srong btsan sgam po

srong btsan sgam po

gnam ri srong btsan dang tshe spung bza' gnyis kyi sras/ bod rgyal gdung rabs so gsum pa 'di'i ring la po ta la'i ri la pho brang brtsigs/ bod yig gi srol btod/ sangs rgyas kyi chos thog mar bod yig tu bsgyur/ bka' yi khrims yig chen po rnam drug mdzad pa ste/ de yang dang po bod yul ru chen lnga ru phye ba dang/ yul gyi dbang ris rnam pa bco brgyad bcad pa/ rgod kyi stong sde drug cu rtsa gcig phye ba/ g.yung gi mi sde kheng dang yang kheng phye ba/ zhang gsum blon bcas dbus kyi 'dun sa 'dzin pa/ dpa' sde gsum gyis mtha' yi so kha srung ba bcas srid 'dzin gnad drug dang/ gnyis pa bka' 'gros chen po drug gsum pa yig tshangs drug bzhi pa bka' yi phyag rgya drug lnga pa rkyen drug drug pa dpa' mtshan drug bcas drug tshan drug gis bod kyi khos sum cu so drug gtan la phab/ lha chos dge ba bcu dang/ mi chos gtsang ma bcu drug gi srol btsugs nas rgyal srid bzung/ bal bza' khri btsun khab tu bzhes/ lcags glang lor rgya bza' wun shing kong jo btsun mor bsus/ ra sa 'phrul snang gi gtsug lag khang dang/ ra mo che zhes pa'i gtsug lag khang bzhengs/ mi chen gyi bu rnams rgya nag tu yon tan slob tu btang ste rgya nag yul nas chos dang/ sman/ rtsis/ sgyu rtsal/ dpal 'byor sogs kyi srol rgyun sna tshogs bod du drangs/ bod khams dar zhing rgyas par gyur cing/ mes rgyal spun zla mi rigs bar gyi mthun 'brel la phyag rjes mi dman pa mdzad/ thang gi rgyal pos de la mag pa'i cho lo haphu ma du'u we zhes dang mtsho nub ma'i rgyal po shing he'i khyun dbang zhes pa'i cho lo dang/ slar tsung dbang zhes pa'i cho lo yang bskur/ rje 'di dang mongs bza' gnyis la sras gung ri gung btsan byung yang yab rje'i gong du 'das pas rgyal sa dbon sras mang srong mang btsan la bskur/ de dag gi lo tshigs la bzhed tshul mi 'dra ba mang ngo/

{{#arraymap:srong btsan sgam po

|; |@@@ | | }}