Sheja Dzo Chapter 6.2 Wylie

Sheja Dzo (shes bya mdzod), The Treasury of Knowledge, by Jamgon Kongtrul.

This file was typed by Phinjo Sherpa at Rangjung Yeshe Translations & Publications office in Boudhanath, Nepal. Thanks for the sponsorship to Peter ___ and Christoph ___, two student of Khenpo Tsultrim Gyamtso Rinpoche.

There is still need for more spellcheck and hyperlinks. Erik Pema Kunsang

Sheja Dzo Chapter 6.2 volume2 2.

theg pa che chung shes bya spyi'i gnas rnam par gzhag pa'i skabs/ skabs gnyis pa theg pa che chung shes bya spyi'i gnas rnam par gzhag la gsum/ phyi nang grub mtha'i khyad apr bstan/ nang pa'i ring lugs kyi dbye bsdu spro/
shes bya'i rnam gzhag dngos bshad pa'o/
/dang po ni/ phyag rgya bzhi ldan srid rtse'i gnyen por 'gro/
/mtha' gnyis spangs nas 'gog bden sgrub pa yis/ /phyi pa las 'phags nges legs rgyal ba'i bstan/ /rang gzhan nam phyi nang grub mtha'i khyad par 'byed chos mkhas pa rnams kyi bzhed srol tha dad mang yang lta sgom spyod 'bras phyogs ris ji bzhin 'byed mi nus pas/ grub mtha' la zhugs pa gang zhig lta ba bka' rtags kyi phyag rgya bzhi khas len mi len/ sgom pa srid rtse'i gnyen por 'gro mi 'gro/
spyod pa (aa: 180 ba) ngal dub kyi mtha' dang 'dod pa bsod nyams kyi mtha' gnyis spong mi spong/ 'bras bu'i thar pa spang bya zad pa'i bral ba khyad par can 'gog bden 'dod mi 'dod rnams kyis 'byed pa yin te/ 'dul ba 'od ldan las/ bslab pa gsum ni rab ston cing/ /phyag rgya bzhi dang yang dag ldan/ /thog ma bar dang mthar dge ba/ /gsangs rgyas gsung du mkhas pas rtogs/ /zhes gsungs pa ltar ro/
/phyag rgya bzhi ni chos kyi sdom bzhi ste/ gsang ba bsam gyis mi khyad pa las/ de bzhin gshegs pas chos thams cad

Sheja Dzo Chapter 6.2 volume2 (page 360)

mdo bzhir 'dus byas te/ 'dus byas thams cad ni mi rtag pa'o/
/zag pa dang bcas pa ni sdug bsngal ba'o/
/chos thams cad ni bdag med pa'o/
/mya ngan las 'das pa ni zhi ba'o/
/zhes gsungs pa ltar ro/
/'o na rang sde gnas ma bu pa yang bdag 'dod cing skad cig gis mi 'jig pa'i 'dus byas khas len pas gnod do zhe na/ skyon med de/ de ni phung po las don gzhan dang rtag par mi 'dod cing gtan 'jig mi srid pa'i rtag dngos su khas mi len pas mu stegs dang khyad par che bas so/
/srid rtse'i gnyen po ni mu stegs la med de bdag med bden pa'i rnam pa can gyi lam las rgyab kyis phyogs shing/ gong na sa gzhan med pas zhi rags kyi rnam pa yang med pa'i phyir te/ slob dpon dpa' bos/ khyod kyi bstan la mi phyogs pa'o/
/skye bo gti mug gis ldongs pa/ /srid rtse'i bar du song nas kyang/ sdug bsngal yang 'byung srid pa sgrub/ /khyod kyi bstan pa'i rjes 'gro ba/ /bsam gtan dngos gzhi ma thob kyang/ /bdud kyi mig ras btsa' bzhin du/ /sred pa dag ni zlog par byed/ /ces gsungs pa ltar ro/
/spyod pa'i skyon ni mtha' gnyis su lhung ba ste/ rnyed bkur la chags pas ngan pa dang nyung ngus mi chog par bzang po dang mang po (aa: 181 na) 'dod pa dang/ rang tshul khrims dag cing bdag med kyi lta bas dngos 'dzin rags pa khrol ba zhig gis sgrub tshe tshegs chung la spyod tshe chags zhen drag po mi skye na bzang zhing mang ba la spyod kyang skyon emd rung/ de ltar mi byed pas lus sems gdung ba gnyis ni rim bzhin rgyang 'phen dang gcer bu pa la gtso bor yod la/ bcom ldan 'das kyis ni gos zas gnas mal sman te gnas bzhi po mtha' gnyis su ma lhung ba la bslab par nan gyis gsungs pas so/
/'bras bu thar pa yang/ bshes spring du/ sa chu me rlung nyi zla bral thob mdzod/ /ces gsungs pa ltar/ rgyang 'phen ni 'byung bzhi sems bcas dang

Sheja Dzo Chapter 6.2 volume2 (page 361)

de dang bral ba gnyis 'khor 'das su 'dod pas thar pa dang 'byung bzhi gzhi mthun 'dod la/ khyad par 'phags bstod las/ ne tshos nyi ma brtol nas ni/ /thar par mchis pa bshad ces grags/ /ces sogs nyi zla thar par 'dod pa dang/ gcer bu pas nam mkh'ai dbyings na thar pa gdugs bkan pa lta bur 'dod pa sogs kyis thob bya'i thar pa la rmongs pas 'thob byed lam la'ng rmongs la/ rgyal ba'i bstan pa ni thar pa'm mya ngan las 'das pa 'gog pa'i bden par bzhed cing de nyid sgrub par byed pa rnams kyis phyi pa'i lugs las khyad par du 'phags pa gnas skabs dang mthar thug gi phan bde ma lus pa'i 'byung gnas yin pa'i phyir nges par legs pa ni rgyal ba'i bstan pa 'ba' zhig yin no/
/gnyis pa ni/ dbye bsdu mang yang yongs grags theg pa gsum/ /grub mtha' bzhir grags kun kyang 'khor ba'i rgyu/ /bdag 'dzin spangs nas myang 'das sgrub par mthun/ /sangs rgyas kyi bstan pa lung gi chos kyi dbang du byas nas rab tu dbye ba dang bsdu ba'i tshul bka' dang bstan bcos nas mang du gsungs te/ aarya de ba'i snying po kun btus las/ sangs rgyas chos ni rnam pa bzhir/ /yid 'dodrnams kyes (aa: 181 ba) mngon mthong ste/ /bye brag smra la sogs pa'i lam/ /bshad pas de nyid sgrub pa'o/
/zhes gsungs pa ltar/ sangs rgyas kyi bstan pa dam pa'i chos mtha' dag bye brag tu smra ba dang mdo sde pa dang rnal 'byor spyod pa dang dbu ma pa ste grub pa'i mtha' smra ba bzhir nges shing/ de'ng phyi don du smra ba dang sems tsam pa dang ngo bo nyid med par smra ba'i dbu ma pa gsum du 'du ste/ bye mdo gnyis ka don smrar 'dus pas so/
/yang dang po gnyis theg dman pa dang phyi ma gnyis theg chen par nges pas theg pa gnyis su'ng 'da'o/
/yang mdo sde ldkar gshegs pa las ni/ bstan pa

Sheja Dzo Chapter 6.2 volume2 (page 362)

mtha' dag theg pa lngar bsdus par bshad de/ ji skad du/ lha yi theg dang tshangs theg dang/ /nyan thos kyi yang de bzhin du/ /rang rgyal sangs rgyas theg pa ste/ /theg pa de dag ngas bshad do/
/zhes so/
/de yang bsdu na snga ma gnyis mgnon mtho dang/ phyi ma gsum nges legs te theg pa gnyis su 'du bar rin chen phreng ba las gsungs shing/ de bzhin du sher phyin gyi man ngag dang sbyar na snga ma gnyis kyes bu chung ngu dang/ bar pa gnyis bring dang/ /tha ma skyes bu chen po'i lam ste skyes bu gsum gyi lam du'ng 'du'o/
/'o na theg pa lngar 'dod na/ rdo rje snying 'grel las/ sangs rgys pa la bzhi pa dang/ lnga pa thub pa'i dgongs pa min/ /zhes theg pa bzhi pa/ grub mtha' smra ba lnga pa med par gsungs pa dang mi 'gal lam zhe na/ dam chos pad dkar las/ drang srong chen pos theg pa gsum bstan pa/ /rnam 'dren rnams kyi thabs la mkhas pa ste/ zhes gsungs pa ltar/ rnam par grol ba'i lam la theg pa bzhi pa med pa la dgongs nas gsungs pa yin gyi/ 'di dang 'chad gzhi tha dad pas 'gal ba cung zad kyang med do/
/yang spyod bsdus sgron ma las ni/ gdul bya'i mos pa gsum gyi dbang du byas (aa: 182 na) nas spyod pa gsum du bsdus te/ dman pa la mos pa la chags bral gyi spyod pa dang/ rgya chen po la mos pa la sa dang pha rol tu phyin pa'i spyod pa dang/ zab mo la lhag par mos pa la 'dod chags kyi spyod pa bstan pa'o/
/yang slob dpon tre pi tta ka'i tshul gsum sgron ma las/ bden pa'i de nyid tshul ston gang/ /pha rol phyin tshul don khang yang/ /gsang sngags chen po'i tshul don yang/ /bsdus nas 'dir ni bstan pa yin/ /zhes bden pa bzhi'i rnal 'byor pa'i tshul/ pha rol tu phyin pa'i rnal 'byor pa'i tshul/ gsang sngags chen po'i rnal 'byor pa'i tshul te tshul gsum du bsdus shing/ slob dpon ye shes grags pas kyang bka' ma

Sheja Dzo Chapter 6.2 volume2 (page 363)

lus pa mdor bsdus te bshad pa'i rab tu byed pa las de ltar du bsdus so/
/mdo sde rgyan las/ sde snod dag ni gsum mam gnyis kyang rung/ /zhes mchog dman gyi sde snod dam theg pa gnyis su bsdus pa dang/ phal che ba las nyan thos dang rang rgyal dang byang chub sems dpa'i theg pa ste gsum du bsdus pa sogs mang po zhig 'byung yang/ yongs su grags pa ni/ theg pa gsum dang/ grub mtha' bzhir grags pa ste/ de dag kun kyang 'khor ba'i rgyu bdag tu 'dzin pa spangs nas thar pa myang 'das kyi go 'phang bsgrub par mthun no/
/de rnams kyang snga ma snga ma la ma brten par phyi ma phyi ma mi 'byung ste/ sa'i snying po 'khor lo bcu pa'i mdo las/ gang la mtho ris theg pa yod min/ /de la nyan thos theg pa med de/ /gang la nyan thos theg pa yod min/ /de la rang rgyal theg pa med de/ /gang la nyan thos theg pa yod min/ /de la rang rgyal theg pa med de/ gang la rang rgyal theg pa yod min/ /de la theg pa chen po med de/ /zhes gsungs pas mtshon no/
/gsum pa shes bya'i rnam gzhag dngos bshad pa la gsum/ gtan la 'bebs byed ang dbab bya ngos bzung/ de dag gi dgos pa mdor bsdus smos/ rnam gzhag dngos rgyas (aa: 182 ba) par bshad pa'o/
/dang po ni/ de rgyu chos rab rnam 'byed shes rab ste/ /gtan la dbab bya phung khams skye mched dang/ /rten 'brel sogs la theg pa che chung gi/ /dbye bsdu mang yang de dag spyi yi lugs/ /de'ng mdzod las/ chos rnams rab tu rnam 'byed med par nyon mongs rnams/ /gang phyir nye bar zhi bar bya ba'i thabs med la/ /nyon mongs pas kyang 'jig rten srid mtsho 'dir 'khyams te/ /de bas de phyir 'di ni ston pas gsungs so lo/
/zhes pa ltar 'khor ba'i rgyu nyon mongs pa spangs nas thar pa 'thob par byed pa la ni chos

Sheja Dzo Chapter 6.2 volume2 (page 364)

rab tu rnam par 'byed pa'i shes rab kyis shes bya spyi'i mtshan nyid gtan la pheb pa zhig dgos la/ de ni phung po lnga dang khams bco brgyad dang skye mched bcu gnyis dang rten cing 'brel bar 'byung ba'i mtshan nyid ji lta ba bzhin gtan la 'bebs pa'i sgo nas yin pa'i phyir na de dag la mkhas par bya dgos so/
/mdo las kyang/ phung po la mkhas par bya'o/
/khams la mkhas par bya'o/
/skye mched la mkhas par bya'o/
/rten cing 'brel bar 'byung ba dang gnas dang gnas ma yin pa rnams la mkhas par bya'o/
/zhes gsungs pa ltar ro/
/de dag la'ng theg pa che chung gi dbye bsdu dang mtshan nyid 'jog tshul mang yang de dag spyi la khyab che ba'i lugs su 'dir mdo tsam brjod par bya'o/
/gnyis pa ni/ ril pro 'dzin dang dbang po mos pa gsum/ /bdag lta rmongs pa'i gnyen por de dag rnams/ /rim pa bzhin gsungs/ /zhes pa ste/ bcom ldan 'das kyis phung skye khams gsum gyi chos ston pas shes bya gtan la dbab par mdzad pa de dag gi dgos pa ni/ rmongs pa gsum gyis ril por 'dzin pa rnams kyi gnyen po dang/ gdul bya'i dbang po gsum dang/ mos pa gsum la dgongs pa bye smra ba rnams 'dod de/ de la rmongs pa gsum ni/ sems byung dang/ (a: 183 na) bzugs dang/ gzugs sems gnyis ka la ril po'i bdag nyid du 'dzin pas rmongs pa'o/
/dbang po gsum ni/ dbang po rnon po dang/ 'bring dang/ brgul po'o/
/mos pa'm 'dod pa gsum ni/ tshig bsdus pa dang/ 'bring dang/ rgyas pa 'dod pa'o/
/rten 'brel gyi chos ni kha cig bdag yod pa las thams cad byung bar lta ba dang/ kha cig rgyu med pa las byung bar 'dod pa chad par lta bas rten cing 'brel par 'byung ba'i gnas la rmongs pa bsal ba'i slad du ste/ mdor na shes bya'i gnas lugs la rmongs pa'i gnyen por de dag rnams rim pa bzhin du gsungs so/

Sheja Dzo Chapter 6.2 volume2 (page 365)

gsum pa rnam gzhag dngos rgyas par bshad pa la gsum/ theg pa thun mong ba'i lugs phung khams skye mched kyi rnam gzhag thun mong ma yin pa 'khor lo tha ma'i lugs srid pa nyer lnga la sogs pa'i rnam gzhag theg pa che chung phyott bsdus rten 'brel gyi rnam gzhag bshad pa'o/
/dang po la gnyis/ so so'i dbye ba mngon pa gong ma'i lugs gtso bor bshad pa/ de dag gi don bsdu mngon pa 'og ma ltar bshad pa'o/
/dang po la gsum/ phung po/
khams/ skye mched kyi rnam par gzhag pa'o/
/de'ng theg chen thun mong ma yin pa'i mngon pa kun las btus par ming gi rnam grangs mang zhing brjod bya rgya che bas de'i lugs ltar bshad pa la/ dang po phung po'i rnam gzhag la'ng gsum/ ngo bo dang/ dbye ba/ ldan tshul bshad pa'o/
/dang po ni/ phung po 'dus pa ste/ /zhes phung po'i sgra don legs sbyar la skandha ste phung po'i sgra ni/ daa shi ste tshogs pa'm spungs pa'i don la 'jug pas/ rigs mthun gyi chos du ma spungs pa las sam/ de nyid kyi khyad par thams cad 'dus pas na phung po zhes bya'o/
/gnyis pa dbye ba la gnyis/ mdor bstan/ rgyas bshad do/
/dang po ni/ gzugs tshor 'du shes 'du byed rnam shes lnga/ /zhes so/
/(aa: 183 ba) gnyis pa rgyas bshad la lnga/ gzugs/ tshor ba/ 'du shes/ 'du byed/ rnam par shes pa'i phung po'o/
/dang po gzugs la gnyis/ ngo bo/
dbye ba'o/
/dang po ni/ gzugs su rung ba/ zhes pa ste/ mdo las/ dge slong dag gzugs su yod cing gzugs su rung bsas de'i phyir gzugs nye bar len pa'i phung po zhes bya'o/
/ci gzugs su rung zhe na/ lag pa'i 'dus te reg pas reg na gzugs su rung ba dang/ zhes gsungs pa ltar ro/
/kun btus las/ reg pas gzugs su yod pa dang/ yul spyad pas gzugs su

Sheja Dzo Chapter 6.2 volume2 (page 366)

yod pa zhs gsungs te/ gzugs can phrad pas sngar dang mi 'dra bar 'gyur ba lag pas me tog la reg pas de'i chos nyams pa lta bu dang/ yid yul du gzugs kyi rnam pa 'char ba'o/
/gnyis pa de'idbye ba la gsum ste/ rgyu'i gzugs 'byung ba chen po bzhi/ 'bras bu'i gzugs de rgyur gyur poa chos kyi skye mched pa'i gzugs so/
/dang po ni/ rgyu gzugs 'byung ba bzhi/ /sra gsher drod gyo/
/zhes pa ste/ rgyu'i gzugs ni 'byung ba sa chu me rlung bzhi yin la/ de dag ji lta bu zhe na/ 'jig rten gyi tha snyad la/ kha dog dbyibs la sa sogs grags mod kyang/ bstan bcos shes pa rnams don gyi dbang du byas na/ sra zhing 'thas la 'dzin par byed pa'i las can ni sa/ brlan zhing gsher la sdud par byed pa ni chu/ tsha zhing sreg la smin par byed pa ni me/ yang zhing gyo la skyod par byed pa ni rlung ngo/
/gnyis pa 'bras bu'i gzugs ni gnyis/ dbang po lnga dang don lnga'o/
/dang po ni rgyur byas bras bu'i gzugs/ /rnam shes rten gyur mig sogs dbang po lnga/ /'bras bu'i gzugs ni 'byung ba chen po bzhi dag rgyur byas pa las byung ba gang zhig de'i khyad par mig gi rnam par shes pa'i rten nam bdag rkyen du gyur pa'i nang gi gzugs (aa: 184 na) dang ba'o/
/de bzhin du sbyar te rna ba sna lce lus kyi rnam par shes pa'i rten nam bdag rkyen du gyur pa'i nang gi gzugs dang ba ste mig sogs kyi dbang po lnga ga'ng kun gzhi'i steng gi rang gi sa bon gyi cha las skes pa'o/
/dang ba'i don ni me long dang ba dang gzugs la brten nas gzugs brnyan 'char ba ltar dbang po dang ba gzugs sgra la sogs pa brten nas de dag tu snang ba'i rnam par rig pa 'char ba'o/
/gnyis pa ni/ de yi gzung bya gzugs sogs phyi don lnga/ /yul gzutt

Sheja Dzo Chapter 6.2 volume2 (page 367)

nyer lnga sde tshan drug gam bzhi/ /'byung ba chen po bzhi dag rgyur byas pa las byung ba 'bras bu'i gzugs gang zhig de'i khyad par mig sogs dbang pos gzung bar bya ba gzugs sogs phyi rol gyi don lnga ste/ thog mar mig gi yul du gyur pa gzugs la re rer smos pa nyer lnga ste/ sngo ser dmar dkar ring thung lham pa zlum/ /phra rags phya le yin min mtho dma' grib/ /nyi snang mun sprin du ba rdul khug sna/ /mngon par skabs yod rnam par rig byed dang/ /nam mkha' kha dog gcig pa bcas rnams so/
/zhes so/
/mtshan nyid kyis phye ba sde tshan drug tu'ng bshad la/ bsdu na/ kha dog gis phye ba sngo dmar sogs so/
/dbyibs kyis phye ba lham pa dang zlum po sogs so/
/snang tshul gyis phye ba nam mkha' lam mer snang ba lta bu ste/ mngon par skabs yod pa'i gzugs zer ro/
/gnas skabs kyis phye ba lus kyi gyo 'gul 'degs'jog dang/ phyag sogs byed pa na de'i snga logs kyi kun slong gzhan gyis rig par byar yod pa ste rnam par rig byed kyi gzugs so/
/'di gnas skabs pa btags pa'i btags yod yin la/ nyan thos sde gnyis rdzas yod du 'dod de bzhi'o/
/yang na bzang po/
ngan pa/ bar ma/ kha dog dang 'dra ba bzhi la 'dus so/
/sgra ni bcu gcig tshan bzhi phye bas lnga/ /dri drug ro la bcu gnyis reg nyer (aa: 184 ba) gnyis/ /gnyis pa sgra'i dbye ba ni/ yid 'ong mi 'ong gnyis ka ma yin gsum/ /zin dang ma zin 'byung chen rgyu las byung/ /gnyis ka yin gsum 'jig rten grags pa dang/ /grub pas bstan dang kun tu brtags pa gsum/ /'phags dang 'phags min tha snyad btags pa gnyis/ /zhes re re ba bcu gcig /phan gnod kyis phye ba sogs sde tshan bzhir yang bshad la/ mdor bsdu na/ tshor ba 'dren tshul gyis phye ba yid du 'ong mi 'ong bar ma gsum/ sems kyis zin ma zin gyis phye ba zin pa glu dbyangs sogs/ ma zin pa chu'i

Sheja Dzo Chapter 6.2 volume2 (page 368)

sgra sogs/ gnyis ka skyes bus rnga brdung ba'i sgra lta bu sogs gsum/ brda dang tha snyad btags tshul gyis phye ba bum snam sogs 'jig rten gyis btags pa/ stong pa nyid dang bdag med sogs grub pas brjod pa/ byed po dang za bo sogs mu stegs sogs kyis kun brtags pa/ rnam byang gi sgra 'phags pas btags pa/ 'jig rten pa'i tha snyad 'phags pa ma yin pas btags pa ste lnga'o/
/gsum pa dri'i dbye ba ni/ tshor ba 'dren tshul gyis phye ba dri zhim pa nga ba bar ma gsum dang/ gnas skabs kyis phye ba lhan cig skyes pa dang sbyar ba las byung ba dng yongs su gyur pa dang gsum ste drug go /bzhi pa ro'i dbye ba ni/ ngo bos phye ba mngar ska kha ba ro bzang ba gsum dang/ skyur tsha lan tshwa ba ngan pa gsum ste drug /phan gnod kyis phye ba yid du 'ong mi 'ong bar ma gsum/ gnas skabs kyis phye ba lhan skyes sbyar dang gyur pa las byung ba ste bcu gnyis so/
/lnga pa reg bya ni/ 'jam rtsub ayng lci mnyen lhod lhod pa min/ /grang bkres skom tshigs nyams ldan nyams chung ba/ /brgyal gya' 'dred dang na rga 'chi ngal ba/ ngal gsos spungs che ba ste nyer gnyis so/
/yang kun tu brnabs pas bzhag pa sogs sde tshan drug tu'ng bshad la/ 9aa: 185 na) bsdu na phan tshul phrad pa la ltos te phye ba reg bya 'jam rtsub sogs/ phyi nang gi 'byung ba cha snyoms ma snyoms la ltos te phye ba tsha grang bkres skom sogs/ gnas skabs kyis phye ba brgyal ba dng gya' ba sogs gsum mo/
/gsum pa chos kyi skye mched pa'i gzugs bshad pa la gnyis/ ngo bo/
dbye ba'o/
/dang po ni/ bstan med thogs med chos kyi skye mched pa'o/
/gzutt ni/ /zhes pa ste/ gang zhig yid kyi dbang po'i spyod yul 'ba' zhig tu

Sheja Dzo Chapter 6.2 volume2 (page 369)

gzugs kyi rnam par snang zhing/ mig shes la bstan du med cing reg pas thogs pa med par gyur pa gang yin pa de ni chos kyi skye mched pa'i gzugs zhes bya'o/
/gnyis pa ni/ bsdus pa dag las gyur sogs lnga/ /zhes pa ste/ de'i dbye ba bsdus pa las gyur pa sogs lnga las/ dang po/
bsdus pa las gyur pa'i gzugs yid shes kyi yul du rdul phra rab tu snang ba/ gnyis pa mngon par skabs yod pa'i gzugs yid shes la bar sngang du snang ba/ gsum pa yang dag par blangs pa las byung ba sdom pa yang dag par blangs pa'i spongs sems gtan du ba'i gzugs te/ 'di la kun slong gzhan gyis rig par byar med pas rnam par rig byed ma yin pa'i gzugs zer/ bzhi pa kun brtags pa'i gzugs mi gtsang ba'i ting nge 'dzin gyi rkeng rus lta bu/ lnga pa dbang 'byor ba'i gzugs zad par sa sogs kyi ting nge 'dzin las byung ba'i sa sogs lta bu ste/ 'di la ting nge 'dzin gyi spyod yul gzugs brnyan zer te lnga'o/
/dbye sgo gzhan yang/ bstan yod thogs bcas dang/ bstan med thogs bcas dang/ bstan med thogs med gsum du dbye ba dang/ zin pas bsdus pa dang/ zin pa ma yin pas bsdus pa gnyis su dbye ba dang/ rten mtshungs dang/ de mtshungs kyi gzugs (aa: 185 ba) gnyis su dbye ba sogs so/
/gnyis pa tshor ba'i phung po la gnyis te/ ngo bo dang/ de'i dbye ba'o/
/dang po ni/ reg pas yul spyod sim gdung bar ma can/ /reg pas yul yongs su spyad pa'i rnam par smin pa sim pa dang gdung ba dang bar ma gang rung nyams su myong ba'i bdag nyid can gyi sems pa snye de'i rigs mthun du ma spungs pa la phung po zhes bya'o/
/gnyis pa la gnyis/ ngo bo'i sgo nas dbye ba/ mtshungs ldan gyi sgo nas

Sheja Dzo Chapter 6.2 volume2 (page 370)

dbye ba'o/
/dang po ni/ 'dus te reg pa'i rkyen gyis tshor ba drug /mig gi 'dus te reg pa'i rkyen gyis tshor ba nas/ yid kyi 'dus te reg pa'i rkyen gyis tshor ba'i bar te drug go/
/gnyis pa ni/ mtshungs ldan sgo nas dbye tshul rnam pa gnyis/ /mtshungs ldan gyi sgo nas drug tu dbye ba dang lngar dbye ba gnyis su yod de/ dang po ni/ lus tshor dbang shes lnga dang mtshungs ldan du byung ba'i sems pa ste re re la'ng tshor ba bde sdug bar ma gsum gsum/ sems tshor yid shes dang mtshungs ldan du byung ba'i tshor ba/ zang zing dang bcas pa'i tshor ba nyer len gyi phung po lnga la dmigs nas bdag tu sred pa dang mtshungs ldan du byung ba'i sems pa/ zang zing med pa'i tshor ba de'i dngos gnyen du gyur pa'i sems pa/ zhen pa rten gyi tshor ba 'dod yon lnga la sred pa danbg mtshungs ldan du byung ba'i sems pa/ mngon par 'byung ba brten pa'i tshor ba de'i dngos gnyen du gyur pa'i sems pa ste drug go /gnyis pa ni/ rnam shes lnga dang mtshungs ldan gyi sim pa bde ba/ yid shes dang mtshungs ldan gyi sim pa yid bde/ rnam shes dang mtshungs ldan gyi gdung ba sdug bsngal/ yid shes dang mtshungs ldan gyi gdung ba yid mi bde/

Sheja Dzo Chapter 6.2 volume2 (page 371)

sim gdung gnyis ka med pa btang smyoms te lnga'o/
/gsum pa 'du shes kyi phung po la gnyis te/ ngo bo dang/ de'i dbye ba'o/
/dang po ni/ 'dus te shes pas/ /(aa: 186 na) zhes pa ste/ rkyen gsum mam bzhi rnams 'dus te shs par byed pas yul gyi khyad par ram spu ris sam mtshan ma ma 'dres par so sor 'dzin pa'i bdag nyid can gyi sems pa'o/
/dnyis pa la gnyis/ ngo bo'i sgo nas dbye ba/ gnas skabs sam dmitt pa'i sgo nas dbye ba'o/
/dang po ni/ ngo bo'i 'du shes dang/ /zhes pa ste/ mig gi 'dus te reg pa'i 'du shes nas rna ba'i 'dus te reg pa'i 'du shes kyi bar drug go /gnyis pa ni/ mtshan ma med sogs sa yis bsdus pa drug /de la mtshan ma med pa'i 'du shes tha snyad la mi mkhas pa de bzhin nyid la snyoms par zhgus dus kyi 'du shes dang/ srid rtse'i snyoms 'jug gi sas bsdus pa'i 'du shes/ mtshan ma dang bcas pa'i 'du shes de las gzhan pa'i khams gsum gyi sas bsdus pa'i 'du shes thams cad/ chung ngu'i 'du shes 'dod pa'i sas bsdus pa'i 'du shes/ chen po'i 'du shes gzugs khams kyi sas bsdus pa'i 'du shes/ mtshan ma dang bcas pa'i 'du shes de las gzhan pa'i khams gsum gyi sas bsdus pa'i 'du shes thams cad/ chung gnu'i 'du shes 'dod pa'i sas bsdus pa'i 'du shes/ chen po'i 'du shes gzugs khams kyi sas bsdus pa'i 'du shes/ tshad med pa'i 'du shes nam mkha' mtha' yas dang rnam shes mtha' yas skye mched kyis bsdus pa'i 'du shes/ ci yang med pa'i 'du shes ci yang med pa'i sas bsdus pa'i 'du shes te drug go/
gzhi pa 'du byed kyi phung po la gnyis te/ ngo bo dang/ de'i dbye ba'o/
/

Sheja Dzo Chapter 6.2 volume2 (page 372)

dang po ni/ dmigs par 'du byed/ /ces pa ste/ rkyen rnams tshogs shing 'dus pas sems yul lam dmigs pa la mngon par 'du byed pa dang yul sna tshogs la gyo zhing skul bar byed pa'i bdag nyid can gyi sems pa'o/
/gnyis pa la gnyis/ ngo bo dang/ gnas skabs kyi sgo nas dbye ba'o/
/dang po ni/ ngo bo drug yin la/ /zhs pa ste/ mig gi 'dus te reg pa las byung ba'i sems dmigs pa la mngon par 'du byed pa nas yid kyi 'dus te reg pa las byung ba'i sems dmigs pa la (aa: 186 ba) mngon par 'du byed pa'i bar ro/
/'di la mkhas pa dag sems byung sems pa zhes tha snyad byed do/
/gnyis pa la gnyis/ mdor bstan rgyas bshad do/
/dang po ni/ gnas skabs sems dang mtshungs ldan mi ldan gnyis/ /gnas skabs kyi sgo nas dbye ba la/ sems dang mtshungs ldan gyi 'du byed dang/ mtshungs par ldan pa ma yin pa'i 'du byed rnam pa gnyis su yod do/
/gnyis pa rgyas bshad la gnyis/ mtshungs ldan dang/ mtshungs ldan ma yin pa'i 'du byed do/
/dang po la gnyis/ sems sems byung thun mong du bstan pa/ sems las byung ba khyad par du bshad pa'o/
/dang po la gsum/ rang gi ngo bo ngos bzung/ gcig dang tha dad brtag pa/ gtso 'khor nges par bya ba'o/
/dang po la gnyis/ mtshan nyid kyi khyad par/ mtshungs ldan gyis bstan pa'o/
/dang po ni/ de yang sems ni don gyi ngo bo dang/ /sems byung don gyi khyad par rig pa ste/ /spyir sems dang sems byung zhes bya ba'i mtshan nyid gang zhe na/ de'ng gzugs sgra sogs chos can rten lta bur snang ba ni don gyi ngo bo yin la/ de rnams dmigs par byed pa rnam par shs pa'i tshogs brgyad ni sems yin zhing/ bde sdug gi gnas yid du 'ong mi 'ong sogs dngos po de'i chos brten pa lta bur snang ba ni don gyi khyad par yin la/ de

Sheja Dzo Chapter 6.2 volume2 (page 373)

rnams dmigs par byed pa tshor ba sos lnga bcu rtsa gcig ni sems las byung ba yin no/
/des na sems ni don gyi ngo bo rig par byed pa yin la/ sems byung ni don gyi khyad par rig par byed pa dbus mtha' las gsungs so/
/gnyis pa ni/ gnas sogs mtshungs lngas sems kyi rjes su 'brang/ /gtso bo sems dang 'khor sems byung gnyis phan tshun mi 'bral ba don rnam pa lngas lhan cig mtshungs par ldan pa phung po lnga po dang blo (aa: 187 na) brtan gyi 'grel pa las bshad de/ de'ng gnas sam rten dang/ sogs khongs nas dmigs pa dang rnam pa dang dus dang rdzas mtshungs pa rnam pa lngas sems byung rnams sems kyi rjes su 'brang ba'o/
/de la dang po rten mtshungs ni/ gtso 'khor gnyis ka dbang po gcig la brten pa ste mig shes mig dbang la brten pa na de'i 'khor tshor ba yang de la brten pa lta bu'o/
/gnyis pa dmigs mtshungs ni/ yul gcig la dmigs pa ste mig shes gzugs la dmigs pa na tshor ba'ng de la dmigs pa lta bu'o/
/gsum pa rnam mtshungs ni/ 'dzin stangs kyi gzung cha gcig pa ste mig shes sngon po'i rnam pa can du skyes pa na tshor ba'ng der skyes pa lta bu'o/
/bzhi pa dus mtshungs ni/ dus cig car 'byung ba ste mig shes nam byung ba na tshor ba'ng 'byung ba lta bu'o/
/lnga pa rdzas mtshungs ni/ rigs 'dra grangs mnyam pa ste mig shes rdzas gcig yin pa na de'i 'khor tshor ba'ng rdzas gcig kho na yin pa lta bu'o/
/'dir rnam pa dang dus mtshungs 'gal ba sogs kyi dogs spong ni ma smos pa gzhung rnams las shes par bya'o/
/gnyis pa gcig dang tha dad brtags pa ni/ gcig tu'ng bzhed rung lugs 'dir tha dd do/
/sems sems byung rdzas gcig gam tha dad ce na/ byang chub sems dpa' gcig par smra ba sogs dang/ dpal chos kyi grags pa ni de gnyis rdzas gcig tu bzhed/ slob dpon zla ba grags pas tha dad du

Sheja Dzo Chapter 6.2 volume2 (page 374)

bshad pa sogs mchis rung/ lugs 'dir 'phags pa thogs med kyis sems dang sems byung rdzas tha dad par med na phung po lnga'i rnam gzhag mi 'thad pa sogs skyon drug yod par gsungs pa ltar de'i rjes su 'brang dgos la/ de ltar tha dad kyang gzugs can kyi dngos po ltar 'di'o/
/zhes logs su bstan du med pas khyad par dpyad dka' yang dbang po gzugs dang (aa: 187 ba) ba la 'jog pa ltar yid ches pa'i lung rigs la brten nas shes par bya'o/
/gsum pa gtso 'khor nges par bya ba ni/ kun gzhi kun 'gro nyon yid de lnga dang/ /rtsa nyon bzhi dang nye ba'i nyon mongs drug /'jug pa'i rnam shes 'khor du kun kyang 'byung/ /'di ni gtso bo rnam shes tshogs brgyad sde tshan gsum du byas pa'i khongs su sems byung lnga bcu rtsa gcig po gang dang gang 'byung tshul brtsi ba yin la/ de'ng kun gzhi'i 'khor du kun 'gro lnga/ nyon yid kyi 'khor du de lnga dang rtsa nyon drug gi nang nas 'dod chags nga rgyal ma rig pa 'jig tshogs la lta ba bzhi/ nye ba'i nyon mongs pa gyeng ba bag med rgod pa ma dad pa le lo rmugs pa drug 'byung la gzhan rnams mi 'byung ba ni ngo bo dang dmigs rnam sogs mi mtshungs pa'i phyir ro/
/'jug pa'i rnam shes la lta 'dod med par gzugs mthong ba lta bu rkyen nyer gnas dang/ lta 'dod yod pas mthong ba lta bu yid sngon song gnyis las dang po'i 'khor du kun 'gro lnga las mi 'byung ste gzhan 'byung long med pa'i phyir ro/
/gnyis pa la sgo lnga dge ba'i 'khor du dang po nyer gcig rtog dpyod gnyis te nyer gsum/ de nyon mongs can gyi 'khor du dang po bcu dang rtsa nyon gyi dug gsum dang nye nyon gyi bcu tshan phyi ma dang rtog dpyod gnyis te nyer lnga 'byung ngo/
/de lung ma bstan gyi 'khor du dang po bcu dang rtog dpyod de bcu gnyis 'byung ngo/
/yid shes dge ba'i 'khor du 'dod khams su dang po nyer gcig dang gzhan

Sheja Dzo Chapter 6.2 volume2 (page 375)

'gyur bzhi ste nyer lnga 'byung/ de nyon mongs can gyi 'khor du dge ba bcu gcig ma gtogs thams cad 'byung/ de lung bstan gyi 'khor du dang po bcu dang phyi ma bzhi 'byung ste mdor na sems byung kun kyang gnas skabs la ltos nas 'byung ba yin no/
/de rnams kyi rgyu mtshan ni rang rang gi mtshan nyid las brtams te dpyad (aa: 188 na) pas shes so/
/gnyis pa sems las byung ba khyad par du bshad pa la gnyis/ rdzas dang btags pa'i khyad par/ so so'i dbye ba bshad pa'o/
/dang po ni/ rdzas yod nyer gnyis btags yod nyi shu dgu/ /de dag bzhi las rang rkyang thub dang cha/ /sems byung/ /zhes pa ste/ spyir rdzas yod dang btags yod kyi 'jog tshul la gsungs rab rnams nas don byed nus pa dang/ rigs pas grub pa dang/ rgyun brtan pa dang/ rang rkya thub pa la rdzas yod du byas pa ste bzhi yod pa las 'dir ni phyi ma kho na rdzas yod du jog ste; rang rkya thub pa'i don kho'i don spyi 'char ba gzhan gyi don spyi 'char ba la ma ltos pa zhig yin pa ltar ro/
/gzhan du na thams cad kyang don byed nus pa dang rigs pas grub pa'i phyir rdzas yod du thal zhing/ 'jigs lta'ng rgyun brtan pa'i phyir der thal bar 'gyur ro/
/de bzhin du btags yod kyang bzhi las/ gnas skabs la btags pa ldan min 'du byed lta bu dang/ med bzhin du sgro btags pa bdag dang ri rwa lta bu dang/ de las gzhan la btags pa bum pa lta bu/ cha la btags pa gdags gzhi'i chos kyi dum bu ma dor ba ste/ slob dpon blo brtan gyis gang hig rang gi rgyud logs su grub pa rdzas yod dang der ma grub pa btags yod du bshad pa ltar ro/
/de la rdzas yod ni lnga tshan dang po gnyis dang/ gti mug med pa dang bag yod dang btang snyoms dang rnam par mi 'tshe ba ma gtogs pa'i dge ba bdun dang/ lta ba ma gtogs nyon mongs lnga dang nyer gnyis te/

Sheja Dzo Chapter 6.2 volume2 (page 376)

gzhan la ma ltos par rang rkya thub pa'i phyir ro/
/btags yod ni dge ba lhag bzhi dang lta ba dang nye nyon nyi shu dang gzhan 'gyur bzhi dang nyer dgu ste/ rang gi ngo bo blo yul du 'gyur ba gdags gzhi'i chos nges pa la ltos pa'i phyir ro/
/mdor na rdzas btags de dag gong smos ltar bzhi (aa: 188 ba) gzhir yod pa las 'dir ni rang rkya thub pa'i rdzas yod dang cha las btags pa'i btags yod gnyis la bzung ngo/
/'dir grangs nges dang go rim ni brjod 'dod kyi dbang gis bzhag pa yin gyis nges pa med de/ lung phran tshegs las sems byung lnga bcu rtsa bdun dang/ sngags gzhung du rang bzhin brgyad cus mtshon gzhan las gzhan dag 'byung ba'i phyir ro/
/de dag kyang sems la rag las shing sems las skyes pa'm/ sems las thon cing sems la brten nas byung bas sam/ yang na chu bo'i rlabs chu bo'i rnam 'gyur yin pa bzhin du sems kyi rnam 'gyur yin pas na sems byung zhes kyang bya ste/ 'di ni dung gi sgra dang me lce bzhin 'phral 'phral 'byung bas rigs 'dra las 'byung ba'ng mi dgos so/
/gnyis pa dbye ba la/ lnga bcu rtsa gcig po sde tshan du bsdus te drug go/
dang po ni/ dbye ba kun 'gro/
/zhes pa ste/ sum cu pa las/ tshor 'du sems reg yid byed de/ /kun tu 'gro ba rnam pa lnga/ /zhes bshad pa'i tshor 'du gnyis ni spyi dang bye brag gi khyad par ma gtogs phung por bzhag pa dang ngo bo mtshungs la/ de gnyis sems byung yang yin la logs su bzhag dgos pa'i rgyu mtshan/ khyim pa rnams tshor ba bde sdug la rtsod pa'i dbang gis tshor ba dang/ rab byung rnams lta ba tha dad las rtsod pa'i dbang gis 'du shes te/ de gnyis rtsod pa'i rtsa ba 'khor ba'i rgyu'i gtso bor gyur pa'i phyir ro/
/sems pa ni/ sems yul la gyo ba'i gnas skabs kyi yid kyi rnam 'byur/ reg pa ni yul 922) dbang yid byed gsum 'dus pa las tshor ba bde sdug dang mthun par dbang

Sheja Dzo Chapter 6.2 volume2 (page 377)

po'i 'gyur ba yongs su gcod par byed pa/ yid byed ni/ sems yul gyi dmigs pa la yang dang yang du gcod pa'i bye brag tu 'dzin pa'o/
/lnga po de las gang rung (aa: 189 na) gcig med na'ng sems yul la gtod pa'i bya ba mi rdzogs pas/ khams gsum gyis bsdus pa'i sems gtso bo rnam shes kun gyi rjes su 'gro ba'i phyir de skad ces bya'o/
/sde tshan gnyis pa ni/ yul nges lnga/ /zhes pa ste/ de nyid las/ 'dun mos dran ting shes rab ste/ /yul nges skye ba rnam pa lnga/ /zhes pa'i 'dun pa ni bsam bya'i dngos po don du gnyer ba/ mos pa ni nges pa thob pa'i don la de kho nar 'dzin pa/ dran pa ni 'dris pa'i dngos po mi brjed pa/ ting nge 'dzin ni zhi rags dang bden bzhi sogs brtag bya'i dngos po la sems rtse gcig pa/ shes rab ni rang dang spyi'i mtshan nyid rnam par 'byed pa'o/
/de dag kyang bsam pa dang nges pa dang 'dris pa dang brtag pa'i dngos po 'di dag las sems gzhan du mi 'dzin par yul 'di dag tu nges pas de skad ces bya'o/
/sde tshan gsum pa ni/ dge ba bcu gcig/ ces pa ste/ dad dang ngo tsha shes khrel yod/ /ma chags zhe sdang gti mug med/ /brtson 'grus shin sbyangs bag yod dang/ /btang snyoms rnam par mi 'tshe ba/ /bcu gcig po ni dge ba yin/ zhes pa'i dad pa ni yid ches pa dang/ dang ba dang/ 'dod pa gsum/ ngo tsha shes pa ni rang la ltos nas kha na ma tho ba la 'dzem pa/ khrel yod pa ni gzhan la ltos nas de 'dzem pa/ ma chags pa ni nyer len gyi phung po lnga dang srid pa'i longs spyod la mngon par mi zhen pa/ zhe sdang med pa ni sdang pa'i yl la mnar sems med pa/ gti mug med pa ni blang dor la ma rmongs pa/ brtson 'grus ni dge ba la spro ba mi lhod pa/ shin sbyangs ni lus sems las su rung bas sems dmigs pa la bkol du btub pa/ bag yod ni zag bcas kyi chos rnams las sems srung

Sheja Dzo Chapter 6.2 volume2 (page 378)

zhing dge ba'i chos sgom pa/ btang snyoms ni mnyam par gzhag pa'i tshe bying rgod sogs (aa: 189 ba) kyis mi nyams par rtsol med mnyam nyid du 'jug pa/ mi 'tshe ba ni sems snying rje'i rnam pas gzhan la tho mi btsams pa'o/
/'di dag la tshul bzhin du spyad pas rnam smin yid du 'ong ba 'byin par byed pa'i phyir dge ba'i chos su bzhag ste rgyu la 'bras bu'i ming gis btags pa'o/
/sde tshan bzhi pa la gnyis/ rtsa nyon spyir bshad pa/ lta ba khyad par du dbye ba'o/
/dang po ni/ rtsa ba'i nyon mongs drug /ces pa ste/ de'ng/ 'dod chags khong khro nga rgyal dang/ /ma rig the tshom lta ba ste/ /rtsa ba'i nyon mongs rnam pa drug/ ces pa'i 'dod chags ni/ khams gsum gyi gnas lus longs spyod la zhen pa/ khong khro ni/ gnod byed sems can dang gnod pa sdug bsngal dang gnod pa'i rkyen dug mtshon sogs la dmigs te kun nas mnar sems pa/ nga rgyal ni/ 'jig tshogs la lta ba la brten nas khengs pa'i rnam pa can gyi sems gzengs mtho ba/ ma rig pa ni/ de kho na nyid la rmongs pa dang bden bzhi'i don la rmongs pa gnyis su yod pa las 'dir phyir ma'i don/ the tshom ni/ rnam gzhag mang yang 'dir bden pa dang las 'bras la yid gnyis za ba/ nga rgyal la'ng nang gses su bdun te/ rang dang yon tan mtshungs pa la mtshungs so snyam du sems khengs pa nga rgyal/ mtshungs pa las bdag lhag go snyam pa che ba'i nga rgyal/ bda gbas lhag pa las kyang bdag lhag go snyam pa nga rgyal las kyang nga rgyal/ phung po la bdag tu lta ba nga'o snyam pa'i nga rgyal/ yon tan ma thob pa la thob bo snyam pa mngon pa'i nga rgyal/ yon tan ma yin pa la yon tan du 'dzin pa log pa'i nga rgyal/ ches khyad par du 'phags pa las bdag cung zad dman no snyam pa cung zad snyam pa'i nga rgyal rnams so/
/gnyis pa la gnyis/ ngo bo/
dbye ba'o/
/dang po ni/ de las lta ba shes rab 9a: 190 na) nyon

Sheja Dzo Chapter 6.2 volume2 (page 379)

mongs can/ /rtsa ba'i nyon mongs pa de dag las bye brag lta ba zhes pa'i ngo bo ni shes rab nyon mongs pa can no/
/nyon mongs ni sems kyi rgyu'm byed pa ma zhi ba'o/
/gnyis pa la gnyis/ ngo bo'i sgo nas dang char gtogs pa'i sgo nas dbye ba'o/
/dang po ni/ ngo bo 'jig dang mthar lta la sogs lnga/ /lta ngan gyi ngo bo/
'jig lta/ mthar lta/ sogs khongs nas/ lta ba mchog 'dzin/ tshul khrims dang brtul zhugs mchog 'dzin/ log par lta ba ste lnga las/ dang po ni/ 'jig cing mi rtag pa du ma 'dus pa'i nyer len gyi phung po lnga la bdag dang bdag gi bar lta ba/ de la'ng lhan skyes kun brtags gnyis kyi dang po ni/ sems can kun la gnas skabs thams cad du nga'o snyam cad du nga'o snyam pa 'byung ba/ gnyis pa ni/ bshes gnyen ngan pa la brten nas phung po las don gzhan pa'i bdag rtag par lta ba mu stegs can rnams kyi gtso bo lta bu'o/
/gnyis pa mthar lta ni/ 'jig ltas bzung b'ai bdag de nyid rtag pa'm chad par lta ba/ gsum pa ni/ 'jig mtha' gnyis log lta bcas gsum dang lta ba de'i gnas phung po la mchog dang dam par zhen pa/ bzhi pa ni/ dman pa lta ba ngan pa'i rjes su 'brang ba'i tshul khrims dang brtul zhugs ngan pas dag grol du lta ba/ lnga pa ni/ rgyu 'bras dang been pa dang dkon mchog sogs med par lta ba ste/ snga ma bzhi sgro 'dogs dang/ phyi ma phal cher skur 'debs kyi lta ba'o/
/gnyis pa char gtogs kyi sgo nas dbye ba ni/ char gtogs gsum la nang gses dbye ba bcas/ /de dag gi char gtogs pa'i lta ba ni sde tshan gsum/ so so la nang gses kyi dbye ba dang bcas pa yod de/ 'jig tshogs la lta ba nyi shu ni/ gzugs bdag yin par lta ba dang/ gzugs bdag dang ldan par lta ba dang/ gzugs bdag gi yin par lta ba dang/ 9aa: 190 ba) gzugs la bdag gnas par lta ba ste/ de bzhin du tshor ba dang 'du shes dang 'du byed dang rnam

Sheja Dzo Chapter 6.2 volume2 (page 380)

shes bzhi la bzhi bzhir sbyar ba'i nyi shu ni 'jig lta'i char gtogs so/
/mthar lta ba drug cu rtsa gnyis las/ sngon gyi mthar gtogs pa bco brgyad ni/ rtag bzhi kha cig rtag smra bzhi/ /rgyu med gnyis dang mtha' ldan bzhi/ /mtha' mi spong bzhi dang bco brgyad/ ces so/
/phyi mthar gtogs pa bzhi bcu rtsa gnyis ni/ 'du shes yod smra'i bcu drug dang/ /med smra'i brgyad dang gnyis min brgyad/ /chad par smra ba rnams kyi bdun/ /tshe 'di nyid la grol lta'i lnga/ /zhes pa ltar ro/
/'di dag ni mthar lta dang log lta gnyis kyi char gtogs so/
/yang na/ sdud pa las/ 'jig tshogs lta bar lta ba drug cu gnyis 'dus ltar/ /zhes gsungs pa ltar thams cad 'jig ltar gtogs so/
/lung ma bstan gyi lta ba bcu bzhi ni/ de bzhin gshegs pa 'das phan chad 'byung ba zhes pa 'di ni bden gyi gzhan ni gti mug go zhes lta ba dang/ de bzhin du sbyar te mi 'byung ba dang/ gnyis ka dang/ gnyis ka ma yin par lta ba mya ngan las 'das pa la brten pa bzhi dang/ bdag dang 'jig rten mtha' ldan pa dang mi ldan pa dang/ gnyis ka dang/ gnyis ka min par lta ba phyi ma'i mtha' la brten pa bzhi dang/ bdag dang 'jig rten rtag pa dang/ mi rtag pa dang/ gnyis ka dang/ gnyis ka ma yin par lta ba mya ngan las 'das pa la brten pa bzhi ste/ bzhi tshan so so'i dang po rnams grangs can pa'i rtag par lta ba dang/ gnyis pa rnams rgyang 'phen pa'i chad par lta ba dang/ gsum pa rnams gcer bu pa'i rang bzhin rtag la gnas skabs mi rtag par lta ba dng/ bzhi pa gnas ma bu pa'i rtag mi rtag gang du yang brjod du med par lta (aa: 191 na) ba'o/
/lus gang yin pa srog kyang de'o zhes lta ba dang/ lus kyang gzhan la srog kyang gzhan no zhes lta ba gnyis ni lus dang srog la brten pa ste/ snga ma rig pa can pa dang phyi ma grangs can pa'i lta ba'o/
/de ltar bcu bzhi bcom ldan 'das la

Sheja Dzo Chapter 6.2 volume2 (page 381)

dris pa ni/ gang zag gi bdag las brtsams nas 'dri bar mkhyen cing de ma grub pas khyad par dpyod pa mi 'thad la/ med do zhes gsungs na'ng don du mi 'gyur bar dgongs nas lung du ma bstan pa'i phyir de skad du grags so/
/sde tshan lnga pa ni/ nye nyon nyi shu/ /zhes pa ste/ sum cu pa las/ khro dang 'khon du 'dzin pa dang/ /'chab dang 'tshig dang phrag dog dang/ /ser sna dang ni sgyu bcas dang/ /gyo rgyags rnam 'tshe ngo tsha med/ /khrel med rmugs dang rgod pa dang/ /ma dad pa dang le lo dang/ /bag med pa dang brjed ngas dang/ /rnam 'tshe shes bzhin ma yin dang/ /'gyod dang gnyid kyang de bzhin te/ rtog pa dang ni dpyod pa rnams/ /nye ba'i nyon mongs gnyis rnam gnyis/ /zhes pa ste/ shes bzhin min pa yan chad nyi shu ni mtha' gcig tu nye nyon yin la/ 'gyod gnyidrtog dpyod bzhi la nyon mongs can yin min gnyis gnyis su yod pa'i yin pa rnams nye nyon no/
/de la mtha' gcig tu nye nyon yin pa nyi shu'i dang po khro ba ni gnod pa la mi bzjod pa/ 'khor 'dzin ni gnod pa zhe la bzhag pa/ 'chab pa ni rang gi kha na ma tho ba bsang zhing sbed pa/ 'tshig pa ni khro 'khoon sngon dusong bas tshig rtsub mo smra bar 'dod pa/ phrag dog ni gzhan gyi phun tshogs la mi bzod pa/ ser sna ni rang gi yo byad btang mi bra ba/ sgyu ni gzhan bslu ba'i sems kyis rang gi lus ngag tshul ltar 'chos pa/ gyo ni rang gi nyes pa mthong thos su gyur pa gzhan la sgyur ba/ rgyags pa ni lang tsho dar ba sogs rang gi dpal 'byor gyis sems gang ba/ 'di ni rang gi yon tan la (aa: 191 ba) chags pa dang/ nga rgyal ni gzhan gyi yon tan la ltos nas khengs pa yin pas tha dad do/
/rnam par 'tshe ba ni gzhan gsod pa dang rdeg pa sogs rang nyid dam gzhan la byed du stsal ba'o/
/ngo tsha med pa ni rang la ltos nas nyes spyod mi 'dzem pa dang/ khrel med pa ni gzhan la ltos nas so/
/

Sheja Dzo Chapter 6.2 volume2 (page 382)

rmugs pa ni dmigs rnam la sems las su mi rung ba/ rgod pa ni sngon gyi byas pa'i yul la slar 'phro ba/ ma dad pa ni dge ba'i chos la yid mi ches pas 'dod pa med pa/ le lo ni bya ba ngan pa la zhen nas dge chos la mi spro ba/ bag med pa ni sems mi srung zhing bag yangs su gtong ba/ brjed ngan pa ni dge ba'i dmigs pa mi gsal ba yang dang yang du brjed pa/ rnam gyeng ni dug gsum gang rung gi yul la sems rnam par 'phro ba ste/ 'di la'ng drug sgo lnga'i shes pa lta bu ngo bo nyid kyi gyeng ba/ de nyid yul la 'jug pa phyi rol du gyeng ba/ ting nge 'dzin gyi ro myong zhing bying rgod kyi dbang du song ba nang gi gyeng ba/ chos brgyad kyi sgo nas chos spyod pa mtshan ma'i gyeng ba/ shin sbyangs kyi bde ba la sred pa gnas ngan len gyi gyeng ba/ yul gyi dmigs pa gcig ma rdzogs par gcig la 'jug pa yid la byed pa'i gyeng ba rnams so/
/shes bzhin ma yin pa ni blang dor gyi gnas la tshul bzhin ma yin par dpyod pa'i shes rab nyon mongs pa can gyi sems pa rnams te/ thams cad kyang rtsa ba'i nyon mongs pa dng nye bas sam/ nyon mongs pa chung ba yin pas der bzhag pa'o/
/sde tshan drug pa ni/ gzhan 'gyur bzhi rnams so/
/zhes gong du sum cu pa'i lung drangs pa'i mjig tu byung ba ltar bzhi ste/ 'gyod pa ni sngar byas zin pa la phyis nas 'gyod pa'i sems pa'i/ /gnyid ni 'jug pa'i sems drug nang du bsdus pa'o/
/rtog pa ni 'du byed kyi (aa: 192 na) chos rnams la rtsings por 'jug pa'o/
/dpyod pa ni zhib mor 'jug pa'i sems pa ste/ de bzhi dge mi dge lung ma bstan phyogs gcig tu chad pa med par gnas skabs kyis gzhan du sgyur bas gzhan 'gyur bzhi zhes bya ste/ dper na/ dge ba la 'gyod na sdig pa/ sdig pa la 'gyod na dge ba/ dge ba'i 'phror gnyid na sdig pa/ sdig pa'i 'phror gnyid na dge bar 'gyur bas mtshon no/
/

Sheja Dzo Chapter 6.2 volume2 (page 383)

gnyis pa ldan pa ma yin pa'i 'du byed bshad pa la gnyis/ ngo bo dang/ dbye ba'o/
/dang po ni/ mtshungs par mi ldan 'du byed/ /ces pa ste/ sems byung ltar sems dang lhan cig mtshungs pa lngas dmigs pa la 'jug pa dang mi ldan pas mi ldan pa dang/ 'dus byas kyi gnas skabs yin pas 'du byed ces bya'o/
/'di la'ng dbus pa blo gsal sogs ni gzugs dang sems dang sems las byung ba gsum las gzhan pa'i gnas skabs su 'dod/ snga ma phal cher ni karma phrin las pas/ gzugs dang sems dan sems las byung ba gsum las gzhan med kyi gnas skabs kyi cha la ming du gtags pa gang zhig gzugs sogs gsum las de nyid dang gzhan du brjod du med pa ste/ gdags gzhi gzugs sogs gsum las gud na rdzas gzhan du grub pa'ng ma yin zhing ngo bo gzugs sogs gsum gyi ldog pa de nyid kyang ma yin pa'o/
/dper na khu tshur sor mo las de nyid dang gzhan du brjod du med pa lta bu'o zhes gsungs ngo/
zhes so/
/gnyis pa la gnyis/ nyi shu rtsa gsum du dbye ba/ sde tshan brgyad du bsdu ba'o/
/dang po ni/ nyi shu gsum/ /zhes pa ste/ 'di la gnas bcu bstan pa'i mdor mi ldan pa'i 'du byed bdun brgya bka' bstsal pa dang/ phung po lnga par gzhan du bstan pa sogs grangs dang go rim sna tshogs su mchis pa las/ mngon pa gong mar gtso bor bsdus pa ltar na/ dang po thob pa ni dge ba dang mi dge ba sogs 'du byed (aa: 192 ba) kyi chos rnams kyi gnas skabs kyi cha la btags yod de bye brag smra ba rdzas yod du 'dod/ gnyis pa 'du shes med pa'i snyoms 'jug ni/ bsam gtan bzhi pa'i dngos gzhi'i sems la brten nas sems sems byung rgyun gtan pa ma yin pa rnam shes tshogs drug 'gog pa'i mtshan nyid can/ gsum pa 'gog pa'i snyoms 'jug ni/ zhi gnas srid rtse'i sems dang lhag mthong theg dman 'phatt pa'i rgyud kyi zag med kyi shes rab gang

Sheja Dzo Chapter 6.2 volume2 (page 384)

yang rung ba la brten nas sems sems byung rgyun gtan pa ma yin pa rnam shes tshogs drug dang/ rgyun gtan pa nyon yid 'gog pa'i mtshan nyid can/ bzhi pa 'dud shes med pa ni/ bsam gtan bzhi pa'i gnas gzhan 'bras bu che ba'i bye brag bsam gtan bzhi pa'i sems las tshor 'du mngon gyur pa skyes thob kyis 'gog pa'i mtshan nyid can/ 'di ni 'du shes skyes na 'chi 'pho ste/ 'chi khar thar pa la skur 'debs kyi logs lta skye bas lha tshe ring po zhes mi khoms pa'i gnas so/
/lnga pa srog gi dbang po ni/ skye ba snga ma la byas pa'i las gsum gyis 'phang pa'i lo brgya'm stong ngam bskal pa 'di tsam zhes gnas pa'i dus nges pa can te 'du byed kun gzhi nyid 'gro ba ris mthun gcig tu gnas pa'i dus nges pa la 'tsho bar byed pa/ drug pa ris mthun pa ni/ khams gsum pa'i sems can de dang de dag gis gang la bdag gi dngos por 'dzin pa ni phung po yin zhing de nyid 'dod gzugs su lnga dang gzugs med ud bzhi'i rgyun 'dra pa'm/ yang na 'gro ba dang lus la sogs pa tha dad pa'i sems can gyi lus nang phan tshun 'dra ba/ bdun pa skye ba ni/ nang gi 'du byed kyi rgyun yod pa skye ba dang skye ba don gzhan bsal nas lngar ma byung ba las gsar du byung ba'i cha'o/
/brgyad pa rga ba ni/ rgyun de nyid skye srid nas 'chi srid kyi bar du byis pa dang gzhon nu dang lang tsho dang dar bab dang rgas (aa: 193 na) 'khogs zhes pa sogs snga phyi'i gnas skabs gzhan dang gzhan du 'gyur ba'i cha'o/
/dgu pa gnas pa ni/ rgyun de nyid skyes nas ma shi'i bar du mi 'jig par yod pa'o/
/bcu pa mi rtag pa ni/ rgyun de nyid sngar yod pa 'jig cing chad de 'chi ba'o/
/bcu gcig pa ming gi tshogs ni/ shes bya'i chos phung sogs kyi ngo bo nyid brjod du med kyang mig dang rna ba zhes sogs chogs dang lha dang mi zhes sogs gang zag gi ngo bo nyid du sgro btags nas brjod pa'i tshig bla dwags te/ brdas tha

Sheja Dzo Chapter 6.2 volume2 (page 385)

snyad 'dogs pa'i gnas skabs la blo gzhol par byed pas ming zhes bya zhing/ de nyid kyang yi ge du ma'm rang gi rigs 'dra du ma 'dus pas na tshogs so/
/bcu gcig pa tshig gi tshogs ni/ chos rnams kyi khyad par brjod du med kyang 'du byed thams cad mi rtag pa'o/
/zhes sogs khyad par du sgro btags nas brjod pa ste/ 'dis khyad par gyi don shes par byed pas na tshig ces bya zhing tshogs sngar bzhin no/
/bcu gsum pa yi ge'i tshogs ni/ gang dag phan tshun 'dus pa las ming tshig gnyis ka 'byung ba'i gnas su gyur pa ste/ sgra'i rdul phran nam rigs 'dra 'dus pas tshogs so/
/bcu bzhi pa so so'i skye bo ni/ mi dge ba las ring du song ba 'phags pa'i chos ma thob cing/ khams gsum na spyod pa'i sa bon gang yang ma spangs pa'i las so so'i dbang gis 'gro ba so so tha dad du skye ba'o/
/bco lnga pa 'jug pa ni/ skad cig dang bar chad pa la de mi rung bas rgyu 'bras kyignas skabs kyi rgyun bar mi chad par 'byung ba'o/
/bcu drug pa so so nges pa ni/ rgyu dge mi dge tha dad dang las 'bras bu 'dod mi 'dod hta dad par 'byung bar chos nyid kyis nges pa'o/
/bcu bdun pa 'byor 'brel ba ni/ sbyin pa las longs spyod dang thos pa las ehs rab lta bu rgyu 'bras mthun zhing 'os par rigs pas thob par 'byung ba'o/
/(aa: 193 ba) bco brgyad pa mgyogs pa ni/ rgyu 'bras kyi khyad par 'phral la skye zhing 'jig pa'i tshul gyis myur zhing skyen par 'byung ba'i gnas skabs so/
/bcu dgu pa go rim ni/ cig car mi 'byung ba'i rgyu 'bras re re nas snga ma'i rjes su phyi ma 'byung ba'o/
/nyi shu pa dus ni/ rgyu dang 'bras bu byung nas 'gags pa 'das pa dang/ ma byung ba ni ma 'ongs pa dang/ byung ba ma 'gag pa ni da ltar ba'o/
/nyer gcig pa yul ni/ phyogs bcu thams cad na gzugs can gyis bsdus pa'i rgyu dang 'bras bu yod pa nyid do/
/nyer gnyis pa grangs ni/ tha mi

Sheja Dzo Chapter 6.2 volume2 (page 386)

dad pa gcig pu la mi 'thad pas 'du byed rnams kyi so sor tha dad par gnas pa'i cha'o/
/nyer gsum pa tshogs pa ni/ dbang shes bskyed pa la yul dbang yid la byed pa gsum tshogs pa lta bu rgyu 'bras su 'brel bar 'byung ba'i rkyen mtha' dag 'dus pa'o/
/gnyis pa ni/ 'phel 'grib rig med gnas 'dra mtshan nyid dang/ /tha snyad ma thob rgyu 'bras char btags phyir/ /de dag sde tshan brgyad du 'du ba yin/ nyer gsum po de las dang po ni 'phel 'grib kyi cha la btags pa/ gnyis pa gsum pa bzhi pa gsum ni shes rig med pa'i cha la btags pa/ lnga pa ni gnas pa'i cha la/ drug pa ni 'dra ba'i cha la/ bdun pa sogs bzhi ni mtshan nyid kyi cha la/ bcu gcig pa sogs gsum ni tha snyad kyi cha la/ bcu bzhi pa ni ma thob pa'i cha la/ bco lnga pa sogs dgu ni rgyu 'bras kyi gnas skabs cha la btags pa'i phyir/ de dag thams cad sde tshan brgyad du'ng 'du ba yin no/
/lnga pa rnam shes kyi phung po la gnyis/ mdor bstan/ rgyas bshad do/
/dang po ni/ sems yid rnam par shes pa tshogs brgyad de/ de'ng sems yid rnam shes gsum po bye mdo gnyis kyis tshogs drug gi spyi sgrar 'dod/ dbu sems gnyis kyis 9aa: 194 na) kyang phal par bstan pa'm sgra yangs pa'i dbang du na tshogs brgyad kyi spyi sgrar sbyor te/ mtshan nyid ni/ yul gyi ngo bo rnam par rig cing shes par byed pas rang rang gi dmigs pa'i ngo bo so sor rtog pa'i bdag nyid can gyi sems so/
/gtso bor bstan pa'm sgra dog pa'i dbang du ni gsum po so sor sbyar te/ phung khams skye mched thams cad kyi bag chags sam sa bon bsags pa dang sna tshogs la dmigs pa dang don la sems pas na sems su bzhag pa gang yin pa de ni kun gzhi'i rnam shes kho na dang/ shes pa gang zhig dus rtag tu gsal ba'i rnam par nga'o snyam yid la byed pa'i nga rgyal gyis khengs

Sheja Dzo Chapter 6.2 volume2 (page 387)

nga dang ldan pas rlom sems shing ngar sems pa'i bdag nyid can yin pas na yid du bzhag pa gang yin pa de ni nyon mongs can gyi yid kho na dang/ bye brag sna tshogs la gsal bar dmigs te yul bye brag so sor 'jug pas na rnam shes su bzhag pa gang yin pa de ni 'jug shes tshogs drug kho na la bya ste/ rgyun stug las/ sems ni kun gzhi'i rnam par shes/ /ngar sems bdag nyid yid yin no/
/gang zhig yul la 'dzin byed pa/ de ni rnam par shes zhes bya/ /zhes so/
/gnyis pa la gsum/ sems kun gzhi/ yid nyon yid/ rnam shes tshott drug bshad pa'o/
/dwang po la lnga/ mtshan nyid/ mtshan gzhi/ dmigs rnam/ 'jug ldog sa bon gyi cha las 'phros pa'i bag chags bshad pa'o/
/dang po ni/ kun gzhi'i rnam shes ma bsgribs lung ma bstan/ /bag chatt bgo gzhi sa bon rnam smin cha/ /kun gzhi'i rnam par shes pa thun mong spyi'i mtshan nyid ni/ ma bsgribs la lung du ma bstan pa'i gtso bo'i rnam shes gang zhig bag chags kyi bgo bzhir gyur pa rnam smin dang sa bon thams cad ji ltar rigs par bsten zhing don gyi ngo bo rig pa'o/
/cha zhes pa'i tshig zur las/ sa bon gyi cha'i mtshan nyid ni/ kun gzhi la (aa: 194 ba) yod pa'i bag chags gang zhig chos 'bras bu gzhan skye ba'i rgyu'i rkyen du gnas pa rnam smin gyi cha'i mtshan nyid/ thog ma med pa'i dus kyi bag chags la brten nas sa bon yongs su smin par gyur pa'i kun gzhi zhes pa'o/
/de dag kyang chos phyi ma la ltos te sa bon dang/ snga ma la ltos te rnam smin dang/ gnyis ka don gyi ngo bo rig pa'i cha nas rnam shes yin pas gsum ga'ng kun gzhi'i rnam shes su ngo bo gcig go/
gnyis pa mtshan gzhi ni/ mi gsal cha phra yul snang mshungs par ldan/ /

Sheja Dzo Chapter 6.2 volume2 (page 388)

de la spyi'i mtshan gzhi ni/ nang nyer len dang phyi snod kyi 'dzig rten la dmigs nas rnam pa mi gsal zhing cha phra bas yul snang bar nus tsam pa/ grogs kun 'gro lnga dang khyad apr tshor ba btang snyoms dang mtshungs par ldan pa/ ngo bo nyon mongs pas ma bsgribs shing dge mi dge gang du'ng lung ma bstan pa dus 'khor ba ji srid du rgyun mi 'chad par 'byung ba'o/
/sa bon gyi cha'i mtshan gzhi ni/ kun gzhi de nyid chos can bskyed pa'i nus pa bag chags dang ldan pa'i cha'o/
/rnam smin gyi cha'i mtshan gzhi ni/ sngon gyi las zag pa dang bcas pas 'phangs shing rnam smin gyi chos dang ldan pa'i cha'o/
/gsum pa dmigs rnam ni/ zag pa len cing/ /zhes pa ste/ nang gi dmigs pa ni/ ming gzhi'i phung po sogs zag pa nye bar len pa dang/ phyi'i ni snod kyi 'jig rten du snang ba ste/ gzugs med du'ng sa bon dang ming gzhi tsam la dmigs pa'o/
/rnam pa ni/ yul snang ba ma nub tsam yin yang sgro 'dogs gcod mi nus pas mi gsal zhing mtha' gcig tu ma nges pas yul yongs su ma chad pa'o/
/bzhi pa 'jug ldog la gnyis te/ 'jug tshul dang/ ldog tshul lo/
/dang po ni/ khams gsum brgyud mar 'jug /ces pa ste/ 'jug pa'i yul ni khams gsum la 'jug tshul brgyud mar 'jug pa ste/ de'ng (aa: 195 na) dmigs pa phyi dang nang gi yul la dmigs nas 'jug pa/ mtshungs ldan kun 'gro lnga kho na dang 'grogs nas 'jug la/ gcig gis gcig gi rkyen byas nas 'jug pa kun gzhi'i rnam shes dang 'jug pa'i rnam shes phan tshun mdung khyim ltar brten pa/ lhan cig 'jug pa 'gog snyoms ma gtogs sems med pa'i gnas skabs rnams na nyon yid dang lhan cig dang/ gzugs med na yid dang yid kyi rnam shes gnyis dang lhan cig 'jug la/ gzugs khams rnam shes lnga

Sheja Dzo Chapter 6.2 volume2 (page 389)

dang/ 'dod khams na rkyen ji lta bar tshogs bdun dang/ de bzhin du khams gang dang 'gro ba gang na tshor ba gang yod pa dang/ sems byung dge mi dge lung ma bstan gang yod pa dang yang ci rigs par lhan cig 'jug ste/ de rnams dang mtshungs par ldan pa zhes ni mi bya'o/
/skye ba brgyud mar 'jug pa ni tshe 'di'i kun gzhi zad pa na las kyi bag chags gzung 'dzin gyi bag chags kyis gsos nas phyi ma'i kun gzhi 'jug cing/ de nyid zad nas de'i yang phyi ma 'jug pa sogs so/
/gnyis pa ldog tshul ni/ rdor ting skyes dang dgra bcom tshe na ldog /kun gzhi rnam smin gyi cha theg chen pa'i lugs kyis rdo rje lta bu'i ting nge 'dzin skyes pa'i rjes thog tu me long lta bu'i ye shes su gnas 'gyur nas ldog pa dang/ theg dman gyi lugs su dgra bcom thob nas phung po lhag ma med par mya ngan las 'das pa'i tshe na ldog cing de'i tshe rig pa'ng rgyun chad par 'dod pas so/
/sa bon gyi cha mi dge ba rnams ni de dang de'i gnyen po skyes shing brtan pa na ldog go /'di la ming gi rnam grangs kyang/ theg chen la gratt pa shes bya ngo bo nyid gsum gyi gnas yin pas na shes bya'i gnas/ yang dang yang du nying mtshams sbyor zhing lus len pa dang gnas par byed pas na len pa'i rnam shes/ sa bon thams cad kyi rten byed pas na sa bon thams cad pa'i rnam shes/ 9aa: 195 ba) sngon gyi las zag pa dang bcas pa las nges par smin zhing skyes pa na rnam par smin pa'i rnam shes/ thun mong du grags pa 'khor 'das thams cad kyi gzhi byed pas na kun gzhi'i rnam shes rnams su grags shing/ theg dman pa la grags pa'i rtsa b'ai rnam shes/ 'khor ba ji srid pa'i phung po/
srid pa'i yan lag dang/ rnam par smin pa'i rnam shs sogs kyang 'di dang don gcig pa yin no/
/'di'i ngo bo la dbye ba med kyang bag chags kyi sgo nas dbye ba'i mtshan nyid kyang mang zhing/ lung rigs kyi sgrub byed kyang gtan la dbab

Sheja Dzo Chapter 6.2 volume2 (page 390)

pa bsdu bar rnam grangs brgyad la sogs pa 'byung ngo/
/lnga pa sa bon gyi cha las 'phros pa'i bag chags bshad pa la gnyis/ mdor bstan/ rgyas bshad do/
/dang po ni/ bag chags bgo gzhi dgod byed tshul dang dngos/ /sngar bag chags ldan pa zhes bshad pa'i don zhib mor dbye na/ gang la bgo gzhi/ gang gis dgod byed/ ji ltar bgo tshul/ bgos pa'i bag chags dngos bshad pa'o/
/dang po ni/ rgyun brtan mi gsal bgo nus dgod byed dang/ /'brel phyir/ /zhes pa ste/ rgyun brtan pa kun gzhi la bag chags bgo bar bya ba yin gyi mi brtan pa tshogs drug dang phyi'i gzugs la ma yin/ dge mi dge lung du ma bstan zhing so skye nyan rang sogs kyis dmigs rnam ngo bo sogs ches gsal por mi rig pa kun gzhi la bag chags bgo yi/ dge mi dger skyes shing dmitt rnam ngo bo sogs ches gsal ba 'jug shes drug dang lung ma bstan yin kyang dmigs rnam ches gsal zhing mtha' gcig tu chad pas nyon yid la ma yin no/
/bgo bar bya nus pas 'dzin la mi rtag pa kun gzhi la bag chags bgo yi/ rtag pa nam mkha' dang so sor brtag min gyi 'gog pa sogs la ni ma yin/ dgod byed dng rgyud gcig la dus mnyam du 'brel ba'i (aa: 196 na) kun gzhi la bag chags bgo yi tha dad pa la ni ma yin no/
/gnyis pa dgod byed ni/ tshogs bdun 'khor bcas dgod byed nyid/ ces pa ste/ bgo bya la nus pa 'jug tu rung ba tshogs bdun mtshungs ldan dang bcas pas bgo ste/ tshogs drug zag bcas kyi dge mi dges rnam smin dang rgyu mthun gnyis ka'i bag chags 'jog cing/ de lung ma bstan dang nyon yid kyis rgyu mthun gyi bag chags 'jog gi rnam smin gyi ma yin no/
/lus ngag gi las gzus can gyis ni dngos su bag chags mi bgo'ng de'i kun slong gi sems

Sheja Dzo Chapter 6.2 volume2 (page 391)

pas bgos pas 'bras bu 'byin par 'gyur ro/
/gsum pa ji ltar bgo ba'i tshul ni/ 'gag kyang 'bras b skyed nus/ /zhes pa ste/ kun gzhi dang tshogs bdun dge mi dge lung ma bstan du skyes pa rnams yun ring du 'grogs shing skye 'gag lhan cig tu byas pa las/ phyis bgod byed kyi chos de dag 'gag kyang de'i rigs 'dra'm 'bras bu skyed nus pa'i bag chags kyi rgyun kun gzhi la rjes su 'jug pa'o/
/bzhi pa bgos pa'i bag chags la lnga ste/ mtshan nyid/ dbye ba/ rang bzhin/ gnas tshul/ 'jog tshul lo/
/dang po ni/ bgos pa yi/ /rigs 'dra'i rgyu mthun gzhan skye'i rnam par smin/ /bgos pa'i bag chags kyi mtshan nyid ni/ /kun gzhi chos dang lhan cig skye 'gag byas pa la brten nas chos de dang rigs 'dra ba 'byung ba'i nus pa khyad par can ni rgyu mthun gyi bag chags/ kun gzhi la chos gzhan gyis bgos pa'i nus pa chos gzhan skye ba'i rgyu'i rkyen du gyur pa ni rnam par smin pa'i bag chags kyi mtshan nyid do/
/gnyis pa dbye ba ni/ phyi nang mi gsal kun rdzob dam pa'i don/ /sa bon rnam dug /ces pa ste/ saa li sogs phyi'i sa bon/ kun gzhi la yod pa nang gi sa bon/ mi gsal ba gnyis ni dge mi dge'm nyon 9aa: 196 ba) mongs rnam byed du mi gsal ba lung ma bstan/ phyi tha snyad pa'i yul kun rdzob/ nang dpyad bzod sa bon thams cad kyi rten don dam ste sa bon rnam pa drug go /gsum pa rang bzhin ni/ rang bzhin lnga yi gnas/ /zhes pa ste/ sa bon bag chags de'ng byung ma thag 'jig pa skad cig ma dang/ skad cig gzhan gyis par ma chod par de ma thag 'bras bu skyed pa la dgongs nas lhan cig 'byung ba dnag/ de'ng gnyen pos ma bcom gyi bar du rgyun chags su 'byung ba dang/ bag chags du ma cig car yod kyang so sor nges pa kho na las 'byung ba dang/ de'ng rkyen gang nye ba las

Sheja Dzo Chapter 6.2 volume2 (page 392)

'byung ba dang/ sa bon thog med nas brgyud de 'byung ba'i phyir rang gi 'bras bus sa bon yod par bsgrubs shing/ sa bon gyis kyang 'bras bu bsgrubs te kun gzhi las kun gzhi dang saa li las saa li 'byung ba bzhin te rang bzhin lnga dang mtshungs ldan du gnas so/
/sa bon dang rang bzhin de dag ni phyogs kyi glang po'i bzhed pa'o/
/bzhi pa gnas tshul ni/ 'jog byed gang gis bzhag kyang lung ma bstan/ /rdzas gcig de dang gzhan du brjod du med/ /bag chags de gang gi ngo bor gnas she na/ 'jog byed dge mi dge lung ma bstan gang gis bzhag kyang bag chags ni lung ma bstan nyid de/ kun gzhi lung ma bstan dang rdzas gcig pa'i phyir ro/
/'o na bag chags sna tshogs ma yin pa de chos sna tshogs kyi rgyur ji ltar rung zhe na/ bag chags kyi dus na sna tshogs su mi snang yang 'bras bu 'grub pa'i dus na chos sna tshogs su 'byur ba nyid de/ 'di ni theg chen la zab cing phra ba'i rten 'brel zhes kyang bya'o/
/de nyid gcig dang tha dad ji ltar gnas pa ni/ bag chags dang kun gzhi rdzas gcig yin na lung ma bstan de las phyis dge mi dge sna tshogs su 'byung ba 'gal zhing/ tha dad yin na sa (aa: 197 na) bon rnams ni sems sems byung yin pas rten gcig la rgyud du mar thal bar 'gyur ro snyam na/ de la 'phags pas de nyid dang gzhan du brjod du med par gsungs shing/ bshad sbyar du mdo sde pas don gyi rnam pa 'dzin pa'i blo dang rnam pa dag de nyid dang gzhan ma yin par 'dod pa dper byas nas bshad de/ de ltar na bag chags dang kun gzhi'ng ldog pa de nyid du brjod du med cing rdzas gzhan du yang brjod du med pa zhes bya'o/
/lnga pa 'jog tshul ni/ gnas pa gso dang sngon med skyed pas 'jog /'di la slob dpon rnams kyi bzhed pa tha dad yod kyang/ bag chags kyi rigs la bsams na 'khor ba thog ma med pa nas goms pa'i phyir gnas pa gsos 'debs pa gtso

Sheja Dzo Chapter 6.2 volume2 (page 393)

che zhing/ rnam smin gyi bag chags gsar du byung ba dang thos pa'i bag chags gsar du bzhag pa lta bu sngon med gsar du skyed pas 'jog pa gnyis ka yod pa slob dpon chos kyong sogs bzhed do/
/gnyis pa nyon yid bshad pa la bzhi/ mtshan nyid/ mtshan gzhi/ byed las/ 'jug ldog go/
dang po ni/ ngar 'dzin bdag nyid bsgribs la lung ma bstan/ /kun gzhi'i don tsam rig cing rab tu ma zhi ba yid byed kyi bdag rkyen byed nus kyi gtso bo rnam shes gang zhig 'phags lam ma thob kyi bar du kun gzhi'i rnam shes la dmigs nas rtag tu ngar 'dzin pa'i bdag nyid yid kyi sa'i nyon mongs pas bsgribs la lung du ma bstan pa'o/
/gnyis pa ni/ nyon mongs bzhi sogs mtshungs par ldan pa'i yid/ /bdag tu rmongs pa dang/ bdag tu lta ba dang/ bdag la chags pa dang/ bdag tu nga rgyal ba ste nyon mongs pa bzhi dang/ sogs khongs nas kun 'gro lnga/ bdag lta nga rgyal ma rig the tshom dgu dang mtshungs par ldan pa'i ngar 'dzin gyi yid gang yin pa'o/
/gsum pa ni/ zag par 'ching zhing sa bon 'debs par byed/ /yid shes kyi bdag rkyen byed cing (aa: 197 ba) tshogs drug mtshan ma la 'ching ba'i gnas byas nas zag bcas la 'ching ba dang kun gzhi la sa bon 'debs par byed do/
/bzhi pa ni/ kun gzhir dmigs nas rtag 'jug 'phags la ldog /nyon yid mngon gyur pa 'khor bcas de'ng dgra bcom 'phags pa'i mnyam gzhag dang/ 'gog pa'i snyoms 'jug la zhugs pa/ mi slob pa'i sa rnams su mi 'byung zhing/ zlob pa dang 'gog snyoms kyi rjes thob tu 'byung/ gnas skabs

Sheja Dzo Chapter 6.2 volume2 (page 394)

de dag ma gtogs dge mi dge lung ma bstan gyi gnas skabs thams cad du kun gzhi la dmigs nas rgyun ldan du 'jug cing 'phags sa thob pa la ldog ste/ de'ng de'i kun brtags kyi cha de theg chen mthong lam sa dang po nas ldog cing/ de'i bag chags sam lhan skyes kyi cha de theg chen sgom lam sa brgyad par gnas gyur pas ldog /de'i bag la nyal phra zhing phra ba de kun gzhi ldog pa dang dus mtshungs te sa bcu rgyun mtha' la'o/
/sangs rgyas sa na gnas gyur mthar thug pa mnyam pa nyid kyi ye shes su 'gyur ro/
/'di'i sgrub byed lung mang zhing theg bsdus las rigs pa'i rnam grangs drug gsungs so/
/'di las 'phros pa'i zhar byung ni/ ji skad du/ drug po 'das ma thag pa yi/ /rnam shes gang yin de yid do/
/zhes pa ltar rnam shes tshogs drug po 'gags ma thag pa'i yid la rje rang byung bas drug pa'i yid ces tha snyad mdzad cing/ de ni nyon yid min kyang yid ces rnam grangs su grags la/ kha cig gis nyon mongs can gyi yid kyi chos can du gyur pa'i yid ces kyang zer/ 'phags rgyud kyi zag pa med pa'i ye shes de'i bdag rkyen kyang drug po 'gags ma thag pa'i yid des byed dgos par bshad do/
/yang skabs 'dir kha cig gis/ sems kyi gtso bo kun gzhi/ yid la don dam pa'i yid dang/ gnas skabs pa'i (aa: 198 na) yid gnyis/ snga ma ni nyon yid dang/ phyi ma ni 'jug shes drug 'gags ma thag pa'i rnam par shes pa zhes pa'i tha snyad kyang byed do/
/gsum pa rnam shes drug bshad pa la bzhi/ ngo bo/
mtshan nyid/ gnas yul grogs gsum/ byed las 'byung tshul dang bcas pa'o/
/dang po ni/ 'jug pa'i ngo bo snang yul sna tshogs la/ /dmigs pa'i rnam shes rkyen bzhi ldan par skye/ /'jug pa'i rnam shes kyi ngo bo ni/ spyir yul mi 'dra bar shes pa'i don gyis na rnam shes su bzhag mod/ de yang sna tshogs

Sheja Dzo Chapter 6.2 volume2 (page 395)

su snang ba'i yul so so la dmigs nas rnam pa gsal po yang yang 'byung bas 'jug pa dang yul gyi ngo bo la nye bar dmigs pas rnam par shes pa zhes bya/ de la mig gi rnam shes nas yid kyi rnam shes bar drug de re re'ng rkyen bzhi bzhi la brten nas skye ba las/ mig gi rnam par shes pa'i dmigs pa'i rkyen rang las phyi rol lta bur snang ba'i gzugs/ bdag rkyen mig gi dbang po/
de ma thag rkyen de'i snga logs kyi yid bar ma chad/ rgyu'i rkyen kun gzhi rnams la brten nas gzugs so sor rnam par rig pa'i mtshan nyid can gyi shes pa skye/ de bzhin du rnam ba sna lce lus bzhi la'ng rkyen bzhi so sor sbyar ba dang/ yid kyi rnam shes kyi dmigs rkyen rang las tha dad lta bur snang ba'i shes bya'i chos/ bdag rkyen dmigs bsal ma gtogs nyon yid/ de ma thag rkyen de'i snga logs kyi yid byed/ rgyu'i rkyen kun gzhi rnams la brten nas chos so sor rnam par rig pa'i mtshan nyid can gyi yid shes skye/ dmigs bsal ni/ 'phags rgyud kyi zag pa med pa'i ye shes de'i bdag rkyen drug pa 'gags ma thag pa'i yid des byed dgos so/
/de rnams rang rang gi ngo bo lung ma bstan yin yang grogs kyi dbang gis dge mi dge lung ma bstan gsum gar skyer rung ba'o/
/gnyis pa ni/ mtshan nyid (aa: 198 ba) bdag rkyen la brten skye mched snang/ /drug po de dag gi mtshan nyid kyang bdag rkyen mig dbang la brten nas gzugs kyi skye mched kyi rnam par snang ba'i dbang shes ni mig shes ni mig shes kyi mtshan nyid yin pa sogs dang/ rang gi bdag rkyen yid dbang la brten nas rang yul chos kyi skye mched rig pa'i gtso bo rnam shes gang zhig nyon yid las rdzas gzhan pa'o/
/zhes pa drug pa yid kyi rnam shes kyi mtshan nyid do/
/gsum pa ni/ dbang po'i gnas las yul dmigs grogs dang ldan/ /gnas ni spyir thams cad kyi'ng sa bon gyi gnas kun gzhi'i rnam shes/ de ma thag

Sheja Dzo Chapter 6.2 volume2 (page 396)

pa'i gnas 'gags ma thag pa'i yid/ yid shes kyi lhan cig 'byung ba'i gnas nyon yid/ tshogs drug dge mi dger byed pa'i gnas 'khor sems byung rnams/ thams cad 'zag bcas su byed pas mtshan ma la 'ching ba'i gnas nyon yid rnams so/
/bye brag sgo lnga'i lhan cig 'byung ba'i gnas mig sogs rang rang gi dbang po las/ yul gzugs sgra dri ro reg bya chos te drug la dmigs shing/ grogs kun 'gro lnga sogs sems sems byung rnams dang ldan pa'o/
/bzhi pa ni/ byed las dmigs par rtog dang nyer sems sogs/ /chu las rlabs bzhin rkyen dang mtshams par 'byung/ /khyad par yid shes sems med pa yi skabs/ /lnga por ma gtogs rgyun mi 'chad pa ste/ de dag gi byed las ni/ rang rang gi yul 'dzin par byed la/ sgo lngas dge ba dang nyon mongs pa can dang las kun nas slong ba dang sdug mi sdug rnams kyi rjes su 'jug par byed do/
/yid shes kyis dge mi dge'i chos dang las la 'jug par byed cing/ rnam shes gzhan gyis sdug mi sdug gi 'bras bu yongs su 'dzin par byed pa la/ khyad par yid kyis las 'byung ba'i don/ sdom ni/ dmigs par rnam rtog (aa: 199 na) dmigs par nye bar sems/ /ra ro smyo dang gnyid log sad par byed/ /brgyal dang de ldang lus ngag las la 'jug /chags bral de las nyams byed dge rtsa rnams/ /chad dang mtshams sbyor 'chi 'pho skye ba'o/
/zhes pa sogs byed do/
/'byung tshul ni/ mdo sde pa sogs de ma thag rkyen mang po med cing shes pa gcig gis mang po'i de ma thag rkyen byed mi nus pas shes pa re re kho na skye bar 'dod mod/ 'dir ni shs pa'i dmigs rkyen so sor nges pa ltar/ de ma thag rkyen so sor nges mi dgos kyi de ma thag rkyen gcig las kyang shes pa du ma 'byung bas/ kun gzhi dang lhan cig chu la rlabs bzhin du rkyen ji lta bar rnam shes gcig nas mang po'i bar du 'byung ba sum cu

Sheja Dzo Chapter 6.2 volume2 (page 397)

pa las bshad pa ltar ro/
/khyad par yid shes ni/ 'du shes med pa'i lha dang/ snyoms 'jug gnyis/ gnyid dang brgyal ba ste sems med pa'i gnas skabs lnga por ma gtogs thams cad du rgyun mi 'chad par 'byung ba dang/ dbang shes lnga la'ng lta 'dod med par gzugs mthong ba lta bu rkyen nyer gnas dang/ lta 'dod nas mthong ba lta bu yid sngon song gi dbng shes gnyis yod par mngon pa ba dag 'chad do/
gsum pa mang nyung ldan tshul mdor bsdu ba ni/ 'dod na gzugs phung la sogs thams cad ldan/ /gong ma'i khams na rim gyis nyung ba'i/ /'dod khams na 'gzugs phung dang/ sogs khongs nas tshor 'du rnam shes thams cad ldan cing/ gzugs dang gzugs med de gong ma'i khams dang theg dman 'phags pa sogs gong nas gong du rim gyis nyung ba ni rags pa spyi tsam du smos pa yin la/ mang ldan nyung ldan sogs 'di dag la rnam dbye zhib mo du ma ni 'dir go dka' ba dang yi ges 'jig pas chos mngon pa'i gzhung las shes par bya'o/
/gnyis pa khams kyi rnam par gzhag pa la (aa: 199 ba) gnyis/ ngo bo ngos bzung/ phye ba'i rnam gzhag go/
dang po ni/ sa bon rang mtshan 'dzin pa'i khams bco brgyad/ /nang dang phyi rol rnam shes khams drug drug /dhaa tu'i sgra las sa bon 'dzin pa'm rang gi mtshan nyid 'dzin pa'i don gyis khams shes bya ba/ de'i ngo bo ni/ mig sogs nang gi khams drug gzugs sogs phyi'i khams drug mig gi rnam par shes pa sogs rnam par shes pa'i khams drug ste bco brgyad do/
/mdzod 'grel las/ dhaa tu'i khams kyi sgra ni go tra zhes rigs kyi don du 'gyur te/ dper na sa phyogs 'ga' zhig la gser dngul zangs lcags sogs kyi

Sheja Dzo Chapter 6.2 volume2 (page 398)

rigs mang po yod pa la de dang de'i khams sam 'byung khams zhes brjod pa bzhin du rten lus dang rgyud sems sems byung gi rgyun gcig pa rigs sam khams bco brgyad yod pas khams bco brgyad ces bya'o/
/zhes bshad do/
/de dag kyang yul so so la spyod pa na byed pa med la rang gi mtshan nyid 'dzin pa'm nyer spyod 'dzin pa'm sa bon 'dzin pas mig sogs nang gi khams/ yul so so'i mtshan nyid 'dzin pas gzugs sogs phyi'i khams/ dbang po la brten nas yul gyi ngo bo rnam par rig pa'i rang mtshan 'dzin pas rnam par shes pa'i khams te/ so so'i mtshan nyid sa'i dngos gzhi las rgyas par bshad do/
/gnyis pa phye ba'i rnam gzhag la gnyis/ mdor bstan/ rgyas bshad do/
/dang po ni/ phung pos bsdus dang ma bsdus chos khams so/
/khams thams cad mdor bsdu na/ phung pos bsdus pa'i khams dang/ des ma bsdus pa'i khams/ khyad pr chos khams te gsum mo/
/gnyis pa la gsum/ bsdus/ ma bsdus/ chos khams so/
/dang po ni/ gzugs phung dbang yul gzugs can khams bcu dang/ /chos kye'i phyogs gcig dang bcas 9aa: 200 na) gzugs kyis bsdus/ /tshor 'du byed gsum yid kyi yul yin phyir/ /chos skye'i khams kyi phyogs gcig chos kyis bsdus/ /rnam shes phung po tshogs drug nyon yid bcas/ /rnam shes khams bdun zhes bya sems kyis bsdus/ /phung po'i skabs su gzugs kyi phung po zhes gcig tu bstan pa de ni khams kyi skabs su gzugs can gyi khams bcu zhes bya ste/ mig sogs dbang po gzugs can lnga'i khams dang gzugs sogs yul gzugs can lnga'i khams te bcu/ chos kyi skye mched pa'i gzugs bsdus pa las gyur pa'i gzugs sogs lnga las khams kyi phyogs gcig ste phyed dang bcu gcig po

Sheja Dzo Chapter 6.2 volume2 (page 399)

gzugs kyis bsdus pa'o/
/phung po'i skabs su tshor ba'i phung po dang 'du shes kyi phung po dang 'du byed kyi phung po zhes gsum du bstan pa gang yin pa de dag khams kyi skabs su yid kho na'i yul yin pa'i phyir chos kyi skye mched pa'i khams kyi phyogs gcig tu 'jog pa chos kyis bsdus pa'o/
/phung po'i skabs su rnam par shes pa'i phung po zhes gcig tu bstan pa gang yin pa de ni khams kyi skabs su mig shes nas yid shes kyi khams kyi bar tshogs drug dang nyon yid kyi khams bcas rnam par shes pa'i khams bdun ces bya ste/ de'ng nyan thos pa'i lugs kyi drug po 'gags ma thag pa ni tshogs drug las gud na med kyang yid shes kyi gnas bstan pa'i phyir yid kyi khams su bzhag cing/ theg chen pa'i lugs kyis yid kyi khams ni nyon yid yin la/ kun gzhi'ng bdun ka'i sa bon yin pas de rnams kyi shugs la bstan par ste sems kyis bsdus pa'o/
/gnyis pa ni/ rgyu rkyen tshogs min phung pos ma bsdus pa/ /chos khams phyogs gcig 'dus ma byas pa'i khams/ /de bzhin nyid gsum nam mkha' 'gog pa gnyis/ /mi gyo ba dang tshor 'du 9aa: 200 ba) bkag pa brgyad/ phung po lngas ma bsdus pa'i khams yod dam zhe na yod de/ chos gang zhig rgyu rkyen gyis ma bskyed cing 'das pa la sogs pa gcig tu tshogs nas spungs pa'i don can ma yin pa'i phyir phung po lnga yis ma bsdus pa chos khams kyi phyogs gcig tu gtogs pa'i 'dus ma byas kyi khams zhes bya ba rnams te/ de'ng phung po lnga par 'dus ma byas bzhir bshad pa sogs bzhed tshul tha dad pa yod kyang/ lugs 'dir brgyad du gsungs te/ de bzhin nyid gsum/ nam mkha'/ so sor brtags min gyi 'gog pa/ so sor brtags 'gog mi gyo ba/ 'du shes dang tshor ba 'gog pa rnams so/
/de la dang po gsum ni/ chos nyid la khyad par med kyang chos can rten tha dad pa'i sgo nas gsum du gzhag pa ste/ 'di

Sheja Dzo Chapter 6.2 volume2 (page 400)

ltar chos dge ba rnams kyi de bzhin nyid/ chos mi dge ba rnams kyi de bzhin nyid/ lung ma bstan rnams kyi de bzhin nyid de gsum mo/
/de dag gi ngo bo ni dge mi dge lung ma bstan rang rang la yod pa'i chos nyid de/ rtag gcig rang dbang can la sogs pa'i bdag go zhes gzung ba gang zag gi bdag dang/ gzung ba dang 'dzin pa'i chos su brtags pa chos kyi bdag gnyis kas stong pas bdag med pa gnyis kyi ngo bor gyur pa'o/
/de bzhin nyid de'i ming gi rnam grangs kyang stong pa nyid dang/ mtshan ma med pa dang/ yang dag pa'i mtha' dang/ don dam pa dang/ chos kyi dbyings zhes pa la sogs rnam grangs du ma 'byung ngo/
/bzhi pa nam mkha ni/ gzugs kho na las bzlos pas gzugs kyi dngos po med pa'i mtshan nyid can gyi chos gang zhig yid kyi rnam par shes pa'i yul du gyur pa/ thogs bcas kyi gzugs skye 'jig sogs kyi go 'byed pa ste/ de'ng 'gro 'ong gi sgo nas go 'byed pa ni min gyi thogs bcas kyi gzugs (aa: 201 na) 'byung ba'i go ma bkag tsam la de sdad ces bya'o/
/lnga pa so sor brtags min gyi 'gog pa ni/ gang rgyu dang rkyen ma tshang ba'i sgo nas dgag bya de re zhig la de'i sa bon nam bag la nyal ma bcom zhing/ spangs pa slar mi ldog par ma byas pas gtan du bral ba min pa ste/ dper na mig shes gzhugs la yengs pa na rnam par shes pa gzhan ma skyes pa lta bu'o/
/drug pa so sor brtags pa'i 'gog pa ni/ gang gnyen po zag med kyi lam rgyud la skyes pa na rang rang gi spang bya ma lus pa 'gog pa/ de ni gnyen po gang dang gang byung bas nyon mongs pa dang de yi sa bon bag la nyal legs par bcos zhing spangs pas slar mi ldog par byas pas spang bya dang gtan du bral ba'o/
/bdun pa mi gyo ba ni/ 'jig rten pa'i bsam gtan gsum pa man chad kyi 'dod chags dang bral la tshor ba bde sdug ma lus pa 'gog pas skyon brgyad kyis mi gyo

Sheja Dzo Chapter 6.2 volume2 (page 401)

zhing khyad par 'gyur byed bde sdug gis mi gyo bas na mi gyo ba zhes bya ste/ rtog dpyod gnyis/ dbugs dbyung rngub gnyis/ bde sdug gnyis/ yid bde yid mi bde gnyis te brgyad do/
/brgyad pa 'du shes dang tshor ba 'gog pa ni/ ci yang med pa'i skye mched man chad kyi 'dod chags dang bral la/ srid rtse las kyang spang bya ci rigs pa spangs nas gyen du bskyod pa'i 'du shes dang tshor ba btang snyoms kyang zhi bar gnas pa thob par bya'o snyam pa'i 'du shes sngon du btang bas tshogs drug dang nyon yid 'gog pa'o/
/de rnams kyi med dgag gi cha ni 'dus ma byas dang/ thob pa gang yin kyi chos su song bas chos kyi skye mched pa'i khams zhes bya'o/
/gsum pa khyad par chos khams ni/ 'dus byas 'dus ma byas dngos brgyad gnyis dag /bsdoms pa yid shs kho na'i spyod yul phyir/ /khyad par chos khams zhes su rnam par (aa: 201 ba) gzhag /sngar bshad zin pa'i bsdus pa las gyur pa'i gzugs sogs rnam pa lnga gang yin pa dang/ tshor ba dang 'du shes dang 'du byed kyi phung po gsum ste 'dus byas brgyad dang/ 'dus ma byas kyi dngos po brgyad de/ gnyis po gcig tu bsdoms pa rnam pa bcu drug gi bdag nyidni yid shes kho na'i spyod yul yin pa'i phyir khyad par chos khams zhes logs su rnam par gzhag go/
gsum pa skye mched kyi rnam gzhag la gnyis/ ngo bo ngos bzung/ bsdus tshul gyi dbye ba'o/
/dang po ni/ rnam shes skye ba'i sgo las yul gzhan la/ /mched pa'i mig gzugs la sogs bcu gnyis te/ /rten dang de ma thag rkyen nang dang ni/ /dmigs rkyen phyi rol skye zhing mched pa'i sgo/
/nyer spyod rnam par shes pa skye ba'i sgo las yul gzhan la mched par byed pa'i don gyis na skye mched ces

Sheja Dzo Chapter 6.2 volume2 (page 402)

bya'o/
de'ng mig sogs nang gi skye mched drug gzugs sogs phyi'i skye mched drug ste bcu gnyis so/
/mdzod 'grel las/ aa ya ta na zhes pa skye mched kyi sgra ni aa ya dwaa zhes skye ba'i sgo'i don te/ gang la brten nas sems dang sems byung rnams kye zhing mched pa ste rgyas pa'i sgor 'gyur ba'i phyir skye mched ces bya'o/
/zhes so/
/de'ng so sor zhib mor sbyar na/ rten gyi cha nas mig shes skye ba'i sgo byed pa mig gi skye mched dang/ dmigs pa'i cha nas mig shes skye ba'i sgo byed pa gzugs kyi skye mched/ de bzhin du rten dang dmigs pa'i cha nas rang rang gi rnam shes skye ba'i sgo byed pas lhag ma kun la'ng sbyar zhing/ khyad par mtshungs pa de ma thag rkyen gyi cha nas yid shes skye ba'i sgo byed pa yid kyi skye mched dang/ dmigs rkyen gyi cha nas yid shes skye ba'i sgo byed pas chos kyi skye mched rnams su shes par bya ste/ mdor na rten dang de ma thag rkyen nang dang/ dmigs rkyen (aa: 202 na) gyi cha nas phyi rol tu rnam shes skye zhing mched pa'i sgor gyur pa'o/
/'dir dang po bcu ka gzugs yin kyang mig gi yul kho na la gzugs zhes pa dang/ bcu gnyis po thams cad chos yin kyang yid yul kho na la chos su brjod pa ci zhe na/ gzhan rnams la ming so sor btags pas bye brag gcig la go ba'i don dang/ bstan du yod cing thogs pa dang bcas pas gzugs kyi gtso bo yin pa'i phyir mig gi yul kho na la gzugs zhes bya zhing/ snga ma ltar bye brag gi don dang/ tshor ba sogs chos mang po 'dus pa dang/ chos kyi mchog mya ngan las 'das pa'ng bsdus pa'i phyir yid kyi yul kho na la chos zhes brjod pa yin no/
/gnyis pa bsdus tshul gyi dbye ba la gsum/ gzugs kyis bsdus pa/ sems kyis bsdus pa/ chos kyis bsdus pa'o/
dang po ni/ gzugs can skye mched bcu ni khams dang 'dra/ /gzugs can skye mched bcu ni gong smos

Sheja Dzo Chapter 6.2 volume2 (page 403)

khams kyi ming spos pa tsam las don mtshungs pas de dang bsdu tshul 'dra ste/ de'ng khams kyi skabs su dbang po lnga dang yul lnga ste gzugs can gyi khams bcu po bstan pa gang yin pa de dag nyid la skye mched kyi skabs su'ng gzugs can gyi skye mched bcu zhes bya'o/
/gnyis pa ni/ rnam shes khams bdun yid kyi skye mched de/ /khams kyi skabs su rnam par shes pa'i khams bdun du phye nas bstan pa gang yin pa de ni skye mched kyi skabs su yid kyi skye mched ces bya ba gcig tu 'dus pa nyid do/
/gsum pa ni/ chos khams bcu drug chos kyi skye mched do/
/khams kyi skabs su chos kyi khams la rnam pa bcu drug tu bstan pa gang yin pa de ni skye mched kyi skabs su chos kyi skye mched ces gcig tu bstan pa'o/
/gnyis pa de dag gi don bsdu mngon pa 'og ma'i lugs ltar bshad pa la gsum/ don sdud pa dang 'brel ba'i mdor (aa: 202 ba) bstan/ de'i rgyas bshad/ de dag gi don bsdu'o/
dang po ni/ snang ba gzugs dang gtso sems 'khor sems byung/ /ldan min 'du byed 'dus ma byas pa ste/ /nyan thos pa rnams shes bya gzhi lngar bsdu/ /phung khams skey mched kyi char phye ba'i chos 'di dag thams cad gtso bo rigs bsdus pa'i dbang du byas na shes bya gzhi lngar bsdu bar chos mngon pa nas gsungs te/ lnga gang zhe na/ snang ba gzugs kyi gzhi/ gtso bo sems kyi gzhi/ 'khor sems byung gi gzhi/ gnas skabs ldan pa ma yin pa'i 'du byed kyi gzhi/ dgag pa 'dus ma byas kyi gzhi ste/ nyan thos pa rnams ni shes bya thams cad gzhi lnga po 'dir bsdu bar 'dod do/
/zi lung pann chen gyis/ gzhi lnga bye brag smra ba kho na'i lugs su bzhag pa mi 'thad de mngon pa kun btus las gsal bar bshad pa'i phyir zhes gsungs so/
/

Sheja Dzo Chapter 6.2 volume2 (page 404)

gnyis pa ni/ dbang po don lnga rnam rig byed min gzugs/ /tshogs drug sems dang dge ba'i sa mang bcu/ /nyon mongs sa drug mi dge'i sa ba gnyis/ /chung ngu'i sa bcu ma nges sa pa brgyad/ /bsdoms pas sems byung bzhi bcu rtsa drug ste/ /ldan min 'du byed bcu bzhi cha dang bcas/ /nam mkha' 'gog gnyis 'dus ma byas pa'o/
/'di dag gi don gong du rgyas par smos zin kyang mngon pa gong 'og rnam gzhag mi mtshungs la/ mdzod kyi lugs ni nyan thos kyi lugs ji bzhin pa yin pas de'i tshul phyogs mtshon tsam yang zhar byung du rtogs par 'dod nas/ 'dir cung zad smos pa ste/ de la dang po snang ba gzugs kyi gzhi ni/ dbang po lnga/ don lnga/ rnam par rig byed ma yin pa'i gzugs te rdzas bcu gcig dbang po lnga ni sngar dang 'dra/ don lnga las/ mig gi yul gzugs kyi skye mched la kha dog dang dbyibs kyi 9aa: 203 na) gzugs gnyis/ de las dbye na nyi shu ste/ /sngo ser dkar dmar snang mun sprin/ /du ba rdul dang dang zhug rna nyi/ /grib ma ring thung lham pa zlum/ /mtho dma' phya le phya le min/ /dang po bcu gnyis kha dog yin/ /bzhi ni rtsa ba brgyad bye brag /tha ma brgyad ni dbyibs kyi gzugs/ /zhes so/
sgra la zin ma zin gyi sgra gnyis/ de re re la don brjod par byed pa dang de las bzlog pa re re ste bzhi/ de re re la yid du 'ong ba dang mi 'ong ba re re ste brgyad/ dri zhim pa dang nga ba gnyis/ re re'ng mnyam pa dang mi mnyam pa gnyis su phye bas bzhi/ ro mngar skyur lan tshwa kha tsha bska ba ste ngo bo drug reg rgyu'i reg bya 'byung bzhi dang 'bras bu'i reg bya 'jam rtsub lci yang bkres skom grang ba ste bcu gcig rig min gyi gzugs ni chos kyi skye mched pa'i gzugs gang zhig rnam par rig byed dang ting nge 'dzin gang rung las skyes shing dge mi dge gang rung yin pa ni rig min spyi'i mtshan nyid/ de la dbye na rnam rig las byung ba

Sheja Dzo Chapter 6.2 volume2 (page 405)

dang/ ting nge 'dzin las byung ba gnyis/ snga ma la sdom sdom min bar ma gsum/ phyi ma la bsam gtan dang zag med kyi sdom pa gnyis te/ de'ng sdom pa ni dge ba dang/ sdom min ni mi dge ba/ bar ma ni dge mi dge gang rung ngo/
/de dag gi rgyu 'byung ba chen po bzhi ni gong dang 'dra'o/
/gnyis pa gtso bo sems kyi gzhi ni/ mig shes nas yid shes kyi bar tshogs drug po de nyid do/
/gsum pa 'khor sems byung gi gzhi ni/ sde tshan rnam par lngar yod de/ sems kyi sa mang po pa bcu ni/ tshor dang sems pa 'du shes dang/ /'dun dang reg pa blo gros dran/ /yid byed mos dang ting 'dzin no/
/dge ba'i sa mang bcu ni/ dad dang bag yod shin tu sbyangs/ btang snyoms ngo tsha shes khrel yod/ /chags (aa: 203 ba) sdangs med pa'i dge rtsa gnyis/ /mi 'tshe ba dang brtson 'grus so/
/mnyon mongs can gyi sa mang drug ni/ rmongs dang bag med le lo dang/ /ma dad rmugs dang rgod pa'o/
/mi dge ba'i sa pa chen po gnyis ni/ ngo tsha med pa dang khrel med pa'o/
/nyon mongs chung ngu'i sa pa bcu ni/ khro dang 'khon 'dzin gyo phrag dog /'tshig dang 'chab dang ser sna dang/ /sgyu dang rgyags dang rnam 'tshe'o/
/de ltar sum cu rtsa brgyad po mdzod las dngos su bstan pa 'di la/ dbyig bshes kyis 'grel par kha bskangs pa ma nges pa'i sa pa brgyad ni/ rtog dpyod 'gyod gnyid khong khro ba/ /chags dang nga rgyal the tshom mo/
/de dag thams cad bsdoms pas sems byung bzhi bcu rtsa drug go/
gzhi pa ldan min 'du byed kyi gzhi ni/ bsdu na brgyad de/ thob dang ma thob skal mnyam dang/ /'du shes med dang snyoms 'jug dang/ /srog dang mtshan nyid rnams dang ni/ /ming gi tshogs la sogs pa yang/ /zhes so/
/de

Sheja Dzo Chapter 6.2 volume2 (page 406)

la rnam par phye na bcu bzhi ste/ snyoms 'jug la 'gog pa dang 'du shes med pa'i snyoms 'jug gnyis/ 'dus byas kyi mtshan nyid skye ba/ rga ba/ gnas pa/ mi rtag pa bzhi/ ming tshig yi ge ste tshogs gsum rnams so/
/de las kyang cher dbye na mang ste/ thob pa la mtshon na rnyed thob ldan gsum/ snga ma las thob pa la'ng ma thob pa las thob pa dang/ nyams nas thob pa dang/ 'dus byas dang 'dus ma byas pa'i thob pa sogs rgya cher bshad do/
/lnga pa 'dus ma byas kyi gzhi ni gsum ste/ nam mkha' dang/ so sor brtags 'gog so sor brtags min 'gog pa rnams 'dus ma byas su bshad do/
/gsum pa de dag gi don bsdu ba ni/ gzugs phung chos khams yid kyi skye mched kyis/ /kun rdzob kun bsdus de dag rdzas btags kyi/ /dngos po dngos po med pa (aa: 204 na) gsum du 'gyur/ /de ltar bshad pa de dag kyang/ phung po las khams dang khams las kye mched migs kyis bton nas 'jog pa de nyid kyi phyir phung khams skye mched rnams ni mdor bsdus na don rnams gsum du 'du ste/ mdzod las/ gzugs ni dbng po lnga dang don/ /lnga dang rnam rig byed min nyid/ /dbang don de dag kho na la/ /skye mched dang ni khams bcur 'dod/ /ces sogs bshad pa'i gzugs can gyi khams dang skye mched bcu dang yid yul gyi gzugs rnams sdud pa gzugs kyi phung po dang/ tshor ba 'du shes 'du byed kyi phung po gsum dang gzugs kyi phyogs gcig dang chos kyi skye mched sdud pa chos kyi khams dang/ rnam shes phung po dang khams bdun sdud pa yin kyi skye mched de/ mdzod las/ phung po dang ni skye mched dang/ /khams gcig gis ni thams cad bsdus/ /zhes gsungs pa ltar kun rdzob kyi shes bya thams cad de gsum gyis bsdus so/
/de dag rnams ni gzhan

Sheja Dzo Chapter 6.2 volume2 (page 407)

yang/ rdzas yod kyi dngos po dang/ btags yod kyi dngos po dang/ dngos po med pa zhes bya ba gsum du'ng 'gyur te/ de la rdzas kyi dngos po ni 'byung ba'i rdul la sogs pa rnams la bems po'i rdzas dang/ yul gyi rnam par shes pa la 'char zhing rnam par rig pa la ni shes pa'i rdzas zhes 'jog go /btags pa'i dngos po ni/ spyir ma brtags ma dpyad pa'i ngo bor bum pa zhes bya ba rdzas su yod kyang/ bum pa skye ba dang 'gag pa sogs ni blos btags pa'i phyir btags yod do/
/dngos po med pa ni nam mkha' la sogs pa rnams so/
/gzhan yang rdzas dngos/ btags dngos/ kun rdzob kyi dngos po/
don dam gyi dngos po rnams su bsdu ba'ng bshad do/
/gnyis pa thun mong ma yin pa 'khor lo tha ma'i shes bya'i rnam gzhag bshad pa la gsum/ shes bya'i gzhi srid pa nyi shu rtsa lnga/ mtshan (aa: 204 ba) nyid gang la 'jug pa'i gzhi chos lnga/ de la 'jug pa'i mtshan nyid gsum bshad pa'o/
dang po la gsum/ gzhi/ lam/ chos kyi dbyings so/
/dang po ni/ phung khams skye mched gcig bsdus re rer yang/ /'byung khams snod bcud sems yid rnam par shes/ /mtshan gzhi mtshan nyid dngos med gsum gsum dbye/ /mtshan gzhi tshor ba 'du shes 'du byed gsum/ /mtshan nyid yul dus dngos por btags pa gsum/ /gzhan 'gyur dngos brten mi srid dngos med bcas/ /gzhi chos nyer gcig /ces pa ste/ sngar smos pa ltar phung po lnga/ khams bco brgyad/ skye mched bcu gnyis rnams gzugs phung dang chos khams dang yid skye gsum la gcig tu bsdu/ de re rer yang gsum gsum du dbye ste/ gzugs phung la 'byung ba'i khams dang/ snod kyi 'jug rten dang/ bcud kyi sems can dang gsu/ chos kyi skye mched la yang sems dang yid dang rnam par shes pa gsum/ chos khams la'ng/ mtshan

Sheja Dzo Chapter 6.2 volume2 (page 408)

gzhi'i chos dang/ mtshan nyid kyi chos dang/ dngos med kyi chos dang gsum gsum du dbye/ mtshan gzhi la'ng tshor phung dang/ 'du shes dang 'du byed dang gsum/ mtshan nyid la'ng yul la btags pa dang dus la btags pa dang dngos la btags pa dang gsum/ dngos med la'ng dngos po gzhan 'gyur gyi dngos med dang/ dngos po la brten pa'i dngos med dang/ mi srid pa'i dngos med bcas par dbye bas/ de ltar na nyer gcig po de la gzhi'i chos zhes bya bar 'jog go /de dag phal cher gyi don gong du song zhing/ mtshan nyid ni/ khyad par gyi chos kun tu btags pa rnams la bya ste/ de'ng rgyu 'bras che chung snang mun/ dpe dpe can la sogs pa ltos nas bzhag pa thams cad yul la btags pa/ 'das ma 'ongs kyi char dbye 9aa: 205 na) ba dus la btags pa/ bum pa/ ka ba lta bu dngos la btags pa'o/
/so sor brtags 'gog lta bu sngar dngos po yod pa phyis zhig nas med pa ni/ gzhan 'gyur gyi dngos med/ bum pa dang ka ba'i spyi lta bu dngos po'i don spyi rnams ni dngos po la brten pa'i dngos med/ ri bong gi rwa sogs sam/ bum pa med pa'i spyi'i lta bu mi srid pa'i dngos med do/
/gnyis pa ni/ thun mong thun mong min/ /rgyal ba'i gnas su bgrod byed lam rnam gsu/ /thun mong gi lam lha dang tshangs pa'i theg pa/ thun mong ma yin pa'i lam nyan rang gi theg pa/ rgyal ba ston pa sangs rygas kyi gnas sam de'i go 'phang du bgrod par byed pa'i lam theg pa chen po ste lam rnam pa gsum mo/
/gsum pa ni/ chos dbyings don dam 'dus ma byas gcig pu/ /shes byar srid pa nyi shu rtsa lnga zhes/ /phyir mi ldog pa'i 'khor lo'i rnam gzhag go / nyan thos pas 'dus ma byas gsum du bshad pa lta bu ni rnam grangs sam btags

Sheja Dzo Chapter 6.2 volume2 (page 409)

pa'i 'dus ma byas yin la/ 'dir chos kyi dbyings don dam pa'i bden pa ni 'dus ma byas gcig bu'm kho na ste/ de ltar shes bya la srid pa'i chos mtha' dag bsdus pa nyi shu rtsa lnga po de rnams ni gzhi dang lam gyi chos zhes/ mya ngan las 'das pa chen po dang rnga bo che sogs phyir mi ldog pa'i chos kyi 'khor lor grags pa rnams kyi rnam gzhag go/
gnyis pa la gnyis/ chos lnga sogs mdor bstan/ gnyis rgyas par bshad pa'o//dang po ni/ gzhan yang mtshan nyid 'jug gzhi chos lnga dang/ /'jug pa'i mtshan nyid gsum las 'phros pa yi/ /rten 'brel la sogs theg chen bsdus pa ste/ /'khor lo tha ma'i mdo sde rnams su shes bya bsdu ba'i gzhi gzhan yang gsungs te/ mtshan nyid gang la 'jug pa'i gzhi rgyu mtshan sogs tshos lnga dang/ de la 'jug pa'i mtshan nyid kun brtags sogs rang bzhin gsum dang/ (aa: 205 ba) de'i snga ma nyid las 'phros pa'i rten 'brel dang/ sogs khongs nas bdag med gnyis la sogs pa ni theg pa chen po'i shes bya'i don bsdus pa ste rim par 'chad dang/ /zhes so/
gnyis pa la gnyis/ chos lnga/ rang bzhin gsum bshad pa'o/
/dang po la lnga/ rgyu mtshan/ ming/ rnam par rtog pa/ de bzhin nyid/ yang dag pa'i ye shes so/
/dang po ni/ gnas sam yul gyi spyi ni rgyu mtshan la/ /bag chags lhan skyes blor snang rang bzhin dang/ /btags bdag gzugs brnyan la sogs dbye sgo mang/ sgra dang yid kyi gyo ba rnam rtog gis brjod pa'i gnas sam yul gyi spyi ni rgyu mtshan yin la/ de yang dper na bum pa'o snyam pa'i rnam rtog 'dzin stangs kyis gzung bya blo la shar ba'i spyi de'o/
/de la nang gses su bag chags snang brnyan sna tshogs pa'i mtshan ma 'khor bar lhan skyes kyi blor snang ba rnams

Sheja Dzo Chapter 6.2 volume2 (page 410)

rang bzhin gyi rgyu mtshan/ grub mtha' log pas btags pa'i bdag tu 'dzin pa lta bu gzugs brnyan gyi rgyu mtshan/ yang na rtogs ma rtogs/ gsal mi gsal/ mtshan bcas mtshan med kyi rgyu mtshan gnyis gnyis sogs dbye sgo mang zhing/ gzhan rgyu mtshan kho na la/ chos lnga'i dbye ba'ng 'jug ste/ rgyu mtshan gyi rgyu mtshan ni bum pa'o snyam du 'dzin pa'i 'dzin ltangs kyi yul gyi spyi der 'dzin pa'o/
/ming gi rgyu mtshan ni 'dzin stangs kyis gzung bya'i yul byi spyi lta bu'o/
/rnam rtog gi rgyu mtshan ni sems dang sems byung gi lta bu'o/
/de bzhin nyid kyi rgyu mtshan ni rtog pas de bzhin nyid du btags pa'i btags bya gang yin pa de'o/
/yang dag pa'i shes pa'i rgyu mtshan ni lam du 'dzin pa'i 'dzin stangs kyi spyi de yin no/
/gnyis pa ni/ der btags bla dwags tshig spyi ming yin la/ /dngos 'brel 'dus pa tha (aa: 206 na) dad grags ma grags/ /ming gi ngo bo ni rgyu mtshan de la btags pa'i bla dwags tshig spyi snang ba ni ming du brjod de dper na bum par 'dzin pa'i rnam rtog gi 'dzin stangs kyis gzung bya de las bum pa zhes pa'i ming 'dogs shing de yang rna bar tshor ba de ma yin par de'i sgra spyi la snang ba de'o/
/'di la dbye ba bsdu ba nas bzhi bcu tsam gsungs kyang 'dir drug tu 'dus pa yin te/ dngos po'i ming ni bum pa zhes pa'i sgra spyi snang ba lta bu/ 'brel ba'i ming ni bum pa 'di ni che'o/
/bum pa 'di ni chung ngo snyam pa'i sgra spyi snang ba lta bu/ 'dus pa'i ming ni gser bum dang/ dngul bum dang/ zangs bum 'di rnams ni bum pa'o/
/zhes mang po gcig tu snang ba'i sgra spyi'i lta bu/ tha dad pa'i ming ni de las ldog pa ste/ bum pa 'di rnams ni/ gser dang/ dngul dang/ zangs kyi bum pa'o/
/zhes khyad gzhi gcig las/ bye brag tha dad par snang ba'i sgra spyi lta bu/ grags pa'i ming dang ma grags pa'i

Sheja Dzo Chapter 6.2 volume2 (page 411)

ming ni yul dus de dang der grags pa dang ma grags pa dper na ha sti ste lag ldan ces pa'i sgra glang po che la grags shing/ lag pa dang ldan kyang ba lang la ma grags pa lta bu'o/
/gsum pa rnam par rtog pa ni/ sems dang sems las byung ba rnam rtog ste/ /mtshan bcas mtshan med nyon mongs mi mongs sogs/ /rnam rtog gi ngo bo ni sems dang sems las byung ba rnams so/
/rnam par rtog pa'i dbye ba mtshan bcas dang mtshan ma med pa'i rnam rtog gnyis/ dang po ni/ gtso bor 'dod khams kyi sems dang sems las byung ba'i rnam rtog rnams dang/ bsam gtan dang po tshun chad kyi de rnams yin la/ gnyis pa ni/ de nas srid rtse'i bar dang/ brgyal ba dang gnyid log pa'i gnas skabs kyi sems sems byung rnams yin la de rnams la mtshan ma gtan nas med pa ni ma yin gyi/ dman pa la dgag (aa: 206 ba) ba'i sgra sbyar ba yin ni/ /yang na nyon mongs can gyi rnam rtog dang nyon mongs can ma yin pa'i rnam rtog gnyis las/ dang po ni/ 'dod khams kyi rnam rtog mi dge ba rnams dang/ gnyis pa ni/ dge ba zag bcas dang/ lung ma bstan dang/ zag med kyis bsdus pa'i rnam rtog rnams so/
/sogs khongs nas/ yul la 'jug pa/ 'tshol ba po so sor rtog pa'i rnam rtog gsum du'ng dbyer yod do/
/bzhi pa de bzhin nyid ni/ brjod dang rtog pa las 'das de bzhin nyid/ /ngag gis brjod pa dang yid kyis rtog pa'i yul las 'das pa'i chos nyid ni de bzhin nyid de 'phags pa'i mnyam gzhag rnam par mi rtog pa'i ye shes kho na'i pyod yul lo/
/lnga pa yang dag pa'i shes pa ni/ lam shes mnyam rjes yang dag shes pa ste/ /yul dang yul can mtshan nyid sogs dang ldan/ /rten gyi shes bya thams

Sheja Dzo Chapter 6.2 volume2 (page 412)

cad 'di ru 'dus/ /lam gyi shes pa mnyam gzhag 'jig rten las 'das pa dang/ rjes thob 'jig rten las 'das ma 'das 'dres pa'i mtshan nyid can ni yang dag pa'i shes pa'o/
/de bzhin nyid dang yang dag pa'i shes pa gnyis yul yul can gyi mtshan nyid can yin te/ yang dag pa'i shes pa'i spyod yul can ni de bzhin nyid dang/ de bzhin nyid yul du byed pa'i yul can ni yang dag pa'i shes pa'i mtshan nyid do/
/sogs khongs nas/ de las 'phros te gzhan yang cung zad bshad na/ ming dang rgyu mtshan gnyis gcig dang tha dad gang yang min pas/ de nyid dang gzhan du brjod du med pa yin zhing/ de bzhin nyid dang chos bzhi po de yang de bzhin nyid dang gzhan du brjod du med pa yin la/ rnam rtog gi yul can gyi mtshan nyid rgyu mtshan yin te/ rgyu mtshan ni rnam rtog gi yul yin la/ rnam rtog gi yul de la spyod pa po yin pa'i phyir/ ming ni tha snyad brjod pa 'byung ba'i gzhi'm 9aa: 207 na) gnas kyi mtshan nyid do/
/rgyu mtshan yul du byed pa'i mtshan nyid can gyi rnam rtog de dang yang dag shes pa gnyis rdzas yod yin la/ ming ni btags yod do/
/ming dang rgyu mtshan du 'dzin pa'i cha rnams rdzas yod yin la/ de bzhin nyid ni rdzas btatt gnyis ka las 'das pa'o/
/rgyu mtshan las 'dzin pa'i cha ma yin pa rnams dang/ ming ni kun brtags yin la/ rnam pa rtog pa dang yang dag pa'i shes pa gnyis gzhan dbang/ de bzhin nyid ni 'gyur ba med pa'i yongs grub bo/
/'dir chos lnga zhes pa'i chos ni don chos go bar byed pa'i gzhi la 'jug cing/ yang na dngos po lnga zhes kyang bya ste dngos po'i don yod pa tsam mo/
/de'ng mtshan nyid mtshan gzh gnyis las mtshan gzhi chos dang/ rten brten pa gnyis las rten gyi shes bya thams cad lnga po 'dir 'du ba yin pas chos lnga zhes pa'i tha snyad rgyal ba nyid kyis bka' stsal bar mdzad do/
/

Sheja Dzo Chapter 6.2 volume2 (page 413)

gnyis pa mtshan nyid gsum bshad pa la lnga/ kun btags/ gzhan dbang/ yons grub/ bye brag gi dbye bsdu/ stong nyid gsum dang mtshan gzhir 'jug tshul lo/
/dang po ni/ brjod dang rtog pas btags rnams kun btags te/ /gang zag bdag sogs mtshan nyid chad pa dang/ /gzung 'dzin gnyis snang lta bu rnam grangs pa/ /ltos nas btags gsum yang na rnam pa bcu/ ngag dang yid kyis brjod pa dang blo rnam rtog gis btags pa'i gdags bya rnams ni kun btags yin te/ dper na bum pa'o zhes sgras btags pa'i gdags bya de yin la/ 'dogs byed ni yid kyi shes pa 'khor sems byung dang bcas pa'i rnam rtog rnams kyis 'dogs par byed pa'o/
/dbye na/ gang zag gi bdag tu 'dzin pa'i 'dzin stangs kyis gzung bya la sogs pa mtshan nyid yongs su chad pa'i kun btags te/ de'i rgyu mtshan yang gang zag gi (aa: 207 ba) bdag shes bya la mi srid pas der 'dzin gyi gzung bya yang mtshan nyid chad pa'o/
/gzung 'dzin gnyis su snang ba lta bu rnam grangs pa'i kun btags/ chung ngu la ltos nas chen po/
shar la ltos nas nub tu btags pa lta bu ltos nas btags pa ste rnam pa gsum mo/
/yang na gdags gzhi dang 'dogs byed kyi gnyis sam/ ngo bo nyid dang khyad par gyi kun btags gnyis/ yang na ldkar gshegs pa rgya gar 'gyur las tshigs bcad du rnam pa bcur gsungs kyang rgyas bshad du bcu gnyis 'byung ba dng mthun par/ rgya nag 'gyur las/ kun btags rnam pa bcu gnyis te/ /gzhan gyi dbang ni rnam pa drug /ces gsungs te/ de'ng brjod pa'i rnam par rtog pa dang/ de bzhin du smra ba'i dang/ mtshan nyid kyi/ nor gyi/ rang bzhin gyi/ rgyu'i/ lta ba'i/ rigs pa'i/ skye bar/ mi skye bar/ 'brel bar/ bcings pa dang ma bcings par rnam par rtog pa rnams su gsungs so/
/

Sheja Dzo Chapter 6.2 volume2 (page 414)

gnyis pa ni/ gzhan dbang rgyu rkyen las skyes rnam rig tsam/ /kun nyon sa bon kun byang gnyis ka'i ngor/ /ma grub gnyis sam yang na drug tu dbye/ /gzhan dbang ni rang gi rgyu rkyen las skyes pa'i rnam par rig pa tsam yin la/ rang gi zhes pa ni rnam par rig pa'i shes pa de dang skyes pa'i rgyu rkyen mthun pa'm rung ba las 'byung ba'i don gyin no/
/de'ng gzhan zhes pa ni kun gzhi'i steng du bzhag pa'i sna tshogs pa'i bag chags rnams yin la/ bag chags de'i dbang las kun gzhi'i rnam par shes pa rnam rig dang bcas pa snang bar 'gyur ba yin no/
/de la rnam shes gsal rig tsam zhig bag chags kyi dbang du ma gyur na/ rnam par rig pa sna tshogs par mi 'gyur bar rang tshugs su gnas pa yin pa las/ bag chags gzhan dbang du gyur pas rnam par rig pa sna (aa: 208 na) tshogs su gyur pa yin no/
/dbye na/ kun nas nyon mongs pa sa bon gyi gzhan dbang dang/ shes rig dag pas bag chags kyis kha ma bsgyur bas kun nyon rnam byang gnyis ka'i ngo bor ma grub pa'i gzhan dbang gnyis sam/ yang na/ bag chags kyi dbang gis khams gsum gyi sems dang sems byung bden dngos su snang ba ma dag 'jig rten pa'i gzhan dbang/ 'phags pa rnams kyi rjes thob la bden med sgyu ma'i tshul du snang ba dag pa 'jig rten pa'i gzhan dbang gnyis su dbye'o/
/yang lang gshegs las drug tu gsungs pa ltar na/ mig shes dang de'i yul gzugs dang/ de nyid kyi 'khor du byung ba'i sems byung rnams dang/ de dag nye bar bsten pa'i nyon yid dang/ kun gzhi ste dbye sgo dang po dang/ de'i rigs 'dres gzhan rnams la'ng sbyar te/ kun gzhi dang nyon yid la tshogs drug gi cha drug tu phye bar bya'o/
/gsum pa ni/ don dam chos nyid yongs grub de bzhin nyid/ /rang bzhin dag pa glo bur dri med dang/ /lam shes gsung rab dmigs yul grub

Sheja Dzo Chapter 6.2 volume2 (page 415)

pa bzhi/ /gdod ma'i don dam chos thams cad kyi chos nyid ni yongs grub ces bya zhing/ de la ngo bo'i sgo nas dbye ba med kyang/ chos can so so dang 'brel ba'i tshul gyis dbye ba mang por 'gyur ba yin te/ gzugs kyi de bzhin nyid dang/ tshor ba'i de bzhin nyid ces pa la sogs pa gsungs pa rnams so/
/'phags pa thogs med kyis/ rang bzhin gyis dag pa'i cha dang/ glo bur gyi dri ma med pa dang/ lam gyi ye shes dang/ sangs rgyas kyi gsung rab lam sgom pa'i dmigs yul du gyur pa bzhi la dgongs nas dngos btags ma phye bar/ rang bzhin yongs grub/ dri med yongs grub/ lam yongs grub/ dmigs pa yongs su grub pa bzhir gsungs pa dang/ dbus mtha' rnam (aa: 208 ba) 'byed du/ 'gyurmed yongs grub dang/ phyin ci ma log pa'i yongs grub gnyis su'ng bstan par mdzad do/
/bzhi pa ni/ khyad par dbye ba rnam gyeng rnam rtog bcu/ /rnam rig bcu gcig yongs grub dgu sogs gsungs/ /gzhan dbang snang cha 'khrul ba'i kun btags phyir/ /dbye ba mtshan nyid pa ni gnyis su 'du/ /mtshan nyid gsum las 'phros te khyad par gyi dbye ba mdo sde rgyan dang theg bsdus las gsungs pa/ thog mar kun brtags dang 'brel ba rnam gyeng gi rnam rtog bcu ni/ med par rtog pa dang/ yod par rtog pa dang/ sgro 'dogs par/ skur 'debs kyi/ gcig tu 'dzin pa'i/ deu amr 'dzin pa'i/ rang gi ngo bo nyid du 'dzin pa'i/ khyad par du rtog pa/ ming la don du/ don la ming du rtog pa rnams ni kun tu 'dogs byed kyi rnam rtog yin la/ des sgro btags pa'i cha ni kun brtags dngos so/
/spyir rtsa ba'i rnam rtog kun gzhi'i rnam shes/ yul du 'dzin pa mtshan ma'i rnam rtog rnam shes drug mtshan snang gi rnam rtog bde sdug tshor ba sogs mtshan ma 'gyur ba'i rnam rtog rnam shes drug gi 'gyur ba

Sheja Dzo Chapter 6.2 volume2 (page 416)

las byung ba mtshan ma snang bar 'gyur ba'i rnam rtog chos dang chos ma yin pa thos pa'i rjes su blo gzhol ba gzhan gyis bstan pa'i rnam rtog bdag lta sogs tshul bzhin ma yin pa'i rnam rtog mi rtag pa sogs tshul bzhin gyi rnam rtog lta ngan la mngon par zhen pa'i rnam rtog rnam par gyeng ba'i rnam rtog rnams su bshad cing/ 'dogs byed rtog pa mtha' yas pa'i rgyu mtshan gyis/ de dag gis btags pa'i kun brtags kyi dbye ba mtha' yas par 'gyur yang/ phyi ma'i dbye ba khyad par du smos pa ni byang chub sems dpa' rnams kyis spang bya'i bslab par dmigs su gsungs pa'i phyir ro/
/gzhan (aa: 209 na) dbang las 'phros pa'i rnam rig bcu gcig ni/ rnam shes tsam bag chags kyi gzugs snang ba lus kyi dbang por snang ba'i rnam rig mig shes dbang por snang ba lus can gyi rnam rig yid kyi rnam shes zab po'i rnam rig yul drug tu snang ba nye bar spyad bya'i rnam rig mig shes sogs nye bar longs spyod pa'i rnam rig lo dang zla ba sogs dus su snang ba'i rnam rig gcig bcu brgya stong sogs grangs su snang ba'i rnam rig grong dang grong khyer nags tshal dang ri la sogs pa yul gyi snang ba'i rnam rig tha snyad ming tshig yi ge gsum du snang ba'i rnam rig rang gi lus ngag yid gsum la dmigs nas bdag tu snang ba'i rnam rig gzhan gyi lus ngag yid gsum la dmigs nas gzhan du snang ba'i rnam rig rnams so/
/de la dbang po lnga ni rnam par rig pa tsam zhig der snang ba dang/ bar pa bzhi ni mngon par brjod pa'i bag chags kyi mthu kho na las byung ba dang/ tha ma gnyis ni bdag tu lta ba'i bag chags las byung ba'o/
/yongs grub la'ng rnam pa dgur yum rgyas pa las gsungs te/ de bzhin nyid dang/ ma nor ba'i de bzhin nyid dang/ gzhan ma yin pa de bzhin nyid dang/ chos nyid dang/ chos kyi dbyings dang/ chos gnas pa nyid dang/ chos skyon med pa nyid dang/

Sheja Dzo Chapter 6.2 volume2 (page 417)

yang dag pa'i mtha' dang/ bsam gyis mi khyab pa'i dbyings rnams ni rim pa ltar 'jigs pa med pa yongs su grub pa dang/ de bzhin du phyin ci ma log pa dang/ 'gyur ba med pa dang/ ngo bo nyid med pa dang/ rnam par byang ba'i chos kyi rgyu nyid du dang/ dus thams cad du dang/ phyir mi ldog pa dang/ de kho na nyid du dang/ rtog ge'i lam las 'das par yongs su grub pa rnams su slob dpon dbyigs gnyen gyis bshad do/
/sogs khongs nas yongs grub (aa: 209 ba) kyi dbye ba stong nyid bcu drug gis mtshon/ gzhan gnyis la'ng du mar 'gyur yang mdor bsdu na/ gzhan dbang gi snang cha 'khrul ba'i snang ba bsam gyis mi khyab pa dang/ de 'char ba'i gzhi sa bon thams cad pa'i kun gzhi'i rnam shes dang bcas pa'ng kun btags las gzhan du med pa'i phyir/ chos kun brtags kyi mtshan nyid dang/ chos nyid yongs su grub pa'i mtshan nyid de/ dbye ba mtshan nyid pa ni rnam pa gnyis su 'du'o/
/spyir kun btags gzhan dbang gnyis gcig tu bsdoms pa de dang/ yongs grub gnyis de nyid dang gzhan du brjod du med pa yin te/ kun brtags ni sgro btags pa'i btags cha yin la/ gzhan dbang ni de ltar du sgro 'dogs 'dogs yul nyid yin zhinbg/ yongs su grub pa ni gzhan gnyis po de dang de'i chos nyid yin pas ni/ de gsum phyogs gcig nas dpyad na gcig pa ma yin la/ phyogs gcig nas dpyad na tha dad ma yin pas gcig tha dad gang du'ng ma grub bo/
/lnga pa ni/ med dang yod dang rang bzhin stong pa nyid/ /mthan gzhir 'jug tshul snang cha kun btags te/ /gsal rig gzhan dbang spros bral yongs grub bo/
/'di la gnyis/ dang po mtshan nyid gsum po de stong pa nyid gsum du rnam par gzhag pa ni/ kun brtags ni med pa'i stong pa nyid ces bya ste/ bden pa gnyis ka'i skabs su rang gi mtshan nyid kyis grub pa med pa dang/

Sheja Dzo Chapter 6.2 volume2 (page 418)

gzhan dbang ni yod pa'i stong pa nyid ces don dam par med kyang kun rdzob bden pa'i ngo bor yod pa dang/ yongs grub ni rang bzhin stong pa nyid ces chos thams cad kyi chos nyid kyi tshul du gnas par mdo sde rgyan las gsungs shing/ de'i tshul sher phyin lnga brgya pa las/ rab 'byor gzugs la stong pa nyid kyi ting nge 'dzin gang zhe na/ rab 'byor gzugs la dngos po 9aa: 210 na) med pa stong pa nyid dang/ de ltar dngos po yod pa stong pa nyid dang/ rang bzhin stong pa nyid la dmigs nas sems rtse gcig tu byed pa 'di ni stong pa nyid kyi ting nge 'dzin te/ byang chub sems dpa' de ltar gzugs la ting nge 'dzin yongs su shes par bya'o/
/zhes gsungs so/
/gnyis pa mtshan nyid de gsum mtshan gzhi la ji ltar 'jug pa'i tshul ni/ dper na/ mig shes la snang ba'm yid shes la snang ba ji ltar yin yang rung/ bum par snang ba'i dus na bum par 'dzin pa'i cha de kun brtags nyid yin la/ de dang rnam par 'byed pa'i shes pa gsal rig tsam de gzhan dbang dang/ kun brtags de dang gzhan dbang de med pa'i shul gyi ye shes ni yongs su grub par 'dod pa yin no/
/nyon mongs pa chags sdang lta bu la dper mtshon na sems 'dod chags sam zhe sdang drag po zhig skyes pa na chags sdang gi snang cha dung nge ba de kun brtags dang/ de'i rig pa gsal rig gi cha de ni gzhan dbang dang/ thams cad la ro mnyam du khyab pa'i spros bral gyi ye shes ni yongs su grub pa'o/
/'dir ro mnyam zhes smos pa ni/ dper na zhe sdang gi rnam shes gsal rig gi cha de dang/ 'dod chags kyi rnam shes gsal rig gi cha de gnyis rnam pa shin tu 'dra ba yin yang/ dngos po tha dad pa yin pas/ phan tshun du gcig gis gcig la ma khyab pa yin la/ de dang de'i yongs grub la ni ngo bo dbye ba med pa ste ngo bo ro mnyam du gyur pas so/
/des lam dang 'bras bu'i shes bya

Sheja Dzo Chapter 6.2 volume2 (page 419)

rnams la'ng rigs 'gre shes par bya'o/
/mthsan nyid gsum gyi rnam gzhag 'khor lo tha ma'i mdo sde rnams nas rgya cher 'byung zhing/ rjes btsun byams pa dang/ klu sgrub kyi saa lu ljang pa'i mdo 'grel las gsungs pa'i ngos 'dzin gcig dbyig ggnyen gyis sum cu pa'i rab byed du zhal bzhes cung zad khyad pa yod pa ni 9aa: 210 ba) gzhan stong pa rnams la yongs su grags pa ltar dang/ rig pa'i dbang phyug gis/ rnam par rtog pas brtags pa'i don/ /kun tu brtags pa'i ngo bo nyid/ /rnam par rtog pa gzhan gyi dbang/ /de yi stong nyid yongs su grub/ /ces rnam gzhag gsal bar mdzad do/
/kha cig ngo bo nyid gsum gyi rnam gzhag sems tsam pa kho na'i lugs yin gyi dbu ma pa la ma grags so snyam pa ni mi 'thad de/ sher phyin gyi mdo'i byams zhus kyi le'u las kyang/ byams pa gzugs kyi rab tu dbye ba ni rnam pa gsum ste/ kun brtags pa'i mtshan nyid kyis rab tu phye ba dang/ rnam par brtags pa'i mtshan nyid kyis rab tu phye ba dang/ chos nyid kyi mtshan nyid kyis rab tu phey ba'o/
/zhes dang/ 'jug pa'i rang 'grel/ dbu ma rgyan gyi rang 'grel rnams las kyang rang lugs kyi rang bzhin gsum gyi rnam gzhag mdzad pa dang/ dbu ma snang ba las/ dbu ma pa rnams kyang ngo bo nyid gsum gyi rnam par gzhag pa khas mi len pa ni ma yin no/
/gzhan du na mthong ba la sogs pa dang 'gal ba ji ltar spang bar 'gyur/ zhes sogs dbu ma'i gzhung lugs rnams su ngo bo nyid gsum gyi rnam gzhag gsal bar yang yang bstan pa'i phyir ro/
/de'ng byang chub sems 'grel las/ kun brtags dang ni gzhan dbang dang/ /yongs su grub pa nyid dag ni/ /stong nyid bdag nyuid gcig pu yi/ /ngo bo sems la btags pa yin/ /zhes gsungs pa'i nges pas chos thams cad sems/ sems de'i rang bzhin 'od gsal pa'm/ stong pa nyid dam don dam pa'm khams

Sheja Dzo Chapter 6.2 volume2 (page 420)

bde bar gshegs pa'i snying po sogs ming du mnas bsnyad pa ni yongs grub/ sems de'i kun rdzob rnam par rig pa sgyu ma tsam du snang ba de gzhan dbang/ rnam rig de med bzhin du gzung 'dzin la sogs pa'i (aa: 211 na) gnyis chos su btags pa'i cha de kun btags su bzhed pa yin no/
/rtsa ba'i gsum pa rten 'brel gyi rnam gzhag theg pa che chung spyi khyab ltar bshad pa la gnyis/ mtshams sbyar ba'i tshul gyis mdor bstan/ rab tu dbye ba rgyas par bshad pa'o/
/dang po ni/ snga ma gnyis po rten cing 'brel las byung/ /de yang bskyed bya skyed byed rgyu 'bras can/ /gzhag bya 'jog byed gcig la gcig ltos pa/ /yang dag rten 'brel kun gzhi'i rnam shes bcas/ /mtshan nyid gsum gyi snga ma kun brtags gzhan dbang gnyis ji ltar byung na rten cing 'brel bar 'byung ba'i dbang las byung ngo/
/yongs grub ni kun rdzob kyi rten 'brel dngos ma yin kyang don dam gyi rten 'brel yin pa la dgongs nas rten 'brel du bshad pa'ng yod do/
/rten 'brel de'ng spyi'i tsam du bskyed bya skyed byed kyi rten 'brel/ snod kyi 'jig rten/ bcud kyi sems can/ nang gi shes pa bcas rgyu dang 'bras bu'i tshul can gtso bor gzhan dbang gi phyogs dang/ gzhag bya 'jog byed kyi rten 'brel bskyed bya skyed byed du ltos pa sa bon du snang ba'i shes pa las myu gur snang ba'i shes pa skye ba lta bu dang/ der ma ltos pa chen po la ltos nas chung ngur bzhag pa lta bu snga ma 'jog byed dang phyi ma gzhag bya ste mdor na gcig la gcig ltos pa ni gtso bor kun brtags kyi phyogs su 'jog yang dag pa'i rten 'brel ni kun gzhi'i rnam shes bag chags kun dang ldan pa la 'jog ste/ de'ng bskyed bya skyed byed kyi rten 'brel la gnas skabs pa dang yang dag pa'i rten 'brel gnyis su dbye ba'i ya gyal yin pas gzhan dbang du

Sheja Dzo Chapter 6.2 volume2 (page 421)

'du'o/
/gnyis pa rgyas bshad la brgyad/ ngo bo/
nges tshig sgra don/ yan lag bcu gnyis so so'i ngos 'dzin/ byed las/ rab dbye/ don bsdu/ rten 'brel gyi de kho na nyid (aa: 211 ba) bstan pa'o/
/dang po ni/ ngo bo snang tsam ltos grub brten nas skyes/ /chos thams cad dpyad na ngo bo ci yang ma grub pa stong pa nyid du gnas kyang snang tsam du ltos nas grub cing brten nas skye ba ni rten 'brel gyi mtshan nyid dam ngo bo ste/ rtsa she las/ rten cing 'brel par 'byung ba gang/ /de ni stong pa nyid du bshad/ /de ni brten nas gdags pa ste/ /de nyid dbu ma'i lam yin no/
/gang phyir rten 'byung ma yin pa'i/ /chos 'ga' yod pa ma yin la/ /de phyir stong pa ma yin pa'i/ /chos 'ga' yod pa ma yin no/
/zhes so/
/gnyis pa nges tshig ni/ nges tshig rgyu rkyen tshogs la rten cing 'brel/ /rten 'brel gyi skad dod legs sbyar la/ pra tii ngya sa mu tpaa da/ zhes 'byung ba'i pra tii ngwa ni mang po 'tshogs shing 'dus pa'm 'phrad pa'i don yin la/ sa mutpaa da ni bskyed pa'm 'byung ba'i don yin pas/ dngos po gang rgyu gcig las 'bras bu sna tshogs dang/ rgyu sna tshogs las 'bras bu gcig kho na skye ba ni mi srid pas rgyu rkyen sna tshogs 'phrad cing tshogs pa la ltos nas 'bras bu sna tshogs su 'byung ba'm/ yan lag snga ma la rten cing phyi ma rnams 'brel par 'byung ba'o/
/gsum pa sgra don ni/ sgra don byed pa po med rgyur bcas sogs/ /rten 'brel spyi'i sgra don ni bcu gcig tu gsungs te/ byed pa po med pa/ rgyu dang bcas pa/ bcas pa/ sems can med pa/ gzhan gyi dbang/ gyo ba med pa/ mi rtag pa/ skad cig pa rgyun mi 'chad pa/ rgyu 'bras mthun pa/ sna tshogs pa/ rgyu

Sheja Dzo Chapter 6.2 volume2 (page 422)

'bras so sor nges pa rnams so/
/de'ng dper na chos thams cad byed pa po med par rten cing 'brel bar 'byung ba zhes sogs go bar bya'o/
/bzhi pa yan lag bcu gnyis so so'i ngos 'dzin ni/ ma rig rig pa'i 'gal zla chos gsum ldan/ /dbye sgo (aa: 212 na) mang yang nyon mongs ldan min gnyis/ /rtsa ba bdag tu rmongs pa nyon yid 'khor/ /yan lag bcu gnyis kyi thog ma ma rig pa'i ngo bo rig pa'i 'gal zla'm/ mi mthun phyogs su gyur pa/ shes pa gang zhig rang gi yul la dmigs pa dang/ yul de'i rnam pa shin tu mi gsal ba dang/ de nyid sems rgyud rab tu ma zhi ba nyon mongs pa skye ba'i sgor gyur pa ste khyad chos gsum dang ldan pa'o/
/de la dbye sgo mang yang nyon mongs pa can gyi ma rig pa dang/ nyon mongs pa can ma yin pa'i ma rig pa gnyis/ snga ma ni 'khor ba'i rgyu thar pa la sgrib byed nyon mongs pa'i sgrib pa/ phyi ma ni thams cad mkhyen ap la sgrib byed shes bya'i sgrib pa'o/
/de'ng lugs 'di'i rtsa b'ai ma rig pa dngos ni bdag tu rmongs pa zhes nyon yid kyi 'khor du yod pa de yin no/
/'ga' zhig 'jig tshogs su lta ba la ngos 'dzin pa ni rnam pa gsal ba'i phyogs nas smos pa tsam yin no/
/'du byed bsod nams yin min mi gyo'i las/ /rnam shes kun gzhi'i chags bcas rgyu 'bras gnyis/ /ming bzhi mngal gyi skabs lnga gzugs yin te/ /dbang po drug gsal skye mched ngo bo yin/ yan lag gnyis pa 'du byed ni/ bsod nams kyi las/ bsod nams min pa'i las/ mi gyo ba'i las rnams so/
dang po ni/ 'dod khams kyi las dge ba/ gnyis pa ni/ 'dod khams kyi mi dge ba/ gsum pa ni/ khams gong ma gnyis 'grub byed kyi las te ting nge 'dzin no/
/yan lag gsum pa rnam shes ni/ kun gzhi'i rnam shes kyi steng du las kyi bag chags yhongs su bzhag pas rnam shes de nyid yongs su 'gyur ba'i

Sheja Dzo Chapter 6.2 volume2 (page 423)

cha yin la/ de la'ng rgyu dus kyi rnam shes dang/ 'bras bu'i dus kyi rnam shes gnyis su yod do/
/yan lag bzhi pa ming gzugs ni/ ming zhes pa ming bzhi'i phung po yin la/ de'ng tshor ba sogs phung po phyi ma bzhi'o/
/de rnams (aa: 212 ba) la ming bzhi'i phung por 'jog pa'i rgyu mtshan yang/ gzugs phung ni dbang shes lnga'i spyod yul du mngon sum du gyur pas na ming la brten nas rtogs mi dgos la/ phung po phyi ma bzhi ni gzhan gyi rgyu la yod pa ming la brten nas rtogs dgos pa yin no/
/nur nur po dang/ mer mer po dang/ go gor po dang/ mkhrang 'gyur dang/ rkang lag rnam par 'gyus pa ste/ mngal gyi gnas skabs lnga ni gzugs kyi yan lag yin no/
/yan lag lnga pa skye mched drug ni/ mngal gnas lnga'i rjes su dbang po drug gsal bar dod pa nyid skye mched rnams kyi ngo bo yin no/
/reg pa btsas nas yul dbang shes gsum phrad/ /tshor ba der brten chags sdang bar ma myong/ /'dod sred nyer spyod yongs bzung sred pa ste/ /yan lag drug pa reg pani/ mngal nas phyir btsas te yul dang/ dbang po dang/ rnam par shes pa gsum 'dus pa'i reg pa 'byung ba yin zhing/ de'ng reg pa dngos ni/ rnam shes yul dang phrad pa las yul des shes par 'gyur ba'i cha zhig 'byung ba de'o//yan lag bdun pa tshor ba ni/ reg pa de la brten ns tshor ba bde sdug bar ma gsum myong ba yin te/ mig dbang dang/ yul gzugs yid 'ong/ mig shes gsum 'dus pa las thog mar mig shes kyis yul yongs su gtsod pa'i reg pa 'byung/ de'i rjes su reg pas yongs su myong ba'i tshor ba bde bar 'byung bas mtshon no/
/dbang shes drug la tshor ba gsum gyi dbye bas yid nye bar rgyu ba bco brgyad ces bya'o/
/yan lag brgyad pa sred pa ni/ tshor ba bde sdug btang snyoms gsum la sred cing zhen pa yin la/ de'ng bde ba la mi 'bral bar sred pa

Sheja Dzo Chapter 6.2 volume2 (page 424)

dang/ sdug bsngal la 'bral 'dod kyi sred pa dang/ btang snyoms la mi 'bral bar 'dod pa'i sred pa skye ba yin zhing/ yang srid pa la 'dod pa'i sred pa dang/ srid pa'i sred pa dang/ (aa: 213 na) 'jig pa'i sred pa dang gsum/ dang po 'dod khams/ gnyis pa khams gong ma gnyis/ gsum pa nyer spyod yongs su bzung bar sred pa'o/
/'dod dang srid lta bdag smra'i nyer len gyis/ /yang srid 'grub byed las stobs ldan gyur pas/ /nying mtshams sbyar te skye ba thob nas brtsams/ skad cig rgyun 'gyur srog 'gag rga shi'o/
/yan lag dgu pa len pa ni/ de ltar sred pa la brten nas len pa 'byung ba yin te/ dper na bza' btung longs spyod sogs yul yid 'ong gi rnam pa la sred cing zhen par gyur pa na/ de nyid yang dang yang du 'byung bar 'dod pa dang/ de nyid kyi thabs su bya ba rnam pa sna tshogs bsgrub par byed pa'i nus pa can de la len pa zhes bya'o/
/len pa de la'ng/ 'dod pa'i len pa dang/ srid pa'i len pa dang/ lta ba'i len pa dang/ bdag tu smra ba'i ne bar len pa dang bzhir gsungs la de yid yan lag phyima 'grub bo/
/yan lag bcu pa srid pa ni/ yang srid mngon par 'grub par byed pa'i las stobs dang ldan pa de'o/
/yan lag bcu gcig pa skye ba ni/ skye ba'i yan lag mngon gyur gyi dbang du byas nas/ mngal du nying mtshams sbyor bzhin pa ni skye ba yin la/ nying mtshams sbyar zin pa ni bcu gnyis pa rga shi'i yan lag yin no/
/de'ng nur nur po la sogs pa skye ba'i gnas skabs thob pa nas brtsams/ rim par skad cig gcig gi rgyun 'gyur ba ni rgas pa yin la/ 'dir rga shi zhes yan lag gcig tu bsdoms pa yang/ ma rgas pa la 'chi ba yang med pas na/ de ltar du gsungs so/
/de ltar na yan lag bcu gnyis po de rnams kyis bag chags kun gzhi la bzhag pa mngon du gyur pa dang sa bon yongs su smin pa las

Sheja Dzo Chapter 6.2 volume2 (page 425)

yan lag bcu gnyis mngon 'gyur ba gnyis 'byung ba thams cad la shes par bya'o/
/lnga pa byed las ni/ byed las 9aa: 213 ba) don la sgrib cing sa bon 'debs/ /'khrid dang kun 'dzin rdzogs dang yongs su gcod/ /spyod sdud sbyor phyogs sdug bsngal 'gyur bar byed/ /de dag so so'i byed las kyang dbus mtha' las shlo ka phyed dang gnyis kyis bstan te/ yang dag pa'i don mthong ba la sgrib par byed pa ma rig pa'i byed las dang/ de bzhin tu/ de'i dbang gis kun gzhi la las kyi sa bon 'debs par byed pa 'du byed kyi dang/ sa bon dang mthun par skye gnas su 'khrid par byed pa rnam par shes pa'i dang/ khrid pa ltar lus kun tu 'dzin par byed pa ming gzugs kyi dang/ gzung ba ltar lus yongs su rdzogs par byed pa skye mched drug gi dang/ de'i mthus las gsum 'dus nas yul yongs su gcod par byed pa reg pa'i dang/ bcad pa ltar bde ba sogs la nye bar spyod pa tshor ba'i dang/ de'i dbang gis las dang mthun pa'i yang srid sdud par byed pa sred pa'i dang/ sred pa ltar rnam shes skye ba la sbyor bar byed pa len pa'i dang/ sbyr ba ltar yang srid skye ba la mngon du phyogs par byed pa srid pa'i dang/ de'i dbang gis sdug bsngal gyiphung po 'grub par byed pa skye ba'i dang/ de'i nyes dmigs na tshod dang srog 'gyur bar byed pa rga shi'i byed las te thams cad kyang 'khor bar kun nas nyon mongs par byed pa'o/
/drug pa rab tu dbye ba bshad pa la gnyis/ mdor bstan/ rgyas bshad do/
dang po ni/ rab dbye gsum brgyad yan lag bye brag bshad/ /rten 'brel gyi rab tu dbye ba bshad pa la spyir rnam grangs mang yang/ 'dir gsum du dbye ba/ brgyad du dbye ba/ yan lag bcu gnyis bye brag tu bshad pa'o/
/

Sheja Dzo Chapter 6.2 volume2 (page 426)

gnyis pa la gsum/ gsum/ brgyad/ bye brag go /dang po la'ng gsum/ ngo bo nyid rnam par 'byed pa'i/ sdug pa dang mi sdug pa rnam par 'byed pa'i/ nyes spyod can gyi (aa: 214 na) rten 'brel lo/
/dang po ni/ gsum las ngo bo rnam 'byed chos thams cad/ /kun gzhi las sprul dbang rab kho nar gsungs/ /gsum du dbye ba las dang po ngo bo nyid rnam par 'byed pa'i rten 'brel ni/ phyi nang gi chos thams cad kun gzhi'i rnam par shes pa las sprul zhing/ de'i mthun las snang ba la der 'jog pa yin la/ de ni dbang rab theg pa chen po la zhugs pa'i byang chub sems dpa' kho na'i bgo skal du bstan gyi/ rigs can gzhan gnyis la bstan pa med cing/ de'i phyir byang chub sems dpa' 'ma sangs rgyas nyag gcig gis rtogs pa yin gyi/ nyan thos dang rang rgyal gnyis kyis ni phyogs tsam yang rig pa ma yin no/
/gnyis pa ni/ sdug dang mi sdug rnam 'byed nyan rang la/ /gsungs te kun nyon rnam byang dbang byas gnyis/ /'byed pa zhes bya 'phel zhing rgyas pa'i don/ /sdag pa ni yid du 'ong ba dang/ mi sdug pa ni yid du mi 'ong ba ste/ de gnyis rnam par 'byed pa ni rten cing 'brel par 'byung ba yan lag bcu gnyis te/ de ni nyan thos dang rang sangs rgyas kyi rigs can gnyis char la bcom ldan 'das kyis bstan cing/ bstan pa ltar gnyis char gyis sgom pa yin yang rang sangs rgyas rnams kyis ni lugs 'byung dang lugs ldog gi rten 'brel rnams rgyas par rtogs pa yin la/ nyan thos rnams kyis ni rang rgyal ltar rten 'brel la rang byan chud pa'i sgo nas shin tu rtogs pa ni ma yin no/
/de la'ng rnam pa gnyis/ kun nas nyon mongs pa dang/ rnam byang gi dbang du byas pa'o/
/dang po ni/ ma rig pa dang mtshungs ldan gyi dge ba zag bcas kyi mthun las mtho ris kyi skye ba ni sdug pa rnam par 'byed pa'i rten 'brel dang/

Sheja Dzo Chapter 6.2 volume2 (page 427)

ma rig pa dang mtshungs par ldan pa'i las mi dge ba'i mthu las ngan song gsum du skye ba ni mi sdug pa rnam par 'byed pa'i rten 'brel ces bya'o/
/gnyis pa 9aa: 214 baf) ni/ ma rig pa dang mtshungs ldan gyi las dge sdig gi mthu las rigs drug tu skye ba ni mi sdug pa rnam par 'byed pa dang/ dge ba zag med kyi mthun las thar ba thob pa ni sdug pa rnam par 'byed pa'i rten 'brel ces bya'o/
/rnam par 'byed pa zhes bya ba skabs 'dir 'phel ba dang rgys pa'i don yin pas / gzugs sgra dri ro reg bya la sogs pa snang ba snang tshogs pa rnams dang/ sems dang sems las byung ba'i yang dag pa ma yin pa'i kun tu rtog pa rnams kyis kun gzhi la bag chags bzhags cing/ kun gzhi nyid 'phel zhing rgyas par byed pa yin no/
gsum pa ni/ nyer spyod can ni tshogs drug skye 'gag tshul/ /nyan thos rnams kyis bdag med sgo nas sdom/ /nyer spyod can gyi rten 'brel zhes pa rnam shes tshogs drug skye 'gag byed pa'i tshul yin la/ de'ng nye bar spyod pa po tshor ba dang nye bar spyad bya reg yin zhing/ de lta bu dngos po gang la ldan pa la nye bar spyod pa zhes bya'o/
de'ng dper na/ yul gzugs yid du 'ong ba ni dmigs pa'i rkyen dang/ mig gri dbang po ni bdag po'i rkyen dang/ mig gi rnam shes skad cig dang po'i rgyu'i rkyen dang/ yul la phyogs par 'dod pa'i yid byed ni de ma thag rkyen te rkyen bzhi tshang ba'i stobs las mig gi rnam par shes pa skye ba yin la/ mig gi rnam shes des yul gzugs yongs su spyod pa ni reg pa dang/ yul gyi rnam pa yid du 'ong ba de'i rnam par shes pas myong ba ni tshor ba bde ba ste 'dod chags skye ba'i sgo dang/ yid yul de dang 'bral bar mi 'dod par sems pa ni sems pa ste/ de ltar rkyen bzhi las mig gi rnam shes skyes pa'i tshe/ de'i 'khor du byung ba'i sems byung reg pa dang/ tshor ba dung/ sems pa rnams kyis gtso sems nyid rnyogs shing ma

Sheja Dzo Chapter 6.2 volume2 (page 428)

dag par byed pa yin no/
/des yul yid du mi 'ong pa la brten nas zhe sdang skye ba'i sgo (aa: 215 na) dang/ yul bar ma la brten nas gti mug skye ba'i sgo rnams kyang rigs bsgres te shes par bya'o/
/des na rnam shes tshogs drug po yul yid du 'ong mi 'ong bar ma gsum la brten te chags sdang rmongs gsum gyi nyon mongs pa skye ste rnam par rtog pa byed pa zhig yod pas na/ nyan thos rnams kyis de dag la brten nas skye ba'i nyuon mongs pa rnams sdom par byed pa yin la/ de'ng mi rtag pa dang/ sdug bsngal ba dang/ stong pa dang/ bdag med pa rnams kyi sgo nas sdom pa dang/ gtso bor ni gang zag gi bdag med pa nyid sgom pa'i tshul gyis dom par byed do/
/gnyis pa brgyad du dbye ba la gnyis/ kun nas nyon mongs pa'i rten 'brel drug rnam byang gi rten 'brel gnyis bshad pa'o/
dang po ni/ brgyad ni rnam par shes dang skye 'chi 'byung/ /sa bon myu gu sdong bu la sogs phyi/ /chags gnas 'jig pa snod kyi rab dbye dang/ zas bzhis 'tsho dang 'dod dang mi 'dod mi 'dod 'gro/
/drug po kun nyon phyogs yin/ /ces pa ste/ rten 'brel brgyad du dbye ba'i dang po/
rnam par shes pa 'byung ba'i rten 'brel ni bshad ma thag pa'i nyer spyod can gyi rten 'brel de nyid yin la/ skye ba dang 'chi 'pho ba 'byung ba'i rten 'brel ni ma rig pa'i rkyen gyis 'du byed 'byung ba sogs sdug pa dang mi sdug pa rnam 'byed las kun yon phyogs de yin cing/ zhing sa chu lud sogs rkyen tshogs nas/ sa bon las myu gu de las sdong bu/ de las sbu gu de las snye ma/ de las 'bras bu'i bar du 'byung zhing/ de'ng rgyun mi 'chad pa phyi'i rten 'brel/ chags pa dang gnas pa dang 'jig par snang ba snod

Sheja Dzo Chapter 6.2 volume2 (page 429)

gyis rab tu dbye ba'i rten 'brel/ skye dgu rnams tshe sogs 'phel 'grib bzang ngan sna tshogs su snang ba'ng der 'du'o/
/khams kyi zas dang/ reg pa'i zas dang/ sems pa'i zas dang/ (aa: 215 ba) rnam par shes pa'i zas bzhi snga ma snga ma las phyi ma phyi ma rim skye'i tshul gyis 'khor ba'i gnas su rgyun mi 'chad par 'byung zhing 'tsho ba zas kyi 'tsho bas rnam par dbye ba'i rten 'brel/ las dge ba'i mthu las 'dod pa bde 'gro'i gnas su 'gro ba dang/ las mi dge ba'i mthu las mi 'dod pa ngan 'gro'i gnas su 'gro ba ni 'dod pa dang mi 'dod par 'gro ba rab tu dbye ba'i rten 'brel te drug po kun nas nyon mongs pa'i phyogs kyi rten 'brel yin no/
/de'ng snod kyi rten 'brel dang/ phyi'i rten 'brel gnyis ni phyi snod kyi 'jig rten la brten pa dang/ gzhan bzhi po nang bcud sems can la brten pa'i rten 'brel lo/
/gnyis pa ni/ lam lngar brten/ /thar pa rnam par dag pas rab tu dbye/ /mngon shes drug thob mthu stobs rab dbye dag /rnam byang phyogs te bskyed bya skyed byed do/
/bslab pa gsum la brten nas lam lnga rim gyis kye/ /lam snga ma bzhi la brten nas thar pa'i go 'phang mi slob pa'i lam mngon du gyur pa ni rnam par dag pas rab tu dbye ba'i rten 'brel/ mngon par shes pa drug thob pa ni mthun stobs kyis rab tu dbye ba'i rten 'brel te/ de'i mngon shes drug kyang mdo sde rgyan las/ skye dang ngag sems dge dang mi dge bskyed/ /de yi gnas dang nges 'byung mngon sum gang/ /shes pa kun 'gro rab tu dbye bcas la/ /thog mar brtan pa thob pa'i mthu yin no/
/zhes gsungs pa

Sheja Dzo Chapter 6.2 volume2 (page 430)

ltar ro/
/de'ng gzhan dag gi skye ba shes pa 'chi 'pho dang skye ba mngon par shes pa/ skyes pa de dag gis smra ba'i ngag tshig shes pa lha'i rna ba'i mngon shes/ de dag gi sems shes pa sems kyi rnam grangs shes pa'i mngon shes/ sngon dge ba dang mi dge ba bskyed par shes pa sngon gyi gnas mngon par shes pa/ (aa: 216 na) gang na gdul bya yod pa de'i gnas su 'gro bar shes pa rdzu 'phrul gyi yul mngon par shes pa/ ji ltar sems can rnams skye ba las 'byung bar 'gyur ba'i 'byung ba shes pa zag pa zad pa'i mngon par shes pa ste/ 'jig rten gyi khams thams cad du don drug po de dag rab tu dbye ba dang bcas pa la shes pa mngon sum du gyur pa thogs pa med pa gang yin pa de ni byang chub sems dpa' rnams kyi mthu mngon par shes pas bsdus par bshad do/
/de la byang chub sems dpa' 'phags pa rnams kyi mngon par shes pa drug ni mthu stobs kyi rab dbye mtshan nyid pa yin la/ tshogs sbyor rnams kyi mngon shes lnga ni mthu stobs kyi rab dbye rjes mthun pa dang/ phyi rol pa rnams kyi 'jig ren pa'i lam la brten nas mngon shes rdzu 'phrul sogs thob pa ni mthu stobs kyi rab dbye dngos dang rjes mthun pa dang yang min no/
/rten 'brel gnyis po de dag ni rnam par byang ba'i phyogs te rab dbye brgyad po de rnams spyir 'brel ba can gyi rten 'brel zhes bskyed bya skyed byed kyi dbang du byas pa'i rten 'brel lo/
/gsum pa yan lag bcu gnyis bye brag tu bshad pa la gsum/ rgyun chags pa'm gnas skabs pa'i rten 'brel/ skad cig ma'i rten 'brel/ 'brel ba can gyi rten 'brel lo/
/dang po la gsum/ 'dod khams kyi skye ba gnyis la yan lag bcu gnyis tshar gcig rdzogs pa'i tshul/ skye ba gsum la rdzogs pa'i tshul/ tshe gcig la rdzogs pa'i tshul lo/
/dang po ni/ bye brag yan lag bcu gnyis gnas skabs pa/ /dod

Sheja Dzo Chapter 6.2 volume2 (page 431)

khams skye ba gnyis la rdzogs pa ni/ /'phen byed gnyis kyis 'phangs pa'i yan lag lnga/ /'grub pa gnyis dang grub pa'i yan lag gsum/ /'phen grub bzhi la rgyu 'bras rim pa gcig /sa bon 'debs dang gso ba shes phyir gsungs/ /rten 'brel spyi'i 9aa: 216 ba) don bshad pa sngon du song nas bye brag yan lag bcu gnyis ji ltar 'byung ba'i rim pa bshad pa la/ gnas skabs pa'i rten 'brel la 'dod khams skye ba gnyis pa rdzogs pa'i tshul dang/ gsum la rdzogs pa'i tshul gnyis bcom ldan 'das kyis mdo sde rnams las rgya cher gsungs shing dgos pa so sor yod pas de gnyis 'dra 'dres su bsre bar mi bya bar thog mar shes dgos so/
/de la skye ba gnyis la rdzogs pa'i tshul ni/ 'phen byed kyi yan lag ma rig pa dang 'du byed gnyis/ 'phangs pa'i yan lag rnam shes/ ming gzugs/ skye mched/ reg tshor lnga/ 'grub pa'i yan lag sred len gnyis/ grub pa'i yan lag srid skye rga shi gsum ste 'phen grub kyi tshul bzhi la rgyu 'bras kyi rim pa tshar gcig rdzogs pa'o/
/de la 'phen byed dang 'grub pa'i yan lag gnyis ni sa bon 'debs pa rtogs pa dang/ 'phangs grub kyi yan lag rnams ni sa bon de gso bar shes par bya ba'i phyir du rnam gzhag de lta bu gsungs par mdzad do/
/gsnyis pa ni/ sngon dang phyi mthar gnyis gnyis bar mthar brgyad/ /rgyu 'bras tshar gnyis 'dod skye gsum la sogs/ /rmongs pa rnam gsum zlog phyir rgya cher bstan/ /ma rig pa dang 'du byed gnyis sngon gyi mtha' dang/ skye ba rga shi gnyis phyi ma'i mtha' ste sngon dang phyi mthar gnyis gnyis/ bar gyi mthar rnam shes nas srid pa'i bar brgyad de/ de'ng ma rig pa dang 'du byed gnyis rgyu dang/ de las rnam shes nas tshor ba'i bar yan lag lnga 'byung ba ni rgyu 'bras kyi rim pa tshar gcig dang/ yang rgyu sred pa dang len pa gnyis las/ 'bras bu srid pa dang/ skye ba dng/ rga shi rnams 'byung

Sheja Dzo Chapter 6.2 volume2 (page 432)

ba ni rgyu 'bras kyi rim pa tshar gcigste rgyu 'bras tshar gnyis 'dod khams kyi skye ba gsum la rdzogs pa'i tshul 'di ni/ (aa: 217 na) sems can rnams sngon dang phyi ma dang da lta'i mtha' la rmongs pa rnam pa gsum bzlog pa'i phyir du sangs rgyas kyis rgya cher bstan par mdzad do/
/gsum pa ni/ mthong chos myong 'gyur tshe gcigrdzogs pa'ng yod/ /mthong chos myong 'gyur gyi dbang du byas nas yan lag bcu gnyis tshe gcig la rdzogs pa'ng yod de/ dper na mtshams med byas pa'i sems can dmyal bar 'gro ba'm/ ma rig pas kun nas bslangs te skyes pa zhig gis bud med kyi skye ba thob 'dod kyi bsam pa drag pos las zhig 'du byas nas/ las des rnam shes la der skye ba'i sa bon yongs su bzhag de'i ming gzugs dang/ skye mched drug dang/ reg pa dang/ tshor ba'i yan lag gi sa bon rnams kyang rim gyis yongs su bzhag pa las/ dus nam zhig gi tshe/ des bsnyen bkur la sred pa dang/ des kun nas bslangs pa'i bsnyen bkur sgrub 'dod kyi len pas dgra bcom pa'i dge 'dun zhig la 'di dag ni bud med kyi tshogs pa'i zhes ngag rtsub mos skur ba btab pa'i las byas pa las/ bud med du skye 'gyur gyi las sngar bzhag pa de nyid shin tu stobs dang ldan par gyur nas mthong ba'i chos de nyid la mtshan yongs su 'gyur te bud med du 'dzin pa ni skye ba dang/ der gyur zin pa na rga shi'i yan lag ste tshe gcig pa de nyid la rdzogs pa lta bu'o/
/gnyis pa skad cig ma'i rten 'brel ni/ bya rdzogs skad cig gcig la rdzogs pa ni/ /srog gcod bzhin te de yi rten 'brel yin/ /bya ba rdzogs pa'i skad cig ma gcig la yan lag bcu gnyis rdzogs par tshang ba ni/ dper na srog bcod pa bzhin te/ de ni skad cig ma'i rten 'brel yin no/
/de'ng srog gcod la mtshon na/ ma rig pas kun nas bslangs pa'i zhe sdang gi bsam pas

Sheja Dzo Chapter 6.2 volume2 (page 433)

sems can gcig gsod par byed pa'i dus kyi 9aa: 217 ba) nyon mongs pa de rnams ni ma rig pa'i yan lag gsod pa'i bya ba ni 'du byed kyi yan lag des rang sems ngan par btang nas dmyal ba lta bu zhig tu skye 'gyur gyi bag chags rnam shes la gos pa ni rnam shes kyi yan lag de'i tshe rang rgyud kyi phung po lnga dang/ skye mched drug las ngan pa des rnam par gos pa'i cha ni de dag gi yan lag de'i dus su yul dbang rnam shes gsum 'dus pa'i yul yongs su bcod pa ni reg pa'i yan lag de'i skabs su gsad bya de gsod par myong ba ni tshor ba'i yan lag de'i dus su gsod pa'i bya ba de la mngon par sred pa ni sred pa'i yan lag sred pas bya ba de sgrub par 'dod pa ni len pa'i yan lag des skye ba phyi ma'i yang srid kyi bag chags btab pa ni srid pa'i yan lag de'i dus kyi phung po yongs su 'gyur ba'i cha ni skye ba dang rga shi'o/
/gsum pa 'brel ba can gyi rten 'brel bshad pa la'ng gnyis/ rje btsun byams pa'i gzhung gi don dang/ slob dpon dbyig gnyen gyi gzhung gi don no/
/dang po la gsum/ dbye ba/ bsdu ba/ rgyu bdun du bstan pa'o/
/dang po ni/ 'brel ba can ni dbus mtha' rnam 'byed las/ /skye ba rga shi bsdoms nas bcu gcig dbye/ /'brel ba can gyi rten 'brel ni/ dbus mtha' rnam par 'byed pa las/ ma rig pa/ 'du byed sogs nas/ skye ba dang rga shi phyogs su bsdoms nas yan lag bcu gcig tu dbye bar mdzad de/ de'ng skye ba rten gyi sdug bsngal/ rga shi dang yid mi bde ba dang smre sngags 'don pa sogs sdug bsngal gyi phung po rnam pa sna tshogs pa ni de la brten pa'i sdug bsngal yin pas gcig tu bsdoms pas te/ dbye ba bcu gcig po 'di ni tshe gsum la tshar gcig rdzogs pa'i rnam gzhag bstan pa (aa: 218 na) yin no/
/gnyis pa ni/ ma rig sred len nyon mongs 'du sred las/ /lhag ma

Sheja Dzo Chapter 6.2 volume2 (page 434)

sdug bsngal skye ba'i kun nyon gsum/ /las nyon rgyu 'bras lnga bdun gnyis su bsdu/ bsdu ba la nyon mongs gsum du bsdu ba dang/ /gnyis su bsdu ba gnyis las dang po ni/ mgon po klus kyang/ dang po brgyad pa dug nyon mongs/ /gnyis pa bcu pa las yin te/ /lhag ma bdun ni sdug bsngal lo/
/zhes gsungs pa dang mthun te/ ma rig pa dang/ sred pa dang/ len pa gsum ni/ nyon mongs pa'i kun nas nyon mongs pa dang/ 'du byed dang srid pa gnyis las kyi kun nas nyon mongs pa dang/ lhag ma bdun sdug bsngal rnams skye ba'i kun nas nyon mongs pa'i/ /de dag kyang dbu ma rten 'brel snying po las/ gsum po dag las gnyis 'byung ste/ /gnyis las bdun 'byung bdun las kyang/ /gsum 'byung srid pa'i 'khor lo de/ /nyid ni yang dang yang du 'khor/ /zhes pa ltar nyon mogns gsum gyis las gnyis byas pa las gzhi bdun 'byung zhing/ de dag las kyang nyon mongs pa 'byung bas sgo nga las bya dang bya las sgo nga ltar phan tshun 'khor ba'i tshul gyis 'byung ba'i phyir ro/
/gnyis pa ni/ ma rig pa dang/ 'du byed dang/ sred pa dang/ len pa dang/ srid pa ste las nyon gyis bsdus pa de rnams ni rgyu'i kun nas nyon mongs pa lnga dang/ lhag ma ni 'bras bu'i kun nas nyon mongs pa bdun te/ de ltar rgyu 'bras kyi kun nyon gnyis su bsdu'o/
gsum pa ni/ 'phen grub rgyu bdun tshe gnyis rdzogs par bstan/ /yang 'phen grub rgyu bdun du bstan pas tshe gnyis la rdozgs tshul gyi rnam gzhag kyang yod de/ ma rig pa ni/ yang dag pa'i gnas lugs mthong ba la gegs byed cing phyin ci log skyed par byed pa'i rgyu dang/ 'du byed ni kun gzhi'i steng du las kyi bag chags 'dibs par byed pa'i rgyu (aa: 218 ba) dang/ rnam shes ni skye gnas su 'khrid par byed pa'i rgyu dang/ ming gzugs dang skye mched drug ni ris mthun gyi lus kun tu 'dzin par byed pa'i

Sheja Dzo Chapter 6.2 volume2 (page 435)

rgyu dang/ reg pa dang tshor ba ni yul la nye bar longs spyod pa'i rgyu dang/ sred pa dang len pa srid pa gsum ni yang srid phyi ma yongs su sdud par byed pa'i rgyu dang/ skye ba dang rga shi ni sdug bsngal gyis skye zhing nges par 'byung ba'i rgyu byed pas rgyu bdun te/ de las ma rig pa/ 'du byed/ rnam shes gsum 'phen byed kyi yan lag ming gzugs skye mched reg tshor bzhi 'phangs pa'i yan lag bcas 'phen pa'i rten 'brel ni skye ba snga ma la rdzogs/ sred len srid pa skye ba rga shi lnga po grub pa'i yan lag skye ba phyi ma la rdzogs par bstan pa'o/
/gnyis pa slob dpon dbyig gnyen gyi gzhung gi don ni/ dbyig gnyen zhabs kyis 'phen grub bzhi ldan de/ /gang gis 'phen dang ji ltar 'phen pa'i tshul/ /gang 'phangs gang gis grub dang ji ltar grub/ /gang 'grub nyes pa bdun du dbye bas 'chad/ /mkhas mchog dbyig gnyen zhabs kyis rten 'brel mdo 'grel las/ 'phen grub bzhi ldan gyis rten 'brel tshe gnyis la rdzogs pa'i rnam gzhag la nang gses rnam par phye ste don bdun du ston pa ni/ 'phen pa'i rten 'brel la'ng/ gang gis 'phen pa dang/ tshul ji ltar 'phen pa dang/ gang 'phangs pa dang gsum du rnam par phye ba dang/ 'phangs pa de 'grub par byed pa'i rten 'brel la'ng/ gang gis grub pa dng/ tshul ji ltar grub pa dang/ gang 'grub pa dang gsum du rnam par phye ba yin la/ de'i steng du nyes dmigs gang yin pa bstan pa ste/ don bdun po de dag rnams kyang rten 'brel yan lag bcu gnyis kyi rim pa dang sbyar nas 'chad par mdzad do/
de'ng gang gis 'phen pa ni/ ma rig pa (aa: 219 na) dang/ des kun nas bslangs pa'i 'du byed yan lag gnyis kyis yin la/ tshul ji ltar 'phen pa ni/ rnam shes kyi yan lag gcig nyid la/ 'du byed kyi yan lag gis las kyi sa bon btab pa'i tshul gyis 'phen pa dnag/ gang 'phangs na ming gzugs dang/ skye

Sheja Dzo Chapter 6.2 volume2 (page 436)

mched drug dang/ reg pa dang/ tshor ba ste bzhi po de rnams 'phangs pa yin no/
/de ltar yan lag bdun po de rnams kyis yang srid phyi ma zhig gi sa bon smin cing yongs su 'phangs pa yin kyang/ sa bon de nyid nus pa mthu can tsam du byas pa las/ yang srid de myur du 'grub par ma nges pa la skye ba rting ma lta bu dus myur ba zhig la yang srid 'grub nges su byed pa ni 'grub pa'i yan lag ste/ de yang gang gis 'grub pa ni/ srid pa dang/ len pa'i yan lag gnyis srid yin pa dang/ tshun ji ltar 'grub pa ni/ sngar 'phangs pas yang srid kyi sa bon de nyid yan lag gi nus pa mthu can du byas pa'i tshul gyis dang/ gang 'grub na/ yang srid phyi ma skye ba'i yan lag gcig nyid do/
/don bdun pa nyes dmigs gang yin pa/ rga shi'i yan lag gcig gis bstan to/
/'di rnams kyang gtso che ba dper smos pa tsam yin gyi gzhan ni nges pa med de/ tshe rabs mang pos skye ba gcig 'phen pa dang/ las 'ga' zhig gi rnam par smin pa'i lus bskal ba brgya'i pha rol la sogs par 'byung ba srid pa'i phyir dang/ tshe gcig la rdzogs pa'ng gong du smos pa ltar te/ de'i go rim dang po gsum gyi rjes su sred len srid pa gsum sbyar ba sogs go rim dkrugs pa'i tshul 'di ni shin tu mi 'thad pa jo nang rje btsun chen pos gsungs so/
/zhar byung du khams gang rten 'brel gang yod cing de rnams kyang sa btshungs pa'm mi mtshungs pa ji ltar yin snyam na/ 'dod pa'i khams na yan lag bcu gnyis po rdzogs par yod la/ (aa: 219 ba) khams gong ma gnyis na bcu gnyis po phyogs re yod de de na rga ba ji ltar yod na 'du byed rnams rnying pa dang dengs pa'o zhes 'chad pas so/
/gzugs med na ni rten 'brel gzugs can rnams med de/ /khams gsum gyi sa dgu po'ng rang sa dang 'og sa dang gong sa gsum mam 'chi sa dang skye sa dang sa gnyis ka ma yin pa dang gsum du 'du'o/
/de

Sheja Dzo Chapter 6.2 volume2 (page 437)

la ma rig pa las gzhan pa'o yan lag gcig ni gang du skye bar 'gyur ba de'i sa pa kho nar mtshungs/ ma rig pa ni/ 'dod pa nas 'dod par skye na 'dod par gtogs pas thams cad sa mtshungs shing/ sa gong ma brgyad rang sa nas rang sar skye ba la ni ma rig pa rang gi sa pa med de/ de rnams su skye ba 'phen pa'i las ni zhi rags su sgom pa yin la/ rang nyid rang sa dang zhi rags su sgom pa med pa'i phyir ro/
/'on kyang zhib mor byas na de la'ng khyad par mang du bshad pa ni mkhas mchog dpyig gnyen gyi gzhung sogs las rtogs par bya'o/
/bdun pa rten 'brel gyi don bsdu ba la gsum/ skye 'gag rtogs pa rten 'brel las byung tshul/ de bden gnyis su bsdu ba/ zab 'gal lnga yis rtogs par dka' ba'i tshul gyi zhar byung rtogs na phan yon dang ldan par bshad pa'o/
/dang po ni/ byas min mi rtag sa bon mthu ldan pas/ /dngos rnams skye 'gag rten 'brel rtogs las 'byung/ /dngos po rnams skye 'gag byed pa ni/ byed pa po'i blo'i rnam par rtog pa'i gyo bas byas pa ma yin pa dang/ rtag cing brtan pa la rgyu rkyen gyi skye 'gag mi rung bas mi rtag pa'i chos rnams skye zhing 'gag pa'i rang bzhin can yin pa dang/ dngos po rnams ni sa bon mthu dang ldan pa yin pas/ rang rang gi 'bras bu skyed du rung ba'i rgyu las ske ba ste/ de ltar mtshan nyid gsum dang ldan pa'i tshul gyis dngos (aa: 220 na) po rnams skye 'gag byed pa ma shes pas phyi rol pa sogs ky rtag chad sna tshogs su smra bas na rten brel gyi don rtogs na de nyid shes par 'gyur ba dang/ de gsum shes pas kyang rten 'brel al nges pa rnyed par 'gyur ro/
/gnyis pa ni/ snang tsam kun rdzob de yi chos nyid ni/ /don dam rten 'brel tsam 'jog shin tu phra/ /'di ltar snang ba tsam ni stong nyid rten 'brel du shar ba kun rdzob kyi rten 'brel/ de yi chos nyid ni snang yang bden par ma grub

Sheja Dzo Chapter 6.2 volume2 (page 438)

pa don dam stong pa nyid kyi rten 'brel sgras brjod tsam du 'jog pas gnad 'di ni shin tu zab cing phra ba'i phyir sangs rgyas kho na'i mkhyen pa'i yul te/ gsung chos 'khor thams cad kyi'ng rtse mor gyur pa ni rten 'brel gyi tshul 'di yin pas smra ba rnams kyi mchog dam pa zhes bsngags par mdzad pa yin ni/ /des na rten 'brel gyi rnam gzhag ji snyed pa'ng bden pa gnyis kyi ngo bor 'dra bar shes par bya'o/
/gsum pa ni/ rgyu dang mtshan nyid skye gnas 'byung bas zab/ /'gal ba ltar snang lnga yis rtogs par dka'/ /ston pa thams cad mkhyen pa ma yin par gzhan gyis don 'di mi rtogs pa'i rgyu mtshan ni/ rgyus zab pa/ mtshan nyid kyis zab pa/ skye bas zab pa/ gnas pas zab pa/ 'byung bas zab pa ste lnga dang/ skad cig pa'ng yin la gnas par yang dmigs/ gyo ba med pa'i rkyen las byung ba yang yin la nus pa so sor nges pa yang dmigs/ sems can med pa yang yin la sems can du yang dmigs/ byed pa po yang med la las chud mi za bar yang dmigs/ mtha bzhi las kyang mi skye la byed pa don gzhan la ltos med du yang 'byung ba ste 'gal ba ltar snang ba lnga yis shin tu rtogs par dka' 'o/
/de lta bu'i rten 'brel zab mo'i don shes pa ni dgos pa rgya chen po dang ldan te/ stong nyid dang (aa: 220 ba) rten 'brel dbyer med pa'i lta ba rnam par dag pa la brten nas rdzogs pa'i sangs rgyas kyi go 'phang thob par 'gyur bas so/
/de skad du'ng/ bzhi brgya pa las/ rten cing 'brel bar 'byung ba ni/ /mthong na gti mug 'byung mi 'gyur/ /de phyir 'bad pa kun gyis 'dir/ /gtam de kho na bsnyad par bya/ /zhs dang/ bshes spring las/ rten cing 'brel bar 'byung 'di rgyal rnams kyi/ gsung gi mdzod kyi gces pa zab mo ste/ /gang gis 'di ni yang dag mthong ba des/ /chos mthong

Sheja Dzo Chapter 6.2 volume2 (page 439)

de yis de bzhin gshegs pa mthong/ /zhes gsungs pa ltar ro/
/brgyad pa rten 'brel gyi de kho na nyid bstan pa la gsum/ bdag med pa'i de kho na nyid dang/ nang gi de kho na nyid dang/ rang bzhin med pa'i de kho na nyid do/
/dang po ni/ chos kun bdag med rten cing 'brel 'byung tsam/ /'khor ba dang lam dang 'bras bu'i chos kun rdzob pa'i cha thams cad rgyu dang rkyen 'dus pa las skyes pa'i phyir/ mi rtag pa dng/ sdug bsngal ba dang/ stong pa dang/ bdag med pa yin pa las/ dang po mi rtag pa ni/ dngos rnams skad cig gis skye 'gag byed pa phra ba'i mi rtag pa yin la/ de'ng skyes zin pa'i rjes su 'jig pa ma yin gyi/ skye bzhin pa'i de kho na nyid 'jig bzhin pa yin pa'i phyir/ bar du gnas pa'i go skabs cung zad kyang med pas ni skye bzhin pa dang 'jig bzhin pa mu sbyor ba yin no/
/sdug bsngal ba ni mi rtag pa yin pa'i rgyu mtshan gyis sdug bsngal can du grub ste/ skad cig tsam yang gnas pa'i rang dbang med pa'i phyir ro/
/stong pa ni/ phyi nang gi dngos po gang la'ng rang rang gi rgyu rkyen mi rtgag pa'i rang bzhin can sna tshogs pa du ma las 'bras bu'ng mi rtag pa'i rang bzhin can sna tshogs pa 'byung ba tsam yin gyi/ bdag dang byed pa po nam yang med pas na stong pa yin pa 9aa: 221 na) dang/ bdag med pa ni chos 'di rnams byed pa po bden par grub pa zhig gis byas pa ma yin par rgyu rkyen la ltso nas brtag pa'i rten cing 'brel bar 'byung ba tsam du sna ba'o/
/gnyis pa ni/ bden med rnam rig nang gi de nyid dang/ /de ltar bdag med pa yin kyang/ nang shes pa dang phyi dngos po'i rten 'brel rnams de nyid du bden no snyam na/ rten cing 'brel bar 'byung ba'i chos thams cad ni

Sheja Dzo Chapter 6.2 volume2 (page 440)

bcos ma glo bur ba yin pas de nyid du bden dngos su grub pa cung zad kyang med de/ phyin ci log tu 'khrul ba'i tshul min yid byed kyi rnam par rtog pa'm rnam par rig pa tsam gyi mthu las byung ba ni nang gi de kho na nyid ces bya'o/
/gsum pa ni/ de yang gdod nas ma grub snang tsam pa/ /mi 'gal gnyid kyis bslad pa'i shes pa bzhin/ /rang bzhin med pa'i de kho na nyid yin/ /'od gsal ye shes rten 'brel yul las 'das/ /bya byed ltos bzhag dag las grol phyir ro/
/rnam par rig pa tsam de'ng gdod ma nas yod ma myong bas bden par grub pa med kyang snang tsam zhig mi 'gal te/ dper na gnyid kyis bslad pa'i rmi lam gyi shes pa la ri rab khang khim sogs sna tshogs su shar ba'i snang ba de rnams ni yod ma myong yang gnyid log pa'i shes pa tsam zhig gnas skabs der yod pa bzhin/ yul dang don gyi rnam pa ji snyed pa shar yang de rnams ni gdod ma nas bden par grub ma myong yang/ de rnams 'char ba'i gzhi rnam par rtog pa tsam zhig gnas skabs der yod la/ de'ng rmi lam gyi me gdod nas yod ma myong ba yin kyang/ des bud shing tshig par snang ba gzhi du yod med rtag chad kun las 'das pa yin te/ rgyu rkyen rten 'brel gyi rnam pa sna tshogs pa snang tsam du shar bas na med pa las 'das shing/ de ni rang bzhin du ma grub pas na yod pa las kyang 'das pa yin no/
/(aa: 221 ba) de bzhin du rgyu rkyen rten 'brel gyi snang ba rnams snga ma snga ma 'gag cing/ phyi ma phyi ma skye ba mi rtag pa'i rang bzhin can yin pas na rtag pa'i mtha' las kyang 'das shing/ rgyu rkyen las snang ba tsam gyi 'char sgo 'gag med du 'byung ba'i phyir chad pa'i mtha' las 'das pa ni rang bzhin med pa'i de kho na nyid yin no/
/de'i phyir kun btus las/ bdag las ma yin/ /gzhan las ma yin/ gnyis ka las ma yin/ rgyu med las ma yin/ bdag gi rang bzhin du ma grub/ gzhan

Sheja Dzo Chapter 6.2 volume2 (page 441)

gyi rang bzhin du ma grub/ gnyis ka'i rang bzhin du ma grub bo/
/zhes gsungs pa ste/ ma rig pa'i rkyen gyis 'du byed 'byung ba de yang/ ma rig pa'i bdag nyid gcig pu las byung ba yang ma yin te/ rgyu gcig kho nas 'bras bu du ma skye mi nus pa'i phyir dang/ gzhan gyi dngos po las 'byung ba yang ma yin te/ rang rgyu la ltos pa'i phyir dang/ gnyis ka las kyang ma yin te bdag gzhan re re ba khyegs pa'i phyir dang/ rgyu med las ma yin te/ 'bras bu skye ba rgyu la nges par ltos pa mngon sum du mthong ba'i phyir ro/
/kha cig gis klu sgrub zhabs kyi rten 'brel rnam gzhag dbu ma lugs yin la/ thogs med sku mched gnyis kyis gzhan skye khas blangs pa'i phyir sems tsam lugs yin no zhes khyad par 'byed par rloms pa ni/ kun btus kyi lung bshad ma thag pa des mi 'thad par rtogs nus la/ spyir ni gzhan las skye ba ni kun rdzob tsam du gzhan skyer snang ba yin la/ spyir ni gzhan las skye ba ni kun rdzob tsam du gzhan skye bkag pa yin pas so/
/deng sang klu sgrub kyi lung don skyong bar bzhed pa dag mgrin gcig tu stong nyd rten 'brel yin khyab mnyam du khas len kyang/ don dam rang bzhin 'od gsal ba'i ye shes ni rten 'brel las 'das par go dgos te/ de sgra rtog gi yul las 'das pa'i phyir/ de la (aa: 222 na) rgyu 'bras bskyed bya skyed byed dang/ rnam par gzhag bya 'jog byed kyi ltos bzhag grol ba'i phyir/ de yang rang bzhin 'od gsal de ni/ rang gi ngo bo rgyu gang gis kyang skyed pa ma yin pa'i rang bzhin lhun grub gdod ma'i ye shes yin pa dang/ des 'bras bu gzhan dang gzhan dag skyed pa'i rgyu'i bya ba mi byed pa'i phyir ro/
/ye shes de sgra rtog gi yul yang ma yin te/ sngar po ta la mthong ma myong ba zhig gis de'i mtshan nyid ji tsam brjod cing brtags kyang/ ji bzhin pa nam yang mtshon mi nus pa bzhin du rang bzhin 'od gsal yang sgra rtog gis ji tsam du

Sheja Dzo Chapter 6.2 volume2 (page 442)

brtags shing rnam par gzhag kyang/ de'i mtshan nyid ji lta ba bzhin dngos brgyud gang gi sgo nas kyang mtshon mi nus so/
/de ltar na ltos 'jog gi rten 'brel 'di rnams spyi mtshan yin la/ rjod byed sgra'i dngos kyi brjod bya yin pas rang mtshan gyi dngos po 'di rnams la'ng mi ldan na/ rang bzhin 'od gsal de'i yul las 'das pa lta smos kyang ci dgos pas so/
/don dam rten 'brel min kyang rten 'brel sgom pa la brten nas don dam rtogs pa ni mi 'gal te chos thams cad rten cing 'brel bar 'byung ba khas blangs pa'i phyir ro/
/rten 'brel gyi rnam gzhag 'di'ng mtshan nyid gsum las 'phros don du bshad pa dang/ rgyas pa'i khong du bsdus pa 'du ba'i phyir thogs med sku mched kyi gzhung lugs gtso bor bshad pa yin no/
/theg pa che chung shes bya spyi'i gnas rnam par gzhag pa'i skabs gnyis pa'i 'grel pa'o/
/