pad ma 'byung gnas

pad ma 'byung gnas

mkhan slob chos gsum gyi nang gses/ slob dpon chen po pad ma 'byung gnas ni o rgyan gyi yul du sku 'khrungs/ rgyal po indra bo dhis spyan drangs te pad ma 'byung gnas dang mtsho skyes rdo rje zhes mtshan gsol/ za hor gyi yul du byon nas slob dpon pra bha hasti las rab tu byung nas mtshan shAkya seng ger grags/ rig 'dzin chen po brgyad las sgrub pa sde brgyad/ sangs rgyas gsang ba las sgyu 'phrul/ shri sengha las rdzogs chen gtso bor gyur pa'i mdo rgyud rgya mtsho'i gnas la gsan bsam gyi pha rol tu phyin/ za hor dang o rgyan gyi yul rnams su gdul bya skal bzang rnams chos la bkod cing mtshan pad ma rgyal por grags/ dus rabs brgyad pa'i dkyil tsam la bod rgyal khri srong lde btsan gyis spyan drangs te bod du phebs/ dpal bsam yas mi 'gyur lhun gyis grub pa'i gtsug lag khang bzhengs/ bod phrug shes rab can rnams la lo tsA bslabs/ 'phags yul nas pan chen bi ma mi tra sogs mkhas grub kyi skyes bu mang po gdan drangs/ mdo sngags kyi bka' dang bstan bcos gtso che ba rnams bod skad du bsgyur/ mnga' bdag rgyal po dang/ ye shes mtsho rgyal sogs las can gyi skyes bu rnams la bka' brgyad dang rdo rje phur ba man ngag lta phreng sogs gsang sngags kyi chos kyis smin cing grol bar mdzad/ rgyu mtshan nyid kyi theg pa'i bshad grA dang/ 'bras bu gsang sngags rdo rje theg pa'i sgom grA btsugs/ rab byung ngur smrig gi sde dang/ gos dkar lcang lo'i sde zhes dge 'dun gyi sde gnyis dar rgyas su btang ba sogs phyag rjes 'gran zla dang bral bar mdzad/ mthar lho nub rnga yab gling du byon nas srin po'i rgyal po raksha thod phreng rtsal zhes su grags so/

{{#arraymap:pad ma 'byung gnas

|; |@@@ | | }}