'bri gung chos kyi rgyal po

'bri gung chos kyi rgyal po

'bri gung gdan rabs bcu pa 'di nyid gzhung smad 'jon ma yul du yab kun dga' rgyal mtshan dang/yum dbur pa dar 'jam gnyis kyi sras su rab byung drug pa'i shing phag (1335)lor sku bltams/dgung lo brgyad bzhes tshe chos kyi rje rdo rje rgyal po'i drung du rab tu byung/mtshan 'dzam gling chos kyi rgyal por gsol/gsang 'dus/dus 'khor la sogs pa'i bde mchog /gsang 'dus/dus 'khar la sogs pa'i dbang dang gdams pa gsan/dgung lo dgu la 'dul 'dzin rin chen rgyal mtshan gyis mkhan po dang/chos sko ba gzhon du dpal gyis slob dpon sogs kha bskong grangs tshang gi dbus su dge tshul bsgrubs/stag phur chos rje stag chen pa las dgyes rdor la sogs rgyud 'grel du mar gsan sbyong mdzad/dgung lo bcu gcig par rje rdo rje rgyal po las zab mo lnga ldan/nA ro'i chos drug /mos gus srog 'khor/theg chen bstan pa'i snying po/dgongs pa gcig pa/skyob pa'i zab chos sogs bka' brgyud kyi chos rnams gsan/lcags yol (1351)lor 'bri gung gdan khrir mnga' gsol/de nas dpal ldan sa skya la sogs pa nyang stod rnams su phebs te chos kyi 'khor lo rgya cher bskor bar mdzad/dgung lo nyi shu pa la mkhan po sa skya ba 'dul 'dzin kun dga' rgyal mtshan dpal bzang po dang/slob dpon chos lung pa sde snod 'dzin pa chos kyi rgyal mtshan/gsang ston pa bde legs bzang po sogs dge 'dun gyi dbus su rgyal ba'i bstan pa la yongs su rdzogs par mdzad/de nas mkhan po de nyid las 'dus ba/byams chos sde lnga/spyod 'jug la sogs gsan cing/gzhan yang g.yag sde paN chen/rtse chen pa don 'grub (497) dpal bzang lo chen tshul khrims mgon po 'jam dbyangs bsod nams rgyal mtshan sogs rtsod bral gyi mkhas grub du ma bsten nas mdo sngags rgyud sde sogs du ma gsan cing rgyal ba'i gsung rab rgya mtsho'i dgongs don la mkhas par gyur gnas gsum gyi ri khrod 'dzin par rtogs pa mngon du gyur pa rnams brdzongs pa gnang mdo rgod rdzong gi sgrub grwa btsugs pa sogs sgrub brgyud kyi lugs ches cher 'phel bar mdzad dbyar chos dang dgun chos kyi phyag srol sngar bzhin mi nyams rgyas pa'i steng dpyid kyi dus su theg chen bstan snying dgongs pa gcig pa ston gyi dus mos gus srog 'khor sogs dus bzhir zab pa dang rgya che ba'i chos kyi 'khor lo rgya cher bskor de nas karma rol pa'i rdo rje dang mjal nas chos kyi 'bel gtam dang mdo sngags kyi chos zab mo 'ga' zhig snyan ngag sdeb sbyor sogs tha snyad du ma gsan dgung lo nyer dgu pa la rgyal ba'i bsti gnas ri bo shAn+ti zangs lung dang kong phyogs phal cher du phebs nas dad ldan rnams la chos kyi 'brel ba gnang gnas chen tsa ri trar phebs te tshogs kyi 'khor lo lan grangs du mar bskor nas mi ring bar 'bri gung du phyir phebs skabs 'dir shar tsong kha pa blo bzang grags pa mdo smad nas phabs par 'bri gung du byon skabs rje'i drung du chos 'brel gnang rje 'di nyid kyis rgyal ba'i bka' 'gyur rin po che'i glegs bam gsar bzhengs mdzad dgung lo nga gcig pa shing glang (1385)lor yig mkhan du mas shog dkar gyi ngos la bris pa bstan 'gyur dang dwags po bka' brgyud kyi skye mchog rim byon gyi rnam thar gsum 'bum bcas bzhengs dgung lo re gcig pa rab byung bdun pa'i shing phag (1395)laur chos srid kyi khur rnams chos rje don grub rgyal por gtad rje nyid gter sgrom dang lhun po la sogs pa dben gnas rnams su rnal 'byor gyis dus 'da' bar mdzad gsung rtsom yang lnga ldan nor bu'i phreng ba lhan cig skyes sbyor chos drug gi khrid yig ye shes mgon po dang a phyi'i sgrub skor rtogs brjod dang nyams mgur sogs bstan bcos mang du mdzad thugs kyi sras nam mkha' rgyal mtshan sa bzang 'phags pa 'bri gung lo tsam sogs kyis mchog khyad par du ma byung mthar dgung lo don gsum bzhed pa rab byung bdun pa'i me phag (1407)lor sku mya ngan las 'das

{{#arraymap:'bri gung chos kyi rgyal po

|; |@@@ | | }}