'dul 'dzin dpal ldan bzang po

'dul 'dzin dpal ldan bzang po

rje 'di ni gtsang rta nag mdar rab byung bdun pa'i chu rta (1402)lor 'khrungs/sku gzhon dus snar thar grub pa'i shes rab las rab tu byung/de las bka' gdams kyi chos mang du gsan/lo tsA ba sam g+ha shri las sgra dang/snyan ngag mngon brjod/rtsis sogs tha snyan gyi gtsug lag la sbyar pa mdzad/rje dge 'dun grub pa las sde snod kyi chos dang/rje shes rab seng ge las dpal gsum ba 'dus pa'i rgyun 'grel sogs gsang sngags kyi chos mang du gsan/de bzhin mkhas grub chos rje la sogs pa'i bla ma mang du bsten nas lung dang mngon par rtogs pa'i yon na la mnga' brnyes/rje nyid kyis snar thang la bsten cing gdan sa gong 'og gnyis su yang chos gzhis mdzad de dpal gsang 'dus rgyud 'grel gyi 'chad nyan btsugs/rjes su dga' ldan la phebs te rje'i drung nas dus 'khor 'grel chen gyi bshad pa sogs gsan/dpal gsang ba 'dus pa'i rtsa rgyud le'u bcu bdun pa so so'i rdo rje'i tshig rkang zab mo'i lam 'khrugs pa rnams sgrub pa po'i nyams len gyi rim par bsgrigs pa le'u so so'i dka' gdan mtha' gcod pa'i khungs dang bcas rin po che'i gter mdzad ces pa'i TIka chen mdzad/gtsang du srad rgyud pa'i bla rabs gnyis pa gnang/mkhan chen bzod pa dpal grub gshegs nas rje 'di nyid dgung lo re dgu bzhes pa lcags stag (1470)lor snar thang chos sde'i khrir phebs nas gdan sa lo gsum bskyangs te/dgu ngalo bdun cu don gnyis bzhes rab byung brgyad pa'i chu sbrul (1473)lor sku gshegs

{{#arraymap:'dul 'dzin dpal ldan bzang po

|; |@@@ | | }}