'bri gung rig 'dzin chos grags

'bri gung rig 'dzin chos grags

(chung tshang sku phreng dang po )rje rig 'dzin chos grags ni 'bri gung gdan rabs nyer gsum pa yin zhing yab chos rgyal phun tshogs dang yum g.yang khug ma gnyis kyi sras su rab byung bcu pa'i shing lug (1595)lor rtsa bar 'khrungs/bod kyi lo rgyus thug gdung rgyud chen po bzhi yod pa'i nang 'bri gung skyu ri'i rigs sras kyi nang nas chung shos de yin/yab rje'i drung du gtsug phud phul/mtshan dkon mchog phun tshogs zhes gsol/mkhas grub gnyis ldan gyi dge ba'i bshes gnyen du ma'i drung du mdo sngags gnyis kyi gtsos pa'i gzhung lugs la gsan bzhes mdzad pa dang/da bzhin bka' rnying gi bla ma dpa khyad 'phags rnams bsten nas mad sngags rang lugs sogs kyi chos dang thun mong rig gnas la sbyangs pa mdzad nas mkhas grub gnyis ldan gyi go 'phag la mnga' brnyes pa'i mkhas pa'i snyan grags thob/sgrub pa nyams bzhes la brtson par mdzad/re zhig sku sngags 'chang gi chas su bzhugs nas gtsang sde srid kyi sras mo lcam drung khab tu bzhes/lcam drung ma'i bzhugs nas bye ri stag rtse'i pho brang gsar rgyag dang/gdan sa sogs la rten bzhengs mang du mdzad/shing bya (1645)lor bla ma ba log pa sbyin pa phun tshogs kyis mkhan po gnang nas bsnyen par rdzogs/lhag par gso rig thad kyi slob dpon ni tshe yi rig byed 'dzin pa gu Na kA ra'i mtshan can bsten nas dpal ldan rgyud bzhi gtsor gyur gyi gzhung dang man ngag lag len skor rnams thugs rgyud gcig 'dres kyi gdams pa'i gdan rnams ma lus pa mkhyen nas de dag rim bzhis sman dpyad lag len skor la thun mong ma yin pa'i khyad chos mang po nges par rnyed de 'bri lugs zhes pa'i srol gtod thog mar mdzad pa sogs gso rig thad shin tu mkhas par gyur/skabs de dus tA la'i bla ma sku phreng lnga pas 'bri gung chos grags las bka' rnying gi gdams pa khag cag gsan bzhes gnang bar brten rin chen sna lnga las grub pa'i sman bzo'i yo byad ngo mtshar can kha shas 'bul gnang mdzad/rje 'di la rgyud 'dzin zhal slob phul du phyin pa sman rtsis gnyis kar mkhas pa paN chen dkon mchog lhun grub dang/dgon mchog 'gro phan dbang po'am tshe dbang brten pa/lho 'phrin las rnam rgyal sogs slob ma shin tu mang/rje nyid kyi brtsams chos thad grags can (rgyud bzhi'i bka' mchan )dang/(rin chen phyag len/) bshad rgyu rkyang ser skol la sde srid sangs rgyas rgya mtshos bka' 'dri gnang ba'i lan (dka' gnad dogs sel/) 'bri lugs kyi khyad chos rmad du byung ba'i ('bam bcos tshe 'dzin srog skyob/) (rims nad kun gyi gnyen po 'bri lugs sman nag 'phrul 'khor chen mo'i zhal shes phyag len )sogs phul du phyin pa'i sman bcos kyi nyams myong rnams phyi rabs nad pa'i don du 'jog gnang mdzad/dgung grangs re gsum sa phag (1659)lor sku 'das/sman dpyad la mkhas pas sman pa rig 'dzin chos grags zhes zhu mkhan yang yod par snang/rje 'di nas bzung 'bri gung gdan sar skye sprul brtsad gcod zhu srol dar zhing/khong na chung tshang sku phreng dang po yin

{{#arraymap:'bri gung rig 'dzin chos grags

|; |@@@ | | }}