i rol rtsal rdo rje sems%
sprul skur mtshan rdzogs dga' rab rdo rje la%
gsol ba 'debs so byin rlabs dbang bskur stsol%
shiri singha don dam chos kyi mdzod%
'jam dpal bshes gnyen theg dgu'i 'khor los bsgyur%
jnya na su tra pan chen bi ma lar%
gsol ba 'debs so grol byed lam sna ston%
'dzam bu'i gling gi rgyan gcig padma 'byung %
nges par thugs kyi sras mchog rje 'bangs grogs%
thugs gter rgya mtsho'i brda 'grol klong chen zhabs%
mkha' 'gro'i dbyings mdzod bka' babs 'jigs med gling %
gsol ba 'debs so 'bras bu thob grol stsol%
- Here follow prayers to specific Longchen Nyingthig lineages
brgyud 'debs kha skong /
mkhas shing grub brnyes kun bzang gzhan phan dpal/_/
phyag na padma rgyal ba'i myu gu dang /_/
'jam pa'i dbyangs dngos mkhan chen padma'i mtshan/_/
gsol ba 'debs so gnas lugs rang zhal ston/_/
khyad par zab mo 'od gsal snying thig gi _/
shing rta chen po mdo sngags gling pa'i zhabs/_/
bka' drin mnyam med rtsa ba'i bla ma la/_/
gsol ba 'debs so don gnyis lhun grub mdzod/_/
- Prayer for this Life
srid las nges par 'byung ba'i zhen log gis%
rdo rje'i bla ma don ldan mig bzhin brten%
ci gsung bka' bsgrub zab mo'i nyams len la%
ltem rgyang med pa'i bsgrub tshugs zhe rus kyis%
thugs rgyud dgongs pa'i byin rlabs 'pho bar shog%
snang srid 'khor 'das ye nas 'og min zhing %
lha sngags chos skur dag rdzogs smin pa'i 'bras%
spangs blang bya rtsol med pa'i rzdogs pa che%
shes nyams yid dpyod las 'das rig pa'i mdangs%
chos nyid mngon sum rjen par mthong bar shog%
mtshan ma'i rtog pa rnam grol 'ja' zer sbubs%
sku dang thig le'i nyams snang gong du 'phel%
rig rtsal longs sku'i zhing khams tshad la phebs%
chos zad blo 'das chen por sangs rgyas te%
gzhon nu bum skur gtan srid zin par shog%
- Prayer for the Bardo
shin tu rnal 'byor nyams 'og ma chud de%
rags lus dvangs ma'i dbyings su ma grol na%
nam zhig tshe yi 'du byed bstung ba'i tshe%
'chi ba 'od gsal ka dag chos skur shar%
bar do'i snang cha longs spyod rdzogs skur grol%
khregs chod thod rkal lam gyi rtsal rdzogs nas%
ma pang bu 'jug lta bur grol bar shog%
- Prayer for the Next Life
gsang chen 'od gsal theg pa mchog gi rtse%
sangs rgyas gzhan nas mi tshol chos sku'i zhal%
mngon gyur gdod ma'i sa la ma grol na%
ma bsgom sangs rgyas chos lnga'i lam mchog la%
brten nas rang bzhin sprul pa'i zhing lnga dang %
khyad par padma 'od kyi pho brang du%
rig 'dzin rgya mtsho'i gtso mchog o rgyan rjes%
gsang chen chos kyi dga' ston 'gyed pa'i sar%
sras kyi thu bor skyes nas dbugs dbyung ste%
mtha' yas 'gro ba'i nyer 'tshor bdag 'gyur shog%
- Prayer of Fulfillment
rig 'dzin rgyal ba rgya mtsho'i byin rlabs dang %
chos dbyings bsam mi khyab pa'i bden pa yis%
dal 'byor rten la rdzogs smin sbyangs gsum gyi%
rten 'brel mngon gyur sangs rgyas thob par shog%
( ces kha zhe med par gsol ba snying nas gdab bo%
- Four Empowerments
dgu pa dbang bzhi blang ba ni/
- Vase Empowerment
gu ru'i smin mtshams nas OM yig chu shel lta bur 'tsher ba las 'od zer 'phros/
rang gi spyi bo nas zhugs/
lus kyi las dang rtsa'i sgrib pa dag sku rdo rje'i byin rlabs zhugs/
bum pa'i dbang thob/
bskyed rim gyi snod du gyur/
rnam smin rig 'dzin gyi sa bon thebs/
sprul sku'i go 'phang thob pa'i skal ba rgyud la bzhag _
- Secret Empowerment
mgrin pa nas AH: yig padma ra ga ltar 'bar ba las 'od zer 'phros/
rang gi mgrin pa nas zhugs/
ngag gi las dang rlung gi sgrib pa dag gsung rdo rje'i byin rlabs zhugs/
gsang ba'i dbang thob/
bzlas brjod kyi snod du gyur/
tshe dbang rig 'dzin gyi sa bon thebs/
longs spyod rdzogs pa'i go 'phang gi skal ba rgyud la bzhag _
- Transcendent Knowledge Empowerment
thugs ka'i HUM yig nam mkha'i mdog can las 'od zer 'phros/
rang gi snying ga nas zhugs/
yid kyi las dang thigs le'i sgrib pa dag thugs rdo rje'i byin rlabs zhugs/
shes rab ye shes kyi dbang thob/
bde stong tsanda li'i snod du gyur/
phyag rgya'i rig 'dzin gyi sa bon thebs/
chos sku'i go 'phang thob pa'i skal ba rgyud la bzhag _
- Precious Word Empowerment
slar yang thugs ka'i HUM las HUM yig gnyis pa zhig skar mda' 'phangs pa bzhin du chad/
rang sems dang tha dad med par 'dres/
kun gzhi'i las dang shes bya'i sgrib pa sbyangs/
ye shes rdo rje'i byin rlabs zhugs/
tshig gis mtshon pa don dam gyi dbang thob/
ka dag rdzogs pa chen po'i snod du gyur/
lhun grub rig 'dzin gyi sa bon thebs/
mthar thug gi 'bras bu ngo bo nyid sku'i skal ba rgyud la bzhag go _
( de ltar 'don bsgom zung du 'jug pas lam dbang blangs mthar/
- The Dissolution
nam zhig tshe yi dus byas tshe%
rang snang rga yab dpal ri'i zhing %
zung 'jug sprul pa'i zhing khams su%
gzhi lus rdo rje rnal 'byor ma%
gsal 'tsher 'od kyi gong bu ru%
gyur nas rje btsun pad 'byung dang %
dbyer med chen por sangs rgyas te%
bde dang stong pa'i cho 'phrul gyi%
ye shes chen po'i rol pa las%
khams gsum {p16} sems can ma lus pa%
'dren pa'i ded dpon dam pa ru%
rje btsun padmas dbugs dbyung gsol%
gsol ba snying gi dkyil nas 'debs%
kha tsam tshig tsam ma yin no%
byin rlabs thugs kyi klong nas stol%
bsam don 'grub par mdzad du gsol%
bla ma'i thugs ka nas
'od zer dmar po drod dang
bcas pa zhig wal gyis byung ba
bdag nyid rdo rje rnal 'byor mar
gsal ba'i snying khar reg pa tsam gyis
'od dmar gyi gong bu zhig tu gyur nas
gu ru rin po che'i thugs kar
thim pas dbyer med ro gcig tu gyur
( par bsgom zhing dmigs bsam brjod pa dang
bral ba'i ngang la mnyam par bzhag go/
de khas ldang nas/ )
- Concluding Prayers
dpal ldan rtsa ba'i bla ma rin po che/_/
bdag gi snying gar padma'i gdan bzhugs la/_/
bka' drin chen po'i sgo nas rjes bzungs te/_/
sku gsung thugs kyi dngos grub stsal du gsol/_/
dpal ldan bla m'i rnam par thar pa la/_/
skad cig tsam yang log lta mi skye zhing /_/
ci mdzad legs par mthong ba'i mos gus kyis/_/
bla ma'i byin rlabs sems la 'jug par shog _/
skye ba kun tu yang dag bla ma dang /_/
'bral med chos kyi dpal la longs spyod nas/_/
sa dang lam gyi yon tan rab rdzogs te/_/
rdo rje 'chang gi go 'phang myur thob shog _/
back to Longchen Nyingthig Ngondro Text