'brug pa pad+ma dkar po

'brug pa pad+ma dkar po

mchims yul dgon gyi grong na yab jo sras klu'i dbang po dang yum chos skyong sgrol ma rnam gnyis kyi sras su rab byung dgu pa'i me phag (1527)lo'i sos ka'i dus mtha' ma lo tog snye ma'i khur gyis lci'i skabs kyi dus bzang po la dge ba'i ltas dang bcas te sku 'khrungs/dgung lo gsum gyi steng rang gi sngon gyi dge ba'i bshes gnyen chen po 'brug pa rin po che ngag dbang chos kyi rgyal po mjal/dgung lo dgu pa'i steng du sngon gyi gnas lho phyogs yangs pa'i rgyal khams su phebs/rin po ma lon par me pho spre'u'i lo rgyal bas cho 'phrul chen po bstan pa'i dga' ba dang po la gdan seng ge'i khri chen por mngon par dbang bsgyur te chos kyi rgyal srid skyong bar mnga' gsol/de nas bzung ste slob dpon shes rab go cha la yi ge'i phyi mo 'bri ba dang glog pa tshul bzhin du bslabs/slob dpon chos grags bstan 'phel ba dang/kun mkhyen bkra shis rnam pa sogs mkhas chen mang po bsten nas thun mong dang thun min gyi rig gnas mkhas par sbyangs/bstan pa'i bdag po kun mkhyen ngag gi dbang por gtsug phud phul/yongs su rdzogs pa'i dge bsnyen gyi sdom pa mnos/dbang lung rjes gnang mang po thob/dgung lo bcu bdun pa mdzes byed kya lo la chos gra chen po dpal 'khor bde chen du kun dga' bkra shis rnam rgyal dpal bzang pos mkhan po mdzad/las slob sde snod 'dzin pa dkon mchog rin chen pa/gsang ston slob dpon sangs rgyas ye shes/grib tshod nyang rang pa/grogs ldan pa dge slong sangs rgyas lhun grub/dad pa'i dge 'dun grangs tshang ba'i dbus dge bsnyen/dge tshul/gsol ba dang bzhi'i las kyi bsnyen par rdzogs pa tshig rdzogs su mnos/ngag dbang kun dga' rnam rgyal nor bu dpal bzang por mtshan btags/byang chub tu sems bskyed pa'i mtshan ni mi pham pad+ma dkar po phyogs las rnam (507) par rgyal ba'i sde'o/_/bstan 'gro'i bya ba mang po mdzad phyi nang rig pa'i gsung rtsom pod bcu bzhi brtsams rang byung bcu pa'i me sprel (1596)lor dgongs pa chos dbyings su bsdus

{{#arraymap:'brug pa pad+ma dkar po

|; |@@@ | | }}