'khon dkon mchog rgyal po

'khon dkon mchog rgyal po

dpal ldan sa skya ba'i gdung rgyud kyi thog ma yin/yab 'khon shAkya blo gros kyis sku tshe'i smad du g.ya' lug mkhar stabs bzung nas srang gnyis (che ba 'khon rog shes rab tshul khrims dang chung ba dam pa 'di yin )rab byung dang po'i shing khyi (1034)lor sku 'khrungs/('dir (sa skya gdung rabs rin chen bang mdzod )lcags dpar ma'i shog grangs 18par shing pho bya ba la 'khrungs zhes pa de ma dag) gzhon nu'i dus su yab dang gcen las gsang sngags snga 'gyur gyi chos mang du gsan/de nas thengs gcig 'bro yi lang par ston mo chen po zhig byung bar gzigs su byon pas/ltad mo'i nang sngags pa khag gcig gis dbang phyug ma nyi shu rtsa brgyad kyi mgo brnyan gyon/lag tu phyag mtshan khyer/ma mo ral pa can sa rnga stabs dang bcas te 'chams 'khrab kyin 'dug pa de yi gnas tshul gcen la zhus pas/gsang sngags gnang nas bya dgos pa khrom dkyil du ltad mo'i ched du 'khrab pa 'di gsang sngags 'chol pa bya ba yin/da khyod rang gsang sngags gsar ma slob deng sang 'brog mi lo tsA ba mkhas pas de'i sar rgyugs cig gsungs pa ltar 'brog mi'i drung du phebs te gsang snga gas gsar ma dang/lam 'bras man ngag dang bcas pa cha tshang bar gsan nas slob ma'i gtso bo lnga'i gras su gyur/gan yang mal gya lo tsA ba blo gros grags/ba ri lo tsA ba/pu hrengs lo tsA ba/gna' kha'u pa sku mched sogs bla ma mang po'i drung nas gsang sngags gsar ma'i chos bka' rgya cher gsan/de nas nying cig skyo sangs dang chabs cig ri rtser byos nas gzigs pas dpon po ri yi dbyibs glang po che nyam ba 'dra ba'i mkhal khul na sa dkar zhing snum pa/chu g.yas phyogs su 'bab pa yongs sa dpyad bzang bar gzigs te de'i rgyud kyi sa cha'i bdag po jo bor gdong nag pa la sa cha gnang bar zhus pas sa cha phul zhing thad ka'i grong bdun zer ba de rnams la gsungs pas khong rnams kyis kyang sa rin mi dgos par phul bas/khyed rnams kyis nga la sa cha'i rin mi dgos par phul ba de thugs rje chen yang phugs su brtan pa'i ched ngas rin sde sel tsam zhig 'bul rgyu yin pas len dgos gsungs te rgod pa dkar mo gcig /nor bu'i phreng ba gcig /mo gos gcig la sogs pa gnang nas/mon grog man nas 'bal grog yan bla ma nyid la bdag pa'i khas len zhus/dgung lo bzhi bcu pa rab byung dang po'i chu glang (1073)lor gdan sa chen po dpal ldan sa skya phyag btab/bla ma gnam kha'u pas lung bstan pa ltar ma gcig zhing mo bdag mor gsang ba'i sgo nas bzhengs pas sras sa chen kun dga' snying po sku 'khrungs/de'i gnas tshul bdag mo bgres pas mkhyen rjes mnyes tshor chen pos sa skya'i mdun gyi mchod zhing ma gtogs pa'i mchod gzhis nor rdzas gang yod ma gcig zhang mo yum sras la phul nas 'khon ston mchog gis lo sum cu tham pa'i ring sa skya'i gdan sa mdzad nas 'brog mi lo tsA ba nas brgyud pa'i lam 'bras gtso bor bzung ba'i chos bka' dar spel mdzad/dgung lo re dgu pa rab byung gnyis pa'i chu rta (1102)lor sgo rum du sku gshegs/sku gdung ril por bzhugs pa'i ma chod rten 'khon sku 'bum du grags pa gdan sa byang gi nang rten du bzhugs/lo rgyus rnam thar skor bdag chen a myes ngag dbang kun dga' bsod nams kyis mdzad pa'i (sa skya'i gdung rabs rin chen bang mdzod )lcags dpar ma'i shog grangs 18nas 25bar gsal

{{#arraymap:'khon dkon mchog rgyal po

|; |@@@ | | }}