Sheja Dzo Chapter 7 beginning Wylie
Sheja Dzo Chapter 7.1 volume 3 (page 1)
bdun pa/ lhag pa shes rab kyi bslab pa rim par phye ba/ 1. 'jal byed kyi lde'u mig rnam par nges pa'i skabs/ de ltar shes bya spyi dang bye brag zab pa dang rgya che ba'i gnas ji ltar thos pa de dag gi don bsam pa'i rtog dpyod kyis rnam par nges par bya dgos pas gnas bdun pa bsam pa'i rim par phye ba la skabs bzhi/ 'jal byed lde'u mig rnam par nges pa/ 'khor lo gsum gyi drang gnes dang bden gnyis rten 'brel rnam par nges pa/ gtso bo lta ba rnam par nges pa/ blo ldog rnam bzhi rnam par nges pa'o/
/dang po la gnyis/ spyir bsam byung gi shes rab bskyed tshul/ bye brag 'jal byed kyi lde'u mig bshad pa'o/
/dang po ni/ thos don bsam pas rnam par nges bya ste/ /de yang rtog dpyod yid kyis brjod pas so/
/de ltar thos pa'i don nyid bsam byung gi shes rab kyis rnam par nges par byadgos te/ gnas skabs su tha snyad kyi tshig don rnams la'ang legs par bsam zhing brtag dpyad zhib mos the tshom gyi sgro 'dogs bcad de lan cig thos pa'i skabs su don rags par go ba ltar snang yang ji bzhin gtan la pheb pa'i nges pa (hung 1 ba) med pas/ tshig don re re'i steng du'ang lung rigs du ma spungs nas dpyad pas gdod nges pa'i shes pa yang dag par skye bar 'gyur ro/
/bsam pa'i tshul ji ltar na rags par rtog
Sheja Dzo Chapter 7.1 volume 3 (page 1)
pa dang zhib mor dpyod pa ste gnyis ka yid kyi brjod pa zhes bya la/ de dag gis shes bya'i gnas 'jal ba'o/
/sems pa dang 'grogs 'jig rten rtog pa ste/ /shes rab dang 'grogs 'jig rten 'das pa'o/
/'dpyod pa zhib mor so sor rtog pa'i sems/ /de la dang po kun tu tshor ba'i yid kyi brjod pa zhes bya ba rtog pa ni/ shes bya'i gnas la sems pa dang shes rab kyi bye brag gang zhig/ bum pa'o/
/snam bu'o zhes 'ol spyi tsam du shes pa'i sems rtsing ba ste/ de la dbye na/ rnam par rtog pa'am sems tsam dang 'grogs pa 'jig rten pa'i rtog pa dang/ gnas lugs kyi don la blo gros zhugs pa'i shes rab dang 'grogs pa 'jig rten las 'das pa'i rtog pa gnyis so/
/gnyis pa so sor rtog pa'i yid kyi brjod pa zhes bya ba dpyod pa ni/ shes (hung 2 na) bya'i gnas la sems pa dang shes rab kyi bye brag gang zhig bum pa bzang po'o/
/bum pa ngan pa'o/
/snam bu'i kha dog bzang ngo/
/ngan no sogs tshul ji bzhin par zhib mor so sor rtog cing gtan la pheb pa'i sems zhib pa ste/ dbye ba snga ma dang mtshugns so/
/de ltar na bsam byung gi shes rab ni thos pa'i gnas la rtog dpyod kyis bskyed pa yin no/
/gnyis pa bye brag 'jal byed lde'u mig bshad pa la gnyis/ mtshams sbyor gyi tshul gyis rnam grangs mdor bstan/ de'i don rgyas par bshad pa'o/
/dang po ni/ de la 'jal byed gces pa'i lde'u mig dang/ /gzhal bya'i dam chos rin chen mdzod khang gnyis/ /'jal byed thun mong drang nges dgongs ldem dgongs/ /rton dang rigs pa bzhi rnams gtso bor gyur/ /de la bsam par bya ba'i tshul mdor bsdu na gang gis 'jal byed gces pa'i lde'u mig lta bu dng/ gang zhig gzhal bar bya ba dam chos rin po che'i mdzod khang lta bu gnyis su nges pa las/ dang po la thun mong dang thun mong ma yin pa gnyis su
Sheja Dzo Chapter 7.1 volume 3 (page 1)
yod pa'i 'jal byed thun mong ba ni drang nges dang dgongs ldem dgongs bzhi dang/ rton pa bzhi dang/ rigs pa bzhi rnams gtso bor gyur pa yin no/
/gnyis par rgyas par bshad pa la gnyis/ thun mong dang/ thun mong ma yin pa'o/
/dang po la bzhi ste/ drang nges gnyis/ dgongs ldem dgongs bzhi/ rton pa bzhi/ rigs pa bzhi bshad pa'o/
/dang po ni/ chos can gang zag sems can skye 'gag dang/ /phung khams la sogs gshis la 'jug pa'i thabs/ /rjod byed dang bcas kun rdzob drang ba'i don/ /de la chos can snang tshod thun mong du grags pa gtshor byas pa gang zag dang sems can dang/ phung khams skye mched la sogs pa dang/ de dag gi skye 'gag 'gro 'ong la sogs pa gshis la 'jug pa'i thabs su smra bsam brjod pa'i (hung 2 ba)f rim pas gzhal zhing sgro btags nas bstan pa dang/ de rjod byed kyi gsung rab dgongs 'grel dang bcas pa'ang kun rdzob drang ba'i don ces bya ste/ 'phags pa ting nge 'dzin rgyal po las/ ston pa bde bar gshegs pas gsungs pa ltar/ nges don mdo sde dag gi bye brag shes/ /gang la sems can gang zag skyes bu bstan/ /chos de thams cad drang ba'i don du shes/ /zhes pa dang/ 'phags pa blo gros mi zad pas bstan pa'i mdo las/ nges pa'i don gyi mdo sde ni gang/ dang ba'i don gyis mdo sde ni gang zhe na/ mdo sde gang dag lam la 'jug pa'i phyir bstan pa de dag ni drang ba'i don ces bya'o/
/zhes dang/ mdo sde gang dag bdag dang/ sems can dang/ srog dang/ skyes bu dang/ gang zag dang/ shes las skyes pa dang/ shed bdag dang/ byed pa po dang/ tshor ba po dang/ sgra rnam pa sna tshogs su bshad pa dang/ bdag po med pa la bdag po dang bcas ar bstan pa de dag ni drang