'jam dbyangs mkhyen brtse dbang po

'jam dbyangs mkhyen brtse dbang po

rje 'di nyid la yongs grags su rdzong gsar mkhyen brtse'am dil mgo mkhyen brtse dang/pad+ma 'od gsal mdo sngags gling pa zhes mtshan gyi rnam grangs 'ga' mchis/rab byung bcu bzhi pa'i lcags 'brug (1820)lo'i bod zla drug pa'i tshes lnga la mdo khams sde dge gter klung dil mkho'i grong gi dbyar ru khyung chen brag nye 'dabs su yab rin chen rnam rgyal dang yum bsod nams mtsho gnyis kyi sras su 'khrungs/dgung lo bzhi lnga tsam nas yi ge 'bri klog la sbyangs pas tshegs med du mkhyen/dgung lo bcu gnyis thog e waM thar pa rtse'i mkhan chen byams pa nam mkha' 'chi med kyi yang srid du ngos bzung/mtshan 'jam dbyangs mkhyen brtse'i dbang po kun dga' bstan pa'i rgyal mtshan dpal bzang po zhes gsol/dgung lo nyer gcig par smin gling mkhan chen rig 'dzin bzang po las bsnyen par rdzogs/smin gling khri chen 'gyur med sangs rgyas kun dga' dang/zhe chen 'gyur med mthu stobs rnam rgyal/sa skya pa rdo rje rin chen sogs sa dge bka' snying gi bla ma skyes bu dam pa dang/rig pa'i gnas la byang chub pa'i mkhas dbang du ma'i zhabs la gtugs nas mdo sngags rig gnas dang bcas thun mong dang thun min gyi gzhung lugs mtha' dag sbyangs pa dpyis phyin mdzad/snga 'gyur rnying ma'i bka' gter dag snang gi chos bka' rnams dang/bka' gdams gsar rnying gi chos grub chen bu ru pa'i thugs bcud dpal ldan sa skya pa yab sras las byon cing sa ngor mtshar gsum sogs su brgyud pa'i lam 'bras bu dang bcas pa'i gdams ngag /bka' brgyud che bzhi chung brgyad bcas bka' bzhi brgyud pa'i ngag man/dpal ldan shangs pa bka' brgyud kyi ni gu'i gser chos/dpal dus kyi 'khor lo'i rdzogs rim rdo rje'i rnal 'byor rtsal du bton pa sbyor ba yan lag drug pa sogs gangs can ljongs su man ngag gtso bor byed pa/sgrub brgyud shing rta brgyad du grags pa de dag gi dbang lung khrid dang bcas pa thugs la gtams/de bzhin rgyal ba'i bka' 'gyur rin po che dang/rnying ma rgyud 'bum/bstan 'gyur sogs kyis gtsos 'phags bod rim med kyi gsung chos yongs bsdoms glegs bam bdun brgya tsam gyi bklag lung mtha' dag gsan bzhes mdzad/mdor na/gsang gsang gsar rnying dang/sa gter/yang gter/dgongs gter/rjes dran/dag snang/snyan brgyud bcas bka' bab bdun dang ldan zhing/rnying ma dang/bka' gdams/lam 'bras/mar pa bka' brgyud/shangs chos/zhi gcod rdo rje'i rnal 'byor/bsnyen sgrub bcas sgrub brgyud shing rta brgyad kyi ring lugs gsal bar mdzad pa'i dpe gzhung dang/sgra/snyan ngag /gso rig skor sogs kyi gsung rtsom par du 'khod pa glegs bam bcu gsum bzhugs shing/zhal slob kyang kong sprul yon tan rgya mtsho dang/'ju mi pham 'jam dbyangs rnam rgyal rgya mtsho/rdo grub chen 'jigs med bstan pa'i nyi ma/sa skya khri chen bkra shis rin chen/na len+d+ra'i gzigs 'og /rgyal ba karma pa sku phreng bcu bzhi pa dang bco lnga pa/si tu sku phreng bcu pa dang bcu gcig pa/stag lung pa rin po che dkon mchog bstan pa rab rgyas/brag g.yab no mi han sogs sa bka' rnying gsum dang dge lugs pa/g.yung drung bon gyi bstan pa 'dzin pa sogs mkhas grub bstan 'dzin gyi skyes bu grangs las 'das pa byon/gzhan yang sku gsung thugs rten brgya phrag lhag dang/de dag bzhugs su gsol ba'i lha khang che chung sum cu skor gsar bzhengs mdzad pa sogs sku tshe hril por bstan 'gro'i don 'ba' zhig la gzhol nas rlabs chen gyi mdzad pa re zhig mthar son te dgung grangs don gsum bzhes pa rab byung bco lnga pa'i chu 'brug (1892)lo'i bod zla gnyis pi tshes nyer gcig nyin sku mya ngan las 'das

{{#arraymap:'jam dbyangs mkhyen brtse dbang po

|; |@@@ | | }}